AI និង Volsung ជួយឱ្យគម្រោងរោងចក្រថាមពលកំដៅដែលត្រូវសង់ ៥ ឆ្នាំ រួញខ្លីត្រឹម ១២ ខែ

5 ខែធ្នូ 2025
ព័ត៌មានអន្តរជាតិ
3 មើល

ក្រុមហ៊ុន Flux Energy Solutions កាលពីថ្មីៗ បានបញ្ចប់គម្រោងសាងសង់រោងចក្រថាមពលកំដៅផែនដីដ៏ធំមួយទំហំ 69.5 មេហ្គាវ៉ាត់ នៅភាគខាងលិចប្រទេសទួរគី។ ក្រុមហ៊ុនបានបង្រួមពេលវេលាសាងសង់ពី ៥ ឆ្នាំ មិនត្រឹម ១២ ខែ ខណៈក៏បន្ថែមប្រសិទ្ធភាពគម្រោងតាមរយៈការប្រើប្រាស់ បញ្ញាសិប្បនិម្មិត (AI) និងកម្មវិធី Volsung របស់ក្រុមហ៊ុន Bentley។

គម្រោងនេះ មានទីតាំងនៅក្នុងស្រុក Salihli ដែលមានភ្នំភ្លើងសកម្ម ដូច្នេះការសាងសង់គឺជួបនឹងឧបសគ្គយ៉ាងខ្លាំង ពិសេសទាក់ទងនឹងការចុះទៅពិនិត្យទីតាំង។

ដើម្បីដោះស្រាយបញ្ហានេះ ក្រុមហ៊ុនបានប្រើកម្មវធិ Volsung ដែលជាកម្មវិធីជំនាញផ្នែកវិស្វកម្មថាមពលកំដៅផែនដី បូកផ្សំនឹង AI។ ជាដំបូង ក្រុមហ៊ុនបានប្រើកម្មវិធី Bentley ដើម្បីគូរប្លង់បែបរស់រវើកដែលអាចបង្ហាញនៅលើទីតាំងជាក់ស្ដែង ដោយមិនចាំបាច់ចុះទៅផ្ទាល់។ បន្ទាប់មកក្រុមហ៊ុនប្រើ Volsung ដើម្បីសិក្សាពីសេណារីយូហានិភ័យនានា ពិសេសទាក់ទងនឹងការផ្ទុះភ្នំភ្លើង បន្ទាប់មកប្រើ AI ដើម្បីវិភាគទិន្នន័យហើយសរុបជាផែនការដែលល្អមួយ។

ក្រុមកាងារបានប្រើកម្មវិធីនេះដើម្បីបង្កើតជាសេណារីយូតេស្ដពីលទ្ធភាពនៃហានិភ័យនានាដល់ទៅ 3,000 ដង ហើយវាយតម្លៃសេណារីយូផ្សេងទៀតដល់ទៅ 10 លាន ដង។ នេះបើធ្វើឱ្យដៃ គ្មានកម្មវិធីត្រូវប្រើពេល 380 ឆ្នាំ តែប្រើពេលត្រឹម 10 ថ្ងៃ ប៉ុណ្ណោះក្នុងកម្មវិធីនេះ។

លើសពីនេះ ការប្រើកម្មវិធីនេះក៏ជួយកាត់បន្ថយថ្លៃដើមនៃការសាកល្បងតេស្ដសេណារីយូហានិភ័យនានាដល់ទៅ 76% ពោលគឺពីចំណាយ 1 លានដុល្លារមកត្រឹម 240,000 ដុល្លារប៉ុណ្ណោះ។

លើសពីនេះ កម្មវិធីនេះក៏ជួយបង្កើនប្រសិទ្ធភាពគម្រោងរោងចក្រថាមពលនេះផងដែរ។ វិធីសាស្រ្តថ្មីនេះបានជួយបង្កើនប្រសិទ្ធទីតាំងស្ដុកថាមពលឱ្យមានស្ថេរភាពជាងមុន កាត់បន្ថយការថយចុះកម្ដៅ និងកាត់បន្ថយការត្រូវខួងបន្ថែមនៅពេលអនាគត ដែលត្រូវចំណាយច្រើន។