ការចរចាលើតំបន់ប្រេង-ឧស្ម័នដ៏មហាសាល រវាងកម្ពុជា-ថៃ ឈានជិតដល់ចុះកិច្ចព្រមព្រៀងហើយ
ការចរចាបញ្ហាផ្ទៃសមុទ្រត្រួតស៊ីគ្នាអំពីការរុករកប្រេង និងឧស្ម័នដ៏ធំសម្បើមក្នុងតំបន់អភិវឌ្ឍរួម (JDA) នៃឈូងសមុទ្រថៃ រវាងកម្ពុជា-ថៃ បានឈានដល់មួយកម្រិតទៀត និងកៀកនឹងចុះកិច្ចព្រមព្រៀងហើយ។ នេះបើតាមគេហទំព័រសារពត៌មាន The Stars កាលពីថ្ងៃទី០៤ ខែមករា ឆ្នាំ២០២៣។ ភាគីថៃបានលើកយកបញ្ហានេះ មកប្រជុំពិភាក្សាក្នុងកិច្ចប្រជុំគណៈរដ្ឋមន្ត្រីរបស់ខ្លួនជាសម្ងាត់រយៈពេល ២០នាទីទៅលើសំណើកិច្ចព្រមព្រៀងលើតំបន់អភិវឌ្ឍន៍រួមគ្នា (JDA) រវាងកម្ពុជា និងថៃ កាលពីថ្ងៃអង្គារ ទី០៣ ខែមករា។ គេហទំព័រខាងលើនេះ បានបន្ថែមឱ្យដឹងថា ឯកឧត្តមឧបនាយករដ្ឋមន្ត្រី Gen Prawit Wongsuwan របស់ថៃ បានថ្លែងនៅក្នុងកិច្ចប្រជុំខាងលើថា គាត់បានជួបជាមួយនឹង ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល កាលពីខែមុន ដើម្បីពិភាក្សាលើគម្រោងតំបន់អភិវឌ្ឍរួម (JDA) ចំពោះការរុករកប្រេង និងឧស្ម័នក្នុងតំបន់ផ្ទៃសមុទ្រត្រួតស៊ីគ្នា។ រដ្ឋមន្ត្រីថៃ បានថ្លែងបន្ថែមថា ឯកឧត្តម ស៊ុយ សែម មានបំណងអនុវត្តកិច្ចព្រមព្រៀង JDA ជាមួយថៃ ក្រោមលក្ខខណ្ឌ ដែលថាប្រទេសទាំងពីរនឹងពិភាក្សាផងដែរលើព្រំដែនអធិបតេយ្យភាព ដោយយកគំរូតាមកិច្ចព្រមព្រៀងដែលធ្លាប់ធ្វើកន្លងមក។ ទន្ទឹមនឹងនេះផងដែរ ឯកឧត្តមឧបនាយករដ្ឋមន្ត្រីថៃ បានប្រាប់ទៅ […]
អានបន្ថែម
ឡាវបើកដំណើរការខ្សែបញ្ជូនចរន្តអគ្គិសនី ៥០០គីឡូវ៉ុល និងគ្រោងភ្ជាប់មកកម្ពុជាឆាប់ៗ
ក្រុម Yunnan Energy Investment (HK) Co Ltd បានបើកដំណើរការបណ្តាញខ្សែបញ្ជូនអគ្គិសនីកម្លាំង ៥០០គីឡូវ៉ុល ក្នុងខេត្តចំប៉ាសាក់ ភាគខាងត្បូងប្រទេសឡាវ រួចបន្តភ្ជាប់ជាមួយអនុស្ថានីយអគ្គិសនីមួយក្នុងស្រុកខង (Khong) ជាប់ព្រំដែនប្រទេសកម្ពុជា ហើយគ្រោងនឹងបន្តភា្ជប់ចូលមកប្រទេសកម្ពុជាឆាប់ៗផងដែរ។ នេះបើតាមសារព័ត៌ Vientiane Time របស់ឡាវចុះថ្ងៃទី៥ ខែមករា ឆ្នាំ២០២៣។ លោក Mr Chanthaboun