រដ្ឋាភិបាលលើកទឹកចិត្តក្រុមហ៊ុន CP All វិនិយោគលើការផលិតក្រដាស និងផលិតជីសរីរាង្គនៅកម្ពុជា

• 16 ខែ​សីហា 2022
• Uncategorized
• 8 មើល

ប្រមុខរាជរដ្ឋាភិបាលកម្ពុជា បានលើកទឹកចិត្តដល់ក្រុមហ៊ុន CP All​​ របស់ប្រទេសថៃ វិនិយោគលើរោង ចក្រផលិតក្រដាស និងរោងចក្រផលិតជីសរីរាង្គនៅកម្ពុជា។

សម្តេចតេជោ ហ៊ុន សែន នាយករដ្ឋមន្រ្តី លើកឡើងក្នុងឪកាសអនុញ្ញាត ប្រធានប្រតិបត្តិក្រុមហ៊ុន ស៊ីភី អល (CP All)  លោក Korsak Chairasmisak ចូលជួបសម្ដែងការគួរសម និងពិភាក្សាការងារ នៅថ្ងៃទី១៦ ខែសីហា។​

នេះជាការផ្តល់អនុសាសន៍ ទៅកាន់ក្រុមហ៊ុន CP All ដែលលោក Korsak Chairasmisak បានដឹកនាំគណ ប្រតិភូក្រុមហ៊ុន ក្នុងដំណើរទស្សនកិច្ច មកកាន់កម្ពុជា ដើម្បីស្វែង រកសក្តានុពល ធ្វើការវិនិយោគ បន្ថែមនៅក្នុង ព្រះរាជាណាចក្រកម្ពុជាផងដែរ ។

សម្តេចតេជោ នាយករដ្ឋមន្ត្រី បានផ្ដល់អនុសាសន៍ជូនលោក កស័ក្ដិ ពិនិត្យពិចារណាធ្វើការ វិនិយោគលើកា រផលិតក្រដាសនៅព្រះរាជាណាចក្រកម្ពុជា ព្រោះថា ក្រដាស គឺជាសម្ភារៈដែលត្រូវការចាំបាច់ ហើយក៏មាន តម្រូវការកើនឡើងជាលំដាប់។

បន្ថែមពីលើនេះ សម្តេចតេជោ បានស្នើសុំឱ្យលោក កស័ក្ដិ ពិនិត្យមើលការបង្កើតរោងចក្រផលិតជីសរីរាង្គ នៅកម្ពុជា ព្រោះថា ជីសរីរាង្គ គឺជាជីមួយដែលអាចប្រើប្រាស់ធ្វើការដាំដុះដំណាំ ហើយផ្ដល់នូវគុណភាពដំណាំ ដែលមិនប៉ះពាល់ដល់សុខភាពផងដែរ ៕

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