ត្រីមាសទី២-២០២៣ NagaWorldនៅកម្ពុជាប្រមូលប្រាក់ចំណេញបាន ៨៣លានដុល្លារ កើន៥៧%
NagaCorp នៅហុងកុងបានចេញរបាយការណ៍ពីប្រាក់ចំណេញសុទ្ធរបស់ NagaWorld ក្នុងប្រទេសកម្ពុជាបានកើនឡើងដល់ ៥៧,៤ភាគរយ គិតជាទឹកប្រាក់ ៨៣លានដុល្លារ សម្រាប់ត្រីមាសទី២ ឆ្នាំ២០២៣នេះ។ ការកើនឡើងនេះត្រូវបានសន្មតឡើងដោយកត្តានៃការស្ទុះងើបឡើងវិញនៃវិស័យទេសចរណ៍ក្នុងប្រទេសកម្ពុជាពីអាស៊ាន និងការត្រឡប់មកវិញបន្តិចម្តងៗនៃអ្នកធ្វើអាជីវកម្មពីប្រទេសចិន ដែលជំរុញឱ្យមានការកើនឡើងនៃប្រាក់ចំណូលរបស់ NagaWorld ។ របាយការណ៍ដដែលរបស់ NagaCorp បាននិយាយទៀតថា ប្រាក់ចំណូលសរុបបានកើនឡើង ៧,៩ភាគរយ ស្មើនឹង ២៥២,៣លានដុល្លារ ជាមួយនឹង EBITDA កើនឡើង ១០,១ភាគរយ ស្មើនឹង ១៤៣,២លានដុល្លារ។ ការស្ទុះងើបឡើងវិញនេះ ត្រូវបានគេសង្កេតឃើញថា វាបាននាំមុខទីផ្សារដ៏ធំលើតារាង GGR ដែលបានឈានដល់ ៩៨លានដុល្លារ និង EGM GGR ឈានដល់ ៦៤,៩លានដុល្លារ។ តាមការប្រៀបធៀប Premium VIP GGR គឺ ៦២,៩លានដុល្លារ និង Referral VIP ២៦,៥លានដុល្លារ។ ទោះជាយ៉ាងណាក៏ដោយ NagaCorp បានកត់សម្គាល់ថាគ្រប់ផ្នែកទាំងអស់បានបង្ហាញពីកំណើនជាបន្តបន្ទាប់ធៀបនឹងត្រីមាសទី១ខែមីនា ឆ្នាំ២០២៣។ NagaCorp មានសុទិដ្ឋិនិយមថា ប្រាក់ចំណូលរបស់ខ្លួននឹងបន្តកើនឡើងជាបន្តបន្ទាប់ៗពីការត្រឡប់មកវិញនៃភ្ញៀវទេសចរចិន […]
អានបន្ថែម
Bentley Systems ប្រកាសតែងតាំង លោក Allen Li អ្នកគ្រប់គ្រងទូទៅប្រចាំប្រទេសចិន
ទទួលខុសត្រូវចំពោះគំនិតផ្តួចផ្តើមកំណើនប្រទេសចិនរបស់ Bentley នៅគ្រប់បណ្តាញទាំងអស់។ លោក Allen Li គឺជានាយកប្រតិបត្តិនៅប្រធានផ្នែកសូហ្វវែរសហគ្រាស SAP ជាយូរមកហើយ រួមទាំងជាប្រធានផ្នែកប្រតិបត្តិនៅប្រទេសចិន។ គាត់បានទទួលសញ្ញាប័ត្របរិញ្ញាបត្រផ្នែកវិស្វកម្ម និងអនុបណ្ឌិតផ្នែកគ្រប់គ្រងបច្ចេកវិទ្យានៅវិទ្យាស្ថានបច្ចេកវិទ្យា Harbin ហើយបន្ទាប់មកបានទទួលសញ្ញាបត្រ Executive MBA ពីសាកលវិទ្យាល័យ Mannheim Business School ។ ឥឡូវនេះ លោក Allen Li ត្រូវបានតែងតាំងឱ្យកាន់តួនាទីថ្មីនៃអ្នកគ្រប់គ្រងទូទៅនៃប្រទេសចិន ដោយទទួលបន្ទុកជាអ្នករាយការណ៍ទៅប្រធានផ្នែកចំណូល Brock Ballard នៃក្រុមហ៊ុន Bentley System។ នោះបើតាមការប្រកាសរបស់ក្រុមហ៊ុន Bentley Systems ដែលជាក្រុមហ៊ុនសូហ្វវែរវិស្វកម្មហេដ្ឋារចនាសម្ព័ន្ធ កាលពីថ្ងៃទី 6 មិថុនា 2023។ ខណៈពេលដែលក្រុមហ៊ុន Bentley បានរៀបចំនូវកម្មវិធីសិក្សាវិស្វកម្មហេដ្ឋារចនាសម្ព័ន្ធ នៅក្នុងវិទ្យាស្ថានសិក្សា និងស្រាវជ្រាវធំៗនានា ដោយបង្កើតឱ្យមាននូវម្ចាស់ក្រុមហ៊ុនគ្រប់គ្រងដាច់ដោយឡែក។ គោលបំណងរបស់ក្រុមហ៊ុនគឺស្វែងរកឱកាសរីកចម្រើន និងមានភាពរឹងក្នុងកម្មវិធី software platform និងចែកចាយដោយក្រុមហ៊ុនរបស់ចិន។ លោក Allen Li គឺទទួលខុសត្រូវពីការចាប់ផ្តើមរហូតដល់អ្នកប្រើប្រាស់ចុងក្រោយនូវគ្រប់កម្មវិធី […]
អានបន្ថែម
អ្នកជំនាញ៖ ទីផ្សារលំនៅឋាននៅកម្ពុជាបន្តនៅទ្រឹង ប៉ុន្តែបើទីតាំងល្អ ផ្ទះនៅតែលក់ដាច់
ឈានចូលដល់ពាក់កណ្តាលឆ្នាំ ២០២៣ ទីផ្សារអចលនទ្រព្យផ្នែកលំនៅឋាននៅកម្ពុជាប្រឈមមុខនឹងការប្រកួតប្រជែងកាន់តែខ្លាំងជាងមុន បូករួមនឹងតម្រូវការធ្លាក់ចុះ។ ការលក់ក្នុងវិស័យនេះ ប្រឈមបញ្ហាកាន់តែខ្លាំងឡើងៗ ដោយមានតែចំនួនគម្រោងខុនដូ និងគម្រោងដីនៅតាមទីតាំងសំខាន់ៗមួយចំនួនប៉ុណ្ណោះ ដែលនៅអាចរក្សាតម្លៃ ឬដំឡើងថ្លៃបន្តិចបន្តួចបាន នេះបើយោងតាមរបាយការណ៍វាយតម្លៃទីផ្សារអចលនទ្រព្យពាក់កណ្តាលឆ្នាំ២០២៣ របស់ក្រុមហ៊ុន CBRE Cambodia។ ក្នុងអំឡុងឆមាសទី១ ឆ្នាំ២០២៣នេះ ក្នុងទីផ្សារលំនៅឋាន មានគម្រោងខុនដូថ្មីចំនួន ៣ ក្នុងនោះមានខុនដូចំនួន ១៦០០ យូនីត បន្ថែមទៀតត្រូវបានសាងសង់បញ្ចប់។ លើសពីនេះទៀត ការបញ្ចប់គម្រោងចំនួន ១០ បានរួមចំណែកជាង ៤.៦០០យូនីតដល់ការផ្គត់ផ្គង់សរុប។ បូកសរុបទាំងអស់ ត្រឹមដំណាច់ឆ្នាំនេះ ការផ្គត់ផ្គង់ខុនដូត្រូវបានគេព្យាករថានឹងកើនដល់ជិត ៥៥.០០០ យូនីត ពោលគឺកើនឡើង ១៦% ពីមួយឆ្នាំទៅមួយឆ្នាំ។ លោកស្រី Kinkesa Kim អគ្គនាយករងនៃក្រុមហ៊ុន CBRE Cambodia មានប្រសាសន៍ថា “ខណៈពេលដែលទីផ្សារអាចនឹងមានការថមថយ ការលក់នៅតែបន្តសម្រាប់គម្រោងណាដែលមានទីតាំងល្អៗ ត្រូវនឹងតម្រូវការរបស់អតិថិជន”។ កត្តាសំខាន់ៗមួយចំនួនដូចជាតម្លៃ ទីតាំង គុណភាពសំណង់ កំណត់ត្រាតាមដានរបស់អ្នកអភិវឌ្ឍ និងទំហំគម្រោងដើរតួយ៉ាងសំខាន់ក្នុងការជំរុញឱ្យការលក់ទទួលបានជោគជ័យ។ សម្រាប់ឆមាសទីមួយនេះដែរ នៅក្នុងវិស័យអចលនទ្រព្យជាប្រភេទដីធ្លី ឃើញថាមានចំនួនទាបបំផុតនៃការបើកដំណើរការគម្រោងក្នុងរយៈពេល ៥ […]
អានបន្ថែម
វៀតណាមបើកការដ្ឋានសង់ផ្លូវល្បឿនលឿនតម្លៃ ១.៩ពាន់លានដុល្លារ ឆ្លងកាត់ដីសណ្ដទន្លេមេគង្គ
រដ្ឋាភិបាលវៀតណាមបានបើកការដ្ឋានសាងសង់ផ្លូវល្បឿនលឿនប្រវែង ១៨៨ គីឡូម៉ែត្រ ដែលនឹងលាតសន្ធឹងឆ្លងកាត់ដីសណ្ដទន្លេមេគង្គទៅកាន់ទីក្រុងកំពង់ផែ Tran De ដែលជាទីក្រុងកំពង់ផែសមុទ្រចិនខាងត្បូង។ ផ្លូវល្បឿនលឿនដែលមានប្រាំមួយគន្លងត្រូវបានគេរំពឹងថានឹងចំណាយអស់ ១.៩ពាន់លានដុល្លារ ពីថវិការបស់រដ្ឋាភិបាល ហើយត្រូវបានគេរំពឹងថានឹងបញ្ចប់នៅឆ្នាំ២០២៦។ ផ្លូវថ្មីនេះនឹងតភ្ជាប់ជាមួយប្រព័ន្ធផ្លូវល្បឿនលឿនជាតិរបស់ប្រទេសវៀតណាមដែលជាផ្នែកមួយនៃគម្រោងផ្លូវល្បឿនលឿនចំនួនប្រាំមួយបន្ថែមទៀតដើម្បីភ្ជាប់កំពង់ផែប្រទេស និងមជ្ឈមណ្ឌលសេដ្ឋកិច្ច។ ផ្លូវល្បឿនលឿននេះកំពុងត្រូវបានអភិវឌ្ឍខណៈកម្ពុជាក៏កំពុងបើកការដ្ឋានសាងសង់ផ្លូវល្បឿនលឿនរបស់ខ្លួនពីរាជធានីភ្នំពេញទៅបាវិតតាមព្រំដែនវៀតណាម។
អានបន្ថែម
ទីក្រុងហូជីមិញ និងហាណូយ ក្លាយជាគោលដៅវិនិយោគកំពូលក្នុងឆ្នាំ ២០២៣ ការស្ទង់មតិអាស៊ីប៉ាស៊ីហ្វិក
ការស្ទាបស្ទង់មតិលើចំណង់វិនិយោគិនប្រចាំអាស៊ីប៉ាស៊ីហ្វិកប្រចាំឆ្នាំ ២០២៣ ដែលទើបចេញថ្មីៗនេះដោយក្រុមហ៊ុន CBRE បានបង្ហាញពីព័ត៌មានដ៏អស្ចារ្យមួយសម្រាប់វិស័យអចលនទ្រព្យរបស់ប្រទេសវៀតណាម។ ផ្អែកលើបទពិសោធន៍ពីអ្នកជំនាញវិនិយោគអចលនទ្រព្យថ្នាក់តំបន់ចំនួន៥០០នាក់ បានបង្ហាញថាទីក្រុងហូជីមិញ និងហាណូយបានឡើងចំណាត់ថ្នាក់ជាទិសដៅទាក់ទាញបំផុតទាំង ១០ សម្រាប់ការវិនិយោគឆ្លងព្រំដែននៅក្នុងតំបន់អាស៊ីប៉ាស៊ីហ្វិក។ ក្នុងនោះទីក្រុងហូជីមិញ បានឡើងដល់ចំណាត់ថ្នាក់ទីបីដែលមិនធ្លាប់មានពីមុនមក ដោយវ៉ាដាច់សូម្បីតែទីក្រុងលេចធ្លោមួយចំនួនរបស់ប្រទេសអូស្ត្រាលី ចំណែកឯរដ្ឋធានីហាណូយ ជាប់ចំណាត់ថ្នាក់លេខ៩ លើទីក្រុងសេអ៊ូលរបស់កូរ៉េទៅទៀត។ កំណើនសេដ្ឋកិច្ចយ៉ាងស្វាហាប់ និងបរិយាកាសវិនិយោគអំណោយផលបានធ្វើឱ្យវៀតណាមក្លាយជាជម្រើសចម្បងសម្រាប់អ្នកវិនិយោគបរទេសមកពីបណ្តាប្រទេស និងតំបន់អាស៊ីប៉ាស៊ីហ្វិក រួមមានហុងកុង សិង្ហបុរី ចិន សាធារណរដ្ឋកូរ៉េ និងជប៉ុន។ អត្រាកំណើននគរូបនីយកម្មរបស់ប្រទេសដែលត្រូវបានព្យាករថា នឹងឈានដល់ ៤២% នៅឆ្នាំ ២០២៥ បង្ហាញពីសក្តានុពលដ៏សំខាន់នៅក្នុងទីផ្សារអចលនទ្រព្យដែលជំរុញដោយការកើនឡើងនៃប្រជាជនវណ្ណៈកណ្តាលដែលកំពុងជំរុញការវិនិយោគលើវិស័យអចលនទ្រព្យឱ្យកាន់តែមានលំនឹង និងសន្ទុះ។ ម្យ៉ាងទៀត បច្ចុប្បន្ននេះ គេមើលឃើញថា ក្រុមហ៊ុនសិង្ហបុរីបាននិងកំពុងស្វែងរកយ៉ាងសកម្មនូវឱកាសវិនិយោគនៅវៀតណាម។ ជាក់ស្តែង ក្រុមហ៊ុន Keppel Land ដែលជាអ្នកអភិវឌ្ឍន៍អចលនទ្រព្យដ៏ល្បីល្បាញរបស់សិង្ហបុរី បានចាប់ដៃគូជាមួយក្រុមហ៊ុន Khang Dien Group របស់វៀតណាមដើម្បីចាប់ផ្តើមការកសាងតំបន់អភិវឌ្ឍន៍លំនៅឋានទំនើប និងគម្រោងអភិវឌ្ឍន៍ទីក្រុងប្រកបដោយនិរន្តរភាពនៅទីក្រុងហូជីមិញ។ លោក Louis Lim នាយកប្រតិបត្តិរបស់ក្រុមហ៊ុន Keppel Land បានសង្កត់ធ្ងន់លើការប្តេជ្ញាចិត្តរបស់ក្រុមហ៊ុនក្នុងការពង្រឹងវត្តមានរបស់ខ្លួននៅក្នុងប្រទេសវៀតណាម ដោយទទួលស្គាល់សក្តានុពលរយៈពេលវែងរបស់ប្រទេសកូនខ្លាអាស៊ីមួយនេះ។ នៅក្នុងកិច្ចព្រមព្រៀងគួរឱ្យកត់សម្គាល់មួយទៀត […]
អានបន្ថែម
រដ្ឋបញ្ជាឱ្យឆាប់រុះរើសំណង់ខុសច្បាប់លើទំនប់តាសាល ស្រុកឱរ៉ាល់ ខេត្តកំពង់ស្ពឺ ជាបន្ទាន់!
មន្ទីរធនធានទឹក និងឧតុនិយមខេត្តកំពង់ស្ពឺ បានជូនដំណឹងឱ្យម្ចាស់សំណង់ដែលបានសាងសង់ខុសច្បាប់ ដែលធ្វើឱ្យប៉ះពាល់ផ្ទៃអាងទឹកទំនប់តាសាល ស្ថិតក្នុងឃុំតាសាល ស្រុកឱរ៉ាល់ ខេត្តកំពង់ស្ពឺ ត្រូវរុះរើ និងបញ្ឈប់ជាបន្ទាន់។ នេះបើតាមសេចក្តីជូនដំណឹងចុះថ្ងៃទី១៨ ខែកក្កដា ឆ្នាំ២០២៣។ ប្រជាពលរដ្ឋ ដែលកំពុងរំលោភបំពានចាក់ដីទន្ទ្រាន និងសាងសង់សំណង់ខុសច្បាប់លើទំនប់តាសាល ត្រូវរុះរើ និងបញ្ឈប់ជាបន្ទាន់ គិតចាប់ពីថ្ងៃជូនដំណឹងនេះតទៅ។ ក្នុងករណីនៅតែមានការបន្តរំលោភបំពាន និងសាងសង់បន្តទៀត មន្ទីរ នឹងចាត់វិធានការទៅតាមផ្លូវច្បាប់។
អានបន្ថែម
រដ្ឋកាត់ដីជាង ៦ពាន់ហិកតា នៅឧទ្យានជាតិបទុមសាគរ ជួលឱ្យឯកជនវិនិយោគ
រាជរដ្ឋាភិបាលកម្ពុជា បានសម្រេចធ្វើអនុប្បយោគលើផ្ទៃដីទំហំ ៦២៣៤ហិកតា ស្ថិតនៅក្នុងឧទ្យានជាតិបុទុមសគរ ភូមិសាស្ត្រស្រុកបុទុមសាគរ ខេត្តកោះកុង ជួលឱ្យក្រុមហ៊ុនកោះកុង រ៉ាប់ប៊ើរ ផ្លេនថេសិន ធ្វើការវិនិយោគ។ នេះបើតាមអនុក្រឹត្យលេខ ២៧ អនក្រ.បក ចុះថ្ងៃទី១១ ខែមករា ឆ្នាំ២០២៣។ ដីនេះ ត្រូវបានកំណត់ជាតំបន់ប្រើប្រាស់ដោយចីរភាព និងបានធ្វើអនុប្បយោគពីទ្រព្យសម្បត្តិសាធារណៈរបស់រដ្ឋទៅជាទ្រព្យសម្បត្តិឯកជនរបស់រដ្ឋ ជួលឱ្យក្រុមហ៊ុន ដើម្បីវិនិយោគ។ បន្ថែមពីនេះ ការជួលដីនេះ ស្ថិតក្រោមការចាត់ចែងនីតិវិធីបន្តដោយក្រសួងបរិស្ថាន ជាអាជ្ញាធរកាន់កាប់ទ្រព្យសម្បត្តិរដ្ឋ និងមានកិច្ចសហការជាមួយ ក្រសួងសេដ្ឋកិច្ច និងហិរញ្ញវត្ថុ ជាអាជ្ញាធរគ្រប់គ្រងទ្រព្យសម្បត្តិរដ្ឋ និងក្រសួងស្ថាប័នពាក់ព័ន្ធ ព្រមទាំងរដ្ឋបាលថ្នាក់ក្រោមជាតិ ស្របតាមច្បាប់ និងគោលការណ៍របស់រាជរដ្ឋាភិបាល។
អានបន្ថែម
Bentley Systems ប្រកាសពីសមត្ថភាពថ្មី ដើម្បីវាយតម្លៃកាបូន ក្នុងវិស័យសំណង់ហេដ្ឋារចនាសម្ពន្ធរបស់កម្មវិធី iTwin
សមត្ថភាពគ្រប់គ្រងទិន្នន័យ និងវិភាគកាបូនសម្រាប់គម្រោងហេដ្ឋារចនាសម្ពន្ធ ក្រុមហ៊ុនវិស្វកម្មហេដ្ឋារចនាសម្ពន្ធ បានប្រកាសនៅឯកិច្ចប្រជុំកំពូលធុរកិច្ចសកលសម្រាប់អ្នកវិភាគបរិស្ថាន ពីសមត្ថភាពថ្មីក្នុងការវាយតម្លៃកាបូននៅក្នុង iTwin Experience ដើម្បីឱ្យអ្នកជំនាញផ្នែកហេដ្ឋារចនាសម្ព័ន្ធ អាចកំណត់បរិមាណយ៉ាងរលូននូវឱកាសកាត់បន្ថយកាបូននៅក្នុងគម្រោងរបស់ពួកគេ។ នេះបើតាមការឱ្យដឹងពីក្រុមហ៊ុន Bentley System កាលពីថ្ងៃទី 27 មិថុនា 2023 ក្នុងកិច្ចប្រជុំកំពូលធ្វើឡើងនៅថ្ងៃទី 27 និង 28 ខែមិថុនានៅទីក្រុងឈីកាហ្គោ។ ជាមួយនឹងសមត្ថភាពថ្មីនេះ អ្នកជំនាញផ្នែកហេដ្ឋារចនាសម្ព័ន្ធអាចធ្វើស្វ័យប្រវត្តិកម្មពេញលេញនូវរបាយការណ៍គណនាកាបូន និងការវិភាគផលប៉ះពាល់ ដោយទាញយកអត្ថប្រយោជន៍ពី iTwin Experience ដែលអាចឱ្យពួកគេស្វែងរកជម្រើសក្នុងការរចនាជាច្រើនបានលឿនជាងមុន និងលុបបំបាត់ការនាំចេញទិន្នន័យដោយដៃ និងការធ្វើឱ្យមានភាពសមញ្ញ។ នៅឆ្នាំ 2022 Bentley បានបង្កើតសេវាកម្មរួមបញ្ចូលនៅក្នុង iTwin Platform ដើម្បីធ្វើស្វ័យប្រវត្តិកម្មដំណើរការនៃការបង្កើតរបាយការណ៍កាបូនសម្រាប់គម្រោងហេដ្ឋារចនាសម្ព័ន្ធតាមរយៈ កម្មវិធី One Click LCAនិង EC3។ របាយការណ៍ត្រូវបានផ្តួចផ្តើមដោយប្រើ iTwin Platform តាមរយៈកម្មវិធី One Click LCA ឬ EC3។ ឥឡូវនេះ iTwin Experience ផ្តល់នូវការរួមបញ្ចូលទាំងពីរទិសដែលត្រៀមរួចជាស្រេចជាមួយ […]
