អាមេរិកបង្កើតគម្រោងជំនួយពិសេសដល់វិស័យអចលនទ្រព្យនៅអាស៊ី
មជ្ឈមណ្ឌល MIT Center for Real Estate ថ្មីៗនេះ ទើបបង្កើតគម្រោងជំនួយពិសេសដល់វិស័យអចលនទ្រព្យនៅអាស៊ីហៅថា Asia Real Estate Initiative ដែលពង្រឹងសក្ដានុពល និងនិរន្តរភាពក្នុងវិស័យនេះក្នុងប្រទេសអាស៊ី។ គម្រោងនេះកឺជាវេទិការសម្រាប់អ្នកដឹកនាំ សហគ្រិន និងសហគមសិក្សាស្រាវជ្រាវ ក្នុងវិស័យអចលនទ្រព្យ ដើម្បីស្វែងរកដំណោះស្រាយទៅលើបញ្ហាប្រឈមនៃវិស័យអចលនទ្រព្យនៅទូទាំងតំបន់អាស៊ី។ គោលដៅសំខាន់មួយនៃគម្រោងគម្រោងអចលនទ្រព្យអាស៊ី នេះ គឺផ្តោតទៅលើការភ្ជាប់ទំនាក់ទំនងប្រកបដោយនិរន្តភាព និងបច្ចេកវិទ្យាក្នុងវិស័យអចលនទ្រព្យ។ នេះបើយោងតាម Massachusetts Institute of Technology ចេញផ្សាយកាលពីដើមខែមីនាកន្លងទៅនេះ។ គម្រោង Asia Real Estate Initiative ក៏មានផែនការសហការជាមួយដៃគូដទៃទៀតនៅអាស៊ី ដើម្បីចូលរួមចំណែកស្រាវជ្រាវ អប់រំ និងចែករំលែកចំណេះដឹង រវាងទ្វីបអាស៊ីទាំងមូល។ លោក Zhengzhen Tan នាយកគម្រោង Asia Real Estate Initiative ថ្លែងថា៖ «យើង ចង់បង្កើតកិច្ចសន្ទនាឆ្លងព្រំដែនរវាង អាស៊ី អាមេរិកខាងជើង និងអឺរ៉ុប ដើម្បីផ្លាស់ប្តូរចំណេះដឹង និងការអនុវត្តផែនការនានា»។ […]
អានបន្ថែម
ផ្សារទំនើប Aeon ក្លាយជាផ្សារទំនើបដែលមានដំបូលបន្ទះសូឡាខ្នាតធំជាងគេ នៅកម្ពុជា
ក្រុមហ៊ុនជប៉ុន AEON MALL (CAMBODIA) កាលពីដើមឆ្នាំនេះ បានបន្ថែមបន្ទះសូឡា ២ MWp ទៀតលើប្រព័ន្ធដែលមានស្រាប់ ១ MWp នៅលើដំបូលផ្សារទំនើបអ៊ីអនសែនសុខ ដែលធ្វើឱ្យផ្សារនេះមានបន្ទះសូឡាលើដំបូលដ៏ធំបំផុតក្នុងចំណោមផ្សារទំនើបដទៃទៀតនៅកម្ពុជា។ បន្ទះសូឡាសរុប ៣MWp នេះ គឺមានទីតាំងនៅលើដំបូលអគារចំណតរថយន្ត អគាររោងភាពយន្ត អគារកណ្តាល អគារ TV Studio និងដំបូលរោងចំណតម៉ូតូ ដែលមានផ្ទៃក្រឡាសរុប ១០ ៤៩០ ម៉ែត្រការ៉េ។ ក្រុមហ៊ុន បញ្ជាក់ថា ការដំឡើងប្រព័ន្ធថាមពលសូឡាបន្ថែមនេះ គឺដើម្បីកាត់បន្ថយការប្រើប្រាស់ថាមពលអគ្គិសនី ដែលតម្រូវការកើនឡើងពីមួយថ្ងៃទៅមួយថ្ងៃ នៅកម្ពុជា។ ក្រុមហ៊ុនក៏មានគម្រោងបន្ថែមបន្ទះសូឡានៅផ្សារទំនើបអ៊ីអនទី១ ផងដែរ ដែលបច្ចុប្បន្នស្ថិតក្រោមគម្រោងជួសជុល និងពង្រីក។ ក្រុមហ៊ុន លើកឡើងថា៖ «យើងសង្ឃឹមថា សកម្មភាពនេះនឹងជួយកាត់បន្ថយការបំភាយឧស្ម័នពុល និងរួមចំណែកគាំទ្រដល់គោលដៅអភិវឌ្ឍន៍ប្រកបដោយចីរភាព (SDGs) នៅកម្ពុជា»។
អានបន្ថែម
កូរ៉េសម្រេចផ្ដល់កញ្ចប់កម្ចីថ្មីដល់កម្ពុជា ១២០០ លានដុល្លារ សម្រាប់សង់ហេដ្ឋារចនាសម្ព័ន្ធ
រដ្ឋាភិបាលប្រទេសកូរ៉េខាងត្បូង បានសន្យាថានឹងផ្តល់កញ្ចប់ឥណទានសម្បទានបន្ថែមទៀតដល់កម្ពុជា តាមរយៈក្របខណ្ឌថ្មី ដែលមានទឹកប្រាក់ប្រមាណ ១,២ប៊ីលាន ដុល្លារអាមេរិក សម្រាប់ឆ្នាំ ២០២២ ដល់ឆ្នាំ ២០២៦។ កញ្ចប់ឥណទានសម្បទានថ្មីនេះ ត្រូវបានប្រកាសឡើងនៅក្នុងកិច្ចប្រជុំរវាង ឯកឧត្តាម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និង លោក KOO Yun Cheol រដ្ឋមន្ត្រីទទួលបន្ទុកសម្របសម្រួលគោលនយោបាយរដ្ឋាភិបាលនៃសាធារណរដ្ឋកូរ៉េ នៅថ្ងៃទី ២៩ ខែមីនា ឆ្នាំ ២០២២។ ទឹកប្រាក់ប្រមាណ ១,២ប៊ីលាន ដុល្លារអាមេរិក នេះនឹងត្រូវប្រើសម្រាប់គម្រោងអទិភាព ដែលភាគីទាំង២ នឹងពិភាក្សាសម្រេចថានឹងប្រើលើគម្រោងណាជាក់ច្បាស់ នៅក្នុងកិច្ចពិគ្រោះយោបល់កម្រិតគោលនយោបាយលើកទី ៤ នាពេលឆាប់ៗខាងមុខ។ គួរបញ្ជាក់ថា ចាប់តាំងពីឆ្នាំ ១៩៩៦ ដល់បច្ចុប្បន្ន ប្រទេសកូរ៉េបានផ្តល់ជំនួយឥតសំណងដល់កម្ពុជា ប្រមាណជា ៤៣១ លាន ដុល្លារអាមេរិក ។ ដោយឡែក សម្រាប់កម្ចីវិញ គិតចាប់ពីឆ្នាំ ២០០០ មកដល់បច្ចុប្បន្ន កូរ៉េបានផ្តល់កម្ចសីសរុបប្រមាណជាង ១ ២១១ […]
អានបន្ថែម
តួកគី បំបែកកំណាត់ត្រាពិភពលោក មានស្ពានយោងវែងជាងគេលើលោក
ស្ពានយោងវែងជាងគេលើពិភពលោក ត្រូវបានបើកសម្ពោធដាក់ឱ្យដំណើរការជាផ្លូវការ នៅប្រទេសតួកគី កាលពីដើមខែមីនានេះ ដែលជាការដណ្តើមកំណត់ត្រាស្ពានយោងវែងជាងពិភពលោកពីប្រទេសជប៉ុន។ យោងតាមការចុះផ្សាយរបស់គេហទំព័រ Time Out ចេញផ្សាយកាលពីថ្ងៃទី២៨ ខែមីនា ស្ពាននេះមានឈ្មោះថា 1915 Çanakkale Bridge ដែលសាងសង់កាត់ផ្លូវទឹក Dardanelles មានប្រវែង ២ ០២៣ ម៉ែត្រ។ ប្រើរយៈពេលសាងសង់ដល់ទៅ៥ឆ្នាំ ស្ពាន1915 Çanakkale Bridge ប្រើថវិកាសាងសង់ ប្រមាណ ២,៨ប៊ីលានដុល្លារ។ បង្គោលខ្សែយោងព័ណក្រហមនៃស្ពាននេះ ក៏មានកំពស់ខ្ពស់ជាងគេដែរ បើកធៀបនឹងស្ពានយោងដទៃទៀត។
