អ្នកទទួលបានដីរដ្ឋពីការកាត់ឆ្វៀលនៅកោះកុង ត្រូវសុំអនុញ្ញាតសិនមុនកាប់ព្រៃធ្វើសំណង់

• 19 ខែ​ឧសភា 2021
• ព័ត៌មានអចលនទ្រព្យ
• 9 មើល

ពលរដ្ឋដែលអះអាងថាខ្លួនទទួលបានដីពីរដ្ឋក្រោយការកាត់ឆ្វៀល ត្រូវមកសុំការអនុញ្ញាតចុះបញ្ជីដីជាមុនសិន មុននឹងចាប់ផ្ដើមឈូសឆាយ កាប់ព្រៃ ឬអភិវឌ្ឍដីធ្វើសំណង់ផ្សេងៗ។ នេះបើយោងតាមសេចក្ដីប្រកាសរបស់រដ្ឋបាលស្រុកបូទុមសាគរ ខេត្តកោះកុង កាលពីថ្ងៃទី១៨ ខែឧសភា កន្លងទៅ។

យោងតាមសេចក្ដីប្រកាស ទីតាំងដែលតម្រូវឱ្យសុំការអនុញ្ញាតអភិវឌ្ឍរួមមាន ដីដែលកាត់ឆ្វៀលឱ្យពលរដ្ឋចេញពី ១) ឧទ្យានជាតិបូទុមសារគរ ២) តំបន់គម្របព្រៃឈើ ២០០២ ៣) តំបន់ប្រើប្រាស់ច្រើនយ៉ាង-ដងពែង និង ៤) តំបន់ដែនជម្រកសត្វព្រៃតាតៃ។

ហេតុដូច្នេះ ពលរដ្ឋដែលអះអាងថាខ្លួនមានកម្មសិទ្ធិលើដីក្នុងតំបន់ទាំងនោះ ត្រូវរៀបចំឯកសារ ដើម្បីស្នើសុំចុះបញ្ជីដី អភិវឌ្ឍន៍ដី ទៅកាន់គណៈកម្មាធិការគ្រប់គ្រងដីថ្នាក់ខេត្ត តាមរយៈភូមិ ឃុំ និងស្រុក។

ក្រោយដាក់ស្នើ គណៈកម្មាធិការនឹងចុះពិនិត្យ និងវាយតម្លៃជាមុនសិន មុននឹងសម្រេចផ្តល់លិខិតអនុញ្ញាតជូនឱ្យអភិវឌ្ឍ។

ទាយយកសេចក្តីជូនដំណឹង

• ច្បាប់ និងបញ្ញាត្តិ
• គោលនយោបាយ និងការអភិវឌ្ឍដីធ្លី
• ច្បាប់ និងបញ្ញាត្តិ