គិតត្រឹមត្រីមាសទី៣-២០២២ រដ្ឋប្រមូលបាន ១០លានដុល្លារ ពីការបោះផ្សាយមូលបត្ររដ្ឋ
រាជរដ្ឋាភិបាលកម្ពុជា បានប្រមូលទុនចំនួនប្រមាណ ១០.១៥ លានដុល្លារ ពីការបោះផ្សាយមូលបត្ររដ្ឋ គិតត្រឹមត្រីមាសទី៣ ឆ្នាំ២០២២នេះ។ “នៅក្នុងត្រីមាសទី៣ ឆ្នាំ២០២២នេះ រាជរដ្ឋាភិបាល បានបោះផ្សាយលក់មូលបត្ររដ្ឋសរុបចំនួន ៤១,៨ ប៊ីលានរៀល ត្រូវនឹងប្រមាណ ១០,១៥លានដុល្លារអាមេរិក” នេះយោងតាមព្រឹត្តិបត្រស្ថិតិបំណុលសាធារណៈកម្ពុជាចេញផ្សាយកាលពីពេលថ្មីៗនេះ។ ធនាគារជាតិនៃកម្ពុជា (NBC) បានធ្វើការបោះផ្សាយមូលបត្ររដ្ឋលើកទី ១ ជាផ្លូវការនៅក្នុងខែកញ្ញា ដើម្បីកៀរគរមូលនិធិប្រមាណ ៣០០ដុល្លារនៃផែនការបោះផ្សាយ។ ការបោះផ្សាយមូលបត្ររដ្ឋនេះនឹងអនុញ្ញាតឱ្យរដ្ឋាភិបាលមានលទ្ធភាពបន្ថែមទៀតក្នុងការប្រមូលមូលនិធិ ដើម្បីបម្រើដល់ការអភិវឌ្ឍប្រទេស។ មូលបត្ររដ្ឋនេះ មានតម្លៃចារឹកចំនួន ១ លានរៀល ឬ ២៥០ដុល្លារក្នុង ១បណ្ណ ហើយវិនិយោគិនដែលទិញមូលបត្រនេះនឹងទទួលបានអត្រាការប្រាក់ ២ភាគរយថេរក្នុង ១ ឆ្នាំ ដែលនឹងទូទាត់ឱ្យក្នុងរយៈពេល ៦ខែម្តង។
អានបន្ថែម
១១ខែ ឆ្នាំ២០២២ កម្ពុជាបាននាំចូលដែកនិងដែកថែបសរុបជិត ៣៣០លានដុល្លារ កើន២២%
កម្ពុជា បាននាំចូលដែក និងដែកថែប មានទឹកប្រាក់សរុប ៣២៧ លានដុល្លារ ក្នុងរយៈពេល១១ខែ ឆ្នាំ២០២២នេះ កើន ២២ភាគរយ ធៀបនឹងរយ ៈពេលដូចគ្នាកាលពីឆ្នាំមុន។ ផលិតផលដែក និងដែកថែប ស្ថិតក្នុងស្ថិតិទំនិញពាណិជ្ជកម្មនាំចូលតាមជំពូកទំនិញទាំង២០មុខ ដែលខ្ពស់បំផុត ក្នុងខែវិច្ឆិកា ឆ្នាំ ២០២២ របស់អគ្គនាយកដ្ឋានគយ និងរដ្ឋាករ។ របាយការណ៍ដដែលបញ្ជាក់ថា ទំហំនៃការនាំចូលដែក និងដែកថែប តំណាង ១,២ភាគរយ នៃទំហំនាំចូលសរុប ២៧,៧៤ពាន់លានដុល្លារ ។ ក្នុងខែវិច្ឆិកា ការនាំចូលដែក និងដែកថែប មានទឹកប្រាក់ ប្រមាណ ២៥លានដុល្លារ កើនឡើងជិត១៦ភាគរយ។ កំណើននៃតម្លៃនាំចូលដែក និងដែកថែបនេះ ស្របពេលដែលវិស័យសំណង់កំពុងកើនឡើង។ ក្នុងរយៈពេលបីត្រីមាស នៃឆ្នាំ២០២២នេះ រដ្ឋាភិបាល បានអនុម័តលើសំណើគម្រោងសាងសង់សរុបមានចំនួន ១១៧៥គម្រោង កើនឡើង ១៤៧គម្រោង ស្មើនឹង ១៤,៣% បើធៀបនឹងរយៈពេលដូចគ្នាឆ្នាំមុន។ នេះបើតាមព្រឹត្តបត្រស្ថិតិសេដ្ឋកិច្ច និងហិរញ្ញវត្ថុត្រីមាសទី៣ ឆ្នាំ២០២២។ (អានបន្ថែម)
អានបន្ថែម
សម្តេច៖ តម្លៃអគ្គិសនី និងប្រេង ត្រូវរក្សារនៅដដែរ មិនឱ្យតម្លើងថ្លៃតាមអំពើចិត្តឡើយ
សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ឱ្យដឹងថា អគ្គសនីកម្ពុជា និងក្រសួងរ៉ែ និងថាមពល ត្រូវរក្សាតម្លៃអគ្គិសនីដោយមិនតម្លើងថ្លៃឡើយ ខណៈដែលតម្លៃប្រេងក៏មិនអនុញ្ញាតឱ្យឯកជនតម្លើងថ្លៃតាមអំពើចិត្តនោះដែរ។ នេះបើតាមពិធីជួបសំណេះសំណាលរវាង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយនឹងប្រជាពលរដ្ឋខ្មែរនៅទ្វីបអឺរ៉ុប ប្រមាណជា ២០០០នាក់ ក្នុងឱកាសដែលសម្តេចអញ្ជើញចូលរួម និងធ្វើជាសហប្រធាននៃកិច្ចប្រជុំកំពូល អាស៊ាន-សហភាពអឺរ៉ុប ដើម្បីអបអរសាទរខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនារវាងអាស៊ាន-សហភាពអឺរ៉ុប នៅទីក្រុងព្រុចសែល ប្រទេសប៊ែលហ្សិក កាលពីថ្ងៃទី១២ ខែធ្នូ ឆ្នាំ២០២២។ សម្តេចបានមានប្រសាសន៍ថា សម្តេចបានបញ្ជាក់ម្តងហើយម្តងទៀតជាមួយនឹងអគ្គសនីកម្ពុជា និងក្រសួងរ៉ែ និងថាមពល ត្រូវរក្សាតម្លៃអគ្គិសនីដោយមិនឱ្យតម្លើងថ្លៃឡើយ។ ទន្ទឹមនឹងនេះដែរ សម្តេតេជោ បានឱ្យក្រសួងពាណិជ្ជកម្មធ្វើការសម្របសម្រួល ដោយមិនអនុញ្ញាតឱ្យវិស័យឯកជនតម្លើងតម្លៃប្រេងតាមតែអំពើចិត្តនោះទេ។ សម្តេច បានបន្ថែមជាចុងក្រោយថា បើទោះបីសេដ្ឋកិច្ចទីផ្សារក៏ដោយ គឺត្រូវតែមានការណែនាំមួយ បើពុំនោះទេនឹងមានការឆ្លៀតឱកាសតម្លើងតម្លៃប្រេងជាក់ជាមិនខាន។
អានបន្ថែម
អូស្ត្រាលីផ្តល់ជំនួយ ៦៥លានដុល្លារ ដល់កម្ពុជាអភិវឌ្ឍវិស័យសំខាន់ៗ៤
ស្ថានទូតអូស្រា្តលីប្រចាំប្រទេសកម្ពុជា បានផ្តល់ហិរញ្ញប្បទានឥតសំណងចំនួន ៦៥លានដុល្លារអាមេរិក ដើម្បីអភិវឌ្ឍវិស័យ ០៤សំខាន់ៗ សម្រាប់រយៈពេល ៥ឆ្នាំ (ខែមិថុនា ឆ្នាំ២០២២ ដល់ខែមិថុនា ឆ្នាំ២០២៧)។ នេះបើតាមពិធីចុះហត្ថលេខាលើកិច្ចសម្របសម្រួលបំពេញបន្ថែមសម្រាប់កម្មវិធីភាពជាដៃគូ កម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ “Cambodia-Australia Partnership for Resilient Economic Development (CAP RED) Program” កាលពីថ្ងៃទី១២ ខែធ្នូ ឆ្នាំ២០២២។ ជំនួយឥតសំណងនេះ នឹងអភិវឌ្ឍផ្តោតទៅលើវិស័យគោលចំនួន ៤សំខាន់ៗ រួមមាន ១. ហេដ្ឋារចនាសម្ព័ន្ធ ២.ពាណិជ្ជកម្ម និងវិនិយោគ ៣.កសិកម្ម និងកសិឧស្សាហកម្ម និង៤.យេនឌ័រ និងបរិយាប័ន្ន។ តាមរយៈកម្មវិធី CAP RED ការអភិវឌ្ឍវិស័យគោលទាំងនេះ ធ្វើឡើងដោយមានកិច្ចសហការអនុវត្តរួមគ្នារវាងវិស័យឯកជន និងរាជរដ្ឋាភិបាលកម្ពុជា ដើម្បីកំណត់ និងរិះរកដំណោះស្រាយ ដើម្បីសម្រេចបាននូវកំណើនសេដ្ឋកិច្ចប្រកបដោយនិរន្តភាព ភាពធន់ និងបរិយាប័ន្ន។ គួរបញ្ជាក់ថា កម្មវិធី CAP RED គឺទទួលបានហិរញ្ញប្បទានតាមរយៈមូលនិធិពីក្រសួងការបរទេស និងពាណិជ្ជកម្ម […]
