ទីផ្សារអគារការិយាល័យនៅកម្ពុជាបន្ដរងសម្ពាធពីវិបត្តិកូវីដ និងកំណើនលើសលុបនៃការផ្គត់ផ្គង់

• 21 ខែ​តុលា 2021
• ព័ត៌មានអចលនទ្រព្យ
• 10 មើល

ទីផ្សារការិយាល័យនៅទីក្រុងភ្នំពេញក្នុងត្រីមាសទី ៣ នៅតែស្ថិតក្រោមសម្ពាធ ដោយអត្រាកាន់កាប់ធ្លាក់ចុះ ៤,៦% បើធៀបនឹងត្រីមាសមុន ខណៈតម្លៃជួលក៏ធ្លាក់ប្រមាណ ១,៩% ទៅ ២,៨% ផងដែរ ទៅតាមប្រភេទផ្សេងៗគ្នា។ នេះបើយោងតាមរបាយការណ៍របស់ CBRE ចេញផ្សាយកាលពីថ្មីៗនេះ។

របាយការណ៍បានបន្ថែមថា បញ្ហាវិបត្តិកូវីដ និងការកើនលើសលុបនៃការផ្គត់ផ្គង់ នៅតែជាហានិភ័យធំដដែល ម្ចាស់អ្នកអភិវឌ្ឍត្រូវតែប្រុងប្រយ័ត្ន។

នៅត្រីមាសទី ៣ មានការបញ្ចប់ការសាងសង់គម្រោងថ្មីដល់ទៅ ៧ គម្រោង ឬស្មើនឹងផ្ទៃជួលសរុបជាង ៦១ ០០០ ម៉ែត្រការ៉េ។ គម្រោងទាំងនេះ ធ្វើឱ្យការផ្គត់ផ្គង់ការិយាល័យសរុបនៅភ្នំពេញដល់ ជាង ៧៨ ម៉ឺនម៉ែត្រការ៉េ ត្រឹមត្រីមាសទី ៣។

ត្រឹមចុងឆ្នាំនេះ ការផ្គត់ផ្គង់ត្រូវបានគេរំពឹងថានឹងកើនឡើងដល់ជាង ៧៩ ម៉ឺនម៉ែត្រការ៉េ ខណៈនៅឆ្នាំ ២០២២ នឹងកើនឡើងដល់ ១លានម៉ែត្រការ៉េ។

កំណើនការផ្គត់ផ្គង់ និងសម្ពាធពីជំងឺរាតត្បាត ក៏បានធ្វើឱ្យតម្រូវការធ្លាក់ចុះផងដែរ។ លើសពីនេះ អ្នកជួលដែលនៅសេសសល់ក្នុងទីផ្សារ ក៏កំពុងផ្លាស់ប្តូរនិន្នការទៅរកជម្រើសណា ដែលថោកហើយមានគុណភាពខ្ពស់។

• អត្ថបទវិភាគ
• អត្ថបទវិភាគ