គ្រឿងសង្ហារិមល្បីរបស់ស៊ុយអែត IKEA នឹងបង្ហាញខ្លួននៅកម្ពុជា ឆាប់ៗ
គ្រឿងសង្ហារិមល្បីរបស់ស៊ុយអែត IKEA គ្រោងនឹងបង្ហាញខ្លួននៅកម្ពុជា ក្នុងអំឡុងសប្ដាហ៍ក្រោយ នៅឯផ្សារ SCG Design Village នៅឯខណ្ឌសែនសុខ។ បើយោងតាម SCG Design Village ក្នុងជំហានដំបូង វត្តមានរបស់IKEA គឺគ្រាន់តែជាការនាំយកផលិតផលIKEA មកលក់ក្នុង SCG Design Village តែប៉ុណ្ណោះ ដោយមិនទាន់មានការបើកការហាងIKEA ផ្ទាល់នោះទេ។ យ៉ាងណាមិញ បើទីផ្សារចាប់អារម្មណ៍ខ្លាំង ក្រុមហ៊ុនអាចនឹងពិចារណាបើកហាង IKEA នៅជំហានបន្ទាប់។ គួរបញ្ជាក់ថា ផ្សារទំនើប Design Village នេះ គឺជាផ្សារដំបូង និងនាំមុខគេនៅកម្ពុជា ដែលលក់ផលិតផល និងផ្តល់សេវាពេញលេញគ្រប់ជ្រុងជ្រោយទាក់ទងនឹងផ្ទះ សម្រាប់ការរចនាខាងក្នុង និងខាងក្រៅ ឬហៅថា home & living one-stop shop។ ផ្សារនេះ ជាការវិនិយោគរួមក្រុមហ៊ុនធំៗ ២ នៃប្រទេសថៃ SCG និង Boonthavorn ដែលបានបើកដំណើរការ កាលពីថ្ងៃទី ៩ […]
អានបន្ថែម
ទំហំកម្ចីទិញផ្ទះមានដល់ ៦,៤ពាន់លានដុល្លារ គិតត្រឹមខែធ្នូ ឆ្នាំ២០២១ កើនឡើង ២៦%
គិតត្រឹមដំណាច់ឆ្នាំ ២០២១ ទំហំប្រាក់កម្ចីទិញផ្ទះនៅកម្ពុជាមានដល់ ៦,៤ ពាន់លានដុល្លារអាមេរិក ដែលស្មើនឹង៥៤,១៥% នៃសមតុល្យកម្ចីសរុបជាង ១១,៨៩ ពាន់លានដុល្លារ។ នេះបើយោងតាមរបាយការណ៍ក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌី (CBC) កាលពីថ្មីៗនេះ។ ទំហំប្រាក់កម្ចីទិញផ្ទះនេះមានការកើនឡើង ២៦% បើធៀបនឹងទំហំកាលពីចុងឆ្នាំ២០២០។ របាយការណ៍បានបន្ថែមថា ពាក្យស្នើសុំកម្ចីទិញផ្ទះគិតត្រឹមត្រីមាសទី ៤ ឆ្នាំ ២០២១ មានចំនួន ១៥៩ ៥៧០ ពាក្យ ឬស្មើនឹង ១១,៨២% នៃពាក្យស្នើសុំកម្ចីសរុបចំនួន១,៣៥ លាន។ CBC ក៏បានបន្ថែមថា គុណភាពឥណទាន នៅតែល្អ ដោយអត្រាបង់ប្រាក់យឺតជាងកាលដំណត់លើសពី ៣០ ថ្ងៃ មានត្រឹម ២% ប៉ុណ្ណោះសម្រាប់កម្ចីគ្រប់ប្រភេទ ចំណែកឯ កម្ចីទិញផ្ទះមានត្រឹមប្រមាណ ១% ប៉ុណ្ណោះ។
អានបន្ថែម
កម្ពុជាកំពុងស្នើសុំចុះប្រាសាទកោះកេរ ទៅក្នុងបញ្ជីបេតិកភណ្ឌពិភពលោក របស់អង្គការUNSECO