អានបន្ថែម
ពិព័រណ៍លំនៅឋានធំជាងគេនៅកម្ពុជា Home & Lifestyle EXPO 2023
ក្រុមហ៊ុនអចលនទ្រព្យ Realestate.com.kh បាន និងកំពុងនាំយកមកនូវ«ពិព័រណ៍លំនៅឋានកម្ពុជា២០២៣ – Home & Lifestyle EXPO 2023» ដែលជាព្រឹត្តិការណ៍តាំងបង្ហាញលំនៅឋានគ្រប់ប្រភេទធំជាងគេនៅកម្ពុជា ។ ព្រឹត្តិការណ៍នេះនឹងធ្វើឡើងនាចុងសប្តាហ៍ថ្ងៃទី12 និង13 ខែសីហា នៅសាលពិព័រណ៍កោះពេជ្រ ។ Home & Lifestyle EXPO គឺជាផ្នែកមួយនៃព្រឹត្តិការណ៍ប្រចាំឆ្នាំរបស់ Realestate.com.kh ដែលផ្តល់ជូនអ្នកចូលរួមនូវឱកាសដើម្បីទទួលបានការទិញលក់ដ៏ល្អបំផុតនៅក្នុងទីផ្សារអចលនទ្រព្យកម្ពុជា ព្រមទាំងមានជួបជាមួយធនាគារល្បីៗ អ្នកផ្តល់សេវាធានារ៉ាប់រង និងអ្នកជំនាញអចលនទ្រព្យផងដែរ ។ គម្រោងលំនៅឋានដែលមានឈ្មោះបោះសំឡេង ក្នុងការរួមចំណែកអភិវឌ្ឍន៍វិស័យអចលនទ្រព្យនៅក្នុងប្រទេសកម្ពុជាមានការដាក់តាំងបង្ហាញគម្រោងរបស់ខ្លួនរួមមាន៖ បុរី ប៉េងហួត, OCIC, Orkide Development, Prince Real Estate Group, Morgan Group, RoseMarvel Property Development, Borey Dragon Land 598, Borey Bosba, Rose Apple Square, Odom, Bakong […]
អានបន្ថែម
ឥណ្ឌូណេស៊ី បោះទុន ១ពាន់លានដុល្លារបន្ថែម ដើម្បីអភិវឌ្ឍរដ្ឋធានីថ្មី ‘Nusantara’
រដ្ឋាភិបាលឥណ្ឌូណេស៊ីបានអនុម័តលើការដាក់ប្រាក់បន្ថែមចំនួន ១ពាន់លានដុល្លារ សម្រាប់ការអភិវឌ្ឍន៍រដ្ឋធានីថ្មីរបស់ប្រទេស ‘Nusantra’ ដែលមានទីតាំងនៅខេត្ត Kalimantan ខាងកើតនៅលើកោះ Borneo ។ គម្រោងដ៏ធំ Nusantra ត្រូវបានគេព្យាករណ៍ថានឹងចំណាយអស់ ៣២ពាន់លានដុល្លារ ដែល ៨០ភាគរយ ត្រូវបានគេរំពឹងថានឹងមានប្រភពមកពីការវិនិយោគរបស់ឯកជន។ ទោះជាយ៉ាងនេះក្តី រដ្ឋាភិបាលឥណ្ឌូនេស៊ី មិនទាន់ហ៊ានធានានូវការវិនិយោគដែលចាំបាច់នៅឡើយទេ បើទោះបីជាមានការអនុគ្រោះ ដោយលើកទឹកចិត្តផ្នែកពន្ធដ៏ធំសម្រាប់អ្នកវិនិយោគ និងបានចាក់បញ្ចូលទឹកប្រាក់ចំនួន ១,៤៧ពាន់លានដុល្លារ កាលពីដើមឆ្នាំក៏ដោយ។ ការសាងសង់រដ្ឋធានីថ្មីសម្រាប់ប្រជាជាតិមូស្លីមដែលមានប្រជាជនច្រើនជាងគេលើពិភពលោកកើតឡើងនៅពេលដែលរដ្ឋធានីហ្សាកាតាបច្ចុប្បន្នជួបបញ្ហាកកស្ទះចរាចរណ៍ ប្រជាជនច្រើនលើសលប់ ហេដ្ឋារចនាសម្ព័ន្ធមិនល្អ កង្វះផែនការ និងទឹកជំនន់ដោយសារវាលិចបន្តិចម្តងៗក្រោមនីវ៉ូទឹកសមុទ្រ។ ការសាងសង់អគាររដ្ឋាភិបាលសំខាន់ៗបានដំណើរការត្រឹមតែប្រមាណ ៥ភាគរយ ទៅ ៨ភាគរយប៉ុណ្ណោះ បើតាមផែនការគ្រោងនឹងបញ្ចប់នៅពាក់កណ្តាលឆ្នាំ ២០២៤ សម្រាប់បុគ្គលិកចំនួន ១៦.០០០នាក់ ដែលត្រូវផ្លាស់ប្តូរចូល។ ប្រធានាធិបតី Yoko Widodo ឥឡូវនេះកំពុងតែប្រឈមមុខនឹងការប្រកួតប្រជែងនៃការបោះឆ្នោតនៅខែកុម្ភៈ ឆ្នាំ២០២៤ នៅពេលដែលគម្រោងទីក្រុងធំថ្មីដែលមានតម្លៃថ្លៃកប់ពពករបស់គាត់ អាចជាកត្តាក្នុងការសម្រេចចិត្តរបស់អ្នកបោះឆ្នោតផងដែរ។
អានបន្ថែម
ស្ថាប័នធំៗ២ រួមគ្នាជំរុញវិស័យបរធនបាលកិច្ច ដើម្បីទាក់ទាញវិនិយោគមកកម្ពុជាឱ្យបានច្រើន
និយ័តករបរធនបាលកិច្ច និងសភាពាណិជ្ជកម្មកម្ពុជា បានរួមគ្នាចុះអនុស្សរណៈនៃការយោគយល់គ្នា ស្តីពី “កិច្ចសហប្រតិបត្តិការលើការលើកកម្ពស់ការយល់ដឹងជាសាធារណៈ និងជំរុញការចូលរួមក្នុងវិស័យបរធនបាលកិច្ចនៅព្រះរាជាណាចក្រកម្ពុជា។ ពិធីចុះហត្ថលេខាលើអនុស្សរណៈ បានធ្វើឡើងកាលពីថ្ងៃទី១៨ ខែកក្កដា ឆ្នាំ២០២៣ ដែលហត្ថលេខីនៃអនុស្សរណៈនៃការយោគយល់គ្នានេះ គឺរវាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងឯកឧត្តម សុខ ដារ៉ា អគ្គនាយកនិយ័តករបរធនបាលកិច្ច។ អនុស្សរណៈយោគយល់នេះ មានគោលបំណងសំខាន់ៗ ០៣ រួមមាន៖ ១. ដើម្បីបង្កើតកិច្ចសហប្រតិបត្តិការក្នុងក្របខណ្ឌការលើកកម្ពស់ការយល់ដឹងជាសាធារណៈ និងជំរុញការចូលរួមក្នុងវិស័យបរធនបាលកិច្ចរបស់សមាជិកសមាជិកានៃសភាពាណិជ្ជកម្មកម្ពុជាដែលជាវិនិយោគិន ពាណិជ្ជករ និងធុរជនមានសក្តានុពលខ្ពស់ និងកំពុងដើរតួនាទីយ៉ាងសំខាន់ក្នុងសកម្មភាពវិនិយោគ ពាណិកជ្ជកម្ម និងធុរកិច្ចនៅប្រទេសកម្ពុជា។ ២.