រដ្ឋកាត់ដី ៦៤៩ហិកតា នៅស្រុកទឹកផុសឱ្យឯកជនអភិវឌ្ឍជាតំបន់ទេសចរណ៍ផ្សារភ្ជាប់ធម្មជាតិ
រាជរដ្ឋាភិបាល បានសម្រេចកាត់ដីចំនួន ៦៤៩ហិកតា ជួលឱ្យក្រុមហ៊ុន វ័ន ហ្វេ្រតធើនីធី ឯ.ក (One Fraternity Co., Ltd.) ដែលជាតំបន់ប្រើប្រាស់ដោយចីរភាព ស្ថិតក្នុងដែនជម្រកសត្វព្រៃឱរ៉ាល់ ឃុំក្តុលសែនជ័យ និងឃុំជៀប ស្រុកទឹកផុស ខេត្តកំពង់ឆ្នាំង។ នេះបើតាមអនុក្រឹត្យលេខ ១៥៤ អនក្រ. បក ចុះថ្ងៃទី២៦ ខែកក្កដា ឆ្នាំ២០២២។ ដីនេះ ត្រូវបានធ្វើអនុប្បយោគពីទ្រព្យសម្បត្តិសាធារណៈរបស់រដ្ឋ ទៅជាទ្រព្យសម្បត្តិឯកជនរបស់រដ្ឋ ដែលស្ថិតក្រោមការចាត់ចែងនីតិវិធីបន្តដោយក្រសួងបរិស្ថាន ជាអាជ្ញាធរកាន់កាប់ទ្រព្យសម្បត្តិរដ្ឋ និងមានកិច្ចសហការជាមួយក្រសួងសេដ្ឋកិច្ច និងហិរញ្ញវត្ថុ ជាអាជ្ញាធរគ្រប់គ្រងទ្រព្យសម្បត្តិរដ្ឋ និងក្រសួងស្ថាប័នពាក់ព័ន្ធ ព្រមទាំងរដ្ឋបាលថ្នាក់ក្រោមជាតិ ស្របតាមច្បាប់ និងគោលការណ៍របស់រាជរដ្ឋាភិបាល។ កន្លងមក រាជរដ្ឋាភិបាល ក៏ធ្លាប់បានកាត់ដីជាង ២០០ហិកតា ក្នុងឧទ្យានជាតិព្រះសុរាម្រិត កុសមៈ “គិរីរម្យ” ក្នុងភូមិសាស្ត្រឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ឱ្យក្រុមហ៊ុន វ័ន ម៉រ (ONE MORE Ltd.) ដើម្បីអភិវឌ្ឍផងដែរ។ (អានបន្ថែម) រូបភាពពី […]
អានបន្ថែម
គម្រោងសង់ខ្សែកាប្លិ៍ក្រោមសមុទ្រពីហុងកុងមកកម្ពុជា តម្លៃ១៦៥លានដុល្លារ នឹងបញ្ជប់នៅឆ្នាំ២០២៤
គម្រោងតបណ្ដាញខ្សែកាប្លិ៍អុបកទិកក្រោមបាតសមុទ្រពីហុងកុង-រាជធានីភ្នំពេញ តម្លៃ ១៦៥លានដុល្លារ នឹងសាងសង់រួចរាល់នៅក្នុងឆ្នាំ២០២៤ ដើម្បីឆ្លើយតបនិងតម្រូវការឱ្យបានគ្រប់គ្រាន់ សម្រាប់ការប្រើប្រាស់អ៊ីនធឺណេតនៅកម្ពុជា។ នេះបើយោងតាមការបញ្ជាក់របស់ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ក្នុងពិធីចុះហេត្ថលេខាលើអនុស្សរណៈនៃការយោគយល់ សម្រាប់កិច្ចសហប្រតិបត្តិការ ដាក់ឲ្យប្រើថ្នាលផ្ទៀងផ្ទាត់ឯកសារ verfy.gov.kh នៅថ្ងៃទី២ ខែឧសភា ឆ្នាំ២០២៣។ ឯកឧត្តមបានបញ្ជាក់ថា “គម្រោងតបណ្ដាញខ្សែកាបអុបទិក ក្រោមបាតសមុទ្រហុងកុង-រាជធានីភ្នំពេញ មានតម្លៃប្រមាណ ១៦៥លានដុល្លារ និងមានប្រវែង២.៧១៥ គីឡូម៉ែត្រ ដោយបច្ចុប្បន្ន ក្រសួងបាននិងកំពុងបន្ដកិច្ចការងារលើគម្រោងនេះ ហើយបាន និងកំពុងសាងសង់ហើយ។ ក្នុងឆ្នាំ២០២៤ យើងជឿជាក់ថា នឹងមានខ្សែបណ្ដាញក្រោមបាតសមុទ្រ ចូលមកដល់ប្រទេសកម្ពុជាជាមួយសមត្ថភាពធំ ល្បឿនលឿន ដែលនឹងឆ្លើយតបគ្រប់គ្រាន់ នឹងតម្រូវការបច្ចុប្បន្នរបស់កម្ពុជា”។ ឯកឧត្តមរដ្ឋមន្ត្រីបានបន្ដទៀតថា ថវិកាដែលត្រូវបានប្រើប្រាស់ ដើម្បីតភ្ជាប់បណ្ដាញខ្សែកាបអុបទិក ក្រោមបាតសមុទ្រហុងកុង-រាជធានីភ្នំពេញ គឺកម្ពុជាបានកម្ចីពីរដ្ឋាភិបាលចិន ហើយកម្ពុជានឹងប្រើប្រាស់ផលចំណេញ ពីការលក់សេវាអ៊ីធើណេតនេះ ដើម្បីសងត្រឡប់ទៅកាន់រដ្ឋាភិបាលចិនវិញ។ គួរបញ្ជាក់ថា គម្រោងសាងសង់ប្រព័ន្ធខ្សែកាប្លិ៍អុបទិកក្រោមបាតសមុទ្រ ដែលភ្ជាប់ពីហុងកុងមកកាន់កម្ពុជា បានទទួលការគាំទ្រ និងអនុម័តពីសំណាក់អន្តរក្រសួង ដើម្បីជំរុញឱ្យអ៊ិនធើណិតមានល្បឿនលឿននិងមានតម្លៃសមរម្យ៕ (អានបន្ថែម)
អានបន្ថែម
ក្រុមហ៊ុន Royal Railway អនុញ្ញាតឱ្យក្រុមហ៊ុនបីធ្វើការអភិវឌ្ឍថាមពលកកើតឡើងវិញ លើដីតាមបណ្កោយផ្លូវរថភ្លើង
Royal Railway Cambodia PLC ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនពហុផលិតផល Royal Group បានអនុញ្ញាតឱ្យក្រុមហ៊ុនចំនួន៣ ប្រើប្រាស់ដីតាមបណ្តោយផ្លូវរថភ្លើង សម្រាប់គម្រោង អភិវឌ្ឍន៍ថាមពលកកើតឡើងវិញ និងសកម្មភាពសេដ្ឋកិច្ចប្រកបដោយនិរន្តរភាពផ្សេងទៀត។ ក្រុមហ៊ុន Royal Group បានចុះអនុស្សរណៈយោគយល់គ្នា (MoU) កាលពីថ្ងៃទី២៨ ខែមេសាកន្លងទៅ ជាមួយនឹងក្រុមហ៊ុន Samaiden Energy (Cambodia)Co., Ltd ក្រុមហ៊ុន Management Venture Asia (Cambodia) Ltd. និងក្រុមហ៊ុន Panna Energy Sdn. Bhd។ នៅក្រោម អនុស្សារណនេះ ក្រុមហ៊ុនទាំងបី នឹងធ្វើការសិក្សាបឋមអំពីលទ្ធភាពនៃការអភិវឌ្ឍដីដែលមិនទាន់ប្រើប្រាស់តាមបណ្ដោយផ្លូវរថភ្លើងពីក្រុងប៉ោយប៉ែតទៅខេត្តព្រះសីហនុ សម្រាប់ការដំឡើងសូឡាខ្នាតតូច ឧបករណ៍ប្រើប្រាស់ ហេដ្ឋារចនាសម្ព័ន្ធសម្រាប់ជួល និងសកម្មភាពសេដ្ឋកិច្ចប្រកបដោយនិរន្តរភាពផ្សេងៗទៀត។ ក្រុមហ៊ុន Royal Group លើកឡើងថា គម្រោងនេះមានសក្តានុពលខ្លាំងលើវិស័យថាមពលកកើតឡើងវិញ និងកសិកម្ម ដែលវាជាឱកាសដ៏ល្អក្នុងការប្រើប្រាស់ដីនោះសម្រាប់គម្រោងអភិវឌ្ឍន៍ដូចជាថាមពលកកើតឡើងវិញ និងកសិកម្ម។ ក្រុមហ៊ុន Samaiden Energy […]
អានបន្ថែម
រដ្ឋគ្រោងរៀបចំសារមន្ទីរ បាតសមុទ្រនៅកោះតាគៀវ ខេត្តព្រះសីហនុ
អាជ្ញាធរខេត្តព្រះសីហនុ គ្រោងនឹងរៀបចំសារមន្ទីរសង្គ្រាមបាតសមុទ្រ នៅទីតាំងប្រជុំកោះតាគៀវ ក្បែរទឹកដីរាម។ នេះបើតាម ឯកឧត្តមឡុង ឌីម៉ង់ អភិបាលរងខេត្ត ព្រះសីហនុ ដែលបានថ្លែងក្នុងកិច្ចសម្ភាសន៍ជាមួយអ្នកសារព័ត៌មានកាលពីពេលថ្មីៗនេះ។ គម្រោងសារមន្ទីរសង្គ្រាមបាតសមុទ្រ នឹងទាក់ទាញយភ្ញៀវទេសចរ ជាតិនិងអន្តរជាតិ អាចមុជទឹកចូលទៅមើលពីភាពស្រស់ស្អាតរបស់ផ្កាថ្ម និងយុទ្ធោបករណ៍ សល់ពីសម័យសង្គ្រាម ដែលបានធ្លាក់ចូលទៅក្នុងបាតសមុទ្រនោះ។ ឯកឧត្តមបានឱ្យដឹងថា រដ្ឋបាលខេត្ត កំពុងសិក្សាគម្រោងរៀបចំឱ្យមានសារមន្ទីរសង្គ្រាមបាតសមុទ្រ ដោយមានការសហការជាមួយនឹងក្រុមជំនាញខាងមុជទឹកនៅបាតសមុទ្រ «ខ្មែរ ដាយវ៍ គ្រុប (Khmer Dive Group)» នៅនៅទីតាំងប្រជុំកោះតាគៀវ ក្បែរទឹកដីរាម។ ឯកឧត្តមបានបន្ថែមថា នៅប្រជុំកោះតាគៀវ ក្បែរទឹកដី រាម គឺមានយុទ្ធោបករណ៍ដែលសល់ពីសង្គ្រាមលោកលើកទី២ ក្នុងនោះមានទាំងយន្តហោះសង្គ្រាម និងយន្តហោះចម្បាំង រួមនឹងយុទ្ធោបករណ៍នាសម័យសង្គ្រាមមួយចំនួនទៀត ដែលបានធ្លាក់ចូលក្នុងសមុទ្រនេះ។ ឯកឧត្តមបានបញ្ជាក់ដែរថា ដើម្បីអាចទៅមើលសារមន្ទីរបាន ទាល់តែមុជទឹកចុះចូលទៅមើល ហើយត្រូវហាត់រៀន Diving ដើម្បីមុជទឹកចុះចូលទៅមើលទេសភាពបាតសមុទ្រនេះ។ ទន្ទឹមនឹងនេះ ឯកឧត្តមបានអំពាវនាវឱ្យប្រជាពលរដ្ឋខ្មែរ ជាពិសេសយុវជន ហាត់រៀនDiving ដើម្បីមុជទឹកចុះទៅមើលទេសភាពបាតសមុទ្រ ដែលបញ្ជាក់ថាកម្ពុជាមិនមែនមានត្រឹមតែរមណីយដ្ឋាន ឧទ្យានជាតិ ទេសចរណ៍ តែនៅលើដីគោកប៉ុណ្ណោះទេ។ បើតាមការបញ្ជាក់បន្ថែមរបស់ឯកឧត្តម ក្នុងខេត្តព្រះសីហនុមានកោះទាំងអស់ចំនួន […]
អានបន្ថែម
មកទល់ពេលនេះ ធនាគារអភិវឌ្ឍន៍អាស៊ីជួយកម្ពុជា ៤,៦ពាន់លានដុល្លារ ដើម្បីអភិវឌ្ឍគម្រោងចំនួន៣៣១
គិតមកទល់ពេលនេះ ធនាគារអភិវឌ្ឍន៍អាស៊ី (ADB) បានផ្តល់ថវិកាសម្រាប់អភិវឌ្ឍប្រទេសកម្ពុជាចំនួន ៤,៦ពាន់លានដុល្លារអាមេរិក លើគម្រោងវិស័យសាធារណៈចំនួន ៣៣១ ក្នុងរូបភាពជាកម្ចី ជំនួយ និងជំនួយបច្ចេកទេស។ នេះបើតាម ADB Member Fact Sheet 2022 ដែលចេញផ្សាយអំឡុងខែមេសា ឆ្នាំ២០២៣។ ដោយឡែកក្នុងឆ្នាំ២០២២ ធនាគារអភិវឌ្ឍន៍អាស៊ី (ADB) បានប្តេជ្ញាផ្តល់កម្ចី ៣៧៣លានដុល្លារអាមេរិកមកកម្ពុជាដើម្បី៖ ជួយពង្រឹងប្រព័ន្ធសុខាភិបាល រួមមានការទទួលបានវ៉ាក់សាំង និងសុខភាពកម្មករចំណាកស្រុក (អានបន្ថែម) សម្រាប់អភិវឌ្ឍវិស័យវិទ្យាសាស្ត្រ បច្ចេកវិទ្យា វិស្វកម្ម និងគណិតសាស្ត្រ ក្នុងវិស័យអប់រំ ជំរុញភាពធន់អាកាសធាតុ និងវិស័យជលផលតាមតំបន់ឆ្នេរ និងបសុសត្វនៅកម្ពុជា (អានបន្ថែម) ពន្លឿនការផ្ទេរថាមពលប្រកបដោយចីរភាប (អានបន្ថែម) ជំរុញការប្រកួតប្រជែងអន្តរជាតិ (អានបន្ថែម) ក្នុងឆ្នាំ២០២២ដដែល ADB ក៏បានផ្តល់ជំនួយសរុប ៥២,២៥លានដុល្លារអាមេរិក រួមទាំងសហហិរញ្ញប្បទាន ១២,៧លានដុល្លារអាមេរិក ដើម្បីជួយកម្ពុជាសម្រេចនូវគោលនៅអភិវឌ្ឍប្រកបដោយចីរភាព ជួយពន្លឿនការផ្ទេរថាមពលស្អាត និងលើកកម្ពស់យេនឌ័រ។ ក្រៅពីនេះ ADB បានអនុម័តនូវជំនួយបច្ចេកទេសចំនួន ៣,១លានដុល្លារអាមេរិក ដើម្បីកំណែទម្រង់នយោបាយ ការអភិវឌ្ឍសមត្ថភាព […]
អានបន្ថែម
ត្រឹមខែមេសា អាជីវកម្មសំណង់-អចលនទ្រព្យ បានចុះបញ្ជីតាមថ្នាលបច្ចេកវិទ្យា កើនដល់ជិត ២ប៊ីលានដុល្លារ
ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន អនុម័តពាក្យស្នើសុំអាជីវកម្ម សរុបចំនួន ២៤.៤៦៦ ក្រុមហ៊ុន មានទុនវិនិយោគសរុប ៧,៤២ពាន់លានដុល្លារ គិតត្រឹមខែមេសា ឆ្នាំនេះ។ យោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ ទំហំវិនិយោគតាមវិស័យ ការសាងសង់ រួមចំណែក ១៥ ភាគរយ ឬប្រមាណ ១,០៥ ប៊ីលានដុល្លារ នៃទំហំវិនិយោគចុះបញ្ជីសរុប។ ដោយឡែក ក្រុមហ៊ុនទាក់ទងនឹងសកម្មភាពអចលនទ្រព្យ មានទំហំវិនិយោគសរុប ៨៩៣លានដុល្លារ ឬស្នើនឹង ១២ភាគរយនៃទំហំវិនិយោគចុះបញ្ជីសរុប។ ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន គឺជាវិធានការកែទម្រង់មុតស្រួចជាកញ្ចប់ របស់រាជរដ្ឋាភិបាលកម្ពុជា ក្នុងគោលបំណងលើស្ទួយភាពប្រកួតប្រជែង និងលើកកម្ពស់បរិយាកាសធុរកិច្ច និងវិនិយោគនៅកម្ពុជា។ រាជរដ្ឋាភិបាល បានដាក់ដំណើរការប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន ដំណាក់កាលទី១ នៅថ្ងៃទី១៥ ខែមិថុនា ២០២០ និងដំណាក់កាលទីពីរ នៅថ្ងៃទី១៥ ខែកញ្ញា ឆ្នាំ២០២១។
អានបន្ថែម
រដ្ឋប្រកាសដាក់Wifiលឿនបំផុត ដោយឥតគិតថ្លៃជិត ២០០ទីតាំង ក្នុងអំឡុងស៊ីហ្គេម
ក្រសួងប្រៃសណីយ៍ និងទូរគមនាគមន៍ សហការជាមួយគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដោយផ្តល់ជូនការប្រើប្រាស់សេវាអ៊ីនធឺណិតល្បឿនលឿនដោយឥតគិតថ្លៃនៅពហុកីឡដ្ឋានជាតិអូឡាំពិក និងពហុកីឡដ្ឋានជាតិមរតកតេជោចំនួន ១៨៦ ទីតាំង។ ការផ្តល់ជូននេះ គឺដើម្បីចួលរួមគាំទ្រដល់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣ នេះ។ ជាមួយនឹងទីតាំងគោលទាំងនេះ រួមមាន៖ – សាលក្នុងពហុកីឡាដា្ឋន (Indoor Hall) – សាលទស្សនិកជន VIP (VIP Audiences) – សាលទស្សនិកជនខាងក្រៅ (Outdoor Audiences) – វិមានកីឡដ្ឋាន – មណ្ឌលកីឡាហែលទឹក – មណ្ឌលកីឡាហុកគី – មណ្ឌលកីឡាក្នុងសាល – មណ្ឌលកីឡាវាយសី និងវាយកូនឃ្លីលើតុ – មណ្ឌលកីឡាវាយកូនបាល់ – សាលហាត់កីឡាប្រយុទ្ធ – តំបន់សាធារណៈខាងក្រៅពហុកីឡដ្ឋាន។ ដើម្បីប្រើប្រាស់ […]
អានបន្ថែម
កម្ពុជា និង ITF សហការគ្នាលើកកម្ពស់ការតភ្ជាប់ការដឹកជញ្ជូនក្នុងតំបន់អាស៊ាន
កម្ពុជា និងអង្គការវេទិការដឹកជញ្ជូនអន្តរជាតិ (ITF) សហការគ្នាពិភាក្សាលើគម្រោងការលើកកម្ពស់ការតភ្ជាប់ការដឹកជញ្ជូនក្នុងតំបន់ សម្រាប់ភូមិភាគអាស៊ីអាគ្នេយ៍ ដោយមានការចូលរួមពីតំណាងប្រទេសជាសមាជិក ITF និងមន្ត្រីមកពីស្ថាប័នពាក់ព័ន្ធប្រមាណ ៦០រូប។ ថ្លែងក្នុងព្រឹត្តិការណ៍សម្ពោធខាងលើកាលពីថ្ងៃទី២៨ ខែមេសា ឆ្នាំ២០២៣ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា កិច្ចប្រជុំពិភាក្សានេះ បានពិភាក្សាលើគម្លាតនៃការដឹកជញ្ជូនរវាងប្រទេសក្នុងតំបន់ ដើម្បីកាត់បន្ថយតម្លៃនៃការដឹកជញ្ជូន។ ឯកឧត្តមទេសរដ្ឋមន្ត្រី បានបន្ថែមថា កិច្ចប្រជុំ ក៏បានរៀបចំឱ្យមានយុទ្ធសាស្ត្រការដឹកជញ្ជូនបៃតង ដើម្បីកាត់បន្ថយការបំពុលបរិស្ថានផងដែរ ដោយធ្វើឱ្យការដឹកជញ្ជូនរវាងតំបន់អាស៊ី ជាមួយនឹងតំបន់អឺរ៉ុប និងការដឹកជញ្ជូនរវាងផ្លូវទឹក ផ្លូវគោក ផ្លូវសមុទ្រឱ្យបានល្អ។ ជាមួយគ្នានេះ លោកបណ្ឌិត Young Tae Kim អគ្គលេខាធិការ ITF បានឱ្យដឹងដែរថា វេទិកា ITF ជួយកម្ពុជាក្នុងក្របខណ្ឌជាការកសាងសមត្ថភាព ជាអនុសាសន៍ និងចែករំលែកបទពិសោធន៍ក្នុងការរៀបចំការតភ្ជាប់ការដឹកជញ្ជូន ដោយមិនផ្តល់ជាថវិកាក្នុងការសាងសង់ហេដ្ឋារចនាសម្ព័ន្ធនោះទេ។ បន្ថែមលើនោះ ឯកឧត្ដមទេសរដ្ឋមន្ត្រី បានគូសបញ្ជាក់ថា ការអភិវឌ្ឍលើវិស័យហេដ្ឋារចនាសម្ព័ន្ធដឹកជញ្ជូន និងការតភ្ជាប់ នៅតែជាយុទ្ធសាស្រ្តចំបងរបស់រាជរដ្ឋាភិបាលកម្ពុជា ក្នុងការលើកកម្ពស់សេដ្ឋកិច្ចជាតិ ខណៈដែលកំពុងស្ថិតក្នុងដំណើរការនៃការបញ្ចប់ផែនការមេគ្រប់ជ្រុងជ្រោយស្តីពីការដឹកជញ្ជូនអន្តរមធ្យោបាយកម្ពុជា 2022-2030 […]
អានបន្ថែម
គម្រោងពង្រីកអគ្គិសនីធំៗ២ តម្លៃជាង ៥៣លានដុល្លារ ដាក់ឱ្យប្រើប្រាស់ជាផ្លូវការហើយ
គម្រោងពង្រីកប្រព័ន្ធខ្សែបញ្ជូន និងចែកចាយអគ្គិសនី នៅរាជធានីភ្នំពេញ និងគម្រោងពង្រីកបណ្តាញចែកចាយអគ្គិសនីតាមរបៀងសេដ្ឋកិច្ចភាគខាងត្បូងនៃប្រទេសកម្ពុជា ដែលប្រើប្រាស់ថវិការអស់ជាង ៥៣លានដុល្លារ បានដាក់ឱ្យប្រើប្រាស់ជាផ្លូវការហើយ។ នេះបើតាមពិធីសម្ពោធ ក្រោមអធិបតីភាពឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និង ឯកឧត្តម UENO Atsushi ឯកអគ្គរាជទូតនៃប្រទេសជប៉ុន ប្រចាំព្រះរាជាណាចក្រកម្ពុជា កាលពីថ្ងៃទី២៧ ខែមេសា ឆ្នាំ២០២៣។ គម្រោងនេះ ស្ថិតក្រោមក្របខ័ណ្ឌឥណទានសម្បទាន និងជំនួយឥតសំណងរបស់រាជរដ្ឋាភិបាលប្រទេសជប៉ុន ដែលក្នុងនោះ៖ ទី១_គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញ៖ គម្រោងនេះ ទទួលបានឥណទានសម្បទានពីរដ្ឋាភិបាលជប៉ុនចំនួន៦,៤៨០ លានយ៉េន ស្មើនឹងជាង ៤៧លានដុល្លារអាមេរិក។ គម្រោងនេះ មានគោលបំណងក្នុងការពង្រឹងសម្ថភាពនៃការផ្គត់ផ្គង់អគ្គិសនីក្នុងក្របខ័ណ្ឌរាជធានីភ្នំពេញ តាមរយៈការសាងសង់ បន្ថែមថ្មីនូវអនុស្ថានីយ៍អគ្គិសនីទំនើប ក្នុងអគារដែលមានទីតាំងនៅក្នុងបរិវេណពហុកីឡដ្ឋានជាតិអូឡាំពិក និងនៅស្នាក់ការកណ្តាលរបស់អគ្គិសនីកម្ពុជា រួមជាមួយតំណរភ្ជាប់ខ្សែបញ្ជូនតង់ស្យុងខ្ពស់ និងចែកចាយអគ្គីសនីក៏ដូចជាធ្វើការកែលំអទៅលើអនុស្ថានីយ៍ចាស់ៗដែលមានស្រាប់។ ទី២_គម្រោងពង្រីកបណ្តាញចែកចាយអគ្គិសនីក្នុងរបៀងសេដ្ឋកិច្ចភាគខាងត្បូង៖ គម្រោងនេះទទួលជំនួយឥតសំណងពីរាជរដ្ឋាភិបាល និងប្រជាជនជប៉ុនចំនួន ៨៩៣លានយ៉េន ស្មើនឹងជាង ៦,៥លានដុល្លារអាមេរិក។ គម្រោងនេះផងដែរ បានជួយលំនឹងនៃការផ្គត់ផ្គង់ថាមពលអគ្គិសនីនៅតាមតំបន់របៀងសេដ្ឋកិច្ចភាគខាងត្បូងនៃប្រទេសកម្ពុជា តាមរយៈការសាងសង់ និងបំពាក់នូវបរិក្ខាចែកចាយថាមពលអគ្គីសនីកំរិត ២២គីឡូវ៉ុល នៅទីក្រុងបាវិត ខេត្តស្វាយរៀង ទីក្រុងប៉ោយប៉ែត ខេត្តបន្ទាយមានជ័យ […]
អានបន្ថែម
បច្ចុប្បន្នខេត្តស្វាយរៀងមានច្រកព្រំដែន០៨ ខណៈចំណូលពន្ធគយបាន ៤០០លានដុល្លារ កើន
រហូតដល់បច្ចុប្បន្ន ខេត្តស្វាយរៀងបើកច្រកទ្វារព្រំដែនបានចំនួន ០៨កន្លែង ហើយបានបែងចែកជា ០៣ប៉ូលសេដ្ឋកិច្ច។ នេះបើតាមការលើកឡើងរបស់ ឯកឧត្តម ម៉ែន វិបុល អភិបាលខេត្តស្វាយរៀង ក្នុងសន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តស្វាយរៀងកាលពីថ្ងៃទី២៧ ខែមេសា ឆ្នាំ២០២៣។ ច្រកទ្វារព្រំដែនទាំងនោះរួមមាន ច្រកទ្វារព្រំដែនអន្តរជាតិចំនួន ០២ រួមមានច្រកទ្វារព្រំដែនអន្តរជាតិបាវិត និងច្រកទ្វារព្រំដែនអន្តរជាតិព្រៃវល្លិ៍។ បន្ថែមពីនេះ ច្រកទ្វារព្រំដែនទ្វេភាគីមានចំនួន ០២ គឺច្រកទ្វារសំរោង និងច្រកទ្វារបុសមន និងមានច្រកទ្វារតំបន់ចំនួន ០៤ទៀត រួមមានច្រកទ្វារតំបន់ស្រែបារាំង ច្រកទា្វរតាអី ច្រកទ្វារព្រំដែនដូង និងច្រកទ្វារព្រំដែនខ្សែដែក។ ឯកឧត្តមអភិបាល បានឱ្យដឹងទៀតថា ច្រកអន្តរជាតិ២ និងច្រកទ្វេភាគី ១ បានដាក់ទីភ្នាក់ងារគយ ដោយក្នុងឆ្នាំ២០២២ អាចប្រមូលចំណូលពីពន្ធគយបានប្រមាណជា ៤០០លានដុល្លារ ដែលកើនឡើងប្រមាណ ២៣% ធៀបនឹងឆ្នាំ២០២១។ ក្រៅពីនេះ ខេត្តស្វាយរៀង បានបែងចែកជា ០៣ប៉ូលសេដ្ឋកិច្ចសំខាន់ៗ រួមមាន ១). តំបន់ឧស្សាហកម្ម សេវាកម្ម ដែលស្ថិតក្នុងក្រុងបាវិត ក្រុងស្វាយរៀង និងស្រុកចន្ទ្រា […]
អានបន្ថែម
បច្ចុប្បន្នខេត្តស្វាយរៀងមានតំបន់សេដ្ឋកិច្ចពិសេស ១២ទីតាំង ខណៈរោងចក្រ-សហគ្រាសមានដល់ទៅ ២៦៤
ចាប់ពីឆ្នាំ២០០៥ ដែលរាជរដ្ឋាភិបាល បានចាប់ផ្តើមបង្កើតតំបន់សេដ្ឋកិច្ចពិសេសមក ខេត្តស្វាយរៀង មានតំបន់សេដ្ឋកិច្ចពិសេសចំនួន ១២ទីតាំង ខណៈកំពុងដំណើរការមាន ០៩ទីតាំង។ នេះបើតាមការលើកឡើងរបស់ ឯកឧត្តម ម៉ែន វិបុល អភិបាលខេត្តស្វាយរៀង ក្នុងសន្និសីទសារព័ត៌មានស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាលខេត្តស្វាយរៀងកាលពីថ្ងៃទី២៧ ខែមេសា ឆ្នាំ២០២៣។ ជាមួយគ្នានេះដែរ ខេត្តទាំងមូលមានរោងចក្រ សហគ្រាស និងគ្រឹះស្ថានមានចំនួន ២៦៤មូលដ្ឋាន ព្រមជាមួយនឹងកម្លាំងពលកម្មមានចំនួន ៩៤.