កម្ពុជាត្រូវការថវិកាប្រមាណ ៥០០លាន ទៅ ២ពាន់លានដុល្លារ ដើម្បីកាត់បន្ថយឧស្ម័នផ្ទះកញ្ចក់
កម្ពុជាត្រូវការហិរញ្ញប្បទានប្រមាណ ៥០០លានដុល្លារ រហូតដល់ជិត ២ពាន់លានដុល្លារអាមេរិកក្នុងមួយឆ្នំា នៅឆ្នំា២០៥០ សម្រាប់អនុវត្តផែនការយុទ្ធសាស្រ្សមួយចំនួន ដើម្បីកាត់បន្ថយការបញ្ចេញឧស្ម័នផ្ទះកញ្ចក់។ នេះបើតាមការលើកឡើងរបស់ ឯកឧត្តម ទិន ពន្លក រដ្ឋលេខាធិការក្រសួងបរិស្ថាន ក្នុងកិច្ចប្រជុំពិភាក្សាអំពីការវាយតម្លៃផ្នែកម៉ាក្រូសេដ្ឋកិច្ច និងការវាយតម្លៃហានិភ័យអាកាសធាតុ និងផលវិបាកម៉ាក្រូសេដ្ឋកិច្ច ជាមួយក្រុមបេសកម្មរបស់ទីភ្នាក់ងារបារាំងសំរាប់អភិវឌ្ឍន៍(AFD) កាលពីថ្ងៃទី១៥ ខែធ្នូ ឆ្នាំ២០២២។ ចំនួនហិរញ្ញប្បទាននេះ នឹងត្រូវប្រើសម្រាប់អនុវត្តគោលនយោបាយ និងផែនការយុទ្ធសាស្ត្រមួយចំនួន ដើម្បីឆ្លើយតបនឹងការប្រែប្រួលអាកាសធាតុ ដូចជា CCSP(2014-2023) យុទ្ធសាស្ត្ររយៈពេលវែង(LTS4CN) NDC ដោយផ្តោតសំខាន់លើការកាត់បន្ថយការបញ្ចេញឧស្ម័ន និងការបន្សុំា។ ទន្ទឹមនឹងនេះ ក្នុងការកាត់បន្ថយការបញ្ចេញឧស្ម័នផ្ទះកញ្ចក់ កម្ពុជាក៏បានលើកទឹកចិត្តឱ្យមានការចូលរួមពីគ្រប់ភាគីពាក់ព័ន្ធ ស្ថាប័នសិក្សាស្រាវជ្រាវ និងវិស័យឯកជន ដើម្បីជំរុញសកម្មភាពអាកាសធាតុនៅកម្ពុជា។ ចំពោះការវិនិយោគរបស់វិស័យឯកជន ជាការចូលរួមលើគម្រោងឆ្លើយតបនឹងការប្រែប្រួលអាកាសធាតុ និងបច្ចេកវិទ្យាបរិស្ថាន/បៃតង នៅក្នុងវិស័យសំខាន់នៃសេដ្ឋកិច្ចជាតិ ដែលអាចរួមចំណែកដល់ការអភិវឌ្ឍប្រកបដោយចីរភាព លើកកម្ពស់ជីវភាពប្រជាជន។ ក្នុងជំនួបជាមួយនឹងទីភ្នាក់ងារបារាំងសំរាប់អភិវឌ្ឍន៍ (AFD) នេះ កម្ពុជាបានស្នើឱ្យភាគីបារាំងពិចារណាអំពីការបង្កើនហិរញ្ញប្បទានបៃតង/ហិរញ្ញប្បទានអាកាសធាតុ នៅក្នុងក្របខ័ណ្ឌកិច្ចសហប្រតិបត្តិការទ្វេភាគីផងដែរ។
អានបន្ថែម
កម្ពុជា-កូរ៉េ ប្តេជ្ញាបង្កើតកម្មវិធីអគារបៃតង ដើម្បីជំរុញឱ្យមានអព្យាក្រឹត្យកាបូនត្រឹមឆ្នាំ២០៥០
ក្រសួងបរិស្ថាន និងវិទ្យាស្ថានវិស្វកម្មស៊ីវិល និងបច្ចេកវិទ្យាសំណង់កូរ៉េ បានប្រកាសប្តេជ្ញាថា នឹងពង្រឹងកិច្ចសហការលើកម្មវិធីពាក់ព័ន្ធនឹងអគារបៃតងទ្វេភាគីបន្ថែមទៀត ដើម្បីឆ្ពោះទៅរកសេដ្ឋកិច្ចបៃតង ព្រមទាំងជំរុញឱ្យមានអព្យាក្រឹត្យកាបូនត្រឹមឆ្នាំ២០៥០។ នេះបើតាមការប្រកាសរបស់ក្រសួងបរិស្ថាន នៅថ្ងៃទី១៥ ខែធ្នូ ២០២២។ គួបញ្ជាក់ថា លោកជំទាវ ងិន លីណា អគ្គនាយិការង នៃអគ្គនាយកដ្ឋានគោលនយោបាយ និងយុទ្ធសាស្រ្ត នៃក្រសួងបរិស្ថាន បានឱ្យដឹងថា ប្រតិភូកម្ពុជាជាមួយលោកប្រធានវិទ្យាស្ថានវិស្វកម្មស៊ីវិល និងបច្ចេកវិទ្យាសំណង់កូរ៉េ និងសហការី បានពិគ្រោះយោបល់ និងចែករំលែកបទពិសោធន៍លើការរៀបចំការអនុវត្តអគារបៃតង និងស្លាកសញ្ញាបៃតង សំដៅពង្រឹងកិច្ចសហការលើវិស័យអគារបៃតងបន្ថែមទៀត។ ជាងនេះទៀត គណៈប្រតិភូកម្ពុជា ក៏បានពិភាក្សាជាមួយតំណាងក្រសួងរៀបចំដែនដី ហេដ្ឋារចនាសម្ព័ន្ធ និងដឹកជញ្ជូន និងក្រសួងការបរទេសកូរ៉េ ពីវឌ្ឍនភាពការងារអគារបៃតងកម្ពុជា ផែនការបន្ត និងស្វែងរកលទ្ធភាពសហការបន្តលើការងារអភិវឌ្ឍន៍បៃតង ដើម្បីឈានទៅសម្រេចតាមការប្តេជ្ញាចិត្តរបស់រដ្ឋាភិបាលកម្ពុជា ក្នុងការឈានទៅរកអព្យាក្រឹត្យកាបូននៅឆ្នាំ២០៥០។ ទន្ទឹមនឹងនេះផងដែរ គណៈប្រតិភូកម្ពុជាបានឱ្យដឹងដែរថា បច្ចុប្បន្ន ក្រសួងបរិស្ថាន បានបញ្ចប់សេចក្តីព្រាងគោលការណ៍ណែនាំនិងវិញ្ញាប័ត្រកម្មអគារបៃតង និងបានផ្តល់ការបណ្តុះបណ្តាល និងលើកកម្ពស់ការយល់ដឹងស្តីពីអគារបៃតង ដល់អន្តរក្រសួង សមាគមសាងសង់ ក្រុមហ៊ុនអចលនទ្រព្យ និងអ្នកពាក់ព័ន្ធ។ ក្រសួងបរិស្ថាន នឹងប្រកាសគោលការណ៍ណែនាំនេះអោយប្រើប្រាស់ជាផ្លូវការ និងដាក់អោយអនុវត្តសាកល្បងសម្រាប់អាគារលំនៅដ្ឋាន និងអគារការិយាល័យនៅកម្ពុជា នាពេលខាងមុខឆាប់ៗនេះ៕
អានបន្ថែម
រដ្ឋនឹងផ្តល់កម្ចី ៩៩លានដុល្លារ ដល់អគ្គិសនីកម្ពុជាដើម្បីរក្សាតម្លៃភ្លើងកុំឱ្យឡើងថ្លៃ
ឆ្នាំ២០២៣ រាជរដ្ឋាភិបាលកម្ពុជា នឹងផ្តល់កម្ចីដល់អគ្គិសនីកម្ពុជាជាទឹកប្រាក់ចំនួន ៤០៦ ៥០០ ០០០ ០០០ រៀល ស្មើនឹងជាង ៩៩លានដុល្លារអាមេរិក ដើម្បីធានាស្ថិរភាពតម្លៃអគ្គិសនីកុំឱ្យលើសកម្រិតតម្លៃដែលកំពុងអនុវត្តបច្ចុប្បន្ន ជូនដល់ប្រជាពលរដ្ឋប្រើប្រាស់។ នេះបើតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣។ ថ្មីៗនេះ សម្តេចតេជោ ក៏បានបញ្ជាក់ផងដែរថា អគ្គសនីកម្ពុជា និងក្រសួងរ៉ែ និងថាមពល ត្រូវរក្សាតម្លៃអគ្គិសនីដោយមិនឱ្យតម្លើងថ្លៃឡើយ ខណៈដែលតម្លៃប្រេងក៏មិនអនុញ្ញាតឱ្យឯកជនតម្លើងថ្លៃតាមអំពើចិត្តនោះដែរ។ (អានបន្ថែម) ជាមួយគ្នានេះផងដែរ ក្នុងឆ្នាំ២០២៣ រដ្ឋាភិបាលគ្រោងនឹងខ្ចីប្រាក់ពីដៃគូផ្សេងៗចំនួន ១៧០០លានSDR សម្រាប់អភិវឌ្ឍវិស័យអាទិភាពចំនួន ៧។ (អានបន្ថែម) រដ្ឋាភិបាលក៏នឹងបោះផ្សាយលក់មូលបត្ររដ្ឋក្នុងកម្រិត ៨១៣ ០០០ ០០០ ០០០រៀល សើ្មនឹងជាង ១៩៨លានដុល្លារអាមេរិក ដើម្បីសងប្រាក់ដើមនៃការបោះផ្សាយមូលបត្ររដ្ឋឆ្នាំ២០២២។ មួយវិញទៀត ការលក់នេះ គឺដើម្បីធ្វើហិរញ្ញប្បទានលើគម្រោងវិនិយោគ ដែលអាចផ្ដល់ចំណូលដោយត្រង់មករាជរដ្ឋាភិបាល និងផ្តល់ផលរហ័សដើម្បីធានាប្រសិទ្ធភាពនៃការវិនិយោគ និងចីរភាពនៃការគ្រប់គ្រងបំណុល និងថវិកាជាតិ។ ដោយឡែក គិតត្រឹមត្រីមាសទី៣-២០២២ រដ្ឋប្រមូលបាន ១០លានដុល្លារ ពីការបោះផ្សាយមូលបត្ររដ្ឋ ដែលអាចឱ្យរាជរដ្ឋាភិបាលមានលទ្ធភាពបន្ថែមទៀតក្នុងការប្រមូលមូលនិធិ ដើម្បីបម្រើដល់ការអភិវឌ្ឍប្រទេស។ (អានបន្ថែម)
អានបន្ថែម
រូបសំណាក់ “រូបពីរ” ដំណាងសាមគ្គីភាពកម្ពុជា-បារាំង នឹងត្រូវសង់ឡើងវិញនៅភ្នំពេញ
រូបសំណាក់ “រូបពីរ” ឬ Monument aux Morts ជាភាសាបារាំង ដំណាងពីសាមគ្គីភាពរវាងកម្ពុជា និងបារាំង ដែលត្រូវបានវាយកម្ទេចចោល ក្នុងទសវត្សរ៍ឆ្នាំ១៩៧០ នឹងត្រូវសាងសង់ឡើងវិញ ស្ថិតនៅមុខស្ថានទូតបារាំង ក្បែរវង្វង់មូលគួចកានុង ស្ពានជ្រោយចង្វារ។ គម្រោងសាងសង់ឡើងវិញ រូបសំណាក់នេះ ត្រូវបានលើកឡើងដោយ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងជំនួបជាមួយប្រធានាធិបតីបារាំង Emmanuel Macron នាទីក្រុងបារីស កាលពីថ្ងៃទី១៣ ខែធ្នូ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា (AKP) នៅថ្ងៃទី១៤ ខែធ្នូ។ សម្តេចតេជោ លើកឡើងថា រូបសំណាកនេះត្រូវបានប្រទះឃើញ៣ថ្ងៃមុន ដំណើរសម្តេចតេជោទៅកាន់ប្រទេសបារាំង។ សម្តេចតេជោ បានថ្លែងថា៖«ខ្ញុំបានយល់ព្រមជាមួយរដ្ឋមន្ត្រីក្រសួងដែនដីនគរូបនីយកម្មរួចហើយ យើងនឹងកសាងរូបសំណាកនេះឡើងវិញ ដែលជានិមិត្តរូបនៃការសាមគ្គីភាពរវាងបារាំង និងកម្ពុជា ហើយដាក់នៅទល់មុខស្ថានទូតបារាំងតែម្ដង»។ សូមបញ្ជាក់ថា រូបសំណាកនេះ ត្រូវបានសាងសង់ក្នុងឆ្នាំ១៩២៥ ហើយត្រូវបានខ្មែរក្រហមវាយកម្ទេចចោលក្នុងឆ្នាំ ១៩៧៧។ សព្វថ្ងៃនេះចំណែកខ្លះស្ថិតនៅសារមន្ទីរជាតិ ក្រុងភ្នំពេញ។
អានបន្ថែម
បច្ចេកវិទ្យាថ្មីលាយដីនិងស៊ីម៉ងត៍ របស់កាណាដា អាចធើ្វឱ្យសំណង់កម្ពុជារឹងមាំជាងធម្មតា២-៣ដង
ក្រុមហ៊ុនឌូរ៉ាហ្លិច (Duraflex) និងក្រុមហ៊ុន QBT ដែលជាក្រុមហ៊ុនរបស់ប្រទេសកាណាដា បានបង្ហាញពីបច្ចេកវិទ្យាទំនើបថ្មីៗ របស់ខ្លួនក្នុងជួយគាំទ្រដល់គម្រោងសាងសង់សំណង់ការងារទឹក និងប្រព័ន្ធធារាសាស្រ្ត។ នេះបើតាមជំនួបជាមួយអគ្គនាយកដ្ឋានកិច្ចការបច្ចេកទេស នៃក្រសួងធនធានទឹក និងឧតុនិយម នៅថ្ងៃទី១៣ ខែធ្នូ ឆ្នាំ២០២២។ បើតាមការបង្ហាញរបស់ក្រុមហ៊ុនទាំងពីរ បច្ចេកវិទ្យាថ្មីៗទើបនេះ អាចធ្វើឱ្យសំណង់កាន់តែមានគុណភាពខ្ពស់ ចំណេញពេលវេលាសាងសង់ កាត់បន្ថយផលប៉ះពាល់បរិស្ថាន និងទទួលបានអត្ថប្រយោជន៍សេដ្ឋកិច្ចខ្ពស់។ ក្រុមហ៊ុនឌូរ៉ាហ្លិច (Duraflex) បានឱ្យដឹងថា ម្សៅ Duraflex ជាផលិតផលបច្ចេកវិទ្យាថ្មីសម្រាប់លាយជាមួយដី និងស៊ីម៉ងត៍ ដើម្បីធ្វើឲ្យរឹងមាំល្អ ដោយមិនចាំបាច់ប្រើប្រាស់ក្រួស សរសៃដែក និងខ្សាច់ សម្រាប់សំណង់ធារាសាស្ត្រ ក៏ដូចជាសំណង់ផ្សេងទៀត ដែលអាចជួយធ្វើ ឲ្យចំណេញថ្លៃដើម ពេលវេលា ជាពិសេសមិនប៉ះពាល់ដល់បរិស្ថានក្នុងបរិបទបម្រែបម្រួលអាកាសធាតុនេះ។ ទន្ទឹមនឹងនេះ ក្រុមហ៊ុន QBT បាននាំចូល និងចែកចាយនូវម្សៅ Xypex ជាផលិតផលបច្ចេកវិទ្យាថ្មីសម្រាប់លាយជាមួយទឹក និងស៊ីម៉ង់ ដែលកាន់តែធ្វើឱ្យគុណភាពបេតុងមានភាពធន់រឹងមាំ និងអាយុកាលវែងជាងធម្មតា ២-៣ដង និងជួយការពារជម្រាបទឹកបានល្អ ដែលអាចជួយឲ្យចំណេញលើការកាត់បន្ថយនូវការងារជួសជុលផងដែរ។ ក្នុងកិច្ចជំនួបនេះ ឯកឧត្តម ឈា ប៊ុនរិទ្ធ អគ្គនាយកកិច្ចការបច្ចេកទេស […]
អានបន្ថែម
ADB អនុម័តកម្មវិធីអភិវឌ្ឍន៍ ៧៣លានដុល្លារ ដើម្បីគាំទ្រកម្មវិធីអន្តរកម្មថាមពលនៅកម្ពុជា
ធនាគារអភិវឌ្ឍន៍អាស៊ី (ADB) បានអនុម័តកម្មវិធីអភិវឌ្ឍន៍តាមវិស័យមួយដែលរួមបញ្ចូលកម្ចីផ្អែកលើគោលនយោបាយ ៥០លានដុល្លារ និងការវិនិយោគគម្រោងចំនួន ២៣លានដុល្លារដើម្បីគាំទ្រអន្តរកម្មថាមពលរបស់ប្រទេសកម្ពុជា។ នេះបើយោងតាមសេចក្តីប្រកាសព័ត៌មានចេញផ្សាយនៅថ្ងៃទី១៥ខែវិច្ឆិកានេះ។ កម្មវិធីអភិវឌ្ឍន៍តាមវិស័យសម្រាប់អន្តរកម្មថាមពលនេះ រួមមានកញ្ចប់កំណែទម្រង់គោលនយោបាយដ៏ទូលំទូលាយដំបូងរបស់ ADB សម្រាប់វិស័យថាមពលនៅកម្ពុជាដែលនឹងត្រូវបានផ្តល់ហិរញ្ញប្បទានដោយប្រាក់កម្ចីចំនួន ៤០លានដុល្លារពីធនធានសម្បទានរបស់ ADB និងប្រាក់កម្ចីចំនួន ១០លានដុល្លារពីមូលនិធិហេដ្ឋារចនាសម្ព័ន្ធអាស៊ាន ដែលជាផ្នែកមួយនៃហិរញ្ញវត្ថុកាតាលីករបៃតងអាស៊ាន (ACGF)។ ក្នុងសេចក្ដីប្រកាសបានបញ្ជាក់ថា សម្រាប់ការវិនិយោគលើហេដ្ឋារចនាសម្ព័ន្ធចំនួន២៣លានដុល្លារនោះ កម្មវិធីបង្កើនថាមពលកកើតឡើងវិញសម្រាប់កម្ពុជារបស់មូលនិធិវិនិយោគអាកាសធាតុ នឹងផ្តល់ប្រាក់កម្ចីចំនួន ៦លានដុល្លារនិងជំនួយចំនួន ៥លានដុល្លារដែលជាហិរញ្ញប្បទានអាកាសធាតុ។ មូលនិធិអាកាសធាតុបៃតងនឹងបន្ថែមប្រាក់កម្ចីចំនួន ១២លានដុល្លារតាមរយៈកម្មវិធីការស្តាឡើងវិញបៃតងនៃហិរញ្ញវត្ថុកាតាលីករបៃតងអាស៊ាន។ ចំពោះថវិកាទាំងអស់នឹងត្រូវគ្រប់គ្រងដោយ ADB។ កម្មវិធីនេះ គាំទ្ររបៀបវារៈនៃអន្តរកម្មរថាមពលរបស់រាជរដ្ឋាភិបាលកម្ពុជាដើម្បីបង្កើនថាមពលកកើតឡើងវិញនិងប្រសិទ្ធភាពថាមពលនិងផ្លាស់ចេញពីឥន្ធនៈហ្វូស៊ីល។ គម្រោងនេះ បង្កើតការធ្វើផែនការនិងបទបញ្ញាតិ្តដោយប្រើទិន្នន័យសម្រាប់ប្រព័ន្ធថាមពលដើម្បីបង្កើនភាពបត់បែននិងភាពធន់ និងពង្រឹងការវិនិយោគហេដ្ឋារចនាសម្ព័ន្ធថ្មីសម្រាប់ការធ្វើផែនការយុទ្ធសាស្រ្ត ព្រមទាំងបង្ហាញពីបច្ចេកវិទ្យានិងគំរូអាជីវកម្មថ្មីៗ។ កម្មវិធីនេះបង្កើតឡើងផ្អែកលើភាពជោគជ័យសំខាន់ៗ ដែលបង្ហាញពីការផ្លាស់ប្តូរថាមពលកំពុងមានសកម្មភាព។ ប្រព័ន្ធដែលភ្ជាប់បណ្តាញថាមពលពន្លឺព្រះអាទិត្យដំបូងគេបង្អស់របស់ប្រទេសត្រូវបានជំរុញដោយវិស័យឯកជន និង ផ្តល់ហិរញ្ញប្បទានដោយ ADB ក្នុងឆ្នាំ២០១៦។ ដោយមានការគាំទ្របន្ថែមពី ADB ក្នុងឆ្នាំ២០១៨ រាជរដ្ឋាភិបាលបានរៀបចំផែនការមេថាមពលពន្លឺព្រះអាទិត្យនិងដាក់ឱ្យដំណើរការសួនថាមពលពន្លឺព្រះអាទិត្យដំបូងបង្អស់របស់ប្រទេសកម្ពុជាដែលមានសមត្ថភាព ១០០ មេហ្គាវ៉ាត់ ក្នុងឆ្នាំ២០១៩ ក្រោមវិធីសាស្រ្តភាពជាដៃគូរវាងវិស័យសាធារណៈ និងឯកជនដែលនាំឱ្យតម្លៃថាមពលពន្លឺព្រះអាទិត្យមានកម្រិតទាបបំផុតនៅក្នុងតំបន់នាពេលនោះ។ កាលពីដើមឆ្នាំនេះរាជរដ្ឋាភិបាលបានផ្តួចផ្តើមបង្កើតកម្មវិធីលទ្ធកម្មថាមពលពន្លឺព្រះអាទិត្យ២ ជីហ្គាវ៉ាត់ ជាមួយនឹងថ្មផ្ទុកដែលត្រូវបានគាំទ្រដោយADB ផងដែរ៕
អានបន្ថែម
កម្ពុជាសហការនិងសមាជិកឆ្នេរផ្សេងៗទៀត ដើម្បីជំរុញការអភិវឌ្ឍឆ្នេរឱ្យមាននិរន្តរភាព
កម្ពុជា នឹងខំពង្រីកកិច្ចសហការជាមួយសមាជិកឆ្នេរផ្សេងៗទៀត ដើម្បីធានាការអភិវឌ្ឍឆ្នេរសមុទ្ររបស់ខ្លួនបន្ថែមទៀត។ នេះបើតាមប្រសាសន៍របស់ឯកឧត្ដម ជា សុផារ៉ា រដ្ឋមន្ត្រីក្រសួងរៀបចំដែនដី នៅថ្ងៃទី១៣ ខែធ្នូ ២០២២។ ឯកឧត្ដមរដ្ឋមន្រ្តីបានលើឡើងថា ការចូលជាសមាជិកក្លិបឆ្នេរសមុទ្រដែលស្អាតបំផុតលើសាកលលោក ពិតជាជំរុញឱ្យមានរបត់ថ្មីនៃការប្រែមុខមាត់ជាបន្តបន្ទាប់របស់តំបន់សមុទ្រកម្ពុជា ទាំងលើទិដ្ឋភាពសង្គម-សេដ្ឋកិច្ច ទេសចរណ៍ នគរូបនីយកម្ម និងបរិស្ថាន ដែលជាកត្តាកំណត់លើការទទួលស្គាល់ជាអន្តរជាតិនៃឆ្នេរសមុទ្រកម្ពុជា។ លើសពីនេះ ឯកឧត្ដមបន្ថែមថា កម្ពុជានឹងខិតខំបំពេញបេសកកម្មមួយនេះប្រកបដោយការទទួលខុសត្រូវខ្ពស់ និងខំពង្រីកកិច្ចសហការផ្សេងៗរវាងឆ្នេរសមុទ្រកម្ពុជា និងឆ្នេរសមាជិកផ្សេងទៀត ដើម្បីធានា ការអភិវឌ្ឍឆ្នេរសមុទ្ររបស់ខ្លួន ពិសេសជួយជំរុញដំណើរការប្រកបដោយប្រសិទ្ធភាពរបស់លេខាធិការដ្ឋានក្លិបឆ្នេរសមុទ្រផងដែរ។ សូមជម្រាបដែរថា ឆ្នេរសមុទ្រកម្ពុជាត្រូវបានបញ្ចូលជាសមាជិកក្លិបឆ្នេរសមុទ្រដែលស្អាតបំផុតលើសាកលលោក ក្នុងឱកាសមហាសន្និបាតលើកទី៧របស់ក្លិបឆ្នេរនេះ កាលពីថ្ងៃទី២៦ ខែឧសភា ឆ្នាំ២០១១ នៅទីក្រុងតួបាគួតា ប្រទេសសេណេហ្គាល់ (Senegal) ក្រោមឈ្មោះរួមតែមួយគឺ «ឆ្នេរសមុទ្រកម្ពុជា Cambodia Bay» ហើយត្រូវបានប្រសិទ្ធនាមថា «ឆ្នេរសមុទ្រកម្ពុជា ឬ តារារះនាទិសនិរតី»៕
អានបន្ថែម
រដ្ឋកាត់ដីជិត ៦០០ហិកតា ជូនសហគមន៍ជនជាតិដើមភាគតិចចារាយក្នុងខេត្តរតនគិរី
រដ្ឋបានសម្រេចកាត់ដីទំហំជិត ៦០០ ហិកតា ដើម្បីធ្វើប្រទានកម្មជាកម្មសិទ្ធិសមូហភាពជូនសហគមន៍ជនជាតិដើមភាគតិចចារាយ ស្ថិតក្នុងភូមិប៉ាតាង ឃុំសសាន ស្រុកអូរយ៉ាដាវ ខេត្តរតនគិរី ព្រមទាំងផ្តល់សិទ្ធិជាកម្មសិទ្ធិលើក្បាលដីផងដែរ។ នេះបើតាមអនុក្រឹត្យលេខ ២២២ អនក្រ.បក ចុះថ្ងៃទី២៤ ខែតុលា ឆ្នាំ២០២២។ ចំពោះទំហំដីដែលកាត់នេះ ត្រូវបានកាត់ចេញពី ០២ទីតាំង ដោយកាត់ផ្ទៃដីទំហំ ១៨៩ ហិកតា ៧៤ អា និង ៥៥ សង់ទីអា ចេញពីដែនគម្របពឈើឆ្នាំ២០០២។ ដោយឡែក មួយទីតាំងទៀត គឺកាត់ផ្ទៃដីទំហំ ៤០១ ហិកតា ៧២ អា និង ១៦ សង់ទីអា ចេញពីសម្បទានដីសេដ្ឋកិច្ចក្រុមហ៊ុន ៧មករា ផារី។ ផ្ទៃដីដែលបានកាត់នេះ នឹងត្រូវធ្វើអនុបយោគជាដីឯកជនរបស់រដ្ឋសម្រាប់ផ្តល់សិទ្ធិជាកម្មសិទ្ធិសមូហភាពជូនសហគមន៍ជនជាតិដើមភាគតិចចារាយ ១សហគមន៍ មានចំនួន ៦៥គ្រួសារ លើក្បាលដីសរុប ២៧ក្បាលដី ដែលរួមមាន ដីលំនៅឋាន ២ក្បាលដី និងដីកសិកម្ម ២៥ក្បាលដី។
អានបន្ថែម
ADB ផ្តល់កម្ចីជិត ៦៣លានដុល្លារ ដល់កម្ពុជាកសាងហេដ្ឋារចនាសម្ព័ន្ធក្នុងខេត្ត៩
ធនាគារអភិវឌ្ឍន៍អាស៊ី (ADB) បានសម្រេចផ្តល់កញ្ចប់ថវិការចំនួន ៦២.៩ លានដុល្លារអាមេរិក ក្នុងការកសាងហេដ្ឋារចនាសម្ព័ន្ធក្នុងខេត្តចំនួន ០៩ របស់កម្ពុជា ដើម្បីជំរុញវិស័យសុខាភិបាល និងខ្សែសង្វាក់តម្លៃបសុសត្វ ពាណិជ្ជកម្ម និងផលិតកម្មបសុសត្វ។ នេះបើតាមសេចក្តីប្រកាសព័ត៌មានចុះថ្ងៃទី១៣ ខែធ្នូ ឆ្នាំ២០២២។ កញ្ចប់ថវិកានេះ ត្រូវបានផ្តល់សម្រាប់អនុវត្តគម្រោងធ្វើឱ្យប្រសើរឡើងខ្សែសង្វាក់ផលិតកម្ម និងសុខភាពបសុសត្វឆ្លងកាត់ព្រំដែនអនុតំបន់មហាទន្លេមេគង្គ។ ម្យ៉ាងទៀត កញ្ចប់ថវិកានេះក៏ត្រូវបានបែងចែកជាកម្ចីចំនួន ៥០លានដុល្លារអាមេរិក ដែលផ្តល់ដោយប្រភពសម្បទានរបស់ធនាគារ ADB និងជំនួយចំនួន ១២ លានដុល្លារអាមេរិក ទទួលបានពីមូលនិធិអភិវឌ្ឃន៍អាស៊ី (ADF) ព្រមទាំងជំនួយចំនួន ៩០០ ០០០ ដុល្លារអាមេរិក ដែលបានពីមូលនិធិប្រែប្រួលអាកាសធាតុ (CCF)។ ទន្ទឹមនឹងនេះ ធនាគារវិនិយោគហេដ្ឋារចនាសម្ព័ន្ធអាស៊ី (AIIB) ក៏នឹងផ្តល់កម្ចីប្រមាណ ៤៣លានដុល្លារអាមេរិក សម្រាប់អនុវត្តគម្រោងនេះ ដែលនឹងគ្រប់គ្រងដោយធនាគារ ADB។ តាមរយៈគម្រោងខាងលើ កញ្ចប់ថវិកានេះនឹងជួយដោយផ្ទាល់ដល់ ៤ម៊ឺនគ្រួសារ ក្នុងខេត្តកំពង់ចាម ឧត្តរមានជ័យ ព្រៃវែង ភ្នំពេញ សៀមរាប និងតាកែវ ដោយលើកកម្ពស់ការវិយោគក្នុងហេដ្ឋារចនាសម្ព័ន្ធសំខាន់ៗ សមត្ថភាពបច្ចេកទេស និងស្ថាប័ន ព្រមទាំងការរៀបចំគោលនយោបាយមួយចំនួន។ […]
អានបន្ថែម
៩ខែ-២០២២ រដ្ឋប្រើកម្ចីអស់ ១ពាន់លានដុល្លារ ក្នុងនោះ ៥៤%សម្រាប់ហេដ្ឋារចនាសម្ព័ន្ធ
គិតត្រឹមត្រីមាសទី១ ដល់ត្រីមាសទី៣ ឆ្នាំ២០២២ ក្នុងក្របខណ្ឌបំណុលសាធារណៈ រាជរដ្ឋាភិបាលបានដកសាច់ប្រាក់ពីឥណទានសម្បទាន ដែលបានចុះកិច្ចព្រមព្រៀងកន្លងមកចំនួន ១ពាន់លានដុល្លារអាមេរិក ដោយប្រើប្រាស់ជាក់ស្តែងលើវិស័យហេដ្ឋារចនាសម្ព័ន្ធ ៥៤% និងវិស័យផ្សេងទៀត (មិនមែនហេដ្ឋារចនាសម្ព័ន្ធ) ៤៦%។ នេះបើតាមព្រឹត្តិបត្រស្ថិតិបំណុលសាធារណៈកម្ពុជាលេខ១៦ ទិន្នន័យដំណាច់ត្រីមាសទី៣ ឆ្នាំ២០២២។ ត្រឹមរយៈពេល ៩ខែ ឆ្នាំ២០២២ នេះ សាច់ប្រាក់កម្ចីដែលបានដកប្រើប្រាស់សម្រាប់វិស័យហេដ្ឋារចនាសម្ព័ន្ធរួមមាន វិស័យដឹកជញ្ជូនចំនួន ២៥៤.១៩ លានដុល្លារអាមេរិក វិស័យថាមពលចំនួន ៧៥.២០ លានដុល្លារអាមេរិក វិស័យធារាសាស្ត្រចំនួន ១០១.៣៥ លានដុល្លារអាមេរិក វិស័យផ្គត់ផ្គង់ទឹកស្អាតចំនួន ៥១.៦៩ លានដុល្លារអាមេរិក និងហេដ្ឋរចនាសម្ព័ន្ធផ្សេងៗទៀតចំនួន ៦០.០៧ លានដុល្លារអាមេរិក។ ការដកសាច់ប្រាក់ជាក់ស្តែងសរុបចាប់ពីត្រីមាសទី១ រហូតដល់ត្រីមាសទៅ៣ នេះ មានកំណើនប្រមាណ ១៩% បើធៀបនឹងរយៈពេលដូចគ្នាកាលពីឆ្នាំទៅមុន។ ដោយឡែក ពីត្រីមាសទី១ ដល់ត្រីមាសទី៣ ឆ្នាំ២០២២ រាជរដ្ឋាភិបាលក៏បានចុះកិច្ចព្រមព្រៀងឥណទានសម្បទានថ្មីជាមួយដៃគូអភិវឌ្ឍន៍ចំនួន ១៧១៧,៩០ លានដុល្លារអាមេរិកផងដែរ ដោយកើនឡើងប្រមាណ ២៩៤% បើធៀបនឹងរយៈពេលដូចគ្នាកាលពីឆ្នាំមុន។ គួរបញ្ជាក់ដែរថា ក្នុងក្របខណ្ឌបំណុលសាធារណៈ ត្រឹមដំណាច់ត្រីមាសទី៣ ឆ្នាំ២០២២ […]
អានបន្ថែម
សម្តេច៖ ស្ពានភ្ជាប់ទៅផ្លូវល្បឿនលឿនភ្នំពេញ-បាវិត អ្នកដំណើរមិនចាំបាច់បង់ប្រាក់ទេ
សម្តេចតេជោ ហ៊ុន សែន បានបញ្ជាក់ឱ្យដឹងថា អ្នកដំណើរឆ្លងកាត់មិនចាំបាច់បង់ប្រាក់ប្រើប្រាស់ស្ពានតភ្ជាប់ពីផ្លូវជាតិលេខ១ ទៅល្វាឯម ដើម្បីភ្ជាប់ជាមួយផ្លូវល្បឿនលឿន ភ្នំពេញ-បាវិត នោះទេ ខណៈរដ្ឋត្រៀមនឹងបញ្ចេញថវិកា ២០០លានដុល្លារអាមេរិក ដើម្បីសាងសង់ស្ពាននេះ។ នេះបើតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយនឹងប្រជាពលរដ្ឋខ្មែរនៅទ្វីបអឺរ៉ុប កាលពីថ្ងៃទី១២ ខែធ្នូ ឆ្នាំ២០២២។ ការបញ្ជាក់នេះ ក្រោយសម្តេចបានមើលឃើញថា ការធ្វើដំណើរលើផ្លូវល្បឿនលឿន នឹងមានការបង់ប្រាក់ ដែលមានការលំបាកដល់ប្រជាពលរដ្ឋដែលប្រើប្រាស់ស្ពានភ្ជាប់ផ្លូវល្បឿនលឿន (ភ្ជាប់ពីផ្លូវជាតិលេខ១ ទៅល្វាឯម) ជាប្រចាំ ជាពិសេសដូចជាអ្នករត់ម៉ូតូឌុប រ៉ឺម៉កកង់បីជាដើម។ ដើម្បីដោះស្រាយបញ្ហានេះ សម្តេចតេជោ បានសម្រេចមិនឱ្យមានការបង់ប្រាក់ឡើយសម្រាប់អ្នកប្រើប្រាស់លើស្ពាន ភ្ជាប់ពីផ្លូវជាតិលេខ១ ទៅល្វាឯម ដែលជាស្ពានភ្ជាប់ជាមួយផ្លូវល្បឿនលឿន ភ្នំពេញ-បាវិតឡើយ។ គួរបញ្ជាក់ថា ផ្លូវល្បឿនលឿន ភ្នំពេញ-បាវិត មានប្រវែងសរុប ១៣៨ គីឡូម៉ែត្រ ដោយកាត់តាមខេត្តកណ្ដាល ព្រៃវែង និងស្វាយរៀង មុននឹងទៅដល់ច្រកទ្វារព្រំដែនបាវិត ដែលមានព្រំដែនជាមួយប្រទេសវៀតណាម ស្ថិតក្នុងគម្រោងចំណាយសរុប ១៦៣៨ លានដុល្លារអាមេរិក ។ គម្រោងផ្លូវល្បឿនលឿននេះផងដែរ នឹងចាប់ផ្ដើមបើកការដ្ឋានសាងសង់នៅពាក់កណ្ដាលឆ្នាំ២០២៣ ខាងមុខ។ […]
អានបន្ថែម
គិតត្រឹមត្រីមាសទី៣-២០២២ រដ្ឋប្រមូលបាន ១០លានដុល្លារ ពីការបោះផ្សាយមូលបត្ររដ្ឋ
រាជរដ្ឋាភិបាលកម្ពុជា បានប្រមូលទុនចំនួនប្រមាណ ១០.១៥ លានដុល្លារ ពីការបោះផ្សាយមូលបត្ររដ្ឋ គិតត្រឹមត្រីមាសទី៣ ឆ្នាំ២០២២នេះ។ “នៅក្នុងត្រីមាសទី៣ ឆ្នាំ២០២២នេះ រាជរដ្ឋាភិបាល បានបោះផ្សាយលក់មូលបត្ររដ្ឋសរុបចំនួន ៤១,៨ ប៊ីលានរៀល ត្រូវនឹងប្រមាណ ១០,១៥លានដុល្លារអាមេរិក” នេះយោងតាមព្រឹត្តិបត្រស្ថិតិបំណុលសាធារណៈកម្ពុជាចេញផ្សាយកាលពីពេលថ្មីៗនេះ។ ធនាគារជាតិនៃកម្ពុជា (NBC) បានធ្វើការបោះផ្សាយមូលបត្ររដ្ឋលើកទី ១ ជាផ្លូវការនៅក្នុងខែកញ្ញា ដើម្បីកៀរគរមូលនិធិប្រមាណ ៣០០ដុល្លារនៃផែនការបោះផ្សាយ។ ការបោះផ្សាយមូលបត្ររដ្ឋនេះនឹងអនុញ្ញាតឱ្យរដ្ឋាភិបាលមានលទ្ធភាពបន្ថែមទៀតក្នុងការប្រមូលមូលនិធិ ដើម្បីបម្រើដល់ការអភិវឌ្ឍប្រទេស។ មូលបត្ររដ្ឋនេះ មានតម្លៃចារឹកចំនួន ១ លានរៀល ឬ ២៥០ដុល្លារក្នុង ១បណ្ណ ហើយវិនិយោគិនដែលទិញមូលបត្រនេះនឹងទទួលបានអត្រាការប្រាក់ ២ភាគរយថេរក្នុង ១ ឆ្នាំ ដែលនឹងទូទាត់ឱ្យក្នុងរយៈពេល ៦ខែម្តង។
អានបន្ថែម