ក្រសួងរ៉ែគ្រោងវិនិយោគលើរោងចក្រចម្រាញ់ប្រេងកាត ដើម្បីធានាការផ្គត់ផ្គង់នៅកម្ពុជា
ក្រសួងរ៉ែ និងថាមពល ប្រកាសពីផែនការចង់វិនិយោគលើគម្រោងបង្កើតរោងចក្រចម្រាញ់ប្រេង ដើម្បីធានាការផ្គត់ផ្គង់ប្រេងកាតនៅកម្ពុជា។ ខណៈដែលបច្ចុប្បន្នក្រសួងកំពុងស្វែងរកដៃគូវិនិយោគសម្រាប់ការរុករកប្រេងទាំងនៅឈូងសមុទ្រ និងនៅក្នុងដីផងដែរ។ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានលើកឡើងពីគម្រោងវិនិយោគរោងចក្រចម្រាញ់ប្រេងកាតនេះ ក្នុងកិច្ចប្រជុំប្រចាំឆ្នាំរបស់ក្រសួង នៅថ្ងៃទី២១ ខែវិច្ឆិកានេះថា «នាពេលខាងមុខនេះ ក្រសួងគ្រោងនឹងស្នើសុំការគាំទ្រពីរាជរដ្ឋាភិបាល សម្រាប់ដំណាក់កាលទី១ សម្រាប់គម្រោងវិនិយោគបង្កើតរោងចក្រចម្រាញ់ប្រេងរបស់ប្រទេសដែលនឹងរួមបញ្ចូលទាំងការកំណត់និងការគូសបញ្ជាក់ពីវិសាលភាពនៃការបម្រុងទុកប្រេងជាយុទ្ធសាស្ត្រ»។ ជាមួយគ្នានេះដែរ ឯកឧត្តម ក៏បានទទួលស្គាល់ថា កម្ពុជានៅមានទីផ្សារប្រេងតិចតួចនៅឡើយ។ នាឱកាសនោះ ឯកឧត្តមរដ្ឋមន្ត្រី ក៏បានបញ្ជាក់បន្ថែមពីការប្តេជ្ញាចិត្តរបស់ក្រសួងក្នុងការលើកកម្ពស់សុវត្ថិភាពក្នុងការដឹកជញ្ជូន ការស្តុកទុក ការចែកចាយ និងការប្រើប្រាស់ផលិតផលប្រេង ដោយផ្តោតជាយុទ្ធសាស្ត្រលើការទាក់ទាញឧស្សាហកម្មចម្រាញ់ប្រេងមកកម្ពុជាឱ្យបានច្រើនផងដែរ។ គម្រោងនេះគឺស្របតាមគោលបំណងរបស់រដ្ឋាភិបាលក្នុងការស្វែងរកអ្នកវិនិយោគសក្តានុពលសម្រាប់បន្តអភិវឌ្ឍប្លុក A និងស្រាវជ្រាវនៅប្លុកផ្សេងៗទៀត។ កន្លងទៅថ្មីៗនេះ មានក្រុមហ៊ុនចំនួន៤ បានដាក់សំណើរសុំបន្តអភិវឌ្ឍរុករកប្រេង ក្នុងប្លុក A នេះផងដែរ។ (អានបន្ថែម) យោងតាមក្រសួងរ៉ែ និងថាមពល វិស័យប្រេងនឹងរកចំណូលបានប្រមាណ ១២,៣៥ លានដុល្លារសម្រាប់រដ្ឋនៅឆ្នាំ ២០២៤។
អានបន្ថែម
រហូតមកទល់ពេលនេះ រដ្ឋសម្រុកវាស់វែង និងចុះបញ្ជីដីធ្លីនៅមណ្ឌលគិរីបានជិត ៩ម៉ឺនហិកតា
មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តមណ្ឌលគិរី បានឱ្យដឹងថា គិតមកដល់ពេលនេះ ការចុះបញ្ជី និងចេញបណ្ណកម្មសិទ្ធដីធ្លីនៅក្នុងខេត្តមណ្ធលគីរី សម្រេចបានជាង៤ម៉ឺន បណ្ណ ឬស្មើនឹងទំហំជិត៩ម៉ឺនហិកតា។ របស់ការណ៍ខាងលើនេះ ត្រូវបានបង្ហាញឡើងនៅក្នុងសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នាថ្ងៃទី ២៦ វិច្ឆិកា ២០២៤។ នាឱកាសនោះ មន្ទីររៀបចំដែនដីខេត្តមណ្ឌលគីរី បានឱ្យដឹងថា មន្ទីរបានអនុវត្តនូវតួនាទីភារកិច្ចរបស់ខ្លួនដោយសម្រេចបានលទ្ធផលគួរជាទីកត់សម្គាល់ ដែលក្នុងនោះតាមរយៈការចុះបញ្ជីមានលក្ខណៈជាប្រព័ន្ធ ខេត្តមណ្ឌលគិរី ជាខេត្តមួយដែលបានប្រកាសតំបន់វិនិច្ឆ័យរួចទាំងស្រុង ក្នុងភូមិសរុបទាំង ៩២ភូមិ ២១ ឃុំ/សង្កាត់ ៥ក្រុង/ស្រុក បានចុះបញ្ជី និងចេញបណ្ណសរុបចំនួន ៤០.៣២៣បណ្ណ ស្មើនឹងទំហំ ៨៩. ៧៧៦ហិកតា និងបានចុះបញ្ជីដីរដ្ឋរួចទំហំ ៣៣១.៤៣៩ហិកតា ស្មើនឹង ១៨% ។ ដោយឡែក ចំពោះការចុះបញ្ជីដីសមូហភាព ខេត្តមណ្ឌលគីរី មានសហគមន៏ជនជាតិដើមភាគតិចដែលបានទទួលស្គាល់ជានីតិបុគ្គល សរុបចំនួន ៣៦សហគមន៏ បានដាក់ពាក្យស្នើសុំចុះបញ្ជីចំនួន ២៧សហគមន៏ ដោយក្នុងនោះ ចេញបណ្ណរួច ៧សហគមន៏ […]
អានបន្ថែម
ADB សម្រេចផ្តល់កម្ចី ៥០លានដុល្លារ ដើម្បីពង្រឹងវិស័យ SME នៅកម្ពុជា
នៅក្នុងការជំរុញយ៉ាងសំខាន់ដល់សេដ្ឋកិច្ចរបស់កម្ពុជា ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីប្រមាណ ៥០លានដុល្លារ ក្នុងគោលបំណងលើកកម្ពស់បរិយាកាសធុរកិច្ចសម្រាប់សហគ្រាសធុនតូច ខ្នាតតូច និងមធ្យម (MSMEs) នៅក្នុងប្រទេស។ គំនិតផ្តួចផ្តើមដែលត្រូវបានគូសបញ្ជាក់នៅក្នុងសេចក្តីប្រកាសព័ត៌មានថ្មីៗនេះ ត្រូវបានរៀបចំឡើងដើម្បីលើកកម្ពស់ការប្រកួតប្រជែង និងកាត់បន្ថយរបាំងពាណិជ្ជកម្មក្នុងប្រទេសអាស៊ីអាគ្នេយ៍។ នាយក ADB ប្រចាំប្រទេសកម្ពុជា លោក Jyotsana Varma បានសង្កត់ធ្ងន់លើសារៈសំខាន់នៃកម្មវិធីនេះ ដោយបញ្ជាក់ថា វាមានសារៈសំខាន់ណាស់សម្រាប់ការពង្រឹងនិងថែរក្សាវិស័យ MSME ដែលដើរតួជាឆ្អឹងខ្នងនៃសេដ្ឋកិច្ចកម្ពុជា។ លោកស្រីបានកត់សម្គាល់ថា “តាមរយៈការជំរុញកំណើននៃសហគ្រាសទាំងនេះ យើងអាចទាក់ទាញការវិនិយោគ បង្កើតឱកាសការងារថ្មីៗ និងគាំទ្រដល់កំណើនសេដ្ឋកិច្ចប្រកបដោយចីរភាព”។ កម្មវិធីនេះស្វែងរកការសម្របសម្រួលពាណិជ្ជកម្មឆ្លងព្រំដែនដោយធ្វើឱ្យប្រសើរឡើងនូវក្របខ័ណ្ឌបទប្បញ្ញត្តិ សម្រួលនីតិវិធី និងកាត់បន្ថយរបាំងពាណិជ្ជកម្ម។ ជាងនេះទៅទៀត វិធីសាស្រ្តនេះត្រូវបានគេរំពឹងថានឹងពង្រឹងការធ្វើសមាហរណកម្មរបស់កម្ពុជាទៅក្នុងទីផ្សារទាំងក្នុងតំបន់ និងពិភពលោក។ យោងតាម ADB ទិដ្ឋភាពបច្ចុប្បន្នសម្រាប់សហគ្រាសធុនតូច និងមធ្យមនៅកម្ពុជា គឺពោរពេញទៅដោយបញ្ហាប្រឈមដែលរារាំងផលិតភាព និងការប្រកួតប្រជែងរបស់ពួកគេ។ ដំណោះស្រាយសម្រាប់បញ្ហាទាំងនេះ ADB នឹងសហការជាមួយរាជរដ្ឋាភិបាលកម្ពុជា ដើម្បីសម្រួលបទប្បញ្ញត្តិធុរកិច្ច និងកែលម្អសេវាសាធារណៈ ធ្វើឱ្យវាកាន់តែងាយស្រួលសម្រាប់ការរីកលូតលាស់របស់សហគ្រាស។ គួរបញ្ជាក់ថា គំនិតផ្តួចផ្តើមនេះមានគោលបំណងគាំទ្រសហគ្រាសធុនតូច និងមធ្យមប្រមាណ ៥០.០០០ ដែលនឹងធ្វើការចុះឈ្មោះជាផ្លូវការតាមរយៈប្រព័ន្ធចុះបញ្ជីអាជីវកម្មអនឡាញនៅឆ្នាំ២០២៧។ លើសពីនេះ វានឹងជួយឱ្យអាជីវកម្មទាំងនេះទទួលបានអាជ្ញាប័ណ្ណ វិញ្ញាបនបត្រ […]