៧២៥នាក់។ ចំពោះ រោងចក្រក្នុងតំបន់សេដ្ឋកិច្ចពិសេសមានចំនួន ១៤៦មូលដ្ឋានកំពុងដំណើរការ ជាមួយនឹងចំនួនកម្មករបម្រើការងារប្រមាណ ៨២.១៤៧នាក់ ដែលក្នុងនោះ រោងចក្រកាត់ដេរ និងផលិតស្បែកជើងមានចំនួន ៣៧មូលដ្ឋាន មានកម្មករចំនួន ៣៧.៨៦៦នាក់។ ដោយឡែក ចំនួនសហគ្រាសធុនតូច និងមធ្យមក្នុងខេត្តស្វាយរៀងមានចំនួន ៣.៣៦៨មូលដ្ឋានផងដែរ។
អានបន្ថែម
ចំណតផែកុងតឺន័រថ្មី តម្លៃជិត១ពាន់លានដុល្លារ នៅកំពង់ផែស្វយ័តក្រុងព្រះសីហនុបើកការដ្ឋានសាងសង់ជាផ្លូវការហើយ
ចំណតផែកុងតឺន័រថ្មី តម្លៃជិត១ពាន់លានដុល្លារ នៅកំពង់ផែស្វយ័តក្រុងព្រះសីហនុ ត្រូវបានបើកការដ្ឋានសាងសង់ជាផ្លូវការ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ គម្រោងពង្រីកសមត្ថភាពកំពង់ផែស្វយ័តក្រុងព្រះសីហនុនេះ គ្រោងនឹងចំណាយថវិកាសរុបប្រមាណ ៩៧៣លានដុល្លារអាមេរិក ដែលក្នុងនោះ ឥណទានសម្បទានពីរដ្ឋាភិបាលនៃប្រទេសជប៉ុនចំនួនប្រមាណ ៧៦០លានដុល្លារអាមេរិក, ថវិកាបដិភាគរបស់រាជរដ្ឋាភិបាលកម្ពុជាសម្រាប់ពន្ធអាករផ្សេងៗចំនួនប្រមាណ ១៩២លានដុល្លារអាមេរិក, និងថវិកាផ្ទាល់របស់កំពង់ផែស្វយ័តក្រុងព្រះសីហនុចំនួនប្រមាណ ២១លានដុល្លារអាមេរិក។ គម្រោងខាងលើនេះរួមមានសមាសធាតុដូចខាងក្រោមៈ ១. ចំណតដឹកទំនិញទូទៅ នឹងមានប្រវែង ២៥៣ម៉ែត្រ ហើយគ្រោងនឹងបញ្ចប់នៅខែកញ្ញា ឆ្នាំ២០២៤ ដែលធ្វើឱ្យវាក្លាយជាគម្រោងសាងសង់រយៈពេល ១៨ខែ។ ច្រកដែលបានធ្វើឱ្យប្រសើរឡើងនឹងត្រូវបានបំពាក់ជាមួយនឹងការលើកកុងតឺន័រទំនើប បង្កើនសមត្ថភាពនៃច្រកកុងតឺន័របន្ថែមប្រហែល ៣៥ភាគរយ (២៥០.០០០TEUs ក្នុងមួយឆ្នាំ)។ ២. ស្ថានីយកុងតឺន័រថ្មី – ដំណាក់កាលទី១៖ ស្ថានីយនេះនឹងមានប្រវែង ៣៥០ម៉ែត្រ និងជម្រៅ ១៤,៥ម៉ែត្រ ដោយរំពឹងថានឹងបញ្ចប់នៅឆ្នាំ២០២៦ បន្ទាប់ពីគម្រោងសាងសង់រយៈពេល ៣៦ខែ។ វាអាចផ្ទុកកប៉ាល់កុងតឺន័រដែលមានចំណុះ ៦០.០០០ DWT (ឬស្មើនឹង ៤.០០០) ជាមួយនឹងផ្លូវឆ្លងកាត់ក្នុងតំបន់អាស៊ីប៉ាស៊ីហ្វិកទៅកាន់កំពង់ផែស្វយ័តក្រុងព្រះសីហនុ។ នេះនឹងបង្កើនសមត្ថភាពកំពង់ផែដោយបន្ថែម ៤៥០.០០០TEUs ក្នុងមួយឆ្នាំ។ ៣. ស្ថានីយកុងតឺន័រទឹកជ្រៅថ្មី – […]
អានបន្ថែម