កម្ពុជា ទទួលបានទុនវិនិយោគប្រមាណ ៣,៥ពាន់លានដុល្លារ ត្រឹមរយៈពេល១០ខែ
ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគសរុបចំនួន ១៦១ គម្រោង ដែលមានទុនវិនិយោគសរុបប្រមាណ ៣,៥ ពាន់លានដុល្លារអាម៉េរិក ក្នុងរយៈពេល១០ខែឆ្នាំ២០២២នេះ។ យោងតាមរបាយការណ៍របស់ CDC គម្រោងវិនិយោគក្នុងរយៈពេល១០ខែនេះ បានកើនឡើង ១៥គម្រោង ធៀបនឹងនឹងរយៈពេលដូចគ្នាកាលពីឆ្នាំ ចំណែកទុនវិនិយោគ កើនឡើងប្រមាណ ១,៣%។ ក្នុងចំណោមគម្រោងវិនិយោគទាំង១៦១គម្រោងនេះ វិស័យឧស្សាហកម្ម និងហេដ្ឋារចនាសម្ព័ន្ធ រួមចំណែកវិនិយោគច្រើនជាងគេ ដោយវិស័យឧស្សាហកម្មមានចំនួន ៤១,៥% និងវិស័យហេដ្ឋារចនាសម្ព័ន្ធមានចំនួន ៥១%។ ឯកឧត្តម សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា មានប្រសាសន៍ថា CDC បាននិងកំពុងបេសកម្មរបស់ខ្លួនយ៉ាងសកម្មប្រកបដោយស្មារតីទទួលខុសត្រូវខ្ពស់ ក្នុងគោលដៅបន្តទាក់ទាញវិនិយោគបន្ថែមទៀត តាមរយៈការចូលរួមរៀបចំ និងការអនុវត្តគោលនយោបាយ ច្បាប់ និងលិខិតបទដ្ឋានគតិយុត្តពាក់ព័ន្ធ ការធ្វើទំនើបកម្មលើការងារចុះបញ្ជីវិនិយោគ និងការរៀបចំយន្តការទាក់ទាញវិនិយោគចំគោលដៅ។
អានបន្ថែម
កម្ពុជា-វៀតណាមសហការគ្នាលើចំនុចសំខាន់ៗ៥ ពាក់ព័ន្ធនឹងវិស័យហេដ្ឋារចនាសម្ព័ន្ធ និងដឹកជញ្ជូន
ប្រទេសកម្ពុជា និងប្រទេសវៀតណាម បានពិភាក្សាលើការងារសំខាន់ៗចំនួន ០៥ ដើម្បីពង្រឹងវិស័យហេដ្ឋារចនាសម្ព័ន្ធ និងដឹកជញ្ជូនរបស់ប្រទេសទាំងពីរឱ្យកាន់តែមានភាពរឹងមាំ និងរីកចម្រើន។ នេះបើយោងតាមកិច្ចប្រជុំទ្វេភាគីរវាងរដ្ឋមន្ត្រីក្រសួងសាធារណការ និងដឹកជញ្ជូនកម្ពុជា និងរដ្ឋមន្ត្រីរីក្រសួងដឹកជញ្ជូន នៃសាធារណរដ្ឋសង្គមនិយមវៀតណាម កាលពីថ្ងៃទី០៨ ខែវិច្ឆិកា ឆ្នាំ២០២២។ ចំណុចសំខាន់ៗពាក់ព័ន្ធនឹងវិស័យហេដ្ឋារចនាសម្ព័ន្ធ និងដឹកជញ្ជូនដែលបានពិភាក្សា រួមមាន៖ ១).ការងារដឹកជញ្ជូនឆ្លងកាត់ព្រំដែន៖ ភាគីទាំងពីរបានសាទរចំពោះអនុស្សរណៈនៃការយោគយល់ស្តីពីប្រភេទ និងបរិមាណយានយន្តធ្វើពាណិជ្ជកម្មដឹកជញ្ជូនឆ្លងកាត់ព្រំដែនផ្លូវគោក សម្រាប់ការអនុវត្តកិច្ចព្រមព្រៀង និងពិធីសារស្ដីពីការដឹកជញ្ជូនតាមផ្លូវគោក ដែលបានចុះហត្ថលេខានៅព្រឹកថ្ងៃទី៨ ខែវិច្ឆិកា ឆ្នាំ២០២២។ ភាគីទាំងពីររំពឹងថា នឹងមានចំនួននយានយន្តពាណិជ្ជកម្មឆ្លងកាត់ព្រំដែននៃប្រទេសទាំងពីរនឹងកើនឡើងរហូតដល់ ៨០០គ្រឿង។ ២).