ការផ្ដល់សញ្ជាតិ ឬសិទ្ធស្នាក់នៅដល់បរទេសដែលវិនិយោគលើអចលនទ្រព្យ អាចជាចលករជំរុញសេដ្ឋកិច្ចដ៏ល្អមួយ

• 18 ខែ​ធ្នូ 2020
• ព័ត៌មានសំណង់
• 10 មើល

គោលនយោបាយផ្ដល់សញ្ជាតិ ឬ ទិដ្ឋាការស្នាក់នៅរយៈពេលយូរដល់ជនបរទេស តាមរយៈការវិនិយោគលើអចលនទ្រព្យដូចជាខុនដូ ឬអាផាតមិនក្នុងស្រុក ដែលប្រទេសមួយចំនួនជុំវិញពិភពលោកកំពុងអនុវត្ត ចាត់ទុកថាជាគន្លឹះ ឬចលករមួយ ក្នុងការជួយស្ដារទីផ្សារអចលនទ្រព្យ ឬសេដ្ឋកិច្ចទាំងមូលឱ្យងើបពីវិបត្តិកូវីដ។

តួយ៉ាងដូចជា នៅឆ្នាំ ២០២១ ខាងមុខនេះ ប្រទេសថៃនឹងចាប់ផ្ដើមផ្តល់ទិដ្ឋាការស្នាក់នៅដល់ជនបរទេសណាដែលទិញខុនដូ ឬ អាផាតមិន។ ការសម្រេចចិត្តអនុវត្តគោលនយោបាយនេះ គឺដើម្បីស្ដារទីផ្សារអចលនទ្រព្យក្នុងស្រុក ដែលរងសម្ពាធយ៉ាងខ្លាំងពីវិបត្តិកូវីដ ក៏ដូចជាដើម្បីជំរុញការលក់ចេញឱ្យអស់នូវគម្រោងដែលសាងសង់រួច។

លោក Somchai Soongswang ប្រធានគ្រប់គ្រងលើបណ្ណសិទ្ធិពិសេសរបស់ជនបរទេស ឬ Thailand Privilege Card បាននិយាយថា សម្រាប់ជនបរទេសដែលទិញខុនដូ ឬ អាផាតមិនសាងសង់រួច មួយ ឬ ច្រើនយូនីត ក្នុងតម្លៃ ៣៣ម៉ឺនដុល្លារឡើងទៅ នឹងទទួលបានទិដ្ឋាការស្នាក់នៅរយៈពេល ៥ ឆ្នាំ ដោយឥតគិតថ្លៃ ឬក្នុងតម្លៃទាបជាងមុន (ដែលជាទូទៅតម្លៃទិដ្ឋាការមួយដងគឺ ១៦ ០០០ ដុល្លារសម្រាប់រយៈពេល៥ឆ្នាំ)។

ទិដ្ឋាការដែលមានឈ្មោះថា Elite Flexible One នេះ មានអត្ថប្រយោជន៍ផ្សេងៗទៀតដូចជា សេវារហ័សលើការត្រួតពិនិត្យលិខិតឆ្លងដែន ឬ ហៅថាសេវាកម្ម VIPនៅព្រលានយន្តហោះ សេវាកម្មឡានទៅមកព្រលាន ២៤ ដងក្នុងមួយឆ្នាំ និងសេវាកម្មជាច្រើនទៀត។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