អាជ្ញាធរចាត់វិធានការក្ដៅរឹតបន្ដឹងច្បាប់សំណង់ ក្រោយមេការសំណង់ត្រូវឃាត់ខ្លួនករណីរន្ទារលំ
ក្រោយច្បាប់សំណង់ចូលជាធរមាន ការដ្ឋានសំណង់នានាទូទាំងប្រទេស ត្រូវបានគ្រប់គ្រងតឹងរឹងជាងមុខ ដោយកាលពីថ្ងៃទី ១០ សីហា កន្លងមកនេះ មេការសំណង់ម្នាក់ នៅខណ្ឌសែនសុខ ត្រូវបានឃាត់ខ្លួន និងពិន័យតាមច្បាប់ ដោយធ្វេសប្រហែសធ្វើឱ្យរន្ទាប្លង់សេដួលរលំលើមនុស្សស្លាប់។ ឯកឧត្តម ឆាន់ សូរ្យផល អគ្គនាយក នៃអគ្គនាយកដ្ឋានសំណង់ នៃក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ការឃាត់ខ្លួន និងពិន័យតាមផ្លូវច្បាប់នេះ គឺជាផ្នែកមួយនៃការអនុវត្តច្បាប់សំណង់យ៉ាងម៉ឹងម៉ាត់ និងជាមេរៀនសម្រាប់មេការសំណង់ និងអ្នកពាក់ព័ន្ធក្នុងវិស័យសំណង់ផ្សេងទៀត ឱ្យគោរពតាមច្បាប់សំណង់។ ឯកឧត្តម បន្ថែមថា ក្រោយកើតហេតុការណ៍នេះ ក្រសួង និងអាជ្ញាធរពាក់ព័ន្ធ នឹងបន្តខិតខំបង្កើតយន្តការច្បាប់ បទដ្ឋានគតិយុត្ត និងបទប្បញ្ញត្តិបច្ចេកទេសចាំបាច់មួយចំនួនទៀតដើម្បីពង្រឹងគុណភាពនិងសុវត្តិភាពសំណង់ ទិសដៅដើម្បីបង្កា និងបញ្ចៀសបញ្ហានេះមិនឱ្យកើតមានទៀត។ «ការចូលរួមអនុវត្តវិធានការជាធរមានខាងលើពីគ្រប់ភាគីពាក់ពន្ធ័នឹងការងារសាងសង់ នឹងកាត់បន្ថយហានិភ័យផ្សេងៗដែលអាចកើតមានជាយថាហេតុ» ឯកឧត្តមបន្ដ។ ទាក់ទិននឹងករណីនេះដែរ តំណាងសមាគមអ្នកសាងសង់កម្ពុជា បានឱ្យដឹងថា សមាគមគាំទ្រយ៉ាងពេញទំហឹងលើការពិន័យ ឬ ផ្តន្ទាទោសដល់បុគ្គល ឬក្រុមហ៊ុនសាងសង់ ដែលមិនគោរពច្បាប់។ «នេះជាការផ្ដល់មេរៀន ដល់ក្រុមហ៊ុន ឬបុគ្គលផ្សេងទៀតមិនឱ្យធ្វើតាម ហើយជាការសឱ្យឃើញថាកម្ពុជាអនុវត្តច្បាប់សំណង់បានយ៉ាងជាក់លាក់។ ក្នុងនាមជាសមាគម យើងនឹងបន្ដចុះផ្សព្វផ្សាយអំពីច្បាប់សំណង់ដល់សមាជិក និងសាធារណជនបន្ថែម […]
អានបន្ថែម
៥ឆ្នាំចុងក្រោយនេះ មានរោងចក្រចំនួន ១៩៤៧ និងសហគ្រាសធុនតូច-មធ្យមជាង ៤៣ម៉ឺន បានចុះបញ្ជីថ្មី
គិតត្រឹមរយៈពេល ៥ឆ្នាំចុងក្រោយ មកទល់នឹងខែកក្កដា ឆ្នាំ២០២២នេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានចុះបញ្ជីរោងចក្របានចំនួន ១៩៤៧ ទីតាំង ដែលបង្កើតការងារបានចំនួន១ ០៤៤ ២២៦ កន្លែង។ នេះបើតាមការលើកឡើងរបស់ ឯកឧត្តម ហេង សុខគង់ រដ្ឋលេខាធិការរបស់ក្រសួងឧស្សាហកម្ម ក្នុងសន្និសីទសារព័ត៌មាន នៅថ្ងៃទី១១ ខែសីហា ឆ្នាំ២០២២។ ជាមួយគ្នានេះផងដែរ បច្ចុប្បន្ននេះ កម្ពុជាមានសួនឧស្សាហកម្មចំនួន ១៣កន្លែង មានរោងចក្រចំនួន ៨៥ទីតាំង បង្កើតការងារបានចំនួន ៦២៦២៦ នាក់ ដែលទុនវិនិយោគសរុប ៤០៣ លានដុល្លារអាមេរិក។ ខណៈនេះផងដែរ ក្នុងរយៈពេល ៥ឆ្នាំចុងក្រោយនេះ ចំនួនសហគ្រាសធុនតូច និងមធ្យមក្នុងវិស័យកម្មន្តសាល ចុះបញ្ជីបានចំនួន ៤៣៨១៣មូលដ្ឋន បង្កើតការងារបាន ៤៤២៨៣៨នាក់ ដែលមានការកើនឡើងចំនួន ៤៤២៣ មូលដ្ឋាន បើធៀបនឹង ៥ឆ្នាំមុន ស្មើនឹង១១,២២ %។ ដោយឡែក គិតត្រឹម៧ខែដំបូង ដើមឆ្នាំ២០២២ […]
អានបន្ថែម
កម្មវិធី «សំណង់កម្ពុជាថ្ងៃនេះ» នឹងចែករំលែកបច្ចេកទេសសំខាន់ៗ និងការវិវឌ្ឍន៍ថ្មីៗ ក្នុងវិស័យសំណង់កម្ពុជា
អចលនទ្រព្យ និងសំណង់ គឺជាវិស័យដ៏សំខាន់សម្រាប់តំបន់ ឬប្រទេសនីមួយៗ ជាពិសេសប្រទេសដែលកំពុងអភិវឌ្ឍន៍ ដូចជាប្រទេសកម្ពុជាយើងជាដើម ហើយមនុស្សភាគច្រើនតែងតែចង់ដឹងពីការរីកចម្រើន និងការវិវឌ្ឍន៍ថ្មីៗរបស់វា ។ សម្រាប់ប្រទេសកម្ពុជាយើង វិស័យនេះជាវិស័យដ៏សំខាន់ដែលកំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកជំនួញ អ្នកវិនិយោគទាំងក្នុង និងក្រៅប្រទេស ក៏ដូចជាប្រជាជនទូទៅ ដូច្នេះការស្វែងរកនូវព័ត៌មាន ក៏ដូចជាចំណេះដឹងបន្ថែមទៅលើវិស័យសំណង់ និងការជ្រើសរើសសម្ភារសំណង់ដែលមានគុណភាពខ្ពស់ដើម្បីទទួលបាននូវសំណង់ដែលរឹងមាំជាប់ធន់ គឺជាកត្តាដ៏ចាំបាច់បំផុត។ ដោយមើលឃើញពីភាពចាំបាច់ទាំងនេះ ក្រុមហ៊ុន អាយ អេស អាយ ស្ទៀល ដែលជាក្រុមហ៊ុនដ៏ល្បីឈ្មោះមួយនៅកម្ពុជា ខាងផ្នែកកែច្នៃ និងចែកចាយផលិតផលដែក បានបង្កើតនូវកម្មវិធី «សំណង់កម្ពុជាថ្ងៃនេះ» ដែលប្រមូលផ្តុំសុទ្ធតែវាគ្មិនល្បីៗដើម្បីចូលរួមចែករំលែកចំណេះដឹង និងគន្លឹះសំខាន់ជូនទៅដល់ប្រជាជនកម្ពុជា ហើយ នៅថ្ងៃសៅរ៍ ទី១៣ ខែសីហា ឆ្នាំ២០២២ នេះផងដែរ កម្មវិធីបានអញ្ជើញលោក SOMPOP SUVANHONGKUL (ទីប្រឹក្សាអភិវឌ្ឍន៍អាជីវកម្ម ផ្នែកសំណង់ និង ការសាងសង) និងអ្នកជំនាញផ្នែកសំណង់ផ្សេងៗទៀត ដើម្បីធ្វើការចែករំលែកអំពី ការវិវឌ្ឍន៍របស់គ្រោងដំបូល និងទិចនិក ដើម្បីទទួលបាន គ្រោងដំបូលដែលមានគុណភាព ហើយសាកសមជាមួយការរចនាបទផ្ទះ ឬអាគារ។ ប្រធានបទនេះអាចជួយដល់ការយល់ដឹងឲ្យកាន់តែទូលំទូលាយ ជាពិសេសការវិវឌ្ឍន៍ថ្មីៗនៅក្នុងវិស័យនេះ ដើម្បីអោយម្ចាស់ផ្ទះ […]
អានបន្ថែម
អូស្ត្រាលីបន្តជួយ ៧៥លានដុល្លារ ដល់កម្ពុជាដើម្បីស្តារហេដ្ឋារចនាសម្ព័ន្ធក្នុងវិស័យកសិកម្ម
ប្រទេសអូស្ត្រាលី បានផ្តល់ទឹកប្រាក់ប្រមាណ ១០៧លានដុល្លារអូស្ត្រាលី ស្មើនឹងជាង ៧៥លានដុល្លារអាមេរិក បន្តគាំទ្រដល់ការស្តារសេដ្ឋកិច្ចឡើងវិញ ដោយវិនិយោគហេដ្ឋារចនាសម្ព័ន្ធ និងបង្កើនភាពធន់ទាក់ទងនឹងវិស័យកសិកម្ម ការកែច្នៃកសិផល និងពាណិជ្ជកម្ម។ នេះបើតាមកិច្ចប្រជុំរវាងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម Pablo Kang ឯកអគ្គរដ្ឋទូតអូស្ត្រាលីប្រចាំប្រទេសកម្ពុជា កាលពីថ្ងៃទី១១ ខែសីហា ឆ្នាំ២០២២។ នេះជាកញ្ចប់ទឹកប្រាក់ ដែលអូស្ត្រាលីផ្តល់មកកម្ពុជាតាមរយៈកម្មវិធីថ្មី ហៅថា ភាពជាដៃគូកម្ពុជា-អូស្ត្រាលី សម្រាប់ការអភិវឌ្ឍន៍សេដ្ឋកិច្ចធន់ (CAP-RED) ក្នុងការបន្តចូលរួមកាត់បន្ថយភាពក្រីក្រនៅតាមជនបទ បង្កើនប្រាក់ចំណូលសម្រាប់កសិករ និងបានជួយដល់វិស័យកសិកម្មនៅកម្ពុជា ឱ្យកាន់តែមានសក្តានុពលខាងផ្នែកពាណិជ្ជកម្ម និងការប្រកួតប្រជែង។ ការអនុវត្តកម្មវិធីថ្មីនេះ ជាកាបន្តអនុវត្តនូវសកម្មភាពរបស់កម្មវិធីខ្សែសង្វាក់តម្លៃកសិកម្មកម្ពុជា-អូស្ត្រាលី (CAVAC) ដែលនឹងបញ្ចប់នៅថ្ងៃទី១៥ ខែសីហា ឆ្នាំនេះ។ បើតាមស្ថានទូតអូស្រ្តាលីបានឲ្យដឹងថា ចាប់តាំងពីឆ្នាំ ២០១០ អូស្ត្រាលី បានវិនិយោគទឹកប្រាក់ចំនួន ១៣០ លានដុល្លារអូស្រ្តាលី ស្មើនឹងជាង ៩២លានដុល្លារអាមេរិក តាមរយៈកម្មវិធី CAVAC ដើម្បីបង្កើនការផលិតស្រូវ ប្រព័ន្ធធារាសាស្រ្តសម្រាប់កសិករខ្នាតតូច និងការធ្វើពិពិធកម្មកសិកម្មនៅកម្ពុជា។
អានបន្ថែម
ក្រុមហ៊ុន Arup ចង់សហការជាមួយកម្ពុជា សង់ប្រព័ន្ធដឹកជញ្ជូនរថភ្លើង MRT ដូចនៅសិង្ហបុរី
ក្រុមហ៊ុន Ave Arup Limited ប្រចាំប្រទេសកម្ពុជា ចង់សហការជាមួយកម្ពុជា ដើម្បីសាងសង់ប្រព័ន្ធដឹកជញ្ជូនរថភ្លើង MRT ឲ្យដូចនៅប្រទេសសិង្ហបុរី។ នេះបើតាមកិច្ចពិភាក្សាការងារក្រសួងសាធារណការ និងដឹកជញ្ជូន កាលថ្ងៃទី១០ ខែសីហា ឆ្នាំ២០២២។ ថ្លែងក្នុងជំនួបពិភាក្សានោះ តំណាងក្រុមហ៊ុន Arup ប្រចាំប្រទេសកម្ពុជា វៀតណាម ថៃ និងអង់គ្លេស បានលើកឡើងថា គោលបំណងនៃជំនួបនេះ គឺដើម្បីស្វែងយល់បន្ថែមអំពីការរីកចម្រើន និងការអភិវឌ្ឍហេដ្ឋារចនាសម្ព័ន្ធរូបវន្តនៅកម្ពុជា ក៏ដូចជាដើម្បីបញ្ជាក់ពីស្ថានភាពបច្ចុប្បន្ននៃការអភិវឌ្ឍហេដ្ឋារចនាសម្ព័ន្ធ និងអ្វីដែលជា ផែនការសម្រាប់ពេលអនាគត។ លើសពីនេះ តំណាងក្រុមហ៊ុន Arup បានបន្តថា ជំនួបនេះផ្តោតសំខាន់លើការស្វែងរកដំណោះស្រាយសម្រាប់វិស័យដឹកជញ្ជូន និងផែនការមេទីក្រុង ដើម្បីបញ្ចៀសការកកស្ទះចរាចរណ៍ ដោយចង់សហការលើគម្រោងសាងសង់ប្រព័ន្ធដឹកជញ្ជូនសាធារណៈ (ដូចជាប្រព័ន្ធរថភ្លើង MRT ប្រទេសសិង្ហបុរី) ហើយក៏បានបង្ហាញនូវទម្រង់ម៉ូដែលកិច្ចសហការរវាងរដ្ឋ និងឯកជន (Public-Private Partnership) ពាក់ព័ន្ធទៅនឹងលទ្ធកម្មផងដែរ៕ ពាក់ព័ន្ធនឹងប្រព័ន្ធដឹកជញ្ជូនសារធារណៈនេះដែរ រដ្ឋលេខាធិការប្រចាំការ ឯកឧត្តម តូច ចាន់កុសល បានលើកឡើងដែរថា កន្លងមកក្រសួងក៏មានការសិក្សាលើប្រព័ន្ធប្រតិបត្តិការរថភ្លើងស្វ័យប្រវត្តិ (AGT) ប្រព័ន្ធរថភ្លើងក្រោមដី (Subway) និងគម្រោងអភិវឌ្ឍន៍រថភ្លើង […]
អានបន្ថែម
ក្រុមហ៊ុនអន្តរជាតិល្បី ៤ ប្រកាសពង្រីកខ្លួនចូលផ្សារទំនើប ជីប ម៉ុង ២៧១ ដែលត្រៀមបើកឆាប់ៗនេះ
ក្រុមហ៊ុនល្បីៗលំដាប់អន្តរជាតិចំនួន៤ បានប្រកាសពង្រីកខ្លួនក្នុងមណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល ជាផ្លូវការនៅថ្ងៃទី១០ ខែសីហា ឆ្នាំ២០២២ តាមរយៈពិធីអនុស្សារណៈនៃការយោគយល់គ្នាជាមួយក្រុមហ៊ុន ជីប ម៉ុង រីថែល ធ្វើឡើងនៅឯសណ្ឋាគារ ហៃយ៉ាត់ រីជិនស៊ី ភ្នំពេញ។ ក្រុមហ៊ុនទាំងនោះរួមមាន៖ ក្រុមហ៊ុនបច្ចេកវិទ្យាខ្នាតយក្ស Samsung ក្រុមហ៊ុនផ្គត់ផ្គង់គ្រឿងអេឡិចត្រូនិកមកពីប្រទេសជប៉ុន Kohnan ក្រុមហ៊ុនបម្រើសេវាកម្មម្ហូបអាហារដ៏ល្បីមកពីប្រទេសចិន Paradise Dynasty និងក្រុមហ៊ុនលក់សម្លៀកបំពាក់ដ៏ពេញនិយមមកពីប្រទេសថៃ Jaspal។ លោកជំទាវ លី សុខឆេង អគ្គនាយិកានៃក្រុមហ៊ុន ជីប ម៉ុង រីថែល បានមានប្រសាសន៍ថា៖ «អនុស្សារណៈនៃការយោគយល់គ្នាពិតជាមានសារៈសំខាន់ខ្លាំងក្នុងការបង្ហាញពីការប្តេជ្ញាចិត្តរួមគ្នារវាងក្រុមហ៊ុន និងដៃគូសហការដើម្បីនាំយកផលិតផល និងសេវាកម្មដ៏ល្អឥតខ្ចោះប្រកបដោយគុណភាពខ្ពស់ជូនដល់អ្នកប្រើប្រាស់នៅកម្ពុជា។ កិច្ចសហការនាពេលនេះក៏បង្ហាញពីការជឿជាក់ និងទំនុកចិត្តរវាងក្រុមហ៊ុន ជីប ម៉ុង រីថែល និងដៃគូសហការផងដែរ»។ លោកជំទាវ លី សុខឆេងឲ្យដឹងបន្ថែមថា តាមរយៈកិច្ចសហការនេះ ក្រុមហ៊ុនទាំង៤ ខាងលើនឹងបើកសាខាក្នុងមណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាលម៉ល ដែលកំពុងដំណើរការសាងសង់យ៉ាងសកម្មហើយត្រៀមបើកសាកល្បងនៅពាក់កណ្តាលខែកញ្ញានេះដើម្បីស្វាមគន៍ដល់សាធារៈជនចូលទស្សនា […]
អានបន្ថែម
ស្ពានតភ្ជាប់ពីកោះនរាទៅកាន់ផ្លូវជាតិលេខ១ គ្រោងដាក់ដំណើរការនៅខែកញ្ញាខាងមុខនេះ
ក្រុមហ៊ុនអភិវឌ្ឍន៍កោះនរា គ្រោងដាក់ដំណើរការស្ពានតភ្ជាប់កោះនរា ទៅផ្លូវជាតិលេខ១ នៅខែកញ្ញាខាងមុខ ខណៈបច្ចប្បន្នការដ្ឋានស្ពាននេះ បានសម្រេចជាង ៩០ភាគរយ។ លោក ទូច សំណាង អគ្គនាយករងក្រុមហ៊ុន OCIC ដែលអភិវឌ្ឍន៍កោះនរា បានឱ្យដឹងនៅថ្ងៃទី១០ ខែសីហានេះថា ការដ្ឋានសាងសង់កំពុងបន្តតាមការគ្រោងទុក ដោយរំពឹងថានៅខែកញ្ញាខាងមុខ និងអាចដាក់ឱ្យប្រើប្រាស់បម្រើដល់ការធ្វើដំណើររបស់ប្រជាពលរដ្ឋ។ លោក ទូច សំណាង ថ្លែងថា៖ “ស្ពានហ្នឹង សាងសង់បានជាង ៩០ភាគរយហើយ អាចនឹងក្នុងខែកញ្ញា យើងអាចឱ្យដំណើរការបានហើយ។ ប្រជាពលរដ្ឋអាចភ្ជាប់ពីផ្លូវជាតិលេខ១ ជិះឆ្លងកាត់ស្ពាន មុននឹងឡើងលើកោះនរា មុនឆ្លងសាឡាងនៅចំណុចកោះពេជ្រ”។ សូមបញ្ជាក់ថា គម្រោងអភិវឌ្ឍន៍កោះនរា តម្លៃវិនិយោគ ២.៥ ប៊ីលានដុល្លារ លើផ្ទៃដី១២៥ហិកតា រួមបញ្ចូលការសាងសង់ស្ពានចំនួនពីរ គឺស្ពានទី១ ស្ពានតភ្ជាប់ពីកោះនរា ទៅនឹងផ្លូវជាតិលេខ១ តម្លៃសាងសង់១.៦ លានដុល្លារ និងស្ពានទីពីរ ស្ពានតភ្ជាប់រវាងកោះពេជ្រ និងកោះនរា តម្លៃសាងសង់៣៨លានដុល្លារ។
អានបន្ថែម
រដ្ឋបានចេញអាជ្ញាបណ្ណបូមខ្សាច់ស្ទឹង និង ទន្លេ គិតជាផ្ទៃប្រមាណជា ២ពាន់ហិកតា
ក្រសួងរ៉ែ និងថាមពល បានពន្យល់ពីការចេញអាជ្ញាបណ្ណបូមខ្សាច់ពីទន្លេ និងស្ទឹង ខណៈក្រសួងបានចេញអាជ្ញាបណ្ណបូមខ្សាច់មានផ្ទៃដីសរុប ២ពាន់ហិកតា។ ឯកឧត្តម អ៊ឺង ឌីប៉ូឡា អគ្គនាយកនៃអគ្គនាយកដ្ឋានរ៉ែ និងជាអ្នកនាំពាក្យក្រសួងរ៉ែ និងថាមពល ទទួលស្គាល់ថា ការទាញយកធនធានរ៉ែសំណង់ ជាពិសេសខ្សាច់ តែងតែរងការរិះគន់ពីសាធារណជន លើករណីបាក់ច្រាំងកន្លងមក។ ថ្លែងក្នុងសន្និសីទសារព័ត៌មានកាលពីថ្ងៃទី៩ ខែសីហា ឯកឧត្តម បញ្ជាក់ថា មុននឹងចេញអាជ្ញាបណ្ណបូមខ្សាច់ម្តងៗ ក្រសួងបានធ្វើការសិក្សាច្បាស់លាស់ណាស់ អំពីស្ថានភាពទន្លេ យើងមិនចេះតែចេញឱ្យគ្រប់ទីតាំងទន្លេនោះទេ។ ឯកឧត្តម អ៊ឺង ឌីប៉ូឡា ថ្លែងថា៖ “ការដែលយើងចេញអាជ្ញាបណ្ណ គឺយើងត្រួតពិនិត្យច្បាស់លាស់ណាស់ ហេតុអ្វីយើងត្រូវចេញនៅតំបន់ណាមួយ។ មិនត្រឹមតែមើលទៅលើសក្តានុពលរ៉ែទេ យើងមើលទៅដល់ការប៉ះពាល់ដល់សង្គម បរិស្ថាន ជាពិសេស យើងជួយសម្រួលផ្លូវនាវាចរណ៍”។ តបទៅនឹងការលើកឡើងថាអាជីវកម្មបូមខ្សាច់បង្កឱ្យបាក់ច្រាំងទន្លេ និងស្ទឹង អ្នកនាំពាក្យរូបនេះ បញ្ជាក់ថា៖ “បូមបាក់ច្រាំង បើសិនការបូមនោះ មិនគោរពទៅតាមលក្ខ័ណបច្ចេកទេស ទៅតាមដែនអាជ្ញាបណ្ណដែលក្រសួងបានកំណត់ចេញ”។ ក្រសួងបានចេញអាជ្ញាបណ្ណបូមខ្សាច់ពីទន្លេ និងស្ទឹង មានផ្ទៃដីសរុប ប្រមាណ២ពាន់ហិកតា ឬប្រមាណ ៣ភាគរយនៃផ្ទៃសរុបនៃទន្លេ និងស្ទឹងនៅក្នុងប្រទេស។ របាយការណ៍ក្រសួងបង្ហាញ ថា ការបូមខ្សាច់សំណង់ […]
អានបន្ថែម
ផ្លូវសំខាន់១ខ្សែនៅខេត្តព្រៃវែង ចាប់ផ្តើមសាងសង់ជាផ្លូវការហើយ
ផ្លូវសំខាន់១ខ្សែនេះ ជាប្រភេទផ្លូវក្រាលកៅស៊ូពីរជាន់ប្រភេទ (DBST ) និងបេតុង មានប្រវែង ១០,៦៧៩ គីឡូម៉ែត្រនៅខេត្តព្រៃវែង បានចាប់ផ្តើមបើកការដ្ឋានសាងសង់ជាផ្លូវការហើយ ក្រោមវត្តមានឯកឧត្ដម អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ កាលថ្ងៃទី ០៩ ខែសីហា ឆ្នាំ២០២២។ គម្រោងសាងសង់ផ្លូវនេះ មានទីតាំងតភ្ជាប់ពីភូមិជីផុច ឃុំជីផុចទៅដល់ភូមិព្រហ៊ារ ឃុំច្រេស ស្រុកមេសាង ខេត្តព្រៃវែង សាងសង់ឡើងដោយស្ថិតក្នុងក្របខណ្ឌគម្រោងពង្រឹងសមត្ថភាពផលិតភាពជនបទ ហៅកាត់ថា (NRRPCP)។ គួរបញ្ជាក់ដែរថា គម្រោងពង្រឹងសមត្ថភាពផលិតភាពជនបទ ហៅកាត់ថា (NRRPCP) គឺចាប់ផ្ដើមពីឆ្នាំ២០២១-២០២៣ មានថវិកាសរុបចំនួន ៦៧ លានដុល្លារអាមេរិក ក្នុងនោះថវិកាចំនួន ៦០ លានដុល្លារអាមេរិក ជាហិរញ្ញប្បទានរបស់ធនាគារវិនិយោគហេដ្ឋារចនាសម្ព័ន្ធអាស៊ី (AIIB )និង ៧,៥ លានដុល្លារអាមេរិក ជាថវិកាបដិភាគរបស់រាជរដ្ឋាភិបាលកម្ពុជា ។ គម្រោងនេះ មានសមាសភាពចំនួនពីរគឺ៖ ទី១_ អភិវឌ្ឍហេដ្ឋារចនាសម្ព័ន្ធគមនាគមន៍ជនបទ ដោយត្រូវស្ថាបនាផ្លូវក្រាលកៅស៊ូពីរជាន់ប្រភេទ (DBST) ប្រវែង ១៨៥ គីឡូម៉ែត្រ និងផ្លូវបេតុងប្រវែង ៥០ […]
អានបន្ថែម
ក្រុមហ៊ុនថ្មីមួយទៀត កំពុងសាកល្បងអាជីវកម្មចម្រាញ់រ៉ែមាសនៅព្រះវិហារ
ក្រុមហ៊ុន Delcom Campuchea PLC Ltd បានចាប់ផ្តើមផលិតកម្មចម្រាញ់រ៉ែមាសសាកល្បងកាលពីដើមខែសីហានេះ ដែលស្ថិតនៅក្នុងខេត្តព្រះវិហារ បច្ចុប្បន្នទទួលបានទិន្នផលសរុបប្រមាណ ២០គីឡូ។ ឯកឧត្តម អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ ក្រសួងរ៉ែ និងថាមពល បានលើកឡើងនៅក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងរ៉ែ និងថាមពល នៅទីស្តីការគណៈរដ្ឋមន្រ្តី នៅថ្ងៃទី ៩ ខែ សីហា ឆ្នាំ ២០២២។ ឯកឧត្តម ថ្លែងថា៖ “បច្ចុប្បន្នកម្ពុជាមានក្រុមហ៊ុនថ្មីមួយទៀត គឺក្រុមហ៊ុន Delcom ជាក្រុមហ៊ុនខ្នាតមធ្យម បានចាប់ផ្តើមផលិតមាសជាលើកដំបូងនៅព្រះវិហារ។ បើគិតត្រឹមថ្ងៃទី៤ ខែ សីហា ឆ្នាំ ២០២២ នេះ ក្រុមហ៊ុនចម្រាញ់មាសបានចំនួន ២០គីឡូក្រាម រួចហើយ។ បើតាមផែនការ គេគ្រោងផលិតឱ្យបាន ៣៤០គីឡូក្រាម ក្នុងមួយឆ្នាំ គិតជាចំណូលសួយសារជិត ៦០ម៊ឺនដុល្លារ”។ ក្រុមហ៊ុន Delcom Campuchea PLC Ltd ជាក្រុមហ៊ុនចូលរួមសហវិនិយោគរវាងវិនិយោគក្នុងស្រុក និងមកពីប្រទេសចិនបានទទួលអាជ្ញាបណ្ណស្វែងរុករ៉ែមាស […]
អានបន្ថែម
ក្រសួងកំពុងជំរុញការតភ្ជាប់ជើងហោះត្រង់ពីកោះត្រល់ មកខេត្តសៀមរាប
ក្រសួងទេសចរណ៍ កំពុងសិក្សាពីការរៀបចំកញ្ចប់ទស្សនកិច្ចទេសចរណ៍ពិសេសៗ ដើម្បីជំរុញចលនាទេសចរទៅកាន់ខេត្តសៀមរាប ក្នុងឱកាសនោះដែរ ក្រសួងក៏បានជំរុញការតភ្ជាប់ជើងហោះហើរត្រង់ពីកោះត្រល់ មកកាន់ខេត្តសៀមរាបផងដែរ។ នេះបើយោងតាមកិច្ចប្រជុំស្តីពីការគ្រប់គ្រងនិងអភិវឌ្ឍន៍ទេសចរណ៍សៀមរាប-អង្គរ កាលថ្ងៃទី៨ ខែសីហា ឆ្នាំ២០២២។ ឯកឧត្ដម ថោង ខុន រដ្ឋមន្រ្តីក្រសួងទេសចរណ៍ បានថ្លែងក្នុងកិច្ចប្រជុំនេះថា ក្រសួងកំពុងសិក្សាជាមួយស្ថានប័នពាក់ព័ន្ធ និងផ្នែកឯកជនក្នុងវិស័យទេសចរណ៍ដាក់ចេញនូវកញ្ចប់ទស្សនកិច្ចទេសចរណ៍ពិសេសសម្រាប់ខេត្តសៀមរាប ដោយក្នុងនោះនឹងសិក្សាស្នើសុំការពិនិត្យ និងសម្រេចពីរាជរដ្ឋាភិបាលលើសំណើមួយចំនួនរួមមាន៖ ១. ការជំរុញការតភ្ជាប់ជើងហោះត្រង់ពីកោះត្រល់ (Phu Quoc) មកកាន់ខេត្តសៀមរាប។ ២. បណ្ណចូលទស្សនារមណីយដ្ឋានអង្គរពេញមួយជីវិត (Angkor Life time Pass)។ ៣. ការដោះស្រាយថ្លៃសំបុត្រទូកទេសចរណ៍តំបន់ចុងឃ្នៀសសម្រាប់ទេសចរជាតិ។ ៤. ការជំរុញប្រតិបត្តិការរបស់ក្រុមហ៊ុនអាកាសចរណ៍ ដែលលក់សំបុត្រ តម្លៃទាបនៅកម្ពុជា។ គួររម្លឹកដែរថា សម្រាប់ឆមាសទី១ ឆ្នាំ២០២២នេះ កម្ពុជាទទួលបានទេសចរអន្តរជាតិចំនួនជាង ៥០ម៉ឺននាក់ កើនទ្បើង ៣៩៤.១% ធៀបនឹងរយៈពេលដូចគ្នាឆ្នាំ២០២១ ក្នុងនោះខេត្តសៀមរាបទទួលបានទេសចរអន្តរជាតិចំនួន ៦០,៤៣៥នាក់។ ផ្អែកតាមទិន្នន័យខាងលើ ក្រសួងមានបំណងចង់ជំរុញបន្ថែមនូវចលនាទេសចរទៅកាន់ខេត្តគោលដៅមួយនេះឱ្យបានប្រមាណ៥០ម៉ឺននាក់ ឬច្រើនលើសពីនេះនៅឆ្នាំ២០២៣ខាងមុខ៕
អានបន្ថែម
ឆមាសទី១-២០២២ រោងចក្រផលិតស៊ីម៉ង់ត៍ទាំង៥ ផលិតស៊ីម៉ង់ត៍បាន ៤,៦លានតោន
ក្នុងឆមាសទី១ ២០២២ រោងចក្រផលិតស៊ីម៉ង់ត៍ចំនួនប្រាំ នៅកម្ពុជា ផលិតស៊ីម៉ង់ត៍បានបរិមាណ ៤,៦លានតោន សម្រាប់ចូលរួមផ្គត់ផ្គង់ដល់វិស័យសាងសង់ក្នងស្រុក។ ក្រសួងរ៉ែ និងថាមពល បានបង្ហាញតួលេខបរិមាណផលិតស៊ីម៉ង់ត៍ ក្នុងសន្និសីទសារព័ត៌មាននៅអង្គភាពអ្នកនាំពាក្យរាជរដ្ឋាភិបាល នៅថ្ងៃទី៩ ខែសីហា។ ក្រសួងមិនបានបង្ហាញតួលេខ ដើម្បីប្រៀបធៀបក្នុងរយៈពេលដូចគ្នាកាលពីឆ្នាំមុនទេ ប៉ុន្តែក្រសួងបញ្ជាក់ថា គិតត្រឹមចុងឆ្នាំ២០២១ រោងចក្រទាំងប្រាំ បានផលិតស៊ីម៉ង់ត៍ បាន ៨,៩លានតោន និង ៨,៥លានតោន ក្នុងឆ្នាំ២០២០។ រោងចក្រផលិតស៊ីម៉ង់ត៍ទាំងប្រាំ មានរោងចក្របួនស្ថិតនៅខេត្តកំពត និងរោងចក្រមួយទៀតស្ថិតនៅខេត្តបាត់ដំបង មានសមត្ថភាពផលិតសរុប ៨លានតោនក្នុងមួយឆ្នាំ។ (អានបន្ថែម)
អានបន្ថែម