បុរី ហ្គោលដេន ផាក បញ្ចុះតម្លៃរហូតដល់ ១៥% ព្រមនឹងលក្ខខណ្ឌបង់ប្រាក់ងាយស្រួល
ដើម្បីជាការអបអរសាទរគម្រប់ខួប ១ ឆ្នាំនៃការបើកលក់គម្រោង ដឹណេតឆឺរ៉ល បុរីហ្គោលដេន ផាក នឹងផ្តល់ជូនអតិថិជននូវការបញ្ចុះតម្លៃដ៏ពិសេសដល់ទៅ ១៥% ជាមួយលក្ខខណ្ឌបង់ប្រាក់ងាយស្រួល ត្រឹម ២០% គ្មានប្រាក់កក់ និងគ្មានការប្រាក់រយៈពេល ៣០ខែ។ នេះជាឱកាសសម្រាប់លោកអ្នកចង់បានផ្ទះដែលហ៊ុំព័ទ្ធដោយធម្មជាតិបៃតង ប្រៀបបាននឹងតំបន់រីសត ដែលលោកអ្នកមិនត្រឹមតែហៅថាផ្ទះ តែក៏ជាទីកន្លែងដែលបង្កើតការចង់ចាំល្អៗជាមួយក្រុមគ្រួសារ និងមិត្តភក្តិ ងាយស្រួលទាំងការរស់នៅ និងប្រកបអាជីវកម្ម។ គម្រោង ដឹណេតឆឺរ៉ល របស់ បុរី ហ្គោលដេន ផាក ជាគម្រោងអភិវឌ្ឍលំនៅឋានបែបសហគមន៍ធម្មជាតិបៃតងមួយដែលនឹងត្រូវសាងសង់នៅលើផ្ទៃដីសរុប ៦០ហិកតា មានសួនធម្មជាតិដ៏ធំទំហំ ៤,៥ហិកតា និង មានទន្លេអមសងខាង។ គម្រោងស្ថិតនៅក្នុងតំបន់សក្តានុពលសេដ្ឋកិច្ចខ្លាំង ជាប់ផ្លូវជាតិ ៦អា ដែលមានផ្ទះច្រើនប្រភេទដូចជា វីឡាឃីង វីឡាឃ្វីន វីឡាព្រីន វីឡាភ្លោះ វីឡាកូនកាត់ និង ហូមអហ្វីស ដែលត្រូវបានរចនាម៉ូតយ៉ាងយកចិត្តទុកដាក់ដោយ ស្ថាបត្យករ និង វិស្វករជំនាញៗ ដើម្បីធានាបាននូវភាពឥតខ្ចោះនៃផ្ទះ។ លោកអ្នកថែមទាំងអាចសម្រាកលំហែនៅទីធ្លាដ៏ធំវិសេសវិសាលជុំវិញក្នុងបុរី ដែលមានក្លឹបហៅស៍ អាងហែលទឹកប្រណិតធំខាងក្រៅ កន្លែងហាត់ប្រាណដែលមានឧបករណ៍ទាន់សម័យគ្រប់ប្រភេទ មានផ្លូវសម្រាប់រត់ ផ្លូវសម្រាប់ជិះកង់ […]
អានបន្ថែម
រោងចក្រផលិតទឹកស្អាតបាក់ខែង សាងសង់បាន៦០%ហើយ គ្រោងបញ្ចប់ក្នុងឆ្នាំ២០២៣
គិតមកដល់បច្ចុប្បន្ននេះ ដំណើរការសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី១ សម្រេចលទ្ធផលបានប្រមាណ ៦០% ហើយ ដោយគ្រោងនឹងបញ្ចប់តាមផែនការនៅឆ្នាំ ២០២៣។ នេះបើតាម ឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ កាលថ្ងៃទី១ ខែមីនា។ ឯកឧត្តម ថា «បច្ចុប្បន្ន ក្រុមសាងសង់កំពុងដាក់ទុយោបំពង់មុខកាត់២ម៉ែត្រ ក្រោមបាត់ទន្លេសាប ដែលជាសំណង់ប្រវត្តិសាស្រ្ត ដែលយើងនឹងចាប់ផ្តើមសាងសង់នៅដើមខែ៤ ខែ៥ ឆ្នាំ២០២២ នេះផងដែរ»។ «ដូច្នេះ ចុងឆ្នាំ២០២៣ យើងនឹងមានទឹកប្រើប្រាស់គ្រប់គ្រាន់ ហើយដើមឆ្នាំ២០២៤ ខាងមុខធានាថា ទឹកក្នុងរាជធានីភ្នំពេញលែងមានបញ្ហាហើយ គឺគ្រប់គ្រាន់ទាំងអស់» ។ គម្រោងនេះ ប្រើទុនវិនិយោគសរុប ១៩០លានដុល្លារ ដែលជាសហហិរញ្ញប្បទានរបស់ភ្នាក់ងារអភិវឌ្ឍន៍បារាំង ធនាគារ European Investment Bank និងរដ្ឋាករទឹកស្វយ័តក្រុងភ្នំពេញ។ រោងចក្រនេះ ជាការសាងសង់ដ៏ធំមួយដែលមិនធ្លាប់មានពីមុនមកនៅកម្ពុជា និងមាន ២ជំហាន។ ជំហានទី ១ គ្រោងនឹងបញ្ចប់ ២០២៣ ដោយនឹងអាចផលិតទឹកបានជិត ២០ម៉ឺនម៉ែត្រគូបក្នុងមួយថ្ងៃ ខណៈជំហានទី២ នឹងពង្រីកសមត្ថភាពដល់ទៅជិត ៤០ម៉ឺនម៉ែត្រគូបក្នុងមួយថ្ងៃ នៅឆ្នាំ២០២៤។ […]
អានបន្ថែម
រដ្ឋាភិបាលអនុម័តគម្រោងថ្មីមួយតម្លៃ ២,៥លានដុល្លារ នៅខេត្តកំពង់ចាម
ក្រុមប្រឹក្សាអភិវឌ្ឍន៍កម្ពុជា បានចេញវិញ្ញាបនបត្រចុះបញ្ជី ដល់ ក្រុមហ៊ុន SKUON SHOES MANUFACTURE CO., LTD លើគម្រោងវិនិយោគបង្កើតរោងចក្រផលិតស្បែកជើងថ្មីមួយកន្លែង។ យោងតាមការប្រកាសរបស់ CDC ចេញកាលពីថ្ងៃទី ៣ មីនា គម្រោងនេះមានទុនវិនិយោគ ២,៥លានដុល្លារ ដោយមានទីតាំងស្ថិតនៅផ្លូវជាតិលេខ 6A ភូមិរវាង ឃុំខ្នុរដំបង ស្រុកជើងព្រៃ ខេត្តកំពង់ចាម។ រោងចក្រនេះនឹងអាចបង្កើតការងារបានចំនួន ៤៣៥កន្លែង នៅពេលដំណើរការ។ គួររំឭកដែរថា នៅក្នុងរយៈពេល១ខែដំបូង ដើមឆ្នាំ២០២២ នេះ ក្រុមប្រឹក្សាអភិវឌ្ឈន៍កម្ពុជា បានអនុម័តគម្រោងវិនិយោគសរុបយ៉ាងហោច ២៥ គម្រោង ឬស្មើនឹងទំហំទឹកប្រាក់ជាង ២,៥ ពាន់លានដុល្លារ ក្នុងនោះគម្រោងពាក់ព័ន្ធក្នុងវិស័យសំណង់ ហេដ្ឋារចនាសម្ព័ន្ធ និងអចលនទ្រព្យមានរហូតដល់ទៅ ១,៤ ពាន់លានដុល្លារផងដែរ៕
អានបន្ថែម
ក្រសួងដាក់កំហិតតឹង! ហាមសាងសង់ ជួសជុល ឬរុះរើសំណង់ដាច់ខាត បើកគ្មានលិខិតអនុញ្ញាត
ក្រសួងរៀបចំដែនដី នគរូបនីយកម្ម និងសំណង់ បានហាមឃាត់ដល់ក្រុមហ៊ុនសាងសង់ និងក្រុមជាងសំណង់ទាំងអស់ ហាមមិនឱ្យចុះកិច្ចសន្យាម៉ៅការសាងសង់ ឬរុះរើ សំណង់ណាដែលមិនទាន់ទទួលបានលិខិតអនុញ្ញាតសាងសង់ លិខិតអនុញ្ញាតជួសជុល លិខិតអនុញ្ញាតរុះរើ និងលិខិតអនុញ្ញាតបើកការដ្ឋានពីអជ្ញាធរមានសមត្ថកិច្ចជាមុនឡើយ។ បើតាមលិខិតជូនដំណឹង ចុះថ្ងៃទី០២ ខែមីនា ឆ្នាំ២០២២ ការហាមឃាត់នេះ ធ្វើឡើងក្នុងគោលបំណងកុំឱ្យប៉ះពាល់ដល់បទប្បញ្ញត្តិស្តីពីធ្លាគម្លាត គុណភាព សុវត្ថិភាពសំណង់ ដល់អ្នកប្រើប្រាស់ និងសាធារណៈជនទូទៅ។ ចំពោះក្រុមហ៊ុន ឬក្រុមជាងសំណង់ណាមួយ មិនគោរពតាមលិខិតជូនដំណឹងនេះ នឹងអាចត្រូវដកហូតអាជ្ញាប័ណ្ណ ឬលិខិតអនុញ្ញាតប្រកបអាជីវកម្ម ទណ្ឌកម្មនានា និងកសាងបញ្ជូនសំណុំរឿងទៅតុលាការតាមនីតិវិធីច្បាប់ជាធរមាន។
អានបន្ថែម
សម្តេច ហ៊ុន សែន ឱ្យក្រសួងពាក់ព័ន្ធសុំអនុញ្ញាតសិន មុនប្រើច្បាប់ស្តីពីអស្សាមិករណ៍
សម្តេចនាយករដ្ឋមន្រ្តី ហ៊ុន សែន បានប្រកាសដល់អាជ្ញាធរ និងក្រសួងពាក់ព័ន្ធឱ្យសុំការអនុញាត ឬយោបល់ជាមុនសិន មុននឹងសម្រេចឈានទៅដល់ការអនុវត្តច្បាប់ស្តីពីអស្សាមិករណ៍ ដែលជាការដកហូតដីឯកជនមកស្ថាបនាគម្រោងហេដ្ឋានរចនាសម្ព័ន្ធសាធារណៈនានា។ ការប្រកាសនេះ ត្រូវបានធ្វើឡើងនៅពេលសម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវជាតិលេខ៣ ភ្នំពេញ-កំពត កាលថ្ងៃទី០២ ខែមីនា ឆ្នាំ២០២២។ សម្តេច ហ៊ុន សែន ប្រកាសថា ជាទូទៅច្បាប់អស្សាមិករណ៍ នឹងត្រូវប្រើករណីប្រជាពលរដ្ឋរឹងរូសមិនព្រមទទួលសំណងផលប៉ះពាល់ពីគម្រោងស្ថាបនាហេដ្ឋារចនាសម្ព័ន្ធនានា ដោយរដ្ឋមានសិទ្ធិនឹងដកហូតដីនោះ។ ប៉ុន្តែ មន្ដ្រីត្រូវប្រើប្រាស់ច្បាប់នេះឱ្យមានតម្លាភាព ត្រឹមត្រូវ និងប្រើនៅពេលចាំបាច់ប៉ុណ្ណោះ។ «ឧទាហរណ៍ យើងត្រូវសាងសង់ផ្លូវ សាងសង់ស្ពាន យើងបានដោះស្រាយផលប៉ះពាល់ជាង ៤០០០គ្រួសារហើយ ដោយព្រមទទួលយកដំណោះស្រាយ តែសល់ត្រឹម២គ្រួសារអីមិនព្រម តើយើងគួរតែបោះបង់ស្ពានឬផ្លូវចោល ឬយើងប្រើជម្រើសត្រឹមត្រូវ គឺប្រើប្រាស់ច្បាប់អស្សាមិករណ៍។ ព្រោះច្បាប់អស្សាមិករណ៍នេះ ពេលណាផលប្រយោជន៍រដ្ឋតម្រូវ គឺត្រូវតែប្រើហើយ តែមិនមែនអីសុទ្ធតែប្រើច្បាប់នេះរហូតនោះទេ គឺចាំបាច់ត្រូវសុំការអនុញ្ញាតជាមុនសិន» សម្ដេចបានប្រសាសន៍។ គួរបញ្ជាក់ថា ច្បាប់អស្សាមិករណ៍ ត្រូវបានសភាអនុម័តកាលពីឆ្នាំ២០០៩។ ច្បាប់នេះ មានគោលបំណងកំណត់ការដកហូតកម្មសិទ្ធិនៅក្នុងព្រះរាជាណាចក្រកម្ពុជា ដោយកំណត់និយមន័យយន្តការនីតិវិធីនