ផ្លូវលេខ១៤៦បេ និងផ្លូវលេខ១៤៨ នៅខេត្តព្រះសីហនុ ដំណើរការសាងសង់បាន៨៥% ហើយ
គម្រោងធ្វើឱ្យប្រសើរឡើងកំណាត់ផ្លូវលេខ១៤៦បេ (វិថីសម្ដេចសង្ឃរាជទេពវង្ស) និងផ្លូវលេខ១៤៨ ជារួមសម្រេចបាន ៨៥% ហើយ បើគិតមកត្រឹមថ្ងៃទី២៧ ខែមីនា ឆ្នាំ២០២២។ នេះបើតាមការចុះពិនិត្យគម្រោងផ្ទាល់ កាលថ្ងៃទី២៨ ខែមីនា របស់ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។ គម្រោងធ្វើឱ្យប្រសើរឡើងកំណាត់ផ្លូវខេត្តលេខ១៤៦បេ និងផ្លូវលេខ១៤៨ មានប្រវែងសរុប ៤៣គីឡូម៉ែត្រ ចាប់ពីបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ដល់រង្វង់មូលស្ទឹងហាវ ស្ថិតនៅភូមិ១ ឃុំ អូរត្រេះ ស្រុកស្ទឹងហាវ និងបន្តរហូតដល់កំពង់ផែក្រុងព្រះសីហនុ ខេត្តព្រះសីហនុ។ កំណាត់ផ្លូវនេះសាងសង់ដោយក្រុមហ៊ុនសាជីវកម្មស្ពានថ្នល់ចិន(CRBC) ត្រួតពិនិត្យបច្ចេកទេសដោយនាយកដ្ឋានផ្លូវថ្នល់ នាយកដ្ឋានហេដ្ឋារចនាសម្ព័ន្ធសាធារណ: និងនាយកដ្ឋានបច្ចេកទេសសាធារណការ និងដឹកជញ្ជូន។ គម្រោងសាងសង់ដោយចំណាយថវិកាសន្សំរបស់ជាតិ ដោយបើកការដ្ឋានសាងសង់នាថ្ងៃទី១៧ ខែមេសា ឆ្នាំ២០២០ ហើយគ្រោងបញ្ចប់នៅខែ សីហា ២០២២ ខាងមុខនេះ ពោលគឺប្រើពេល ២៨ ខែ។ កំណាត់ផ្លូវនេះ គឺជាផ្លូវវាងក្រុងសម្រាប់ដឹកជញ្ជូន ទំនិញនាំចេញ-ចូលតាមនាវា នៅស្រុកស្ទឹងហាវ […]
អានបន្ថែម
លែងចោះផ្លូវដើម្បីពិនិត្យគុណភាពទៀតហើយ! ក្រសួងប្រើម៉ាស៊ីនស្កេនវិទ្យុសកម្ម ជំនួសវិញ
ក្រសួងសាធារណការ និងដឹកជញ្ជូន នឹងនាំចូលម៉ាស៊ីនទំនើបៗ បន្ថែមទៀត ដើម្បីពិនិត្យគុណភាពផ្លូវ តាមរយៈការប្រើវិទ្យុសកម្ម និងRadar ជំនួសឱ្យការខួងចោះផ្លូវដើម្បីពិសោធកម្រាស់ និងគុណភាព។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានឱ្យដឹងក្នុងកិច្ចចុះពិនិត្យការដ្ឋានផ្លូវជាតិលេខ ១៤៦B កាលពីថ្ងៃទី ២៨ មីនា នេះថា ជាក់ស្ដែង បច្ចុប្បន្នកម្ពុជាមានម៉ាស៊ុនពិនិត្យភាពហាប់នៃផ្លូវដោយប្រើវិទ្យុសកម្ម ២ គ្រឿងហើយ ដែលនាំចូលពីអាមេរិក ខណៈកំពុងត្រៀមនាំចូលបន្ថែមទៀត។ «នេះជាលើកទីមួយដែលក្រសួងសាធារណការ និងដឹកជញ្ជូន បានទិញ បាន២ គ្រឿងនេះ ដើម្បីយកមកដាក់ពីលើផ្លូវ ដោយប្រើវិទ្យុសកម្ម បាញ់មើលថា ការបង្ហាប់ហ្នឹង បានល្អ ឬមិនល្អ យើងមិនបាច់ខូងទេ គឺគ្រាន់តែយកម៉ាស៊ីនដាក់ពីលើ វាប្រាប់យើងតែម្តង» ឯកឧត្តមបានបន្ដ។ លើសពីនេះ ក្រសួងក៏បានបញ្ជាទិញម៉ាស៊ីនស្កេនកម្រាស់ផ្លូវដោយប្រើ Radar មកបន្ថែមផងដែរ។ ម៉ាស៊ីននឹងបំពាក់ភ្ជាប់នឹងរថយន្ត ហើយឱ្យរថយន្តនោះបើកបរកាត់ផ្លូវ ដើម្បីវាស់កម្រាស់ផ្លូវ ដោយវាស់ម្ដង បានប្រវែង ៣០ គីឡូម៉ែត្រ។ សូមបញ្ជាក់ថា ផ្លូវជាតិលេខ១៤៦B ដែលតភ្ជាប់ពីវាលរិញ […]
អានបន្ថែម
ព្រលានយន្តហោះបាត់ដំបងនឹងត្រូវធ្វើជាព្រលាន4C ដែលទទួលយន្តហោះធំពីក្រៅប្រទេសបាន
ព្រលានយន្តហោះខេត្តបាត់ដំបង នឹងត្រូវអភិវឌ្ឍទៅជាអាកាសយានដ្ឋានខ្នាត4C ដែលអាចទទួលការចុះចតទាំងយន្តហោះទាំងក្នុង និងក្រៅប្រទេសបាន ខណៈបច្ចុប្បន្ន ការសិក្សាពីលទ្ធភាព និងការងារដោះស្រាយផលប៉ះពាល់កំពុងតែបន្ដធ្វើដោយរលូន។ ការពិភាក្សាអំពីបច្ចុប្បន្នភាពនៃគម្រោងនេះ ធ្វើឡើងនៅក្នុងកិច្ចប្រជុំរវាង ឯកឧត្តម សយ សុខាន់ រដ្ឋលេខាធិការនៃលេខាធិការដ្ឋានអាកាសចរស៊ីវិល និងឯកឧត្តម សុខ លូ អភិបាលខេត្តបាត់ដំបង កាលពីថ្ងៃទី២៥ ខែមីនាកន្លងទៅ។ អាកាសយានដ្ឋានបាត់ដំបង ត្រូវបានគេទុកចោលផ្អាកដំណើរការ ចាប់តាំងពីទសវត្សឆ្នាំ៩០ ប៉ុន្តែសម្តេចតេជោ ហ៊ុន សែន នាយករដ្ឋមន្រ្តីកម្ពុជា បានណែនាំក្រសួងពាក់ព័ន្ធ និងរដ្ឋបាលខេត្ត ឱ្យសិក្សាពិនិត្យលទ្ធភាពស្តារឡើងវិញ ដើម្បីជំរុញសេដ្ឋកិច្ច និងទេសចរណ៍។ ឯកឧត្តម សយ សុខាន់ មានប្រសាសន៍ថា៖ «អាកាសយានដ្ឋាននេះនឹងអភិវឌ្ឍពីអាកាសយានដ្ឋានប្រភេទ 3C ទៅជាអាកាសយានដ្ឋានប្រភេទ4C តែម្ដង ដែលមានយន្តហោះប្រភេទ Airbus ឬ Boeing ជាពិសេសអាចមានជើងហោះហើរទៅក្រៅស្រុកបានផងដែរ»។ ឯកឧត្តម ក្រោយពីធ្វើការសិក្សារួចមក ការងារសំខាន់គឺ ការដោះស្រាយបញ្ហាផលប៉ះពាល់ប្រជាពលរដ្ឋដែលរស់នៅអាស្រ័យផលនៅក្នុងអាកាសយានដ្ឋាន។ បន្ទាប់មក នឹងធ្វើការពង្រីកផ្លូវ Runway បន្ថែមទៀត។
អានបន្ថែម
