ក្រុមហ៊ុនចិនដ៏ធំ១ទទួលបានសិទ្ធិគូសប្លង់ និងសង់ស្ថានីយ៍បូមទឹកពីទន្លេមេគង្គ
ក្រុមហ៊ុនចិនដ៏ធំមួយឈ្មោះ Beijing Urban Construction Group Co.,Ltd (BUCG) ទទួលបានសិទ្ធិសិក្សាសមិទ្ធិលទ្ធភាពគូសគំនូរប្លង់ និងសាងសង់ស្ថានីយ៍បូមដោយយកប្រភពទឹកពីទន្លេមេគង្គ ប្រព័ន្ធ ប្រព្រឹត្តកម្ម ទឹកស្អាត និងប្រព័ន្ធបណ្តាញ នៅកម្ពុជា។ នេះបើតាមពិធីចុះហត្ថលេខាលើអនុស្សរណ:នៃការយោគយល់រវាងក្រសួង រវាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយក្រុមហ៊ុន BUCG កាលពីថ្ងៃទី០១ ខែមិថុនា ឆ្នាំ២០២៣។ ឯកឧត្តមទេសរដ្ឋមន្រ្តី ចម ប្រសិទ្ធ បានបង្ហាញពីមូលហេតុដែលជ្រើសរើសក្រុមហ៊ុនរដ្ឋចិនដ៏ធំមួយនេះ ដោយសារភាពល្បីល្បាញ និងមានកេរ្តិ៍ឈ្មោះ ក្នុងការសាងសង់សំណង់ធំៗ នៅក្នុងស្រុក និងក្រៅស្រុក ដូចជា៖ អាកាសយានដ្ឋាន ពហុកីឡដ្ឋានជាតិ ផ្លូវល្បឿនលឿន អាងប្រព្រឹត្តកម្មទឹកស្អាត និងស្ថានីយ៍ចម្រោះទឹកកខ្វក់។ ម្យ៉ាងវិញទៀត គម្រោងសាងសង់ស្ថានីយ៍បូមទឹកពីទន្លេមេគង្គនេះ ត្រូវប្រើដើមទុនច្រើន និងបច្ចេកទេសខ្ពស់ គឺត្រូវយកប្រភពទឹកដែលមានចម្ងាយរាប់រយគីឡូម៉ែត្រពីទន្លេមេគង្គជាមួយនឹងការតបំពង់ទុយោធំៗ និងសាងសង់អាងប្រព្រឹត្តកម្មទឹកស្អាតជាច្រើនកន្លែង ដើម្បីបំពេញតម្រូវការប្រជាពលរដ្ឋ ចាប់ពីភាគខាងកើតដងទន្លេមេគង្គ រហូតដល់ព្រំដែនវៀតណាម ឲ្យរួចចាកផុតពីគ្រោះថ្នាក់នៃឥទ្ធិពលជាតិពុលគីមី។ គួរបញ្ជាក់ថា ក្នុងការគម្រោងនេះ ក្រុមហ៊ុនសាជីវកម្មសំណង់វិស្វកម្មស៊ីវិលនៃប្រទេសចិន (China Civil Engineering […]
អានបន្ថែម
ស្ពានខ្ពស់បំផុតនៅវៀតណាម តម្លៃជាង ៨២លានដុល្លារ គ្រោងសម្ពោធឱ្យប្រើប្រាស់ចុងខែ៦នេះ
ប្រទេសវៀតណាមចំណាយទុនជាង ៨២លានដុល្លារ ដើម្បីសាងសង់ស្ពានដែកខ្ពស់បំផុតមានកម្ពស់រហូតដល់ ៨៧ម៉ែត្រពីផ្ទៃទឹក គ្រោងសម្ពោធដាក់ឱ្យប្រើប្រាស់ជាផ្លូវការនៅចុងខែមិថុនានេះ។ ស្ពាននេះមានឈ្មោះថា Phat Tich មានទីតាំងស្ថិតនៅក្នុងខេត្ត Bac Ninh ភាគខាងជើងប្រទេសវៀតណាម ត្រូវបានសាងសង់ឆ្លងកាត់ទន្លេដួង Duong ដែលជា ទន្លេក្រហមហូរចេញពីប្រទេសចិនឆ្លងកាត់ភាគខាងជើងប្រទេសវៀតណាមទៅកាន់ឈូងសមុទ្រ Tonkin ។ ស្ពានដែកខ្ពស់នេះត្រូវបានសាងសង់ឡើងក្នុងឆ្នាំ ២០១៨ ខណៈបច្ចុប្បន្នគម្រោងនេះសម្រេចបានប្រមាណ ៩០%ហើយ គ្រោងនឹងដាក់ឱ្យដំណើរការនៅចុងខែមិថុនា ឆ្នា២០២៣នេះ។ ស្ពាននេះត្រូវបានគេព្យាករថានឹងចំណាយថវិកាសរុបប្រមាណ ១,៩២៧ ពាន់ពាន់លានដុង (ឬប្រមាណ៨២,៦ លានដុល្លារ)។ តួស្ពានត្រូវបានសាងសង់ពីបេតុង មានប្រវែងសរុប ១,៥ គីឡូម៉ែត្រ រួមទាំងផ្លូវចូល និងមានទទឹងប្រវែង ២២,៥ ម៉ែត្រ។ ស្ពាននេះមានបួនគន្លងសម្រាប់យានជំនិះ និងផ្លូវដើរសម្រាប់អ្នកថ្មើរជើងទាំងសងខាងផងដែរ។ នៅពេលសាងសង់រួចរាល់ ស្ពាននេះនឹងជំរុញការតភ្ជាប់នៅតំបន់ដីសណ្ដទន្លេក្រហម ដែលជាចំណុចសំខាន់របស់រដ្ឋធានីហាណូយ ក៏ដូចជាទីក្រុងកំពង់ផែធំ Hai Phong និងខេត្ត Quang Ninh។ មជ្ឈមណ្ឌលទាំងនេះនឹងតភ្ជាប់ជាមួយខេត្តភាគឦសានដូចជា Bac Giang, Thai Nguyen និង Hai […]
អានបន្ថែម
Scandinavian Airlines បើកឱ្យកក់សំបុត្រយន្តហោះអគ្គិសនីដំបូងគេ ហើយ
ក្រុមហ៊ុនអាកាសចរណ៍ Scandinavian Airlines (SAS) កាលពីថ្ងៃទី២ ខែមិថុនា បានប្រកាស ទទួលការកក់សំបុត្រយន្តហោះប្រើថាមពលអគ្គិសនីបែបពេញលេញជាលើកដំបូងលើពិភពលោកហើយ ដោយជើងហោះហើរនេះគ្រោងនឹងចាប់ផ្ដើមនៅឆ្នាំ ២០២៨។ យោងតាមសេចក្តីប្រកាសព័ត៌មាន ក្រុមហ៊ុនបើកឱ្យកក់សរុបមាន ៣០កៅអី តែប៉ុណ្ណោះ ខណៈក្រុមហ៊ុនមិនទាមទារឱ្យភ្ញៀវធ្វើការទូទាត់ប្រាក់នៅពេលនេះ នោះទេ។ ពួកគេតម្រូវឱ្យទូទាត់ ៣០ថ្ងៃមុនពេលហោះហើរ។ ក្រុមហ៊ុនអាកាសចរណ៍ បើកឱ្យកក់នេះ គឺដើម្បីរំលឹកអតិថិជនថាខ្លួនតែងតែជាអ្នកច្នៃប្រឌិតថ្មីជានិច្ច។ ទោះជាយ៉ាងណាក៏ដោយ ក្រុមហ៊ុនមិនទាន់បង្ហាញអំពីចម្ងាយហោះហើរ ទិសដៅការចេញដំណើរ និងទិសដៅដែលហោះទៅនៅឡើយទេ។ ក្រុមហ៊ុនអាកាសចរណ៍អះអាងថា យន្តហោះថ្មីនេះនឹងមិនបំភាយឧស្ម័នពុលដូចជា CO2និង NOX នោះទេ។ នេះគឺដោយសារតែម៉ូទ័រអេឡិចត្រិចចំនួន ៣ របស់ ES-30 ត្រូវបានរចនាឡើងដើម្បីប្រើការបញ្ចូលគ្នានៃអាគុយ និងម៉ាស៊ីន turbogenerator កូនកាត់។ តម្លៃជើងហោះហើរត្រូវបានកំណត់នៅ 1,946 Swedish Krona ( ឬ 180 ដុល្លារ) ពីព្រោះឆ្នាំ 1946 គឺជាឆ្នាំនៃការហោះហើរលើកដំបូងរបស់ SAS ។
អានបន្ថែម
ក្រុមហ៊ុន អឺបេនលែន ប្រកាសបើកលក់បុរីចន្ទគីរីគម្រោងទី២ ជាផ្លូវការហើយ
ក្រុមហ៊ុនអភិវឌ្ឍអចលទ្រព្យក្នុងស្រុក អឺបេនលែន បានសម្ពោធបើកលក់ជាផ្លូវការនូវបុរីចន្ទគីរី គម្រោងទី២ របស់ខ្លួនកាលពីព្រឹកថ្ងៃទី៣ ខែ មិថុនា ឆ្នាំ២០២៣នេះ ដែលគម្រោងថ្មីនេះមានទីតាំងនៅភាគខាងត្បូងនៃទីក្រុងភ្នំពេញ ចម្ងាយត្រឹមតែ ៥០០ ម៉ែត្រប៉ុណ្ណោះពីផ្លូវជាតិលេខ២ និងស្ថិតនៅតាមបណ្ដោយមាត់ស្ទឹងព្រែកត្នោត។ បុរីចន្ទគីរី គម្រោងទី២ គឺជាគម្រោងបុរី និងផ្ទះអាជីវកម្មថ្មី សាងសង់ឡើងនៅលើផ្ទៃដីទំហំសរុបប្រមាណ ៧,៥ហិកតា ដែលជាគម្រោងបុរីទី២ អភិវឌ្ឍដោយក្រុមហ៊ុន អឺបេនលែន រចនាយ៉ាងសម្រិតសម្រាំងបំផុតដើម្បីបង្កើនគុណភាពជីវិត និងការរស់នៅក្នុងសហគមន៍មួយប្រកបដោយផាសុកភាព។ គម្រោងថ្មីនេះ ជាជម្រើសស័ក្តិសមបំផុតសម្រាប់លោកអ្នកចង់រស់នៅក្នុងទីក្រុងបែបសហគមន៍ជិតស្និទ្ធក្នុងធម្មជាតិ ជាមួយនឹងការរចនាប្លង់មេហ៊ុមព័ទ្ធដោយ ធម្មជាតិ សួនសេនត្រលផាក និងសួនតូចៗមានមុខងារពិសេសរហូតដល់ ៣២ រចនាបថខុសៗគ្នា។ [រូបភាពប្លង់មេបុរីចន្ទគីរីគម្រោងទី២] [ភ្ញៀវកិត្តិយសទស្សនាប្លង់មេ និងរូបភាពភ្ញៀវកិតិ្តយសពីបុរីចន្ទគីរីគម្រោងទី២] ថ្លែងក្នុងឱកាសដ៏រំភើបនេះដែរ អគ្គនាយកប្រតិបត្តិនៃក្រុមហ៊ុន អឺបេនលែន លោក កាំង ហុក បានបកស្រាយពីគោលគំនិតផ្តួចផ្តើមគម្រោងចន្ទគីរី ថា «ក្នុងនាមជាស្ថាបនិក និងស្ថាបត្យករមួយរូប ខ្ញុំជឿជាក់ថា ការរចនា និងសាងសង់ផ្ទះមួយបានល្អ គឺស្មើនឹងសុភមង្គលលមួយគ្រួសារ។ គម្រោងបុរីចន្ទគីរីនេះ ត្រូវបានរចនាឡើងដើម្បីបំពេញតម្រូវការ និងផ្ទះក្តីស្រម៉ៃអតិថិជនរបស់ពួកយើង។» [អគ្គនាយកប្រតិបត្តិនៃក្រុមហ៊ុន អឺបេនលែន លោក […]
អានបន្ថែម
ចិនផ្អាកគម្រោងសង់រោងចក្រថាមពលនុយក្លេអ៊ែរនៅសមុទ្រចិនខាងត្បូងភ្លាមៗ ដោយសារ…
រដ្ឋាភិបាលចិនប្រកាសផ្អាកគម្រោងសាងសង់រោងចក្រថាមពលនុយក្លេអ៊ែរអណ្តែតទឹកនៅសមុទ្រចិនខាងត្បូង ដោយសារការភ័យខ្លាចផ្នែកសន្តិសុខ នេះបើយោងតាមសារព័ត៌មាន South China Morning Post កាលពីថ្មីៗនេះ។ ជាក់ស្ដែង ចិនបានសិក្សាគម្រោងនេះអស់រយៈពេលជាង ១០ឆ្នាំ មកហើយ ហើយក៏បានបង្កើតបច្ចេកវិទ្យាដែលធ្វើឱ្យរ៉េអាក់ទ័រនុយក្លេអែរនេះ មានសុវត្ថិភាពបំផុត ពោលគឺមានសុវត្ថិភាពជាងការសាងសង់លើគោកទៅទៀត។ ប៉ុន្តែ គម្រោងនេះត្រូវបានផ្អាកយ៉ាងតក់ក្រហល់ ដោយសារតែចិនព្រួយបារម្ភពីការវាយប្រហារលើរ៉េអាក់ទ័រដ៏ធំមួយនេះ ពីប្រទេសដែលជាគូសត្រូវ ដូចជាអាមេរិកជាដើម។ វិស្វករជាន់ខ្ពស់លោក Wang Donghui មកពីមជ្ឈមណ្ឌលស្រាវជ្រាវបច្ចេកវិទ្យាថាមពលនុយក្លេអ៊ែរនៅឈូងសមុទ្រ បានឱ្យដឹងកាលពីថ្ងៃទី២៥ ឧសភា ថាវត្តមានរបស់អាក់ទ័រនុយក្លេអ៊ែរក៏អាចបង្កើនភាពតានតឹងរវាងប្រទេសនៅសមុទ្រចិនខាងត្បូង និងបង្កើនហានិភ័យធំធេងបើមានការវាយប្រហារណាមួយកើតឡើង។ «ការដាក់រោងចក្រថាមពលនៅលើទឹក គឺងាយនឹងរងការវាយប្រហារ ទាំងក្រោមទឹក លើទឹក និងពីលើអាកាស ដូច្នេះយើងត្រូវការប្រព័ន្ធសន្តិសុខដ៏រឹងមាំមួយ មុននឹងសម្រេចចិត្តសាងសង់» លោក Wang បានឱ្យដឹងយ៉ាងដូច្នេះ។ ឧទាហរណ៍ នាវាមុជទឹករបស់សត្រូវអាចព្យាយាមបំផ្លាញរោងចក្រដោយដាក់គ្រឿងផ្ទុះពីក្រោមបន្ទប់រ៉េអាក់ទ័រ។ យានជំនិះគ្មានមនុស្សបើកក៏អាចហោះហើរពីលើរោងចក្រ ហើយទម្លាក់គ្រាប់បែក ឬមីស៊ីល បានដោយងាយ។ ជាក់ស្ដែង ការទម្លាក់គ្រាប់បែកលើបំពង់បង្ហូរ Nord Stream របស់រុស្ស៊ីកាលពីថ្មីៗនេះ ក៏ធ្វើឱ្យរដ្ឋាភិបាលចិនព្រួយបារម្ភផងដែរ។ អ្នកស្រាវជ្រាវដែលសុំមិនបញ្ចេញឈ្មោះម្នាក់ថា សហរដ្ឋអាមេរិកនៅពីក្រោយរឿងនេះ ដូច្នេះចិនផ្អាកគម្រោងរោងចក្រនុយក្លេអែរនេះ ក៏ដោយសារតែខ្លាចអាមេរិកវាយប្រហារដែរ ព្រោះបើវាយប្រហារមែន […]
អានបន្ថែម
៥ខែដើមឆ្នាំ២០២៣ វៀតណាមទទួលបានទេសចរកម្ពុជាជាង ៩ពាន់នាក់ ទៅលេងកោះត្រល់
រយៈពេល៥ខែដំបូងក្នុងឆ្នាំ២០២៣នេះ មានភ្ញៀវទេសចរកម្ពុជាប្រមាណ ៩,០០០នាក់ បានទៅទស្សនាកោះត្រល់ Phu Quoc ក្នុងខេត្ត Kien Giang ភាគខាងត្បូងប្រទេសវៀតណាម។ នេះបើយោងតាមការចុះផ្សាយរបស់ការសែតរបស់វៀតណាម tuoitrenews បានចុះផ្សាយនៅថ្ងៃទី៣១ ឧសភា ២០២៣នេះ។ យោងតាមនាយកដ្ឋានទេសចរណ៍ខេត្ត Kien Giang បានឲ្យដឹងថា មានភ្ញៀវទេសចរជាង ៤,៩ លាននាក់ ក្នុងនោះមានជាង ៣៥៤,៩៩២ នាក់ជាជនបរទេស បានមកទស្សនាខេត្តមួយនេះ ចាប់តាំងពីដើមឆ្នាំមក ក្នុងនោះដែរក៏មានភ្ញៀវទេសចរកម្ពុជាបានឡើងដល់ ៩.១៤៥ នាក់។ លោក Tran Quoc Khanh ប្រធានសមាគមទេសចរណ៍ខេត្ត Kien Giang បានបញ្ជាក់ថា ជនជាតិកម្ពុជាគឺជាទីផ្សារអន្តរជាតិដ៏មានសក្តានុពលសម្រាប់កោះនេះ នៅក្នុងរដូវក្តៅ ដោយចំនួនទេសចរកម្ពុជានៅតែបន្តកើនឡើងជាលំដាប់។ លោក Khanh បានឲ្យដឹងថា ប្រទេសវៀតណាមចង់ណែនាំពីសក្ដានុពលនៃសម្រស់ធម្មជាតិ ធនធានមនុស្ស ក៏ដូចជាផលិតផលទេសចរណ៍តែមួយគត់នៃទីក្រុង Ha Tien និង Phu Quoc របស់ខេត្ត Kien Giang […]
អានបន្ថែម
រយៈពេល៥ខែដំបូង ២០២៣ កម្ពុជាទទួលបានរោងចក្រថ្មីចុះបញ្ជីជិត ៦០រោងចក្រ
គិតត្រឹមដើមខែមិថុនា ឆ្នាំ២០២៣នេះ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានចុះបញ្ជីរោងចក្រឧស្សាហកម្មថ្មីបានចំនួន ៥៨រោងចក្រ ដែលធ្វើឱ្យរោងចក្រឧស្សាហកម្មកំពុងដំណើរការនៅកម្ពុជាសរុបឡើងដល់ ១.៩៩៩រោងចក្រ។ ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានឱ្យដឹងថា បរិមាណផលិតផលសរុប នៃរោងចក្រឧស្សាហកម្ម មានតម្លៃសរុប ជាង៣,៣ ពាន់លានដុល្លារ គិតត្រឹមត្រីមាសទី១ ឆ្នាំ២០២៣ ហើយបរិមាណផលិតផលនេះ មានភាពប្រហាក់ប្រហែលគ្នា បើធៀបនឹងរយៈពេលដូចគ្នា កាលពីឆ្នាំមុន។ បើតាមឯកឧត្តម អ្នកនាំពាក្យ ក៏មានរោងចក្រសហគ្រាស បានបិទទ្វារ និងផ្អាកដំណើរការផងដែរ ក្នុងរយៈពេលដើមឆ្នាំនេះ។ ទោះយ៉ាងណា ឯកឧត្តម ហេង សុខគង់ មិនបានបញ្ជាក់ពីទំហំវិនិយោគសរុបនៃរោងចក្រកំពុងដំណើរការទាំងនេះឡើយ។ យោងតាមរបាយការណ៍ក្រសួង កម្ពុជា មានរោងចក្រសរុប ១.៩៦៨ កាលពីចុងឆ្នាំ២០២២កន្លងទៅ មានទុនវិនិយោគសរុប ១៦ពាន់លានដុល្លារ។ គួររម្លឹកថា កម្ពុជាមានរោងចក្រកាត់ដេរសម្លៀកបំពាក់ ស្បែកជើង និងកាបូបកំពុងដំណើរការចំនួន ១.៣២៦រោងចក្រ គិតត្រឹមខែមេសា ២០២៣។ […]
អានបន្ថែម
អ្នកជំនាញ៖ ស្ថានភាពទីផ្សារអចលនទ្រព្យចិននៅតែមានភាពតានតឹង ក្នុងខែឧសភានេះ
China Beige Book ដែលមានមូលដ្ឋាននៅសហរដ្ឋអាមេរិកបានបង្ហាញរបាយការណ៍មួយថា ខែឧសភា ២០២៣នេះ ស្ថានភាពលក់លំនៅដ្ឋាននៅប្រទេសចិនបានធ្លាក់ចុះ បើទោះជាតម្លៃមានការកើនឡើងនៅក្នុងខែមេសាក៏ដោយ។ នេះបើតាមការស្ទង់មតិរបស់ក្រុមហ៊ុនស្រាវជ្រាវលើអាជីវកម្មចំនួន ១០៨៥ កាលពីថ្ងៃទី១៨ ដល់ថ្ងៃទី២៥ ខែឧសភា។ របាយការណ៍ដដែលបានបង្ហាញថា នៅក្នុងការជួញដូចអចលនទ្រព្យ ទាំងតម្លៃ និងប្រតិបត្តិការទិញ-លក់បានធ្លាក់ចុះយ៉ាងខ្លាំង ។ រីឯស្ថានភាពសាងសង់ក៏មានលទ្ធផលមិនល្អសោះ ដោយសារមានការកាត់បន្ថយសកម្មភាពសារពើពន្ធបានធ្វើឱ្យប្រាក់ចំណូល និងផលិតកម្ម ធ្លាក់ចុះក្នុងខែឧសភានេះ”។ ជាមួយគ្នានេះដែរ រដ្ឋាភិបាលទីក្រុងប៉េកាំង បានបន្ធូរបន្ថយសម្ពាធបំណុល ដើម្បីជួយដល់អ្នកអភិវឌ្ឍន៍អចលនទ្រព្យនៅប៉ុន្មានឆ្នាំចុងនេះផងដែរ។ បើតាមសេដ្ឋវិទូចិន លោក Ting Lu បាននិយាយថា ស្ថានភាពលក់ផ្ទះថ្មីៗក្នុងមួយសប្តាហ៍ (កាលពីថ្ងៃទី 28 ខែឧសភា) គឺបានត្រឹមអត្រា 11.8%ប៉ុណ្ណោះ ដែលជាការធ្លាក់ចុះយ៉ាងខ្លាំងពីកំណើន 24.8% កាលពីមួយសប្តាហ៍មុន។ លោកបន្តថា បរិមាណលក់ទាំងពីរសប្តាហ៍នេះគឺទាបជាងពេលដូចគ្នាក្នុងឆ្នាំ 2019 មុនពេលជំងឺរាតត្បាតទៅទៀត។ គួរបញ្ជាក់ថា ការធ្លាក់ចុះនៃការលក់អចនលទ្រព្យនេះ ភាគច្រើនកើតចេញពីទីក្រុងធំៗរបស់ប្រទេសចិន ដែលគេហៅថាទីផ្សារកម្រិតលេខ១។ រីឯ Markit iBoxx ក៏បានបង្ហាញរបាយការមួយដែរថា សម្រាប់មូលបត្របំណុលអចលនទ្រព្យដែលផ្តល់ទិន្នផលខ្ពស់របស់ប្រទេសចិនក៏បានធ្លាក់ចុះមកជិតតម្លៃដែលទាបបំផុត កាលពីខែវិច្ឆិកា ២០២២ […]
អានបន្ថែម
នាវាចូលកំពង់ផែកម្ពុជាទាំងអស់ត្រូវសុំលិខិតអនុញ្ញាតតាមប្រព័ន្ធអេឡិចត្រូនិចថ្មីនេះ
រាជរដ្ឋាភិបាលកម្ពុជា បានកំណត់ឱ្យនាវាដែលចូលកំពង់ផែស្វយ័តភ្នំពេញ កំពង់ផែស្វយ័តក្រុងព្រះសីហនុ និងកំពង់ផែផ្សេងៗទៀត ត្រូវសុំលិខិតអនុញ្ញាតតាមប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI)។ បើតាមអនុក្រឹត្យលេខ ១១២ អនក្រ.បក ចុះថ្ងៃទី១ ខែមិថុនា ឆ្នាំ២០២៣ ប្រព័ន្ធផ្លាស់ប្តូរទិន្នន័យអេឡិចត្រូនិចកំពង់ផែ សំដៅដល់ប្រព័ន្ធបច្ចេកវិទ្យាផ្លូវការ ដើម្បីសម្របសម្រួលបែបបទ និងនីតិវិធីនៃការដាក់ពាក្យស្នើសុំលិខិតអនុញ្ញាតឱ្យនាវាចូលកំពង់ផែ និងការធ្វើបែបបទនាវាជាទម្រង់អេឡិចត្រូនិច។ អនុក្រឹត្យនេះ បានកំណត់ឱ្យដឹងថា នៅពេលនាវាចូលកំពង់ផែ ម្ចាស់នាវា ឬភ្នាក់ងារនាវា ត្រូវជូនព័ត៌មានជាមុនតាមប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ អំពីការមកដល់របស់នាវា ឬ មុននាវាចូលដល់កន្លែងបោះយុថ្កា រយៈពេល ៧២ម៉ោង ឬ ៤៨ម៉ោង ឬ២៤ម៉ោង។ បន្ថែមពីនេះ អនុក្រឹត្យនេះ បានកំណត់ឱ្យម្ចាស់នាវា ឬភ្នាក់ងារនាវា ត្រូវបំពេញពាក្យស្នើសុំលិខិតអនុញ្ញាតឱ្យនាវាចូលកំពង់ផែតាមប្រព័ន្ធផ្លាស់ប្តូរទិន្នន័យអេឡិចត្រូនិចកំពង់ផែ ដោយត្រូវបង់កម្រៃសេវាសាធារណៈ ហើយត្រូវធ្វើឡើងឱ្យបានមុន ២៤ម៉ោង មុនពេលនាវាចូលមកដល់កំពង់ផែ។ ដោយឡែក មុននឹងនាវាចេញ ឬភ្នាក់ងារនាវា ក៏ត្រូវជូនព័ត៌មានជាមុនតាមប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែអំពីការស្នើសុំនាវាចេញពីកំពង់ផែ ក្នុងរយៈពេលយ៉ាងតិច ១២ម៉ោងផងដែរ។ គួរបញ្ជាក់ថា ប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) ត្រូវបានដាក់ឱ្យប្រើប្រាស់សាកល្បងជាផ្លូវការកាលពីអំឡុងខែសីហា ឆ្នាំ២០២២ ដែលជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ […]