អានបន្ថែម
កូរ៉េគ្រោងជួយសង់អគារមន្ទីរពេទ្យថ្មីមួយទៀតឱ្យកម្ពុជា កម្ពស់៥ជាន់ តម្លៃ ១៦លានដុល្លារ
រដ្ឋាភិបាលកូរ៉េខាងត្បូង តាមរយៈទីភ្នាក់ងារ KOICA គ្រោងនឹងសាងសង់អគារមន្ទីរពេទ្យទំនើបថ្មីមួយកន្លែងទៀតឱ្យកម្ពុជា ដែលមានកម្ពស់៥ជាន់ និងតម្លៃ ១៦ លានដុល្លារ នៅក្នុងបរិវេណមន្ទីរពេទ្យកុមារជាតិ ដើម្បីជួយសម្រួលក្នុងការព្យាបាលជំងឺជូនដល់កុមារកម្ពុជា។ នេះបើយោងតាមការឱ្យដឹងតាមទូរសព្ទរបស់ លោក សាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ កាលពីថ្ងៃទី ២៩ ខែ មីនា ក្នុងកិច្ចចុះពិនិត្យមន្ទីរព្រមនឹង លោកស្រី អ៊ីម ចុងហ៊ី អនុប្រធានKOICA។ តាមផែនការ អគារថ្មីនេះនឹងមានទំហំជាង ៨ ៣០០ម៉ែត្រការ៉េ ដែលប្រើសម្រាប់ផ្ដល់សេវាកម្មវេជ្ជសាស្រ្តលើផ្នែកពិគ្រោះជំងឺក្រៅតាមឯកទេស។ អគារនឹងមានអាហារដ្ឋាន កន្លែងក្មេងលេង និងសេវាវេជ្ជសាស្រ្តថ្មីៗសម្រាប់កុមារដូចជា ជំងឺត្រចៀក ច្រមុះបំពង់ក ភ្នែក តម្រង់នោម ក្រពេញក្នុង ម៉ាស៊ីនលាងឈាមផ្នែកកុមារ ជំងឺមហារីកឈាម សួត ក្រពះពោះវៀន ម៉ាស៊ីនថតឆ្លុះក្រពះទងសួត និងជំងឺ អូទីសឹមជាដើម។ ក្នុងអគារថ្មីនោះ នឹងអាចដាក់គ្រែបានចំនួន១៦៩គ្រែ និងមានកន្លែងសម្រាប់បណ្តុះបណ្តាល និងការអនុវត្តផ្ទាល់ដល់ក្រុមគ្រូពេទ្យផ្នែកជំនាញកុមារមកពីតាមបណ្តាខេត្តផ្សេងៗផងដែរ។ លោក សាស្ត្រាចារ្យ ញឹប អង្គាបុស្ស បានឱ្យដឹងទៀតថា គម្រោងនេះអាចនឹងចាប់ផ្តើមនៅក្នុងរង្វង់ឆ្នាំ២០២៣ […]
អានបន្ថែម
ព្រលានតារាសាគរ ពន្យាពេលដាក់ដំណើរការសាកល្បងទៅខែ មិថុនា ឆ្នាំ២០២២
