ជប៉ុន និង កូរ៉េ បង្ហាញពីសក្ដានុពលសំបកគ្រាប់ស្វាយចន្ទីនៅកម្ពុជាអាចចម្រាញ់ជាឥន្ទនៈបាន
ក្រុមអ្នកស្រាវជ្រាវនៃវិទ្យាស្ថានថាមពលកូរ៉េ (KIER) និង ក្រុមហ៊ុនជប៉ុន Mitsubishi Corperation បានបង្ហាញពីបច្ចេកវិទ្យាថ្មីនិងទំនើបបំផុតដល់កម្ពុជា ដើម្បីចម្រាញ់ជីវៈថាមពលចេញពីសំបកគ្រាប់ស្វាយចន្ទីដែលមិនប៉ះពាល់ដល់បរិស្ថាន ខណៈបច្ចុប្បន្នកម្ពុជាមានសក្ដានុពលខ្លាំងលើដំណាំស្វាយចន្ទី។ នេះបើតាមកិច្ចប្រជុំមួយរបស់សភាពាណិជ្ជកម្មកម្ពុជា (CCC) កាលពីថ្ងៃទី១២ ខែកក្កដា ឆ្នាំ២០២៣ និងការលើកឡើងរបស់ប្រធានសមាគមស្វាយចន្ទីកម្ពុជា លើបណ្តាញព័ត៌មាន Fresh News នៅថ្ងៃទី២៦ ខែកក្កដានេះ។ ក្រុមអ្នកស្រាវជ្រាវកូរ៉េបានលើកឡើងថា បច្ចេកវិទ្យាដ៏ទំនើបនិងថ្មីនេះ អាចកែច្នៃគ្រាប់ស្វាយចន្ទីឱ្យក្លាយទៅជាថាមពល ឱ្យអស់ពីលទ្ធភាព ដើម្បីជៀសវាងពីការដុត ឬ បោះចោល។ ម្យ៉ាងទៀតក៏អាចជួយជម្រុញដល់ការកែច្នៃគ្រាប់ស្វាយចន្ទីនៅកម្ពុជា ឱ្យទទួលបាននូវប្រាក់ចំណូលបន្ថែមពីសំបករបស់វាថែមមួយកម្រិតទៀតផង។ រីឯ លោក អួន ស៊ីឡុត ប្រធានសមាគមស្វាយចន្ទីកម្ពុជាបានបញ្ជាក់ថា ក្រុមហ៊ុនជប៉ុនមួយឈ្មោះថា Mitsubishi Corperation បានរកឃើញថាសំបកស្វាយចន្ទីរបស់កម្ពុជាមានទំហំធំ និងមានប្រេងច្រើន។ ហេតុដូច្នេះ ក្រុមហ៊ុនចង់ចម្រាញ់ទៅជាប្រេងជីវៈឥន្ទនៈដែលបំភាយឧស្ម័នកាបូនិកតិចទៅក្នុងបរិយាកាស ដោយក្រុមហ៊ុននេះត្រូវការសំបកស្វាយចន្ទី ប្រមាណ៥ពាន់តោនក្នុងមួយឆ្នាំ។ ជាមួយគ្នានេះដែរ ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានស្វាគមន៍ចំពោះបច្ចេកវិទ្យាថ្មីនេះ និងចង់ឱ្យវិនិយោគិនកូរ៉េ និងជប៉ុន ពិនិត្យពីលទ្ធភាពលើការវិនិយោគកែច្នៃគ្រាប់ស្វាយចន្ទី ក៏ដូចជា សំបកគ្រាប់ស្វាយចន្ទីនៅកម្ពុជា ដើម្បីឱ្យស្របតាមគោលនយោបាយរបស់រាជរដ្ឋាភិបាលផងដែរ។ លោក […]
អានបន្ថែម
អាកាសយានដ្ឋានអន្តរជាតិសៀមរាបថ្មីនឹងដាក់ឱ្យដំណើរការជាផ្លូវការនៅថ្ងៃទី១៦ ខែតុលាខាងមុខនេះ
អាកាសយានដ្ឋានអន្តរជាតិសៀមរាបអង្គរ (Siem Reap Angkor International Airport) នឹងដាក់ឱ្យដំណើរការជាផ្លូវការនៅថ្ងៃទី១៦ ខែតុលា ឆ្នាំ២០២៣ នេះហើយ។ នេះបើតាមសេចក្តីជូនដំណឹងរបស់រដ្ឋលេខាធិការដ្ឋានអាកាសចរស៊ីវិល កាលពីថ្ងៃទី២៦ ខែកក្កដា ឆ្នាំ២០២៣។ ទន្ទឹមនឹងនេះ អាកាសយាន្តដ្ឋានថ្មីនេះ នឹងរៀបចំជើងហោះហើរសាកល្បងមួយចំនួនតាមការចាំបាច់ ដែលមិនមានលក្ខណៈពាណិជ្ជកម្ម និងមិនរកប្រាក់ចំណេញ នៅចន្លោះពីថ្ងៃទី៥ ដល់ថ្ងៃទី១៥ ខែតុលា ឆ្នាំ២០២៣។ បន្ថែមពីនេះ គ្រប់ជើងហោះហើរអាជីវកម្មដឹកជញ្ជូនអ្នកដំណើរ និងទំនិញតាមផ្លូវអាកាស ដែលកំពុងប្រតិបត្តិការនៅអាកាសយានដ្ឋានអន្តរជាតិសៀមរាបចាស់ (Siem Reap Airport-REP) នឹងត្រូវធ្វើការផ្ទេរទាំងស្រុកទៅអាកាសយានដ្ឋានថ្មី ចាប់ពីម៉ោងសូន្យ (ម៉ោងនៅកម្ពុជា) នៅថ្ងៃទី១៦ ខែតុលាខាងមុខនេះ។ សេចក្តីជូនដំណឹង បានបន្ថែមឱ្យដឹងទៀតថា អាកាសយានដ្ឋានថ្មីនេះ បានទទួលលេខកូដជាផ្លូវការពីសមាគមដឹកជញ្ជូនតាមផ្លូវអាកាសអន្តរជាតិ (IATA Code) ដែលមានបីតួអក្សរឡាតាំង SAI និងពីអង្គការអាកាសចរស៊ីវិលអន្តរជាតិ (ICAO Code) ដែលមានបួនតួអក្សរឡាតាំង VDSA។ ហេតុនេះ ដើម្បីចូលរួមរៀបចំផែនការនៃការផ្ទេរជើងហោះហើរអាជីវកម្មដឹកជញ្ជួនអ្នកដំណើរ និងទំនិញតាមផ្លូវអាកាស និងការបើកដំណើរការអាកាសយានដ្ឋានអន្តរជាតិសៀមរាបអង្គរ (Siem Reap_Angkor International […]
អានបន្ថែម
អាល្លឺម៉ង់ជួយកម្ពុជា បង្កើតវគ្គបណ្ដុះបណ្ដាលជំនាញអភិរក្សថ្មប្រាសាទបុរាណឱ្យបានទូលំទូលាយ
ក្រុមអ្នកជំនាញមកពីស្ថានប័នGIZ នៃប្រទេសអាល្លឺមង់ កំពុងជួយបណ្ដុះបណ្ដាលជំនាញដល់សិក្ខាកាមខ្មែរចំនួន២០រូប ដើម្បីឱ្យក្លាយទៅជាអ្នកជំនាញផ្នែកអភិរក្សថ្មប្រាសាទបុរាណនៅរមណីយដ្ឋានអង្គរ ខេត្តសៀមរាប នៅពេលអនាគតខាងមុខ។ នេះបើតាមអាជ្ញាធរជាតិអប្សរា កាលពីថ្ងៃទី១៩ ខែកក្កដា ឆ្នាំ២០២៣។ បើតាមគ្រូបង្រៀនជនជាតិអាល្លឺម៉ង់ កញ្ញា Helen Jacobsen បានឱ្យដឹងថា វគ្គបណ្តុះបណ្តាលនេះ គឺចុះអនុវត្តផ្ទាល់នៅការដ្ឋាន ដោយបង្រៀនឱ្យសិក្ខាកាមទាំងអស់ចេះលាងសម្អាតថ្មប្រាសាទបុរាណ ចេះបន្សាបជាតិអំបិលចេញពីថ្ម ព្រមទាំងចេះជំនាញពង្រឹងថ្មប្រាសាទបុរាណឱ្យរឹងមាំឡើងវិញផងដែរ។ ទន្ទឹមនឹងនេះ វគ្គបណ្តុះបណ្តាលនេះ បានប្រព្រឹត្តទៅជាង ១ឆ្នាំមកហើយ ដែលសិក្ខាកាមខ្មែរចំនួន២០រូបនេះ ត្រូវបានជ្រើសរើសបុគ្គលិក និងមន្ត្រីនៃអាជ្ញាធរជាតិអប្សរាមកពីតាមបណ្ដាផ្នែកនានា។ បន្ថែមពីនេះ ស្ថាប័ន GIZ អាល្លឺម៉ងឱ្យដឹងដែរថា វគ្គបណ្ដុះបណ្ដាលជំនាញអភិរក្សថ្មជំនាន់ទី២នេះ មានកម្មវិធីដែលត្រូវសិក្សាទាំងអស់ចំនួន១៣ ដែលបច្ចុប្បន្ននេះ ក្រុមសិក្ខាកាមបានសិក្សាដល់កម្មវិធីទី៧ហើយ។ ដោយឡែក លោក រីក រ៉េត ជាមន្ត្រីបច្ចេកទេសនាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា បានលើកឡើងដែរថា វគ្គបណ្ដុះបណ្ដាលជំនាញផ្នែកអភិរក្សថ្មប្រាសាទបុរាណ ដែលមានរយៈពេលជាង២ឆ្នាំនេះ គឺជាកិច្ចសហប្រតិបត្តិការរវាងស្ថាប័ន GIZ អាល្លឺម៉ង់ជាមួយ និងនាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា។ លោកបានបន្ថែមថា វគ្គបណ្ដុះបណ្ដាលនេះ មានសារសំខាន់យ៉ាងខ្លាំង ដែលអាចផ្ដល់អត្ថប្រយោជន៍ដល់សិក្ខាកាមទាំងឡាយឱ្យយកចំណេះដឹងទាំងនេះទៅប្រើប្រាស់លើការងារថែរក្សា និងការពារប្រាសាទបុរាណនៅតាមកន្លែងផ្សេងៗសម្រាប់ពេលអនាគត ហើយពួកគេក៏អាចផ្សព្វផ្សាយជំនាញនេះទៅកាន់កូនខ្មែរជំនាន់ក្រោយឱ្យចេះដឹងកាន់តែទូលំទូលាយផងដែរ។ […]
អានបន្ថែម
ជប៉ុនគ្រោងវិនិយោគសង់ផ្ទះបន្តោងដើមឈើដ៏ប្រណិតលំដាប់សណ្ឋាគារផ្កាយ៥ នៅលើភ្នំគូលែន
ក្រុមហ៊ុន TreeFul របស់ប្រទេសជប៉ុន គ្រោងបោះទុនវិនិយោគសាងសង់ផ្ទះបន្តោងដើមឈើប្រណិតៗ លំដាប់សណ្ឋាគារផ្កាយ៥ ឬសណ្ឋាគារពិភពលោកនៅលើភ្នំគូលែន ដើម្បីបំបែកកំណត់ត្រាថ្មី។ នេះបើតាមការចុះផ្សាយរបស់មន្ទីរពត៌មានខេត្តសៀមរាប កាលពីថ្ងៃទី២៦ ខែកក្កដា ឆ្នាំ២០២៣។ គម្រោងនេះ ធ្វើឡើងបន្ទាប់ពីក្រុមហ៊ុនបានបំបែកឯតទគ្កកម្មផ្ទះបន្តោង (Tree house) ដ៏ប្រណិតកម្រឹតសណ្ឋាគារផ្កាយ៥ ពិភពលោក (Guinness World Records) នៅកោះអូគីណាវ៉ា កាលពីដើមសីហា ឆ្នាំ២០២២ថ្មីៗនេះ ។ លោក Nabesshima Katsuhito តំណាងក្រុមហ៊ុន TreeFul បានឲ្យដឹងថា កាលពីដើមឆ្នាំ២០២៣នេះ លោក Satoru Kikugawa ជាវិស្វករដ៏ល្បីម្នាក់លំដាប់ពិភពលោក និងជាស្ថាបនិកក្រុមហ៊ុន TreeFul ដែលជាក្រុមហ៊ុនសាងសង់ផ្ទះបន្តោងដើមឈើដ៏ប្រណិតៗនៅលើកោះអូគីណា បានមកប្រទេសកម្ពុជា ដោយលោកបានចុះទៅផ្ទាល់នៅតាមទីតាំងមួយចំនួននៅក្នុងប្រទេសកម្ពុជា។ លោកបន្តថា បន្ទាប់ពីឃើញនូវសក្តានុពលរបស់ភ្នំគូលែនដោយផ្ទាល់ភ្នែក លោក Satoru Kikugawa មានចំណាប់អារម្មណ៍ក្នុងសាងសង់ផ្ទះបន្តោងដ៏ប្រណិតនៅលើភ្នំប្រវត្តិសាស្ត្រ ព្រមទាំងបានបញ្ជូនអ្នកជំនាញទាំងផ្នែកកសិកម្ម ផ្នែកបរិស្ថាន និងផ្នែកបច្ចេកទេស មកពិនិត្យវាយតម្លៃអំពីសក្តានុពល និងផលប៉ះពាល់នៅតំបន់នេះ និងឈានដល់ការកសាងផែនការមេ ដាក់ជូនក្រសួងពាក់ព័ន្ធ ដើម្បីសុំការអនុញ្ញាតសម្រាប់ការវិនិយោគមួយនេះ ខណៈតំបន់ភ្នំគូលែននេះ […]
អានបន្ថែម
ហេតុអ្វីមិនមែនភ្នំពេញ ឬបាងកក? ខណៈហូជីមិញជាប់ជាក្រុងកំពូល ទាក់ទាញវិនិយោគច្រើនបំផុតក្នុងតំបន់អាស៊ីប៉ាស៊ីហ្វិក
