កំណើនប្រជាជន សេដ្ឋកិច្ច និងការរស់នៅបែបទាន់សម័យ នឹងជំរុញតម្រូវការខុនដូនៅកម្ពុជា
ទីផ្សារខុនដូនៅកម្ពុជា ដែលបច្ចុប្បន្ន ផ្អែកខ្លាំងទៅលើជនបរទេស នឹងទទួលបានការគាំទ្រពីអតិថិជនក្នុងស្រុកជាងមុន បើអ្នកអភិវឌ្ឍផ្លាស់ប្ដូរតម្លៃ និងរបៀបសាងសង់ ស្របពេលដែលចំនួនប្រជាជនកើនឡើង ហើយនិន្នាការរស់នៅក្នុងលំនៅឋានបែបទំនើបក៏កំពុងពេញនិយម។ លោក សន សៀប អនុប្រធានប្រតិបត្តិសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លើកឡើងថា អ្នកទិញក្នុងស្រុក ចាប់ផ្តើមងាកមកគាំទ្រទីផ្សារខុនដូ បើទោះបីជាទីផ្សារខុនដូ ពឹងផ្អែកលើជនបរទេសក៏ដោយ។ លោក លើកឡើងថា និន្នាការនេះ គឺគាំទ្រ ដោយកត្តាចរាចរណ៍ក្នុងទីក្រុង និងកត្តាគ្រួសារបង្កើតថ្មីដែលចង់រស់នៅក្នុងទីក្រុង ជិតកន្លែងធ្វើការ និងការប្រកបជំនួញ។ តាមរយៈនេះ ទីផ្សារខុនដូ នៅមានឱកាសរីកនៅកម្ពុជា ប៉ុន្តែអ្នកអភិវឌ្ឍត្រូវចេះចាប់យកឱកាស ដោយសាងសង់ខុនដូឱ្យស្របតាមតម្រូវការក្នុងស្រុកទាំងទំហំ និងតម្លៃ ជាជាងរង់ចាំវិនិយោគិនពីក្រៅប្រទេសដែលមិនដឹងថាពេលណា។ បច្ចុប្បន្នចំណែកក្នុងស្រុកលើទីផ្សារខុនដូ គឺនៅមានកម្រិតទាបនៅឡើយ ដែលជាការបង្ហាញថា ទីផ្សារនេះនៅមានចន្លោះធំធាត់ជាងនេះ បើធ្វើទីផ្សារបានត្រឹមត្រូវ ហើយស្របនឹងនិន្នាការជាក់ស្ដែង។
អានបន្ថែម
អ្នកជំនាញ៖ វិបត្តិកូវីដ ២ ឆ្នាំ កន្លងមក ជួយបង្វែទិសទីផ្សារអលចនទ្រព្យកម្ពុជាឱ្យដើរទៅរកផ្លូវត្រូវ
អ្នកជំនាញអចលនទ្រព្យ បានលើកឡើងថា វិស័យអចលនទ្រព្យសម្រាប់ឆ្នាំ ២០២២ និងឆ្នាំខាងមុខ នឹងបន្តមានកំណើនយឺត តែមាននិរន្តរភាពជាងមុន ពោលគឺមិនខ្លាំងដូចមុន តែមានសកម្មភាពជាបន្ដបន្ទាប់មិនជាប់គាំង។ កំណើននិរន្តរភាពនេះ គឺដោយសារតែទីផ្សារបាន និងកំពុងសម្របខ្លួន ហើយងាកមកផ្ដោតលើប្រភេទអចលនទ្រព្យដែលត្រូវនឹងតម្រូវការក្នុងស្រុកជាក់ស្ដែង។ លោក សន សៀប អនុប្រធានប្រតិបត្តិសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានឱ្យដឹងថា