អានបន្ថែម
ក្រុមហ៊ុនផលិតម៉ាស៊ីនត្រជាក់ដ៏ល្បីរបស់ជប៉ុន សម្ពោធពង្រីកអាជីវកម្មបន្ថែមនៅកម្ពុជា
ក្រុមហ៊ុន Daikin ជាក្រុមហ៊ុនផលិតម៉ាស៊ីនត្រជាក់ឈានមុខគេមួយរបស់ប្រទេសជប៉ុន បានសម្ពោធជាផ្លូវការនូវប្រតិបត្តិការពង្រីកខ្លួនបន្ថែមនៅក្នុងប្រទេសកម្ពុជា ដែលនេះជាឆ្លុះបញ្ចាំងពីការកើនឡើងនូវទំនុកចិត្តរបស់អ្នកវិនិយោគលើសក្តានុពលសេដ្ឋកិច្ចរបស់កម្ពុជា។ ពិធីសម្ពោធនេះត្រូវបានធ្វើឡើងក្រោមអធិបតីភាពរបស់ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី២២ ខែវិច្ឆិកា ឆ្នាំ២០២៤។ ក្នុងឱកាសនោះឯកឧត្តមរដ្ឋមន្រ្តី បានសង្កត់ធ្ងន់ពីសារៈសំខាន់នៃវត្តមានរបស់ក្រុមហ៊ុន ដោយបញ្ជាក់ថា “ការសម្រេចចិត្តរបស់ក្រុមហ៊ុន Daikin ក្នុងការពង្រីកប្រតិបត្តិការរបស់ខ្លួននៅកម្ពុជានាពេលនេះ មិនមែនគ្រាន់តែជាការពង្រីកអាជីវកម្មប៉ុណ្ណោះទេ ប៉ុន្តែក៏ជាការបញ្ជាក់នូវទំនុកចិត្តរបស់អ្នកវិនិយោគជប៉ុន និងអ្នកវិនិយោគផ្សេងៗទៀត លើសក្តានុពលសេដ្ឋកិច្ច និងឧស្សាហកម្មរបស់កម្ពុជាផងដែរ”។ ជាមួយគ្នានេះដែរ ឯកឧត្តមក៏បានលើកទឹកចិត្តដល់ក្រុមហ៊ុនឱ្យផ្តោតលើការបណ្តុះបណ្តាលជំនាញបច្ចេកទេសម៉ាស៊ីនត្រជាក់ តាមរយៈការផ្ទេរចំណេះដឹង និងជំនាញ ជាពិសេសសម្រាប់ជាងដំឡើង ជាងជួសជុល និងជំនាញដែលពាក់ព័ន្ធនឹងដំណោះស្រាយអគារដែលមានប្រសិទ្ធភាពថាមពល។ ជាងនេះទៅទៀត ឯកឧត្តម បានបន្តថា Daikin នឹងចូលរួមចំណែកដល់ការសម្រេចមហិច្ឆតាអព្យាក្រឹតភាពកាបូនរបស់កម្ពុជានៅឆ្នាំ២០៥០ ដោយបានជំរុញឱ្យក្រុមហ៊ុនធ្វើជាគំរូ និងឈានមុខលើការផលិត និងចែកចាយផលិតផលដែលសន្សំសំចៃថាមពល និងដំណោះស្រាយបៃតង។ ចុងក្រោយ ឯកឧត្ត បានផ្តល់នូវអនុសាសន៍ឱ្យក្រុមហ៊ុន Daikin ពិចារណាបង្កើតរោងចក្រផលិតផ្ទាល់នៅកម្ពុជានាពេលអនាគត ដោយសហការជាមួយក្រុមហ៊ុនក្នុងស្រុកឱ្យបានច្រើន ព្រមទាំងចូលរួមអនុវត្តគម្រោងស្រាវជ្រាវ និងអភិវឌ្ឍន៍ (R&D) ទាក់ទងនឹងបច្ចេកវិទ្យាប្រព័ន្ធត្រជាក់ ដើម្បីគាំទ្រដល់ឧស្សាហកម្មចំណីអាហារ និងកសិ-ឧស្សាហកម្មរបស់កម្ពុជា។ ក្រុមហ៊ុន […]
អានបន្ថែម
ថៃប្រកាសសង់ស្ពានថ្មីតភ្ជាប់ខេត្តចាន់ថាបុរី-ប៉ៃលិន ដើម្បីពង្រឹងទំនាក់ទំនងពាណិជ្ជកម្ម និងទេសចរណ៍ជាមួយកម្ពុជា