រាជធានីភ្នំពេញជាទីក្រុងដែលធំជាងគេនៃប្រទេសកម្ពុជា បាននិងកំពុងជួបប្រទះនូវកំណើនគួរឱ្យកត់សម្គាល់ទាំងនគរូបនីយកម្ម (ការពង្រីកទំហំ) លំហូរការវិនិយោគផ្ទាល់ពីបរទេស (FDI) សំណង់អគារខ្ពស់ៗ និងគម្រោងអភិវឌ្ឍន៍អចលនទ្រព្យខ្នាតយក្សយ៉ាងច្រើន។ ទោះយ៉ាងណាក៏ដោយ នៅពេលប្រៀបធៀបអំពីមាឌនៃការវិនិយោគ (Volume of Investment) ទៅនិងទីក្រុងសំខាន់ៗក្នុងតំបន់អាស៊ាន ភ្នំពេញនៅតែមានចំនួនតិចតួចនៅឡើយ។ ផ្ទុយទៅវិញ បាងកក ដែលជារាជធានីដ៏អ៊ូអររបស់ប្រទេសថៃ ដែលកំពុងលេចធ្លោជាចំណុចទាក់ទាញដ៏សំខាន់សម្រាប់អ្នកវិនិយោគបរទេសដែលស្វែងរកនិវាសនដ្ឋានប្រណីតៗ ជាពិសេសខុនដូ ដោយការលក់បានកើនឡើងជាង ២០០% ក្នុងរយៈពេលថ្មីៗនេះ បើតាមរបាយការណ៍ CBRE Thailand ។ គួរកត់សម្គាល់ថា តម្លៃផ្ទះរបស់ទីក្រុងបាងកកជាប់ចំណាត់ថ្នាក់ក្នុងចំណោមតម្លៃសមរម្យបំផុតនៅក្នុងទីក្រុងសំខាន់ៗនៅលើពិភពលោក ដូចដែលបានបង្ហាញដោយការវិភាគរបស់ក្រុមហ៊ុន CBRE នៅលើគេហទំព័រ RE Talk Asia ។ ទោះជាយ៉ាងណាក៏ដោយ រាជធានីនៃប្រទេសថៃនេះ នៅតែមិនជាប់ចំណាត់ថ្នាក់ក្នុងចំណោមទីក្រុងកំពូលទាំង ១០ សម្រាប់ការវិនិយោគឆ្លងព្រំដែនក្នុងតំបន់អាស៊ីប៉ាស៊ីហ្វិកសម្រាប់ឆ្នាំ ២០២៣។ ប៉ុន្តែហេតុអ្វីបានជាទីក្រុងរបស់វៀតណាមជាប់ចំណាត់ថ្នាក់ក្នុងបញ្ជីកំពូលនេះ? លើសពីនេះ មិនមែនតែក្រុងមួយទៀត គឺក្រុងដល់ទៅពីរហាណូយ និងហូជីមិញ។ រដ្ឋធានីតូក្យូជាប់លេខ១ បួនឆ្នាំៗជាប់គ្នា ហើយសម្រាប់ឆ្នាំនេះ ក្រុងសិង្ហបុរីជាប់លេខ២ ហើយក្រុងហូជីវមិញជាប់លេខ៣។ ខាងក្រោមនេះគឺជាការពិតមួយចំនួនដែលមិនអាចប្រកែកបានថាទីក្រុងហូជីមិញមានគុណសម្បត្តិវិនិយោគខុសពីទីក្រុងបាងកក ទោះបីវាមានទំហំតូចជាងក៏ដោយ៖ តម្លៃអចលនទ្រព្យខ្ពស់៖ ការពិនិត្យឡើងវិញដំបូងអំពីតម្លៃអចលនទ្រព្យនៅទីក្រុងហាណូយ […]
អានបន្ថែម
អង់គ្លេស និងអឺរ៉ុបរួមគ្នាសង់តេឡេស្កុបព្រះអាទិត្យដ៏ធំបំផុតមិនធ្លាប់មាន នៅអេស្ប៉ាញ
ចក្រភពអង់គ្លេស និងអឺរ៉ុបបានរួមកម្លាំងគ្នាសាងសង់តេឡេស្កុបព្រះអាទិត្យដ៏ធំបំផុតមិនធ្លាប់មានលើលោក នៅក្នុងទ្វីបអឺរ៉ុប គឺក្នុងប្រទេសអេស្ប៉ាញ។ គម្រោងសង់តេឡេស្កុបព្រះអាទិត្យដ៏ធំបំផុតមិនធ្លាប់មាននេះ ត្រូវបានគាំទ្រពីសាកលវិទ្យាល័យ Sheffield និងប្រទេសអឺរ៉ុបចំនួនប្រាំបួន រួមទាំងចក្រភពអង់គ្លេសផងដែរ បានប្តេជ្ញាចិត្តថា នឹងកសាងតេឡេស្កុបព្រះអាទិត្យអឺរ៉ុបនេះ ដោយហៅកាត់ថា(EST) នេះបើយោងតាមការប្រកាសជាផ្លូវការ នៅពីថ្ងៃ២៥ កក្កដា ២០២៣ នេះ។ គួរបញ្ជាក់ថា EST នេះនឹងក្លាយជាតេឡេស្កុបព្រះអាទិត្យដ៏ធំបំផុតមិនធ្លាប់មាននៅក្នុងទ្វីបអឺរ៉ុប ហើយផ្តោតសំខាន់លើការផ្តល់នូវការយល់ដឹងថ្មីដែលមិនអាចប្រៀបផ្ទឹមបានទៅលើបាតុភូតអាកាសធាតុក្នុងលំហ ជាពិសេសផ្តល់នូវការយល់ដឹងដ៏មានតម្លៃបំផុតចំពោះយន្តការដែលស្ថិតនៅក្រោមពន្លឺព្រះអាទិត្រ និងការបញ្ចោញម៉ាស់ដែលកំណត់ដោយ ‘អាកាសធាតុអវកាស’ ដែលអាចនាំឱ្យមានព្យុះធរណីមាត្រនៅលើផែនដី – ត្រូវបានគេមើលឃើញថាជាពន្លឺភាគខាងជើង – និងមានឥទ្ធិពលយ៉ាងខ្លាំងលើសង្គមបច្ចេកវិទ្យា។ សាស្ត្រាចារ្យ Robertus von Fay-Siebenburgen មកពីសាកលវិទ្យាល័យ Sheffield’s School of Mathematics and Statistics បាននិយាយថា ” EST នឹងក្លាយជាកែវយឹតព្រះអាទិត្យដ៏ធំបំផុតនៅអឺរ៉ុប ហើយនឹងរក្សាដៃគូអឺរ៉ុបដើម្បីធ្វើការស្រាវជ្រាវរូបវិទ្យាព្រះអាទិត្យ ដូច្នេះវាពិតជាអស្ចារ្យណាស់ដែលដៃគូចក្រភពអង់គ្លេសជាច្រើនអាចមករួមគ្នាដើម្បីបង្កើត EST នេះឡើង។ “ក្រុមអ្នកស្រាវជ្រាវដែលមិនធ្លាប់មាន និងមិនអាចប្រៀបផ្ទឹមបានមួយនេះនឹងផ្តល់ឱ្យតារាវិទូអ៊ឺរ៉ុប និងអ្នកវិទ្យាសាស្ត្ររូបវិទ្យាប្លាស្មា អាចបង្កើតឧបករណ៍ដ៏អស្ចារ្យមួយសម្រាប់ការសង្កេតមើលព្រះអាទិត្យ និងអាកាសធាតុក្នុងលំហ ដែលជាការត្រួសត្រាយផ្លូវសម្រាប់ការរីកចម្រើនផ្នែកវិទ្យាសាស្ត្រនៅក្នុងបញ្ហាប្រឈមដ៏ធំនាពេលបច្ចុប្បន្ន និងសំខាន់បំផុតរបស់ពិភពលោកដូចជា […]
អានបន្ថែម
PropertyGuru ប្រកាសបេក្ខភាពឆ្នើមឈ្នះពានវង្វាន់ប្រចាំឆ្នាំ២០២៣ ខណៈពីធីប្រគល់ជ័យលាភីនឹងធ្វើឡើងឆាប់ៗនេះ
ក្រុមហ៊ុន PropertyGuru Group (NYSE: PGRU) ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍ បានប្រកាសជ្រើសរើសបេក្ខភាពដែលត្រូវបានជ្រើសរើសក្នុងកម្មវិធីពានរង្វាន់ PropertyGuru Cambodia Property Awards ប្រចាំឆ្នាំលើកទី៨ ដែលគាំទ្រដោយអ្នកឧបត្ថម្ភ CBRE Cambodia និង SALTO Systems ។ ក្រុមហ៊ុនដែលជាប់ក្នុងបញ្ជីគឺសុទ្ធសឹងតែជាគម្រោងអចលនទ្រព្យឆ្នើមនៅរាជធានីភ្នំពេញ និងខេត្តសៀមរាប ដោយបានប្រជែងយកតែជាង ៣០ជើងឯក នៅក្នុងពិធី បង្ហាញពានរង្វាន់ឆ្នើមនៅល្ងាចថ្ងៃសុក្រ ទី១៨ ខែសីហា ឆ្នាំ២០២៣ នៅសាល Grand Ballroom នៃសណ្ឋាគារសូហ្វីតែលភ្នំពេញភូគីត្រា។ បេក្ខភាពដែលត្រូវបានជ្រើសរើសសំខាន់ៗផ្សេងទៀត រួមមាន៖ OCIC Group ដែលទទួលពានវង្វាន់លើការអភិវឌ្ឍន៍ខុនដូ Diamond Bay Garden ។ Siha Property Co., Ltd ដែលទទួលពានវង្វាន់លើការអភិវឌ្ឍន៍លំនៅដ្ឋាន Siha Residence; និង Sir Stamford Raffles (Cambodia) Co., Ltd., […]
អានបន្ថែម
អគារទីស្តីការថ្មីកម្ពស់១៨ជាន់ របស់ក្រសួងឧស្សាហកម្ម បានបញ្ចប់ការសាងសង់១០០%ហើយ
អគារទីស្តីការថ្មីនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កម្ពស់ ១៨ជាន់ តាមបណ្តោយមហាវិថីព្រះនរោត្តម បានបញ្ចប់ការសាងសង់ហើយ។ នេះបើតាមពិធីប្រគល់ទទួលកាលពីថ្ងៃទី២៥ ខែកក្កដា ឆ្នាំ២០២៣ ក្រោមអធិបតីភាពឯកឧត្ដមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ បើតាមលោក ឃុន សេងផេង តំណាងក្រុមហ៊ុនសាងសង់ គឺក្រុមហ៊ុន ឃុន សៀ អ៊ីមផត អ៊ិចផត បានបញ្ជាក់ថា អគារទីស្តីការថ្មីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍នេះ មានកម្ពស់ ១៨ជាន់ ត្រូវបានបើកការដ្ឋានសាងសង់កាលពីថ្ងៃទី១២ ខែធ្នូ ឆ្នាំ២០១៩ និងបញ្ចប់ការសាងសង់នៅថ្ងៃទី២២ ខែកក្កដា ឆ្នាំ២០២៣កន្លងទៅនេះ។ លោក ឃុន សេងផេង បានបញ្ជាក់បន្ថែមថា អគារទីស្តីការថ្មីនេះត្រូវបានសាងសង់ឡើងប្រើរយៈពេលអស់ជាង៣ឆ្នាំ ក្រុមហ៊ុនរបស់លោក និងក្រុមហ៊ុនដៃគូគឺក្រុមហ៊ុន ម៉ាទីន ឌីហ្សាញ &សឹកសេស ប៊ីល ទទួលបានការគាំទ្រជានិច្ចទាំងផ្នែកពិគ្រោះយោបល់និងបច្ចេកទេសពីគណៈកម្មការសាងសង់របស់ក្រសួង ក្នុងកិច្ចសហការនិងយោគយល់គ្នាយ៉ាងល្អប្រសើរ។ […]
អានបន្ថែម
អូស្ត្រាលីផ្តល់ជំនួយជាង ៥៦លានដុល្លារ ដើម្បីអភិវឌ្ឍវិស័យសំខាន់ៗនៅកម្ពុជា
ប្រទេសអូស្ត្រាលី នឹងផ្តល់ជំនួយអភិវឌ្ឍន៍ផ្លូវការចំនួន ៨៣,៦លានដុល្លារអូស្ត្រាលី ស្មើនឹងជាង ៥៦,៥លានដុល្លារអាមេរិក ដល់កម្ពុជា ដើម្បីអភិវឌ្ឍវិស័យសំខាន់ៗចាប់ពីឆ្នាំ២០២៣ ដល់២០២៤។ នេះបើលិខិតរបស់លោកជំទាវ ផេននី វង រដ្ឋមន្រ្តីការបរទេស និងឯកឧត្តម ផាត ខន់រ៉យ រដ្ឋមន្រ្តីអភិវឌ្ឍន៍អន្តរជាតិ និងប៉ាស៊ីហ្វិក និងជារដ្ឋមន្រ្តីឧស្សាហកម្មសម្រាប់វិស័យការពារជាតិរបស់អូស្រ្តាលី ផ្ញើជូនឯកឧត្តមរដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងជាសហប្រតិបត្តិការអន្តជាតិនៃព្រះរាជាណាចក្រកម្ពុជា នៅថ្ងៃទី២៤ ខែកក្កដា ឆ្នាំ២០២៣។ ជំនួយទាំងនេះ រួមមាន ៤៧,៩លានដុល្លារអូស្ត្រាលី ក្នុងក្របខ័ណ្ឌទ្វេភាគី ខណៈចំនួនទឹកប្រាក់ដែលនៅសល់ត្រូវផ្ដល់តាមរយៈកម្មវិធីសកល និងតំបន់។ ជំនួយអភិវឌ្ឍន៍របស់អូស្ត្រាលីនេះ ស្របនឹងផែនការយុទ្ធសាស្ត្រអភិវឌ្ឍន៍ជាតិ នឹងបន្តគាំទ្រដល់ការរីកចម្រើនផ្នែកសេដ្ឋកិច្ចនិងសង្គមរបស់កម្ពុជា តាមរយៈការបង្កើនការទទួលបាន និងបទដ្ឋាននៃសេវាសាធារណៈ ការលើកកម្ពស់ការតភ្ជាប់ហេដ្ឋារចនាសម្ព័ន្ធ ការជួយសម្រួលដល់កំណែទម្រង់ និងវិនិយោគលើវិស័យថែទាំសុខភាព និងការរួមចំណែក បង្កើតប្រព័ន្ធគាំពារសង្គម ដែលផ្តោតសំខាន់ជាពិសេសលើស្ត្រី និងជនពិការ។ គួរបញ្ជាក់ថា ជំនួយអភិវឌ្ឍន៍នេះ បញ្ជាក់ឱ្យឃើញពីការកើនឡើងពីទឹកប្រាក់ចំនួន ៨០,៨ លានដុល្លារអូស្ត្រាលី ក្នុងឆ្នាំ២០២២-២០២៣។
អានបន្ថែម
ក្រសួងចាប់គិតលុយលើការបញ្ជូលថាមពលយានយន្តអគ្គិសនីចាប់ពីខែសីហាខាងមុខនេះ
ក្រសួងសាធារណការ និងដឹកជញ្ជូន នឹងចាប់គិតកម្រៃលើសេវាបញ្ជូលថាមពលយានយន្តអគ្គិសនី នៅតាមស្ថានីយដែលស្ថិតក្រោមការគ្រប់គ្រង និងផ្តល់សេវារបស់ក្រសួង ចាប់ពីថ្ងៃទី០១ ខែសីហា ឆ្នាំ២០២៣ តទៅ។ នេះបើតាមលិខិតលេខ ០៣២ សជណ.សក.ដជគ ចុះថ្ងៃទី២១ ខែកក្កដា ឆ្នាំ២០២៣។ រាល់ការប្រើប្រាស់ស្ថានីយបញ្ជូលថាមពលយានយន្តអគ្គិសនីទាំងអស់នេះ ត្រូវគិតតម្លៃ ១.៦០០រៀល ក្នុង ១គីឡូវ៉ាត់ម៉ោង។ គួរបញ្ជាក់ថា គិតត្រឹមថ្ងៃទី១៤ ខែកញ្ញា ឆ្នាំ២០២២ ក្រសួងបានដាក់ឱ្យដំណើរការនូវស្ថានីយបញ្ចូលថាមពលយានយន្តអគ្គីសនីបានចំនួន ៣ទីតាំងហើយ ក្នុងនោះ៖ ទីតាំងទី១ស្ថិតនៅក្នុងទីស្ដីការក្រសួងសាធារណការ និងដឹកជញ្ជូន ទីតាំងទី២ ស្ថិតនៅក្នុងខេត្តព្រះសីហនុ ដែលបានសម្ពោធដាក់ឱ្យប្រើប្រាស់កាលពីថ្ងៃទី២៧ ខែមេសា ឆ្នាំ២០២២កន្លងទៅ និងទីតាំងលើកទី៣ ស្ថិតនៅក្នុងក្រុងសៀមរាប។ (អានបន្ថែម)
អានបន្ថែម
ចិនបើកការដ្ឋានសង់រោងចក្រថាមពលនុយក្លេអ៊ែរដ៏ធំបំផុត តម្លៃ ៣.៥ពាន់លានដុល្លារ នៅប៉ាគីស្ថាន
ចិនបានបើកការដ្ឋានសាងសង់រោងចក្រថាមពលនុយក្លេអ៊ែរដ៏ធំបំផុត តម្លៃប្រមាណ ៣.៥ពាន់លានដុល្លារ នៅប្រទេសប៉ាគីស្ថាន ដើម្បីអាចផលិតថាមពលអគ្គិសនីបាន ១២០០មេហ្គាវ៉ាត់ជារៀងរាល់ថ្ងៃដល់បណ្តាញជាតិ នេះបើយោងតាមការចុះផ្សាយរបស់សាព័ត៌មាន VOA កាលពីថ្ងៃទី១៤ កក្កដា ២០២៣នេះ ។ ពិធីបើកការដ្ឋាននេះត្រូវបានអញ្ជើញចូលរួមដោយនាយករដ្ឋមន្ត្រី Shehbaz Sharif និងមន្ត្រីជាន់ខ្ពស់របស់ចិន នៅកណ្តាលទីក្រុង Chashma ដែលត្រូវបានគេស្គាល់ថាជាកន្លែងកំណើតនៃកិច្ចសហប្រតិបត្តិការថាមពលនុយក្លេអ៊ែរចិន-ប៉ាគីស្ថាន។ ក្នុងរយៈពេល ៣០ឆ្នាំកន្លងមកនេះ ទីក្រុងប៉េកាំងបានដំឡើងអង្គភាពផលិតថាមពលនុយក្លេអ៊ែរចំនួន ៤ នៅក្នុងទីក្រុង Chashma ដោយប្រមូលផ្តុំថាមពលបានប្រហែល ១៣០០មេហ្គាវ៉ាត់ ដោយ ចិនបានផ្តល់សារធាតុអ៊ុយរ៉ាញ៉ូមដែលអាចចម្រាញ់ចេញជាប្រេងឥន្ធនៈ។ លោកនាយករដ្ឋមន្ត្រី Sharif បាននិយាយថា “កិច្ចសហប្រតិបត្តិការទៅវិញទៅមកនេះ ធើ្វឡើងដើម្បីលើកកម្ពស់ថាមពលស្អាត ប្រសិទ្ធភាព និងមានតម្លៃថោក ដែលនេះ គឺជាចំណងមិត្តភាពរវាងប្រទេសទាំងពីរ និងជាគំរូសម្រាប់ប្រទេសដទៃទៀតយក តម្រាប់តាម” ។ លោក Raja Ali Raza ប្រធានគណៈកម្មការថាមពលអាតូមិកប៉ាគីស្ថានបាននិយាយថា គម្រោងរោងចក្រនុយក្លេអ៊ែរនេះ គ្រោងនឹងបញ្ចប់នៅឆ្នាំ ២០៣០។ លោក Raza បន្តថា “C-5 នឹងក្លាយជាគម្រោងថាមពលនុយក្លេអ៊ែរជំនាន់ទី III […]
អានបន្ថែម
ត្រីមាសទី២-២០២៣ NagaWorldនៅកម្ពុជាប្រមូលប្រាក់ចំណេញបាន ៨៣លានដុល្លារ កើន៥៧%
NagaCorp នៅហុងកុងបានចេញរបាយការណ៍ពីប្រាក់ចំណេញសុទ្ធរបស់ NagaWorld ក្នុងប្រទេសកម្ពុជាបានកើនឡើងដល់ ៥៧,៤ភាគរយ គិតជាទឹកប្រាក់ ៨៣លានដុល្លារ សម្រាប់ត្រីមាសទី២ ឆ្នាំ២០២៣នេះ។ ការកើនឡើងនេះត្រូវបានសន្មតឡើងដោយកត្តានៃការស្ទុះងើបឡើងវិញនៃវិស័យទេសចរណ៍ក្នុងប្រទេសកម្ពុជាពីអាស៊ាន និងការត្រឡប់មកវិញបន្តិចម្តងៗនៃអ្នកធ្វើអាជីវកម្មពីប្រទេសចិន ដែលជំរុញឱ្យមានការកើនឡើងនៃប្រាក់ចំណូលរបស់ NagaWorld ។ របាយការណ៍ដដែលរបស់ NagaCorp បាននិយាយទៀតថា ប្រាក់ចំណូលសរុបបានកើនឡើង ៧,៩ភាគរយ ស្មើនឹង ២៥២,៣លានដុល្លារ ជាមួយនឹង EBITDA កើនឡើង ១០,១ភាគរយ ស្មើនឹង ១៤៣,២លានដុល្លារ។ ការស្ទុះងើបឡើងវិញនេះ ត្រូវបានគេសង្កេតឃើញថា វាបាននាំមុខទីផ្សារដ៏ធំលើតារាង GGR ដែលបានឈានដល់ ៩៨លានដុល្លារ និង EGM GGR ឈានដល់ ៦៤,៩លានដុល្លារ។ តាមការប្រៀបធៀប Premium VIP GGR គឺ ៦២,៩លានដុល្លារ និង Referral VIP ២៦,៥លានដុល្លារ។ ទោះជាយ៉ាងណាក៏ដោយ NagaCorp បានកត់សម្គាល់ថាគ្រប់ផ្នែកទាំងអស់បានបង្ហាញពីកំណើនជាបន្តបន្ទាប់ធៀបនឹងត្រីមាសទី១ខែមីនា ឆ្នាំ២០២៣។ NagaCorp មានសុទិដ្ឋិនិយមថា ប្រាក់ចំណូលរបស់ខ្លួននឹងបន្តកើនឡើងជាបន្តបន្ទាប់ៗពីការត្រឡប់មកវិញនៃភ្ញៀវទេសចរចិន […]
អានបន្ថែម