ប្រព័ន្ធផ្គត់ផ្គង់ទឹកស្អាតស្ដង់ដាជប៉ុន នៅខេត្តពោធិ៍សាត់ បើកសម្ពោធឱ្យប្រើប្រាស់ជាផ្លូវការ
ប្រព័ន្ធផ្គត់ផ្គង់ទឹកស្អាតស្ដង់ដាជប៉ុន ក្នុងសហគមន៍រាំងខ្វាវ នៃដែនជម្រកសត្វព្រៃភ្នំឱរ៉ាល់ ស្រុកភ្នំក្រវាញ ខេត្តពោធិ៍សាត់ ត្រូវបានសម្ពោធដាក់ឱ្យប្រើប្រាស់ជាផ្លូវការហើយ។ ពិធីសម្ពោធធ្វើឡើងថ្ងៃទី២៥ ខែមីនា ឆ្នាំ២០២២ ក្រោមអធិបតីយភាពអភិបាលខេត្តពោធិ៍សាត់ ឯកឧត្តម ជាវ តាយ និង លេខាធិការនៃស្ថានទូតជប៉ុននៅប្រទេសកម្ពុជា ឯកឧត្តម KURIBAYASHI Takanori ។ ប្រព័ន្ធផ្គត់ផ្គង់ទឹកស្អាតនេះ សាងសង់ឡើងក្រោមជំនួយឥតសំណងរបស់ជប៉ុនតម្លៃជាង ១០ ម៉ឺនដុល្លារ ដោយនឹងជួយឱ្យប្រជាជននៅក្នុងភូមិ ទទួលបានទឹកស្អាតប្រើប្រាស់ បានកាន់តែប្រសើរជាងមុន។ ឯកឧត្តម ជាវ តាយ ថ្លែងថា ប្រជាពលរដ្ឋក្នុងសហគមន៍ ជាពិសេសក្មួយៗសិស្សានុសិស្សនឹងចំណេញពេលវេលាក្នុងការសិក្សា ព្រោះលែងលំបាកចេញទៅដឹកទឹកពីចម្ងាយមកប្រើប្រាស់ទៀតហើយ។ គួរបញ្ជាក់ថា គម្រោងនេះជាផ្នែកមួយនៃគម្រោងគូសាណូណិ (KUSANONE) ដែលជាជំនួយអភិវឌ្ឍន៍របស់រដ្ឋាភិបាលជប៉ុន។ គម្រោង KUSANONE បានចាប់ផ្តើមនៅក្នុងប្រទេសកម្ពុជាក្នុងឆ្នាំ ១៩៩១ ក្នុងគោលបំណងដើម្បីកសាង និងអភិវឌ្ឍប្រទេសកម្ពុជាឡើងវិញនៅកម្រិតមូលដ្ឋាន។ ក្នុងរយៈពេលជាង ៣០ ឆ្នាំ ប្រទេសជប៉ុនបានផ្តល់ជាង ៦៥ លានដុល្លារអាមេរិក ដើម្បីអនុវត្តគម្រោង KUSANONE ចំនួន ៦៦៨ គម្រោង ។
អានបន្ថែម
ស្ថានីយសាករថយន្តអគ្គិសនីសាធារណៈដំបូងគេនៅកម្ពុជា បង្ហាញមុខនៅទីស្ដីការក្រសួង
ស្ថានីយសាកយានយន្តអគ្គិសនីសាធារណៈដំបូងនៅកម្ពុជា ដែលមានទីតាំងនៅក្នុងទីស្ដីការក្រសួងសាធារណការ និងដឹកជញ្ជូន ត្រូវបានសម្ពោធដាក់ឱ្យប្រើប្រាស់ជាផ្លូវការ កាលពីថ្ងៃទី ២៦ ខែ មីនា ឆ្នាំ២០២២។ ពិធីសម្ពោធធ្វើឡើងក្រោមវត្តមានដ្ឋមន្រ្តីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល និងចូលរួមដោយតំណាង UNDP ក្រសួង-ស្ថាប័នពាក់ព័ន្ធ វិស័យឯកជន និងក្រុមហ៊ុនយានយន្តអគ្គិសនីចំនួន ១២ ផងដែរ។ ក្រៅពីបើកសម្ពោធស្ថានីយសាកថាមពល