អាកាសយានដ្ឋានអន្តរជាតិតារាសាគរ ក្នុងស្រុកបទុមសាគរ ខេត្តកោះកុង ត្រូវបានពន្យាពេលដាក់ដំណើរការបណ្តោះអាសន្ន ទៅដល់ពាក់កណ្តាលឆ្នាំ២០២២នេះ។ នេះបើយោងតាមរដ្ឋលេខាធិការដ្ឋានអាកាសចរណ៍ស៊ីវិល។ ឯកឧត្តម ស៊ិន ចាន់សេរីវុត្ថា អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋាន អាកាសចរណ៍ស៊ីវិល បានឱ្យដឹងនៅថ្ងៃទី២៩ មីនា នេះថា គម្រោងនេះ បានរងផលប៉ះពាល់ពីវិបត្តិកូវិដ១៩ ដែលធ្វើឱ្យការបើកដំណើរការសាកល្បង ត្រូវពន្យាពេល។ ឯកឧត្តម ស៊ិន ចាន់សេរីវុត្ថា ថ្លែងថា៖ «ដោយសារផលប៉ះពាល់ពីកូវីដខ្លាំង ដូច្នេះគាត់ពន្យាពេល។ ដំបូងគាត់ថានឹងបើកដាក់ដំណើរការនៅដើមឆ្នាំ២០២២នេះ ដូច្នេះរំកិលទៅពាក់កណ្តាលឆ្នាំ២០២២វិញ»។ វិនិយោគដោយក្រុមហ៊ុន Chinese firm Tianjin Union Development Group ជាមួយទុនវិនិយោគ ៣៥០លានដុល្លារ អាកាសយានដ្ឋាន នឹងអាចទទួលយន្តហៅប្រភេទយន្ត ហោះរយៈចំងាយឆ្ងាយ ដូចជា Boeing 777 និងAirbus A340 ជាដើម៕
អានបន្ថែម
អគារកម្ពស់ ៥ជាន់ នៃវិទ្យាស្ថានកងទ័ពជើងគោក បើកការដ្ឋានសាងសង់ ក្រោមជំនួយចិន
អគារសាលប្រជុំកម្ពស់ ៥ជាន់ និងហេដ្ឋារចនាសម្ព័ន្ធមួយចំនួនទៀត នៃវិទ្យាស្ថានកងទ័ពជើងគោក នៅស្រុកភ្នំស្រួច ខេត្តកំពង់ស្ពឺ ត្រូវបានបើកការដ្ឋានសាងសង់ ជាផ្លូវការ ក្រោមជំនួយពីចិន។ ពិធីបើកការដ្ឋានធ្វើឡើងនៅថ្ងៃទី ២៨ ខែ មីនា ឆ្នាំ២០២២ ក្រោមអធិបតីភាពរបស់នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និង លោក Zhu Shuaifei សេនានុព័ន្ធយោធាស្តីទីប្រចាំនៅកម្ពុជា ។ នាយឧត្តមសេនីយ៍ វង្ស ពិសេន បានមានប្រសាសន៍ថា អគារនេះឆ្លើយតបនឹងតម្រូវការរបស់កម្ពុជាក្នុងការបណ្តុះបណ្តាលយោធាកាន់តែប្រសើរ។ នៅពេលសាងសង់រួចរាល់ អគារនេះនឹងក្លាយជាកន្លែងដ៏សំខាន់សម្រាប់បណ្តុះបណ្តាលធនធានមនុស្សក្នុងវិស័យការពារជាតិ។
អានបន្ថែម
គម្រោងស្ដារផ្លូវកំពត-វាលរេញ បែបស៊ីជម្រៅ ចាំលុយពីចិន! តែក្រសួងនឹងជួសជុលបណ្ដោះអាសន្នសិន
គម្រោងស្ដារផ្លូវជាតិលេខ ៣ កំពត-វាលរេញ កំណាត់ ២០គីឡូម៉ែត្រ បែបស៊ីជម្រៅ បច្ចុប្បន្ននៅរង់ចាំថវិកាពីចិននៅឡើយ ទោះការសិក្សារួចរាល់ហើយក្ដី។ ប៉ុន្តែ ក្នុងអំឡុងពេលរង់ចាំនេះ ក្រសួងសាធារណការ និងដឹកជញ្ជូន សន្យាថានឹងជួសជុលជាបណ្ដោះអាសន្នសិន ដើម្បីសម្រួលដល់ការធ្វើដំណើរ។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងដូច្នេះ ក្នុងកិច្ចចុះពិនិត្យផ្លូវជាក់ស្ដែង កាលពីថ្ងៃទី២៩ ខែមីនា ឆ្នាំ២០២២។ ឯកឧត្តម ថា៖ «ផ្លូវកំពត-វាលរេញ កំណាត់២០ គីឡូម៉ែត្រនេះ ជាផ្លូវមានគ្រឹះជាដីស្អុយ ដែលខូចហើយខូចទៀត ទោះជួសជុលច្រើនដងក្ដី ដោយធនាគារពិភពលោកផង កូរ៉េផង និងរដ្ឋាភិបាលផ្ទាល់ ក៏នៅតែមិនជាប់បានយូរ ហើយបច្ចុប្បន្នមានសំបុកមាន់ជាច្រើន»។ «បញ្ហាផ្លូវនេះគឺកាន់តែធ្ងន់ក្រោយផ្លូវជាតិលេខ ៤ បើកការដ្ឋានពង្រីក ហើយចរាចរណ៍ត្រូវបានបង្វៀងមកផ្លូវជាតិលេខ ៣ ដូច្នេះផ្លូវនេះកាត់តែស្ទះ និងពិបាក» ឯកឧត្តមបន្ដ។ ជាក់ស្ដែង ក្រសួងបានឯកភាពជាមួយនឹងក្រុមហ៊ុនCRBC រួចហើយ។ ក្រុមហ៊ុនក៏បានសិក្សារួចហើយដែរ ដែលនឹងប្រើវិធីសាស្រ្ដវាយសសរគ្រឹះ ជម្រៅ១៨ ម៉ែត្រ ក្នុងដីភក់ស្អុយនោះ ដោយបែកចែកជា ២ […]
អានបន្ថែម
កំពង់ផែទេសចរណ៍កំពតសាងសង់បាន ៩៣% គ្រោងបញ្ចប់ខែមិថុនា យឺតជាងផែនការម្ដងទៀត
គម្រោងសាងសង់កំពង់ផែទេសចរណ៍កំពត សម្រេចបាន ៩៣% ហើយគិតត្រឹមខែមីនា ដោយគ្រោងនឹងបញ្ចប់ទាំងស្រុងនៅខែមិថុនា ដែលជាការយឺតយ៉ាវម្ដងទៀត ។ វឌ្ឍនភាពនៃកំពង់ផែទេសចរណ៍កំពតនេះ ដោយ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចចុះពិនិត្យការដ្ឋានផ្ទាល់ នៅថ្ងៃទី ២៩ ខែមីនា។ ជាក់ស្ដែង គម្រោងនេះត្រូវបានពន្យារពេលបញ្ចប់ជាច្រើនដងមកហើយ។ តាមផែនការដំបូងត្រូវបញ្ចប់នៅខែមេសា ឆ្នាំ ២០២០ បន្ទាប់មកពន្យារទៅដើមឆ្នាំ ២០២១ ពាក់កណ្ដាលឆ្នាំ២០២១ ចុងឆ្នាំ ២០២១ ហើយក្រោយមកទៅដើមឆ្នាំ ២០២២។ (អានបន្ថែម) តមនឹងការពន្យាពេលច្រើនដងនេះ ឯកឧត្តម ស៊ុន ចាន់ថុល ដាក់កំហិតឱ្យក្រុមហ៊ុន ត្រូវបញ្ចប់គម្រោងទាំងមូល នៅក្នុងរយៈពេល៣ ខែទៀត។ យោងតាមបទបង្ហាញរបស់ក្រុមហ៊ុន ការសាងសង់សំណង់អគារទាំងមូលបានបញ្ចប់ទាំងស្រុង ដោយនៅសល់ការងារទាក់ទងនឹងការតុបតែង និងការងារសួនច្បារប៉ុណ្ណោះ។ សូមបញ្ជាក់ថា គម្រោងសាងសង់កំពង់ផែទេសចរណ៍កំពត ប្រើប្រាស់ថវិកាកម្ចី ៩,២លានដុល្លារ ពីធនាគារអភិវឌ្ឍនអាស៊ី។
អានបន្ថែម
កម្ពុជាពិចារណាចង់យកស្ដង់ដាសំណង់ពីប្រទេសអឺរ៉ុប មកប្រើនៅកម្ពុជា
ក្រសួងរៀបចំដែនដី នគរូបនីយកម្ម និងសំណង់ កំពុងពិចារណាទាញយកគំរូស្ដង់ដាសំណង់ពីប្រទេសអឺរ៉ុបមកកែសម្រួលប្រើប្រាស់នៅកម្ពុជា ដើម្បីលើកកម្ពស់វិស័យនេះឱ្យមានគុណភាពជាងមុន។ អ្នកជំនាញការចំនួន ១១១ នាក់ មកពីរដ្ឋាភិបាល និងផ្នែកឯកជន ទើបបានចូលរួមនៅក្នុងសិក្ខាសាលារយៈពេល ២ ថ្ងៃអំពីស្តង់ដាសំណង់ពីសហភាពអឺរ៉ុបដែលគេស្គាល់ថា Eurocodes កាលពីសប្តាហ៍មុន។ លោកស្រី Camilla Lombard អនុប្រធានកិច្ចសហប្រតិបត្តិការ និងទីប្រឹក្សាគណៈប្រតិភូសហភាពអឺរ៉ុបនៅកម្ពុជាបានឲ្យដឹងថា ថា៖ «Eurocodes ជាក្រមប្រតិបត្តិដែលទាន់សម័យ និងមានប្រសិទ្ធភាពបំផុតនៃវិស័យសំណង់ ដែលប្រើនៅប្រទេសអឺរ៉ុប»។ «ប្រទេសនីមួយៗអាចរៀនសូត្រពីគំរូស្ដង់ដានេះ ហើយផ្ដាស់ប្ដូវារឱ្យសមស្របទៅនឹងបរិបទសង្គម និង លក្ខខណ្ឌរបស់ប្រទេសខ្លួន» លោកស្រីបន្ដ ។ ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា៖ «ខ្ញុំជឿជាក់ថា សិក្ខាសាលានេះជាធាតុចូលដ៏សំខាន់សម្រាប់សម្រាប់កម្ពូជាក្នុងការចងក្រងកូដ និងស្តង់ដាសំណង់ ដោយយើងកំពុងពិចារណាយកគំរូតាមស្ដង់ដាអឺរ៉ុបលើចំណុចខ្លះ ដែលសមស្របនឹងបរិបទកម្ពុជា»។ គួរបញ្ជាក់ថា Eurocodes ជាប្រព័ន្ធស្តង់ដារនៃសំណង់ និង ស្ថាបត្យកម្មសំណង់ស៊ីវិល ដែលប្រើនៅសហភាពអឺរ៉ុប ហើយមកដល់ពេលនេះ វាក៏ត្រូវបានពិចារណាប្រើន នៅសិង្ហបុរីផងដែរ ។
អានបន្ថែម
ផ្លូវលេខ១៤៦បេ និងផ្លូវលេខ១៤៨ នៅខេត្តព្រះសីហនុ ដំណើរការសាងសង់បាន៨៥% ហើយ
គម្រោងធ្វើឱ្យប្រសើរឡើងកំណាត់ផ្លូវលេខ១៤៦បេ (វិថីសម្ដេចសង្ឃរាជទេពវង្ស) និងផ្លូវលេខ១៤៨ ជារួមសម្រេចបាន ៨៥% ហើយ បើគិតមកត្រឹមថ្ងៃទី២៧ ខែមីនា ឆ្នាំ២០២២។ នេះបើតាមការចុះពិនិត្យគម្រោងផ្ទាល់ កាលថ្ងៃទី២៨ ខែមីនា របស់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។ គម្រោងធ្វើឱ្យប្រសើរឡើងកំណាត់ផ្លូវខេត្តលេខ១៤៦បេ និងផ្លូវលេខ១៤៨ មានប្រវែងសរុប ៤៣គីឡូម៉ែត្រ ចាប់ពីបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ដល់រង្វង់មូលស្ទឹងហាវ ស្ថិតនៅភូមិ១ ឃុំ អូរត្រេះ ស្រុកស្ទឹងហាវ និងបន្តរហូតដល់កំពង់ផែក្រុងព្រះសីហនុ ខេត្តព្រះសីហនុ។ កំណាត់ផ្លូវនេះសាងសង់ដោយក្រុមហ៊ុនសាជីវកម្មស្ពានថ្នល់ចិន(CRBC) ត្រួតពិនិត្យបច្ចេកទេសដោយនាយកដ្ឋានផ្លូវថ្នល់ នាយកដ្ឋានហេដ្ឋារចនាសម្ព័ន្ធសាធារណ: និងនាយកដ្ឋានបច្ចេកទេសសាធារណការ និងដឹកជញ្ជូន។ គម្រោងសាងសង់ដោយចំណាយថវិកាសន្សំរបស់ជាតិ ដោយបើកការដ្ឋានសាងសង់នាថ្ងៃទី១៧ ខែមេសា ឆ្នាំ២០២០ ហើយគ្រោងបញ្ចប់នៅខែ សីហា ២០២២ ខាងមុខនេះ ពោលគឺប្រើពេល ២៨ ខែ។ កំណាត់ផ្លូវនេះ គឺជាផ្លូវវាងក្រុងសម្រាប់ដឹកជញ្ជូន ទំនិញនាំចេញ-ចូលតាមនាវា នៅស្រុកស្ទឹងហាវ […]
អានបន្ថែម
លែងចោះផ្លូវដើម្បីពិនិត្យគុណភាពទៀតហើយ! ក្រសួងប្រើម៉ាស៊ីនស្កេនវិទ្យុសកម្ម ជំនួសវិញ
ក្រសួងសាធារណការ និងដឹកជញ្ជូន នឹងនាំចូលម៉ាស៊ីនទំនើបៗ បន្ថែមទៀត ដើម្បីពិនិត្យគុណភាពផ្លូវ តាមរយៈការប្រើវិទ្យុសកម្ម និងRadar ជំនួសឱ្យការខួងចោះផ្លូវដើម្បីពិសោធកម្រាស់ និងគុណភាព។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងក្នុងកិច្ចចុះពិនិត្យការដ្ឋានផ្លូវជាតិលេខ ១៤៦B កាលពីថ្ងៃទី ២៨ មីនា នេះថា ជាក់ស្ដែង បច្ចុប្បន្នកម្ពុជាមានម៉ាស៊ុនពិនិត្យភាពហាប់នៃផ្លូវដោយប្រើវិទ្យុសកម្ម ២ គ្រឿងហើយ ដែលនាំចូលពីអាមេរិក ខណៈកំពុងត្រៀមនាំចូលបន្ថែមទៀត។ «នេះជាលើកទីមួយដែលក្រសួងសាធារណការ និងដឹកជញ្ជូន បានទិញ បាន២ គ្រឿងនេះ ដើម្បីយកមកដាក់ពីលើផ្លូវ ដោយប្រើវិទ្យុសកម្ម បាញ់មើលថា ការបង្ហាប់ហ្នឹង បានល្អ ឬមិនល្អ យើងមិនបាច់ខូងទេ គឺគ្រាន់តែយកម៉ាស៊ីនដាក់ពីលើ វាប្រាប់យើងតែម្តង» ឯកឧត្តមបានបន្ដ។ លើសពីនេះ ក្រសួងក៏បានបញ្ជាទិញម៉ាស៊ីនស្កេនកម្រាស់ផ្លូវដោយប្រើ Radar មកបន្ថែមផងដែរ។ ម៉ាស៊ីននឹងបំពាក់ភ្ជាប់នឹងរថយន្ត ហើយឱ្យរថយន្តនោះបើកបរកាត់ផ្លូវ ដើម្បីវាស់កម្រាស់ផ្លូវ ដោយវាស់ម្ដង បានប្រវែង ៣០ គីឡូម៉ែត្រ។ សូមបញ្ជាក់ថា ផ្លូវជាតិលេខ១៤៦B ដែលតភ្ជាប់ពីវាលរិញ […]
អានបន្ថែម