Samsung ចុះកុងត្រា ៩៤០លានដុល្លារ សង់រោងចក្រថាមពលឧស្ម័ន LNG នៅវៀតណាម

• 23 ខែ​មីនា 2022
• ព័ត៌មានសំណង់
• 9 មើល

ក្រុមហ៊ុនកូរ៉េខាងត្បូង Samsung C&T និងក្រុមហ៊ុនវៀតណាម Lilama វិនិយោគរួមគ្នា ៩៤០ លានដុល្លារអាមេរិក សាងសង់ស្ថានីយថាមពលឧស្ម័នធម្មជាតិរាវ ឬ LNG នៅភាគខាងត្បូងនៃប្រទេសវៀតណាម។

បើយោងតាម GCR កិច្ចព្រមព្រៀងវិស្វកម្ម លទ្ធកម្ម និងសំណង់ ត្រូវបានចុះរួចរាល់កាលពីសប្តាហ៍មុន ដែលរួមមានការសាងសង់រោងចក្រថាមពល ៧៥០MW ចំនួន ២ កន្លែង នៅទីតាំងដែលមានស្រាប់ក្នុងខេត្ត Dong Nai។

រោងចក្រទាំង២ មានឈ្មោះថា Nhon Trach 3 និង Nhon Trach 4 ដែលនឹងត្រូវសាងសង់ក្នុង ៣៦ ខែ ហើយគ្រោងនឹងដំណើរការអំឡុងឆ្នាំ ២០២៤ ឬ ២០២៥។

រោងចក្រនេះ អាចនឹងក្លាយជាស្ថានីយថាមពលដើរដោយ LNG ដំបូងរបស់វៀតណាម បើគម្រោង មួយទៀតក្នុងខេត្ត Long An របស់ក្រុមហ៊ុន GS Energy និង VinaCapital បញ្ចប់ការសាងសង់ក្រោយ។

គួរបញ្ជាក់ថា ផែនការសាងសង់ស្ថានីយថាមពលដើរដោយ LNG កំពុងកើនឡើងនៅប្រទេសវៀតណាម ដោយសារកង្វះខាតថាមពលបណ្តាលមកពីកំណើនឧស្សាហកម្ម និងគោលនយោបាយកាត់បន្ថយឧស្ម័នពុលពីរោងចក្រធ្យូងថ្ម។

ជាក់ស្ដែង ក្រុមហ៊ុនសិង្ហបុរី Delta Offshore Energy ត្រៀមសង់ស្ថានីយLNG មួយនៅខេត្ត Bac Lieu ក្នុងឆ្នាំ ២០២៤ ខណៈក្រុមហ៊ុន Exxon Mobil ក៏គ្រោងសាងសង់ស្ថានីយថាមពលLNG ធំបំផុតតម្លៃ ៥ ពាន់លានដុល្លារ នៅទីក្រុងកំពង់ផែ Haiphong ភាគខាងជើងផងដែរ។

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន