ឆ្នាំ ២០២២ រដ្ឋបង្កើតទីលានចាក់សំរាមស្តង់ដារយ៉ាងហោច ៦ កន្លែងទៀតតាមបណ្តាខេត្តនានា

• 1 ខែ​ធ្នូ 2021
• Uncategorized
• 7 មើល

រដ្ឋាភិបាលកម្ពុជាគ្រោងបង្កើតទីលានចាក់សំរាមស្តង់ដារបច្ចេកទេសត្រឹមត្រូវ នៅតាមបណ្តាខេត្តសំខាន់ៗមួយចំនួនទៀត ដោយយ៉ាងហោចគ្រោងនឹងបង្កើត ៦ កន្លែងនៅឆ្នាំ ២០២២ ខាងមុខនេះ ដើម្បីរួមចំណែក លើកកម្ពស់ប្រសិទ្ធភាពនៃការគ្រប់គ្រងកាកសំណល់។

នេះជាការបញ្ជាក់របស់ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន ក្នុងអំឡុងពេលទស្សនកិច្ច ទីលានចាក់សំរាមនៅខេត្តព្រះសីហនុ ដែលទើបតែនឹងដាក់ឱ្យដំណើរការកាលពីពេលថ្មីៗនេះ។

ថ្លែងប្រាប់អ្នកសារព័ត៌មាន កាលពីថ្ងៃទី៣០ ខែវិច្ឆិកា ឆ្នាំ២០២១ នេះ ឯកឧត្តម នេត្រ ភក្រ្តា បញ្ជាក់ថា ទីលានខេត្តព្រះសីហនុ គឺជាទីលានចាក់សំរាមលើកដំបូងនៅកម្ពុជា ដែលបង្កើតឡើងដោយមានលក្ខណៈស្តង់ដារត្រឹមត្រូវតាមបច្ចេកទេស។

នៅក្នុងឆ្នាំ២០២២ខាង មុខនេះ រដ្ឋាភិបាល គ្រោងបង្កើតឱ្យមាននៅតាមបណ្តាខេត្តឯទៀតដូចជាខេត្តកែប កំពង់ឆ្នាំង ពោធិសាត់ បាត់ដំបង បន្ទាយមានជ័យ ស្វាយរៀង ជាដើម ដោយយកទីលាននៅខេត្តព្រះសីហនុជាគំរូ។

គួរបញ្ជាក់ថា ទីលានចាក់សំរាមក្នុងខេត្តព្រះសីហនុ ត្រូវបានសាងសង់ឡើងលើផ្ទៃដីទំហំ ៥១ហិកតា ក្នុងក្របខណ្ឌបន្ទុកចំណាយថវិកាជាតិសរុបជាង ៥,៣១លានដុល្លារអាមេរិក។

 

 

 

 

• ថាមពល និងបរិស្ថាន
• Energy and Environment
• ថាមពល និងបរិស្ថាន