កម្ពុជាផលិតអគ្គិសនីបាន ២៧០០មេហ្គាវ៉ាត់ គ្រោងបង្កើនដល់ ១ម៉ឺនមេហ្គាវ៉ាតនៅឆ្នាំ២០៣០

• 7 ខែ​មិថុនា 2021
• Uncategorized
• 12 មើល

កម្ពុជាអាចផលិតថាមពលអនុភាពអតិប្បរមា ២ ៧៣១មេហ្គាវ៉ាត់ គិតត្រឹមពេលបច្ចុប្បន្ន ខណៈរាជរដ្ឋាភិបាលកំពុងជំរុញការវិនិយោគលើរោងចក្រផលិតអគ្គិសនីបន្ថែមទៀត ដើម្បីបង្កើនអនុភាពរហូតដល់ទៅ ១០ ០០០ មេហ្គាវ៉ាត់ ត្រឹមឆ្នាំ២០៣០។

យោងតាមក្រសួងរ៉ែ និងថាមពល បច្ចុប្បន្នប្រភពថាមពលបានមកពីរោងចក្រដុតប្រេងខ្មៅមានអានុភាពសរុប ២៣៦មេហ្គាវ៉ាត់ រោងចក្រជីវម៉ាស ១១១ មេហ្គាវ៉ាត ស្ថានីយថាមពលពន្លឺព្រះអាទិត្យ ៣៦០មេហ្គាវ៉ាត់ រោងចក្រថាមពលដុតធ្យូងថ្ម ៦៧៥ មេហ្គាវ៉ាត់ និងវារីអគ្គិសនី អនុភាពសរុប ១ ៣២៩ មេហ្គាវ៉ាត់។

ឯកឧត្តម វិចទ័រ ហ្សូណា អគ្គនាយកថាមពល នៃក្រសួងរ៉ែ និងថាមពល បានមានប្រសាសន៍ថា ការផលិតថាមពលចេញពីប្រភពថាមពលចម្រុះ កំពុងត្រូវបានជំរុញ និងពន្លឿន ដើម្បីបានថាមពលផ្គត់ផ្គង់មានស្ថិរភាព។

ឯកឧត្តម បន្តថា កម្ពុជាអាចនឹងមានប្រភពថាមពលកកើតឡើងវិញបន្ថែមទៀត ពោលគឺថាមពលដើរដោយកម្លាំងខ្យល់ ខណៈក្រុមហ៊ុនចំនួន ២ បានកំពុងសិក្សា និងចចារថ្លៃលក់អគ្គិសនី។ (អានបន្ថែម និងបន្ថែម)។

តាមផែនការ ក្រសួងរ៉ែ និងថាមពល បានកំណត់បង្កើនថាមពលផ្គត់ផ្គង់រហូតដល់ ១០ ០០០ មេហ្គាវ៉ាត នៅក្នុងរយៈពេល១០ឆ្នាំខាងមុខ ដើម្បីឆ្លើយតបទៅនឹងសកម្មភាពអភិវឌ្ឍន៍នៃសេដ្ឋកិច្ចប្រទេស៕

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន