អគារសាលាខេត្តព្រៃវែងថ្មីតម្លៃជាង ១២លានដុល្លារ និងរោងទូក-ង វែងជាងគេលើពិភពលោក សម្ពោធឱ្យប្រើប្រាស់ហើយ
រដ្ឋបាលខេត្តព្រៃវែង បានសម្ពោធដាក់ឱ្យប្រើប្រាស់ជាផ្លូវការ នូវអគារសាលាខេត្តព្រៃវែងថ្មីតម្លៃជាង ១២,៣៧លានដុល្លារ និង រោងតម្កល់ទូក-ង វែងជាងគេលើពិភពលោក ដែលរោងនេះមានឈ្មោះថា “សន្តិបាលាគារកម្ពោជិកបុត្តាខេមរាតរី”។ ពិធីសម្ពោធនេះត្រូវបានធ្វើឡើងក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ កាលពីថ្ងៃទី០៥ ខែឧសភា ឆ្នាំ២០២៣។ គួរបញ្ជាក់ថា អគារសាលាខេត្តព្រៃវែងថ្មីនេះមានតម្លៃជាង ១២,៣៧លានដុល្លារ ត្រូវបានសាងសង់ជា ០៤ខ្នង កម្ពស់ ៣ជាន់ ស្មើនឹង ២២៣បន្ទប់ សាលប្រជុំចំនួន ០៦សាល។ ក្នុងនោះ សាលធំចំនួន ០១មួយ អាចផ្ទុកអ្នកចូលរួមបានប្រមាណ៥០០នាក់ សាលប្រជុំមធ្យមចំនួន ០២សាល អាចផ្ទុកបានប្រមាណ១០០នាក់ ក្នុងមួយសាល និងសាលតូចចំនួន ០៣សាល អាចផ្ទុកអ្នកចូលរួមប្រមាណ ២៥នាក់ និងបន្ទប់រដ្ឋបាលផ្សេងៗទៀត។ រីឯរោងតម្កល់ទូក-ង វែងជាងគេលើពិភពលោកវិញ មានបណ្តោយប្រវែង ៩៨,៨០ម៉ែត្រ×ទទឹងប្រវែង ៨,៦០ម៉ែត្រ សង់លើ ផ្ទៃដីទទឹង ១៤ម៉ែត្រ និងបណ្តោយ ១៧៨ ម៉ែត្រ។ រោងទូកងនេះ ត្រូវបានសាងសង់ឡើងអំពីបេតុង ប្រក់ក្បឿងស្រកាលិញ […]
អានបន្ថែម
រដ្ឋជំរុញការប្រើប្រាស់ថាមពលកកើតឡើងវិញខ្នាតតូច ដើម្បីបំពេញតម្រូវការតាមទីជនបទ
ក្រសួងអភិវឌ្ឍន៍ជនបទ ណែនាំឱ្យប្រើប្រាស់ថាមពលខ្នាតតូច ដោយផ្ដោតទៅលើការផ្គត់ផ្គង់ថាមពលខ្នាតតូចពីពន្លឺព្រះអាទិត្យ និងជីវឧស្ម័ន ដើម្បីបម្រើតម្រូវការថាមពលនៅតាមតំបន់ជនបទដាច់ស្រយាល។ រាជរដ្ឋាភិបាលកម្ពុជា បានកំណត់គោលដៅនៅឆ្នាំ២០២០ គ្រប់ភូមិទាំងអស់មានថាមពលអគ្គិសនីប្រើប្រាស់ រួមទាំងការបំភ្លឺដោយអាគុយ និងនៅឆ្នាំ២០៣០ យ៉ាងហោចណាស់ ៧០% នៃលំនៅឋានទាំងអស់នៅទូទាំងប្រទេស នឹងមានអគ្គិសនីប្រើប្រាស់ដោយភ្ជាប់ពីខ្សែបណ្តាញដែលមានគុណភាព។ បន្ថែមពីនេះ រដ្ឋបានកំណត់គោលដៅផលិតថាមពលឱ្យបាន ៣៥% ពីធ្យូងថ្ម ៥៥% ពីវារីអគ្គិសនី និង ១០% ពីថាមពលកកើតឡើងវិញផ្សេងៗ។ ដើម្បីសម្រេចគោលដៅនេះ សម្រាប់ផ្គត់ផ្គង់គ្រួសារ និងសហគមន៍ក្រីក្រនៅតាមតំបន់ដែលមិនមានបណ្តាញអគ្គិសនី ក្រសួងអភិវឌ្ឍន៍ជនបទ បានដាក់ចេញនូវសៀវភៅណែនាំបច្ចេកទេស ដែលជាឧបករណ៍ជំនួយសម្រាប់អ្នកពាក់ព័ន្ធនានា ក្នុងវិស័យផ្គត់ផ្គង់ថាមពលខ្នាតតូចយកទៅប្រើប្រាស់ ជាចំណេះដឹង និងមធ្យោបាយផ្គត់ផ្គង់ថាមពលប្រកបដោយប្រសិទ្ធភាព។ បើតាមសៀវភៅណែនាំនេះ បានបញ្ជាក់ឱ្យដឹងថា ការប្រើប្រាស់ថាមពលកកើត ដើម្បីផលិតអគ្គិសនី ឬភ្លើង ផ្តល់ផលប្រយោជន៍ជាច្រើនរួមមាន៖ តម្លៃអគ្គិសនីសមរម្យ និងមាននិរន្តរភាពសម្រាប់ការប្រើប្រាស់ កាត់បន្ថយសេចក្តីត្រូវការ នៃការប្រើប្រាស់ឥន្ធនៈហ្វូស៊ីល កាត់បន្ថយការបញ្ចេញឧស្ម័នផ្ទះកញ្ចក់ ជាពិសេសឧស្ម័នកាបូនិច (CO2) ដែលធ្វើឱ្យឡើងកម្តៅផែនដី និងការប្រែប្រួលអាកាសធាតុ ធ្វើឱ្យខ្យល់ស្អាតជួយទ្រទ្រង់សុខភាពមនុស្ស កាត់បន្ថយជំងឺរ៉ាំរ៉ៃ រលាកទងសួត ជំងឺសរសៃឈាម បេះដូង។ល។ សៀវភៅនេះ នឹងជួយអ្នកឲ្យយល់កាន់តែច្បាស់អំពីសារៈប្រយោជន៍នៃថាមពលកកើតឡើងវិញ និងជួយអ្នករៀបចំគ្រោងការគម្រោងកម្មវិធីផ្គត់ផ្គង់ថាមពលកកើតឡើងវិញ […]
អានបន្ថែម
អាជ្ញាធរអប្សរានិងឯកជនចុះអនុស្សារណៈអភិរក្សផ្លូវបុរាណក្នុងតំបន់អង្គរ
អាជ្ញាធរជាតិអប្សរា និងក្រុមហ៊ុន អឺបែន លីវីង សឺលូសិន ចុះអនុស្សរណៈយោគយល់លើគម្រោងសិក្សារួមគ្នា ក្នុងការអភិរក្សផ្លូវបុរាណក្នុងតំបន់រមណីយដ្ឋានអង្គរ។ ការចុះអនុស្សារណៈនេះ ប្រព្រឹត្តទៅកាលពីថ្ងៃទី១៥ ខែឧសភា ឆ្នាំ២០២៣ ដោយឯកឧត្តមបណ្ឌិត ហង់ ពៅ អគ្គនាយកអាជ្ញាធរជាតិអប្សរា និងលោក គាន គីមលាង នាយកប្រតិបត្តិក្រុមហ៊ុន លើគម្រោងសិក្សារួមក្នុងការអភិរក្ស និងលើកតម្លៃផ្លូវបុរាណ ចាប់ពីមុខភ្នំបាខែង រហូតដល់តំបន់រលួស។ ។ ជាមួយគ្នានេះ អនុស្សរណៈនេះនឹងរួមចំណែកក្នុងការងារអភិរក្ស និងលើកតម្លៃផ្លូវបុរាណពីអតីតរាជធានីអង្គរ ទៅតំបន់រលួស នៃរមណីយដ្ឋានអង្គរ ក៏ដូចជាការជួយជំរុញការចូលរួមពីវិស័យឯកជនផ្សេងទៀត ក្រោមទម្រង់កិច្ចសហការភាពជាដៃគូរវាសាធារណៈ និងឯកជនផងដែរ។
អានបន្ថែម
គម្រោងសង់ស្ថានីយប្រព្រឹត្តកម្មសំណល់ភក់បង្គន់ដំបូងគេនៅកម្ពុជា នឹងសម្ពោធឱ្យដំណើរការឆាប់ៗនេះ
រដ្ឋបាលរាជធានីភ្នំពេញ នឹងសម្ពោធដាក់ឱ្យប្រើប្រាស់ស្ថានីយប្រព្រឹត្តកម្មសំណល់ភក់បង្គន់ទី១ នាពេលខាងមុខ ដែលគម្រោងនេះ ស្ថិតនៅក្រោមគម្រោង សមាគមអន្តរជាតិ នៃអភិបាលក្រុងប្រើប្រាស់ភាសាបារាំង (AIMF)។ ឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញ និងលោកស្រី អារីយ៉ាណា អាដេហ្ស៊ី (Arianna ARDESI) ទីប្រឹក្សា និងជាលេខាធិការរងអចិន្ត្រៃយ៍ទទួលបន្ទុក កម្មវិធីសហប្រតិបត្តិការ នៃសាលារាជធានីភ្នំពេញ បានលើកឡើងពីសមិទ្ធិផលនៃគម្រោងនេះ ក្នុងជំនួបមួយកាលពីថ្ងៃទី១៦ ខែឧសភា។ រដ្ឋបាលរាជធានីភ្នំពេញ និងសមាគមអន្តរជាតិ នៃអភិបាលក្រុងប្រើប្រាស់ភាសាបារាំង (AIMF) បានចុះហត្ថលេខាលើកិច្ចព្រមព្រៀងស្ដីពីជំនួយហិរញ្ញវត្ថុ និង ជំនួយបច្ចេកទេសក្នុងទំហំទឹកប្រាក់ចំនួន ១៤៣.៥០០អឺរ៉ូ ក្នុងគោលបំណងចូលរួមលើកកម្ពស់សមត្ថភាព អនុវត្តការងារមួយចំនួន ដូចជាការរៀបចំលំហសាធារណៈក្នុងទីក្រុង, ការកែលម្អអនាម័យ និងការគ្រប់គ្រងកែច្នៃសំណល់ភក់បង្គន់ការគ្រប់គ្រងហានិភ័យ និងការត្រៀមខ្លួនទល់នឹងគ្រោះទឹកជំនន់។ ក្រៅពី ស្ថានីយប្រព្រឹត្តកម្មសំណល់ភក់បង្គន់ទី១ នៅរាជធានីភ្នំពេញ ដែលមានទីតាំង នៅក្នុងសង្កាត់ភ្លើងឆេះរទេះ ខណ្ឌកំពូល ហេដ្ឋារចនាសម្ព័ន្ធពាក់ព័ន្ធ នៃគម្រោង ដែលជាហិរញ្ញប្បទានរួមរវាងរដ្ឋបាលរាជធានីភ្នំពេញ សមាគម AIMF រដ្ឋបាល រដ្ឋធានីប៉ារីស និងសហភាពអឺរ៉ុប មានទីតាំងនៅតាមប្រឡាយស្ទឹងមានជ័យ ខណ្ឌមានជ័យ ក៏នឹងត្រូវសម្ភោធដាក់ឱ្យប្រើប្រាស់នាពេលខាងមុខផងដែរ។(អានបន្ថែម) ក្នុងជំនួបពិភាក្សាការងារ […]
អានបន្ថែម
គម្រោងសង់ស្ថានីយច្រកព្រំដែនអន្តរជាតិ(ស្ទឹងបត់-បានណងអៀន) សម្រេចបាន ៨៥ភាគរយ
គិតត្រឹមថ្ងៃ១៤ ខែឧសភានេះ ស្ថានីយច្រកទ្វារព្រំដែនកម្ពុជា-ថៃ (ស្ទឹងបត់-បានណងអៀន) និងខ្សែផ្លូវតភ្ជាប់ទៅកាន់ផ្លូវជាតិលេខ៥ សម្រចការសាងសង់បាន ៨៥,០៥ភាគរយហើយ។ នេះបើយោងតាមចុះពិនិត្យការដ្ឋានផ្ទាល់របស់ឯកឧត្តម UENO Atsushi ឯកអគ្គរាជទូតទូតជប៉ុនប្រចាំកម្ពុជា និង ឯកឧត្តម នូ វឌ្ឍន: អនុរដ្ឋលេខាធិការក្រសួងសាធារណការ និងដឹកជញ្ជូន ដោយមានការចូលរួមពីមន្ត្រីអន្តោប្រវេសន៍ច្រក ក្រុមហ៊ុនសាងសង់ ក្រុមហ៊ុនត្រួតពិនិត្យបច្ចេកទេស និងភាគីពាក់ព័ន្ធ នៅថ្ងៃទី១៦ ខែឧសភា ឆ្នាំ២០២៣នេះ ។ គួររម្លឹកថា រដ្ឋាភិបាលកម្ពុជា និងថៃ បានសម្រេចលើឥណទានសម្បទានក្នុងដំណើរការសាងសង់គម្រោងនេះ ក្រោមទឹកប្រាក់ប្រមាណ ២៦.៥លានដុល្លារអាមេរិក។ (អានបន្ថែម) គួរបញ្ជាក់ថា គម្រោងនេះមានគោលបំណងបង្កើនទំហំពាណិជ្ជកម្ម និងជួយសម្រួលដល់កិច្ច សហប្រតិបត្តិការរវាងប្រទេសទាំងពីរ តាមរយៈការសាងសង់អគាររដ្ឋបាលច្រកអន្តរជាតិស្ទឹងបត់-បាណងអៀន។ គម្រោងសាងសង់ច្រកអន្តរជាតិស្ទឹងបត់ និងខ្សែផ្លូវតភ្ជាប់ទៅកាន់ផ្លូវជាតិលេខ៥ បានដំណើរការសាងសង់ចាប់តាំងពីដើមខែឧសភា ឆ្នាំ២០២០ ហើយគិតត្រឹមថ្ងៃទី១៤ ខែឧសភា ឆ្នាំ២០២៣នេះ គម្រោងនេះសម្រេចវឌ្ឍនភាពការងារបាន៨៥,០៤%ហើយ៕
អានបន្ថែម
មន្ទីរពេទ្យតេជោសែនកោះធំតម្លៃ ១០លានដុល្លារ សង់រួចរាល់ហើយ គ្រោងបើកដំណើរការខែសីហា
មន្ទីរពេទ្យតេជោសែនកោះធំតម្លៃ ១០លានដុល្លារ នឹងត្រូវសម្ពោធបើកដំណើរការផ្លូវការនៅដើមខែសីហាខាងមុននេះ ខណៈបច្ចុប្បន្នក្រសួងចុះអនុស្សារណៈនៃការយោគយល់ (MoU) លើ ការងារផ្គត់ផ្គង់សម្ភារ និងបរិក្ខាវេជ្ជសាស្រ្ត ជាមួយតំណាងសប្បុរសជនបរទេស។ អនុស្សារណៈនៃការយោគយល់ (MoU)នេះ ត្រូវបានចុះហត្ថលេខាដោយឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ជាមួយតំណាងសប្បុរសជនបរទេស នៅថ្ងៃទី១៦ ខែឧសភា ឆ្នាំ២០២៣។ បើតាមការបញ្ជាក់ពីតំណាងក្រសួងសាធារណការ បច្ចុប្បន្ន មន្ទីរពេទ្យតេជោសែនកោះធំ ត្រូវបានសាងសង់រួចរាល់ហើយ នៅរង់ចាំតែការបំពាក់សម្ភារ និងបរិក្ខារវេជ្ជសាស្រ្តផ្នែកខាងក្នុង ដែលរំពឹងថានឹងអាច សម្ពោធដាក់ឱ្យប្រើប្រាស់ជាផ្លូវការ នៅដើមខែសីហា ឆ្នាំ២០២៣ ខាងមុខនេះ។ គួរបញ្ជាក់ថា មន្ទីរពេទ្យនេះនឹងត្រូវបំពាក់សម្ភារ និងបរិក្ខារវេជ្ជសាស្រ្តដ៏សំបូរបែបឱ្យ ស្របទៅតាមស្តង់ដារថ្នាក់ជាតិ ដើម្បីប្រែក្លាយជាមន្ទីរពេទ្យដែលទំនើបមួយក្នុងតំបន់ ជាមួយនឹងការបំពាក់ប្រព័ន្ធបច្ចេកវិទ្យាទំនើប Hospital Information System (HIS) សម្រាប់គ្រប់គ្រងសម្ភារ បរិក្ខារ ឱសថ និងទិន្នន័យព័ត៌មានរបស់អ្នកជំងឺ ដែលត្រូវបានសិក្សា និងអភិវឌ្ឍដោយ អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ នៃក្រសួងសាធារណការ និងដឹកជញ្ជូនផងដែរ។ អគារមន្ទីរពេទ្យនេះ បានចាប់ផ្តើមបើកការដ្ឋានសាងសង់កាលថ្ងៃទី៧ ខែមករា […]
អានបន្ថែម
៤ខែ ដើមឆ្នាំ២០២៣ កម្ពុជាប្រមូលបានជាង ១៤លានដុល្លារពីការលក់សំបុត្រទស្សនាអង្គរវត្ត
ត្រឹមរយៈពេល០៤ខែ ដើមឆ្នាំ២០២៣ ប្រទេសកម្ពុជារកចំណូលបានចំនួន ១៤.០៣១.២០៦ដុល្លារ ពីការលក់សំបុត្រចូលទស្សនារមណីយដ្ឋានអង្គរ ទៅភ្ញៀវទេសចរបរទេសចំនួន ២៩៨.៩៩៨នាក់។ នេះបើតាមរបាយការណ៍ចេញផ្សាយដោយគ្រឹះស្ថានអង្គរ នៅថ្ងៃទី០១ ខែឧសភា ឆ្នាំ២០២៣ បានឱ្យដឹងថា ចំណូលនេះបានកើនឡើង ៩៣៧,៣៤ភាគរយ ធៀបនិងរយៈពេលដូចគ្នាក្នុងឆ្នាំ២០២២។ របាយការណ៍ដដែលបានឱ្យដឹងថា សម្រាប់ខែមេសា ឆ្នាំ២០២៣នេះ គ្រឹះស្ថានអង្គរ រកចំណូលបានចំនួន ២.៨៩៥. ៧១៤ដុល្លារ ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរចំនួន ៦២.៦៥៧នាក់ ដែលចំណូលនេះកើនឡើង ៤៣៩,២០ភាគរយ ធៀបនឹងរយៈពេលដូចគ្នា ក្នុងឆ្នាំ២០២២។ គួរបញ្ជាក់ថា តម្លៃចូលទស្សនារមណីដ្ឋានអង្គរសម្រាប់ទេសចរអន្តរជាតិ ក្នុងមួយថ្ងៃតម្លៃ ៣៧ដុល្លារ ៣ថ្ងៃ តម្លៃ៦២ដុល្លារ និង១សប្តាហ៍តម្លៃ ៧២ដុល្លារ។ ដោយឡែក ជនបរទេសដែលស្នាក់នៅកម្ពុជាចាប់ពី ២ឆ្នាំឡើងទៅ រដ្ឋអនុញ្ញាតអាចឱ្យធ្វើបណ្ណទស្សនាអង្គរដោយឥតគិតថ្លៃបាន។ (អានបន្ថែម) ថ្មីៗនេះផងដែរ សម្តេចតេជោនាយករដ្ឋមន្ត្រី ហ៊ុន សែន បានសម្រេចឱ្យកីឡាករ កីឡាការិនីបរទេសទាំងអស់ដែលបានមកចូលរួមប្រកួតកីឡាស៊ីហ្គេមនៅកម្ពុជា អាចចូលទៅទស្សនាប្រាសាទអង្គរវត្តដោយមិនគិតថ្លៃ និងមិនចាំបាច់ទិញសំបុត្រចូលនោះទេ។ (អានបន្ថែម)
អានបន្ថែម
បច្ចុប្បន្នតំបន់សេដ្ឋកិច្ចពិសេសក្រុងព្រះសីហនុទាក់ទាញសហគ្រាសជិត២០០ ផ្តល់ការងារជិត៣ម៉ឺនកន្លែង
តំបន់សេដ្ឋកិច្ចពិសេសក្រុងព្រះសីហនុ បានទាក់ទាញសហគ្រាសចំនួនសរុប១៧៥ ចូលមកបោះទុនវិនិយោគ ផ្តល់ឱកាសការងារបានជិត ៣ម៉ឺនកន្លែង ទំហំទឹកប្រាក់នៃការនាំចេញនិងនាំចូលរបស់សហគ្រាសក្នុងតំបន់បន្តកើនឡើងដល់កម្រិតខ្ពស់បំផុត។ របាយការណ៍ពីតំបន់សេដ្ឋកិច្ចពិសេសក្រុងព្រះសីហនុ បង្ហាញថា តំបន់សេដ្ឋកិច្ចពិសេសក្រុងព្រះសីហនុ នាពេលបច្ចុបន្ន បានក្លាយទៅជាសួនឧស្សាហកម្មអន្តរជាតិដែលបានទាក់ទាញសហគ្រាស/ក្រុមហ៊ុន ចំនួន ១៧៥ មកពីប្រទេសចិន អឺរ៉ុប អាមេរិក អាស៊ីអាគ្នេយ៍ និងបណ្តាប្រទេសក្នុងតំបន់ផ្សេងៗទៀត ដែលបានបង្កើតឱកាសការងារជិត ៣ ម៉ឺនកន្លែង ។ ទំហំទឹកប្រាក់នៃការនាំចូល និងនាំចេញរបស់សហគ្រាសក្នុងតំបន់បានកើនឡើងពី ១៣៩លានដុល្លារក្នុងឆ្នាំ ២០១៣ ដល់ជិត ២.៥០០ ពាន់លានដុល្លារក្នុងឆ្នាំ ២០២២ ដែលបានបង្កើនកម្លាំងចលករដ៏រឹងមាំក្នុងការអភិវឌ្ឍន៍សេដ្ឋកិច្ច និងឧស្សាហកម្មរបស់កម្ពុជា បានក្លាយទៅជា “ក្បាលម៉ាស៊ីន” នៃការអភិវឌ្ឍន៍សេដ្ឋកិច្ចខេត្តព្រះសីហនុ ។ ក្រុមហ៊ុនគ្រប់គ្រងតំបន់សេដ្ឋកិច្ចពិសេសក្រុងព្រះសីហនុបានលើកឡើងថា៖ “១០ឆ្នាំកន្លងមក តំបន់សេដ្ឋកិច្ចពិសេសក្រុងព្រះសីហនុ បានប្រកាន់ខ្ជាប់នូវការរួមបញ្ចូលគ្នារវាងការកសាងអភិវឌ្ឍន៍ និងរចនាសម្ព័ន្ធអភិវឌ្ឍន៍សេដ្ឋកិច្ចរបស់ប្រទេសកម្ពុជា ខិតខំទាក់ទាញសហគ្រាសឧស្សាហកម្មយ៉ាងសកម្ម និងឈរមូលដ្ឋានដែលមានសហគ្រាសឧស្សាហកម្មអតិពលកម្មពីដើម ទាក់ទាញសហគ្រាសមានទ្រុងទ្រាយធំ ឧស្សាហកម្មពឹងផ្អែកលើធនធានកំពង់ផែ និងឧស្សាហកម្មគាំទ្រក្នុងខ្សែសង្វាក់ផលិតកម្ម ដើម្បីលើកកម្ពស់ភាពប្រកួតប្រជែងលើវិស័យឧស្សាហកម្មក្នុងតំបន់”។ ក្រុមហ៊ុន ជឿជាក់ថានៅពេលខាងមុខនេះ តំបន់សេដ្ឋកិច្ចពិសេសក្រុងព្រះសីហនុអាចទាក់ទាញសហគ្រាសអន្តរជាតិកាន់តែច្រើនចូលវិនិយោគក្នុងតំបន់ ដើម្បីចូលរួមចំណែកយ៉ាងសកម្មក្នុងការអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង ក៏ដូចជាដើរតួនាទីជាគំរូក្នុងការបង្កើតច្រករបៀងឧស្សាហកម្មនិងបច្ចេកវិទ្យារបស់កម្ពុជា។ តំបន់សេដ្ឋកិច្ចពិសេសក្រុងព្រះសីហនុ ត្រូវបានអភិវឌ្ឍន៍កសាងឡើងនៅក្នុងស្រុកព្រៃនប់ខេត្តព្រះសីហនុដោយមានការសហការគ្នារវាងក្រុមហ៊ុន Hodo […]
អានបន្ថែម
វិមាន « រូបពីរ» រំលឹកដល់វិរៈបុរសក្នុងសង្គ្រាមលោកលើកទី១ សង់បាន៧៥%ហើយ
គម្រោងការស្ថាបនាឡើងវិញនូវវិមាន « រូបពីរ» រំលឹកដល់វិរៈបុរសក្នុងសង្គ្រាមលោកលើកទី១ ពីឆ្នាំ ១៩១៤ ដល់ឆ្នាំ ១៩១៨» មកទល់ពេលនេះ ស្ថាបនាបានប្រមាណ ៧៥ភាគរយ ហើយ។ នេះបើតាមការឱ្យដឹងពីឯកឧត្តម លី រស្មី រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី១៥ ខែឧសភា ឆ្នាំ២០២៣។ ឯកឧត្តម លី រស្មី បានលើកឡើងថា ជារួមវិមាននេះសាងសង់បានប្រមាណ៧៥% ខណៈក្រុមការងារបច្ចេកទេសក្រសួង,សារមន្ទីរជាតិភ្នំពេញ ក្រុមជាងចម្លាក់និងជាងស្ពាន់ កំពុងខិតខំធ្វើកិច្ចការយ៉ាងផ្ចិតផ្ចង់ដោយសម្រិតសម្រាំងវិចិត្ររចនាតាមរូបដើមទាំងស្រុងដើម្បីអភិរក្សសំណង់បេតិកភណ្ឌប្រវត្តិសាស្ត្រនេះឱ្យបានល្អបំផុត។ ឯកឧត្តមបន្តថា វិមានរំឭកដល់អ្នកដែលទទួលអនិច្ចកម្មក្នុងសង្គ្រាមលោកលើកទី១ ពីឆ្នាំ១៩១៤ ដល់ឆ្នាំ១៩១៨ នេះ ត្រូវបានសាងសង់រួចរាល់នៅឆ្នាំ១៩២៥ និងត្រូវបានរបបកម្ពុជាប្រជាធិបតេយ្យបំផ្លាញចោលវិញនៅឆ្នាំ១៩៧៥។ សូមរម្លឹកដែរថា រាជរដ្ឋាភិបាលកម្ពុជា និងបារាំង បានរៀបចំសាងសង់ឡើងវិញវិមាន «រូបពីរ» រំលឹកដល់អ្នកដែលទទួល អនិច្ចកម្មក្នុងសង្គ្រាមលោកលើកទី១ នៅមុខស្ថានទូតបារាំងនៅទីក្រុងភ្នំពេញ ដើម្បីជាការរំលឹកដល់ការពលីកម្មរបស់កម្ពុជាក្នុងការបញ្ជូនកងទ័ពទៅជួយច្បាំងបារាំង និងការរំលឹកដល់ជ័យជម្នះសង្គ្រាមលោកលើកទី១របស់បារាំង។ លើសពីនេះ វិមាននេះ ក៏ត្រូវសាងសង់ឡើងដើម្បីពង្រឹងចំណងមិត្តភាព មេត្រីភាព សាមគ្គីភាពនិងកិច្ចសហប្រតិបត្តិការជាប្រវត្តិសាស្ត្ររវាងកម្ពុជានិងបារាំងផងដែរ។ វិមាននេះ ត្រូវបានរៀបចំពិធីក្រុងពាលីនិងបញ្ចុះបឋមសិលាបើកការដ្ឋានសាងសង់ឡើងវិញ កាលថ្ងៃទី២៥ ខែមករា […]
អានបន្ថែម
ហេតុអ្វីរុស្សី និងចិន សម្រុកទិញអចលនទ្រព្យនៅថៃក្នុងកាលៈទេសៈនេះ? កម្ពុជាគួររៀនសូត្រអ្វីខ្លះ?