ទោះមានវិបត្តិកូវីដក្ដី សកម្មភាពទិញលក់ អចលនទ្រព្យ នៅតែបន្តមាន នៅតាមតំបន់ ឬទីក្រុងដែលមានការអភិវឌ្ឍហេដ្ឋារចនាសម្ព័ន្ធ ផ្លូវថ្នល់ អាកាសយានដ្ឋាន គោលដៅទេសចរណ៍ និងច្រកព្រំដែនអន្តរជាតិនានា។ «ប៉ុន្តែអ្វីដែលគួរឱ្យកត់សម្គាល់គឺ ប្រភេទអចលនទ្រព្យដែលត្រូវជាមួយនឹងតម្រូវការរអ្នកទិញក្នុងស្រុក ដូចជាផ្ទះមានតម្លៃសមរម្យ និងដីតាមតំបន់អភិវឌ្ឍន៍ដែលមានការអភិវឌ្ឍហេដ្ឋារចនាសម្ព័ន្ធ» លោកបានបន្ដ ។ «ទិសដៅសក្ដានុពលគឺនៅតែមានការទិញលក់ក្នុងតំបន់ដូចជា កំពត កែប សៀមរាប ព្រះសីហនុ កំពង់ស្ពឺ ប៉ោយប៉ែត បាវិត និងមណ្ឌលគីរីជាដើម»។ បើតាមការវិភាគរបស់លោក ២ ឆ្នាំកន្លងមកនេះ បានបង្រៀនឱ្យទីផ្សារផ្លាស់ប្ដូរខ្លួនងាកទៅរកផ្លូវត្រូវ ពោលគឺតម្រូវការក្នុងស្រុកជាក់ស្ដែង។ ដូច្នេះចាប់ពីពេលនេះតទៅ ទីផ្សារនឹងមានកំណើនដោយមាននិរន្តរភាពជាងមុន ទោះជាមិនកើនខ្លាំងដូចមុន តែជាការកើនដែលមានជាបន្ដបន្ទាប់។
អានបន្ថែម
LSCG ឈ្នះការដេញថ្លៃគម្រោងដំឡើងថាមពលសូឡាតម្លៃ១៦៨លានដុល្លារ នៅព្រលានភ្នំពេញថ្មី
ក្រុមហ៊ុនក្នុងស្រុក LSCG Real Estate Co., Ltd បានឈ្នះការដេញថ្លៃ លើគម្រោងដំឡើងប្រព័ន្ធថាមពលពន្លឺព្រះអាទិត្យ ឬសូឡា អានុភាព ៧០MW នៅឯអាកាសយានដ្ឋានអន្តរជាតិតេជោថ្មី។ យោងតាមនាយកប្រតិបត្តិក្រុមហ៊ុន LSCG លោក លី សុខឆាយ កិច្ចព្រមព្រៀងអនុវត្តគម្រោងនេះ ត្រូវបានចុះហត្ថលេខារួចរាល់ កាលពីថ្ងៃទី ២២ ខែកុម្ភៈ ក្រោមទុនវិនិយោគ ១៦៨ លានដុល្លារអាមេរិក។ លោក លី សុខឆាយ មានប្រសាសន៍ថា៖ «គម្រោងនេះគឺជាកិច្ចសហប្រតិបត្តិការរវាងLSCG ជាមួយដៃគូវិនិយោគនៅឯប្រទេសចិន។ ដូច្នេះបន្ទះសូឡា និងឧបករណ៍ផ្សេងៗ នឹងត្រូវបាននាំចូលដោយផ្ទាល់ពីប្រទេសចិន ព្រមជាមួយនឹងបច្ចេកវិទ្យាដំឡើងពីអ្នកជំនាញ និងអ្នកបច្ចេកទេស»។ «ប្រព័ន្ធសូឡាននេះនឹងត្រូវដំឡើងនៅប៉ែកខាងកើតនៃព្រលានយន្តហោះ ដោយនឹងត្រូវអនុវត្តជា ៣ ដំណាក់កាល។ ការដំឡើងគ្រោងនឹងចាប់ផ្តើមនៅប៉ុន្មានខែខាងមុខនេះ ទិសដៅដើម្បីឱ្យរួចរាល់ព្រមៗនឹងការស្ថាបនាព្រលានដែរ» លោកបានបន្ដ។ លោក សុខ ឆាយ បានពន្យល់ថា ថាមពលពន្លឺព្រះអាទិត្យ គឺជាថាមពលស្អាតកកើតឡើងវិញ ដែលនឹងជួយឱ្យប្រតិបត្តិការព្រលានយន្តហោះកាន់តែសន្សំសំចៃ កាត់បន្ថយការបំពុលបរិស្ថាន កាត់បន្ថយហានិភ័យខ្វះខាតអគ្គិសនីពី EDC និងជាពិសេសជួយបង្កើនតម្លៃនិរន្តរភាពនៃគម្រោង។ គិតត្រឹមចុងខែមករានេះ […]
អានបន្ថែម
សម្ដេចហ៊ុន សែន ជំរុញវិនិយោគិនម៉ាឡេស៊ី ឱ្យបោះទុនក្នុងវិស័យសំណង់ និងអចលនទ្រព្យកម្ពុជា
សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានទាក់ទាញវិនិយោគិនម៉ាឡេស៊ី ឱ្យមកបណ្ដាក់ទុនបន្ថែមលើវិស័យសំណង់ អចលនទ្រព្យ និងវិស័យសក្តានុពលផ្សេងទៀតនៅកម្ពុជា ខណៈដែលការវិនិយោគសរុបរបស់ម៉ាឡេស៊ីនៅកម្ពុជា ឈរលំដាប់ទី ៣។ ថ្លែងក្នុងសន្និសីទរួមគ្នាជាមួយនាយករដ្ឋមន្រ្តីម៉ាឡេស៊ី ដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាកុប កាលពីថ្ងៃទី២៤ ខែកុម្ភៈ សម្តេច បានឱ្យដឹងថា កម្ពុជាចង់ឃើញក្រុមហ៊ុនម៉ាឡេស៊ីមកធ្វើធុរកិច្ច ឬបើក្រុមហ៊ុនបន្ថែមនៅកម្ពុជា។ វិស័យដែលមានសក្ដានុពលមានដូចជា វិស័យអចលនទ្រព្យ សំណង់ គ្រឿងបន្លាស់រថយន្ត ហេដ្ឋារចនាសម្ព័ព័ន្ធ និងវិស័យម្ហូបអាហារហាលឡាលជាដើម។ សម្តេចតេជោ ក៏បានថ្លែងថា នៅក្នុងរយៈពេល ៥ ឆ្នាំ ចុងក្រោយនេះ តួរលេខវិនិយោគសម្រាប់ប្រទេសម៉ាឡេស៊ី ឈរនៅក្នុងលំដាប់ថ្នាក់ទី៣ ដោយរំពឹងការរវិនិយោគនឹងកើនឡើង ក្រោមច្បាប់វិនិយោគថ្មី។
អានបន្ថែម
សណ្ឋាគារប្រេន Ibis Budget របស់បណ្ដាញ Accor ដំបូងគេនៅកម្ពុជា នឹងបើកនៅខែកក្កដា
ក្រុមហ៊ុនបណ្ដាញបដិសណ្ឋារកិច្ចអន្តរជាតិ Accor គ្រោងបើកដំណើរការសណ្ឋាគារតម្លៃមធ្យមប្រេន Ibis Budget នៅកម្ពុជាជាលើកដំបូងបង្អស់ នៅខែកក្កដា ឆ្នាំ២០២២ ខាងមុខនេះ។ សណ្ឋាគារថ្មីមួយនេះមានឈ្មោះថា Ibis Budget Phnom Penh Riverside ដែលមានបន្ទប់សរុប ៣២២បន្ទប់ និងរួមបញ្ចូលគំនិតដោយការរចនាបែបសហសម័យ។ សណ្ឋគារនេះ មានទីតាំងនៅក្នុងខណ្ឌចំការមន ដែលទីតាំងសក្ដានុពល តំបន់ពាណិជ្ជកម្ម និងកម្សាន្តក៏ធំរបស់រាជធានីភ្នំពេញ។ ដូចគ្នានឹងសាខាផ្សេងទៀតជុំវិញពិភពលោក Ibis Budget Phnom Penh Riverside នឹងក្លាយជាសណ្ឋាគារតម្លៃសមរម្យស្ដង់ដាអន្តរជាតិ ដ៏ល្អឥតខ្ចោះសម្រាប់ធ្វើដំណើរដែលចង់បាន បន្ទប់ឆ្លាតវៃ ផាសុខភាព និងការរចនាប្រកបដោយភាពច្នៃប្រឌិត។
អានបន្ថែម
ផ្លូវប្របមាត់សមុទ្រខេត្តកែប តម្លៃ១០លានដុល្លារ នឹងបើកការដ្ឋានសាងសងដើមខែមីនា
រដ្ឋបាលខេត្តកែប គ្រោងបើកការដ្ឋានសាងសង់ផ្លូវបេតុងប្របមាត់សមុទ្រ តម្លៃ១០លានដុល្លារ នៅថ្ងៃទី ១ ខែមីនា ឆ្នាំ២០២២ ខាងមុខនេះ។ នេះបើតាមកិច្ចប្រជុំដឹកនាំដោយលោក វ៉ៅ សុខា អភិបាលរងខេត្តកែប កាលពីថ្ងៃទី២៤ ខែកុម្ភៈ នេះ។ ការសាងសង់ផ្លូវនេះ គឺជាកម្ចីរបស់ធនាគារអភិវឌ្ឍន៍អាស៊ី (ADB) ក្នុងគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាប័ន្ន នៃមហាអនុតំបន់មេគង្គជំហានទី២។ ផ្លូវនេះ មានប្រវែងជាង១១គីឡូម៉ែត្រ ទទឹង ៩ម៉ែត្រ-១៥ម៉ែត្រ គ្រោងប្រើរយៈពេលសាងសង់ចំនួន២២ខែ និងចំណាយថវិកាអស់ចំនួនជាង ១០លានដុល្លារ៕
អានបន្ថែម
កូរ៉េខាងត្បូង គ្រោងបង្កើតឧទ្យានធម្មជាតិបែបកូរ៉េ នៅតំបន់អង្គរ សៀមរាប
ឧទ្យានធម្មជាតិបែបកូរ៉េ នឹងត្រូវសាងសង់នៅក្នុងតំបន់អង្គរ សៀមរាប ដែលជាការចម្លងម៉ូត និងបច្ចេកវិទ្យាគ្រប់គ្រងព្រៃឈើតាមស្ដង់ដាកូរ៉េ មកកម្ពុជាដោយផ្ទាល់។ ក្រុមហ៊ុន Korea Forest Service បានបង្ហាញពីគម្រោងនេះនៅក្នុងកិច្ចប្រជុំលើកទី១ នៃគណៈកម្មការប្រតិបត្តិការរួមគ្នា កូរ៉េ-កម្ពុជា តាមអនឡាញ កាលពីថ្ងៃទី ២២ កុម្ភៈ កន្លងទៅ។ យោងតាម The Korea Bizwire ឧទ្យាននេះនឹងត្រូវបានបង្កើតឡើងនៅទីតាំងប្រមាណ ៣០នាទី ពីប្រាសាទអង្គរវត្ត ប៉ុន្តែមិនបានបញ្ជាក់ទីតាំងជាក់លាក់នៅឡើយទេ។ ក្រុមហ៊ុន Korea Forest Service នឹងនាំចូលបច្ចេកវិទ្យាគ្រប់គ្រង និងប្រតិបត្តិការព្រៃឈើរបស់ប្រទេសកូរ៉េខាងត្បូងមកកម្ពុជា ដើម្បីថែរក្សាបរិស្ថាន ក៏ដូចជាធ្វើឱ្យសេដ្ឋកិច្ចក្នុងស្រុកមានភាពរស់រវើកឡើងវិញ។
