កូរ៉េកំពុងគូសប្លង់ និងរើសទីតាំងស្ពានអរិយក្សត្រ តែនឹងបញ្ចប់ពេលណាក្រសួងមិនបញ្ជាក់បានទេ

• 12 ខែ​កក្កដា 2021
• Uncategorized
• 10 មើល

ក្រុមជំនាញប្រទេសកូរ៉េខាងត្បូង កំពុងសិក្សាគូសប្លង់ និងជ្រើសរើសទីតាំងសម្រាប់គម្រោងស្ពានឆ្លងទន្លេរវាងជ្រោយចង្វារ និងតំបន់អរិយក្សត្រ ប៉ុន្តែការសិក្សានឹងបញ្ចប់នៅពេលណា ឬស្ពាននឹងចាប់ផ្ដើមសាងសង់នៅឆ្នាំណា ក្រសួងនៅតែមិនទាន់បញ្ជាក់បាននៅឡើយទេ។

នេះបើយោងតាម ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន កាលពីសប្ដាហ៍មុននេះ។

ឯកឧត្តម ថ្លែងថា៖ «ក្រុមការងារកំពុងស្ថិតក្នុងដំណាក់កាលចុងក្រោយ និងគូសប្លង់។ គេមានគណៈកម្មការគម្រោងរបស់គេហើយ ឥឡូវគេកំពុងតែចរចារឿង Design និងរឿងជ្រើសរើសទីតាំង»។

គួរបញ្ជាក់ផងដែរ គម្រោងនេះជាគម្រោងស្ពានដែលគ្រប់គ្នាទន្ទឹងរង់ចាំជាយូរឆ្នាំមកហើយ ដោយទើបតែមានដំណឹងល្អកាលពីឆ្នាំមុនថា រដ្ឋាភិបាលកូរ៉េខាងត្បូងបានសម្រេចផ្តល់ជំនួយសាងសង់តាមសំណើរបស់ប្រមុខរាជរដ្ឋាភិបាលកម្ពុជា។ (អានបន្ថែម)

បើតាម ឯកឧត្តម ស៊ុន ចាន់ថុល ទេសរដ្ឋមន្រ្តី និងជារដ្ឋមន្រ្តីក្រសួងសាធារណៈ និងដឹកជញ្ជូន កាលពីពេលថ្មីៗនេះ បញ្ជាក់ថា នៅពេលការសិក្សាលើគម្រោងនេះត្រូវបានបញ្ចប់ ក្រសួងនឹងបើកការដេញថ្លៃសាងសង់ស្ពានជាសាធារណៈ។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