កាស៊ីណូខ្នាតយក្សនៅប៉ោយប៉ែត Star Vegas បន្តធ្លាក់ចំណូលខ្លាំង ក្នុងត្រីមាសទី២ នេះ

• 30 ខែ​កក្កដា 2021
• ព័ត៌មានអចលនទ្រព្យ
• 10 មើល

ក្រុមហ៊ុនកាស៊ីណូខ្នាតយក្សនៅប៉ោយប៉ែត Star Vegas បានប្រកាសថាខ្លួនខាតទុនប្រមាណ ៥៣ម៉ឺនដុល្លារអូស្រ្ដាលី ក្នុងត្រីមាសទី២ ឆ្នាំ២០២១ ដែលបណ្ដាលមកពីការបិទទ្វារកាស៊ីណូមួយរយៈចុងក្រោយ។ នេះបើយោងតាមការចុះផ្សាយរបស់ព័ត៌មាន Inside Asian Gaming។

ក្នុងត្រីមាសទី២ នេះ ចំណូលក្រុមហ៊ុនមានត្រឹម ១, លានដុល្លារអូស្រ្ដាលី ប៉ុណ្ណោះ ដែលធ្លាក់ចុះ ៥៦% បើធៀបនឹងត្រីមាសទី១ ខណៈចំណាយគឺនៅតែមានខ្ពស់។

ក្រុមហ៊ុនបានបញ្ជាក់ថា ការខាតទុននេះគឺបណ្ដាលមកពីក្រុមហ៊ុនបានប្រកាសបិទទ្វារកាស៊ីណូបណ្តោះអាសន្ន តាំងពីចុងខែមេសា។

លោក Paul Porntat នាយកប្រតិបត្តិក្រុមហ៊ុនបានលើកឡើងថា៖ «ការបិទទ្វារ ដោយសារវិបត្តិកូវីដ១៩ បានប៉ះពាល់ខ្លាំងដល់ឧស្សាហកម្មនេះទាំងមូល ប៉ុន្តែវិធានការសុខភាពសាធារណៈ និងសុវត្ថិភាពបុគ្គលិកនៅតែគឺជារឿងអទិភាពបំផុត»។

• ធុរកិច្ច និងទីផ្សារ
• ធុរកិច្ច និងទីផ្សារ