អានបន្ថែម
សួនទេសចរណ៍តេជោ Westerdam គ្រោងសាងសង់ឡើងនៅក្រុងព្រះសីហនុ
គណៈកម្មាធិការជាតិវាយតម្លៃទីក្រុងស្អាត នៃក្រសួងទេសចរណ៍ គ្រោងបង្កើតសួនទេសចរណ៍តេជោ Westerdam នៅក្នុងខេត្តព្រះសីហនុ ដើម្បីទាក់ទាញភ្ញៀវទេសចរជាតិ និងអន្តរជាតិ ក្រៅពីតំបន់ឆ្នេរ និងកោះ។ បើយោងតាមសេចចក្តីសម្រេចចេញផ្សាយនៅថ្ងៃទី១៥ ខែកុម្ភៈ ក្រុមការងារបច្ចេកទេសថ្មីមួយ ដែលដឹកនាំដោយឯកឧត្តម គឺម សេរីរដ្ឋ អគ្គលេខាធិការរងនៃគណៈកម្មាធិការជាតិវាយតម្លៃទីក្រុងស្អាត ត្រូវបានបង្កើតឡើង ដើម្បីសិក្សារៀបចំគម្រោងនេះ។ ក្រុមការងារបច្ចេកទេស នឹងសហការជាមួយនឹងក្រសួងបរិស្ថាន និងរដ្ឋបាលខេត្ត ដើម្បីសិក្សាពិនិត្យទីតាំង ស្វែងរកថវិកា ដៃគូគាំទ្របច្ចេកទេស និងដៃគូអនុវត្តគម្រោងជាដើម។ ការបង្កើតសួនទេសចរណ៍ Westerdam នេះឡើង គឺដើម្បីរំលឹកដល់ពេលដែលកម្ពុជាបានអនុញ្ញាតឱ្យនាវាទេសចរណ៍របស់អាមេរិក Westerdam ដែលផ្ទុកមនុស្សសរុបជាង ២ ០០០ នាក់ឱ្យចូលចតកាលពីដើមឆ្នាំ ២០២០ ខណៈនាវានេះត្រូវបានបដិសេដដោយប្រទេសជាច្រើន។
អានបន្ថែម
WorldBank ត្រៀមថវិកា ៦០លានដុល្លារ ឱ្យកម្ពុជាលើកកម្ពស់ការគ្រប់គ្រងសំណល់រឹង និងប្លាស្ទិក
ក្រសួងមហាផ្ទៃ ក្រសួងសេដ្ឋកិច្ចនិងហិរញ្ញវត្ថុ ក្រសួងសាធារណការនិងដឹកជញ្ជូន ក្រសួងបរិស្ថាន និងធនាគារពិភពលោក (World Bank) កំពុងធ្វើការរួមគ្នា ដើម្បីលើកកម្ពស់ប្រព័ន្ធគ្រប់គ្រងសំរាម សំណល់រឹង និងសំណល់ប្លាស្ទិកនៅកម្ពុជា។ គម្រោងនេះ នឹងអនុវត្តក្រោមហិរញ្ញប្បទានពីធនាគារពិភពលោក ដែលមានទឹកប្រាក់ប្រមាណ ៦០លានដុល្លារ សម្រាប់រយៈពេល៦ឆ្នាំ។ បើតាមក្រសួងមហាផ្ទៃ គម្រោងនេះ នឹងត្រូវអនុវត្តនៅទីតាំងគោលដៅធំៗ ដូចជាក្រុងសៀមរាប ក្រុងបាត់ដំបង ក្រុងតាខ្មៅ ក្រុងច្បារមន និងក្រុងព្រះសីហនុ។ បច្ចុប្បន្ន អន្តរក្រសួង និង WB កំពុងពិនិត្យផ្តល់យោបល់លើរបាយការណ៍សិក្សា និងឯកសាររៀបចំគម្រោង។
