សែនសុខ អង្គស្នួល និងសំរោងទង កំពុងមានសក្ដានុពល ទើបទាក់ទាញរោងចក្រថ្មី ៣តម្លៃជិត១០លាន ដុល្លារ

• 31 ខែ​ឧសភា 2021
• Uncategorized
• 13 មើល

ខណ្ឌសែនសុខ ស្រុកអង្គស្នួល និងស្រុកសំរោងទង កំពុងតែមានសក្ដានុពលខ្លាំង ដោយថ្មីៗនេះទើបតែទាក់ទាញគម្រោងវិនិយោគរោងចក្រ ៣ ធំៗ ដែលអនុម័តដោយក្រុមប្រឹក្សាអភិវឌ្ឍន៍កម្ពុជា (CDC) តម្លៃ សរុបប្រមាណ ៩,៦ លានដុល្លារអាមេរិក។

គម្រោងទី ១ ជារោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅផ្លូវលេខ១៩៨ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។ គម្រោងនេះ វិនិយោគដោយក្រុមហ៊ុន RUIXUE (CAMBODIA) CO., LTD ក្នុងទឹកប្រាក់ ៤,៥ លានដុល្លារអាមេរិក។

គម្រោងទី២ គឺ រោងចក្រផលិតថង់ប្លាស្ទីក ដែលមានទីតាំងវិនិយោគស្ថិតនៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ដែលជាការវិនិយោគរបស់ក្រុមហ៊ុន FU BI XING (CAMBODIA) PACKAGING CO., LTD ក្នុងទឹកប្រាក់ ២,៥ លានដុល្លារអាមេរិក។

ចំណែកឯ គម្រោងទី ៣ គឺរោងចក្រផលិតកាបូប និងវ៉ាលិសគ្រប់ប្រភេទ ដែលមានទីតាំងស្ថិតនៅផ្លូវជាតិលេខ៥១ ភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល។ គម្រោងនេះវិនិយោគដោយក្រុមហ៊ុន SHENG HE LEISURE BAG (CAMBODIA) CO., LTD ជាមួយនឹងទុន ២, ៦ លានដុល្លារអាមេរិក។

បើតាមក្រុមប្រឹក្សាអភិវឌ្ឍន៍កម្ពុជា គម្រោងវិនិយោគទាំង ៣ ខាងលើនេះ នឹងផ្តល់ការងារចំនួន ២៥៤៣ កន្លែង ដល់ប្រជាពលរដ្ឋក្នុងតំបន់។

សម្រាប់ឆ្នាំ ២០២១ នេះ គិតត្រឹមចុងខែឧសភានេះ ក្រុមប្រឹក្សាអភិវឌ្ឍន៍កម្ពុជា បានសម្រេចអនុម័តគម្រោងធំៗ ជាច្រើនដែលមានទុនវិនិយោគសរុបមានប្រមាណជាង២,១ ពាន់លានដុល្លារ។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