រដ្ឋាភិបាលកម្ពុជា កំពុងស្នើសុំចុះប្រាសាទកោះកេរ ទៅក្នុងបញ្ជីបេតិកភណ្ឌពិភពលោក និងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ។ នេះបើតាមលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ថ្លែងក្នុងពិធីបើកអង្គសន្និបាតបូកសរុបលទ្ធផលការងារឆ្នាំ២០២១ កាលថ្ងៃទី៩ ខែកុម្ភៈ ឆ្នាំ២០២២។ លោកជំទាវ ភឿង សកុណា បានបញ្ជាក់ថា៖ «ក្រសួងបានបន្តរៀបចំ និងសហការរៀបចំឯកសារដើម្បីស្នើសុំចុះប្រាសាទកោះកេរ ទៅក្នុងបញ្ជីបេតិកភណ្ឌពិភពលោក និងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ»។ ក្រៅពីប្រាសាទកោះកេរ កម្ពុជាក៏កំពុងរៀបចំឯកសារស្នើសុំចុះ នំបញ្ចុក និងក្បាច់គុនល្បុក្កតោ ទៅក្នុងបញ្ជីបេតិកភណ្ឌពិភពលោកនេះដែរ។ ដោយឡែក ក្រុងបាត់ដំបងវិញ ក៏ត្រូវបានស្នើសុំចុះក្នុងបណ្តាញទីក្រុងដែលមានភាពច្នៃប្រឌិត (Creative Cities Network) របស់អង្គការយូណេស្កូផងដែរ។ សូមជម្រាបដែរថា ប្រាសាទកោះកេរ ស្ថិតនៅក្នុងភូមិស្រយ៉ង់ខាងជើង ឃុំស្រយ៉ង់ ស្រុកគូលែន ខេត្តព្រះវិហារ។ ប្រាសាទកោះកេរ្តិ៍ ត្រូវបានកសាងឡើងក្នុងរជ្ជកាលព្រះបាទជ័យវរ័្មនទី៤ ឧទ្ទិសថ្វាយព្រះឥសូរតាមបែបព្រហ្មញ្ញសាសនា។ ប្រាសាទនេះ មាន ៧ជាន់ មានកម្ពស់ ៣៥ម៉ែត្រ៕ ប្រភព៖ Press OCM – អង្គភាពព័ត៌មាន និងប្រតិកម្មរហ័ស https://www.facebook.com/235822866545826/posts/4595906123870790/
អានបន្ថែម
រដ្ឋគ្រោងសាងសង់សារមន្ទីរមាន រាងជាគ្រាប់មីនធំជាងគេលើលោក នៅខេត្តសៀមរាប និងកំពង់ឆ្នាំង
មជ្ឈមណ្ឌលសកម្មភាពកំចាត់មីនកម្ពុជា គ្រោងសាងសង់សារមន្ទីរមីន ដែលមានរូបរាងស្រដៀងនឹងគ្រាប់មីន នៅខេត្តចំនួន ២ គឺ ខេត្តសៀមរាប និងខេត្តកំពង់ឆ្នាំង។ គម្រោងសាងសង់សារមន្ទីរមីននេះ មានការចូលរួមគាំទ្រ ដោយអង្គការ JICA ជប៉ុន។ អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ឯកឧត្តម ហេង រតនា បានពិភាក្សាជាមួយក្រុមប្រឹក្សាជប៉ុនរបស់ JICA កាលពីថ្ងៃទី១០ ខែកុម្ភៈ នៅវិទ្យាស្ថានបច្ចេកទេសសកម្មភាពកំចាតមីនខេត្តកំពង់ឆ្នាំង។ ការពិភាក្សានេះ គឺផ្តោតលើការស្រាវជ្រាវវាយតម្លៃគម្រោង និងការគិតគូរពីរូបរាងអគារ ដែលនឹងត្រូវសាងសង់នៅខេត្តទាំង ២។ ឯកឧត្តម ហេង រតនា លើកឡើងថា កម្ពុជាចង់សាងសង់អាគារសារមន្ទីររាងគ្រាប់មីនធំជាងគេលើពិភពលោក ដើម្បីបង្ហាញពិភពលោកថា សម្តេចតេជោ ហ៊ុន សែន បានដឹកនាំកម្ពុជាពីប្រទេសមាន គ្រាប់មីនច្រើនជាងគេលើលោក មកជាប្រទេសគ្មានគ្រាប់មីននៅចុងឆ្នាំ២០២៥។
អានបន្ថែម
រាជធានីភ្នំពេញ និងខេត្តកំពង់ស្ពឺ ទទួលបានគម្រោងវិនិយោគរោងចក្រថ្មី តម្លៃជិត៨លានដុល្លារ
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគជិត ៨លានដុល្លារអាមេរិក ដើម្បីបង្កើតរោងចក្រថ្មីចំនួន២ កន្លែងទៀត នៅរាជធានីភ្នំពេញ និងកំពង់ស្ពឺ ។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១០ ខែកុម្ភៈ ឆ្នាំ២០២២ ក្រុមហ៊ុនទាំង២ រួមមាន៖ ១- XING KAI SEN GARMENT CO., LTD បោះទុន២,២លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅភូមិកំបូល សង្កាត់កំបូល ខណ្ឌកំបូល រាជធានីភ្នំពេញ។ ២- XIN JIALE INTERNATIONAL (CAMBODIA) CO., LTD បោះទុនវិនិយោគប្រមាណ ៥,៤លានដុល្លារអាមេរិក បង្កើតរោងចក្រផលិតកាបូបគ្រប់ប្រភេទ នៅភូចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ។ គម្រោងទាំង២នេះ នឹងបង្កើតការងារប្រមាណជិត ២០០០ កន្លែង ដល់ប្រជាជនក្នុងតំបន់។ គួររម្លឹកដែរថា នៅក្នុងរយៈពេល១ខែដំបូងដើមឆ្នាំ២០២២ នេះ ក្រុមប្រឹក្សាអភិវឌ្ឈន៍កម្ពុជា បានអនុម័តគម្រោងវិនិយោគសរុបយ៉ាងហោច ២៥ គម្រោង ឬស្មើនឹងទំហំទឹកប្រាក់ជាង ២,៥ […]
អានបន្ថែម
កម្ពុជាគ្រោងសាងសង់ និងបើកច្រកព្រំដែនខ្មែរ-ថៃថ្មីមួយ នៅឃុំថ្មដា ខេត្តពោធិ៍សាត់
ក្រសួងសាធារណការ និងដឹកជញ្ជូន គ្រោងនឹងសាងសង់ច្រកទ្វារព្រំដែនអន្តរជាតិកម្ពុជា-ថៃ ថ្មីមួយកន្លែងទៀត នៅឃុំថ្មដា ស្រុកវាលវែង ខេត្តពោធិសាត់។ គម្រោងនេះគឺស្របពេលដែលកម្ពុជា អភិវឌ្ឍផ្លូវជាតិលេខ៥១ ពីទីរួមខេត្តពោធិ៍សាត់ទៅតំបន់ព្រំដែនថ្មដា និងផ្លូវជាតិលេខ១០តភ្ជាប់រវាងខេត្តកោះកុង និងសំឡូតបាត់ដំបង។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី១០ ខែកុម្ភៈ បានដឹកនាំកិច្ចប្រជុំក្រុមការងារបច្ចេកទេសក្រសួង ដើម្បីត្រួតពិនិត្យលើគម្រោងសាងសង់ច្រកព្រំដែនអន្តរជាតិថ្មីនេះ។ តាមផែនការ គម្រោងនេះនឹងស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ជាប់ព្រំដែនជាមួយខេត្តត្រាត នៃប្រទេសប្រទេសថៃ។ ទិសដៅនៃការសងសង់ព្រំដែនថ្មីនេះ គឺដើម្បីបង្កើនកិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំង ២ ។ គម្រោងនេះ នឹងរួមមានការកសាង អគារអន្តោប្រវេសន៍ អគារគយ រដ្ឋាករសម្រាប់ត្រួតពិនិត្យរួម ចំណតសម្រាប់ផ្ទេរទំនិញឆ្លងកាត់ ឃ្លាំងទីលានកុងទីន័រ អគាររដ្ឋបាល និងសំណង់អគារអន្តេវាសិកដ្ឋាន។
អានបន្ថែម
កម្ពុជាស្នើកាណាដា ជួយរៀបចំយុទ្ធសាស្ត្រលើគម្រោងរថភ្លើងលើអាកាស និងក្រោមដី នៅភ្នំពេញ
រដ្ឋមន្ត្រីក្រសួងសាធារណការ និងដឹកជញ្ជូន បានស្នើប្រទេសកាណាដា ឱ្យជួយរៀបចំយុទ្ធសាស្ត្រអភិវឌ្ឍន៍គម្រោងដឹកជញ្ជូនសាធារណៈធំៗចំនួន ៣ នៅទីក្រុងភ្នំពេញ រួមមានរថភ្លើងស្វ័យប្រវត្តិ(AGT) រថភ្លើងក្រោមដី (Subway) និងរថភ្លើងលើអាកាស Monorail។ ការស្នើនេះ ត្រូវបានធ្វើឡើងក្នុងពេលជំនួបពិភាក្សាការងាររវាង ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ជាមួយលោកជំទាវបណ្ឌិត Sarah Taylor ឯកអគ្គរដ្ឋទូតកាណាដាប្រចាំប្រទេសថៃ ឡាវ និងកម្ពុជាកាលថ្ងៃទី១០ ខែកុម្ភៈ ឆ្នាំ២០២២។ ក្នុងជំនួបនោះ ឯកឧត្តម ស៊ុន ចាន់ថុល ថាកម្ពុជាចង់សង់ប្រព័ន្ធដឹកជញ្ជូនសាធារណៈ នៅភ្នំពេញ ដោយបច្ចុបន្នកំពុងសិក្សា ៣ ជម្រើស រួមមាន ប្រព័ន្ធប្រតិបត្តិការរថភ្លើងស្វ័យប្រវត្តិ(AGT) ប្រព័ន្ធរថភ្លើងក្រោមដី (Subway) និងរថភ្លើងលើអាកាស Monorail។ ប៉ុន្តែក្រសួងមិនទាន់សម្រេចថា នឹងសាងសង់គម្រោងមួយណានោះទេ ដោយកំពុងសិក្សាលម្អិត។ (អានបន្ថែម) ដូច្នេះ ឯកឧត្តមបានស្នើឱ្យកាណាដាជួយពិនិត្យឡើងវិញលើការរៀបចំយុទ្ធសាស្ត្រអភិវឌ្ឍន៍គម្រោងធំៗចំនួន៣ ខាងលើ។ ការឆ្លើយតប លោកជំទាវបណ្ឌិត Sarah Taylor បានលើកឡើងថា កាណាដាមានជំនាញបច្ចេកទេសគ្រប់គ្រាន់ ដែលអាចផ្ដល់ជាវគ្គបណ្ដុះបណ្ដាលសម្រាប់ការកសាងហេដ្ឋារចនាសម្ព័ន្ធរូបវន្ត […]
អានបន្ថែម
ខេត្តបាត់ដំបង បើកការដ្ឋានសាងសង់ប្រព័ន្ធលូ និងស្ថានីយចម្រោះទឹកកខ្វក់តម្លៃ ៣០ លានដុល្លារ
រដ្ឋបាលខេត្តបាត់ដំបង បានបើកការដា្ឋនសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ក្រុងបាត់ដំបង ដើម្បីលើកកម្ពស់សោភណ្ឌភាពទីក្រុង និងដោះស្រាយបញ្ជាប្រឈមដែលចេញពីការអភិវឌ្ឍន៍ទៅទីក្រុង។ ពិធីបើការដ្ឋាននេះ ធ្វើឡើងនៅថ្ងៃទី១០ ខែកុម្ភៈ នៅក្រោមវត្តមានជញ្ជូន ឯកឧត្តម សុខ លូ អភិបាល នៃគណៈ អភិបាលខេត្តបាត់ដំបង។ យោងតាមរដ្ឋបាលខេត្តបាត់ដំបង គម្រោងនេះ គ្រោងចំណាយថវិកាជិត ៣០លានដុល្លាអាមេរិច ដោយគ្រោងនឹងបញ្ចាប់រសាងសង់រួចរាល់នៅឆ្នាំ២០២៤ ។ គម្រោងនេះស្ថិតក្រោមកម្ចីឥណទានរបស់ ADB , AFD និងជំនួយឥតសំណងពីសហគមអឺរ៉ុប (EU)។ ជាលម្អិត គម្រោងទាំងមូលរួមមាន៖ ១-ប្រព័ន្ធបណ្តាញបំពង់ប្រមូលទឹកកខ្វក់ ភ្ជាប់តំណចំនួន ៤២០០តំណ បណ្តាញបំពង់ប្រមូលមេប្រវែង ៤៥០០ម បណ្តាញបំពង់ប្រមូលមេរងប្រវែង ១៣ ៦០០ម បណ្តាញបំពង់ប្រមូលតាមផ្ទះ ឬទីតាំង ដែលមានប្រវែង ៥១ ០០០ម ស្ថានីយបូមទឹកកខ្វក់ ១កន្លែង បំពង់បូមបញ្ជូនប្រវែង ៧ ៧០០ម ស្ថានីយប្រព្រឹត្តិកម្មទឹកកខ្វក់រួម មានសមត្ថភាព ១២ ០០០ម៣/ ថ្ងៃ អគាររដ្ឋបាលនានា ការកែលម្អផ្លូវទៅកាន់ស្ថានីយប្រព្រឹត្តិកម្មទឹកកខ្វក់រួម ប្រវែង […]
អានបន្ថែម
ក្រុមហ៊ុនអចលនទ្រព្យដំបូងគេដែលចុះបញ្ជីក្នុងទីផ្សារមូលបត្រ បើកលក់ភាគហ៊ុនជាផ្លូវការហើយ
ក្រុមហ៊ុនអភិវឌ្ឈន៍លំនៅឋាន JS Land PLC បានប្រកាសលក់ភាគហ៊ុនក្នុងទីផ្សារមូលបត្រកម្ពុជា ជាផ្លូវការហើយ ចាប់ពីថ្ងៃទី១០ខែកុម្ភៈ នេះត ពោលគឺបានក្លាយជាក្រុមហ៊ុនអចលនទ្រព្យដំបូងបង្អស់ ដែលចុះបញ្ជីក្នុងផ្សារមូលបត្រនៅកម្ពុជា។ ក្រុមហ៊ុន JS Land PLC គ្រោងបោះផ្សាយភាគហ៊ុនដើម្បីប្រមូលទុនសរុបប្រមាណ ៤៦ប៊ីលានរៀល ឬប្រមាណ ១២លានដុល្លារ ដោយ១ ភាគហ៊ុន មានតម្លៃ ចាប់ពី ១ ៩០០រៀល។ ឯកឧត្តម ហុង សុហួរ អគ្គនាយកនៃក្រុមហ៊ុនផ្សារមូលបត្រកម្ពុជា