ចិនគ្រោងបង្កើតមជ្ឈមណ្ឌលឱសថបុរាណនៅកម្ពុជា ខណៈអ្នកជំនាញវេជ្ជសាស្ត្របុរាណកំពុងសិក្សា
ក្រុមគ្រូពេទ្យជំនាញជាន់ខ្ពស់ទី២របស់ចិន ដែលជំនាញផ្នែកឱសថបុរាណចិន TCM បានមកដល់រាជធានីភ្នំពេញ កាលពីល្ងាចថ្ងៃអង្គារ ដើម្បីបង្ហាញពីគោលបំណងដ៏សំខាន់ពីរគឺផ្តល់ការព្យាបាលតាមបែបវេជ្ជសាស្រ្ដចិនដល់ប្រជាពលរដ្ឋខ្មែរ និងទី២ជំរុញបង្កើតមជ្ឈមណ្ឌលឱសថបុរាណចិនកម្ពុជា ដែលជាគំនិតផ្តួចផ្តើមថ្នាក់ជាតិផងដែរ។ នេះបើយោងតាមការចុះផ្សាយរបស់ Ecns នៅថ្ងៃទី០៥ កក្កដា ២០២៣។ ក្រុមគ្រូពេទ្យបុរាណចិនTCM (ក្រុមទី២)នេះ រួមមានអ្នកជំនាញចំនួនប្រាំបីនាក់មកពីមន្ទីរពេទ្យ Guang’anmen នៃទីក្រុងប៉េកាំងនៃបណ្ឌិត្យសភាវិទ្យាសាស្ត្រវេជ្ជសាស្ត្រចិននៃប្រទេសចិន ដែលសុទ្ធតែជាគ្រូពេទ្យមានទេពកោសល្យ និងចំណេះដឹងឯកទេសផ្នែកវេជ្ជសាស្ត្របែបសម្ព័ន្ធកាយចិត្ត ការចាក់ម្ជុលវិទ្យាសាស្ត្រ និងផ្នែកឆ្អឹង។ ជំនាញរបស់ក្រុមគ្រូពេទ្យទាំងនេះ នឹងចូលរួមចំណែកយ៉ាងសំខាន់ក្នុងការលើកកម្ពស់សមត្ថភាពថែទាំសុខភាពនៅកម្ពុជា។ នាឱកាសនោះដែរ ប្រធានក្រុមលោក Fan Maorong និងអនុសេនីយ៍ឯក Zhang Yanhong TCM (ក្រុមទី១)ដែលកំពុងស្នាក់នៅកម្ពុជា បានប្រគល់ភារកិច្ចរបស់ក្រុមទីមួយទៅក្រុមថ្មីដែលត្រូវបន្តបេសកម្មរបស់ខ្លួនក្នុងការងារគាំទ្រដល់ការប្រយុទ្ធប្រឆាំងនឹងជំងឺរាតត្បាតនៅកម្ពុជា។ ការប្តេជ្ញាចិត្តរបស់ប្រទេសចិនក្នុងការជួយដល់ប្រទេសកម្ពុជាក្នុងអំឡុងវិបត្តិ COVID-19 បានចាប់ផ្តើមនៅថ្ងៃទី ១៦ ខែមីនា ឆ្នាំ ២០២២ ដោយកាលណោះចិនបានចាត់បញ្ជូន ក្រុមអ្នកជំនាញដំបូងរបស់ TCM ដំបូងមក។ គិតត្រឹមថ្ងៃទី ១៧ ខែឧសភា ក្រុមនេះបានផ្លាស់ប្តូរទៅជាក្រុមគ្រូពេទ្យចិនដែលឧទ្ទិសដល់ការផ្តល់ជំនួយផ្នែកវេជ្ជសាស្រ្តបន្តដល់ប្រទេសកម្ពុជា។ កិច្ចខិតខំប្រឹងប្រែងដ៏គួរឱ្យកត់សម្គាល់នេះ គឺជាក្រុមគ្រូពេទ្យថ្នាក់ជាតិដំបូងគេបង្អស់របស់ប្រទេសចិនដែលត្រូវបានបញ្ជូនទៅក្រៅប្រទេសដោយប្រទេសចិន ដើម្បីប្រយុទ្ធប្រឆាំងនឹងជំងឺរាតត្បាត។ ពេញមួយបេសកកម្មរបស់ខ្លួន ក្រុមគ្រូពេទ្យចិនបានចាត់ចែងការព្យាបាលតាមបែបឱសថបុរាណចិនដល់បុគ្គលក្នុងស្រុក រៀបចំវគ្គព្យាបាលដោយមិនគិតថ្លៃ ធ្វើគំនិតផ្តួចផ្តើមអប់រំសុខភាព […]
អានបន្ថែម
ស្ថានីយ៍ប្រព្រឹត្តិកម្មទឹកកខ្វក់ដ៏ធំតម្លៃជាង២០លានដុល្លារ នៅបឹងជើងឯក សង់បាន ៨០% ហើយ
គិតត្រឹមថ្ងៃទី៥ ខែកក្កដា ២០២៣ គម្រោងសាងសង់ស្ថានីយ៍ប្រព្រឹត្តិកម្មទឹកកខ្វក់បឹងជើងឯក ( Water treatment Plant) តម្លៃជាង ២០លានដុល្លារ សម្រេចបាន ៨០ភាគរយហើយ បើតាមផែនការ គ្រោងនឹងបញ្ចប់ការសាងសង់នៅខែវិច្ឆិកា ឆ្នាំ២០២៣។ នេះបើយោងតាមការចុះផ្សាយរបស់មន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី០៥ កក្កដា្២០២៣។ គួរបញ្ជាក់ថា ក្រោយដាក់ដំណើរការ ស្ថានីយនេះនឹងមានសមត្ថភាពប្រព្រឹត្តកម្មទឹកកខ្វក់បានចំនួន ៥,០០០ម៉ែត្រគូប ក្នុងមួយថ្ងៃ ហើយគម្រោងនេះ នឹងមានការសាង់សង់ស្ថានីយបូមបញ្ជូនទឹកកខ្វក់ចំនួន ២២គ្រឿង ដែលអាចបានបូមទឹកបាន ៤៦៨ម៉ែត្រគូប/ម៉ោង។ គួររម្លឹកទៀតថា ស្ថានីយប្រព្រឹត្តកម្មទឹកកខ្វក់នេះ សាងសង់ឡើងក្រោមជំនួយឥតសំណងរបស់រដ្ឋាភិបាលជប៉ុន មានតម្លៃជាង ២០លានដុល្លារ ស្ថិតលើផ្ទៃដីទំហំ ៣ហិកតា នៅភូមិព្រែកតាគង់១ សង្កាត់ចាក់អង្រែ ត្រូវបានបើកការដ្ឋានសាងសង់ជាផ្លូវការ នៅព្រឹកថ្ងៃទី២២ ខែកុម្ភៈ ២០២២ ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក មីកាមិ ម៉ាសាហ៊ីរុ ឯកអគ្គរដ្ឋទូតជប៉ុនប្រចាំនៅកម្ពុជា។ (អានបន្ថែម)
អានបន្ថែម
កូរ៉េជួយកម្ពុជាជិត ២លានដុល្លារ សង់អគារមន្ទីរបង្អែកថ្មីនៅខេត្តពោធិ៍សាត់
អគារថ្មីសម្រាប់ព្យាបាលជំងឺមិនឆ្លងនៃមន្ទីរពេទ្យបង្អែកខេត្តពោធិ៍សាត់ តម្លៃជិត ២លានដុល្លារអាមេរិក ចាប់ផ្តើមបើកការដ្ឋានសាងសង់ហើយ។ នេះបើតាមពិធីបញ្ចុះបឋមសិលាសាងសង់អគារជំងឹមិនឆ្លង ដោយមានការចូលរួមក្រោមអធិបតីភាពឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ លោក សុង យ៉ុងហ្គឹន តំណាងប្រចាំប្រទេសរបស់មូលនិធិកូរ៉េសម្រាប់ការថែទាំសុខភាពអន្តរជាតិ (កូហ្វី) នៅថ្ងៃទី២៧ ខែមិថុនា ឆ្នាំ២០២៣។ អគារថ្មីមួយខ្នងនេះ មានបណ្តោយ ៤០.៥ ម៉ែត្រ ទទឹង ១៧ ម៉ែត្រ កម្ពស់បីជាន៉ រយៈពេលនៃការសាងសង់ ១២ខែ ដែលជាអំណោយរបស់រាជរដ្ឋាភិបាលកូរ៉េ តាមរយៈគម្រោងរបស់កូហ្វី (KOFIH)។ អគារនេះ នឹងដើរតួនាទីយ៉ាងសំខាន់ក្នុងការផ្តល់សេវាសុខភាពជូនប្រជាពលរដ្ឋ និងរួមចំណែកជាមួយរាជរដ្ឋាភិបាលកម្ពុជា ដើម្បីធ្វើអោយវិស័យសុខាភិបាលកាន់តែមានភាពប្រសើរឡើង។
អានបន្ថែម
ធនាគារMB សហការជាមួយ បុរី ប៉េង ហួត ដើម្បីផ្តល់ឥណទានពិសេស សម្រាប់ការទិញផ្ទះ
នាព្រឹកថ្ងៃទី៣០ ខែមិថុនា ឆ្នាំ២០២៣ កន្លងទៅថ្មីៗនេះ បុរី ប៉េង ហួត និង ធនាគារអ៊ឹមបី ខេមបូឌា បានរៀបចំកម្មវិធីចុះហត្ថលេខានៃសហប្រតិបត្តិការភាពជាដៃគូ នាការិយាល័យលក់ហ្គ្រេនស្តាផ្លាទីនីម របស់បុរី ប៉េង ហួត ចំងាយ5នាទីប៉ុណ្ណោះ ពីស្ពានព្រះមុនីវង្ស(ច្បារអំពៅ)។ នៅក្នុងពិធីចុះហត្ថលេខានេះមានការអញ្ជើញចូលរួមពីសំណាក់ ថ្នាក់ដឹកនាំជាន់ខ្ពស់របស់ បុរី ប៉េង ហួត និង ថ្នាក់ដឹកនាំជាន់ខ្ពស់នៃធនាគារអ៊ឹមប៊ី ខេមបូឌា ព្រមទាំងសហការីនៃស្ថាប័នទាំងពីរជាច្រើនរូបទៀតបន្ថែមទៀត។ លោកស្រី ទេព កន្និដ្ឋា ប្រធានផ្នែកលក់ជាន់ខ្ពស់ តំណាងក្រុមហ៊ុន បុរី ប៉េង ហួត បានមានប្រសាសន៍ថា “ចាប់ដៃគ្នាសហការរវាង បុរី ប៉េង ហួត និង ធនាគារ អ៊ឹមប៊ី ខេមបូឌា ក្នុងវិស័យអចលនទ្រព្យ ក្នុងការផ្តល់ជូននូវលំនៅដ្ឋានដ៏សុខដមរម្យនាជាមួយធនាគារអ៊ឹមប៊ី ខេមបូឌា ដ៏មានទំនុកចិត្តខ្ពស់ ព្រមទាំងអត្រាការប្រាក់ប្រកួតប្រជែង ហើយផ្តល់ទំហំកម្ចីរហូតដល់៩០% ដែលពុំទាន់មានធនាគារណាផ្តល់ជូនបែបនេះកន្លងមកទេ។ ហើយនៅថ្ងៃនេះ បុរី ប៉េង ហួត នឹងមានការប្រកាសពីការផ្តល់ជូនកាន់តែពិសេសៗ […]
អានបន្ថែម
ត្រឹមឆ្នាំ២០២៣ រដ្ឋាភិបាលកម្ពុជាសង់ផ្ទះជូនអតីតយុទ្ធជនបានជាង៥ពាន់ខ្នង
គិតត្រឹមឆ្នាំ២០២៣ រាជរដ្ឋាភិបាលកម្ពុជាបានផ្តល់ផ្ទះជូនគ្រួសារអតីតយុទ្ធជន និងគ្រួសារចំនួន ៥,១៥៤ខ្នង នេះបើយោងតាមការលើកឡើងរបស់ឯកឧត្តម ម៉ាង ស៊ីណេត អភិបាលរងខេត្តព្រះសីហនុ ក្នុងឱកាសខួបលើកទី១៦ ទិវាអតីតយុទ្ធជនកម្ពុជា ថ្ងៃទី២១ ខែមិថុនា ឆ្នាំ២០២៣។ ឯកឧត្តមបានបញ្ជាក់ថា នេះជាការរំឭកដល់គំរូវីរភាព និងគុណបំណាច់ដ៏ធំធេងរបស់វីរយុទ្ធជន យុទ្ធនារី កងកម្លាំងប្រដាប់អាវុធបានធ្វើពលិកម្មយ៉ាងអង់អាចក្លាហាន បូជាសាច់ស្រស់ ឈាមស្រស់ ដើម្បីបុព្វហេតុជាតិមាតុភូមិ។ ឯកឧត្តមបន្ត ការពលិកម្មប្រកបនេះ គឺបានរួមចំណែកយ៉ាងសំខាន់ក្នុងកិច្ចការពារបូរណភាពទឹកដី ការកសាងសុខសន្តិភាព និងស្ថិរភាពសង្គម ដែលសំដៅធានាឱ្យមានការអភិវឌ្ឍសេដ្ឋកិច្ចសង្គមជាឧត្តមប្រយោជន៍សម្រាប់ជាតិមាតុភូមិ និងប្រជាជនកម្ពុជា។ ទន្ទឹមនឹងនេះដែរ សមាគមអតីតយុទ្ធជន ក៏បានអំពាវនាវសប្បុរសជន វិស័យឯកជនបន្តចូលរួមឧបត្ថម្ភសាងសង់ផ្ទះជូនបងប្អូនអតីតយុទ្ធជនដែលមានគុណបំណាច់បានលះបង់សាច់ស្រស់ ឈាមស្រស់ ដើម្បីស្វែងរកសុខសន្តិភាពជូនជាតិមាតុភូមិ សំដៅលើកកម្ពស់កម្រិតជីវភាព និងសុខមាលភាពរបស់បងប្អូនអតីតយុទ្ធជន យុទ្ធនារីរបស់យើង។
អានបន្ថែម
ផ្លូវជាតិលេខ១០ មួយកំណាត់ក្នុងខេត្តពោធិ៍សាត់ ពីវាលវែងទៅអូសោម សង់ជិតរួចរាល់ហើយ
គិតត្រឹមថ្ងៃទី២៨ ខែមិថុនា មួយកំណាត់នៃគម្រោងសាងសង់ផ្លូវជាតិលេខ១០ក្នុងខេត្តពោធិ៍សាត់ ត្រូវបានស្ថាបនាជិតរួចរាល់ជាស្ថាពរហើយ។ នេះបើយោងតាមការចុះផ្សាយរបស់រដ្ឋបាលខេត្តពោធិ៍សាត់ នៅថ្ងៃទី២៨ មិថុនា ២០២៣។ បច្ចុប្បន្ន ផ្លូវជាតិលេខ១០ ក្នុងកំណាត់ពីទីរួមស្រុកវាលវែង ឃុំប្រម៉ោយ ទៅកាន់ឃុំអូរសោម ត្រូវបានស្ថាបនាជិតរួចរាល់ជាស្ថាពរហើយ ដែលបង្កលក្ខណៈងាយស្រួលក្នុងការធ្វើដំណើរទៅកាន់ឃុំអូរសោម ។ គួរបញ្ជាក់ថា ផ្លូវជាតិលេខ១០នេះ ត្រូវបានតភ្ជាប់ពីសំឡូត ខេត្តបាត់ដំបង ឆ្លងវាលវែង អូរសោម ខេត្តពោធិ៍សាត់ រហូតដល់ខេត្តកោះកុង មានប្រវែងសរុបជាង ១៩៨ គីឡូម៉ែត្រ ដែលនឹងត្រូវចំណាយថវិកាសរុបប្រមាណជាង ១៨៨លានដុល្លារអាមេរិក ជាហិរញ្ញប្បទានពីរដ្ឋាភិបាលចិន។ (អានបន្ថែម)
អានបន្ថែម
រដ្ឋខាតបង់ថវិកាជិត ២លានដុល្លារ តាមរយៈការលើកលែងពន្ធប្រថាប់ត្រា
គិតពីថ្ងៃទី២៥ ខែកុម្ភៈ ឆ្នាំ២០២០ មកដល់ខែ ឧសភា ឆ្នាំ ២០២៣ នេះ អគ្គនាយកដ្ឋានពន្ធដារ បានផ្ដល់ការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ មានចំនួនជា ១.០២២ ឯកសារ បើគិតជាទឹកប្រាក់ពន្ធសរុបចំនួន ៧,៩៩ ប៊ីលានរៀល គិតជាប្រាក់ដុល្លារមានប្រមាណជិត ២លានដុល្លារ។ តួលេខនេះ ត្រូវបានអគ្គនាយកដ្ឋានពន្ធដារ ផ្សព្វផ្សាយក្នុងព្រឹត្តិបត្រព័ត៌មានប្រចាំសប្តាហ៍ ដែលបានចុះផ្សាយ នៅថ្ងៃទី២៩ ខែ មិថុនា ២០២៣។ អគ្គនាយកដ្ឋានពន្ធដារ លើកឡើងថា ក្រុមហ៊ុនអភិវឌ្ឍន៍លំនៅឋានទាំងអស់ ត្រូវធ្វើកិច្ច សន្យាទិញ-លក់ឱ្យបានត្រឹមត្រូវ ដោយផ្អែកលើតម្លៃទីផ្សារជាក់ស្ដែង។ អគ្គនាយកដ្ឋានពន្ធដារ បញ្ជាក់ថា៖ “ក្នុងករណីចាំបាច់អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ នឹងធ្វើការត្រួតពិនិត្យឡើងវិញ ចំពោះក្រុមហ៊ុនអភិវឌ្ឍន៍លំនៅឋានដែលឆ្លៀតឱកាសបន្ថយតម្លៃទិញ-លក់ខុសពីតម្លៃ ទីផ្សារជាក់ស្តែង”។ សូមបញ្ជាក់ថា រាជរដ្ឋាភិបាល បានសម្រេចបន្តលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់លំនៅឋានគ្រប់ប្រភេទ ដែលមាន តម្លៃក្រោម ឬស្មើ ៧ម៉ឺនដុល្លារ រហូតដល់ដំណាច់ឆ្នាំ ២០២៤ ដើម្បីលើកទឹកចិត្តដល់ប្រជាពលរដ្ឋ ឲ្យមានលំនៅឋានរស់នៅសមរម្យ។
អានបន្ថែម
ឆមាសទី១-២០២៣ កម្ពុជាទទួលបានភ្ញៀវទេសចរជាង ១១លាននាក់ កើនឡើង ៧៥%
៦ខែដំបូង ក្នុងឆ្នាំ២០២៣នេះ កម្ពុជាមានភ្ញៀវទេសចរក្នុងស្រុកសរុបមានចំនួនប្រមាណ១១,១លាននាក់ កើនឡើងប្រមាណ ៧៥% ធៀបនឹងឆ្នាំ២០២២។ នេះបើតាមរបាយការណ៍ចុះផ្សាយដោយក្រសួងទេសចរណ៍ កាលពីថ្ងៃទី៣ ខែកក្កដា ឆ្នាំ២០២៣។ ទន្ទឹមនឹងនេះ ចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣ មានភ្ញៀវទេសចរជាង ៣០៦.៥២៤ម៉ឺននាក់ ចេញដើរទស្សនាកម្សាន្តទូទាំងប្រទេស ក្នុងនោះ ភ្ញៀវជាតិ២៧៣.០៥៥នាក់ និងភ្ញៀវបរទេសផ្ទៃក្នុង ៣៣.៤៦៩នាក់។ ចំនួនភ្ញៀវទេសចរខាងលើនេះ មានការកើនឡើងប្រមាណ៣.៧៨% ធៀបនឹងសប្តាហ៍កន្លងមក។ គួរបញ្ជាក់ដែរថា ក្នុងឆ្នាំ២០២២ កន្លងទៅ កម្ពុជារកចំណូលបានពីភ្ញៀវអន្តរជាតិ ១.៤១៥លានដុល្លារ ខណៈពីភ្ញៀវជាតិបានចំនួន ៦៥០លានដុល្លារ។ (អានបន្ថែម)
អានបន្ថែម
ចិនបានបញ្ចប់ការសាងសង់ ផ្លូវរូងក្រោមដីខ្ពស់ និងវែងបំផុតលើពិភពលោកហើយ
ជានិម្មិតរូបនៃភាពអស្ចារ្យនៃវិស្វកម្ម ផ្លូវរូងក្រោមដី Gokarla ដែលជាផ្លូវរូងក្រោមដីដែលមានកម្ពស់ខ្ពស់ជាងគេបំផុតរបស់ពិភពលោក បានបញ្ចប់ការសាងសង់រួចរាល់ បន្ទាប់ពីចំណាយពេលអស់ ៧ឆ្នាំ។ ស្ថិតក្នុងទឹកដីទីបេ សមិទ្ធកម្មដ៏គួរឱ្យស្ញប់ស្ញែងនេះ ត្រៀមលក្ខណៈរួចរាល់ដើម្បីបង្កើនការតភ្ជាប់ និងសម្រួលដល់កំណើនសេដ្ឋកិច្ចក្នុងតំបន់អាស៊ីកណ្តាល។ ភាពអស្ចារ្យនៃផ្លូវរូងក្រោមដីនេះ គឺទីតាំងរបស់វាដែលស្ថិតនៅរយៈកម្ពស់ដ៏គួរឱ្យស្ញើប គឺ នៅរវាង 4,248 ម៉ែត្រ និង 4,117 ម៉ែត្រពីលើនីវ៉ូទឹកសមុទ្រ។ អ្វីដែលមើលទៅគួរឱ្យស្ងើញសរសើរស្នាដៃវិស្វករសំណង់ដ៏សម្បើមមួយនេះ គឺការសាងសង់ច្រកចូលនៃផ្លូវរូងក្រោមដី ដែលពុះកាត់ឧបសគ្គលំបាកៗ មិនងាយមនុស្សអាចឆ្លងកាត់បានក្នុងអំឡុងពេលសាងសង់។ ជាមួយនឹងប្រវែងដ៏វែងរបស់វា ពោលគឺម្ខាង 12,790 ម៉ែត្រ និងម្ខាងទៀតប្រវែង 12,780 ម៉ែត្រ ផ្លូវរូងក្រោមដី Gokarlaនេះ អាចរាប់បានថាជាផ្លូវរូងក្រោមដី ខុសប្លែកពីគេក្នុងលោក ព្រោះជាផ្លូវរូងក្រោមដីដែលវែងជាងគេបំផុត និងខ្ពស់ជាងគេបំផុតក្នុងលោក។ ផ្លូវរូងក្រោមដី Gokarla បម្រើការជាផ្នែកដ៏សំខាន់នៃផ្លូវហាយវេ Lhasa-Tsethang ដោយភ្ជាប់ទីក្រុង Dechen នៃទីក្រុង Lhasa (អតីតរាជធានីរបស់ប្រទេសទីបេរបស់សម្តេចសង្ឃដាឡៃឡាម៉ា) ទៅនឹងទីប្រជុំជន Samye ក្នុងទីក្រុង Lhokha បានយ៉ាងរលូន។ ផ្លូវហាយវេនេះ ជាផ្នែកមួយដ៏សំខាន់នៃផែនការយក្សកសាងតំបន់អាស៊ីកណ្តាល ឱ្យក្លាយទៅជាតំបន់រង្វង់សេដ្ឋកិច្ចមួយ ឱ្យឈ្មោះថា […]
អានបន្ថែម
ផ្លូវរថភ្លើងល្បឿនលឿនដ៏ធំរបស់ថៃ អាចនឹងបន្តពន្យារពេលសាងសង់ ដោយហេតុថា…
កាលពីឆ្នាំ២០១៩ រដ្ឋាភិបាលថៃបានចុះហត្ថលេខាសាងសង់ផ្លូវរថភ្លើងល្បឿនលឿនតម្លៃ ២៧៦,៥ពាន់លានបាតជាមួយក្រុមហ៊ុន Charoen Pokphand (CP) Group ដើម្បីតភ្ជាប់អាកាសយានដ្ឋានចំនួនបី (ដុនមឿង សុវណ្ណភូមិ និង U-Tapao) ប៉ុន្តែរហូតដល់បច្ចុប្បន្ននៅមិនទាន់អាចចាប់ផ្តើមការងារសាងសង់នៅឡើយ។ នេះបើតាមការលើកឡើងរបស់លោក Nirut Maneephan អាជ្ញាធរផ្លូវដែកថៃ SRT ជាមួយកាសែត The Nation នៅថ្ងៃទី៤ កក្កដា ២០២៣នេះ។ លោកបញ្ជាក់ថា