រដ្ឋាភិបាលអនុម័តគម្រោងសាងសង់រោងចក្រធំៗ ២កន្លែងទៀត តម្លៃប្រមាណ ៥លានដុល្លារ

• 7 ខែ​ឧសភា 2021
• Uncategorized
• 8 មើល

ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រចំនួន ២កន្លែង ទៀត តម្លៃសរុប ៤,៧ លានដុល្លារអាមេរិក នៅខេត្តបាត់ដំបង និងខេត្តកំពង់ស្ពឺ។

ក្រុមហ៊ុនទី១ គឺក្រុមហ៊ុន GREEN POWER BIOCHEMICAL CO., LTD ដែលនឹងវិនិយោគប្រមាណ ២,៣លានដុល្លារអាមេរិក បង្កើតរោងចក្រផលិតជីវគីមី ដែលមានទីតាំងវិនិយោគស្ថិតនៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង។

ចំណែកឯ ក្រុមហ៊ុនទី ២ គឺក្រុមហ៊ុន CONTENDER COMPOSITE CO., LTD ដែលនឹងវិនិយោគ ២,៤ លានដុល្លារអាមេរិក បង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិព្រៃស្តេច ឃុំវាល ស្រុកគងពិសី ខេត្តកំពង់ស្ពឺ។

បើតាមក្រុមប្រឹក្សាអភិវឌ្ឍន៍កម្ពុជា គម្រោងវិនិយោគទាំង ២ ខាងលើនេះ នឹងផ្តល់ការងារចំនួន ៦០១ កន្លែង ដល់ប្រជាពលរដ្ឋក្នុងតំបន់។

គួរបញ្ជាក់ផងដែរថា កាលពីថ្ងៃទី ៥ ឧសភា កន្លងមក ក្រុមប្រឹក្សាអភិវឌ្ឍន៍កម្ពុជាក៏ទើបអនុម័តគម្រោងវិនិយោគចំនួន ៦ តម្លៃជាង ១០០ លានដុល្លារ ដែលក្នុងក៏មានគម្រោងសណ្ឋាគារលំដាប់ផ្កាយ ៥ ថ្មីមួយតម្លៃជិត ៥០លានដុល្លារ នៅខេត្តព្រះសីហនុផងដែរ។ (អានបន្ថែម)

សម្រាប់ឆ្នាំ ២០២១ នេះ គិតត្រឹមដើមខែឧសភានេះ ក្រុមប្រឹក្សាអភិវឌ្ឍន៍កម្ពុជា បានសម្រេចអនុម័តគម្រោងធំៗ ជាច្រើនដែលមានទុនវិនិយោគសរុបមានប្រមាណជាង២,១ ពាន់លានដុល្លារ។

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• ការវិនិយោគ និងមូលធន