អានបន្ថែម
រដ្ឋនិងអង្គការCDIA រួមគ្នារៀបចំប្រព័ន្ធរថយន្តក្រុងអគ្គិសនីក្នុងខេត្តសៀមរាប
អគ្គនាយកដ្ឋានដឹកជញ្ជូនផ្លូវគោកបានសហការជាមួយអង្គការ CDIA ក្នុងការអនុវត្តគម្រោងសិក្សាពេញលេញលើលទ្ធភាពរៀបចំប្រព័ន្ធដឹកជញ្ជូនសាធារណៈរថយន្តក្រុងអគ្គិសនីក្នុងខេត្តសៀមរាប។ នេះបើតាមកិច្ចពិភាក្សា ស្ដីពី “Electric bus fleets as public service in Siem Reap city” កាលពីថ្ងៃទី០៩ ខែធ្នូ ឆ្នាំ២០២២។ កិច្ចពិភាក្សានេះ ធ្វើឡើងក្នុងគោលបំណងបង្កើតប្រព័ន្ធដឹកជញ្ជូនសាធារណៈឆ្លាតវៃ និងកាត់បន្ថយការបញ្ចេញឧស្ម័នកាបូន CO2 ទាបនៅក្នុងទីក្រុងសៀមរាបផងដែរ។ ជាមួយនឹងការអនុវត្តគម្រោងនេះនៅក្នុងខេត្តសៀមរាប កន្លងមក វិទ្យាស្ថានអភិវឌ្ឍន៍បៃតងសកល (GGGI)ប្រចាំនៅកម្ពុជា ក៏ធ្លាប់បង្ហាញពីចំណាប់អារម្មណ៍ចង់បង្កើតគម្រោងរថយន្តក្រុងអគ្គិសនីក្នុងក្រុងសៀមរាប ខណៈវិទ្យាស្ថាននេះ កំពុងសិក្សាលទ្ធភាពគម្រោងជាមួយថ្នាក់ដឹកនាំខេត្ត និងមន្ត្រីពាក់ព័ន្ធផងដែរ។ (អានបន្ថែម) ទន្ទឹមនឹងនេះដែរ BYD Auto Industry ជាក្រុមហ៊ុនដ៏ធំមួយ ដែលនាំចូលយានយន្តអគ្គិសនីរបស់ចិនមកកម្ពុជា ក៏បានបង្ហាញពីផែនការក្នុងការដំឡើងស្ថានីយបញ្ចូលថាមពលយានយន្តអគ្គិសនីចំនួន ២០០ទីតាំងផ្សេងៗគ្នានៅទូទាំងប្រទេសកម្ពុជា ត្រឹមឆ្នាំ២០២៣។ (អានបន្ថែម) ការវិនិយោដ៏ធំនេះ គឺដើម្បីចូលរួមពង្រីកការប្រើប្រាស់យានយន្តអគ្គិសនីដោយឈរលើចក្ខុវិស័យឆ្ពោះទៅរកការប្រើប្រាស់ថាមពលថ្មី និងផែនការបៃតងឆ្នាំ២០២២ ដល់ឆ្នាំ២០២៣ (Green New Energy and Green Plan of 2022-2023)។
អានបន្ថែម
សម្តេចតេជោ ជំរុញអាជ្ញាធរពាក់ព័ន្ធរៀបចំសារៈមន្ទីរឆ្នេរនៅក្រុងព្រះសីហនុ
សម្តេចតេជោ ហ៊ុន សែន បានស្នើឱ្យក្រសួងទេសចរណ៍ និងអាជ្ញាធរខេត្តព្រះសីហនុ ពិនិត្យលទ្ធភាពរៀបចំសារមន្ទីរឆ្នេរ។ នេះបើតាមសុន្ទរកថារបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅក្នុងពិធីមហាសន្និបាតលើកទី១៦ នៃក្លឹបឆ្នេរសមុទ្រដែលស្អាតបំផុតលើលោក។ ក្នុងការពិនិត្យលទ្ធភាពនេះ សម្តេចតេជោ បានស្នើដល់ប្រធានក្លឹប និងសមាជិកក្លឹបឆ្នេរសមុទ្រ ជួយចែករំលែកអំពីបទពិសោធន៍ និងដំណើរការនៃការរៀបចំសារៈមន្ទីររបស់ខ្លួនផងដែរ។ ក្រៅពីនេះ សម្តេចក៏បានស្នើក្រសួងទេសចរណ៍សហការជាមួយក្លឹបឆ្នេរសមុទ្រដែលស្អាតជាងគេបំផុតលើសកលលោក សិក្សារៀបចំឱ្យមាននូវស្ថាប័នអង្កេតទេសចរណ៍សម្រាប់ឆ្នេរ ដើម្បីជាយន្តការស្ថាប័នមួយបន្ថែមទៀត ក្នុងការជំរុញការអភិវឌ្ឍន៍ទេសចរណ៍តំបន់ឆ្នេរសមុទ្រ ដូចដែលសមាជិកក្លឹបផ្សេងទៀតបានរៀបចំ។ គួរបញ្ជាក់ថា ថ្មីៗនេះកម្ពុជាទើបបានប្រកាសមានឆ្នេរចំនួន១១ ជាប់ជ័យលាភីជាឆ្នេរខ្សាច់កម្សាន្តស្អាតប្រចាំឆ្នាំ២០២២ ក្នុងនោះកម្រិតល្អណាស់មាន ៦ឆ្នេរ និងកម្រិតមធ្យមមាន ៥ឆ្នេរ ក្នុងចំណោមឆ្នេរបេក្ខភាពចំនួន ២៧ឆ្នេរ នៅក្នុងតំបន់ឆ្នេរសមុទ្រកម្ពុជា។ (អានបន្ថែម)
អានបន្ថែម
ADB ជួយកម្ពុជា ៧៣លានដុល្លារ ដើម្បិជំរុញវិស័យជលផលតាមតំបន់ឆ្នេរសមុទ្រ
ធនាគារអភិវឌ្ឍន៍អាស៊ី (ADB) បានអនុម័តកញ្ចប់ហិរញ្ញប្បទានចំនួន ៧៣លានដុល្លារអាមេរិក ដើម្បីជំរុញភាពធន់អាកាសធាតុ និងវិស័យជលផលតាមតំបន់ឆ្នេរ និងសមុទ្រនៅកម្ពុជាឱ្យមាននិរន្តរភាព។ នេះបើតាមសេចក្តីប្រកាសព័ត៌មាននៅថ្ងៃទី០៨ ខែធ្នូ ឆ្នាំ២០២២។ កញ្ចប់ហិរញ្ញប្បទាននេះ រួមមាន ៤១លានដុល្លារជាកម្ចីពីADB ២២ លានដុល្លារជំនួយរបស់មូលនិធិ ADB និង ១០ លានដុល្លារជាកម្ចីរបស់មូលនិធិហេដ្ឋារចនាសម្ព័ន្ធអាស៊ាន។ ក្រៅពីនេះ ក៏មានកម្ចីបន្ថែមចំនួន ២០លានដុល្លារ ពី French Development Agency ផងដែរ។ បើតាមអ្នកជំនាញការជាន់ខ្ពស់របស់ធនាគារ ADB ផ្នែកកសិកម្ម និងធនធានធម្មជាតិសម្រាប់តំបន់អាស៊ីអាគ្នេយ៍ Alvin Lopez បានឱ្យដឹងថាគម្រោងនេះ គឺជាការវិនិយោគដំបូង និងដ៏សំខាន់របស់ធនាគារ ADB ក្នុងវិស័យជលផលតំបន់សមុទ្រ និងតំណាងឱ្យព្រឹត្តិការណ៍ដ៏សំខាន់សម្រាប់ផែនការសកម្មភាពចំពោះនិរន្តភាពសេដ្ឋកិច្ចពណ៌ខៀវ និងសុខុមាសភាពសមុទ្រ (Action Plan for Healthy Oceans and Sustainable Blue Economies)។ សេចក្តីប្រកាសពត៌មានបានឱ្យដឹងបន្ថែមថា ការនេសាទហួសហេតុ និងការប្រែប្រួលអាកាសធាតុ បានបណ្តាលឱ្យធ្លាក់ចុះនៃការផ្គត់ផ្គង់ជលផល ដែលបង្កផលប៉ះពាល់ដល់សហគមន៍តាមតំបន់ឆ្នេរ និងអាជីវកម្មជលផល […]
អានបន្ថែម
ស្វែងយល់ពីសិទ្ធិជួលអចិន្ត្រៃយ៍ តើអ្នកផ្តល់សេវាជួល និងអ្នកជួលមានសិទ្ធិអ្វីខ្លះ?
អ្វីទៅជាសិទ្ធិជួលអចិន្ត្រៃយ៍? បើតាមមាត្រា ២៤៤ នៃក្រមរដ្ឋប្បវេណី សិទ្ធិជួលអចិន្ត្រៃយ៍ សំដៅទៅលើសិទ្ធិជួលអចលនវត្ថុរយៈពេលវែងចាប់ពី ១៥ឆ្នាំ ឡើងទៅ។ មាត្រា ២៤៥ នៃក្រមរដ្ឋប្បវេណី ក៏បានតម្រូវឱ្យសិទ្ធជួលអចិន្រ្តៃយ៍ ត្រូវតែបង្កើតឡើងជាលាយលក្ខណ៍អក្សរ (ធ្វើជាកិច្ចសន្យា) ទើបមានអនុភាព បើពុំនោះទេនឹងត្រូវចាត់ជាភតិសន្យាដែលពុំមានកំណត់អំឡុងពេលវិញ (កិច្ចសន្យាជួលធម្មតា)។ កិច្ចសន្យាជួលនេះ មិនខុសគ្នាច្រើនពីកិច្ចសន្យាជួលផ្ទះ ឬដីធម្មតានោះទេ គ្រាន់តែខុសគ្នាត្រង់ថេរៈវេលានៃការជួល និងសិទ្ធិរបស់ភតិបតិ (ម្ចាស់ដី ឬផ្ទះ) និងភតិកៈ (អ្នកជួល) តែប៉ុណ្ណោះ។ (អានបន្ថែម) ជាទូទៅ យើងសង្កេតឃើញថា ការជួលអចិន្ត្រៃយ៍ គឺគេអនុវត្តភាគច្រើនចំពោះសកម្មភាពពាណិជ្ជកម្ម ដូចជាការជួលអគារពាណិជ្ជកម្ម ការជួលទ្រព្យសម្បត្តិឯកជនរបស់រដ្ឋ និងការជួលដីសម្បទានសេដ្ឋកិច្ចជាដើម។ ការជួលនេះ គឺចាប់ពី ១៥ឆ្នាំឡើងទៅ តែមិនអាចលើសពី ៥០ឆ្នាំឡើង ហើយប្រសិនការបង្កើតសិទ្ធិជួលអចិន្រៃ្តយ៍ដែលមានអំឡុងពេលលើសពី ៥០ឆ្នាំ ត្រូវបន្ថយមកត្រឹម ៥០ឆ្នាំវិញ។ មួយវិញទៀត សិទ្ធិជួលអចិន្ត្រៃយ៍ អាចបន្តសាជាថ្មីបាន តែមិនត្រូវលើសពី ៥០ឆ្នាំឡើយ (មាត្រា ២៤៧ នៃក្រមរដ្ឋប្បវេណី)។ បន្ថែមពីនេះ អ្នកជួលអចិន្ត្រៃយ៍ ត្រូវចុះបញ្ជីសិទ្ធិជួលអចិន្ត្រៃយ៍របស់ខ្លួននៅមន្ទីររៀបចំដែនដី […]
អានបន្ថែម
ស្ពានអរិយក្សត្រអាចនឹងសង់ចុងឆ្នាំ២០២៣ ដោយត្រូវចាំបំពេញនីតិវិធីសំខាន់ៗមួយចំនួនសិន
គម្រោងសាងសង់ស្ពានមិត្តភាពកម្ពុជា-កូរ៉េ (ផ្សារចាស់-ជ្រោយចង្វារ, ជ្រោយចង្វារ-អរិយក្សត្រ) នឹងអាចសាងសង់នៅចុងឆ្នាំ២០២៣ ដោយរង់ចាំបំពេញនីតិវិធីពាក់ព័ន្ធឱ្យចប់សព្វគ្រប់ជាមុនសិន។ នេះបើតាមការបញ្ជាក់របស់លោក ហ៊ាង សុទ្ធាយុត្តិ ជាអ្នកនាំពាក្យក្រសួងសាធារណការ និងដឹកជញ្ជូន ជាមួយទស្សនាវដ្តីសំណង់ និងអចលនទ្រព្យ តាមប្រព័ន្ធទូរស័ព្ទកាលពីថ្ងៃទី១២ ខែធ្នូ ឆ្នាំ២០២២។ ឯកឧត្តមអគ្គនាយក បានបញ្ជាក់ឱ្យដឹងថា ចំពោះការសាងសង់ស្ពាននេះ នៅមិនទាន់មានព័ត៌មានជាក់លាក់១០០ ភាគរយថាសាងសង់នៅពេលណានោះទេ ដោយត្រូវឆ្លងនីតិវិធី និងស្នើសុំគោលការណ៍សម្តេចតេជោនាយករដ្ឋមន្ត្រីជាមុនសិន។ លោកបានបន្ថែមថា បើពិនិត្យមើលលើឯកសារពាក់ព័ន្ធ ជាលទ្ធភាពអាចនឹងធ្វើការសាងសង់ស្ពាននេះនៅចុងឆ្នាំ២០២៣ យ៉ាងយូរ។ លោកបានបន្ត យើងត្រូវបំពេញនីតិវិធីប្រើប្រាស់ប្រាក់កម្ចីជាមួយភាគីកូរ៉េ និងនីតិវិធីជ្រើសរើសក្រុមហ៊ុន ដើម្បីចុះកិច្ចសន្យាសាងសង់ ដែលគ្រោងនឹងធ្វើឱ្យចប់នៅចុងឆមាសទី១ ឆ្នាំ២០២៣ ខាងមុខនេះ។ ហើយការសាងសង់ជាលទ្ធភាពអាចនៅអំឡុងឆមាសទី២ ដែលយ៉ាងយូរបំផុតអាចនៅចុងឆ្នាំ២០២៣។ ចំពោះថេរៈវេលានៃការសាងសង់វិញ ឯកឧត្ដម ហ៊ាង សុទ្ធាយុត្តិ បានឱ្យដឹងដែរថា ការសាងសង់ អាចប្រើប្រាស់ពេលវេលាចំនួន ០៤ឆ្នាំ បើរាប់បញ្ជូលនឹងឆ្នាំបំពេញនីតិវិធីចំនួន ០១ ឆ្នាំ(២០២៣) ផងដែរ។ គួរបញ្ជាក់ថា រដ្ឋាភិបាលនៃសាធារណៈរដ្ឋកូរ៉េ បានផ្តល់កម្ចីចំនួន ២៤៥ ៩០៩ ០០០ដុល្លារអាមេរិក ត្រូវបានផ្តល់សម្រាប់គម្រោងសាងសង់ស្ពានមិត្តភាពកម្ពុជា-កូរ៉េ (ផ្សារចាស់-ជ្រោយចង្វារ, […]
អានបន្ថែម
កម្ពុជាមានឆ្នេរចំនួន១១ ជាប់ជ័យលាភីជាឆ្នេរខ្សាច់កម្សាន្តស្អាតប្រចាំឆ្នាំ២០២២
ប្រទេសកម្ពុជា មានឆ្នេរចំនួន១១ ជាប់ជ័យលាភីជាឆ្នេរខ្សាច់កម្សាន្តស្អាតប្រចាំឆ្នាំ២០២២ ក្នុងនោះកម្រិតល្អណាស់មាន ៦ឆ្នេរ និងកម្រិតមធ្យមមាន ៥ឆ្នេរ ក្នុងចំណោមឆ្នេរបេក្ខភាពចំនួន២៧ឆ្នេរនៅក្នុងតំបន់ឆ្នេរសមុទ្រកម្ពុជា។ ជ័យលាភីនេះ បានធ្វើឡើងក្នុងសិក្ខាសាលាស្ដីពីការពង្រឹងគុណភាពសេវាកម្មទេសចរណ៍ឆ្ពោះទៅការអបអរសាទរពិធីបុណ្យសមុទ្រលើកទី៩ ជុំទី៣ កាលពីថ្ងៃទី០៨ ខែធ្នូ ឆ្នាំ២០២២។ បើតាមលោក លោក មុំ បូវីល លេខាធិការក្រុមការងារទទួលបន្ទុកតាមដាននិងវាយតម្លៃឆ្នេរកម្សាន្ត នៃអគ្គដ្ឋានគណៈកម្មាធិការជាតិគ្រប់គ្រងនិងអភិវឌ្ឍន៍ឆ្នេរសមុទ្រកម្ពុជា (គ.អ.ឆ.ក.) បានឱ្យដឹងថា ក្រុមការងារ បានចុះត្រួតពិនិត្យ និងវាយតម្លៃឆ្នេរបេក្ខភាពចំនួន ២៧នៅតាមបណ្តាខេត្តតំបន់ឆ្នេរសមុទ្រកម្ពុជា ក្នុងនោះនៅខេត្តកែបមានចំនួន ៦ឆ្នេរ ខេត្តកោះកុងចំនួន ៥ឆ្នេរ និងខេត្តព្រះសីហនុចំនួន ១៦ឆ្នេរ។ ក្រោយពីការត្រួតពិនិត្យ ក្រុមការងារបានសម្រេចឱ្យ ឆ្នេរខ្សាច់កម្សាន្តដែលទទួលបានចំណាត់ថ្នាក់ជាឆ្នេរស្អាតកម្រិតល្អណាស់មានចំនួន ៦ឆ្នេរ រួមមាន ខេត្តកែបមាន២ឆ្នេរ គឺ ឆ្នេរកែប និងឆ្នេរកោះទន្សាយ ចំណែកខេត្តព្រះសីហនុមាន ៤ឆ្នេរ គឺឆ្នេរសុខា ឆ្នេរអូរឈើទាល ឆ្នេរអូរត្រេះ និងឆ្នេរឋានសួគ៌។ ដោយឡែក ឆ្នេរខ្សាច់កម្សាន្តដែលទទួលបានចំណាត់ថ្នាក់ជាឆ្នេរស្អាតកម្រិតមធ្យមមានចំនួន៥ឆ្នេរ រួមមាន ខេត្តកោះកុងមាន ១ឆ្នេរ គឺ ឆ្នេរកោងកាង ចំណែកខេត្តព្រះសីហនុមាន […]
អានបន្ថែម
រាជរដ្ឋភិបាល នឹងខិតខំកសាងផ្លូវល្បឿនលឿនពីរខ្សែទៀត ភ្នំពេញ-បាវិត និងភ្នំពេញ-សៀមរាប
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានលើកឡើងថា រាជរដ្ឋាភិបាល នឹងកសាងផ្លូវល្បឿនលឿនចំនួនពីរខ្សែទៀត គឺភ្នំពេញ-បាវិត និងវិត និងភ្នំពេញ-សៀមរាប។ «យើងនឹងខិតខំកសាងផ្លូវល្បឿនលឿនមួយខ្សែទៀត តភ្ជាប់ពីភ្នំពេញទៅបាវិត ព្រំដែនវៀតណាម»។ នេះជាសំណេររបស់សម្ដេចនាយករដ្ឋមន្រ្តី ហ៊ុន សែន លើបណ្តាញសង្គមហ្វេសប៊ុក អំឡុងពេលសម្ដេចកំពុងធ្វើដំណើរលើផ្លូវល្បឿនលឿនពីភ្នំពេញទៅកាន់ខេត្តព្រះសីហនុ នៅព្រឹកថ្ងៃទី៩ ធ្នូនេះ។ តបនឹងComment លើហ្វេសប៊ុក សម្តេចតេជោ លើកឡើងថា រដ្ឋាភិបាលកម្ពុជា ក៏កំពុងសិក្សាគម្រោងផ្លូវល្បឿនលឿនពីភ្នំពេញ ទៅខេត្តសៀមរាបផងដែរ។ (អានបន្ថែម) ផ្លូវល្បឿនលឿនពីភ្នំពេញទៅបាវិត គ្រោងសាងសង់នៅឆ្នាំ២០២៣ ដោយចំណាយថវិការចំនួន ១ ៦៣៨លានដុល្លារអាមេរិក។ នេះបើក្រសួងសាធារណៈការ និងដឹកជញ្ចូន។ រដ្ឋាភិបាលកម្ពុជា កាលពីខែវិច្ឆិកា បានចុះកិច្ចព្រមព្រៀងក្របខ័ណ្ឌជាមួយក្រុមហ៊ុនសាជីវកម្មស្ពាន និងថ្នល់ចិន (CRBC) ដើម្បីកសាងសាងផ្លូវល្បឿនលឿនភ្នំពេញទៅបាវិត ដែលមានប្រវែង ១៣៨គីឡូម៉ែត្រ។ (អានបន្ថែម)
អានបន្ថែម
ជប៉ុនទម្លាក់ថវិកាជាង ៥០ម៉ឺនដុល្លារ កែលម្អមណ្ឌលសុខភាពនៅតាកែវ និងកំពង់ចាម
រដ្ឋាភិបាលជប៉ុន បានឯកភាពផ្តល់ថវិកាសរុបចំនួន ៥០៦ ៥៩៥ដុល្លារអាមេរិក សម្រាប់ការកែលម្អបរិក្ខារនៅមជ្ឈមណ្ឌលស្តារលទ្ធភាពពលកម្មកាយសម្បទាក្នុងខេត្តតាកែវ និងគម្រោងសាងសង់អគារផ្នែកសម្ភព និងថែទាំទារកទើបនឹងកើតនៅមន្ទីរពេទ្យបង្អែកខេត្តកំពង់ចាម។ នេះបើតាមពិធីចុះកិច្ចសន្យាផ្តល់ជំនួយនៅថ្ងៃទី៨ ខែធ្នូ ដោយលោក តានិណៃ អ៊ិឈិតុម៉ុ ឧបទូតនៃស្ថានទូតជប៉ុនប្រចាំកម្ពុជា និងអ្នកតំណាងស្ថាប័នទទួលជំនួយនៃខេត្តទំាងពីរ។ ក្នុងនោះ ជំនួយជាង ១៦ម៉ឺនដុល្លារអាមេរិក នឹងយកទៅសាងសង់អគារស្នាក់នៅក្នុងមជ្ឈមណ្ឌលស្តារលទ្ធភាពពលកម្មកាយសម្បទាក្នុងខេត្តតាកែវ និងទិញម៉ាស៊ីនផលិតឧបករណ៍សិប្បនិមិ្មត ដើម្បីដំឡើងឧបករណ៍ចំនួន ១៥ប្រភេទ សម្រាប់ផលិតឧបករណ៍សិប្បនិមិ្មត និងស្តារនីតិសម្បទា។ បច្ចុប្បន្នមជ្ឈមណ្ឌលស្តារលទ្ធភាពពលកម្មកាយសម្បទានេះ បាននិងកំពុងប្រឈមមុខនឹងបញ្ហាមួយចំនួនដោយសារភាពសឹករេចរឹលដោយឧបករណ៍ប្រើប្រាស់មួយចំនួន ដើម្បីផលិតឧបករណ៍សិប្បនិម្មិត និងរណប និងដោយសារភាពចាស់ទ្រុឌទ្រោមនៃអគារស្នាក់នៅសម្រាប់អ្នកជំងឺ។ មួយវិញទៀត ថវិកាជាង ៣៤ម៉ឺនដុល្លារទៀត នឹងត្រូវបានប្រើប្រាស់សម្រាប់សាងសង់អគារចំនួន១ខ្នង កម្ពស់៣ជាន់ សម្រាប់ផ្នែកសម្ភព និងថែទាំទារកទើបនឹងកើតនៅមន្ទីរពេទ្យបង្អែកខេត្តកំពង់ចាម។ ស្របពេលដែល មន្ទីរពេទ្យនេះ បាននិងកំពុងប្រឈមនឹងបញ្ហាដូចជា ការស្នាក់នៅលើសចំណុះនៅក្នុងអគារផ្នែកសម្ភពបច្ចុប្បន្នសម្រាប់ម្តាយ និងការចំណាយពេលក្នុងការបញ្ចូនទារកទើបនឹងកើតស្ថិតក្នុងករណីសង្គ្រោះបន្ទាន់ ទៅកាន់ផ្នែកថែទាំទារកទើបនឹងកើត ដែលនៅឆ្ងាយ។ គួរបញ្ជាក់ថា ជំនួយនេះស្ថិតក្រោមគម្រោងទ្រង់ទ្រាយតូចសន្តិសុខមនុស្សជាតិរបស់ជប៉ុន ដែលកន្លងទៅថ្មីៗនេះ ជប៉ុនបានផ្តល់ជំនួយជាង ៣៥ម៉ឺនដុល្លារអាមេរិករួចមកហើយ សម្រាប់គម្រោងសាងសង់អគារមេត្តយ្យសិក្សា សាងសង់ស្ពាន និងស្តារប្រព័ន្ធធារាសាស្ត្រ ក្នុងខេត្តចំនួន ០៤។ (អានបន្ថែម និងបន្ថែម)
អានបន្ថែម