រដ្ឋាភិបាលកំពុងធ្វើវិសោធនកម្មកិច្ចសន្យាគម្រោងផ្លូវរថភ្លើងល្បឿនលឿនតម្លៃ ២៧៦,៥ពាន់លានបាតនេះ ព្រោះភាគីទាំងពីរកំពុងពិភាក្សាអំពីសំណងសម្រាប់ការកាត់បន្ថយបរិមាណអ្នកដំណើរនៅលើផ្លូវរថភ្លើង Airport Rail Link ក្នុងអំឡុងពេលស្ថានភាព Covid មិនទាន់បញ្ចប់ទាំងស្រុងនេះ។ លោក Nirut បាននិយាយទៀតថា SRT ក៏កំពុងរង់ចាំភ្លើងខៀវពីអនុគណៈកម្មាធិការរបស់រដ្ឋាភិបាលសម្រាប់គោលនយោបាយគ្រប់គ្រងច្រករបៀងសេដ្ឋកិច្ចបូព៌ា ដែលដឹកនាំដោយឧបនាយករដ្ឋមន្ត្រី និងជារដ្ឋមន្ត្រីថាមពល Supattanapong Punmeechaow ដែលនឹងជួបគ្នាក្នុងពេលឆាប់ៗនេះ ដើម្បីស្វែងរកដំណោះស្រាយបញ្ចប់កិច្ចសន្យា និងអាចផ្តួចផ្តើមគម្រោងនេះឆាប់ៗផងដែរ។ អនុគណៈកម្មាធិការក៏នឹងដោះស្រាយបញ្ហាផ្សេងៗទៀតដែលអាចពន្យារពេលគម្រោងនេះផងដែរ ដូចជាការត្រួតស៊ីគ្នាលើរចនាសម្ព័ន្ធជាមួយនឹងការភ្ជាប់ពីដុនមឿងទៅកាន់មជ្ឈមណ្ឌលផ្លូវដែកជាតិនៅ Bang Sue និងការបែងចែកផ្លូវទឹកសាធារណៈនៅជុំវិញស្ថានីយ៍ Makkasan ។ លោកបន្តថា ការអនុម័តរបស់ […]
អានបន្ថែម
រដ្ឋផ្តល់ដីសម្បទានសង្គមកិច្ច ៦ពាន់ហិកតា ជូនពលរដ្ឋក្នុងស្រុកកោះញែក ខេត្តមណ្ឌលគិរី
រៀបចំដែនដី នគរូបនីយកម្ម និងសំណង់ និងអាជ្ញាធរខេត្តមណ្ឌលគិរី បានប្រកាសផ្ទៃដីទំហំ ៦០០០ហិកតា ជាតំបន់វិនិច្ឆ័យដើម្បីកំណត់អត្តសញ្ញាណកម្មដី ចំណាត់ថ្នាក់ដី ផែនទីដីរដ្ឋ និងចុះបញ្ជីដីឯកជន ជូនប្រជាពលរដ្ឋរស់នៅស្ថិតក្នុងឃុំរយ៉ និងឃុំសុខសាន្ត នៃស្រុកកោះញ៉ែក ខេត្តមណ្ឌលគិរី។ ការប្រកាសកំណត់តំបន់វិនិច្ឆ័យនេះ បានធ្វើឡើងកាលពីថ្ងៃទី២៨ ខែមិថុនា ឆ្នាំ២០២៣ ដែលជាកម្មវិធីសម្បទានដីសង្គមកិច្ចថ្នាក់មូលដ្ឋានសម្រាប់គម្រោងបែងចែកដីដើម្បីសង្គមកិច្ចនិងការអភិវឌ្ឍសេដ្ឋកិច្ចដំណាក់កាលទី៣ (LASED III)។ ជាមួយគ្នានេះ ប្រជាជននៅក្នុងឃុំទាំងពីរនេះ មានប្រមាណជិត ៧០០គ្រួសារគ្មានដី និងជាង ៦០០គ្រួសារមានដីតិចជាង ០,៥ហិកតា។ គួរបញ្ជាក់ថា គម្រោង LASED III គាំទ្រថវិកាដោយធនាគារពិភពលោក ក្នុងគោលបំណងដើម្បីជួយបង្កើនសុវត្ថិភាពសិទ្ធិកាន់កាប់ដីធ្លី និងការទទួលបានហេដ្ឋារចនាសម្ព័ន្ធនិងសេវាកសិកម្ម