កូរ៉េនឹងជួយកម្ពុជា បំពាក់បច្ចេកវិទ្យាឆ្លាតវៃគ្រប់គ្រងទឹកស្អាតនៅភ្នំពេញ
ក្រុមហ៊ុនដ៏ល្បីល្បាញ GREENTECH INC របស់កូរ៉េ បានបង្ហាញពីជំហរដ៏មុតមាំក្នុងកិច្ចសហការអភិវឌ្ឃការបំពាក់បច្ចេកវិទ្យាឆ្លាតវៃ ដើម្បីគ្រប់គ្រងវិស័យផ្គត់ផ្គង់ទឹកស្អាតជាជំហ៊ានដំបូងនៅរដ្ឋាករទឹកស្វយ័តក្រុងភ្នំពេញក្នុងពេលឆាប់ៗនេះ។ នេះបើយោងតាមជំនួបពិភាក្សា រវាងឯកឧត្តម ចម ប្រសិទ្ធ រដ្ឋមន្រ្តីក្រសួងឧស្សាហកម្ម ជាមួយប្រតិភូក្រុមហ៊ុន GREENTECH INC កូរ៉េ ស្តីពីគម្រោងបំពាក់បច្ចេកវិទ្យាឆ្លាតវៃសម្រាប់វិស័យទឹកស្អាត នៅកម្ពុជា នៅថ្ងៃទី២៨ កក្កដា ២០២២។ លោក Tae-Yong Kwon ប្រធានក្រុមដឹកនាំគម្រោងរបស់ក្រុមហ៊ុនខាងលើ បានបង្ហាញជំហរយ៉ាងមុតមាំក្នុងកិច្ចសហការអភិវឌ្ឃការបំពាក់បច្ចេកវិទ្យាឆ្លាតវៃការគ្រប់គ្រងវិស័យផ្គត់ផ្គង់ទឹកស្អាតជាជំហ៊ានដំបូងនៅរដ្ឋាករទឹកស្វយ័តក្រុងភ្នំពេញ ព្រមទាំងការបណ្តុះបណ្តាលធនធានមនុស្ស និងឈានទៅអភិវឌ្ឍនៅបណ្តាខេត្តនានាបន្តទៀត តាមសំណើរររបស់កម្ពុជា។ ជាការឆ្លើយតប ឯកឧត្តម ចម ប្រសិទ្ធ ក៏បានបង្ហាញការគាំទ្រពេញទំហឹងចំពោះគម្រោងខាងលើ ព្រោះគម្រោងនេះមានសារៈសំខាន់ណាស់សម្រាប់បំពេញបន្ថែមនូវភាពខ្វះចន្លោះ និងជាផ្នែកមួយនៃការ អភិវឌ្ឍន៍វិស័យទឹកស្អាតនៅកម្ពុជា ជាពិសេសជួយដល់រដ្ឋាករទឹកស្វយ័តក្រុងភ្នំពេញ។ ឯកឧត្តម មានជំនឿជឿជាក់ថា គម្រោងនេះនឹងទទួលបានការសម្រេចពីរដ្ឋាភិបាលកូរ៉េឆាប់ៗ ក្នុងជំនួយឥតសំណងក្រោមក្របខណ្ឌ ODA និងការសិក្សាពីសមិទ្ធិលទ្ធភាពបានជោគជ័យ ។ គួរបញ្ជាក់ដែរថា ក្រុមហ៊ុន GREENTECH INC គឺជាក្រុមហ៊ុនដែលមានភាពល្បីល្បាញខ្លាំង និងជាប់ចំណាត់ថ្នាក់លេខ១នៅកូរ៉េ ផ្នែកប្រព័ន្ធគ្រប់គ្រងវិស័យទឹកស្អាត។ យ៉ាងណា តំណាងក្រុមហ៊ុននេះ […]
អានបន្ថែម
ក្រសួង២ រួមគ្នាបង្កើតមណ្ឌលសុខភាពថ្មី ១៣កន្លែង និងពង្រឹងសមត្ថភាពមណ្ឌលសុខភាពនៅទូទាំងប្រទេស
