សំណង់នានានៅកម្ពុជានឹងមានស្ដង់ដារជាងមុន ខណៈរដ្ឋកំពុងត្រៀមចេញច្បាប់ក្រមសីលធម៌វិស្វករ

• 23 ខែ​មិថុនា 2021
• Uncategorized
• 8 មើល

ក្រសួងការងារ និងបណ្តុះបណ្តាលវិជ្ជាជីវៈ និងគណៈវិស្វករកម្ពុជា កំពុងធ្វើការរួមគ្នា ពន្លឿនរៀបចំសេចក្តីព្រាងអនុក្រឹត្យក្រមសីលធ៌មវិស្វករ ដើម្បីឈានទៅរកការអនុម័តឱ្យអនុវត្តឆាប់ៗនេះ។

ការចេញអនុក្រឹត្យនេះ ចាត់ទុកជាចលករសំខាន់មួយជួយពង្រឹងគុណភាពវិស្វករក្នុងស្រុក ក៏ដូចជា ជួយឱ្យវិស័យសំណង់នៅកម្ពុជាមានស្ដង់ដារជាងមុនផងដែរ។

ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ក្នុងកិច្ចប្រជុំពិភាក្សារកធាតុចូល កាលពីថ្ងៃ ២១ ខែមិថុនា ថា អនុក្រឹតនេះ ធ្វើឡើងក្នុងគោលបំណងដើម្បីលើកកម្ពស់សីលធម៌របស់វិស្វករ និងភាពសុច្ចរិតក្នុងការប្រកបវិជ្ជាជីវៈដោយ គុណភាព និងប្រសិទ្ធភាព។

«បច្ចុប្បន្ន ការរៀបរៀងគឺជិតបញ្ចប់ហើយ នៅសល់តែរកធាតុចូលបន្ថែម និងបន្តពិនិត្យកែសម្រួល មុននឹងស្នើសុំការសម្រេចចុះហត្ថលេខាពីសម្តេច ហ៊ុន សែន»។

គួរបញ្ជាក់ផងដែរថា របាយការណ៍របស់ ក្រសួងរៀបចំដែនដី នគរូបនីយកម្ម និងសំណង់ កាលថ្ងៃទី៤ ខែឧសភា ឆ្នាំ២០២១ បានបង្ហាញថា វិស្វករក្នុងវិស័យសំណង់ដែលចុះបញ្ជីមាននាពេលបច្ចុបន្នមានសរុប ៤ ៦២៣ នាក់។ (អានបន្ថែម)

• ច្បាប់ និងបញ្ញាត្តិ
• Laws and Regulation
• ច្បាប់ និងបញ្ញាត្តិ