រដ្ឋគ្រោងដាក់រមណីយដ្ឋានមួយកន្លែងក្នុងខេត្តព្រៃវែងជាតំបន់ការពារធម្មជាតិ

• 4 ខែ​វិច្ឆិកា 2021
• ព័ត៌មានអចលនទ្រព្យ
• 9 មើល

ក្រសួងបរិស្ថាន បានគ្រោងដាក់រមណីយដ្ឋានវប្បធម៌ និងប្រវត្តិសាស្រ្ត នគរភ្នំ-ឈើកាច់បាភ្នំ ស្ថិតក្នុងស្រុកបាភ្នំ នៃខេត្តព្រៃវែង ជាតំបន់ការពារធម្មជាតិ។ នេះបើតាមកិច្ចប្រជុំកាលពីថ្ងៃទី ០៣ ខែវិច្ឆិកា ឆ្នាំ២០២១។

កិច្ចប្រជុំនេះ បានធ្វើឡើងដោយមានការចូលរួមពីតំណាងក្រសួងការពារជាតិ តំណាងក្រសួងមហាផ្ទៃ តំណាងក្រសួងវប្បធម៌ និងវិចិត្រសិល្បៈ តំណាងរដ្ឋបាលខេត្តព្រៃវែង និងភាគីពាក់ព័ន្ធដទៃទៀត។

គ្រប់ភាគីបានឯកភាពជាគោលការណ៍គាំទ្រការរៀបចំបង្កើតតំបន់បេតិកភណ្ឌធម្មជាតិ និងវប្បធម៌ប្រវត្តិសាស្រ្ត នគរភ្នំ-ឈើកាច់បាភ្នំ។

មិនត្រឹមតែប៉ុណ្ណោះ កិច្ចប្រជុំនេះ បានឯកភាពគ្នាបង្កើតឱ្យមានក្រុមការងារអន្តរក្រសួង ដើម្បីចុះពិនិត្យ និងវាយតម្លៃ ស្ថានភាពជាក់ស្តែង មុននឹងរៀបចំអនុក្រឹត្យបង្កើតតំបន់ការពារធម្មជាតិនេះផងដែរ។

• ច្បាប់ និងបញ្ញាត្តិ
• នគរូបនីយកម្ម និងស្ថាបត្យកម្ម
• ច្បាប់ និងបញ្ញាត្តិ