ក្រសួងសុខាភិបាល និងក្រសួងមហាផ្ទៃសម្រេចបង្កើតមណ្ឌលសុខភាពថ្មីចំនួន ១៣កន្លែង មន្ទីរពេទ្យបង្អែកថ្មី ១កន្លែង ប៉ុស្តិ៍សុខភាពថ្មី ១កន្លែង និងតម្លើងកម្រិតមន្ទីរពេទ្យបង្អែកចំនួន ២កន្លែង និងតម្លើងប៉ុស្តិ៍សុខភាពឱ្យទៅជាមណ្ឌលសុខភាពចំនួន ៥កន្លែង នៅទូទាំងប្រទេស។ នេះបើតាមប្រកាសអន្តរក្រសួងលេខ ០៣១ សនរ/ប្រក ចុះថ្ងៃទី២៦ ខែកក្កដា ឆ្នាំ២០២២។ ការសម្រេចបង្កើតមណ្ឌលសុខភាពថ្មីចំនួន ១៣កន្លែង រួមមាន៖ មណ្ឌលសុខភាពដីក្រហម ស្ថិតក្នុងខេត្តឧត្តរមានជ័យ មណ្ឌលសុខភាពតាំងសំរោង និងមណ្ឌលសុខភាពត្រាចទង ស្ថិតក្នុងខេត្តកំពង់ស្ពឺ។ មណ្ឌលសុខភាពអូរសណ្តាន់ មណ្ឌលសុខភាពអន្លង់ត្នោត មណ្ឌលសុខភាពឧទ្យានសំកុលសែនជ័យ មណ្ឌលសុខភាពរវៀង មណ្ឌលសុខភាពសន្ទ្រែ និងមណ្ឌលសុខភាពរកាត ស្ថិតក្នុងខេត្តពោធិ៍សាត់។ មណ្ឌលសុខភាពគគីរសោម ស្ថិតក្នុងខេត្តស្វាយរៀង មណ្ឌលសុខភាពទំនប់រលក ស្ថិតក្នុងខេត្តព្រះសីហនុ មណ្ឌលសុខភាពពារាម ស្ថិតក្នុងខេត្តតាកែវ មណ្ឌលសុខភាពផាត់សណ្តាយ ស្ថិតក្នុងខេត្តកំពង់ធំ។ ទន្ទឹមនឹងនេះផងដែរ ក្រសួង បានសម្រេចឱ្យបង្កើតប៉ុស្តិ៍សុខភាពអាយុយឺនយូរ អូរបាក់រទេះ ស្ថិតក្រោមណ្ឌលសុខភាពថ្មី ស្ថិតក្នុងខេត្តព្រះសីហនុ និងបង្កើតមន្ទីរពេទ្យបង្អែកថ្មី ១កន្លែង ឈ្មោះថាមន្ទីរពេទ្យបង្អែកកែវសីមា ជាប្រភេទមន្ទីរពេទ្យផ្តល់សេវាសំណុំសកម្មភាពបង្គ្រប់កម្រិត១ (CPA1) ស្ថិតក្នុងខេត្តមណ្ឌលគិរី។ បន្ថែមពីនេះ ក្រសួង […]
អានបន្ថែម
កម្ពុជា-កូរ៉េ រួមគ្នាររៀបចំផែនការមេបង្កើតប្រព័ន្ធដឹកជញ្ជូនឆ្លាតវៃនៅកម្ពុជា
ក្រសួងសាធារណការ និងដឹកជញ្ជូន បានសហការជាមួយវិទ្យាស្ថាន KRIHS នៃសាធារណរដ្ឋកូរ៉េ រៀបចំផែនការមេប្រព័ន្ធដឹកជញ្ជូនឆ្លាតវៃនៅកម្ពុជា។ នេះបើយោងតាមការរៀបចំធ្វើសិក្ខាសាលានៅក្រសួងសាធារណការ កាលពីថ្ងៃទី ២៦-២៧ កក្កដា ២០២២។ សិក្ខាសាលានេះរៀបចំនិងដឹកនាំដោយ លោក គង់ សុផល អគ្គនាយករង និងជាតំណាងឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក ក្រសួងសាធារណការ និងដឹកជញ្ជូន និងក្រុមការងារនៃវិទ្យាស្ថាន KRIHS នៃសាធារណរដ្ឋកូរ៉េ។ ទិសដៅដ៏សំខាន់ក្នុងការរៀបចំសិក្ខាសាលានេះឡើងគឺដើម្បីការអភិវឌ្ឍប្រព័ន្ធដឹកជញ្ជូនឆ្លាតវៃនៅប្រទេសកម្ពុជា ក៏ដូចជាបង្កើនប្រសិទ្ធភាពនៃការដឹកជញ្ជូនផងដែរ។
អានបន្ថែម
ស្ត្រីមានបំផុតនៅអាស៊ីបាត់បង់ទ្រព្យសម្បត្តិជាង៥០% ក្នុងវិបត្តិអចលនទ្រព្យនៅចិន
វិបិត្តអចលនទ្រព្យនៅចិន បណ្តាលឱ្យស្ត្រីមានបំផុតនៅអាស៊ីបានបាត់បង់ទ្រព្យសម្បត្តិជាងពាក់កណ្តាលក្នុងឆ្នាំកន្លងទៅ។ មហាសេដ្ឋីស្រីដែលមានបំផុតម្នាក់នេះ ឈ្មោះថា Yang Huiyan។ នាងមានដើមកំណើតជាជនជាតិចិន ហើយជាអ្នកជំនួញផង ជាអ្នកអភិវឌ្ឍន៍អចលនទ្រព្យផង ជាពិសេសជាម្ចាស់ក្រុមហ៊ុនយក្ស Country Garden Holdings ដែលជាកេរ្តិ៍ពីឪពុករបស់នាង Yang Guoqiang ក្នុងឆ្នាំ 2007 ។ ហើយនាងបានក្លាយជាស្ត្រីដែលមានជាងគេបំផុតនៅអាស៊ី បន្ទាប់ពីមានការប្រកាសចេញ ជាសាធារណៈដោយអ្នកអភិវឌ្ឍន៍នៅហុងកុងកាលពី២ឆ្នាំមុន។ ក្នុងអំឡុងវិបត្តិកាលពីឆ្នាំមុន ទ្រព្យសម្បត្តិសុទ្ធរបស់ Yang Huiyan បានធ្លាក់ចុះជាង 52ភាគរយ គឺធ្លាក់ពី ២៣,៧ពាន់លានដុល្លារ មកនៅត្រឹម ១១,៣ ពាន់លានដុល្លារ នេះបើយោងតាមការចុះផ្សាយរបស់ CNA នៅថ្ងៃទី២៨ កក្កដា ២០២២។ មហាជនចាប់ផ្តើមមានការភ្ញាក់ផ្អើលនិងចាប់អារម្មណ៍ជាខ្លាំងនៅពេលដែលក្រុមហ៊ុន Country Garden នៅហុងកុង បានប្រកាសថា ខ្លួននឹងលក់ភាគហ៊ុនថ្មីៗដើម្បីប្រមូលប្រាក់ ដោយសារភាគហ៊ុនខ្លួនមានធ្លាក់ចុះ ១៥ភាគរយ ។ មួយវិញទៀត កន្លងមកក្រុមហ៊ុន Country Garden មិនដែល ភ័យខ្លាចនឹងភាពចលាចលនៃវិបត្តិសាច់ប្រាក់នោះទេ ប៉ុន្តែថ្មីៗនេះវិញ ក្រុមហ៊ុនបែរជា […]
អានបន្ថែម
រដ្ឋប្រកាសឱ្យប្រជាពលរដ្ឋដែលរងផលប៉ះពាល់ពីការសង់ផ្លូវមកចាប់ឆ្នោតយកដីឡូតិ៍ ថ្ងៃស្អែកនេះ
អាជ្ញាធរខណ្ឌឫស្សីកែវ នឹងរៀបចំការចាប់ឆ្នោតយកដីឡូតិ៍ ជូនប្រជាពលរដ្ឋនៅតាមបណ្ដោយផ្លូវរថភ្លើង ដែលរងផលប៉ះពាល់ពីការស្ថាបនាផ្លូវបេតុងថ្មី ក្នុងសង្កាត់គីឡូម៉ែត្រលេខ៦ សង្កាត់ប្ញស្សីកែវ និងសង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ នៅថ្ងៃស្អែកនេះ។ នេះបើតាមសេចក្តីជូនដំណឹងរបស់រដ្ឋបាលខណ្ឌឫស្សីកែវ កាលពីថ្ងៃទី២៧ ខែកក្កដា ឆ្នាំ២០២២។ ការចាប់ឆ្នោតនេះ នឹងប្រព្រឹត្តទៅនៅថ្ងៃទី ២៩ ខែ កក្កដា ឆ្នាំ ២០២២ វេលាម៉ោង ០៨:០០នាទីព្រឹក នៅវត្តទួល សន្តិវ័ន្ត (ហៅវត្តទួលអស់លោក) ជូនប្រជាពលរដ្ឋនូវដីឡូត៍នៅតំបន់អភិវឌ្ឍន៍ព្រែកអូរវែង ស្ថិតក្នុងភូមិបឹងសាឡាង សង្កាត់ប្ញស្សីកែវ ខណ្ឌឫស្សីកែវ រាជធានីភ្នំពេញ ដូចនេះ ប្រជាពលរដ្ឋដែលកំពុងស្នាក់នៅតាមបណ្តោយផ្លូវរថភ្លើង ត្រូវចូលរួមចាប់ឆ្នោតដោយផ្ទាល់ដោយភ្ជាប់មកជាមួយនូវអត្តសញ្ញាណបណ្ណ សៀវភៅស្នាក់នៅ សៀវភៅគ្រួសារ និងឯកសារពាក់ព័ន្ធផ្សេងៗ។
អានបន្ថែម
ត្រឹមខែមិថុនា ឆ្នាំ២០២២ សិង្ហបុរីបានបោះទុនជាង ១,៥៣ពាន់លានដុល្លារ នៅកម្ពុជា
គិតត្រឹមខែមិថុនា ឆ្នាំ២០២២ នេះសិង្ហបុរីបានដាក់ទុនវិនិយោគលើគម្រោងធំៗចំនួន១២៧ ក្នុងទំហំទឹកប្រាក់សរុបប្រមាណ ១,៥៣ ពាន់លានដុល្លារអាមេរិក ក្នុងវិស័យដូចជា ហេដ្ឋារចនាសម្ព័ន្ធ ទេសចរណ៍ កម្មន្តសាល និងវិស័យផ្សេងៗទៀត។ នេះបើតាមសិក្ខាសាលស្តីពីការយល់ដឹងពីកម្ពុជា៖ ការយល់ដឹងពីកាលានុវត្តភាពធុរកិច្ចនៅកម្ពុជា កាលពីថ្ងៃទី២៦ ខែកក្កដា ឆ្នាំ២០២២។ លោកជំទាវ តែវ ឡាយឆេង ឯកអគ្គរដ្ឋទូតសិង្ហបុរីប្រចាំកម្ពុជា បានថ្លែងថា សិង្ហបុរីស្ថិតក្នុងចំណោមវិនិយោគបរទេសធំជាងគេទាំង៥ របស់កម្ពុជា ដែលគ្របដណ្តប់លើវិស័យដូចជា អចលនទ្រព្យ ថាមពល ពាណិជ្ជកម្មនិងចែកចាយ ម្ហូបអាហារ/អ្នកប្រើប្រាស់ ការអប់រំ និងហិរញ្ញវត្ថុ។ ក្រៅពីនេះ ប្រទេសទាំងពីរ បានភ្ជាប់ជើងហោះហើរចំនួន ៣៥ជើង ក្នុងមួយសប្តាហ៍ផងដែរ។ ក្នុងសិក្ខាសាលានេះផងដែរ ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានឱ្យដឹងបន្ថែមថា បរិស្ថាននៅកម្ពុជាមានអំណោយផលដល់ការវិនិយោគជាខ្លាំង ដែលនេះជាមូលដ្ឋានគ្រឹះដ៏រឹងមាំសម្រាប់រង់ចាំទទួលនូវការវិនិយោគរបស់សិង្ហបុរី ដើម្បីច្បាមយកកាលានុវត្តភាពដ៏លើសលុបក្នុងវិស័យកសិ-ចំណីអាហារ សេវាកម្ម និងកម្មន្តសាល។
អានបន្ថែម
រដ្ឋអនុម័តគម្រោងធំៗ២ តម្លៃជាង ១៤លានដុល្លារ នៅខេត្តកំពង់ស្ពឺ និងកណ្តាល
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគសរុប ១៤,3លានដុល្លារអាមេរិក ដើម្បីបង្កើតរោងចក្រចំនួន ២កន្លែង នៅខេត្តកំពង់ស្ពឺ និងកណ្តាល ។ ១. MILANNA LEATHERWARE M.F.Y (CAMBODIA) CO., LTD គម្រោងបង្កើតរោងចក្រផលិតខ្សែក្រវាត់ និងកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ ៩,២លានដុល្លារអាម៉េរិក។ ២. BEST BEAUTY COMPANY LIMITED គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្តាល មានទុនវិនិយោគប្រមាណ ៥,១លានដុល្លារអាម៉េរិក។ បើតាមក្រុមប្រឹក្សាអភិវឌ្ឍន៍កម្ពុជា (CDC) គម្រោងថ្មីទាំង២នេះ នឹងបង្កើតការងារចំនួន ៣.៦៥០កន្លែង ជូនប្រជាពលរដ្ឋ។
អានបន្ថែម
រដ្ឋបាលក្រុងបាត់ដំបងដាក់ឱសានវាទឱ្យម្ចាស់អគារក្នុងសង្កាត់ស្វាយប៉ោធ្វើការរុះរើជាបន្ទាន់
រដ្ឋបាលក្រុងបាត់ដំបង បានដាក់ឱសានវាទឱ្យម្ចាស់លំនៅឋាន អគារអាជីវកម្មទាំងអស់ក្នុងសង្កាត់ស្វាយប៉ោ ធ្វើការរុះរើសំយ៉ាប និងផ្ទាំងប៉ាណូផ្សាយពាណិជ្ជកម្មគ្រប់ប្រភេទចេញឱ្យអស់ត្រឹមថ្ងៃទី០១ ខែសីហា ឆ្នាំ២០២២ ជាកំហិត។ នេះបើតាមសេចក្តីជូនដំណឹងរបស់សាលាក្រុងបាត់ដំបងចុះថ្ងៃទី២៥ ខែកក្កដា ឆ្នាំ២០២២។ ការបញ្ជាឱ្យរុះរើនេះ ធ្វើឡើងក្នុងគោលបំណងដើម្បីរៀបចំសោភ័ណភាព សណ្តាប់ធ្នាប់ ក្នុងតំបន់បេតិកភ័ណ្ឌក្រុងបាត់ដំបង។ ម្ចាស់លំនៅឋាន និងអាជីវកម្ម ស្ថិតនៅបណ្តោយផ្លូវលេខ១កន្លះ ផ្លូវលេខ២ ផ្លូវលេខ២កន្លះ ផ្លូវលេខ៣ និងគ្រប់ផ្លូវកាត់ទទឹងពីផ្លូវលេខ ១ ដល់ផ្លូវលេខ ៣ ស្ថិតតំបន់អភិរក្ស ( ចាប់ពីវត្តពិភិទ្ធារាម ដល់វត្តដំរី ស និងចាប់ពីផ្លូវលេខ ១ ដល់ផ្លូវលេខ ៣) នៅក្នុងសង្កាត់ស្វាយប៉ោ ក្រុងបាត់ដំបង ត្រូវធ្វើការរុះរើជាបន្ទាន់ ហើយកែសម្រួលតាមគំរូ និងគោលការណ៍ណែនាំរបស់រដ្ឋបាលខេត្តបាត់ដំបង។ ក្នុងករណីមិនអនុវត្តតាមសេចក្តីជូនដំណឹងនេះ រដ្ឋបាលក្រុង នឹងចុះរុះរើ ដើម្បីដោះស្រាយតាមផ្លូវច្បាប់ជាធរមាន និងមិនទទួលខុសត្រូវចំពោះការខូចខាតឡើយ។ ក្នុងការថែរក្សាតំបន់បេតិកភ័ណ្ឌក្រុងបាត់ដំបងនេះ កន្លងមករដ្ឋបាលខេត្តបាត់ដំបង បានយកចិត្តទុកដាក់ថែរក្សាសំណង់អគារបុរាណ និងហាមឃាត់ប្រជាពលរដ្ឋមិនឲ្យជួសជុលផ្ទះដែលជាសំណង់បុរាណដោយខុសពីទម្រង់ដើមនៃអគារឡើយ។ ទន្ទឹមនឹងនេះផងដែរ រដ្ឋបាលខេត្តបាត់ដំបង បានស្នើសុំឲ្យប្រទេសបារាំង ជួយពិនិត្យមើលលទ្ធភាពក្នុងការជួយអភិរក្សសំណង់អគារបុរាណក្នុងក្រុងបាត់ដំបង ដើម្បីខេត្តបាត់ដំបងអាចរកចំណូល តាមរយៈភ្ញៀវទេសចរមកទស្សនាកំសាន្ត។ (អានបន្ថែម) […]
អានបន្ថែម
អ្នកជំនាញ៖ កម្ពុជានឹងមានសន្ទុះសេដ្ឋកិច្ចលឿនបំផុតលើពិភពលោក ខណៈផលិតផលក្នុងស្រុកកើនដល់ ៦,៣% ក្នុងឆ្នាំ២០២២
ផលិតក្នុងស្រុកសរុប (ផ.ស.ស) របស់ប្រទេសកម្ពុជា នឹងកើនឡើងប្រហែល៦,៣% ក្នុងឆ្នាំ២០២២ ដែលនេះជាហេតុផលមួយធ្វើឱ្យប្រទេសនេះមានសន្ទុះសេដ្ឋកិច្ចលឿនបំផុតក្នុងពិភពលោក។ នេះបើយោងតាមកាព្យារករណ៍ និងការលើកឡើងរបស់លោក Ivan Tan លើសាព័ត៌មាន fibre2fashion នៅថ្ងៃទី២៥ កក្កដា ២០២២។ ក្នុងរបាយការណ៍របស់ S&P Global Rating បានបង្ហាញពីការព្យាករណ៍ (GDP)កម្ពុជា ដែលអាចនឹងហក់ឡើងដល់ ៦,៣ភាគរយ ក្នុងឆ្នាំ២០២២នេះ។ កំណើននេះទៀតសោធគឺខ្ពស់ជាងការព្យាករណ៍របស់ធនាគារពិភពលោក ធនាគារអភិវឌ្ឍន៍អាស៊ី និងមូលនិធិរូបិយវត្ថុអន្តរជាតិ ព្រមទាំងស្ថាប័នអន្តរជាតិ ទៅទៀត។ ទាំងអស់នេះគឺដោយសារតែការកើនឡើងនៃតម្លៃប្រេង និងទំនិញផ្សេងៗទៀតរបស់ពិភពលោក។ របាយការណ៍ដដែល បានរំពឹងទៀតថា ចំពោះអត្រាឥណទាននៅកម្ពុជា ក៏នឹងកើនឡើងក្នុងវិស័យឯកជនផងដែរ ហើយក៏នៅតែបន្តកើនយ៉ាងលឿន ជាមធ្យម២០% ជាប្រចាំឆ្នាំក្នុងរយៈពេល១២ ទៅ១៨ ខែបន្ទាប់នេះ។ លោក Ivan Tan អ្នកវិភាគឥណទានរបស់ S&P បានលើកឡើងយ៉ាងដូច្នេះថា «…យើងជឿជាក់ថា រឿងរ៉ាវនៃកំណើនរយៈពេលវែងរបស់កម្ពុជានៅតែអាចរក្សាបានយ៉ាងល្អដដែល ដោយសាររចនាសម្ព័ន្ធនៃថ្លៃដើមមានការប្រកួតប្រជែងខ្លាំង ព្រមទាំងមានចំនួនប្រជាជនវ័យក្មេងច្រើន ដែលជាចលករមួយអាចរុញច្រានប្រទេសមួយនេះឱ្យក្លាយជាប្រទេសមានសេដ្ឋកិច្ចរីកចម្រើនលឿនបំផុតនៅលើពិភពលោក” ។
អានបន្ថែម
ក្រសួងដែនដី អនុម័តគម្រោងសំណង់ ១៦៧៩គម្រោង មានទុនវិនិយោគសរុប ៩៥០ លានដុល្លារ ក្នុងឆមាសទី១
គម្រោងសំណង់ទទួលបានការអនុញ្ញាតសាងសង់ពីក្រសួងរៀបចំដែនដី នគរូបនីយកម្ម និងសំណង់ សរុបមាន ១ ៦៧៩គម្រោង ក្នុងឆមាសទី១ ឆ្នាំ២០២២នេះ ដែលបង្ហាញថាមានការធ្លាក់ចុះ ១៥០គម្រោង ធៀបនឹងរយៈពេលដូចគ្នាឆ្នាំមុន។ របាយការណ៍និន្នាការសង្គម-សេដ្ឋកិច្ច នៃក្រសួងសេដ្ឋកិច្ច និងហិរញ្ញវត្ថុ បង្ហាញថា តម្លៃគម្រោងសរុប មាន ៩៥២លានដុល្លារ ធ្លាក់ចុះ ៥៩.៥ភាគរយ។ របាយការណ៍ដដែលបន្តថា ប្រភេទសំណង់លំនៅដ្ឋានមាន ១ ៥២៤គម្រោង ស្មើនឹង ៩០,៨ភាគរយនៃសំណើរសុំសាងសង់សរុប ធ្លាក់ចុះ ៨៣គម្រោង ធៀបនឹងរយៈពេលដូចគ្នាឆ្នាំមុន។
អានបន្ថែម
ក្រសួងប្រកាសបញ្ឈប់ការប្រើឧបករណ៍ពង្រីកសេវាក្នុងបរិវេណបុរីដែលប៉ះពាល់សេវាទូរស័ព្ទចល័ត
ក្រសួងប្រៃសណីយ៍ និងទូរគមនាគមន៍ បានប្រកាសឱ្យបញ្ឈប់នូវការប្រើប្រាស់ឧបករណ៍បង្កើនកម្លាំងសេវា និង/ឬ ឧបករណ៍ពង្រីសេវា (Signal Booster/Repeater) ក្នុងបរិវេណបុរី ដែលអាចបណ្តាលឱ្យបង្កការរំខាន និងធ្វើឱ្យប៉ះពាល់យ៉ាងធ្ងន់ធ្ងរទៅដល់កម្រិតគុណភាពសេវាទូរស័ព្ទចល័តក្នុងតំបន់នោះ។ នេះបើតាមសេចក្តីជូនដំណឹងរបស់ក្រសួងប្រៃសណីយ៍ និងទូរគមនាគមន៍ កាលពីថ្ងៃទី ២៦ ខែកក្កដា ឆ្នាំ២០២២។ ម្ចាស់ផ្ទះទាំងអស់ត្រូវរុះរើ ដកចេញ និងបញ្ឈប់ការប្រើប្រាស់ឧបករណ៍ទាំងនេះ ដោយខ្លួនឯងនៅតាមផ្ទះរបស់ខ្លួន។ មួយវិញទៀត ក្រសួង ក៏បានប្រកាសឱ្យបញ្ឈប់ការនាំចូលឧបករណ៍បង្កើនកម្លាំងសេវា និង/ឬ ឧបករណ៍ពង្រីកសេវាគ្រប់ប្រភេទ ដែលពុំមានការទទួលស្គាល់ជាយថាប្រភេទពីនិយ័តករទូរគមនាគមន៍កម្ពុជាជាបន្ទាន់ ជៀសវាងការប្រឈមនឹងវិធានការច្បាប់។ ក្នុងករណី ជនណាម្នាក់មិនអនុវត្តតាមការជូនដំណឹងនេះទេ ជននោះនឹងត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ និងពិន័យជាប្រាក់ពី ២ ០០០ ០០០ រៀល ទៅ ១០ ០០០ ០០០ រៀល អនុលោមតាមមាត្រា៨៤ នៃច្បាប់ស្តីពីទូរគមនាគមន៍។ ក្រៅពីនេះ ក្រសួងបាននឹងកំពុងជំរុញឱ្យប្រតិបត្តិករទូរសព្ទចល័តផ្លាស់ប្ដូរគ្រឿងសម្ភារៈបរិក្ខារ និងបច្ចេកវិទ្យា ព្រមទាំងសាងសង់ស្ថានីយអង់តែនបន្ថែម ដើម្បីពង្រីកវិសាលភាពគ្របដណ្តប់ និងពង្រឹងគុណភាពនៃសវាផងដែរ។ (អានបន្ថែម) ព្រមជាមួយគ្នានេះផងដែរ កាលពីពេលថ្មីនេះៗ ក្រសួងបានបើកកិច្ចប្រជុំជាមួយ […]
អានបន្ថែម
កូរ៉េជួយសង់អគារមន្ទីរពេទ្យកុមារជាតិថ្មីមួយ តម្លៃ ១៦លានដុល្លារ
រដ្ឋាភិបាលសាធារណៈរដ្ឋកូរ៉េ នឹងផ្តល់ជំនួយជាថវិកាចំនួន ១៦លានដុល្លារអាមេរិក ដល់មន្ទីរពេទ្យកុមារជាតិលើផ្នែកកសាងហេដ្ឋារចនាសម្ព័ន្ធ បរិក្ខារពេទ្យ និងការពង្រឹងសមត្ថភាពបុគ្គលិករបស់មន្ទីរពេទ្យ ដែលចាប់អនុវត្តពីឆ្នាំ២០២២ ដល់ឆ្នាំ២០២៧។ នេះបើតាមពិធីចុះហត្ថលេខាលើកំណត់ហេតុនៃកិច្ចពិភាក្សារបស់គម្រោងពង្រឹងសមត្ថភាពមន្ទីរពេទ្យកុមារជាតិ រវាងទីភ្នាក់ងារសហប្រតិបត្តិការអន្តរជាតិកូរ៉េ (KOICA) និងក្រសួងសុខាភិបាល កាលពីថ្ងៃទី១២ ខែកក្កដា ឆ្នាំ២០២២។ គម្រោងថ្មីនេះ ជាគម្រោងទី២ហើយ ដែលKOICA បានជួយកន្លងមក និងត្រូវបានរៀបចំឡើងក្នុងគោលបំណងផ្តល់អគារមន្ទីរពេទ្យថ្មី កែលម្អប្រព័ន្ធប្រតិបត្តិការក្នុងមន្ទីរពេទ្យ ពង្រឹងសមត្ថភាពលើជំនាញឯកទេស និងលើកកំពស់សមត្ថភាពកិច្ចការស្រាវជ្រាវរបស់មន្ទីរពេទ្យ។ ជាមួយគ្នានេះដែរ គម្រោងនេះ គ្រោងនឹងសាងសង់អគារប្រាំជាន់ជាមួយនិងផ្ទៃអគារសរុបប្រមាណ ៨៨៨០ម៉ែត្រការ៉េ ដែលអាចផ្ទុកគ្រែសរុបចំនួន១៩៦។ អគារថ្មីនេះ រួមមាន កន្លែងទទួលភ្ញៀវផ្នែកពិគ្រោះជម្ងឺក្រៅ (OPD) ៩ជំនាញ ផ្នែកឱសថស្ថាន ផ្នែកមន្ទីរពិសោធន៍ ផ្នែករូបភាពសាស្ត្រ ផ្នែកលោហិតសាស្រ្ត ផ្នែកជំនាញមហារីកកុមារ ផ្នែកក្រពះពោះវៀន ផ្នែកជម្ងឺកង្វះអាហារូបត្ថម្ភ និងផ្នែកជំងឺប្រព័ន្ធផ្លូវដង្ហើម។ ក្រៅពីនេះ តាមរយៈគម្រោងថ្មីនេះ កូរ៉េ នឹងផ្តល់នូវឧបករណ៍ទំនើបៗសម្រាប់ការធ្វើរោគវិនិច្ឆ័យ ការព្យាបាល និងប្រតិបត្តិការ ព្រមទាំងបណ្តុះបណ្តាលលើជំនាញផ្ទាល់ ការផ្ទេរចំណេះដឹងថ្មីៗ និងការចែករំលែកបទពិសោធន៍ពីវេជ្ជបណ្ឌិតកូរ៉េ រួមទាំងការពង្រឹងលើសមត្ថភាពស្រាវជ្រាវ ដល់មន្ទីរពេទ្យកុមារជាតិផងដែរ។
អានបន្ថែម