អគារមណ្ឌលសុខភាពក្រុងកោះរ៉ុងដាក់ឱ្យប្រើប្រាស់ជាផ្លូវការហើយ

• 3 ខែ​វិច្ឆិកា 2021
• Uncategorized
• 12 មើល

អគារមណ្ឌលសុខភាពក្រុងកោះរ៉ុង ដែលមានទីតាំងស្ថិតនៅភូមិកោះតូច សង្កាត់កោះរ៉ុង ក្រុងកោះរ៉ុង ត្រូវបានប្រកាសដាក់សម្ពោធឱ្យប្រើប្រាស់ជាផ្លូវការហើយ កាលពីថ្ងៃទី២ ខែវិច្ឆិកា ឆ្នាំ២០២១។

ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានឱ្យដឹងថា ការដាក់ឱ្យប្រើប្រាស់នូវមណ្ឌលសុខភាពនេះ គឺជាការរំកិលសេវាសុខាភិបាលមកជិតប្រជាពលរដ្ឋ ដោយសារកន្លងមកនៅពេលមានអ្នកជំងឺ គឺត្រូវដឹកជញ្ជូនមកកាន់ដីគោក។ ក្រោយមានមណ្ឌលសុខភាពនេះ ប្រជាពលរដ្ឋអាចមកទទួលសេវាបានភ្លាមៗ និងងាយស្រួលជាងមុន។

ទន្ទឹមគ្នានេះ ឯកឧត្តមបន្តថា អគារមណ្ឌលសុខភាពនេះ ត្រូវបានបំពាក់នូវឧបករណ៍បន្ថែម ដើម្បីបម្រើឱ្យការព្យាបាលកាន់តែមានប្រសិទ្ធភាព។

គួរជម្រាបថា រដ្ឋបាលខេត្ត ក៏កំពុងត្រៀមនឹងដាក់ឱ្យដំណើរការអគាររដ្ឋបាល និងអាគារច្រកចេញចូលតែមួយនៅក្រុងកោះរ៉ុងផងដែរ ដើម្បីបំរើដល់សេចក្តីត្រូវការរបស់ប្រជាពលរដ្ឋ ពិសេសឆ្លើយតបតម្រូវការភ្ញៀវទេសចរណ៍មកកាន់តំបន់នេះ៕

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