ការងារច្រកទ្វារព្រំដែនអន្តរជាតិ៖ ច្រកទ្វារព្រំដែនព្រៃវល្លិ៍-ប៊ិញហៀប បានបញ្ចប់ការសាងសង់រួចរាល់ និងត្រៀមរៀបចំពិធីសម្ពោធបើកឱ្យប្រើប្រាស់ជាផ្លូវការ។ ជាមួយគ្នានេះ ភាគីទាំងពីរ ក៏កំពុងពិនិត្យរៀបចំការងារច្រកទ្វារព្រំដែនបន្ទាយចក្រី-ឌីញបា និងគម្រោងស្ដារឡើងវិញផ្លូវខេត្តលេខ៣១២ ប្រវែង ២៨,៥គ.ម តភ្ជាប់ពីផ្លូវជាតិលេខ១ ទៅកាន់ច្រកទ្វារព្រំដែនបន្ទាយចក្រី រួមទាំងការងារសាងសង់អគារព្រំដែន និងច្រកទ្វារព្រំដែនជ្រៃធំ-ខាញ់ប៊ីញ ដែលគ្រោងនឹងសាងសង់អគារព្រំដែន ក្រោមហិរញ្ញប្បទានរបស់ធនាគារអភិវឌ្ឍន៍អាស៊ី(ADB)។ ចំពោះបញ្ហាកកស្ទះនៅចំណុចច្រកទ្វារព្រំដែនអន្តរជាតិបាវិត-ម៉ុកបៃ ភាគីវៀតណាម យល់ព្រមដោះស្រាយបញ្ហាកកស្ទះនេះ ដោយនឹងធ្វើការពង្រីកគន្លងខ្សែផ្លូវពី ២គន្លង ទៅ ៤គន្លង។ ៣).ការងារតភ្ជាប់ផ្លូវល្បឿនលឿនភ្នំពេញ-បាវិត និងម៉ុកបៃ-ហូជីមិញ៖ ភាគីកម្ពុជាបានស្នើឱ្យភាគីវៀតណាមបញ្ជាក់ឱ្យបានច្បាស់អំពីចំណុចតភ្ជាប់របស់ផ្លូវល្បឿនលឿនរបស់វៀតណាម (ម៉ុកបៃ-ហូជីមិញ) […]
អានបន្ថែម
ផ្លូវល្បឿនលឿនភ្នំពេញ-បាវិតតម្លៃជាង១.៦ពាន់លានដុល្លារ នឹងត្រូវសាងសង់ឆ្នាំ២០២៣
ផ្លូវល្បឿនលឿនតភ្ជាប់ភ្នំពេញ-បាវិត នឹងត្រូវសាងសង់ក្នុងឆ្នាំ ២០២៣ ហើយនឹងបញ្ចប់នៅចុងឆ្នាំ២០២៦ ឬដើមឆ្នាំ២០២៧ ដោយគ្រោងចំណាយអស់ទឹកប្រាក់ប្រមាណ ១៦៣៨លានដុល្លារអាមេរិក។ នេះបើតាមការលើកឡើងរបស់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន ក្នុងពិធីចុះហត្ថលេខាលើកិច្ចព្រមព្រៀងក្របខ័ណ្ឌ សម្រាប់គម្រោងសាងសង់ផ្លូវល្បឿនលឿនតភ្ជាប់ពីភ្នំពេញ-បាវិត រវាងរាជរដ្ឋាភិបាលកម្ពុជា និងក្រុមហ៊ុនសាជីវកម្មស្ពាន និងថ្នល់ចិន (CRBC) នាថ្ងៃទី១០ វិច្ឆិកា ២០២២។ ឯកឧត្តមរដ្ឋមន្ត្រី បានឱ្យដឹងថា «សង្ឃឹមថាយើងនឹងបើកការដ្ឋាននៅឆ្នាំ២០២៣ នឹងបញ្ចប់នៅចុងឆ្នាំ២០២៦ ឬដើមឆ្នាំ២០២៧ ឱ្យចប់ប្រហែលនឹងផ្លូវល្បឿនលឿនពីក្រុងហូជីមិញមកម៉ុកបៃ មកបាវិត ដើម្បីតភ្ជាប់ផ្លូវល្បឿនលឿនរបស់យើង ដោយសារខ្ញុំមានឱកាសជួបជាមួយរដ្ឋមន្ត្រី ដឹកជញ្ជូន វៀតណាមកាលពីថ្ងៃទី០៨ កន្លងទៅនេះ នៅក្រសួងសាធារណការនិងដឹកជញ្ជូន ក៏បានសួរ បញ្ជាក់ទៅឯកឧត្តមរដ្ឋមន្ត្រីថា ពេលណាទើបផ្លូវល្បឿនលឿនរបស់គាត់ធ្វើចប់ គាត់បានលើកឡើងបញ្ជាក់ថា ប្រហែលចុងឆ្នាំ២០២៦ ឬដើមឆ្នាំ២០២៧ទើបធ្វើចប់»។ ឯកឧត្តមបានបន្តថា «ចំពោះទីតាំងតាមផែនទីដាក់បញ្ហាឱ្យគាត់មើលប្រហែលជាមិនខុសគ្នាទេ គឺផ្លូវខាងគាត់ត្រូវរត់មកតាមផ្លូវលេខ២២ និងតភ្ជាប់និងផ្លូវល្បឿនលឿនរបស់យើងនៅបង្គោលគឺឡូម៉ែត្រ១៦៤ ប៉ុន្តែគាត់នឹងធ្វើជាលាយលក្ខណ៍អក្សរប្រាប់យើងទីតាំងពិតប្រាកដ ដើម្បីយើងរៀបចំគូរប្លង់ ទិញដីឱ្យបានត្រឹមត្រូវនៅទីតាំងដែលយើងតភ្ជាប់ជាមួយគ្នា»។ ឯកឧត្តមបញ្ជាក់បន្ថែមថា «ផ្លូវល្បឿនលឿននេះ មានសារៈសំខាន់ណាស់ក្នុងការតភ្ជាប់ទាំងប្រទេសចិន មកភូមា មកប្រទេសថៃ មកកម្ពុជា ទៅវៀតណាម […]
អានបន្ថែម
រដ្ឋចេញនីតិវិធីទទួលស្គាល់ក្រុមហ៊ុន និងអ្នកជំនាញវាយតម្លៃអចលនវត្ថុក្នុងវិស័យបរធនបាលកិច្ច
អាជ្ញាធរសេវាហិរញ្ញវត្ថុមិនមែនធនាគារ បានកំណត់លក្ខខណ្ឌ និងនីតិវិធីទទួលស្គាល់ក្រុមហ៊ុនវាយតម្លៃ និងអ្នកជំនាញវាយតម្លៃអចលនវត្ថុ ក្នុងវិស័យបរធនបាលកិច្ច ក្រោយទទួលបានអាជ្ញាបណ្ណពីនិយ័តករបរធនបាលកិច្ច (ន.ប.ធ)។ នេះបើតាមប្រកាសលេខ ០៥២ អ.ស.ហ ប្រ.ក ចុះថ្ងៃទី០៣ ខែវិច្ឆិកា ឆ្នាំ២០២២ ស្តីពីការទទួលស្គាល់ក្រុមហ៊ុនវាយតម្លៃក្នុងវិស័យបរធនបាលកិច្ច។ ក្រុមហ៊ុនវាយតម្លៃដែលមានបំណងស្នើសុំការទទួលស្គាល់ពី ន.ប.ធ ត្រូវដាក់ពាក្យស្នើសុំទៅតាមទម្រង់ និងឯកសារភ្ជាប់ ដូចជា៖ ទទួលបានអាជ្ញាបណ្ណពី ន.ប.ធ បានបង្កើត និងមានធុរកិច្ចនៅក្នុងព្រះរាជាណាចក្រកម្ពុជា យ៉ាងហោចណាស់ ២ឆ្នាំ គិតមកត្រឹមថ្ងៃដាក់ពាក្យស្នើសុំការទទួលស្គាល់ មានអ្នកជំនាញវាយតម្លៃយ៉ាងតិចចំនួន ១រូប។ ចំណែក អ្នកជំនាញវាយតម្លៃត្រូវដាក់ពាក្យស្នើសុំការទទួលស្គាល់មក ន.ប.ធ ទៅតាមទម្រង់ និងឯកសារភ្ជាប់ ដូចខាងក្រោម៖ មានវិញ្ញាបនបត្រវិជ្ជាជីវៈដែលចេញដោយ ន.ប.ធ មានបទពិសោធន៍វាយតម្លៃក្នុងវិស័យអចលនទ្រព្យ យ៉ាងតិច ៣ឆ្នាំ ផ្តល់លិខិតតែងតាំងពីក្រុមហ៊ុនវាយតម្លៃ ចូលរួមវគ្គបណ្តុះបណ្តាល និងការប្រឡងដែលរៀបចំដោយ ន.ប.ធ ឬដោយស្ថាប័នបណ្តុះបណ្តាលដែលទទួលសិទ្ធិពី ន.ប.ធ ហើយលទ្ធផលប្រឡងមានសុពលភាព ២ឆ្នាំ គិតចាប់ពីកាលបរិច្ឆេទដែល ន.ប.ធ ប្រកាសលទ្ធផលប្រឡង។ បុគ្គលដាក់ពាក្យស្នើសុំត្រូវចូលរួមការអប់រំវិជ្ជាជីវៈបន្ត ដែលរៀបចំដោយ ន.ប.ធ ឬដោយស្ថាប័នបណ្តុះបណ្តាលដែលទទួលបានសិទ្ធិពី […]
អានបន្ថែម
ថៃផ្តល់កម្ចី ៣០លានដុល្លារ ដល់កម្ពុជាសម្រាប់គម្រោងលើកកម្រិតផ្លូវជាតិលេខ ៦៧
កម្ពុជា និងថៃ បានចុះហត្ថលេខាលើកិច្ចព្រមព្រៀងឥណទានសម្បទានសម្រាប់គម្រោងលើកកម្រិតផ្លូវជាតិលេខ ៦៧ (សៀមរាប-អន្លង់វែង-ជាំ/សាង៉ាំ) ដែលមានទឹកប្រាក់សរុបចំនួន ៩៨៣លានបាត ឬត្រូវនឹងប្រមាណ ៣០លានដុល្លារអាមេរិក។ តំណាងភាគីរាជរដ្ឋាភិបាលកម្ពុជា ឯកឧត្តម វង្សី វិស្សុត បានសម្តែងនូវក្តីសោមន្សរីករាយ ដែលរាជរដ្ឋាភិបាលថៃ បានអនុម័តឥណទានសម្រាប់គម្រោងលើកកម្រិតផ្លូវជាតិលេខ ៦៧ (សៀមរាប-អន្លង់វែង-ជាំ/សាង៉ាំ)នេះ។ ឯកឧត្តមបន្តថា កិច្ចព្រមព្រៀងឥណទានសម្បទាននេះ មិនត្រឹមតែបានឆ្លុះបញ្ចាំងពីភាពជាអ្នកជិតខាងដ៏ល្អរវាងកម្ពុជា-ថៃ ដែលមានព្រពៃណីទំនៀមទំលាប់ស្រដៀងគ្នាប៉ុណ្ណោះទេ តែក៏ជាដៃគូដ៏ល្អផងដែរ។ ទន្ទឹមគ្នានេះដែរ លោក Perames Vudthitornetiraks ប្រធានទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចនៃបណ្តាប្រទេសជិតខាង (NEDA) តំណាងភាគីថៃ បានលើកឡើងថា បច្ចុប្បន្ន NEDA កំពុងដើរតួនាទីជាដៃគូអភិវឌ្ឍន៍ដ៏សកម្មមួយរបស់កម្ពុជា ដោយផ្តោតសំខាន់ទៅលើគម្រោងអភិវឌ្ឍន៍ហេដ្ឋារចនាសម្ព័ន្ធ ក្នុងគោលដៅពន្លឿនការតភ្ជាប់រវាងប្រទេសទាំង២ ឱ្យកាន់តែប្រសើរឡើង។ គួរបញ្ជាក់ថា ផ្លូវជាតិលេខ ៦៧ ធ្លាប់ត្រូវបានស្តារ និងសាងសង់ឡើងវិញ ក្រោមហិរញ្ញប្បទានសម្បទានរបស់រាជរដ្ឋាភិបាលថៃតាំងពីឆ្នាំ២០០៦មកម្ល៉េះ និងត្រូវបានសម្ពោធដាក់ឱ្យប្រើប្រាស់ នៅខែកក្កដា ឆ្នាំ២០០៩។ ក្រោយពីបានដាក់ប្រើប្រាស់ជាងមួយទសវត្សរ៍ ផ្លូវនេះពិតជាត្រូវការ ជួសជុល និងកែលម្អឡើងវិញ ដើម្បីឆ្លើយតបទៅនឹងតម្រូវការនៃការអភិវឌ្ឍកម្ពុជានាពេលបច្ចុប្បន្ន។ ផ្លូវជាតិលេខ៦៧ នេះ មានប្រវែងប្រមាណ ១៣៥គីឡូម៉ែត្រ […]
អានបន្ថែម
កម្ពុជា-ចិនសម្ពោធបើកឱ្យប្រើប្រាស់ផ្លូវល្បឿនលឿនភ្នំពេញ-ព្រះសីហនុជាផ្លូវការហើយ
សម្តេចតេជោ ហ៊ុន សែន និងឯកឧត្តម លី ខឺឈាង នាយករដ្ឋមន្ត្រីនៃសាធារណរដ្ឋប្រជាមានិតចិន អញ្ជើញជាអធិបតីក្នុងពិធីសម្ពោធជានិមិត្តរូបបើកឱ្យប្រើប្រាស់ជាផ្លូវការនូវផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងព្រះសីហនុ។ នេះបើតាមសេចក្តីប្រកាសពត៌មានរបស់ក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី០៥ ខែវិច្ឆិកា ឆ្នាំ២០២២។ ក្រៅពីនេះ ឯកឧត្តម លី ខឺឈាង នឹងបំពេញទស្សកិច្ចទស្សនកិច្ចផ្លូវការនៅព្រះរាជាណាចក្រកម្ពុជារយៈពេល ០៣ថ្ងៃចាប់ពីថ្ងៃទី០៨-១១ ខែវិច្ឆិកា ឆ្នាំ២០២២ ព្រមទាំងអញ្ជើញជាអធិបតីក្នុងពិធីចុះហត្ថលេខាលើឯកសារកិច្ចសហប្រតិបត្តិការទ្វេភាគីមួយចំនួនផងដែរ។ បន្ថែមពីនេះ ឯកឧត្តម នឹងធ្វើទស្សនកិច្ចទៅកាន់ខេត្តសៀមរាប និងអញ្ជើញជាអធិបតីជាមួយ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងពិធីប្រគល់គម្រោងស្ថាបនាឡើងវិញនៃប្រាសាទតាកែវ។ គួរបញ្ជាក់ថា ផ្លូវល្បឿនលឿននេះ ចាប់ផ្ដើមសាងសង់កាលពីខែមីនា ឆ្នាំ ២០១៩ ក្រោមការវវិនិយោគ ២ ពាន់លានដុល្លារ របស់ក្រុមហ៊ុនសាជីវកម្មផ្លូវ និងស្ពានចិន (CRBC) ក្នុងលក្ខខណ្ឌសាងសង់-ប្រតិបត្តិការ-ផ្ទេរ រយៈពេល ៥០ ឆ្នាំ។ (អានបន្ថែម)
អានបន្ថែម
ក្រសួងប្រើរថយន្តទំនើបបំផុតពិនិត្យគុណភាពសំណង់ស្ពាន តម្លៃ៨០ម៉ឺនដុល្លារ
ក្រសួងសាធារណការ និងដឹកជញ្ជូនចាប់ផ្តើមប្រើប្រាស់ជាលើកដំបូងនូវរថយន្តបំពាក់ឧបករណ៍បច្ចេកទេសទំនើបបំផុត តម្លៃ៨០ម៉ឺនដុល្លារ ដើម្បីពិនិត្យគុណភាពហេដ្ឋារចនាសម្ព័ន្ធស្ពាននៅទូទាំងប្រទេស។ នេះបើយោងតាមការចុះពិនិត្យគុណភាពស្ពានព្រែកតាមាក់ របស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកាលពីថ្ងៃទី ០២ វិច្ឆិកា ២០២២។ ឯកឧត្តម ស៊ុន ចាន់ថុល បានឱ្យដឹងថា «ក្រសួងបានចាប់ផ្តើមប្រើប្រាស់រថយន្តដែលភ្ជាប់នឹងម៉ាស៊ីនទំនើបមួយគ្រឿង មានតម្លៃ៨០ម៉ឺនដុល្លារជាលើកដំបូង នៅស្ពានព្រែកតាមាក់។ រថយន្តនេះ អាចត្រួតពិនិត្យមើលស្ថានភាពជាក់ស្តែងនៃសំណង់បាតស្ពាន ផ្នែកខាងក្រោមនៃស្ពាន ដើម្បីពិនិត្យឱ្យដឹងថាស្ពានមានស្នាមប្រេះស្រាំ និងបញ្ហាខូច ឬយ៉ាងណា ងាយស្រួលជួសជុលបានទាន់ពេលវេលា»។ ឯកឧត្តមបន្តថា ក្រោយពីបានប្រើប្រាស់ម៉ាស៊ីនទំនើបត្រួតពិនិត្យស្ពានរួចមក ឃើញថាស្ពាននេះមានការប្រេះស្រាំបន្តិចបន្តួច ហើយឯកឧត្តមក៏បានប្រាប់ឱ្យក្រុមហ៊ុនសាងសង់ស្ពានសៀងហៃជួសជុលស្ពាននេះឡើងវិញផងដែរ។ ក្រសួងបានបញ្ជាក់បន្ថែមថា រថយន្តបំពាក់ឧបករណ៍ទំនើបនេះ បានផ្តល់នូវភាពងាយស្រួល និង ភាពសុក្រឹត្យជាងពេលកន្លងមក ដែលធ្វើការពិនិត្យដោយគ្មានឧបករណ៍ប្រភេទនេះ ម្យ៉ាងរថយន្តប្រភេទនេះ មានលក្ខណៈទំនើប មានសមត្ថភាពខ្ពស់អាចផ្ទុកមនុស្សបានប្រមាណជា១០នាក់សម្រាប់ការចុះទៅពិនិត្យមើលបាតស្ពានផងដែរ៕
អានបន្ថែម
ក្រសួង នឹងដាក់ឱ្យប្រើប្រប្រព័ន្ធ DIP ដើម្បីគ្រប់គ្រងចំណូលផ្លូវល្បឿនលឿន នៅថ្ងៃ០៩ វិច្ឆិកានេះ
ក្រសួងសាធារណការ និងដឹកជញ្ជូនបានឱ្យដឹងថា គ្រោងនឹងដាក់ឱ្យប្រើប្រាស់ប្រព័ន្ធ DIP ជាផ្លូវការ នាថ្ងៃ០៩ វិច្ឆិកា ២០២២ ខាងមុខនេះ ដើម្បីងាយស្រួលគ្រប់គ្រងលើចំណូលចេញចូលផ្លូវល្បឿនលឿនភ្នំពេញ-ព្រះសីហនុ។ ថ្លែងក្នុងកិច្ចប្រជុំថ្នាក់ដឹកនាំក្រសួងប្រចាំសប្តាហ៍ កាលថ្ងៃទី០២ ខែវិច្ឆិកា ឯកឧត្តម ស៊ុន ចាន់ថុល រដ្ឋមន្ត្រី បានបញ្ជាក់ឱ្យដឹងថា ប្រព័ន្ធបច្ចេកវិទ្យា DIP នេះ គ្រោងនឹងបញ្ចប់ការរៀបចំ ដើម្បីដាក់ឱ្យប្រើប្រាស់ ជាផ្លូវការ នាថ្ងៃ០៩ វិច្ឆិកា ២០២២ ខាងមុខនេះ។ ឯកឧត្តមថា «ប្រព័ន្ធនេះ ដាក់ឱ្យប្រើប្រាស់ដើម្បីផ្តល់ភាពងាយស្រួលដល់ប្រជាពលរដ្ឋអាច បញ្ចូលសមតុល្យទឹកប្រាក់ជាមុន តាមរយៈផ្លាកលេខ និងជួយសម្រួលឱ្យការចេញចូលផ្លូវល្បឿនលឿន បានលឿនរហ័ស កាត់បន្ថយការកកស្ទះ បង្ការពីជំងឺកូវីដ១៩ ព្រមទាំងបញ្ជៀសការប្រើកាតចេញចូលដែលប្រឈមការបាត់បង់ផងដែរ ឬផាកពិន័យផ្សេងៗផងដែរ»។ គួរបញ្ជាក់ថា ប្រព័ន្ធបច្ចេកវិទ្យា DIP នេះ ក្រោមការរៀបចំដោយ អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ សហការជាមួយក្រុមហ៊ុនផ្លូវល្បឿនលឿន និងគ្រឹះស្ថានធនាគារ-ហិរញ្ញវត្ថុជាដៃគូ ក្នុងបំពាក់បច្ចេកវិទ្យា DIP សម្រាប់ការគ្រប់គ្រង និងប្រមូលចំណូលចេញចូលប្រើប្រាស់ផ្លូវល្បឿនលឿន ឱ្យកាន់តែមានតម្លាភាព ជាពិសេសធានាការប្រមូលចំណូលថវិកាជាតិ កាន់តែមាភាពប្រសើរឡើង។ […]
អានបន្ថែម
អគារទីស្តីការក្រសួងមហាផ្ទៃថ្មីតម្លៃជាង ៦០ លានដុល្លារ សាងសង់បាន៦០% ហើយ
គិតមកដល់ពេលនេះ អគារទីស្តីការក្រសួងមហាផ្ទៃថ្មី ដែលមានតម្លៃប្រមាណ ៦០លានដុល្លារអាមេរិក សាងសង់សម្រេចបាន៦០% ហើយ ដោយគ្រោងនឹងបញ្ចប់តាមផែនការ នៅខែសីហា ឆ្នាំ២០២៣ខាងមុខ។ កាលពីនារសៀលថ្ងៃទី៣ ខែវិច្ឆិកា ឆ្នាំ២០២២ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រួមនិងភាគីពាក់ព៏ន្ធ បានចុះពិនិត្យវឌ្ឍនភាព ដំណើរការសាងសង់អគារនេះផ្ទាល់ផងដែរ។ បើតាមសកម្មភាពចុះពិនិត្យវឌ្ឍនភាពនៃការសាងសង់អគារនេះ បានឱ្យដឹងថា«គារទីស្តីការថ្មីនេះ ដែលបានសាងសង់ឡើងលើទីតាំងចាស់ ស្ថិតក្នុងក្រសួងមហាផ្ទៃ តាមបណ្ដោយវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ បន្ទាប់ពីដំណើរការសាងសង់បានប្រមាណ ១ឆ្នាំ ពេលនេះសម្រេចបាន ៦០ភាគរយហើយ»។ គួរបញ្ជាក់ថា អគារនេះមានទំហំ ១៥៣ម៉ែត្រ គុណ៨៣ម៉ែត្រ មានកម្ពស់ ៩ជាន់ មិនរាប់បញ្ចូលជាន់ផ្ទាល់ដី និងជាន់សម្រាប់ចំណតរថយន្តចំនួន ៣៣០គ្រឿង ជាសំណង់ស្ថាបត្យកម្មក្លាសិក រចនាបទខ្មែរ ដំបូលប្រក់ក្បឿងស្រកាលិញមានបុស្បបុកចំនួនប្រាំ តាមលំនាំតាមប្រាសាទអង្គវត្តកំពូលប្រាំ និងជាអគាររដ្ឋបាលធំជាងគេនៅកម្ពុជា។ គម្រោងសាងសង់ តម្លៃជាង ៦០លានដុល្លារនេះ បានបើកការដ្ឋានសាងសង់ កាលពី ថ្ងៃទី១១ ខែវិច្ឆិកា ឆ្នាំ២០២១ កន្លងទៅនេះ៕
អានបន្ថែម
ក្រសួងបរិស្ថាន៖ មានសំរាមជាង ៦៤% ប៉ុណ្ណោះ ត្រូវបានយកទៅចាក់នៅទីលានចាក់សំរាម
ក្នុងចំណោមសំណល់សំរាម១០០%នៅកម្ពុជា គឺមានតែសំណល់ប្រមាណជាង ៦៤%ប៉ុណ្ណោះ ដែលត្រូវប្រមូលទៅចាក់នៅទីលាន ក្រៅពីនោះសំរាម ៣៥%ទៀត ត្រូវបានពលរដ្ឋបោះចូលប្រភពទឹក ដុតចោល និងបោះចោលពាសវាលពាសកាល ជាហេតុបង្កផលប៉ះពាល់បរិស្ថាន។ នេះបើតាមការបញ្ជាក់របស់ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ក្នុងសន្និបាតបូកសរុបលទ្ធផលការងារបរិស្ថានឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងបរិស្ថាន ចាប់ពីថ្ងៃទី៣១ ខែតុលា ដល់ថ្ងៃទី០១ ខែវិច្ឆកា ឆ្នាំ២០២២។ ឯកឧត្តមបានឱ្យដឹងថា ក្នុងរយ:ពេលមួយឆ្នាំ កម្ពុជាបង្កើតសំរាមបានជាង ៤លានតោន ដែលមានអត្រាកើនឡើងពី ១០ ទៅ ១៥ភាគរយ ពីមួយឆ្នាំទៅមួយឆ្នាំ។ ឯកឧត្តមបន្ថែម ក្នុងនោះសំណល់ភាគច្រើនជាសំណល់សរីរាង្គ ៦០ភាគរយ ប្លាស្ទិកប្រមាណជា ២០ភាគរយ និងសំណល់ទូទៅ ១០ភាគរយ។ នៅក្នុងការទុកដាក់សំរាមនេះ ឯកឧត្តមបានបញ្ជាក់ថា បច្ចុប្បន្នក្រសួងបរិស្ថាន និងដៃគូកំពុងសិក្សាអំពីបច្ចេកទេស ដែលមានជំនួយពីធនាគារអភិវឌ្ឍន៍អាស៊ី និងធនាគារពិភពលោក ដើម្បីពិនិត្យលើលទ្ធភាពក្នុងការរៀបចំទីតាំងចាក់សំរាម ដែលមានអនាម័យ និងមានបច្ចេកទេសទំនើប។ ទន្ទឹមនឹងនេះផងដែរ ក្រសួងបរិស្ថាន កំពុងរៀបចំគោលនយោបាយគ្រប់គ្រងសំរាមធ្វើយ៉ាងណាឱ្យការទុកដាក់សំរាមឱ្យមានប្រសិទ្ធភាព ហើយក្រសួងក៏មានវិធានការចម្រុះថ្មី ក្នុងការរៀបចំសំរាមដោយប្រើយុទ្ធសាស្រ្តកែច្នៃ ទាញយកថាមពល […]
អានបន្ថែម
ADB និងEDC ចុះហត្ថលេខា កម្មវិធីថាមពលពន្លឺព្រះអាទិត្យ និងថាមពលផ្ទុកថ្ម ២ GW នៅកម្ពុជា
ធនាគារអភិវឌ្ឍន៍អាស៊ី (ADB) បានចុះហត្ថលេខាលើអាណត្តិសេវាប្រឹក្សាប្រតិបត្តិការជាមួយអគ្គិសនីកម្ពុជា (EDC) ដើម្បីគាំទ្រដល់ការអភិវឌ្ឍន៍ថាមពលពន្លឺព្រះអាទិត្យ ២ ជីហ្គាវ៉ាត់ (GW) នៅកម្ពុជា។ កម្មវិធីនេះ នឹងជួយឱ្យប្រទេសកម្ពុជាឱ្យសម្រេចបាននូវគោលដៅអព្យាក្រឹត្យភាពកាបូននៅឆ្នាំ ២០៥០។ នេះបើយោងតាមសេចក្តីប្រកាសព័ត៌មានរបស់ ADB ចេញផ្សាយនៅថ្ងៃទី២ ខែវិច្ឆិកា។ នៅក្រោមកម្មវិធីនេះ ADB នឹងជួយ EDC ធ្វើការសិក្សាទូទាំងប្រទេសស្តីពីកាលានុវត្តន៍ភាពសម្រាប់សមត្ថភាពថាមពលពន្លឺព្រះអាទិត្យ រួមជាមួយនឹងប្រព័ន្ធផ្ទុកថាមពលថ្ម (BESS) ដែលនឹងត្រូវអនុវត្តចាប់ពីឆ្នាំនេះរហូតដល់ឆ្នាំ២០៣០។ ADB ក៏នឹងជួយដល់ EDC ក្នុងការដេញថ្លៃគម្រោងសាកល្បងកម្លាំង ១០០ មេហ្គាវ៉ាត់ ដែលត្រូវបានកំណត់នៅក្រោមការសិក្សាដល់វិស័យឯកជន ដែលនឹងសាងសង់ ផ្តល់ហិរញ្ញប្បទាន និងដំណើរការគម្រោងនេះ។ គម្រោងសាកល្បងនេះ ត្រូវបានគេរំពឹងថានឹងប្រមូលទុនរហូតដល់ ១០០ លានដុល្លារអាមេរិក និងធ្វើជាគំរូនៃលទ្ធកម្មមានតម្លៃសមរម្យ និងឆាប់រហ័ស នៃការផ្គត់ផ្គង់ថាមពលកកើតឡើងវិញ ក្នុងប្រទេសកម្ពុជា។ ការអភិវឌ្ឍន៍ថាមពលពន្លឺព្រះអាទិត្យ ២GW នេះគឺស្របតាមយុទ្ធសាស្ត្ររបស់រដ្ឋាភិបាលកម្ពុជា ដើម្បីបំពេញតម្រូវការថាមពលដែលកំពុងកើនឡើងរបស់ខ្លួន តាមរយៈការបង្កើនការប្រើប្រាស់ថាមពលកកើតឡើងវិញ និងប្រសិទ្ធភាពថាមពល។ កម្មវិធីនេះ បង្កើតការគាំទ្រពីមុនរបស់ ADB ដល់វិស័យថាមពលព្រះអាទិត្យនៅកម្ពុជា មានដូចជាតាមរយៈ National Solar […]
អានបន្ថែម
កម្ពុជាត្រៀមសង់កំពង់ផែទឹកជ្រៅ ០៣ទៀត ដែលមានសមត្ថភាពធ្វើដំណើរត្រង់ទៅសហរដ្ឋអាមេរិក និងអុឺរ៉ុប
កម្ពុជា កំពុងរៀបចំសាងសង់កំពង់ផែទឹកជ្រៅមួយទៀត «ផែគន្ថីនៅទឹកជ្រៅ» ដែលមានជម្រៅរហូតដល់ ១៤,៥០ ម៉ែត្រ ដែលអាចអនុញ្ញាតឱ្យនាវាប្រហែល៩៣% ធ្វើដំណើរក្នុងតំបន់អាស៊ីប៉ាស៊ីហ្វិកអាចចតបាននៅកំពង់ផែក្រុងព្រះសីហនុ គ្រោងនឹងសម្រេចក្នុងឆ្នាំ២០២៦។ នេះបើតាមការបញ្ជាក់របស់ ឯកឧត្តមរដ្ឋមន្ត្រី ស៊ុន ចាន់ថុល ក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងសាធារណការ និងដឹកជញ្ជូន” កាលពីថ្ងៃទី២៧ ខែតុលា ឆ្នាំ២០២២។ ទន្ទឹមនឹងនេះ ឯកឧត្តមរដ្ឋមន្ត្រី បានបន្ថែមថា៖ «ពេលជាមួយគ្នានេះ យើងកំពុងសិក្សាធ្វើផែ ០២ទៀត មួយ ១៦,៥០ ម៉ែត្រ មួយទៀត ១៧,៥០ ម៉ែត្រ។ ឆ្នាំ២០៣០ នឹងធ្វើឱ្យហើយ ១៧,៥០ ម៉ែត្រ ដែលអនុញ្ញាតឱ្យនាវាអាចផ្ទុកទំនិញបាន ១២ម៉ឺនតោន ១២០ពាន់តោន អាចធ្វើដំណើរពីកំពង់ផែក្រុងព្រះសីហនុឆ្ពោះត្រង់តែម្តងទៅសហរដ្ឋអាមេរិក និងត្រង់ទៅអ៊ឺរ៉ុប»។ ឯកឧត្តមរដ្ឋមន្ត្រី បានបន្តថា សព្វថ្ងៃនេះ ដោយសារទឹករាក់ កម្ពុជាត្រូវដឹកទំនិញទៅសិង្ហបុរី ឬទៅហុងកុង ឬទៅវ៉ង់តាវជាដើម ដើម្បីផ្ទេរទំនិញទៅកប៉ាល់ធំ ដោយប្រើប្រាស់ថវិកាច្រើន ក្នុងការលើកដាក់ទំនិញដល់ទៅពីរដង។ បើតាមឯកឧត្តមរដ្ឋមន្ត្រី ស៊ុន […]
អានបន្ថែម