កាស៊ីណូយក្ស NagaWorld បើកដំណើការឡើងវិញហើយ ក្រោយបិទ៦ខែ ព្រោះបញ្ហាកូវីដ

• 11 ខែ​តុលា 2021
• ព័ត៌មានអចលនទ្រព្យ
• 9 មើល

ក្រុមហ៊ុនកាស៊ីណូ NagaWorld បានបើកដំណើការឡើងវិញហើយ ទទួលភ្ញៀវដែលបានចាក់វ៉ាក់សាំងកូវីដ១៩ រួច ក្រោយបានបិទទ្វារបណ្តោះអាសន្នរយៈពេល ៦ ខែ តាំងពីខែ មេសា ដោយសារបញ្ហាកូវីដ។

ក្រុមហ៊ុន NagaCorp បានលើកឡើងថា ណាហ្គាវើល បានបើកទ្វារទទួលភ្ញៀវឡើងវិញ កាលពីថ្ងៃទី១៥ ខែកញ្ញា កន្លងទៅ ដោយទទួលបានការអនុញ្ញាតពីក្រសួងសុខាភិបាល ។

នៅក្នុងរបាយការណ៍ចេញផ្សាយកាលពីថ្ងៃទី៣ ខែតុលា ការបើកដំណើរការនេះ រួមមានកន្លែងលេងល្បែង ភោជនីយដ្ឋាន និងសណ្ឋាគារ ដោយផ្តោតទៅលើអតិថិជនដែលជាជនបរទេសនៅក្នុងប្រទេស។

ក្រុមហ៊ុនបញ្ជាក់ថា ខ្លួនអនុវត្តវិធានសុខាភិបាលយ៉ាងខ្ជាប់ខ្ជួន ដើម្បីចូលរួមការទប់ស្កាត់ការឆ្លងជំងឺកូវីដ១៩។

គួរបញ្ជាក់ថា កម្ពុជាកំពុងពិចារណាបើកទទួលភ្ញៀវទេសចរបរទេសដែលចាក់វ៉ាក់សាំងកូវីដ១៩ ឡើងវិញនៅត្រីមាសទី៤ឆ្នាំនេះ។

រូបភាពដោយ៖ golfcambodia

• ធុរកិច្ច និងទីផ្សារ
• ធុរកិច្ច និងទីផ្សារ