សឹង្ហបុរីទិញដីទំហំ ៣.៥ហិកតា លើកោះនរាដើម្បីអភិវឌ្ឍគម្រោងតម្លៃប្រមាណ ១៥០លានដុល្លារ

• 15 ខែ​សីហា 2022
• Uncategorized
• 7 មើល

ក្រុមហ៊ុន អចលនទ្រព្យសឹង្ហបុរី AKRAM Development Co., Ltd​ បានទិញដីទំហំ ៣.៥ ហិកតា លើកោះនរា របស់ក្រុមហ៊ុន OCIC។​

លោក ទូច សំណាង អគ្គនាយករងក្រុមហ៊ុន OCIC បានឱ្យដឹងនៅថ្ងៃទី១៥ ខែសីហានេះថា ក្រុមហ៊ុនទាំងពីរ បានចុះហត្ថលេខាទិញ-លក់ ដីទំហំ​ ៣.៥ ហិកតា កាលពីពេលថ្មីនេះដោយអ្នកឧកញ៉ា ពុង ឃាវសែ ជាប្រធានក្រុមប្រឹក្សាភិបាលនៃក្រុមហ៊ុន OCIC និង លោក​Melvin Poh ដែលជានាយកផ្នែកអភិវឌ្ឍ AKRAM​ក្រោមវត្តមានលោក Kelvin Chua ជាអគ្គនាយកនៃ AKRAM Development Co., Ltd។

តំណាងក្រុមហ៊ុន AKRAM បានបញ្ជាក់ថាគម្រោងអភិវឌ្ឍនេះអាចមានតម្លៃច្រើនជាង ១៥០ លានដុល្លាអាមេរិកទៅទៀត។

លោកបន្ថែមថា  “ក្រុមហ៊ុន សប្បាយរីករាយណាស់ដែលបានក្លាយជាផ្នែកមួយនៃចក្ខុវិស័យរបស់អ្នកឧកញ៉ាក្នុងការអភិវឌ្ឍកោះនរា និងសុទិដ្ឋិនិយមថាយ៉ាងមុតមាំថាទីតាំងដ៏មានសក្ដានុពលមួយនេះ និងក្លាយជាចំណុចទាក់ទាញដ៏ល្អបំផុតមួយសម្រាប់គម្រោងរបស់ក្រុមហ៊ុន​។

ជាមួយគ្នានេះដែរ លោកបានបញ្ចាក់ថា ការិយាល័យលក់ និងយូនីតគំរូ នឹងត្រូវបានបញ្ចប់ការសាងសង់នៅក្នុងត្រីមាសទី១ នៃឆ្នាំ ២០២៣។

ដើម្បីជាការរួមចំណែកនៅក្នុងការអភិវឌ្ឍ ហេដ្ឋារចនាសម្ព័ន្ធនៃតម្លៃវិនិយោគ ២.៥ ប៊ីលានដុល្លារ លើផ្ទៃដី១២៥ហិកតា ក្រុមហ៊ុន OCIC បានធ្វើការសាងសង់ស្ពានចំនួន ២ ដែល ស្ពានមួយសម្រាប់តភ្ជាប់ទៅតំបន់កោះពេជ្រ និងមួយទៀតភ្ជាប់ទៅកាន់ផ្លូវជាតិលេខ ១ ហើយស្ពាននីមួយៗត្រូវចំណាយទុនរហូតដល់ ៣៨ លានដុល្លាអាមេរិក។

បច្ចុប្បន្នស្ពានភ្ជាប់ទៅកាន់ផ្លូវជាតិលេខ ១ សម្រេចការសាងសង់បានជាង ៩០ភាគរយ គ្រោងនឹងបើកដំណើរការក្នុងខែកញ្ញាខាងមុខនេះហើយ។ (អានបន្ថែម)

 

 

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