នៅក្នុងការផ្លាស់ប្តូរដ៏សំខាន់មួយដើម្បីបង្កើនការតភ្ជាប់ឆ្លងព្រំដែន រដ្ឋាភិបាលថៃបានបង្ហាញពីផែនការសង់ស្ពានថ្មីមួយខ្សែដែលនឹងតភ្ជាប់រវាងខេត្តចាន់ថាបុរីក្នុងប្រទេសថៃជាមួយខេត្តប៉ៃលិនក្នុងប្រទេសកម្ពុជា។ គម្រោងនេះគ្រោងចំណាយថវិកាប្រមាណ ១៥លានបាត ក្នុងគោលបំណងជំរុញពាណិជ្ជកម្ម និងទេសចរណ៍រវាងប្រទេសទាំងពីរ។ នេះបើយោងតាមការចុះផ្សាយរបស់ការសែត Bangkok Post នៅថ្ងៃទី២០ ខែវិច្ឆិកា ឆ្នាំ២០២៤។ នាឱកាសដែលរដ្ឋមន្ត្រីក្រសួងមហាផ្ទៃ លោក Anutin Charnvirakul ចុះត្រួតពិនិត្យទីតាំងនៅច្រកព្រំដែន Ban Pakkad ក្នុងស្រុក Pong Nam Rong លោកបានបង្ហាញពីសុទិដ្ឋិនិយមអំពីសក្តានុពលរបស់ស្ពាននេះក្នុងការជំរុញកំណើនសេដ្ឋកិច្ច។ លោកបានបញ្ជាក់ថា រចនាសម្ព័ន្ធថ្មីដែលមានឈ្មោះថា ស្ពានមិត្តភាពចាន់ថាបុរី-ប៉ៃលិននេះ នឹងមកជំនួសឱ្យស្ពានដែកបណ្ដោះអាសន្នដែលមានស្រាប់នាពេលបច្ចុប្បន្ន។ ស្ពានបេតុងថ្មីនេះ នឹងមានប្រវែងប្រហែល ៤០ម៉ែត្រ និងផ្លូវដើរទទឹង ៣ម៉ែត្រនៅសងខាងផ្លូវរថយន្ត។ ស្ពាននេះនឹងធ្វើអោយប្រសើរឡើងនូវផ្នែកដឹកជញ្ជូន និងពាណិជ្ជកម្មរវាងប្រទេសថៃ និងកម្ពុជា។ លោករដ្ឋមន្ត្រី Anutin ក៏បានលើកឡើងពីសារៈសំខាន់នៃគម្រោងក្នុងការសម្រួលដល់ការធ្វើដំណើរកាន់តែងាយស្រួល និងការលើកកម្ពស់ពាណិជ្ជកម្ម និងទេសចរណ៍ទ្វេភាគី។ ការសាងសង់ស្ពាននេះគ្រោងនឹងចាប់ផ្តើមនៅឆ្នាំក្រោយ ខណៈប្រទេសទាំងពីរបានរៀបចំសេចក្តីព្រាងអនុស្សរណៈយោគយល់គ្នា (MoU) សម្រាប់គម្រោងនេះរួចរាល់ហើយ ដោយកំពុងដាក់ជូនគណៈរដ្ឋមន្ត្រីថៃ ដើម្បីអនុម័តក្នុងពេលឆាប់ៗនេះ។ ទន្ទឹមគ្នានេះដែរ នាយករដ្ឋមន្ត្រី Paetongtarn Shinawatra បានអនុម័តគំនិតផ្តួចផ្តើមនេះជាគោលការណ៍រួចហើយ ដែលនឹង ផ្តល់មូលនិធិតាមរយៈថវិកាកណ្តាលរបស់ប្រទេសថៃ។ គួរបញ្ចាក់ថា […]
អានបន្ថែម
ក្រុមហ៊ុនមកពីអារ៉ាប់ ចង់វិនិយោគវិស័យដឹកជញ្ជូន និងសួនឧស្សាហកម្មនៅកម្ពុជា
ក្រុមហ៊ុន DP World ដែលជាក្រុមហ៊ុនដឹកជញ្ជូន និងដឹកជញ្ជូនដ៏លេចធ្លោដែលមានមូលដ្ឋាននៅប្រទេសអារ៉ាប់រួម បានប្រកាសពីចេតនារបស់ខ្លួនក្នុងការវិនិយោគលើវិស័យដឹកជញ្ជូន និងការអភិវឌ្ឍន៍សួនឧស្សាហកម្មនៅកម្ពុជា។ កិច្ចសហការដ៏មានសក្តានុពលនេះត្រូវបានពិភាក្សាក្នុងជំនួបរវាងសម្តេចនាយករដ្ឋមន្ត្រី ហ៊ុន ម៉ាណែត និងលោក Sultan Ahmed Bin Sulayem ប្រធានក្រុមហ៊ុន DP World នៅថ្ងៃទី២០ ខែវិច្ឆិកា ឆ្នាំ២០២៤។ ក្នុងជំនួបនេះ លោកប្រធានក្រុមហ៊ុន DP World បានឱ្យដឹងថា ក្រុមហ៊ុន DP World គឺជាក្រុមហ៊ុនរបស់ប្រទេសអេមីរាត់អារ៉ាប់រួម មានជំនាញក្នុងវិស័យកំពង់ផែ ឡូជីស្ទីក និងបច្ចេកវិទ្យាខាងខ្សែច្រវាក់ផ្គត់ផ្គង់ និងមានប្រតិបត្តិការអាជីវកម្ម នៅក្នុងតំបន់អាស៊ាន និងតាមបណ្ដាប្រទេសជាច្រើនក្នុងពិភពលោក។ ទន្ទឹមនឹងនេះ លោកប្រធានបានបង្ហាញចំណាប់អារម្មណ៍ថា ប្រទេសកម្ពុជាមានទីតាំងភូមិសាស្ត្រអំណោយផលដ៏ល្អប្រសើរ នៅក្នុងតំបន់អាស៊ាន ដូច្នេះក្រុមហ៊ុនចង់ស្វែងរកឱកាសវិនិយោគនៅក្នុងប្រទេសមួយនេះ ដោយផ្តោតលើវិស័យសំខាន់ៗមួយចំនួនរួមមាន វិស័យដឹកជញ្ជូន វិស័យឡូជីស្ទីក និងការអភិវឌ្ឍសួនឧស្សាហកម្ម។ ជាការឆ្លើយតប សម្ដេចនាយករដ្ឋមន្រ្តី បានស្វាគមន៍ចំពោះចំណាប់អារម្មណ៍របស់ក្រុមហ៊ុនក្នុងការស្វែងរកកាលានុវត្តភាពវិនិយោគនៅព្រះរាជាណាចក្រកម្ពុជា។ សម្ដេចបានគូសបញ្ជាក់ទៀតថា កម្ពុជាមានការតភ្ជាប់ជាមួយនឹងទីផ្សារក្នុងតំបន់ និងពិភពលោក តាមរយៈកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីជាច្រើន ដែលក្នុងនោះ កម្ពុជា […]
អានបន្ថែម
រយៈពេលត្រឹម ២៤២ថ្ងៃ កម្ពុជាបោះបង្គោលព្រំជុំវិញបឹងទន្លេសាបបានជាង ១ពាន់បង្គោល ស្មើនឹង ៨៣%
គិតត្រឹមមកដល់ពេលនេះ អាជ្ញាធរទន្លេសាប បានធ្វើការបោះបង្គោលព្រំនៅតំបន់៣ ក្នុងភូមិសាស្រ្តខេត្តទាំង៦ ជុំវិញបឹងទន្លេសាប សម្រេចបានប្រមាណ ៨៣,៣៣ភាគរយ នៃចំនួនបង្គោលសរុបចំនួន ១.០៦៩ បង្គោល។ នេះបើតាមការបញ្ជាក់ពីឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ក្នុងកិច្ចប្រជុំស្តីពីលទ្ធផលនៃការអនុវត្តការងារចំពោះមុខរបស់អាជ្ញាធរទន្លេសាប នាថ្ងៃទី២៥ ខែវិច្ចិកា ឆ្នាំ២០២៤។ ឯកឧត្តមរដ្ឋមន្ត្រីបានឱ្យដឹងថា រយៈពេល ២៤២ថ្ងៃ គិតចាប់ពីថ្ងៃទី១ ខែមេសា ដល់ថ្ងៃទី២៥ ខែវិច្ឆិកា ឆ្នាំ២០២៤ ការសង់បង្គោលព្រំក្នុងតំបន់បី នៅតាមបណ្តាខេត្តចំនួន៦ សម្រេចបាន ១.០៦៩បង្គោល ស្មើនឹង ៨៣,៣៣%។ ឯកឧត្តមបន្តថា ក្នុងនោះខេត្តចំនួនបីបានបោះបង្គោលរួចរាល់ ១០០% រួមមាន៖ ខេត្តពោធិ៍សាត់ ខេត្តបាត់ដំបង និងខេត្តបន្ទាយមានជ័យ។ ដោយឡែក ខេត្តសៀមរាបសម្រេចបោះបង្គោល ៨៣,៦១% ខេត្តកំពង់ឆ្នាំងសម្រេច ៧២,៥៥% និងខេត្តកំពង់ធំសម្រេចបាន ៨៦,៤១%។ ជាមួយគ្នានេះ ឯកឧត្តម បានបញ្ជាក់បន្ថែមថា ការធ្វើបច្ចុប្បន្នភាពផែនទីទំហំផ្ទៃដីតំបន់ទាំងបី ក្នុងខេត្តទាំង៦ ក្រោយពីពិនិត្យឡើងវិញ និងចុះផ្ទៀងផ្ទាត់ទីតាំងជាក់ស្តែងនៅដំណាក់កាលទី៣ […]
អានបន្ថែម
ទីលានទុកសំរាមទំហំ ១១ហិកតា នៅក្រុងសិរីសោភ័ណ-ខេត្តបន្ទាយមានជ័យ បញ្ចប់ការសាងសង់ហើយ
ទីលានទុកដាក់សំរាមទំហំ ១១ហិកតា នៅក្នុងក្រុងសិរីសោភ័ណ ខេត្តបន្ទាយមានជ័យ បានបញ្ចប់ការសាងសង់ទាំងស្រុងហើយ ខណៈភាគីពាក់ព័ន្ធ បានរៀបចំពិនិត្យប្រគល់-ទទួលរួចរាល់ហើយ នៅថ្ងៃទី២០ ខែវិច្ឆិកា ឆ្នាំ២០២៤។ ថ្លែងក្នុងឱកាសដឹកនាំគណៈប្រតិភូក្រសួងចុះពិនិត្យប្រគល់-ទទួលអនុគម្រោងសាងសង់ផ្ទាល់ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថា គម្រោងសាងសង់ទីលានទុកដាក់សំរាមនេះ ស្ថិតនៅភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យបានបានបញ្ចប់សាងសង់ជាស្ថាពរ ១០០ភាគរយហើយ ។ ឯកឧត្តមបន្តថា អនុគម្រោងទីលានទុកដាក់សំរាម ក្រុងសិរីសោភ័ណ ខេត្តបន្ទាយមានជ័យ នេះ គឺស្ថិតក្នុងគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាបជំហាន២ ក្រោមហិរញ្ញប្បទានសហប្រតិបត្តិការរបស់ធនាគារអភិវឌ្ឍន៍អាស៊ី (ADB)។ គួរបញ្ជាក់ថា ទីលានទុកដាក់សំរាមដែលមានទំហំរហូតដល់ ១១ហិកតានេះ បានចាប់ផ្តើមសាងសង់តំាងពីថ្ងៃទី១១ ខែធ្នូ ឆ្នាំ២០២៣ និងបញ្ចប់គការសាងសង់នៅថ្ងៃទី២៤ ខែតុលា ឆ្នាំ២០២៤ និងគ្រោងដាក់ឱ្យប្រើប្រាស់រហូតដល់ឆ្នាំ២០៤០។ លើសពីនេះ គម្រោងនេះមានវិសាលភាពសម្រាប់ប្រជាជនប្រមាណជាង ១២៨.២០៨នាក់ ដែលរស់នៅក្នុងសង្កាត់ម្កាក់ កំពង់ស្វាយ ព្រះពន្លា ទឹកថ្លា អូរអំបិល ភ្នៀត កោះពង្សសត្វ ក្រុងសិរីសោភ័ណផ្ទាល់។ គម្រោងនេះមិនត្រឹមតែបង្កើនសមត្ថភាពគ្រប់គ្រងកាកសំណល់ប៉ុណ្ណោះទេ ប៉ុន្តែថែមទាំងរួមចំណែកដល់និរន្តរភាពបរិស្ថានទាំងមូលនៃតំបន់ […]
អានបន្ថែម
ក្រុមហ៊ុនជប៉ុនចំនួន២៦ បង្ហាញពីចំណាប់អារម្មណ៍ចង់វិនិយោគលើវិស័យកសិកម្មនៅកម្ពុជា
ក្រុមហ៊ុនជប៉ុនចំនួន២៦ បានបង្ហាញចំណាប់អារម្មណ៍ក្នុងការស្វែងរកឱកាសវិនិយោគនៅកម្ពុជាលើវិស័យមួយចំនួនដូចជា វិស័យកសិកម្ម, ការកែច្នៃម្ហូបអាហារ និងវិស័យវារីវប្បកម្ម។ នេះបើតាមជំនួបរវាងសម្តេចនាយករដ្ឋមន្ត្រី ហ៊ុន ម៉ាណែត និងឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា កាលពីថ្ងៃទី១៩ ខែវិច្ឆិកា ឆ្នាំ២០២៤។ ក្នុងជំនួបនេះ ឯកឧត្តមប្រធានសមាគម បានឱ្យដឹងថា សមាគមបានបើកដំណើរការិយាល័យរបស់ខ្លួន ប្រចាំនៅកម្ពុជាកាលពីខែមេសា ឆ្នាំ២០២៤ និងបានសហការជាមួយក្រសួង-ស្ថាប័នពាក់ព័ន្ធ នៃរាជរដ្ឋាភិបាលកម្ពុជា បង្កើតសាលាបណ្ដុះបណ្ដាលជំនាញវិជ្ជាជីវៈចំនួន៣ ដែលរួមមាន៖ សាលាបណ្ដុះបណ្ដាលជំនាញជួសជុលយានយន្តសាលាបណ្ដុះបណ្ដាលជំនាញតុបតែង និងកែសម្ផស្ស និងសាលាបណ្ដុះបណ្ដាលជំនាញវិស្វកម្មព័ត៌មានវិទ្យា។ ឯកឧត្តមប្រធានសមាគម បានបន្តថា សមាគមបានខិតខំផ្សព្វផ្សាយអំពីសក្កានុពលកម្ពុជា ដើម្បីទាក់ទាញក្រុមហ៊ុនវិនិយោគជប៉ុន ជាពិសេសប្រភេទសហគ្រាសធុនតូច និងមធ្យម (SME) ជប៉ុនមកវិនិយោគនៅកកម្ពុជាថែមទៀត ព្រមទាំងបានបង្ហាញពីការប្តេជ្ញាចិត្តក្នុងការបន្តចូលរួមពង្រឹង និងពង្រីកកិច្ចសហប្រតិបត្តិការជាមួយរាជរដ្ឋាភិបាលកម្ពុជាលើវិស័យឧស្សាហកម្ម និងការអភិវឌ្ឍធនធានមនុស្ស។ តាមរយៈជំនួបនេះដែរ ឯកឧត្តមប្រធានសមាគម បានបញ្ជាក់ដែរថា មានក្រុមហ៊ុនជប៉ុនចំនួន២៦ បានចូលរួម និងបានបង្ហាញចំណាប់អារម្មណ៍ក្នុងការស្វែងរកឱកាសវិនិយោគនៅកម្ពុជាលើវិស័យមួយចំនួនដូចជា វិស័យកសិកម្ម ការកែច្នៃម្ហូបអាហារ និងវិស័យវារីវប្បកម្ម។ ជាការឆ្លើយតប សម្ដេចបវរធិបតី បានអបអរសាទរសមាគមជប៉ុន-កម្ពុជា ដែលបានបង្កើតការិយាល័យនៅកម្ពុជា និងសាលាបណ្ដុះបណ្ដាលជំនាញវិជ្ជាជីវៈទាំងបីខាងលើ។ […]
