អគារខ្ពស់ស្ដួចជាងគេលើពិភពលោក បញ្ចប់ការសាងសង់ហើយ

• 9 ខែ​មេសា 2022
• ព័ត៌មានសំណង់
• 10 មើល

អគារខ្ពស់កប់ពពកតែស្គមស្ដួចជាងគេនៅលើពិភពលោក ដែលមានទីតាំងនៅទីក្រុងញូវយ៉ក ឈ្មោះថា Steinway Tower ឬ 111 West 57th Street បានបញ្ចប់ការសាងសង់ហើយ និងបើកឱ្យម្ចាស់យូនីតអាចចូលរស់នៅបាន។

អគារនេះមានកម្ពស់ ៤៣៥ ម៉ែត្រ តែមានទទឹងមុខអគារត្រឹម ១៨ ម៉ែត្រប៉ុណ្ណោះ ពោលគឺកម្ពស់មានដល់ទៅ ២៤ ដងនៃទទឹងអគារ ហើយមានសរុប ៨៤ ជាន់ និងផ្ទៃក្រឡាជាង ៥៣០ ០០០ ម៉ែត្រការ៉េ។

អភិវឌ្ឍដោយ JDS Development Group និង Property Markets Group ជាមួយនឹងទុនវិនិយោគ ២ ពាន់លានដុល្លារអាមេរិក អគានេះគឺជាអគារលំនៅឋាន ដោយមានទាំងអស់ ៦០ យូនីត ដែលតម្លៃចាប់ពី ៧ លាន ទៅ ៦៦លានដុល្លារ ក្នុង១ យូនីត។

អគារនេះប្រើបេតុងរឹងមាំបំផុតក្នុងពិភពលោក ហើយត្រូវបានពង្រឹងដោយដែកសរុបប្រវែង ១,៦ លានម៉ែត្រ។

វិស្វករក៏បាន ក៏បានសង់ផ្ទះមេកានិកដ៏ធំមួយមានឧបករណ៍បំផ្ទុះម៉ាស់ (Tuned mass damper) ៨០០ តោន ដើម្បីកាត់បន្ថយចលនា និងរំញ័រនៅខាងក្នុងអគារ។

ស្ថាបត្យករបាននិយាយថា គោលដៅចម្បងរបស់ពួកគេគឺបង្កើត អគារប្រវិត្តសាស្ដ្រមួយនៅក្នុងទីក្រុងញូវយ៉ក។

• គម្រោងហេដ្ឋារចនាសម្ព័ន្ធ និងវិស្វកម្មធំៗ
• គម្រោងហេដ្ឋារចនាសម្ព័ន្ធ និងវិស្វកម្មធំៗ
• Mega Infrastructure and Engineering