កម្មវិធីក៏មានការតាំងពិព័រណ៍យានយន្តអគ្គិសនី និងការធ្វើបទបង្ហាញពីបច្ចេកវិទ្យាពាក់ព័ន្ធពីក្រុមហ៊ុនយានយន្តអគ្គិសនីផងដែរ។ ឯកឧត្តម ស៊ុន ចាន់ថុល ថា កម្មវិធីនេះមានគោលបំណងបញ្ជ្រាបការយល់ដឹងដល់សាធារណជន អំពីបច្ចេកវិទ្យា ឧបករណ៍ បរិក្ខារ និងអត្ថប្រយោជន៍នានានៃយានយន្តអគ្គិសនី សំដៅលើកកម្ពស់ការប្រើប្រាស់យានយន្តអគ្គិសនីនៅកម្ពុជាឱ្យកាន់តែទូលំទូលាយថែមទៀត។ បើតាមផែនការ នៅឆ្នាំ២០២២ ស្ថានីយសាករថយន្តអគ្គិសនីយ៉ាងហោច ១០ទីតាំង នឹងបង្ហាញខ្លួន នៅតាមទីតាំងសំខាន់ៗនានា ដូចជាខេត្តបាត់ដំបង សៀមរាប ព្រះសីហនុ ស្ថានីយប្រេង និងផ្លូវជាតិនានាជាដើម។ ឯកឧត្តមបន្តថា កម្ពុជាមានផែនការជំរុញឱ្យមានប្រើប្រាស់រថយន្តអគ្គិសនី ៤០% និងទោចក្រយានយន្តអគ្គិសនី ៧០% នៅឆ្នាំ២០៥០ ស្របតាមគោលដៅកាបូនសូន្យនៅឆ្នាំ២០៥០។ យោងតាមរបាយការណ៍ក្រសួង យានយន្តអគ្គិសនីដែលបានចុះបញ្ជីនៅឆ្នាំ ២០២០ […]
អានបន្ថែម
សម្ដេច ហ៊ុន សែន សម្ពោធអគារមន្ទីរពេទ្យអង្គឌួងថ្មី សង់ក្រោមជំនួយកូរ៉េ ៨លានដុល្លារ
អគារព្យបាលជំងឺត្រចៀក ច្រមុះ បំពង់ក ទំនើបថ្មីមួយកន្លែង នៃមន្ទីរពេទ្យព្រះអង្គឌួង ដែលសាងសង់ឡើងក្រោមជំនួយកូរ៉េខាងត្បូង ៨ លានដុល្លារ ត្រូវបានសម្ពោធធដាក់ឱ្យដំណើរការជាផ្លូវការហើយ នៅថ្ងៃទី២៨ ខែមីនា ២០២២ នេះ។ ពិធីសម្ពោធធ្វើឡើងនៅក្រោមអធិបតីយភាពសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងឯកឧត្តម ផាក ហ៉ឹងក្យុង ឯកអគ្គរាជទូតនៃសាធារណរដ្ឋកូរ៉េ ប្រចាំប្រទេសកម្ពុជា។ អគារត្រចៀក ច្រមុះ បំពង់ក មិត្តភាពកម្ពុជា-កូរ៉េ នេះ មានផ្ទៃក្រឡាសរុប ៤,១៧៧.៩៤ ម៉ែត្រការ៉េ និងគ្រែសរុបចំនួន ១២៨គ្រែ។ អគារមានកម្ពស់ ៥ ជាន់បំពាក់ដោយឧបករណ៍ទំនើបសម្រាប់ការធ្វើរោគវិនិច្ឆ័យ ការព្យាបាល និងការវះកាត់។ អគារនេះត្រូវបានសាងសង់ឡើង បន្ទាប់ពីការសាងសង់អគារចក្ខុរោគ មិត្តភាពកម្ពុជា-កូរ៉េ ក្រោមជំនួយរបស់KOICA ៥,៥លានដុល្លារ ដែលត្រូវបានសម្ពោធដាក់ឱ្យប្រើប្រាស់កាលពីឆ្នាំ២០១៥។
អានបន្ថែម
RMA បើកសម្ពោធសាខាលក់ត្រាក់ទ័រ ចនឌារ និងគ្រឿងចក្រធុនធ្ងន់ប្រចាំខេត្តកំពង់ធំ
កាលពី ថ្ងៃសៅរ៍ ទី២៦ ខែមិនា ឆ្នាំ២០២២ កន្លងទៅនេះ ក្រុមហ៊ុន អ អិម អេ ខេមបូឌា បាន បើក ពិធីសម្ពោធសាខាលក់ថ្មីមួយទៀត ក្នុងស្រុកស្ទឹងសែន ខេត្តកំពង់ធំ ដើម្បីពង្រីកទីផ្សារ និងបង្កើនគុណភាពសេវាកម្មជូនដល់អតិថិជនឲ្យកាន់តែប្រសើរជាងមុន។ យើងសង្កេតឃើញថា នៅក្នុង “ពិធីសម្ពោធសាខាលក់ថ្មី របស់ក្រុមហ៊ុន អ អិម អេ ខេមបូឌា ក្នុងខេត្តកំពង់ធំ ត្រាក់ទ័រ ចនឌារ និងគ្រឿងចក្រធុនធ្ងន់” កាល ពី ថ្ងៃសៅរ៍ ទី២៦ ខែមិនា ឆ្នាំ២០២២ កន្លងទៅនេះ មានវត្តមាន លោក ខ្ចៅ ប៊ុនហីម អភិបាលរងក្រុង ក្រុង ស្ទឹងសែន និងលោក ឈ បៀងគង់ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ធំ បានផ្តល់កិត្តិយសអញ្ជើញចូលរួមជាគណៈអធិបតី រួមជាមួយវត្តមាន ឯកអគ្គរដ្ឋទូតសុច្ឆន្ទៈ ត្រាក់ទ័រ […]
អានបន្ថែម
អ្វីទៅជាទ្រព្យដោយឡែក? ទ្រព្យរួម? តើគេកំណត់ទ្រព្យទាំងពីរនេះបានយ៉ាងដូចម្តេច?
ក្រោយមានការលែងលះ ប្ដីប្រពន្ធភាគច្រើនជួបបញ្ហាក្នុងការកំណត់ថា ទ្រព្យណាជារបស់របស់ខ្លួនតែម្ខាង ឬទ្រព្យណាជាទ្រព្យរួម។ ជាក់ស្ដែង ច្បាប់បានកំណត់យ៉ាងច្បាស់លាស់។ យោងតាមក្រមរដ្ឋប្បវេណី ប្រព័ន្ធទ្រព្យសម្បត្តិរបស់ប្តីប្រពន្ធ ត្រូវបានបែងចែងជា ២ គឺប្រព័ន្ធទ្រព្យសម្បត្តិតាមកិច្ចសន្យា និងប្រព័ន្ធទ្រព្យសម្បត្តិដែលកំណត់ដោយច្បាប់។ ចំពោះប្រព័ន្ធទ្រព្យសម្បត្តិតាមកិច្ចសន្យា ប្តីប្រពន្ធ អាចធ្វើការចុះបញ្ជីទ្រព្យសម្បត្តិប្តីប្រពន្ធ នៅក្រសួងយុត្តិធម៌បាន មុនពេលរៀបការ។ ការធ្វើដូច្នេះ ជាការកំណត់យ៉ាងច្បាស់ពីប្រភេទទ្រព្យផ្ទាល់ខ្លួន និងទ្រព្យរួម ដែលងាយស្រួលក្នុងការលក់ដូរ ឬបែងចែកទ្រព្យ នៅពេលមានការលែងលះកើតឡើង ឬភាគីណាមួយបានស្លាប់។ (អានបន្ថែម) ប៉ុន្តែ ករណីស្មុគស្មាញគឺ នៅពេលប្តីប្រពន្ធមិនបានចុះបញ្ជីទ្រព្យសម្បត្តិប្តីប្រពន្ធមុនពេលរៀបការ។ បើគ្មានការចុះបញ្ជីទ្រព្យសម្បត្តិប្តីប្រពន្ធតាមកិច្ចសន្យា ទ្រព្យសម្បត្តិនឹងត្រូវកំណត់នៅក្នុងប្រព័ន្ធទ្រព្យសម្បត្តិដែលកំណត់ដោយច្បាប់ បានបែងចែកជាទ្រព្យសម្បត្តិដោយឡែក និងទ្រព្យសម្បត្តិរួម។ ១) ទ្រព្យសម្បត្តិដោយឡែក មាត្រា ៩៧២ នៃក្រមរដ្ឋប្បវេណី កំណត់ថា ទ្រព្យសម្បត្តិដែលកំណត់ដូចខាងក្រោមនេះ គឺជាទ្រព្យសម្បត្តិដោយឡែក ដែលស្ថិតនៅក្រោមកម្មសិទ្ធិរបស់សហព័ទ្ធណាម្នាក់៖ -ទ្រព្យសម្បត្តិ ដែលសហព័ទ្ធមាន នៅមុនពេលរៀបអាពាហ៍ពិពាហ៍ ដែលមានន័យថា ទ្រព្យសម្បត្តិដែលភាគីម្ខាងមានមុនរៀបការ ហើយក្រោយរៀបការ ក៏ទ្រព្យសម្បត្តិនោះ នៅតែជាកម្មសិទ្ធិរបស់ភាគីនោះដដែល។ -ទ្រព្យសម្បត្តិដែលសហព័ទ្ធណាមួយទទួលបានក្នុងអំឡុងពេលអាពាហ៍ពិពាហ៍ តាមរយៈសន្តតិកម្ម ប្រទានកម្ម អច្ច័យទាន។ ឧទាហរណ៍ ក្រោយរៀបការ […]
អានបន្ថែម
ផ្លូវលេខ ៥ ពីព្រែកក្តាម ទៅបាត់ដំបង សម្រេចការសាងសង់ ៦៣% គ្រោងបញ្ចប់នៅឆ្នាំក្រោយ
ការស្ថាបនាផ្លូវជាតិលេខ ៥ កំណាត់ព្រែកក្តាម-ធ្លាម្អម និងធ្លាម្អម-បាត់ដំបង ជារួមសម្រេចបានប្រមាណ ៦៣% គិតត្រឹមខែមីនានេះ ដោយគ្រោងនឹងបញ្ចប់ការសាងសង់នៅឆ្នាំក្រោយ។ នេះជាការបញ្ជាក់របស់ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងពិធីចុះហត្ថលេខាសាងសង់កំណាត់ផ្លូវសេរីសោភ័ណ-ប៉ោយប៉ែតកាលពីថ្ងៃទី ២៤ ខែមីនា។ (អានបន្ថែម) ឯកឧត្តម ស៊ុន ចាន់ថុល ថ្លែងថា៖ «ផ្លូវជាតិលេខ៥ ពីព្រែកក្តាមទៅបាត់ដំបង សព្វថ្ងៃយើងបានធ្វើ ប្រហែល៦៣% ហើយ ដូច្នេះឆ្នាំក្រោយ យើងនឹងបញ្ចប់ការសាងសង់ផ្លូវពី ព្រែកក្តាមទៅដល់បាត់ដំបង»។ គួរបញ្ជាក់ថា គម្រោងពង្រីកផ្លូវជាតិលេខ ៥ ជា ៤ គន្លង ធ្វើឡើងក្រោមកម្ចីពីជប៉ុនតម្លៃ ៥០០ លានដុល្លារ ហើយបែកចែកជា ៤ កំណាត់។ កំណាត់បាត់ដំបង-សេរីសោភ័ន សាងសង់រួចហើយ និងបើកសម្ពោធកាលពីខែមករា កន្លងមក។ កំណាត់ព្រែកក្តាម-ធ្លាម្អម និងកំណាត់ធ្លាម្អម-បាត់ដំបង កំពុងសាងសង់។ ឯកំណាត់សេរីសោភ័ណ-ប៉ោយប៉ែត ទើបតែចុះហត្ថលេខា ត្រៀមបើកការដ្ឋានខែមេសានេះ។ ក្រៅពីនេះ ក្រសួងនឹងបើកដេញថ្លៃគម្រោងសាងសង់ស្ថានីយថ្លឹងរថយន្ត ៦ […]
អានបន្ថែម
ម៉ាឡេស៊ីចង់វិនិយោគបន្ថែមលើវិស័យអាទិភាពនានានៅកម្ពុជា ពិសេសអចលនទ្រព្យ
វិនិយោគិនម៉ាឡេស៊ីកំពុងស្វែងរកឱកាសវិនិយោគបន្ថែមលើវិស័យសំណង់ អចលនទ្រព្យ ថាមពល រ៉ែនិងវិស័យអាទិភាពផ្សេងៗទៀតនៅកម្ពុជា នៅពេលឆាប់ៗនេះ។ គិតត្រឹមខែកុម្ភៈ ឆ្នាំ ២០២២ ម៉ាឡេស៊ីមានការវិនិយោគ ១៦២គម្រោង រួចមកហើយនៅកម្ពុជា ដែលជាគម្រោងដែលចុះបញ្ជីដោយក្រុមប្រឹក្សាអភិវឌ្ឍន៍កម្ពុជា (CDC) ក្នុងតម្លៃវិនិយោគសរុប ៣,២ប៊ីលានដុល្លារ។ នេះបើយោងតាមជំនួបរវាង ឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ឯកឧត្តម Haji Mohd Ali Bin Mohd Rustam អភិបាលរដ្ឋម៉ាទ្បាកា និង ឯកឧត្តម Eldeen Husaini Mohd Hashim ឯកអគ្គរដ្ឋទូតម៉ាទ្បេស៊ីប្រចាំនៅកម្ពុជា កាលពីថ្ងៃទី២៤ ខែមីនា។ ក្នុងកិច្ចប្រជុំ ភាគីម៉ាឡេស៊ី បានសម្ដែងចំណាប់អារម្មណ៍យ៉ាងខ្លាំងក្នុងការមកវិនិយោគបន្ថែមនៅកម្ពុជា ទោះបច្ចុប្បន្នមានគម្រោងជាច្រើនហើយក្ដី។ ជាការឆ្លើយតប ឯកឧត្តម នុត អ៊ុនវ័ណរ៉ា ថ្លែងថាកម្ពុជាត្រៀមរួចជាស្រេចក្នុងការសហការជាមួយ លោកឯកអគ្គរដ្ឋទូត និងមន្ត្រីនៃស្ថានទូតម៉ាទ្បេស៊ីប្រចាំនៅកម្ពុជា ក្នុងការផ្តល់ព័ត៌មានស្តីពីវិនិយោគ និងសម្របសម្រួលរាល់ដំណើរទស្សនកិច្ចរបស់គណៈប្រតិភូវិនិយោគម៉ាទ្បេស៊ីដទៃទៀតនាពេលខាងមុខ។ គួរបញ្ជាក់ថា វិនិយោគម៉ាឡេស៊ីនៅកម្ពុជាបច្ចុប្បន្ន ភាគច្រើនគឺនៅលើវិស័យអលចនទ្រព្យ រោងចក្រកាត់ដេរ និងរោងចក្រកែច្នៃ។
អានបន្ថែម
សភាពាណិជ្ជកម្មកម្ពុជាពិភាក្សាស្វែងរកឱកាសវិនិយោគថ្មីៗក្នុងវិស័យសំណង់ និងអចលនទ្រព្យ
សភាពាណិជ្ជកម្មកម្ពុជា បានរៀបចំកិច្ចប្រជុំក្រុមការងារ «ផ្នែកសំណង់ និងអចលនទ្រព្យ» ដើម្បីពិគ្រោះពិភាក្សាលើបញ្ហាប្រឈម កង្វល់ សំណូមពរ និងឱកាសវិនិយោគថ្មីៗ ក្រោយវិស័យទាំង២ ទទួលរងសម្ពាធពីវិបត្តិកូវីដ ជាង២ ឆ្នាំ។។ កិច្ចប្រជុំនេះ ធ្វើនៅថ្ងៃទី២៤ ខែមីនា ឆ្នាំ២០២២ ដឹកនាំដោយ អ្នកឧកញ៉ា លី ហួរ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារផ្នែកសំណង់ និងអចលនទ្រព្យ តំណាងសមាគមអ្នកសាងសង់នៅកម្ពុជា តំណាងសមាគមអ្នកអភិវឌ្ឍន៍លំនៅដ្ឋានកម្ពុជា និង