វិស័យឯកជន អាចយល់បានពីយន្តការប្រតិបត្តិការបរធនបាលកិច្ចមានលទ្ធភាពសមស្រប ដើម្បីរៀបចំខ្លួនចូលរួមអនុវត្ត។ ៣. វិស័យឯកជន និងភាគីពាក់ព័ន្ធផេ្សងៗទៀត ទាញយកផលប្រយោជន៍ពីប្រតិបត្តិការបរធនបាលកិច្ចក្នុងដំណើរការធុរកិច្ចរបស់ខ្លួន ក៏ដូចជាចូលរួមជំរុញការអភិវឌ្ឍវិស័យបរធនបាលកិច្ចនៅកម្ពុជា តាមរយៈការលើកកម្ពស់ការយល់ដឹង និងផ្សព្វផ្សាយពីវិស័យបរធនបាលកិច្ចជាសាធារណៈផងដែរ។ ទន្ទឹមនឹងនេះ ដើម្បីលើកកម្ពស់ការយល់ដឹងជាសាធារណៈ និងជំរុញការចូលរួមក្នុងវិស័យបរធនបាលកិច្ចនៅកម្ពុជា និយ័តករបរធនបាលកិច្ច (ន.ប.ធ.) និងសមាគមអ្នកអភិវឌ្ឍន៍លំនៅឋានកម្ពុជា ក៏បានរៀបចំពិធីចុះហត្ថលេខាលើអនុស្សរណៈនៃការយោគយល់គ្នានេះផងដែរ។ (អានបន្ថែម) គួរបញ្ជាក់ថា វិស័យបរធនបាលកិច្ច ជាវិស័យមួយដែលកំពុងតែចាប់ផ្តើមនៅកម្ពុជា ដែលមានកំណើនខ្ពស់គួរឱ្យកត់សម្គាល់ ខណៈរដ្ឋបានរំពឹងថា នឹងកើនឡើងខ្ពស់ដល់ជាង […]
អានបន្ថែម
UC88 គម្រោងខុនដូ និងការិយាល័យជាមួយនឹងតម្លៃល្អនៅបឹងកេងកង១
UC88 គឺជាគម្រោងតែមួយគត់ដែលមានទាំងខុនដូ និងការិយល័យនៅបឹងកេងកេង១ ស្ថិតនៅលើផ្លូវ ៣២២ នៅជិតនឹងមហាវិថិព្រះមុន្នីវង្ស ដែលជាតំបន់មួយដែលមានសក្តានុពលបំផុតក្នុងទីក្រុងភ្នំពេញ ពោរពេញដោយ ផ្សារទំនើប ភោជនីយដ្ឋាន សាលារៀន ហាង ស្ថានទូត ការិយាល័យអង្គការអន្តរជាតិ រួមទាំងមានទីតាំងទំនើបៗជាច្រើននៅកៀកបង្កើយ ដែលធ្វើអោយអ្នករស់នៅក្នុងតំបន់នេះមានភាពងាយស្រួលការធ្វើអាជីវកម្ម និងការរស់នៅ ។ UC88 គឺជាប្រភេទគម្រោងខុនដូនិងការិយាល័យ មានកម្ពស់សរុប ៤៥ជាន់ បង្ហាញខ្លួនយ៉ាងស្កឹមស្កៃក្នុងតំបន់បឹងកេងកង១។ គម្រោងនេះមានភ្ជាប់ជាមួយនិងបរិក្ខាដ៏សម្បូរបែបដើម្បីបង្កើនឧត្តមភាពជីវិត និងការងាររបស់អតិថិជន ដែលមានដូចជាម៉ាត សាលប្រជុំ កន្លែងហាត់ប្រាណ សាលពហុមុខងារ ស្កាយបារ អាងហែលទឹក បន្ទប់ស្ទីម និងអាងចាគូហ្ស៊ី ។ គម្រោងនេះអភិវឌ្ឍន៍ដោយក្រុមហ៊ុន Chhun Sambath Development Co., Ltd. ដែលជាបុត្រសម្ព័ន្ធរបស់ក្រុមហ៊ុន UC Group ជាក្រុមហ៊ុនក្នុងស្រុកមានបទពិសោធន៍យូរឆ្នាំ និងបានអភិវឌ្ឍន៍គម្រោងធំៗដូចជា The View, Golden One, 88 Residence និង 777 Tower បច្ចុប្បន្ននេះ គម្រោងបានសាងសង់គ្រោងដល់ជាន់ទី៤២ហើយ […]
អានបន្ថែម