រាជរដ្ឋាភិបាលកម្ពុជាសម្រេចធ្វើអត្តសញ្ញាញប័ណ្ណសញ្ជាតិខ្មែរដល់ប្រជាពលខ្មែរនៅក្រៅប្រទេស

• 23 ខែ​ឧសភា 2022
• ព័ត៌មានអចលនទ្រព្យ
• 8 មើល

ប្រជាពលរដ្ឋខ្មែរដែលរស់នៅក្រៅប្រទេស អាចធ្វើអត្តសញ្ញាណប័ណ្ណសញ្ជាតិខ្មែរ ដើម្បីងាយស្រួលប្រកបអាជីវកម្ម វិនិយោគ និងទិញលក់អចលនទ្រព្យនៅកម្ពុជា។​

ប្រមុខរាជរដ្ឋាភិបាល សម្តេចតេជោ ហ៊ុន សែន នាឱកាសជួបសំណេះសំណាលជាមួយបងប្អូនប្រជាពលរដ្ឋខ្មែររស់នៅប្រទេសអឺរ៉ុប កាលពីថ្ងៃទី២១ មានប្រសាសន៍ថា ឯកសារអត្តសញ្ញាណប័ណ្ណសញ្ញាតិខ្មែរ នឹងធ្វើឱ្យពួកគាត់មានភាពងាយស្រួល ក្នុងការទិញផ្ទះ ដី និងប្រកបអាជីវកម្មនៅប្រទេសកម្ពុជាបាន។​

សម្តេចតេជោ ហ៊ុន សែន ថ្លែងថា៖ “វាជារឿងចាំបាច់ណាស់ ព្រោះបងប្អូនខ្លះ ដោយសារអត់មានអត្តសញ្ញាណប័ណ្ណ ពេលទៅទិញដី នៅក្នុងស្រុក មិនអាចធ្វើកម្មសិទ្ធិដោយដាក់ឈ្មោះខ្លួនឯងផ្ទាល់បាន ទើបត្រូវពឹងពាក់បងប្អូន ឬអ្នកដទៃដាក់ឈ្មោះជំនួស”​។​

សម្តេចតេជោ ហ៊ុន សែន បញ្ជាក់បន្ថែមថា ការងារធ្វើអត្តសញ្ញាណបណ្ណនេះ គឺក្រសួងការបរទេស និងកិច្ចសហប្រតិបត្តិការអន្តរជាតិ និងក្រសួងមហាផ្ទៃ ជាអ្នកទទួលបន្ទុក​។

• ច្បាប់ និងបញ្ញាត្តិ
• ច្បាប់ និងបញ្ញាត្តិ