ក្នុងរយៈពេល ៩ ខែដំបូងនៃឆ្នាំ ២០២២នេះ ចិនបានទិញខុនដូនៅប្រទេសថៃ សរុបជាង ៣.៥០០ យូនីត ដែលមានតម្លៃជិត ១៨ពាន់លានដុល្លារ ។ នេះបើយោងតាមមជ្ឈមណ្ឌលព័ត៌មានអចលនទ្រព្យ REIC ។ តួលេខនេះស្មើនឹង ៤៩% នៃចំនួនយូនីតដែលបានផ្ទេរទៅឱ្យជនបរទេសទាំងអស់ ដែលធ្វើឱ្យចិនក្លាយជាអ្នកទិញខុនដូបរទេសច្រើនជាងគេក្នុងប្រទេសថៃ។ ថៃក៏រំពឹងថានឹងមានភ្ញៀវទេសចរចិនយ៉ាងតិច ៥លាននាក់នៅឆ្នាំ២០២៣ ដែលក្នុងនោះនឹងមានអ្នកទិញអចលនទ្រព្យជាច្រើនផងដែរ។ ប្រភពដដែលបានបង្ហាញថា អ្នកទិញអចលនទ្រព្យបរទេសលំដាប់ទៅ២ នៅប្រទេសថៃ គឺជនជាតិរុស្ស៊ី។ ប្រមាណ ៤០% នៃខុនដូដែលគ្រប់គ្រងដោយបរទេសនៅកោះភូកេត ត្រូវបានកាន់កាប់ដោយជនជាតិរុស្ស៊ីដែលមានតម្លៃសរុប ៨៨០លានបាត ស្មើនឹងប្រមាណជា ២៦លានដុល្លារ។ ជាក់ស្ដែង ជនជាតិចិន និងរុស្សី គឺជាវិនិយោគិនអចលនទ្រព្យក្នុងប្រទេសថៃតាំងពីមុនកូវីដ-១៩ មកម្លេះ ជាពិសេសនៅទីក្រុងធំៗដូចជា បាងកក ភូកេត ប៉ាតាយ៉ា និងឈៀងម៉ៃ។ ប៉ុន្តែ ដោយសារតែភាពមិនប្រាកដប្រជាក្រោយវិបត្តិកូវីដ១៩ វិបត្តិសេដ្ឋកិច្ចលោក និងសង្គ្រាមរុស្ស៊ី-អ៊ុយក្រែន ធ្វើឱ្យក្រុមទាំង២ សម្រុកមកទិញអចលនទ្រព្យកាន់តែច្រើនឡើងនៅក្នុងប្រទេសនេះ។ ហេតុអ្វី? ហើយកម្ពុជាអាចរៀនសូត្រអ្វីពីលំហូរវិនិយោគិននេះ? មុនសង្រ្គាមរុស្ស៊ី-អ៊ុយក្រែន ប្រទេសប៊ុលហ្គារី និងអាល្លឺម៉ង់ គឺជាគោលដៅទិញអចលនទ្រព្យសម្រាប់ជនជាតិរុស្ស៊ី។ ប៉ុន្តែ […]
អានបន្ថែម
សម្តេចអនុញ្ញាតកីឡាករ កីឡាការនីបរទេសស៊ីហ្គេមទាំងអស់ អាចទស្សនាអង្គរវត្តដោយឥតគិតថ្លៃ
សម្តេចតេជោនាយករដ្ឋមន្ត្រី ហ៊ុន សែន បានសម្រេចឱ្យកីឡាករ កីឡាការិនីបរទេសទាំងអស់ដែលបានមកចូលរួមប្រកួតកីឡាស៊ីហ្គេមនៅកម្ពុជា អាចចូលទៅទស្សនាប្រាសាទអង្គរវត្តដោយមិនគិតថ្លៃ និងមិនចាំបាច់ទិញសំបុត្រចូលនោះទេ។ ការអនុញ្ញាតនេះ បានប្រកាសឡើងក្នុងឱកាសដែលសម្តេចតេជោប្រគល់សញ្ញាបត្រជូននិស្សិតបញ្ចប់ការសិក្សាផ្នែកកសិកម្ម ជាង ៣.០០០នាក់ នៃសាកលវិទ្យាល័យភូមិន្ទកសិកម្ម នាព្រឹកថ្ងៃទី១៥ ខែឧសភា ឆ្នាំ២០២៣។ សម្ដេចតេជោបានថ្លែងថា៖ «បន្ទាប់ពីការប្រកួតរួច បើសិនកីឡាករ កីឡាការិនីបរទេសចង់ទៅមើលអង្គរគឺរាជរដ្ឋាភិបាលអនុញ្ញាតឱ្យចូលទស្សនាដោយមិនបាច់ទិញសំបុត្រនោះទេ គឺសម្រាប់តែកីឡាករ កីឡាការិនី និងប្រតិភូកីឡាទាំងអស់គឺអនុញ្ញាតឱ្យចូលមើលអង្គរវត្តដោយឥតគិតថ្លៃតែម្តង»។ បន្ថែមពីនេះ សម្តេចតេជោបានស្នើឱ្យគ្រឹះស្ថានអង្គរ និងក្រសួងសេដ្ឋកិច្ច និងហិរញ្ញវត្ថុ កុំយកលុយពីកីឡាករ កីឡាការិនីបរទេសដែលបានមកចូលរួមប្រកួតកីឡាស៊ីហ្គេមនៅកម្ពុជា ក្នុងការចូលទស្សនា ប្រាសាទអង្គរវត្តរបស់ខ្មែរ។ គួរបញ្ជាក់ដែរថា សម្រាប់អ្នកមកគាំទ្រកីឡា សម្តេចមិនបានអនុញ្ញាតឡើយ គឺត្រូវតែលក់សំបុត្រដូចភ្ញៀវបរទេសធម្មតា។
អានបន្ថែម
សម្តេចតេជោឱ្យសិក្សារៀបចំបង្កើត ផ្សារបោះដុំ-លក់រាយ តាមបណ្តាខេត្ត-រាជធានី ដើម្បីជួយកសិករ
សម្តេចតេជោ ស្នើឱ្យសិក្សារៀបចំបង្កើត ផ្សារបោះដុំ និងលក់រាយកសិផល តាមបណ្តារាជធានី-ខេត្ត ដើម្បីបង្កើតទីផ្សារសម្រាប់កសិកផលរបស់កសិករ ។ ក្នុងពិធីប្រគល់សញ្ញាបត្រជូននិស្សិតបញ្ចប់ការសិក្សាផ្នែកកសិកម្មជាង ៣ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅថ្ងៃទី១៥ ខែឧសភា សម្តេចតេជោ ហ៊ុន សែន មានប្រសាសន៍ យន្តការនេះ គឺដើម្បីរូមចំណែកលើកកម្ពស់យន្តការទីផ្សារ សម្រាប់កសិផលរបស់កសិករពេលផលិតបាន ។ សម្តេចតេជោ មានប្រសាសន៍ថា៖“ យើងត្រូវរៀបចំជំរុញលើកទឹកចិត្តឱ្យមានទីផ្សារ កន្លែងបោះដុំ និងលក់រាយកសិផល។ យើងនៅភ្នំពេញក៏មានកន្លែងសម្រាប់កសិករយកបន្លែទៅដាក់លក់ ហើយក៏មានអ្នកដែលចង់វិនិយោគផ្សារសម្រាប់ទទួលទិញផលិតផលរបស់កសិករ”។ ទាក់ទឹងតម្លៃប្រកួតប្រជែងកសិផលលើទីផ្សារ ប្រមុខរាជរដ្ឋាភិបាល ជំរុញឱ្យការផលិត និងការចិញ្ចឹមសត្វ មានតម្លៃដើមទាប ដើម្បីប្រកួតប្រជែងក្នុងក្របខណ្ឌទីផ្សារ អនុញ្ញាតឱ្យកសិករប្រកួតប្រជែងជាមួយមុខទំនិញនាំចូល។ នៅភ្នំពេញ ផ្សារដើមគរ ត្រូវបានគេស្គាល់ថាជាកន្លែងបោះដុំ និងលក់រាយបន្លែដែលត្រូវបានផ្គត់ផ្គង់ពីបណ្តាសហគមកសិកម្ម និងកសិករពីបណ្តាខេត្តក្រុង។ បច្ចុប្បន្ន ផ្សារបោះដុំ និងលក់រាយកសិផល ក៏កំពុងត្រូវបានសាងសង់នៅភាគខាងជើងរាជធានីភ្នំពេញផងដែរ។
អានបន្ថែម