មជ្ឈមណ្ឌលធុរកិច្ចថ្មី តម្លៃ២,៧លានដុល្លារ បើកការដ្ឋានសាងសង់ក្រោមជំនួយរបស់កូរ៉េខាត្បូង

• 3 ខែ​កញ្ញា 2021
• Uncategorized
• 11 មើល

អគារមជ្ឈមណ្ឌលជាតិបណ្តុះបណ្តាលធុរកិច្ចថ្មីនៃកម្ពុជា ឬNICC បានការដ្ឋានសាងសង់ជាផ្លូវការហើយ នៅក្នុងបរិវេណនៃសកលវិទ្យាល័យភូមិន្ទភ្នំពេញ កាលពីព្រឹកថ្ងៃទី៣ ខែកញ្ញានេះ ក្រោមជំនួយ ៨ លានដុល្លារ ពីទីភា្នក់ងារសហប្រតិបត្តិការអន្តរជាតិកូរ៉េ KOICA។

ពិធីបើកការដ្ឋាន ត្រូវបានធ្វើឡើងនៅក្រោមវត្តមានរបស់ ឯកឧត្តម ហង្ស ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា ឯកឧត្តម Park Heung-kyoeng អគ្គរដ្ឋទូតសាធារណរដ្ឋកូរ៉េ ឯកឧត្តម Rho Hyunjun នាយកប្រចាំប្រទេសនៃទីភ្នាក់ងារ KOICA និងឯកឧត្តម ជាតិ ជាលី សកលវិទ្យាធិការ។

បើតាមផែនការ មជ្ឈមមណ្ឌលនឹងត្រូវសាងសង់ជាអគារកម្ពស់ ៣ ជាន់ ដោយគ្រោងនឹងបញ្ចប់នៅឆ្នាំ ២០២៣ ខាងមុខ។

ឯកឧត្តម Rho Hyunjun សង្ឃឹមថាគម្រោងនេះ នឹងក្លាយជាការបោះជំហានសំខាន់មួយទៀតដើម្បីគាំទ្រដល់ ប្រព័ន្ធអេកូឡូស៊ីនៃការចាប់ផ្តើមបច្ចេកវិទ្យាឌីជីថល និងបណ្តាញទីផ្សារនៅកម្ពុជា ពិសេសចូលរួមលើកកម្ពស់សមត្ថភាពរបស់មនុស្សជំនាន់ក្រោយឱ្យអាចបង្កើតអាជីវកម្មដោយខ្លួនឯងបានដោយមានប្រសិទ្ធភាព។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