អានបន្ថែម
១០ខែ កម្ពុជាផលិតគ្រាប់ស្វាយចន្ទីបាន ៨៤ម៉ឺនតោន, នាំទៅវៀតណាមអស់ជាង ៧៩ម៉ឺនតោន បង្កើតចំណូលបាន$១,១១ពាន់លាន
ក្នុងរយៈពេល១០ខែដំបូង នៃឆ្នាំ២០២៤នេះ ប្រទេសកម្ពុជាបានផលិតគ្រាប់ស្វាយចន្ទីបានចំនួន ៨៤ម៉ឺនតោន ដែលនេះជាការកើនឡើងគួរឱ្យកត់សម្គាល់ ២៦ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ នេះបើតាមការបញ្ជាក់របស់លោក អ៊ុន ស៊ីឡុត ប្រធានសមាគមស្វាយចន្ទីកម្ពុជា។ លោកប្រធានបានគូសបញ្ជាក់ថា វៀតណាមបានក្លាយជាទីផ្សារដ៏ធំសម្រាប់គ្រាប់ស្វាយចន្ទីកម្ពុជា ខណៈក្នុងរយៈពេល១០ខែនេះ មានគ្រាប់ស្វាយចន្ទីជាង ៧៩ម៉ឺនតោន ត្រូវបាននាំចេញទៅកាន់ប្រទេសវៀតណាម ដែលបង្កើតបានជាប្រាក់ចំណូលដ៏គួរឱ្យចាប់អារម្មណ៍ចំនួន ១,១១ ពាន់លានដុល្លារ ពោលគឺកើនឡើង ៣១ភាគរយ ធៀបនឹងឆ្នាំមុន ។ លើសពីនេះ ចំពោះតម្លៃនៃការនាំចេញគ្រាប់ស្វាយចន្ទីក៏បានកើនឡើង ៩ភាគរយផងដែរ បើធៀបនឹងឆ្នាំ២០២៣។ បច្ចុប្បន្ន សមាគមស្វាយចន្ទីកម្ពុជាក៏កំពុងតែស្វែងរកទីផ្សារថ្មីផងដែរ ដោយបានធ្វើការនាំចេញគ្រាប់ស្វាយចន្ទីកែច្នៃទៅកាន់ប្រទេសចិន ជប៉ុន និងអឺរ៉ុប ទោះបីជាក្នុងបរិមាណតិចក៏ដោយ។ ការពង្រីកនេះបង្ហាញពីតម្រូវការកើនឡើងនៃគ្រាប់ស្វាយចន្ទីកម្ពុជានៅលើឆាកអន្តរជាតិ។ លើសពីនេះ លោក ស៊ីឡុត ក៏បានបញ្ជាក់បន្ថែមអំពីទស្សនវិស័យវិជ្ជមានសម្រាប់វិស័យគ្រាប់ស្វាយចន្ទីរបស់កម្ពុជា ដោយកត់សម្គាល់ឃើញថា មានការកើនឡើងនៃការចាប់អារម្មណ៍របស់ក្រុមហ៊ុនចិន និងកូរ៉េ ដែលកំពុងតែស្វែងរកការនាំចូលគ្រាប់ស្វាយចន្ទីឆៅពីកម្ពុជាសម្រាប់ធ្វើការកែច្នៃ។ គួរបញ្ជាក់ថា គ្រាប់ស្វាយចន្ទីត្រូវបានចាត់ទុកថាជាផលិតផលកសិកម្មដ៏សំខាន់ និងជាដំណាំយុទ្ធសាស្ត្រសម្រាប់ប្រទេសកម្ពុជានាពេលបច្ចុប្បន្ន។ បច្ចុប្បន្ននេះ ប្រទេសកម្ពុជាមានផ្ទៃដីជាង ៥៨ម៉ឺនហិកតា ដែលអំណោយផលដល់ការដាំដុះស្វាយចន្ទី ជាមួយនឹងទិន្នផលជាមធ្យមប្រមាណ ១,៥តោនក្នុងមួយហិកតា។ សមត្ថភាពផលិតកម្មដ៏រឹងមាំនេះ បានចាត់ទុកប្រទេសកម្ពុជាជាតួអង្គសំខាន់នៅក្នុងទីផ្សារគ្រាប់ស្វាយចន្ទីពិភពលោក។ ដោយសារប្រទេសនេះបន្តលើកកម្ពស់ការនាំចេញកសិផលរបស់ខ្លួន […]
អានបន្ថែម
តើឌីជីថលភ្លោះកំពុងបង្កើតអនាគតតភ្ជាប់ 5G យ៉ាងដូចម្តេច?
