រូងក្រោមដីចំនួន ៧៥ កន្លែងនៃផ្លូវរថភ្លើងភ្ជាប់ពីឡាវ – ចិន បញ្ចប់ការសាងសង់ហើយ

• 14 ខែ​ធ្នូ 2020
• Uncategorized
• 8 មើល

គម្រោងផ្លូវរូងក្រោមដីដ៏ធំសម្បើមចំនួន ៧៥ កន្លែងនៃខ្សែផ្លូវរថភ្លើងតភ្ជាប់ពីឡាវ ទៅ ចិន ប្រវែងប្រមាណ ៤១៤ គ.ម បានបញ្ចប់ការដ្ឋានសាងសង់ហើយ។ នេះបើយោងតាម ក្រុមហ៊ុនអភិវឌ្ឍន៍ Laos-China Railway Company (LCRC) កាលពីពេលថ្មីៗនេះ។

គម្រោងផ្លូវរថភ្លើងតភ្ជាប់ពីឡាវ ទៅ ចិននេះ គឺជាគម្រោងក៏ធំសម្បើមមួយ ដែលតម្រូវឱ្យមានការសាងសង់ផ្លូវរូងក្រោមដីចំនួន ៧៥ ខ្សែ ឆ្លងកាត់តំបន់ភ្នំ និងព្រៃឈើទាំងក្នុងប្រទេសឡាវ និងចិន។

កំពុងសាងសង់ឡើងក្រោមទុនវិនិយោគជាង ៦ ពាន់លានដុល្លារអាមេរិក ជាងពាក់កណ្តាលនៃផ្លូវរថភ្លើងនេះ ត្រូវសាងសង់ជាផ្លូវក្រោមដី ឬសង់ជាផ្លូវអាកាស ពោលគឺ មានផ្លូវក្រោមដីប្រវែង ១៩៨ គីឡូម៉ែត្រ និងស្ពានផុតពីដីប្រវែង ៦២ គីឡូម៉ែត្រ។

មកទល់បច្ចុប្បន្ន ការងារដែលនៅសេសសល់ រួមមានការបង្ហើយផ្លូវរត់ និងហេដ្ឋារចនាសម្ព័ន្ធផ្សេងៗដូចជាស្ថានីយរថភ្លើងជាដើម។

គម្រោងនេះចាប់ផ្ដើមសាងសង់តាំងពីខែធ្នូឆ្នាំ ២០១៦ មកម្លេះ ហើយគ្រោងនឹងបញ្ចប់ ហើយបើកដំណើរនៅខែធ្នូឆ្នាំ ២០២១ ខាងមុខនេះ។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