Soukaloun ជាប្រធានគ្រប់គ្រងរបស់អគ្គសនីឡាវ (EDL) បានមានប្រសាសន៍ គម្រោងបណ្តាញខ្សែបញ្ជូនអគ្គិសនីកម្លាំង ៥០០គីឡូវ៉ុល និងអនុស្ថានីយអគ្គិសនីនេះ ជាគម្រោងអនុវត្តក្រោមទម្រង់ជាសម្បទានមុនគេបង្អស់ក្នុងប្រទេសឡាវ ដែលប្រើប្រាស់ថវិកាប្រមាណជាង ១៥០លានដុល្លារអាមេរិក ដោយក្រុមហ៊ុន Yunnan Energy Investment (HK) Co Ltd។ គម្រោងបណ្តាញខ្សែបញ្ជូនអគ្គិសនីនេះ មានប្រវែងជាង ២០០គីឡូម៉ែត្រ ដោយរត់ឆ្លងកាត់ស្រុកខង នៃខេត្តចំប៉ាសាក់ និងស្រុកសាណាំសាយ និងស្រុកភូវង់ នៃខេត្តអាតាពឿ (Attapeu) ប្រទេសឡាវ។ គួរបញ្ជាក់ថា គម្រោងមួយនេះបានក្លាយជាសមិទ្ធិផលដ៏សំខាន់មួយនៅក្នុងបរិបទនៃយុទ្ធសាស្ត្ររបស់ប្រទេសឡាវ ដើម្បីនាំចេញថាមពលអគ្គិសនីទៅកាន់ប្រទេសជិតខាង ជាពិសេសប្រទេសកម្ពុជា។ […]
អានបន្ថែម
កម្ពុជា អនុម័តគម្រោងវិនិយោគមានតម្លៃសរុប ៤,៦ពាន់លានដុល្លារក្នុងឆ្នាំ២០២២
ក្រុមប្រឹក្សាអភិវឌ្ឍន៍កម្ពុជា អនុម័តគម្រោងវិនិយោគមានតម្លៃសរុប ៤៦៨៥ លានដុល្លារ ក្នុងឆ្នាំ២០២២ កើនឡើង ៧.៥ភាគរយ ធៀបនឹងឆ្នាំ២០២១។ CDC អនុម័ត គម្រោងវិនិយោគក្រៅតំបន់សេដ្ឋកិច្ចពិសេសមានតម្លៃសរុប ៣ ៤៤៩ លានដុល្លារ កើនឡើង ៤៩ ភាគរយ ធៀបនឹងឆ្នាំ២០២១។ ដោយឡែក គម្រោងវិនិយោគក្នុងតំបន់សេដ្ឋកិច្ចពិសេស មានតម្លៃសរុប ១ ២៣៥ លានដុល្លារ ថយចុះ ៣៩ភាគ។ គម្រោងវិនិយោគក្នុងស្រុក មានទុនវិនយោគសរុប ២ ៧០៧ លានដុល្លារ រួមចំណែកប្រមាណ ៥៧ភាគរយនៃទុនវិនិយោគសរុប ខណៈវិនិយោគមកពីប្រទេសចិន មានតម្លៃសរុប ១ ៤០៨ លានដុល្លារ ស្មើនឹងប្រមាណ ៣០ ភាគរយ។ វិនិយោគទុនមកពីប្រទេសផ្សេងរួមមាន ប្រទេសថៃ ជប៉ុន កោះ Cayman Islands, កូរ៉េ កោះ British Virgin Islands ម៉ាឡេស៊ី និងអូស្រ្តាលី។
អានបន្ថែម
ក្រួសួងប្តេជាសម្រេចផែនការសកម្មភាពថ្មីឱ្យបានជោគជ័យ ដើម្បីអភិវឌ្ឍ៍វិស័យដឹកជញ្ជូនកម្ពុជាក្នុងឆ្នាំ២០២៣
ក្រសួងសារធារណការ និងដឹកជញ្ជូន បានឱ្យដឹងថា ដើម្បីជំរុញវិស័យសារធារណការ និងដឹកជញ្ជូនកម្ពុជាឱ្យកាន់តែប្រសើរឡើង ក្រសួងបានសម្រេចអនុម័តផែនការសកម្មភាពថ្មីចំនួន ១១២ សម្រាប់អនុវត្តនៅឆ្នាំ២០២៣នេះ។ នេះបើតាមកិច្ចប្រជុំបូកសរុបលទ្ធផលការងារដែលសម្រេចបានសម្រាប់ឆ្នាំ២០២២ និងលើកទិសដៅការងារឆ្នាំ២០២៣ ថ្ងៃទី៥ មករា។ ឯកឧត្តម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ បានឱ្យដឹងថា ផែនការសកម្មភាពថ្មីៗចំនួន ១១២ សម្រាប់អនុវត្តនៅឆ្នាំ២០២៣នេះ នឹងផ្តោតសំខាន់លើសកម្មភាពលើកកម្ពស់ប្រសិទ្ធភាពការងាររដ្ឋបាល ការងារបុគ្គលិក និងអត្ថប្រយោជន៍ផ្សេងៗរបស់មន្រ្តី ការងារហិរញ្ញវត្ថុ និងថវិកា ការងារទំនាក់ទំនង និងកិច្ចសហប្រតិបត្តិការអន្តរជាតិ និងការងារពាក់ព័ន្ធនឹងកិច្ចការច្បាប់ និងនីតិកម្ម ក្នុងន័យគាំទ្រដល់វិស័យសាធារណការ និងដឹកជញ្ជូនឱ្យកាន់តែមានការរីកចម្រើនបន្ថែមទៀត។ បើតាមក្រសួងសារធារណការ សម្រាប់ការអនុវត្តពេញមួយឆ្នាំ២០២២ បានបង្ហាញថា លទ្ធផលនៃផែនការសកម្មភាពដែលបានដាក់ចេញសរុបមានចំនួន ១០៩ ក្នុងនោះ សកម្មភាពចំនួន៨០ បានអនុវត្តសម្រេចជោគជ័យ និងសកម្មភាពចំនួន ២៩ បាននិងកំពុងបន្តអនុវត្ត ហើយគ្រោងនឹងបញ្ចប់នៅដើមឆ្នាំ២០២៣។ ដោយឡែក សម្រាប់ឆ្នាំ២០២៣នេះវិញ ក្រសួង ក៏បានបង្ហាញឆន្ទៈមោះមុត ក្នុងការបំពេញភារកិច្ចដែលបានដាក់ចេញ ក្នុងន័យជំរុញភារកិច្ចការងារទាំងអស់ឱ្យទទួលបានជោគជ័យប្រកបដោយគុណភាព និងប្រសិទ្ធភាពផងដែរ៕
អានបន្ថែម
ផ្សារអាមេរិកដ៏ល្បីឈ្មោះ Walmart គ្រោងពង្រីកអាជីវកម្មរបស់ខ្លួននៅកម្ពុជា
Walmart ក្រុមហ៊ុនផ្សារលក់រាយល្បីឈ្មោះនៅសហរដ្ឋអាមេរិក កំពុងស្វែងរកឪកាសវិនិយោគ ដើម្បីពង្រីកអាជីវកម្មរបស់ខ្លួន នៅក្នុងប្រទេសកម្ពុជា។ ដំណាងក្រុមហ៊ុន Walmart លោកស្រី Anbinh Phan បានលើកឡើងនៅគម្រោងរបស់ក្រុមហ៊ុន ក្នុងកិច្ចប្រជុំតាមអនឡាញ ជាមួយ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម កាលពីថ្ងៃទី៥ ខែមករា ឆ្នាំ២០២៣។ លោកស្រី បានជម្រាបផងដែរថា ក្រុមហ៊ុន Walmart មានបំណងពង្រីកអាជីវកម្មរបស់ខ្លួន និងធ្វើកិច្ចសហប្រតិបត្តិការពង្រឹងភាពជាដៃគូ ក្នុងសកម្មភាពធុរកិច្ច វិនិយោគ ក្នុងប្រទេសកម្ពុជា ដើម្បីបង្កើតការងារជូនប្រជាជនកម្ពុជា ជាពិសេសស្រ្តី ជំរុញកំណើនសេដ្ឋកិច្ច និងកាត់បន្ថយភាពក្រីក្រ។ ក្រុមហ៊ុន Walmart នៅតែជាដៃគូពាណិជ្ជកម្មដ៏ល្អ ជាមួយអ្នកផលិតនៅកម្ពុជា លើវិស័យសម្លៀកបំពាក់ វាយនភ័ណ្ឌ និងកសិកម្ម។ លោកស្រី Anbinh Phan ក៏បានកោតសរសើរ និងវាយតម្លៃខ្ពស់ចំពោះសមត្ថភាពក្នុងការគ្រប់គ្រងស្ថានភាពនៃជំងឺកូវីដ-១៩ ដ៏មានប្រសិទ្ធភាពរបស់រាជរដ្ឋាភិបាលកម្ពុជា និងបានអបអរសាទរជូនក្រសួងពាណិជ្ជកម្ម ក្នុងការសម្រេចបាននូវកិច្ចព្រមព្រៀងពាណិជ្ជកម្មសេរីថ្មីៗ ដូចជា RCEP កម្ពុជា-ចិន កម្ពុជា-កូរ៉េ ជាដើម។ ឯកឧត្តមរដ្ឋមន្រ្តី បានស្វាគមន៍ […]
អានបន្ថែម
ត្រឹមឆ្នាំ២០២២ ធនាគារSME កម្ពុជា បានផ្តល់កម្ចីជាង ៤១លានដុល្លារដល់អាជីវកម្មទេសចរណ៍ ២៩១ទីតាំង
គិតត្រឹមថ្ងៃទី៣១ ខែធ្នូ ឆ្នាំ២០២២ ធនាគារសហគ្រាសធុនតូច និងមធ្យម កម្ពុជា (SME Bank) បានផ្តល់កម្ចីចំនួន ៤១,៥២ លានដុល្លារអាមេរិក ស្មើនឹង ២៧,៦៨% ដល់អាជីវកម្មទេសចរណ៍ចំនួន ២៩១ទីតាំង។ នេះបើតាមការប្រកាសឱ្យដឹងពីធនាគារនេះ កាលពីថ្ងៃទី០៣ ខែមករា ឆ្នាំ២០២៣។ កម្ចីនេះដែរ ស្ថិតក្រោមគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍ (TRCS) ដែលមានថវិកាសរុបប្រមាណ ១៥០លានដុល្លារអាមេរិក។ ក្នុងនោះ ហិរញ្ញប្បទានដែលបានផ្តល់រួមមាន អាជីវកម្មសណ្ឋាគារមាន ២៦% ខណៈអាជីវកម្មផ្ទះសំណាក់មាន ២៨% អាជីវកម្មភោជនីយដ្ឋានមាន ៣២% និងអាជីវកម្មគាំទ្រវិស័យទេសចរណ៍មាន ១៤% ដោយនៅក្នុងនោះមានសហគ្រិនជាស្ត្រី ៤៣%។ ទន្ទឹមនឹងនេះផងដែរ សាជីវកម្មធានាឥណទានកម្ពុជា (CGCC) ក៏បានផ្តល់កម្ចីទំហំប្រមាណ ៨៩លានដុល្លារអាមេរិក ដែលភាគច្រើនជាកម្ចីខ្វះទ្រព្យធានាដល់អាជីវកម្ម ជាពិសេសសហគ្រាសធុនតូច និងមធ្យម សម្រាប់ធ្វើជាទុនបង្វិល ការវិនិយោគ និងការពង្រីកអាជីវកម្ម។ (អានបន្ថែម) ក្នុងទិសដៅស្តារវិស័យសហគ្រាសធុនតូច និងមធ្យមនេះ រាជរដ្ឋាភិបាលកម្ពុជា បានគ្រោង និងបានទម្លាក់ថវិកាចំនួនជាង ៥០០លានដុល្លារអាមេរិក […]
អានបន្ថែម
រដ្ឋអនុម័តគម្រោងធំៗ៣ តម្លៃ១៦លានដុល្លារ ក្នុងខេត្តកំពង់ស្ពឺ
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចចេញវិញ្ញាបនបត្រចុះបញ្ជីលើគម្រោងវិនិយោគចំនួន ៣គម្រោង ដែលមានទុនវិនិយោគសរុប ១៦លានដុល្លារអាមេរិក ដើម្បីបង្កើតរោងចក្រចំនួន ៣កន្លែង នៅខេត្តកំពង់ស្ពឺ។ ក្រុមហ៊ុនឯកជនទាំងនោះរួមមាន៖៖ ១-“WINDARA INTERNATIONAL CO., LTD” គម្រោងបង្កើតរោងចក្រផលិតកាបូបស្ពាយពីក្រោយ កាបូបដំណេក តង់ កាត់ដេរសម្លៀកបំពាក់ និងកម្រាលក្រាលដេក ដែលមានទីតាំងវិនិយោគស្ថិតនៅអគារ C ភូមិល្វា ឃុំអង្គពពេល ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ ៥,៤លានដុល្លារអាម៉េរិក និងអាចបង្កើតការងារបានចំនួន ២.៧១៤កន្លែង។ ២-“YUE WING CHEONG MANUFACTORY CO., LTD” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិម្កាក់ ឃុំស្នំក្រពើ ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ ៥,៤លានដុល្លារអាម៉េរិក និងអាចបង្កើតការងារបានចំនួន ៧៣៨កន្លែង។ ៣-“XIN SHUN JIE (CAMBODIA) LEATHER CO., LTD” គម្រោងបង្កើតរោងចក្រផលិតកាបូបគ្រប់ប្រភេទ និងកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិក្របីត្រាំ ឃុំជង្រុក ស្រុកគងពិសី […]
អានបន្ថែម
អាជ្ញាធរខេត្តកណ្តាល ព្រមានបិទអាជីវកម្មកំពង់ចម្លង ដែលមិនអនុវត្តគោលការណ៍សុវត្ថិភាព
រដ្ឋបាលខេត្តកណ្តាល បានព្រមានបិទអាជីវកម្មកំពង់ចម្លងទាំងឡាយណា ដែលមិនអនុវត្តគោលការណ៍បច្ចេកទេសសុវត្ថិភាពទូកចម្លងបានត្រឹមត្រូវ ដែលតម្រូវឱ្យមានការប្រើប្រាស់ទូកដែកមានទំហំខ្នាតសមស្រប ឬសាឡង់មក ជំនួសទូកឱប ដើម្បីសុវត្ថិភាពអ្នកដំណើរ។ នេះបើតាមកិច្ចប្រជុំពិនិត្យ និងពិភាក្សាលើការងារគ្រប់គ្រងអាជីវកម្មកំពង់ចម្លង ក្នុងខេត្តកណា្តលនៅថ្ងៃទី៥ មករា។ នាឱកាសនោះ លោកជី ស៉ីវុដ្ឋា នាយករដ្ឋបាលសាលាខេត្តកណ្តាល បានឱ្យដឹងថា រដ្ឋបាលខេត្ត បានតម្រូវឱ្យបញ្ឈប់ការប្រើប្រាស់ទូកឱបជាបន្ទាន់ ហើយជំនួសមកវិញនូវទូកដែក ដែលមានទំហំខ្នាតសមស្របតាមនិយាមបច្ចេកទេសទូកចម្លង ឬសាឡង់ដើម្បីធានាសុវត្ថិភាពរបស់អ្នកដំណើរ។ ជាពិសេស បានតម្រូវឱ្យមានការរៀបចំផ្លូវឡើងចុះ និងផែឱ្យបានល្អប្រសើរស្របតាមលក្ខណៈបច្ចេកទេស ហើយអ្នកបើកបរទូកចម្លង ត្រូវមានបណ្ណបើកបរផងដែរ។ លោកបន្តថា ក្នុងរយៈ ពេល៣០ថ្ងៃ ចាប់ពីថ្ងៃជូនដំណឹងនេះតទៅ ពោលគឺត្រូវផ្លាស់ប្ដូរឲ្យបានមុនបំណាច់ខែមករានេះ ក្នុងករណីមិនអនុវត្តតាមការណែនាំខាងលើ រដ្ឋបាលខេត្តកណ្តាល នឹងមិនអនុញ្ញាតឲ្យបន្តធ្វើអាជីវកម្មកំពង់ចម្លងជាដាច់ខាត។ គួរបញ្ជាក់បញ្ជាក់ថា ការព្រមាននេះ ធ្វើឡើងបន្ទាប់ពីក្រុមគណៈបញ្ជាការឯកភាពខេត្តកណ្ដាល បានរកឃើញការប្រកបអាជីវកម្មកំពង់ចម្លងមួយចំនួន នៅមិនទាន់បានបំពេញលក្ខណៈបច្ចេកទេសត្រឹមត្រូវ ដើម្បីធានាបាននូវសុខសុវត្ថិភាពជូនអ្នកដំណើរនៅឡើយ។ ការប្រមាននេះដែរ ក៏ធ្វើឡើងបន្ទាប់ពីមានឧបទ្ទវហេតុលិចទូកដចម្លង ១គ្រឿង នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល កាលពីថ្ងៃទី ១២ តុលា ឆ្នាំ ២០២២ ដែលបង្កឱ្យស្លាប់សិស្សសាលាចំនួន ១២នាក់រួចមក៕
អានបន្ថែម
រដ្ឋសម្រេចបង្កើតភូមិថ្មីចំនួន ១៥ទៀត នៅក្នុងខេត្តពោធិ៍សាត់
ក្រសួងមហាផ្ទៃ បានសម្រេចបង្កើតភូមិថ្មីចំនួន ១៥ ស្ថិតក្នុងក្រុង ស្រុកមួយចំនួនទៀតនៅខេត្តពោធិ៍សាត់។ នេះបើតាមប្រកាសលេខ ៧៤០៦ ប្រក ចុះថ្ងៃទី២៩ ខែធ្នូ ឆ្នាំ២០២២។ ភូមិទាំង ១៥នេះ រួមមាន៖ ភូមិបរវង្ស ស្ថិតក្នុងសង្កាត់ចំរើនផល, ភូមិផ្ទះព្រៃ ភូមិសំពៅមាស ភូមិចំការចេក ស្ថិតក្នុងសង្កាត់ផ្ទះព្រៃ, ភូមិថ្មីបីដុំ ភូមិអូរត្រាវ ភូមិឈើទាលរូង ស្ថិតក្នុងសង្កាត់រលាប។ ភូមិទាំងនេះ ស្ថិតក្នុងក្រុងពោធិ៍សាត់ ភូមិតាម៉ៅ និងភូមិប្រឡាយធំ ស្ថិតក្នុងឃុំកញ្ជរ, ភូមិព្រាល ស្ថិតក្នុងឃុំស្វាយដូនកែវ នៃស្រុកកណ្តៀង ភូមិស្រគំ ស្ថិតក្នុងឃុំក្បាលត្រាច, ភូមិក្រាំងខឿន ស្ថិតក្នុងឃុំឈើតុំ នៃស្រុកក្រគរ ភូមិរគោ ស្ថិតក្នុងឃុំសំរោង, ភូមិអូរ និងភូមិព្រៃអណ្តូង ស្ថិតក្នុងឃុំព្រងិល នៃស្រុកភ្នំក្រវ៉ាញ។ គួររម្លឹកផងដែរថា ថ្មីៗនេះ រាជរដ្ឋាភិបាលកម្ពុជា ក៏បានសម្រេចបង្កើតក្រុង និងស្រុកចំនួន ០៥ ក្នុងខេត្តកណ្តាល ខេត្តកំពង់ស្ពឺ និងខេត្តក្រចេះ ផងដែរ។ (អានបន្ថែម)
អានបន្ថែម
រដ្ឋកំពុងកែប្លង់អភិវឌ្ឍកោះពស់ ទៅជាតបន់ទេសចរណ៍ដ៏សម្បូរបែបស្តង់ដារអន្តរជាតិ
ក្រុមប្រឹក្សាអភិវឌ្ឍន៍កម្ពុជា CDC និងរដ្ឋបាលខេត្តព្រះសីហនុ កំពុងធ្វើការកែសម្រួលប្លង់គោលអភិវឌ្ឍន៍កោះពស់ ដែលជាកោះមួយនៅកៀកដីគោកនៃក្រុងព្រះសីហនុ។ នេះបើតាមការឱ្យដឹងពី ឯកឧត្តម ឡុង ឌីម៉ង់ អភិបាលរងខេត្តព្រះសីហនុ កាលពីថ្ងៃទី៤ ខែមករា ឆ្នាំ២០២៣។ គោលបំណងនៃការកែសម្រួលប្លង់គោល គឺដើម្បីប្រែក្លាយកោះពស់ទៅជាគោលដៅទេសចរណ៍ដ៏សម្បូរបែបស្តង់ដារអន្តរជាតិ។ រាជរដ្ឋាភិបាលកម្ពុជា បានអនុញ្ញាតឱ្យក្រុមហ៊ុន កោះពស់ ខេមបូឌា អ៊ិនវេសមេន គ្រុប អិលធីឌី ធ្វើការវិនិយោគកោះមរកត លើទំហំផ្ទៃដីប្រមាណ ១១៦ ហិកតា ដែលមានទីតាំងស្ថិតនៅកោះពស់នេះ ដែលគ្របដណ្តប់ដោយព្រៃធម្មជាតិ និងតំបន់ឆ្នេរលាតសន្ធឹងតាមបណ្តោយឆ្នេរសមុទ្រនៅភាគខាងជើង។ កន្លងមក ក្រុមហ៊ុន បានសាងសង់ស្ពានឆ្លងសមុទ្រប្រវែងជាង ៩០០ម៉ែត្រ និងសាងសង់ហេដ្ឋារចនាសម្ព័ន្ធលើកោះពស់ មានដូចជា ផ្លូវបេតុងបាន ៦០ភាគរយ នៃផ្លូវប្រវែងជាង ៥គីឡូម៉ែត្រ និងហេដ្ឋារចនាសម្ព័ន្ធមួយចំនួនទៀត។
អានបន្ថែម
ក្នុងឆ្នាំ២០២២ អង្គការហេឡូត្រាស្តកម្ពុជាជួយរំដោះមីនបានជាង ៣ពាន់ហិកតា
ក្នុងឆ្នាំ ២០២២ កន្លងទៅ ក្រុមជំនាញរបស់អង្គការ Halo Trust Cambodia បានរំដោះមីនឱ្យផ្ទៃដីមានសុវត្ថិភាពបានចំនួនជាង ៣ពាន់ហិកតា ស្មើនឹង ៣០,៤៤១,១០៦ម៉ែត្រក្រឡា។ នេះបើតាមការប្រកាសឱ្យដឹងកាលពីថ្ងៃទី៣១ ខែធ្នូ ឆ្នាំ២០២២។ បន្ថែមពីនេះ អង្គការបានកម្ទេចមីនប្រឆាំងមនុស្សចំនួន ១៨,១២៧គ្រាប់ មីនប្រឆាំងយានយន្ត ៦៦គ្រាប់ និងគ្រាប់សំណល់ជាតិផ្ទុះពីសង្គ្រាមជាង ២៨,០០០គ្រាប់។ ថ្មីៗនេះផងដែរ រាជរដ្ឋាភិបាលកម្ពុជា បានប្រកាសដាក់ខេត្តត្បូងឃ្មុំ ជាខេត្តអស់មីន