យើងមិនអាចមើលឃើញពីតថភាពទាំងស្រុងនោះទេ ប៉ុន្តែវាតែងតែចេញពីគំនិត។ សម្រាប់ក្រុមហ៊ុនផ្តល់សេវាទូរគមនាគមន៍ បង្គោលអង់តែនគឺជាឆ្អឹងខ្នងដ៏សំខាន់ វាផ្តល់ថាមពលគ្រប់យ៉ាងដល់ការផ្ញើសារ និងការហៅទូរស័ព្ទ រហូតដល់វីដេអូ TikTok។ បង្គោលខ្លះមានកម្ពស់រហូត 200ហ្វីត (60ម៉ែត្រ) ដែលឈរខ្ពស់ដូចជាឆ្មាំនៅតាមដងផ្លូវ ឬដំឡើងពីលើដំបូលអគារខ្ពស់។ នៅចុងអង់តែនមានកញ្ចុំដូចស្រទាប់ផ្កាដើម្បីភ្ជាប់បន្ទះអង់តែន ឧបករណ៍បញ្ជូន និងឧបករណ៍ផ្សេងទៀតដែលជួយរក្សាការទំនាក់ទំនងអ្នកប្រើប្រាស់ជាប្រចាំ។ ឥឡូវនេះ ក្រុមហ៊ុនទូរគមនាគមន៍ទាំងឡាយកំពុងរងសម្ពាធក្នុងការធ្វើទំនើបកម្មរបស់ខ្លួន នៅពេលនិន្នាការផ្លាស់ប្តូរពីបណ្តាញ 4G ទៅ 5G ដែលកំពុងបង្កើនសន្ទុះ។ ដើម្បីដំណើរការកិច្ចការទាំងនេះបាន ក្រុមហ៊ុនចាំបាច់ត្រូវប្រើប្រាស់កម្លាំងមនុស្សដើម្បីចុះត្រួតពិនិត្យបង្គោលអង់តែននីមួយៗ មុននឹងកែលម្អ ឬបំពាក់ឧបករណ៍បន្ថែម ព្រមទាំងពិនិត្យការថែទាំដើម្បីធ្វើឱ្យប្រសើរឡើងនូវល្បឿនទិន្នន័យ ជំរុញសមត្ថភាព និងកាត់បន្ថយរាំងស្ទះដល់អតិថិជន។ ឥឡូវនេះយើងមានវិធីដើម្បីធ្វើឱ្យដំណើរការកាន់តែងាយស្រួល ជួយដល់ក្រុមហ៊ុនទូរគមនាគមន៍នាំយកនូវបច្ចេកវិទ្យា 5G ដល់អតិថិជនរបស់ខ្លួនបានលឿនជាងមុន និងរក្សាសេវាឱ្យខ្លាំង។ វិធីសាស្រ្តគឺសាមញ្ញ ដោយគ្រាន់តែប្រើប្រាស់ឌីជីថលភ្លោះ ដើម្បីចម្លង់ចេញជាគំរូឌីជីថលពិតប្រាកដសម្រាប់ការវិភាគ និងគ្រប់គ្រង។ ត្រូវដឹងថាបច្ចេកទេសគំរូឌីជីថលភ្លោះ 3D ដែលចម្លងចេញពីហេដ្ឋារចនាសម្ព័ន្ធដែលជាទ្រពសម្បត្តិរបស់ក្រុមហ៊ុន មិនថា អគារ ផ្លូវថ្នល់ ស្ពាន គ្រឿងម៉ាស៊ីន និងសូម្បីតែទីក្រុងទាំងមូល-គឺអាចបង្ហាញពីវដ្តជីវិតទាំងមូល ចាប់ពីការរចនា និងការសាងសង់រហូតដល់ប្រតិបត្តិការ និងការថែទាំ។ នេះការធ្វើឱ្យប្រសើរឡើងតាមរយៈការបញ្ចូលបញ្ញាសិប្បនិមិត្ត (AI) និងម៉ាស៊ីនសិក្សា (ML) […]
អានបន្ថែម
រដ្ឋាភិបាលកម្ពុជាសម្រេចជាផ្លូវការនូវការដកខ្លួនចេញពីតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម
រដ្ឋាភិបាលកម្ពុជា បានប្រកាសជាផ្លូវការនូវដកខ្លួនចេញពីតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម CLV-DTA តាមរយៈនិរាករណ៍ច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីការជំរុញ និងសម្របសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម តាមរយៈ ព្រះរាជក្រម លេខ នស/រកម/១១២៤/០០៤ ចុះថ្ងៃទី ២១ ខែវិច្ឆិកា ឆ្នាំ២០២៤។ ច្បាប់នេះ មានអានុភាពអនុវត្តចាប់ពីថ្ងៃដែលការដកខ្លួនរបស់ព្រះរាជាណាចក្រកម្ពុជាបានចូលជាស្ថាពរដោយផ្អែកតាមកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម។ បើទោះបីជាការប្រកាសដកខ្លួនយ៉ាងនេះក៏ដោយ ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានប្រកាសពីជំហរថា នឹងបន្តអភិវឌ្ឍបណ្តាខេត្តទាំង៤ នៅតំបន់ភូមិភាគឦសាន្តរបស់កម្ពុជា ដោយមិនមានការប្រែប្រួលនោះទេ ដោយរួមមានការបោះបង្គោលព្រំដែនជាមួយប្រទេសជិតខាង ការកសាងហេដ្ឋារចនាសម្ព័ន្ធតភ្ជាប់ជាពិសេសផ្លូវក្រវាត់ព្រំដែន និងការដាក់ចេញនូវកញ្ចប់លើកទឹកចិត្ត និងជំរុញការវិនិយោគខេត្តភូមិភាគឦសាន្តឆ្នាំ២០២៥ ជាដើម។ (អានបន្ថែម) ថ្មីនេះៗផងដែរ រាជរដ្ឋាភិបាលកម្ពុជា បានបើកការដ្ឋានសាងសង់ផ្លូវក្រវ៉ាត់ព្រំដែនប្រវែង ២៥០គ.ម ក្រោមមូនិធិសរុបជិត ២៦.៩៦៧.៦០៩លានដុល្លារអាមេរិក នៅថ្ងៃទី១ វិច្ឆិការ ឆ្នាំ២០២៤ និងគ្រោងបញ្ចប់នៅចុងខែមេសា ឆ្នាំ២០២៧ ដែលមាន ០៤ខ្សែ ក្នុងនោះ ក្នុងភូមិសាស្ត្រខេត្តមណ្ឌលគិរី ប្រវែង ១៤៧,៤២ គីឡូម៉ែត្រ និងក្នុងខេត្តរតនគីរីប្រវែង ១០២,៥៨ គីឡូម៉ែត្រ។(អានបន្ថែម) គួរបញ្ជាក់ថា អំឡុងពេលអនុវត្តកិច្ចព្រមព្រៀង CLV-DTA […]
អានបន្ថែម