Hong Lai Huat គ្រោងនឹង​លក់​យូនីតនៃគម្រោងអភិវឌ្ឍន៍នៅខេត្តព្រះសីហនុ តម្លៃ​៥០​លាន​ដុល្លារ​

• 4 ខែ​ឧសភា 2022
• ព័ត៌មានអចលនទ្រព្យ
• 12 មើល

Hong Lai Huat កាលពីថ្ងៃទី ០៤ ខែឧសភា បានប្រកាសថា ខ្លួនបានចុះកិច្ចសន្យាជាមួយ Fabi Capital លើកិច្ចព្រមព្រៀងទិញលក់ តម្លៃ ៥០លានដុល្លារអាមេរិក នៃកន្លែងស្នាក់ និងពាណិជ្ជកម្ម នៅ អគារD’Seaview នៅខេត្តព្រះសីហនុ។

យោងតាមការចុះផ្សាយរបស់ The Edge Singapore កាលពីថ្ងៃទី០៤ ខែឧសភា D’Seaview គឺជាគម្រោងអភិវឌ្ឍន៍ចម្រុះដ៏ធំរបស់ក្រុមហ៊ុន ដែលមានទីតាំងនៅខេត្តព្រះសីហនុ។ វាមានលំនៅឋានចំនួន ៧៣៧យូនីត និងអគារពាណិជ្ជកម្មចំនួន ៦៧ ហើយស្ថិតនៅលើផ្ទៃដី ៩៨១៨ម៉ែត្រការ៉េ។

កិច្ចសន្យា នេះត្រូវបានចុះហត្ថលេខាដោយក្រុមហ៊ុន PH One Development (Cambodia)  ដែលជាក្រុមហ៊ុនបុត្រសម្ព័ន្ធរបស់ Hong Lai Huat) នៅថ្ងៃទី 3 ខែឧសភា។ កិច្ចសន្យា នឹងមានរយៈពេលអនុវត្តរហូតដល់ថ្ងៃទី ៣១ ខែធ្នូ ។

លោក Ong Jia Jing អ្នកគ្រប់គ្រងទូទៅ និងជានាយកប្រតិបត្តិនៃក្រុមហ៊ុន Hong Lai Huat និយាយថា៖ “ភាពជាដៃគូជាមួយ Fabi Capital គឺជាឱកាសដ៏គួរឱ្យរំភើបដែលអនុញ្ញាតឱ្យក្រុមហ៊ុនបង្កើតបណ្តាញ លក់បន្ថែមសម្រាប់គម្រោងអភិវឌ្ឍន៍ D’Seaview ។ ក្រុមហ៊ុន នឹងបន្តស្វែងរកគម្រោងអភិវឌ្ឍន៍ដែលអាចសម្រេចបាន និងពង្រីកផលប័ត្រអចលនទ្រព្យរបស់យើង”។

• គម្រោងអភិវឌ្ឍន៍
• ធុរកិច្ច និងទីផ្សារ
• គម្រោងអភិវឌ្ឍន៍
• ធុរកិច្ច និងទីផ្សារ