កូរ៉េ និងថៃចាប់អារម្មណ៍ខ្លាំងលើការវិនិយោគវារីអគ្គិសនីនិងថាមពលស្អាតនៅកម្ពុជា
ក្រុមហ៊ុន CP Group ជាក្រុមហ៊ុនធំជាងគេរបស់ថៃ និងក្រុមហ៊ុន Soma Group របស់កម្ពុជា ចង់វិនិយោគលើគម្រោងវារីអគ្គិសនី និងផលិតថាមពលស្អាតនៅកម្ពុជា ខណៈក្រុមហ៊ុនអភិវឌ្ឍវិស័យថាមពលអគ្គីសនីនៃសាធារណរដ្ឋកូរ៉េ ក៏ចង់ធ្វើវិនិយោគក្នុងវិស័យថាមពលអគ្គីសនីនៅកម្ពុជាផងដែរ។ នេះបើតាមជំនួបជាមួយនឹងសម្តេចតេជោ ហ៊ុន សែន នៅថ្ងៃទី១៧ ខែធ្នូ ឆ្នាំ២០២២ វិនិយោគិនទាំងអស់បានបង្ហាញពីគោលបំណងវិនិយោគក្នុងវិស័យនេះ ដើម្បីជួយជំរុញគោលដៅរបស់ប្រទេសកម្ពុជាស្តីពីអព្យាក្រឹតភាពកាបូន និងសន្តិសុខថាមពល។ សម្តេចតេជោនា បានវាយតម្លៃខ្ពស់ចំពោះទិសដៅនៃការវិនិយោគរបស់ក្រុមហ៊ុន CP Group និងក្រុមហ៊ុន Soma Group លើការផលិតថាមពលស្អាតនៅកម្ពុជា។ ជាមួយគ្នានេះដែរ សម្តេចតេជោ បានស្នើឲ្យក្រុមហ៊ុនCP និងSoma ធ្វើការជាមួយស្ថាប័នពាក់ព័ន្ធរបស់កម្ពុជា ដើម្បីសិក្សាលើការផលិតថាមពលស្អាតនៅកម្ពុជា ឲ្យដំណើរការប្រកបដោយជោគជ័យ និងទទួលបានលទ្ធផលខ្ពស់។ មួយវិញទៀត បើតាមជំនួបរវាងឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងក្រុមហ៊ុនកូរ៉េ នៅថ្ងៃទី១៨ ធ្នូ ក៏បានបង្ហាញពីគោលបំណងចង់មកវិនិយោគលើការផលិតគ្រឿងបរិក្ខាផ្ទុកនិងបញ្ជូនអគ្គីសនី ដែលអាចធ្វើការផលិតជាអាគុយស្ងួត ការបញ្ជូនភ្លើងអគ្គីសនីតាមខ្សែភ្លើងពីកន្លែងមួយទៅកន្លែងមួយបានដោយសុវត្ថិភាព។ គួរបញ្ជាក់ថា បច្ចុប្បន្នក្រុមហ៊ុនអភិវឌ្ឍវិស័យថាមពលអគ្គីសនីនៃសាធារណរដ្ឋកូរ៉េមួយនេះកំពុងធ្វើអាជីវកម្មនៅក្នុងប្រទេសមីយ៉ាន់ម៉ាជិត ១០ឆ្នាំមកហើយ។
អានបន្ថែម
ជប៉ុនផ្តល់ជំនួយបន្ថែមជាង ៥០ម៉ឺនដុល្លារ ដើម្បីជួសជុលប្រាសាទបាយ័ន
រដ្ឋាភិបាលជប៉ុន បានសម្រេចផ្តល់ជំនួយហិរញ្ញប្បទានបន្ថែមចំនួន ៥២០ ៨៤៧ ដុល្លារអាមេរិក ដើម្បីអភិរក្ស និងជួសជុលប្រាសាទបាយ័ន ខណៈធ្លាប់បានផ្តល់ថវិកាចំនួន ២៨ ៥៩៤ ២៧៥ ដុល្លារអាមេរិក តាមរយៈគម្រោង JASA តាំងពីឆ្នាំ១៩៩៤ មកម្ល៉េះ។ នេះបើតាមកិច្ចប្រជុំពេញអង្គលើកទី២៩ នៃ ICC-Angkor។ ក្នុងកិច្ចប្រជុំនេះ ក៏បានមានការចុះលើអនុស្សរណៈនៃការយោគយល់គ្នាចំនួនពីរដើម្បីគាំទ្រដល់ក្រុម JAPAN-APSARA សម្រាប់ការអភិរក្សអង្គររួមមាន៖ 1) «គម្រោងមូលនិធិសមភាគីជប៉ុនសម្រាប់គាំទ្រការធ្វើឲ្យមានលំនឹងដល់តួប៉មកណ្ដាលប្រាសាទបាយ័ន