កូនបំណុលក្នុងវិស័យសំណង់ប៉ះពាល់ដោយវិបត្តិកូវីដកំពុងស្នើរៀបចំកម្ចីឡើងវិញ មានជាង ២ម៉ឺនគណនី

• 3 ខែ​មិថុនា 2021
• ព័ត៌មានអចលនទ្រព្យ
• 15 មើល

ចំនួនកូនបំណុលដែលប៉ះពាល់ដោយវិបត្តិកូវីដ ហើយស្នើរៀបចំកម្ចីឡើងវិញ នៅឆ្នាំ ២០២០ (សុំសងតែការប្រាក់ មិនសងប្រាក់ដើមមួយរយៈ) មានជាង ២៤០,០០០ គណនី ដែលក្នុងនោះកូនបំណុលក្នុងវិស័យសំណង់ស្ថិតលំដាប់ទី ៤ ដែលមានគណនីសរុបចំនួន ២០ ៦០៩ គណនី។

នេះបើយោងតាមរបាយការណ៍ស្ថិរភាពហិរញ្ញវត្ថុប្រចាំឆ្នាំ២០២០ ដែលចេញផ្សាយនៅថ្ងៃទី ៣១ ឧសភា។

របាយការណ៍ដដែលបានបន្ថែមថា រៀបចំកម្ចីឡើងវិញនេះបានជួយដល់កូនបំណុលដែលរងផលប៉ះពាល់ពីវិបត្តិកូវីដ ១៩ បានយ៉ាងច្រើន។

គួរបញ្ជាក់ផងដែរ ធនាគារជាតិនៃកម្ពុជា បានចេញសារាចរស្តីពីការរៀបចំកម្ចីឡើងវិញនេះ តាំងពីខែមីនាឆ្នាំ ២០២០ មកម្លេះ ដើម្បីឱ្យធនាគារពាណិជ្ជកម្ម និងស្ថាប័នហិរញ្ញវត្ថុនានា បន្ធូរបន្ថយការសងដល់អតិថិជនដែលបាត់បង់ចំណូល។

កម្មវិធីនេះផ្តល់អាទិភាពដល់វិស័យធំៗ ចំនួន៤ គឺវិស័យកាត់ដែរ ដឹកជញ្ជូន និងព័ស្តុភារ ទេសចរណ៍ និងសំណង់។

បើយោងតាមរបាយការណ៍ដដែល ត្រឹមចុងឆ្នាំ ២០២០ ប្រាក់កម្ចីដែលបានរៀបចំឡើងវិញមានចំនួន ៤ពាន់លានដុល្លារអាមេរិក ឬស្មើនឹង ១០,៧% នៃប្រាក់កម្ចីសរុប។ ហើយបើគិតជាចំនួនគណនីគឺមានដល់ទៅ ២៤២ ៨៤១ គណនី។

• អត្ថបទវិភាគ
• ធុរកិច្ច និងទីផ្សារ
• អត្ថបទវិភាគ
• ធុរកិច្ច និងទីផ្សារ