អានបន្ថែម
ការធ្វើតេស្តសាកល្បងប្រព័ន្ធធ្វើទំនើបកម្មនាវាចរណ៍ Port EDI សម្រេចបាន ៩០% ហើយ
គិតមកដល់ខែកុម្ភៈនេះ ការធ្វើតេស្តសាកល្បងលើប្រព័ន្ ធPort EDI ដែលជាការទំនើបកម្មទ្រង់ទ្រាយធំលើការត្រួតពិនិត្យនាវាចរណ៍នៅកម្ពុជា ដោយប្ដូរពីការធ្វើការដោយដៃ មកធ្វើការលើប្រព័ន្ធអនឡាញ ក្នុងដំណាក់កាលទី១ សម្រេចបាន៩២% ហើយ។ ឯកឧត្តមរដ្ឋលេខាធិការ រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថាកាលពីថ្ងៃទី២២ ខែកុម្ភៈ នេះថា ការធ្វើតេស្ដសាកល្បងប្រព័ន្ធគឺជិតបញ្ចប់ហើយ ខណៈបច្ចុប្បន្នកំពុងរង់ចាំខាងមន្ត្រីគយ និងរដ្ឋាករកម្ពុជាប្រចាំមាត់ច្រកក្អមសំណរ និងកោះរកាមកធ្វើតេស្តសាកល្បង។ នៅក្នុងដំណាក់កាលទី១ នៃការធ្វើតេស្តសាកល្បងរយៈពេល៥សប្តាហ៍កន្លងមកនេះ មានចំនួន ៤១៦១ករណី ក្នុងនោះ មាន ៣៧៣១ករណីទទួលបានជោគជ័យ ៧៨ករណីមានបញ្ហាដែលតម្រូវឱ្យមានការកែសម្រួល និង ៣៥២ករណី រង់ចាំការពិភាក្សាបន្ថែម។ បើការធ្វើតេស្ដជោគជ័យ គម្រោង Port EDI នេះនឹងចាប់ផ្តើមដំណើរការអំឡុងខែសីហា ខាងមុខ។ គួរបញ្ជាក់ថា ប្រព័ន្ធ Port EDI គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ មកធ្វើការលើប្រព័ន្ធអនឡាញវិញ។ បច្ចុប្បន្នរាល់ការធ្វើបែបបទនាវាចរណ៍ ចេញ-ចូល គឺត្រូវចំណាយពេលរង់ចាំយូរ មានការលំបាក និងនីតិវិធីស្មុគស្មាញ។ ប៉ុន្តែនៅពេលប្រព័ន្ធ Port EDI នេះដំណើរការ […]
អានបន្ថែម
កម្ពុជាមានផ្លូវក្រាលកៅស៊ូ និងផ្លូវបេតុង ជាងពាក់កណ្តាល នៃផ្លូវកសាងសរុបជិត ២ម៉ឺនគីឡូម៉ែត្រ
មកទល់បច្ចុបន្ន ក្រសួងសាធារណការ និងដឹកជញ្ជូន បានសាងសង់ផ្លូវទូទាំងប្រទេសប្រវែងសរុប ១៨ ១២៥ គីឡូម៉ែត្រ នៅក្របខណ្ឌទូទាំងប្រទេស ក្នុងនោះផ្លូវក្រាលកៅស៊ូ និងផ្លូវបេតុង មានជាងពាក់កណ្តាល។ នេះជាការលើកឡើងរបស់ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចប្រជុំនៃគណៈកម្មាធិការដឹកជញ្ជូនតាមប្រព័ន្ធវីដេអូពីចម្ងាយ នៅថ្ងៃទី២៣ ខែកុម្ភៈ។ ឯកឧត្តមទេសរដ្ឋមន្ត្រីបាន បញ្ជាក់ថា៖ «កម្ពុជា បាននិងកំពុងវិនិយោគយ៉ាងច្រើនលើការអភិវឌ្ឍហេដ្ឋារចនាសម្ព័ន្ធតភ្ជាប់បណ្តាញផ្លូវថ្នល់ ដែលរួមមាន ផ្លូវជាតិ និងផ្លូវខេត្ត មានប្រវែងសរុប ១៨ ១២៥ គីឡូម៉ែត្រ ក្នុងនោះ ៩ ៨៩៦ គីឡូម៉ែត្រជាផ្លូវក្រាលកៅស៊ូAC និងផ្លូវបេតុង ឬស្មើនឹង ៥៤,៦០% នៃប្រវែងសរុប»។ ឯកឧត្តម បន្តថា ស្ពានធំៗចំនួន ២០ ត្រូវបានសាងសង់ ខណៈអាកាសយានដ្ឋានចំនួន៣ ត្រូវបានធ្វើឱ្យប្រសើរឡើងតាមស្តង់ដារអន្តរជាតិ និងព្រលានយន្តហោះថ្មីចំនួន៣ផ្សេងទៀតកំពុងសាងសង់ផងដែរ។
អានបន្ថែម
រដ្ឋនឹងចេញផែនការថ្មីបន្ដសាងសង់អគារខ្ពស់ៗ ដែលជាប់គាំងនៅខេត្តព្រះសីហនុឡើងវិញ
រដ្ឋាភិបាលត្រៀមដាក់ចេញផែនការថ្មី ដើម្បីអភិវឌ្ឍអគារខ្ពស់ៗនៅក្នុងខេត្តព្រះសីហនុឡើងវិញ តាមរយៈការទាក់ទាញអ្នកវិនិយោគថ្មីៗ ឱ្យបន្ដសាងសង់អគារខ្ពស់ៗដែលមិនទាន់បញ្ចប់ ខណៈដែលអគារខ្ពស់ៗនៅខេត្តព្រះសីហនុជាច្រើនបានផ្អាកការសាងសង់ បន្ទាប់ពីវិបត្តិកូវីដ ១៩ បានផ្ទុះឡើង។ នេះជាការលើកឡើងរបស់ ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ក្នុងវេទិការសាធារណៈស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកា ឆ្នាំ២០២២ កាលពីថ្ងៃទី១៨ ខែកុម្ភៈ។ ឯកឧត្តម ថាអគារខ្ពស់ដែលបានផ្អាក ឬទុកចោលដោយគ្មានការអភិវឌ្ឍ យើងនឹងទាក់ទាញអ្នកវិនិយោគមកបន្ត ឬលក់ទៅឱ្យអ្នកផ្សេង ដើម្បីបញ្ចប់ការសាងសង់ និងជំរុញប្រតិបត្តិការឡើងវិញ។ គួរបញ្ជក់ថា រដ្ឋាភិបាល បានដាក់ចេញនូវគោលនយោបាយប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងជាទីក្រុងហិរញ្ញវត្ថុ។ កន្លងមករដ្ឋាភិបាលក៏បានបង្កើតក្រុមការងារអន្តរក្រសួងរៀបចំគ្រប់គ្រងដីធ្លី និងកំពុងប្រមូលព័ត៌មានដីធ្លីសំដៅប្រែក្លាយខេត្តព្រះសីហនុ ជាខេត្តស្នាក់នៅ ទេសចរណ៍ វិនិយោគ និងអចលនទ្រព្យដែលសក្តានុពល៕ (អានបន្ថែម និងបន្ថែម)
អានបន្ថែម