ទាក់ទងនឹងគម្រោង JASA» ចុះហត្ថលេខា រវាងលោកជំទាវបណ្ឌិត ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងឯកឧត្ដម មិកាមិ ម៉ាសាហ៊ីរ៉ុ ឯកអគ្គរាជទូតជប៉ុនប្រចាំកម្ពុជា។ ២) «គម្រោង UNESCO-Japan Funds in Trust សម្រាប់ការអភិរក្សប្រាសាទបាយ័នដំណាក់កាលទី៦» ចុះហត្ថលេខា រវាងឯកឧត្តម បណ្ឌិត ហង្ស ពៅ អគ្គនាយកអាជ្ញាធរជាតិអប្សរា និងលោក Sardar Umar Alam តំណាងអង្គការយូណេស្កូប្រចាំកម្ពុជា។ […]
អានបន្ថែម
រដ្ឋអនុម័តគម្រោងក្រៅតំបន់សេដ្ឋកិច្ច ១១៦គម្រោង និងគម្រោងសាងសង់ជាង ៣ពាន់គម្រោង រយៈពេល១០ខែ ២០២២
រាជរដ្ឋាភិបាល បានអនុម័តគម្រោងវិនិយោគក្រៅតំបន់សេដ្ឋកិច្ច ចំនួន ១១៦គម្រោង ក្នុងរយៈពេល១០ខែ កើនឡើង ២៤គម្រោង និងគម្រោងសាងសង់ ចំនួណ ៣ ៤០៧គម្រោង ថយចុះ ១៩១គម្រោង ។ នេះបើយោងតាមរបាយការណ៍ស្ដីពី និន្នាការសេដ្ឋកិច្ច-សង្គម របស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៣ ខែធ្នូ។ យោងតាមរបាយការណ៍ខាងលើនេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគនៅក្រៅតំបន់សេដ្ឋកិច្ចពិសេស មានទឹកប្រាក់វិនិយោគ ២ ៧៥៨ លានដុល្លារ កើនឡើង ១៣៦,៦ភាគរយ ធៀបនឹងរយៈពេលដូចគ្នាកាលពីឆ្នាំមុន។ គម្រោងវិនិយោគខាងលើនេះ ផ្តល់ការងារធ្វើ ថ្មីប្រមាណ ១០៥ពាន់នាក់ កើនឡើង ៤៣,៣ភាគរយ។ ដោយឡែក ក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតគម្រោងសាងសង់ មានទុនវិនិយោគសរុប ២ ១៩០ លានដុល្លារ ធ្លាក់ចុះ ៥៧,២ ភាគរយ ធៀបនឹងរយៈពេលដូចគ្នាកាលពីឆ្នាំមុន។ ក្នុងនោះ ប្រភេទសំណង់លំនៅដ្ឋាន មាន ៣ ០១៨ គម្រោង […]
អានបន្ថែម
ត្រឹមខែធ្នូ ឆ្នាំ២០២២ បរធនបាលកិច្ច ៣០០ប្រតិបតិ្តការ បានចុះបញ្ជីមានតម្លៃប្រមាណ ៤២៦លានដុល្លារ
គិតត្រឹមថ្ងៃទី១៦ ខែធ្នូ ឆ្នាំ២០២២ ប្រតិបតិ្តការបរធនបាលកិច្ចចំនួន ៣០០ករណី បានចុះបញ្ជីជាមួយនិយ័តករបរធនបាលកិច្ច ដែលមានទំហំបរធនប្រមាណ ៤២៦លានដុល្លារអាមេរិក។ នេះបើតាមកិច្ចប្រជុំស្តីពីបរធនបាលកិច្ចប្រចាំឆ្នាំ២០២២ កាលពីថ្ងៃទី១៦ ខែធ្នូ ឆ្នាំ២០២២។ ចំនួនចុះបញ្ជីនេះ បានកើនឡើងគួរឱ្យកត់សម្គាល់ ដោយបានកើនពីចំនួន ១៧ករណី ជាមួយនឹងទំហំបរធនប្រមាណជា ១៥៦លានដុល្លារ នៅឆ្នាំ ២០២១ ដែលបង្ហាញពីភាពរីកចម្រើនយ៉ាងឆាប់រហ័សនៃវិស័យបរធនបាលកិច្ចនៅកម្ពុជា។ បើតាមច្បាប់ស្តីពីបរធនបាលកិច្ចឆ្នាំ២០១៩ បរធនបាលកិច្ច សំដៅដល់ ការគ្រប់គ្រង និងចាត់ចែងបរធនដែលផ្តល់ដោយបរធនបាលទាយក សម្រាប់ជាប្រយោជន៍ដល់អត្ថគាហកៈ ដោយអនុលោមតាមលិខិតបរធនបាលកិច្ច ឬ បទប្បញ្ញត្តិជាធរមាន។ ក្នុងនោះផងដែរ បរធន សំដៅដល់ទ្រព្យសម្បត្តិ ឬមូលនិធិដែលបានផ្ទេរទៅឱ្យបរធនបាលគ្រប់គ្រង និងចាត់ចែងសម្រាប់ ជាប្រយោជន៍ដល់អត្ថគាហកៈ។ ក្នុងការអភិវឌ្ឍវិស័យបរធនបាលកិច្ច អាជ្ញាធរសេវាហិរញ្ញវត្ថុមិនមែនធនាគារ ក៏បានកំណត់លក្ខខណ្ឌ និងនីតិវិធីទទួលស្គាល់ក្រុមហ៊ុនវាយតម្លៃ និងអ្នកជំនាញវាយតម្លៃអចលនវត្ថុ ក្នុងវិស័យបរធនបាលកិច្ច ក្រោយទទួលបានអាជ្ញាបណ្ណពីនិយ័តករបរធនបាលកិច្ច (ន.ប.ធ) ផងដែរ។ (អានបន្ថែម)
អានបន្ថែម
ក្រុមហ៊ុនជីប ម៉ុង បើកការដ្ឋានសង់គម្រោងដ៏ធំ និងផ្សារទំនើបថ្មីមួយទៀតនៅផ្លូវ50M
កាលពីព្រឹកថ្ងៃទី១៨ ខែធ្នូ ឆ្នាំ២០២២ ក្រុមហ៊ុន ជីប ម៉ុង លែន និង ក្រុមហ៊ុន ជីប ម៉ុង រីថែល បានរួមគ្នាប្រារព្ធកម្មវិធីបញ្ចុះបឋមសិលាបើកការដ្ឋានសាងសង់ គម្រោង ផាកលែន ៥០M ទី III និងផ្សារទំនើប ជីប ម៉ុង ៥០M ដែលមានទីតាំងស្ថិតនៅលើផ្លូវព្រៃសចំងាយត្រឹមតែ១០នាទី ពីច្រមុះជ្រូកស្ទឹងមានជ័យ បត់ស្តាំតាមស្តុបផ្សារ ចំការដូង។ កម្មវិធីបញ្ចុះបឋមសិលាបើកការដ្ឋានសាងសង់រួមគ្នានេះ ធ្វើឡើងដើម្បីប្រកាសពី ការមកដល់និងដំណើរការសាងសង់ផ្សារទំនើប ធំជាងគេក្នុងតំបន់ ជីប ម៉ុង ៥០M ម៉ល ក៏ដូចជាត្រៀមប្រកាសកម្មវិធីបើកលក់ជាផ្លូវការគម្រោងថ្មីផាកលែន ៥០M ទី III នៅដើមឆ្នាំ២០២៣ ខាងមុខនេះ ផងដែរ ។ គម្រោង ផាកលែន ៥០M ទី III នេះនឹងនាំមកជូននូវ ទីតាំងថ្មី ប្រភេទផ្ទះថ្មី និង មុខងារប្រើប្រាស់កាន់តែសម្បូរបែប ដែលនឹងធ្វើឱ្យអតិថិជន ទទួលបាននូវបទពិសោធន៍រស់នៅថ្មី […]
អានបន្ថែម
កម្ពុជាត្រូវការថាមពល៤៥%ប្រើក្នុងវិស័យសំណង់ ខណៈUNDPបានផ្តល់អនុសាសន៍សន្សំសំចៃ
កម្មវិធីអភិវឌ្ឍន៍របស់អង្គការសហប្រជាជាតិ (UNDP) បានផ្តល់ជាអនុសាសន៍ក្នុងការសន្សំសំចៃថាមពលក្នុងវិស័យសំណង់អគារតាមរយៈយុទ្ធសាស្ត្រ និងបទប្បញ្ញត្តិមួយចំនួន ខណៈវិស័យនេះនៅកម្ពុជាត្រូវការប្រើប្រាស់ថាមពលប្រមាណ ៤៥% នៃតម្រូវការថាមពលបឋមសរុបរបស់ជាតិ។ UNDP បានជួយគាំទ្រដល់ការបង្កើតក្រមប្រសិទ្ធិភាពថាមពលសម្រាប់សំណង់អគារ ផែនទីបង្ហាញផ្លូវឆ្ពោះទៅរកការបញ្ចេញកាបូនទាប និងធន់នឹងអាការធាតុនៅក្នុងវិស័យសំណង់អគារ ព្រមទាំងលក្ខខណ្ឌ និងបទប្បញ្ញត្តិផ្សេងទៀត ដើម្បីការអភិវឌ្ឍដែលបញ្ចេញកាបូនទាប។ ក្នុងនោះ UNDP បានផ្តល់ជាអនុសាសន៍ក្នុងការសន្សំសំចៃថាមពល ក្នុងវិស័យសំណង់អគាររួមមាន៖ -ការសិក្សាគម្រោងប្លង់សំណង់អគារដែលមានយុទ្ធសាស្ត្រដាក់បង្អួចដែលកំណត់បរិមាណកំដៅចូលទៅក្នុងអគារ -ការរចនាប្លង់សំណង់អគារដែលធ្វើឱ្យមានពន្លឺធម្មជាតិចេញចូលបាន -ពណ៌នៃផ្នែកខាងក្រៅនៃអគារ ដើម្បីកាត់បន្ថយការស្រូបកម្តៅ -ការប្រើដំបូលសម្រាប់ទាញយកថាមពលពីពន្លឺព្រះអាទិត្យ -ការគ្រប់គ្រងដោយស្វ័យប្រវត្តិ ដើម្បីកំណត់ការប្រើប្រាស់ម៉ាស៊ីនត្រជាក់នៅពេលគ្មានវត្តមានមនុស្សនៅ -អគារដែលអាចកាត់បន្ថយការបាត់បង់ភាពត្រជាក់ -និងបង្កើនការយល់ដឹងអំពីអត្ថប្រយោជន៍ទាក់ទងនឹងប្រសិទ្ធភាពថាមពល។ ជាមួយគ្នានេះផងដែរ ការអនុវត្តដំណោះស្រាយប្រសិទ្ធភាពថាមពលនៅក្នុងអគារ តាមរយៈការសិក្សាគម្រោងប្លង់ ការច្នៃប្រឌិត ការប្រើប្រាស់ត្រឹមត្រូវ និងការគ្រប់គ្រងថាមពល គឺជាការវិនិយោគល្អឥតខ្ចោះមួយដែលសមនឹងតម្លៃ ដែលនាំឱ្យមានការកាត់បន្ថយការប្រើប្រាស់ថាមពល និងចំណាយ។ ការបង្កើនប្រសិទ្ធភាពថាមពលទូទាំងប្រទេស នឹងផ្តល់ជាអត្ថប្រយោជន៍យ៉ាងច្រើនដល់សេដ្ឋកិច្ច ដែលធ្វើបានតាមរយៈការពង្រីកថាមពលកកើតឡើងវិញផងដែរ។ បើតាមគោលនយោបាយជាតិស្តីពីប្រសិទ្ធភាពថាមពល ឆ្នាំ២០២២ បានឱ្យដឹងថា គោលនយោបាយនេះ នឹងនាំមកនូវប្រសិទ្ធភាពថាមពលតាមរយៈវិស័យផ្សេងក្នុងសេដ្ឋកិច្ច និងការពង្រឹងសុវត្ថិភាមពល ឱ្យដូចគ្នាទៅនឹង ១ឯកតានៃការសន្សំអគ្គិសនីស្មើនឹង ១ឯកតានៃការបង្កើតអគ្គិសនី។ មួយវិញទៀត គេត្រូវការថវិកាប្រមាណ ៣ពាន់លានដុល្លារអាមេរិក ក្នុងការវិនិយោគដោយប្រើប្រាស់វិធានការប្រសិទ្ធភាពថាមពល ដែលអាចសន្សំថាមពលបានរហូតដល់ទៅ ១២.៥០ថេរ៉ាវ៉ាត់ម៉ោង (1TWh […]
អានបន្ថែម
បារាំងនឹងជួយពង្រីកព្រលានយន្តហោះអន្តរជាតិខេត្តព្រះសីហនុ ដើមឆ្នាំ២០២៣
បារាំងសន្យានឹងជួយកម្ពុជាពង្រីកទ្រង់ទ្រាយធំលើគម្រោងព្រលានយន្តហោះអន្តរជាតិខេត្តព្រះសីហនុ នៅដើមឆ្នាំ២០២៣ ខាងមុខនេះ។ នេះបើតាមខ្លឹមសារជំនួបរវាង សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក Nicolas Notebeart អគ្គនាយកក្រុមហ៊ុន Vinci Airports របស់បារាំង ដែលជាក្រុមហ៊ុនអភិវឌ្ឍ និងប្រតិបត្តិការអាកាសយានដ្ឋានខេត្តព្រះសីហនុប នៅថ្ងៃទី១៦ ខែធ្នូ ២០២៣។ នាឱកាសនោះ អគ្គនាយកក្រុមហ៊ុន Vinci Airports លោក នីកូឡាស ក៏បានថ្លែងអំណរគុណយ៉ាងជ្រាលជ្រៅរាជរដ្ឋាភិបាលកម្ពុជា ដែលតែងតែផ្តល់សេចក្តីទុកចិត្តដល់ក្រុមហ៊ុន Vinci ចំពោះភាពជាដៃគូឈ្នះឈ្នះជាមួយនឹងរាជរដ្ឋាភិបាល ចាប់តាំងពីទសវត្សរ៍ឆ្នាំ១៩៩០ រហូតមកទល់នឹងពេលបច្ចុប្បន្នផងដែរ។ ជាមួយគ្នានោះដែរ សម្តេចតេជោ ហ៊ុន សែន ក៏បានអបអរសាទរដល់ក្រុមហ៊ុន Vinci Airports ដែលនាពេលបច្ចុប្បន្ននេះ ទទួលបានកិច្ចសន្យាសម្បទានគ្រប់គ្រងព្រលានយន្តហោះជាង៥០ នៅក្នុងទ្វីបអាស៊ី អឺរ៉ុប និងអាមេរិក ដោយសារបានប្រើប្រាស់គម្រូកិច្ចសន្យាសម្បទាននៅកម្ពុជាដែលកិច្ចសន្យាដំបូងគេបង្អស់ និងគម្រោងពង្រីកទ្រង់ទ្រាយធំព្រលានយន្តហោះ អន្តរជាតិ ខេត្តព្រះសីហនុ ដែលនឹងចាប់ផ្តើមនៅដើមឆ្នាំ២០២៣ខាងមុខ។ គួរបញ្ជាក់ដែរថា នៅដើមខែធ្នូ ឆ្នាំ២០២១កន្លងទៅ សម្ដេចតេជោ ហ៊ុន សែន […]
អានបន្ថែម
សម្តេចតេជោទាក់ទាញក្រុមហ៊ុនបារាំងឱ្យមកវិនិយោគលើវិស័យសំខាន់ៗទាំងនេះនៅកម្ពុជា
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានអំពាវនាវ ក្រុមហ៊ុនបារាំង មកធ្វើការសិក្សាស្វែងយល់ និងបណ្តាក់ទុនវិនិយោគនៅកម្ពុជាដើម្បីទាញយកប្រយោជន៍ជាអតិប្បរមាពីកិច្ចសហប្រតិបត្តិការទ្វេភាគី និងពហុភាគីនានា ពិសេសក្នុងវិស័យកែច្នៃចំណីអាហារ វិស័យវេជ្ជសាស្រ្តនិងឧសថ វិស័យកម្មន្តសាលធុនស្រាល និងវិស័យយានយន្តជាដើម។ សម្តេចតេជោនាយករដ្ឋមន្រ្តីលើកឡើងបែបនេះក្នុងកិច្ចប្រជុំមួយរៀបចំឡើងដោយ សហព័ន្ធនិយោជកបារាំងអន្តរជាតិក្នុងទីក្រុងប៉ារីសប្រទេសបារាំងកាលពីថ្ងៃទី១៣ ខែធ្នូ។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេសនិងកិច្ចសហប្រតិបត្តិការអន្តរជាតិ ចេញផ្សាយកាលពីថ្ងៃទី១៥។ ក្នុងកិច្ចប្រជុំខាងលើនេះប្រមុខរាជរដ្ឋាភិបាលកម្ពុជាបានធ្វើបទអន្តរាគមន៍បង្ហាញដល់ធុរជន និងវិនិយោគិន ប្រធាន និងជាដំណាងក្រុមហ៊ុនបារាំង អំពីលទ្ធភាពដែលកម្ពុជាអាចងើបចេញពីវិបត្តិ Covid-19 ទាំងនេះ បានយ៉ាងឆាប់រហ័ស ដោយរក្សាបាននូវភាពធន់នៃសេដ្ឋកិច្ច និងដែលបានអនុញ្ញាតឱ្យកម្ពុជានៅតែអាចឈរជើងជាគោលដៅវិនិយោគដ៏មានសក្តានុពលមួយក្នុងតំបន់។ បន្ថែមពីលើនេះ សម្តេចតេជោ បានធានាជូនវិនិយោគិនគ្រប់រូបនូវបរិយាកាសវិនិយោគប្រកបដោយភាពអំណោយផល ជាពិសេស សន្តិភាព សន្តិសុខ និងស្ថិរភាពនយោបាយ ក៏ដូចជាស្ថិរភាពម៉ាក្រូសេដ្ឋកិច្ច និងក្របខណ្ឌច្បាប់ ដោយប្រកបដោយប្រសិទ្ធភាព តម្លាភាព គណនេយ្យភាព និងភាពអាចប៉ាន់ប្រមាណបាន។ គួរបញ្ជាក់ថា ប្រទេសបារាំង គឺជាអ្នកវិនិយោគដ៏សំខាន់មួយនៅក្នុងប្រទេសកម្ពុជា អំឡុងពេលការកសាងប្រទេសឡើងវិញនៅដើមទសវត្សរ៍ឆ្នាំ 1990 ដូចជាសាងសង់ព្រលានយន្តហោះ មន្ទីរពេទ្យ ផ្លូវថ្នល់ និងសាលារៀន។ បច្ចុប្បន្ន វិនិយោគិនបារាំង ផ្តោតកាន់តែខ្លាំងលើហេដ្ឋារចនាសម្ព័ន្ធទន់ និងការអភិវឌ្ឍន៍សមត្ថភាពមនុស្ស។
អានបន្ថែម
ទីលានទុកដាក់សំរាមលក្ខណៈស្តង់ដារ នៅខេត្តស្វាយរៀង ចាប់ផ្តើមសាងសង់ជាផ្លូវការហើយ
ទីលានទុកដាក់សំរាម សំណល់រឹង ដែលមានលក្ខណៈស្តង់ដារ តាមបទដ្ឋានបច្ចេកទេស នៅក្នុងខេត្តស្វាយរៀង បានបើកការដ្ឋានសាងសង់ជាផ្លូវការ នៅថ្ងៃទី១៦ ខែធ្នូ ក្រោមវត្តមា ឯកឧត្តម ចាយ សាមិត្ត រដ្ឋលេខាធិការក្រសួងបរិស្ថាន និងភាគីពាក់ព័ន្ធ។ ឯកឧត្តម ចាយ សាមិត្ត បានឱ្យដឹងថា ទីលានទុកដាក់សំរាមសំណល់រឹងនេះ មានទីតាំងស្ថិតនៅភូមិ អកនាគ សង្កាត់សង្ឃ័រ ក្រុងស្វាយរៀង ខេត្តស្វាយរៀង។ ទីលាននេះ ត្រូវបានសាងសង់ឡើងនៅលើផ្ទៃក្រឡា ៤៦២០០ម៉ែត្រការ៉េ ខណៈទីលានទុកដាក់សំរាមនេះ នឹងអាចផ្តល់ផលដល់ការប្រើប្រាស់ និងការគ្រប់គ្រងសំរាម សម្រាប់ភូមិសាស្រ្តក្រុង-ស្រុក ចំនួន៤ នៃខេត្តស្វាយរៀង រួមមាន៖ ក្រុងស្វាយរៀង ស្រុករំដួល ស្រុកស្វាយទាប និងស្រុកស្វាយជ្រុំ។ ទីលានទុកដាក់សំរាម សំណល់រឹង ខេត្តស្វាយរៀង គ្រោងនឹងចំណាយពេលសាងសង់ប្រមាណ ១២ខែ។ គួររម្លឹកដែរថា ក្រសួងបរិស្ថានធ្លាប់បានបង្ហាញឱ្យដឹងថា គិតត្រឹមឆ្នាំ២០១៥ នៅលើសាកលលោក មានការផលិតប្លាស្ទិកដែលជាប្រភេទសំណល់រឹង សរុបប្រមាណ ៨,៣ពាន់លានតោន ហើយផលិតផលប្លាស្ទិកជាង៤០០លានតោន ត្រូវបានផលិតជារៀងរាល់ឆ្នាំ។ ក្នុងនោះ សំណល់ប្លាស្ទិកដែលប្រមូលបាន មានត្រឹមតែ៩ភាគរយប៉ុណ្ណោះ […]
អានបន្ថែម
ក្រុមហ៊ុន Pestech និង AIG សហការគ្នាលើគម្រោងអភិវឌ្ឍន៍គម្រោងសូឡា
ក្រុមហ៊ុន Pestech (Cambodia) Plc (PCL) ចុះបញ្ជីក្នុងផ្សារមូលបត្រកម្ពុជា និងជាក្រុមហ៊ុនបុត្រសម្ព័ន្ធក្រុមហ៊ុន International Bhd ម៉ាឡេស៊ី បានចុះMoU ជាមួយក្រុមហ៊ុន Attwood Investment Group Co Ltd (AIG) លើកិច្ចសហប្រតិបត្តិការអភិវឌ្ឍន៍គម្រោងសិក្សាសមិទ្ធិលទ្ធចំនួនពីរទាក់ទងនឹងការកសាងសង់ហេដ្ឋារចនាសម្ព័ន្ធសូឡា នៅកម្ពុជា។ ក្នុងលិខិតប្រកាសដាក់ទៅផ្សារមូលបត្រម៉ាឡាស៊ី កាលពីថ្ងៃទី១៥ ក្រុមហ៊ុន និយាយថា គម្រោងសិក្សាសមិទ្ធិលទ្ធលើការកសាងហេដ្ឋារចនាសម្ព័ន្ធសូឡា ស្ថិតនៅខេត្តប៉ៃលិន ដែលហេដ្ឋារចនាសម្ព័ន្ធសូឡានេះ នឹងត្រូវប្រើសម្រាប់ផ្គត់ផ្គង់អគ្គិសនីទៅក្រុមហ៊ុន MSP Development Co Ltd ដើម្បីចែកចាយលក់រាយទៅកាន់អ្នកប្រើប្រាស់ និងគម្រោងសូឡាលើដំបូល ស្ថិតក្នុងតំបន់សេដ្ឋកិច្ចពិសេសស្ទឹងហាវ ខេត្តព្រះសីហនុ។ ក្រុមហ៊ុន Pestech លើកឡើងថា អនុស្សារណយោគយល់គ្នានេះ នឹងអនុញ្ញាតឱ្យក្រុមហ៊ុន ក្រុមហ៊ុន PCL ចូលរួមចំណែក និងពង្រឹងបទពិសោធន៍របស់ខ្លួនលើថាមពលកកើតឡើងវិញ ខណៈដែលក្រុមហ៊ុនផ្តោតលើការអភិវឌ្ឍប្រកបដោយចីរភាព។ ក្រុមហ៊ុនបាននិយាយថា៖ “គោលបំណងនៃការសិក្សាសមិទ្ធិលទ្ធភាព គឺផ្តល់ជូនទាំងថាមពលស្អាត និងតម្លៃដែកមានការប្រកួតប្រជែងទីផ្សារដល់អតិថិជន ខណៈពេលដែលផ្តល់ឱ្យវិនិយោគិនសក្តានុពលនូវប្រាក់ចំណូលដែលបានកែតម្រូវហានិភ័យផ្អែកលើទីផ្សារ” ។ ក្រុមហ៊ុន PCL […]
អានបន្ថែម
កម្ពុជាត្រូវការថវិកាប្រមាណ ៥០០លាន ទៅ ២ពាន់លានដុល្លារ ដើម្បីកាត់បន្ថយឧស្ម័នផ្ទះកញ្ចក់
កម្ពុជាត្រូវការហិរញ្ញប្បទានប្រមាណ ៥០០លានដុល្លារ រហូតដល់ជិត ២ពាន់លានដុល្លារអាមេរិកក្នុងមួយឆ្នំា នៅឆ្នំា២០៥០ សម្រាប់អនុវត្តផែនការយុទ្ធសាស្រ្សមួយចំនួន ដើម្បីកាត់បន្ថយការបញ្ចេញឧស្ម័នផ្ទះកញ្ចក់។ នេះបើតាមការលើកឡើងរបស់ ឯកឧត្តម ទិន ពន្លក រដ្ឋលេខាធិការក្រសួងបរិស្ថាន ក្នុងកិច្ចប្រជុំពិភាក្សាអំពីការវាយតម្លៃផ្នែកម៉ាក្រូសេដ្ឋកិច្ច និងការវាយតម្លៃហានិភ័យអាកាសធាតុ និងផលវិបាកម៉ាក្រូសេដ្ឋកិច្ច ជាមួយក្រុមបេសកម្មរបស់ទីភ្នាក់ងារបារាំងសំរាប់អភិវឌ្ឍន៍(AFD) កាលពីថ្ងៃទី១៥ ខែធ្នូ ឆ្នាំ២០២២។ ចំនួនហិរញ្ញប្បទាននេះ នឹងត្រូវប្រើសម្រាប់អនុវត្តគោលនយោបាយ និងផែនការយុទ្ធសាស្ត្រមួយចំនួន ដើម្បីឆ្លើយតបនឹងការប្រែប្រួលអាកាសធាតុ ដូចជា CCSP(2014-2023) យុទ្ធសាស្ត្ររយៈពេលវែង(LTS4CN) NDC ដោយផ្តោតសំខាន់លើការកាត់បន្ថយការបញ្ចេញឧស្ម័ន និងការបន្សុំា។ ទន្ទឹមនឹងនេះ ក្នុងការកាត់បន្ថយការបញ្ចេញឧស្ម័នផ្ទះកញ្ចក់ កម្ពុជាក៏បានលើកទឹកចិត្តឱ្យមានការចូលរួមពីគ្រប់ភាគីពាក់ព័ន្ធ ស្ថាប័នសិក្សាស្រាវជ្រាវ និងវិស័យឯកជន ដើម្បីជំរុញសកម្មភាពអាកាសធាតុនៅកម្ពុជា។ ចំពោះការវិនិយោគរបស់វិស័យឯកជន ជាការចូលរួមលើគម្រោងឆ្លើយតបនឹងការប្រែប្រួលអាកាសធាតុ និងបច្ចេកវិទ្យាបរិស្ថាន/បៃតង នៅក្នុងវិស័យសំខាន់នៃសេដ្ឋកិច្ចជាតិ ដែលអាចរួមចំណែកដល់ការអភិវឌ្ឍប្រកបដោយចីរភាព លើកកម្ពស់ជីវភាពប្រជាជន។ ក្នុងជំនួបជាមួយនឹងទីភ្នាក់ងារបារាំងសំរាប់អភិវឌ្ឍន៍ (AFD) នេះ កម្ពុជាបានស្នើឱ្យភាគីបារាំងពិចារណាអំពីការបង្កើនហិរញ្ញប្បទានបៃតង/ហិរញ្ញប្បទានអាកាសធាតុ នៅក្នុងក្របខ័ណ្ឌកិច្ចសហប្រតិបត្តិការទ្វេភាគីផងដែរ។
អានបន្ថែម
កម្ពុជា-កូរ៉េ ប្តេជ្ញាបង្កើតកម្មវិធីអគារបៃតង ដើម្បីជំរុញឱ្យមានអព្យាក្រឹត្យកាបូនត្រឹមឆ្នាំ២០៥០
ក្រសួងបរិស្ថាន និងវិទ្យាស្ថានវិស្វកម្មស៊ីវិល និងបច្ចេកវិទ្យាសំណង់កូរ៉េ បានប្រកាសប្តេជ្ញាថា នឹងពង្រឹងកិច្ចសហការលើកម្មវិធីពាក់ព័ន្ធនឹងអគារបៃតងទ្វេភាគីបន្ថែមទៀត ដើម្បីឆ្ពោះទៅរកសេដ្ឋកិច្ចបៃតង ព្រមទាំងជំរុញឱ្យមានអព្យាក្រឹត្យកាបូនត្រឹមឆ្នាំ២០៥០។ នេះបើតាមការប្រកាសរបស់ក្រសួងបរិស្ថាន នៅថ្ងៃទី១៥ ខែធ្នូ ២០២២។ គួបញ្ជាក់ថា លោកជំទាវ ងិន លីណា អគ្គនាយិការង នៃអគ្គនាយកដ្ឋានគោលនយោបាយ និងយុទ្ធសាស្រ្ត នៃក្រសួងបរិស្ថាន បានឱ្យដឹងថា ប្រតិភូកម្ពុជាជាមួយលោកប្រធានវិទ្យាស្ថានវិស្វកម្មស៊ីវិល និងបច្ចេកវិទ្យាសំណង់កូរ៉េ និងសហការី បានពិគ្រោះយោបល់ និងចែករំលែកបទពិសោធន៍លើការរៀបចំការអនុវត្តអគារបៃតង និងស្លាកសញ្ញាបៃតង សំដៅពង្រឹងកិច្ចសហការលើវិស័យអគារបៃតងបន្ថែមទៀត។ ជាងនេះទៀត គណៈប្រតិភូកម្ពុជា ក៏បានពិភាក្សាជាមួយតំណាងក្រសួងរៀបចំដែនដី ហេដ្ឋារចនាសម្ព័ន្ធ និងដឹកជញ្ជូន និងក្រសួងការបរទេសកូរ៉េ ពីវឌ្ឍនភាពការងារអគារបៃតងកម្ពុជា ផែនការបន្ត និងស្វែងរកលទ្ធភាពសហការបន្តលើការងារអភិវឌ្ឍន៍បៃតង ដើម្បីឈានទៅសម្រេចតាមការប្តេជ្ញាចិត្តរបស់រដ្ឋាភិបាលកម្ពុជា ក្នុងការឈានទៅរកអព្យាក្រឹត្យកាបូននៅឆ្នាំ២០៥០។ ទន្ទឹមនឹងនេះផងដែរ គណៈប្រតិភូកម្ពុជាបានឱ្យដឹងដែរថា បច្ចុប្បន្ន ក្រសួងបរិស្ថាន បានបញ្ចប់សេចក្តីព្រាងគោលការណ៍ណែនាំនិងវិញ្ញាប័ត្រកម្មអគារបៃតង និងបានផ្តល់ការបណ្តុះបណ្តាល និងលើកកម្ពស់ការយល់ដឹងស្តីពីអគារបៃតង ដល់អន្តរក្រសួង សមាគមសាងសង់ ក្រុមហ៊ុនអចលនទ្រព្យ និងអ្នកពាក់ព័ន្ធ។ ក្រសួងបរិស្ថាន នឹងប្រកាសគោលការណ៍ណែនាំនេះអោយប្រើប្រាស់ជាផ្លូវការ និងដាក់អោយអនុវត្តសាកល្បងសម្រាប់អាគារលំនៅដ្ឋាន និងអគារការិយាល័យនៅកម្ពុជា នាពេលខាងមុខឆាប់ៗនេះ៕
អានបន្ថែម