ក្រុមហ៊ុនអ្នកអភិវឌ្ឍជាច្រើន។ កិច្ចប្រជុំ បានប្រមូលធាតុចូលស្ដីបញ្ហាប្រឈម កង្វល់ សំណូមពរថ្មីៗរបស់ផ្នែកឯកជន ហើយត្រៀមនឹងដាក់ស្នើសុំដំណោះស្រាយពីសំណាក់ដៃគូគឺ ក្រសួងរៀបចំដែនដី នគរូបនីយកម្ម និងសំណង់នាពេលខាងមុខ។ ក្រៅពីនេះ កិច្ចប្រជុំក៏បានជួយគ្នារិះរកវិធីដើម្បីស្ដារ និងពង្រីកសក្ដានុពលវិនិយោគក្នុងវិស័យទាំង២ ខាងលើនេះ ឱ្យរឹងមាំឡើងវិញ ពិសេសក្រោយវិបត្តិកូវីដបញ្ចប់។
អានបន្ថែម
អាជ្ញាធរខេត្តព្រះវិហារ ព្រមានប្រើធម៌ក្ដៅលើអ្នកបន្ដទន្ទ្រានដីវិនិយោគចំនួន៥ កន្លែង
រដ្ឋបាលខេត្តព្រះវិហារ បានចេញបញ្ជាឱ្យប្រជាពលរដ្ឋទាំងអស់ ដែលកំពុងទន្ទ្រានកាន់កាប់ ឬជួលដីលើទីតាំងដីវិនិយោគសម្បទានចំនួន ៥ ឱ្យបញ្ឈប់សកម្មភាពនោះជាបន្ទាន់ ដោយព្រមាននឹងចាត់វិធានការក្ដៅសម្រាប់អ្នកបន្តបំពាន។ យោងតាមសេចក្តីជូនដំណឹងចេញកាលពីថ្ងៃទី២៣ ខែមីនា ឆ្នាំ២០២២ ដីទាំង ៥កន្លែង ត្រូវបានរដ្ឋផ្ទេរសិទ្ធិជាដីសម្បទានសេដ្ឋកិច្ចដល់ឯកជនរួចហើយសម្រាប់ការវិនិយោគលើដំណាំអំពៅ ដូច្នេះការចូលទៅទន្រ្ទានជាអំពើខុសច្បាប់។ ដីទាំង ៥ កន្លែង ស្ថិតក្នុងភូមិសាស្រ្តស្រុកឆែប ស្រុកត្បែងមានជ័យ និងស្រុកជ័យសែន ខណៈក្រុមហ៊ុនដែលទទួលសិទ្ធិរួមមាន ក្រុមហ៊ុនរូយ ហ្វេង, ក្រុមហ៊ុន ឡាន ហ្វេង,ក្រុមហ៊ុន ហេង រូយ,ក្រុមហ៊ុន ហេង យូ និងក្រុមហ៊ុន ហេង ណុង (ខេមបូឌា)។ ក្នុងលិខិតរដ្ឋបាលខេត្ត ក៏បានចេញវិធានការ ៣ចំនុចរួមមាន៖ ១.ប្រជាពលរដ្ឋ ឬបុគ្គលរូបណាដែលកំពុងចូលទន្រ្ទាន កាន់កាប់ឬជួលដីលើទីតាំងដីវិនិយោគ ត្រូវចាក់ចេញ និងបញ្ឈប់សកម្មភាពនោះជាបន្ទាន់។ ២.ប្រជាពលរដ្ឋ ឬបុគ្គលរូបណាដែលនៅតែបន្តល្មើសចូលមកទន្រ្ទាន កាន់កាប់ឬជួលដីលើទីតាំងដីវិនិយោគបន្តទៀត រដ្ឋបាលខេត្តនឹងចាត់វិធានការតាមផ្លូវច្បាប់។ ៣.ប្រជាពលរដ្ឋ ឬបុគ្គលរូបណាដែលត្រូវបានជនខិលខួចបោកប្រាស់ជួលដីនៅលើទីតាំងទាំង ៥ ខាងលើ សូមផ្តល់ដំណឹង ឬត្រូវដាក់ពាក្យបណ្តឹងទៅអាជ្ញាធជាបន្ទាន់ ដើម្បីជៀសវាងការខាតប្រយោជន៍។ ការចាត់វិធានការនេះ ដោយសារកន្លងមក […]
អានបន្ថែម