និងសង្គមសម្រាប់ប្រជាជនក្រីក្រគ្មានដី និងសហគមន៍ជនជាតិដើមភាគតិចនៅកម្ពុជា។ ក្នុងនោះផងដែរ ធនាគារពិភពលោក បានអនុម័តទឹកប្រាក់ ៩៣លានដុល្លារ ជូនកម្ពុជា សម្រាប់យកមកអនុវត្តគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចជំហានទី៣ (LASED III) នេះ។ (អានបន្ថែម)
អានបន្ថែម
ផ្សារទំនើប និងចំណតរថយន្តក្រោមដីធំបំផុតនៅកណ្តាលរាជធានីភ្នំពេញ បើកការដ្ឋានសាងសង់ហើយ
ក្រុមហ៊ុន EDC Juta (Cambodia) បានបើកការដ្ឋានសង់មជ្ឈដ្ឋានពាណិជ្ជកម្មក្រោមដីដ៏ធំមួយចំកណ្តាលរាជធានីភ្នំពេញ។ គម្រោងមជ្ឈដ្ឋានពាណិជ្ជកម្មក្រោមដីនេះរួមមានចំណតរថយន្តច្រើនជាន់ ផ្សារទំនើបទំនើប រមណីយដ្ឋានប្រណីត និងសេវាកម្មក្រោមដីជាច្រើនទៀត។ ដឹកនាំដោយឧកញ៉ា ចាន់ សុធា អគ្គនាយិកាក្រុមហ៊ុន EDC Juta (Cambodia) ការដ្ឋានសំណង់របស់គម្រោងបានបើកដំណើរការជាផ្លូវការចាប់ផ្តើមនៅថ្ងៃទី 3 ខែកក្កដា ឆ្នាំ 2023។ ដោយលាតសន្ធឹងលើផ្ទៃដីទំហំ 33.20 ម៉ែត្រការ៉េ ទីតាំងគម្រោងនេះមានទីតាំងនៅលើដីឡូតិ៍សំខាន់ៗនៃផ្លូវលេខ 106, 108, និងផ្លូវ 13, 19 ក្នុងសង្កាត់វត្តភ្នំ ខណ្ឌដូនពេញ។ ឧកញ៉ា ចាន់ សុធាបានលើកឡើងថា គម្រោងនេះនឹងជួយធ្វើឱ្យប្រសើរឡើងនូវទេសភាពទីក្រុងដោយផ្តល់ជូននូវសេវាកម្មជាច្រើន ប្រកបដោយលក្ខណៈពិសេសពោរពេញដោយភាពច្នៃប្រតិដ្ឋ ដើម្បីផ្តល់អត្ថប្រយោជន៍ដល់អ្នករស់នៅ និងសកម្មភាពអាជីវកម្មនៅភ្នំពេញ។ ចក្ខុវិស័យរបស់ EDC Juta គឺនេះជាតម្រូវការបន្ទាន់ដើម្បីកាត់បន្ថយការកកស្ទះចរាចរណ៍ ដែលជាបញ្ហាប្រឈមដោយមជ្ឈមណ្ឌលទីក្រុងជាច្រើន។ តាមរយៈការផ្តល់កន្លែងចតរថយន្តដ៏ទំនើបដែលមានសមត្ថភាពអាចផ្ទុករថយន្តបានចំនួន ៥១៦ គ្រឿង គម្រោងនេះមានគោលបំណងសម្រួលដល់ការធ្វើដំណើរ និងលើកកម្ពស់បទពិសោធន៍ទីក្រុងសម្រាប់ប្រជាជន នេះបើតាមការលើកឡើងរបស់អ្នកឧកញ៉ា ចាន់ សុធា។ “បន្ថែមពីលើអត្ថប្រយោជន៍ជាក់ស្តែង អគារក្រោមដីក៏នឹងជំរុញកំណើនសេដ្ឋកិច្ចផងដែរ ដោយផ្តល់ឱកាសការងារសម្រាប់អាជីវកម្មខ្នាតតូចក្នុងស្រុកឱ្យអាចប្រកបមុខរបរលក់ដូរ […]
អានបន្ថែម