អានបន្ថែម
ត្រីមាសទី១ ២០២៣ មានក្រុមហ៊ុន៩ មានទុនជាង ១,៨ពាន់លានដុល្លារ ចុះបញ្ជីនៅផ្សារមូលបត្រកម្ពុជា
គិតត្រឹមចុងត្រីមាសទី១ ឆ្នាំ២០២៣ ក្នុងទីផ្សារមូលបត្រកម្មសិទ្ធិមានក្រុមហ៊ុនចំនួន៩ មានទុនសរុប ៧,៦១ទ្រីលានរៀល ស្មើនឹង ១,៨៨ ប៊ីលានដុល្លារអាមេរិក បានចុះបញ្ជីនៅផ្សារមូលបត្រកម្ពុជា។ នេះបើព្រឹត្តិបត្រទិន្នន័យជួញដូរមូលបត្រ ប្រចាំត្រីមាសទី១ ឆ្នាំ២០២៣។ ទន្ទឹមនឹងនេះផងដែរ ត្រឹមចុងត្រីមាសទី១ នេះ ទំហំជួញដូរក្នុងទីផ្សារមូលបត្រកម្មសិទ្ធសរុបចំនួន ៥,៤៧ លានភាគហ៊ុន មានការថយចុះ ៧,៥៨% និងមានតម្លៃជួញដូរសរុប មានប្រហែល ៤៩, ៩៩២, ៨១ លានរៀល (ប្រហែល ១២,៣៣ លានដុល្លារ) បានថយចុះ ៣,៣១% ធៀបនឹងត្រីមាសទី៤ ឆ្នាំ២០២២។ ក្នុងនោះ ទំហំជួញដូរនៅក្នុងទីផ្សារគោលមានប្រហែល ៩០, ៤៥% និងទីផ្សារកំណើនមានចំនួនប្រហែល ៩,៥៥% នៃទំហំជួញដូរសរុប។ គួរបញ្ជាក់ថា ថ្មីៗនេះ ផ្សារមូលបត្រកម្ពុជា (ផមក) បានសម្រេចឯកភាពជាគោលការណ៍លើពាក្យស្នើសុំពិនិត្យលទ្ធភាពអាចចុះបញ្ជីលក់មូលបត្រកម្មសិទ្ធិលើទីផ្សារគោលរបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក និងក្រុមហ៊ុន ខេម ជ្ជីអេសអេម ម.ក។ ដោយឡែក […]
អានបន្ថែម
ក្រុមហ៊ុនដ៏ធំ១មកពីក្វាងចូវប្រទេសចិន ចង់វិនិយោគផលិតសំបកកង់រថយន្តនៅកម្ពុជា
ក្រុមហ៊ុន WANLI TIRE CORPORATION LIMITED ជាក្រុមហ៊ុនផលិតសំបកកង់យានយន្តដ៏ធំមួយនៅក្រុងក្វាងចូវ និងក្រុងហឺប៉ីយ នៃសាធារណរដ្ឋប្រជាមានិតចិន ចាប់អារម្មណ៍ចង់មកវិនិយោគផលិតសំបកកង់យានយន្តនៅកម្ពុជា។ នេះបើតាមជំនួបឯកឧត្តម ជា វុទ្ធី អគ្គលេខាធិការរង គណៈកម្មាធិការវិនិយោគកម្ពុជា/គណៈកម្មាធិការតំបន់សេដ្ឋកិច្ចពិសេសកម្ពុជានៃក្រុមប្រឹក្សាអភិវឌ្ឍន៍កម្ពុជា (ក.អ.