កាស៊ីណូ Star Vegas នៅក្រុងប៉ោយប៉ែត បើកដំណើរការឡើងវិញ

• 20 ខែ​មិថុនា 2022
• ព័ត៌មានអចលនទ្រព្យ
• 9 មើល

ក្រុមហ៊ុន Donaco International Ltd ដែលចុះបញ្ជីផ្សារហ៊ុននៅប្រទេសអូស្រ្តាលី បានបើកដំណើរការឡើងវិញ កាស៊ីណូ Star Vegas របស់ខ្លួនក្នុងក្រុងប៉ោយប៉ែត ខេត្តបន្ទាយមានជ័យ បន្ទាប់ពីបិទទ្វារបណ្តោះអាសន្ន១៤ខែ ដោយសារកូវីដ១៩។

ការបើកដំណើរការឡើងវិញនៃកាស៊ីណូ Star Vegas នេះ គឺធ្វើឡើងនៅគ្រាដែលរាជរដ្ឋាភិបាលកម្ពុជា បានលុបចោលបទបញ្ជារបិទទ្វារបណ្តោះអាសន្នគ្រប់កាស៊ីណូទាំងអស់នៅខេត្តបន្ទាយមានជ័យ ដែលរួមមានទីក្រុងប៉ោយប៉ែត ជាប់ព្រំដែនប្រទេសថៃ។​

លោក Porntat Amatavivadhana នាយករបស់ក្រុមហ៊ុន Donaco International Ltd និយាយថា ៖” ​យើង​មាន​សេចក្តីសោមនស្ស​រីករាយ ដែល​បាន​បើក​ដំណើរការ កាស៊ីណូ Star Vegas ឡើងវិញ និង​ការ​ត្រឡប់​ទៅរក​ប្រតិបត្តិការ​ពេញលេញ បន្ទាប់ពី​ការរំខាន​រយៈពេល​យូរ​ដោយសារ​រ​តែ​ការរីក​រាលដាល​ជំងឺ​កូ​វីដ​”។

លោកបន្តថា ព្រំដែន​កម្ពុជា​-​ថៃ ​ក៏បាន​បើក​ឡើងវិញ​ផងដែរ ដែលជា​ធម្មតា ជា​កន្លែង​ដែល​អតិថិជន​របស់​កា​ស៊ី​ណូ​ Star Vegas ភាគច្រើន​មាន​ប្រភព​មកពី​ប្រទេស​ថៃ។

ក្នុងអំឡុងពេលនៃការបិទទ្វារបណ្តោះអាសន្នកន្លងមក ក្រុមហ៊ុន Donaco International Ltd បានស្នើឥណទាន ៥លានដុល្លារ សម្រាប់ទ្រទ្រង់អាជីវកម្មកាស៊ីណូ DNA Star Vegas នៅក្រុងប៉ោយប៉ែត ដើម្បីបន្តទ្រទ្រង់អាជីវកម្ម។ (អានបន្ថែម)

• ធុរកិច្ច និងទីផ្សារ
• ធុរកិច្ច និងទីផ្សារ