ដែលជាខេត្តចុងក្រោយត្រូវបានបោសសម្អាតមីន ក្រោមមានការគាំទ្រពីគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ក្នុងទំហំផ្ទៃដីសរុបចំនួន ៤,៦៨ គីឡូម៉ែត្រក្រឡា។ ទោះបីជាយ៉ាងនេះក៏ដោយ ខេត្តត្បូងឃ្មុំ បន្តនៅសល់ផ្ទៃដីសង្ស័យមានគ្រាប់បែកចង្កោម និងយុទ្ធភ័ណ្ឌមិនទាន់ផ្ទុះដទៃទៀត ប្រមាណជា ៥៨,៤ គីឡូម៉ែត្រក្រឡា ស្មើនឹង ៤៤៤ ចម្ការគ្រាប់ ទៀត។ គួរបញ្ជាក់ថា ក្នុងរយៈពេល២៦ ឆ្នាំកន្លងមកនេះ កម្ពុជាបានបោសសម្អាតមីនបានផ្ទៃដីចំនួន ១៨៨១ គីឡូម៉ែត្រក្រឡា ដោយប្រើប្រាស់ថវិកាអស់ប្រមាណ ៧០០លានដុល្លារអាមេរិក ដោយក្នុងនោះថវិកាបដិភាគរបស់រាជរដ្ឋាភិបាលអស់ប្រមាណ១៦០ លានដុល្លារអាមេរិក។ (អានបន្ថែម)
អានបន្ថែម
ត្រឹមឆ្នាំ២០២២ រដ្ឋផ្តល់កម្ចីដល់អាជីវកម្ម SME ចំនួន ៨៩លានដុល្លារ
គិតត្រឹមថ្ងៃទី៣១ ខែធ្នូ ឆ្នាំ២០២២ សាជីវកម្មធានាឥណទានកម្ពុជា (CGCC) បានផ្តល់កម្ចីទំហំប្រមាណ ៨៩លានដុល្លារអាមេរិក ដែលភាគច្រើនជាកម្ចីខ្វះទ្រព្យធានាដល់អាជីវកម្ម ជាពិសេសសហគ្រាសធុនតូច និងមធ្យម។ នេះបើតាមសេចក្តីប្រកាសពត៌មានរបស់ CGCC ចុះថ្ងៃទី០៣ ខែមករា ឆ្នាំ២០២៣។ កម្ចីនេះត្រូវបានផ្តល់ក្រោមគម្រោង BRGS ជាការធានាឥណទានក្នុងការគាំទ្រអាជីវកម្ម ទាំងអាជីវកម្មខ្នាតមីក្រូ សហគ្រាសខ្នាតតូច និងមធ្យម (SME) និងសហត្រាសខ្នាតធំ ក្នុងការបង្កើនលទ្ធភាពទទួលបានហិរញ្ញប្បទានពីគ្រឹះស្ថានហិរញ្ញវត្ថុ ចូលរួម (PFIs) សម្រាប់ធ្វើជាទុនបង្វិល ការវិនិយោគ និងការពង្រីកអាជីវកម្ម។ គម្រោង BRGS ត្រូវបានដាក់ឱ្យដំណើរការជាលើកដំបូងចាប់ពីថ្ងៃទី២៩ ខែមីនា ឆ្នាំ២០២១ រហូតដល់ថ្ងៃទី៣១ ខែធ្នូ ឆ្នាំ២០២២ ដែលមានទំហំទឹកប្រាក់ប្រមាណជា ២០០លានដុល្លារអាមេរិក។ មកទល់ពេលនេះ កម្ចីត្រូវបានផ្តល់អស់ ៨៩លានដុល្លារអាមេរិកមកហើយ ហើយ CGCC បានប្រកាសបន្តគម្រោង BRGS ចាប់ពីថ្ងៃទី០១ ខែមករា ឆ្នាំ២០២៣ តទៅរហូតដល់គម្រោងនេះ ត្រូវប្រើប្រាស់អស់។ ជាមួយគ្នានេះផងដែរ ក្នុងការស្តារវិស័យសហគ្រាសធុនតូច និងមធ្យម រាជរដ្ឋាភិបាល […]
អានបន្ថែម