បានឱ្យដឹងថា វត្តមានថ្មីរបស់ក្រុមហ៊ុនមួយនេះ នឹងធ្វើជាគំរូនាំមុខសម្រាប់ក្រុមហ៊ុនអចលនទ្រព្យផ្សេងទៀត ឬក្រុមហ៊ុនក្នុងវិស័យនានា ពិចារណាពីធ្វើពិពិធកម្មប្រភពទុនតាមរយៈផ្សារហ៊ុន ដើម្បីចាប់យកឱកាសរីកចម្រើនជាមួយគ្នា។ គិតមកដល់បច្ចុប្បន្ននេះ ផ្សារមូលបត្រកម្ពុជាមានក្រុមហ៊ុនចុះបញ្ជីចំនួន១៥ ដែលរួមមានក្រុមហ៊ុនចំនួន៩ បានចុះបញ្ជីជាភាគហ៊ុន និង៦ផ្សេងទៀត បានចុះបញ្ជីជាសញ្ញាបណ្ណសាជីវកម្ម។ សរុបទុនដែលក្រុមហ៊ុនទាំងអស់ប្រមូលកៀរគរបានពីទីផ្សារមូលបត្រមានប្រមាណជាង ២៨១លានដុល្លារ។
អានបន្ថែម
ចំណូលដុល NagaCorp ឆ្នាំ ២០២១ មាន ២២៣ លានដុល្លារ ធ្លាក់ចុះ៧៤% ធៀបនឹង២០២០
ក្រុមហ៊ុនNagaCorp ដែលជាម្ចាស់កាស៊ីណូខ្នាតយក្សណាហ្គាវើលនៅរាជធានីភ្នំពេញ បានបង្ហាញថាខ្លួនមានចំណូលដុល ឬ GGR សរុប ២២៣,៥ លានដុល្លារ ក្នុងឆ្នាំ២០២១ ដែលធ្លាក់ចុះប្រមាណ ៧៤% បើធៀបនឹងឆ្នាំ ២០២០។ បើយោងតាមរបាយការណ៍ក្រុមហ៊ុនចេញថ្ងៃទី ៧ កុម្ភៈ ការធ្លាក់ចុះនេះ ភាគច្រើនបណ្ដាល់មកកាស៊ីណូបានបិទទ្វារជាង ៦ ខែនៅឆ្នាំ ២០២១ ។ ប៉ុន្ដែ ការងើបឡើងវិញក្រោយពេលបើកទ្វារវិញ ចាត់ទុនថាមានសន្ទុះគួរឱ្យកត់សម្គាល់។ ក្នុងឆ្នាំ ២០២១ នេះ ប្រាក់ចំណេញដុលមិនទាន់កាត់កងចំណាយពន្ធ និងផ្សេងៗ (ឬEBITDA) មានចំនួន ២២,៤លានដុល្លារ ដែលធ្លាក់ដល់ទៅ ៩១% បើធៀបនឹងឆ្នាំ ២០២០។ យ៉ាងណាមិញ ក្រុមហ៊ុននៅតែមានសុទិដ្ឋិនិយមសម្រាប់ឆ្នាំ ២០២២ នេះ ពិសេសខែមករា ដែលចំណូលរបស់ក្រុមហ៊ុនគឺមាននិន្នការកើនឡើង។
អានបន្ថែម
ក្រុមហ៊ុនសាងសង់ផ្លូវជាតិលេខ២ និងលេខ២២ សុំពន្យារពេលបញ្ចប់គម្រោងម្ដងទៀត
ក្រុមហ៊ុនសាងសង់ផ្លូវជាតិលេខ២ និងលេខ២២ បានស្នើសុំបញ្ចប់គម្រោងយឺតជាងផែនការ ៤ ខែបន្ថែមទៀត បន្ថែមពីលើការយឺតយ៉ាវស្រាប់ ដោយក្រុមហ៊ុនបញ្ជាក់ថាការស្ថាបនាខ្វះគ្រឿងចក្រសាងសង់ ខណៈក្រសួងកំពុងពិនិត្យលើសំណើនេះ ។ ឯកឧត្តម ស៊ុន ចាន់ថុល រដ្ឋមន្រ្តីក្រសួងសាធាណរការនិងដឹកជញ្ជូន មានប្រសាសន៍នៅថ្ងៃទី ៩ ខែកុម្ភៈ ថា ៖ «ក្រុមហ៊ុនសាងសង់ បានស្នើសុំពន្យាពេលសាងសង់ប្រហែលជា ៤ ខែ។ យើងខ្ញុំមិនទាន់អនុញ្ញាតនៅឡើយ ត្រូវពិនិត្យលក្ខណៈបច្ចេកទេសត្រឹមត្រូវ និងហេតុផលហេតុដូចម្តេចបានការងារផ្លូវជាតិលេខ២ និង២២នេះ យឺតយ៉ាវ»។ តាមផែនការ ការស្ថាបនាផ្លូវជាតិលេខ២ នឹងបញ្ចប់នៅខែមេសា ឆ្នាំ២០២២ ប៉ុន្តែមកដល់ពេលនេះ ទើបតែសម្រេចលទ្ធផលបាន ៤៧,៩៥%ប៉ុណ្ណោះ។ ជាក់ស្ដែង ផ្លូវនេះ គឺយឺតយ៉ាវជាងផែនការស្រាប់ទៅហើយ ខណៈក្រុមហ៊ុននៅតែបន្ដសុំពន្យារពេលទៀត។ ផ្លូវជាតិលេខ ២ មានប្រវែងសរុបចំនួន៦២,៥៦គីឡូម៉ែត្រ គិតចាប់ពីរង្វង់មូលតាខ្មៅ ដល់រង្វង់មូលក្រុងដូនកែវ ខេត្តតាកែវ ខណៈផ្លូវជាតិលេខ ២២ មានប្រវែងសរុបចំនួន ៩,៦១ គីឡូម៉ែត្រ ចាប់គិតពីរង្វង់មូលក្រុងដូនកែវ ដល់អង្គតាសោមផ្លូវជាតិលេខ ៣។ គម្រោងទាំងនេះទៀតសោត កំពុងសាងសង់ដោយប្រើប្រាស់ថវិកាប្រមាណ ៥៦លានដុល្លារ […]
អានបន្ថែម
មន្ទីរពេទ្យតេជោ សែន កោះធំ តម្លៃ១០លានដុល្លារ សាងសង់សម្រេចបានជិត១២% ហើយ
ការដ្ឋានសាងសង់អគារមន្ទីរពេទ្យតេជោ សែន កោះធំ សម្រេចបាន១១,៨៨% ហើយ បើគិតត្រឹមថ្ងៃទី៤ ខែកុម្ភៈ ឆ្នាំ ២០២២ កន្លងទៅនេះ។ នេះបើតាមការឱ្យដឹងពីក្រសួងសាធារណការ និងដឹកជញ្ជូន កាលពីថ្ងៃទី១០ ខែកុម្ភៈ ឆ្នាំ២០២២។ អគារមន្ទីរពេទ្យតេជោ សែន កោះធំ បានចាប់ផ្តើមបើកការដ្ឋានសាងសង់កាលថ្ងៃទី៧ ខែមករា ឆ្នាំ២០២២។ គម្រោងនេះសាងសងលើផ្ទៃដី ប្រមាណ ១,៣ហិចតា មានអគារថ្មីចំនួន ៣ខ្នង អគារកណ្ដាលមានកម្ពស់ ៣ជាន់ ហើយអគារសងខាងឆ្វេងស្ដាំមានកម្ពស់២ជាន់។ មន្ទីរពេទ្យនេះអាចផ្ទុកគ្រែអ្នកជំងឺបាន ចំនួន១៥០ គ្រែ បំពាក់ដោយម៉ាស៊ីនត្រជាក់ សម្ភារបរិក្ខារពេទ្យ និងឧបករណ៍បច្ចេកទេសទំនើបៗ សម្រាប់បម្រើឱ្យការព្យាបាល។ មន្ទីរពេទ្យដ៏ធំនេះ គ្រោងចំណាយថវិកាសរុបទាំងអស់ប្រមាណ១០លានដុល្លារ ហើយគ្រោងនឹងបញ្ចប់ការសាងសង់ជាស្ថាពរនៅខែធ្នូ ឆ្នាំ២០២២។ (អានបន្ថែម) មន្ទីរពេទ្យនេះ នឹងក្លាយជាមន្ទីរពេទ្យនឹងផ្តល់សេវាសុខាភិបាលសាធារណៈជូនដល់ប្រជាពលរដ្ឋប្រមាណជាង ៦០ម៉ឺននាក់ដែលរស់នៅក្នុងស្រុកស្អាង ស្រុកកោះធំ ស្រុកលើកដែក នៃខេត្តកណ្តាល និងស្រុកព្រៃកប្បាស នៃខេត្តតាកែវផងដែរ៕
អានបន្ថែម