ក.) និងប្រតិភូក្រុមហ៊ុន នៅថ្ងៃទី៣០ ខែឧសភា ឆ្នាំ២០២៣។ ឯកឧត្ដម ជា វុទ្ធី បានជម្រាបជូនគណៈប្រតិភូក្រុមហ៊ុន នូវកាលានុវត្តភាពវិនិយោគនៅកម្ពុជា ជាពិសេសកិច្ចសម្រួលធុរកិច្ច និងការផ្តល់ជូននូវការលើកទឹកចិត្តប្រកបដោយភាពទាក់ទាញ ដូចមានចែងនៅក្នុងច្បាប់ស្តីពីវិនិយោគនៃព្រះរាជាណាចក្រកម្ពុជា។ ឯកឧត្តម បានជំរុញលើកទឹកចិត្តដល់ក្រុមហ៊ុន ត្រូវធ្វើការសិក្សាស៊ីជម្រៅលើទីតាំងប៉ូលសេដ្ឋកិច្ច និងសក្តានុពលសំខាន់ៗរបស់កម្ពុជា ដើម្បីធ្វើការសម្រេចចិត្តវិនិយោគនៅកម្ពុជា។ ដោយឡែក ភាគីក្រុមហ៊ុន Wanli Tire Corporation Limited បានឱ្យដឹងដែរថា កម្ពុជាគឺជាគោលដៅវិនិយោគដ៍មានសក្តានុពល និងមានភាពទាក់ទាញបំផុត សម្រាប់ការសម្រេចចិត្តវិនិយោគនៅក្រៅប្រទេសរបស់ក្រុមហ៊ុនលោក។ ទន្ទឹមនឹងនេះ ជាមួយនឹងគោលបំណងនៃការវិនិយោគខាងលើ នឹងចូលរួមចំណែកជំរុញទ្វេរឡើងនូវកិច្ចសហប្រតិបត្តិការគ្រប់ជ្រុងជ្រោយកម្ពុជា-ចិន ដែលជាកិច្ចសហប្រតិបត្តិការត្បូងពេជ្ររវាងប្រទេសទាំងពីរ ឱ្យកាន់តែមានភាពរីកចម្រើន និងស៊ីជម្រៅផងដែរ។ គួររម្លឹករថា បច្ចុប្បន្នកម្ពុជាមានរោងចក្រផលិតកង់រថយន្តចំនួន៣ _ទី១មានទីតំាងនៅក្រុងបាវិត ខេត្តស្វាយរៀង (អានបន្ថែម) _ទី២ មានទីតាំងនៅក្រុងព្រះសីហនុ […]
អានបន្ថែម
រោងចក្រគ្រឿងសង្ហារឹម អគ្គិសនី និងការិយាល័យតម្លៃ២៣,២លានដុល្លារ នឹងបង្កើតនៅស្វាយរៀង និង ព្រះសីហនុ
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនចំនួន៣ ដើម្បីបង្កើតរោងចក្រ ក្រោមទុនវិនិយោគសរុប ២៣,២លានដុល្លារ នៅខេត្តស្វារៀង និងព្រះសីហនុ។ នេះបើយោងតាមការចុះផ្សាយរបស់ CDC នៅថ្ងៃទី30 ឧសភា ២០២៣។ គម្រោងទាំង៣នេះ រួមមានដូចខាងក្រោម៖ ១- “LE HOO (CAMBODIA) FURNITURE COMPANY LIMITED.” គម្រោងបង្កើតរោងចក្រផលិតគ្រឿងសង្ហារឹមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្រោមទុនវិនិយោគប្រមាណ ១៣,២ លានដុល្លារ។ ២- “XINKAIDA LIGHTING CO., LTD.” គម្រោងបង្កើតរោងចក្រផលិតខ្សែភ្លើង ឧបករណ៍អគ្គិសនី អំពូលលម្អ គ្រឿងឧបករណ៍អគ្គិសនី និងគ្រឿងបង្គុំអំពូលលម្អគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្រោមទុនវិនិយោគប្រមាណ ៨លានដុល្លារ។ ៣- “GUANGBO (CAMBODIA) INDUSTRIAL CO., LTD.” គម្រោងបង្កើតរោងចក្រផលិតសម្ភារៈការិយាល័យ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន […]
អានបន្ថែម