ក្រុមហ៊ុនចិនចង់បង្កើតរោងចក្រតម្លើងរថយន្តអគ្គិសនីនៅខេត្តកោះកុង

• 24 ខែ​តុលា 2022
• Uncategorized
• 7 មើល

ក្រុមហ៊ុន China Matrix Technology Group-Horche Intelligent Automobile មាន​គោលបំណងបោះ​ទុន​វិនិយោ​គ​លើវិស័យបច្ចេកវិទ្យាឧស្សាហកម្ម ដោយនឹងបង្កើតរោងចក្រ និងតម្លើងរថយន្តអគ្គិស​នី​ក្នុង​ភូមិសាស្ត្រ​ខេត្ត​កោះកុង។ នេះបើតាមកិច្ចប្រជុំតាមរយៈប្រព័ន្ធអនឡាញ កាលពីថ្ងៃទី២២ ខែតុលា ឆ្នាំ២០២២។

កិច្ចប្រជុំនេះផ្តោតសំខាន់លើការកសាងទំនាក់ទំនងដ៏ល្អប្រសើរដើម្បី​អាច​ឱ្យ​ក្រុម​ហ៊ុនវិនិយោគចិនបានចូលមកស្វែងយល់ពីគោលនយោបាយ កិច្ចសហប្រតិបត្តិការដីធ្លី ធនធានមនុស្ស និងសក្តានុពល​នានា​ពាក់ព័ន្ធនឹងវិស័យបច្ចេកវិទ្យា ឧស្សាហកម្ម រថយន្តអគ្គិសនីក្នុងខេត្តកោះកុង។

បើតាម លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានឱ្យដឹងថា ក្នុងឆ្នាំ២០២១ ខេត្តកោះកុង​មាន​ឧស្សា​ហកម្មប្រភេទធុនធំចំនួន ០៧រោងចក្រ មានចំនួនកម្មករចំនួន ១០.៨៤៣នាក់ ដែលក្នុង​នោះ​មាន​រោង​ចក្រ​តំឡើង​រថយន្ត បង្គុំខ្សែភ្លើង គ្រឿងអេឡិចត្រូនិច វាយនភ័ណ្ឌកាត់ដេរ សំលៀកបំពាក់ សម្ភារកីឡាជាដើម។

ដោយឡែក សហគ្រាសធុនតូចនិងមធ្យម និងសិប្បកម្ម មានចំនួន ៧៥៥ មូលដ្ឋាន។

ក្នុងខេត្តកោះកុង ក្រៅពីវិស័យកសិកម្មប្រមាណ ៥៥,៥% គឺមានវិស័យឧស្សាហកម្ម ០,៣% វិស័យសេវាកម្ម ៤៤,២% ក្នុងនោះកម្លាំងពលកម្មដែលជាកម្មករ កម្មការិនី បំរើក្នុងរោងចក្រ សហគ្រាស និងវិស័យឯកជន​មាន​ប្រមាណ ១៥,១% នៃប្រជាជនសរុប។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