ត្រឹមរយៈពេល៨ខែ ២០២២ ក្រសួងដែនដីចេញលិខិតអនុញ្ញាតសាងសង់បានជាង ២៨០០គម្រោង

• 12 ខែ​តុលា 2022
• Uncategorized
• 7 មើល

ក្រសួងរៀបចំដែនដី នគរូបនីយកម្ម និងសំណង់ បានចេញលិខិតអនុញ្ញាតសាងសង់ ដល់គម្រោងសរុបចំនួន ២.៨១១​ គម្រោង ក្នុងរយៈពេល ៨ខែ ឆ្នាំ២០២២ បានធ្លាក់ចុះ ៩០គម្រោង ធៀបនឹងរយៈពេលដូចគ្នាកាលពីឆ្នាំមុន។

របាយការណ៍ និន្នាការសង្គម-សេដ្ឋកិច្ចចេញផ្សាយដោយក្រសួងសេដ្ឋកិច្ច និងហិរញ្ញវត្ថុ បង្ហាញថា តម្លៃគម្រោងសាងសង់សរុប ១.៦៦២ លានដុល្លារ បានធ្លាក់ចុះ ៥៦,៧ ភាគរយ ធៀបនឹងរយៈពេលដូចគ្នាកាលពីឆ្នាំមុន។​

គម្រោងសាងសង់ប្រភេទសំណង់លំនៅដ្ឋាន រួមចំណែកធំជាងគេក្នុងចំណោមគម្រោងសាងសង់ដែលទទួលបានការអនុញ្ញាតពីក្រសួងរៀបចំដែនដី នគរូបនីយកម្ម​ និងសំណង់ ដោយបញ្ជាក់ថា ប្រភេទសំណង់លំនៅដ្ឋាន មាន ២.៥២១ គម្រោង ស្មើនឹង ៨៩,៧ភាគរយ នៃសំណើសុំសាងសង់សរុប បានធ្លាក់ចុះ ៩គម្រោង ធៀបនឹងរយៈពេលដូចគ្នាឆ្នាំមុន។

យោងតាមរបាយការណ៍ប្រចាំឆ្នាំ ២០២១ របស់ក្រសួងរៀបចំដែនដី ដែលចេញផ្សាយក្នុងខែមករា កម្ពុជា បានអនុម័តគម្រោងចំនួន ៤.៣០៣គម្រោង ក្នុងឆ្នាំ២០២១ ដែលមានតម្លៃជាង ៥,៣ ពាន់លានដុល្លារ ធៀបនឹង ៤ ៨៤១ គម្រោង ដែលមានតម្លៃជាង ៧,៧ ពាន់លានដុល្លារក្នុងឆ្នាំ ២០២០។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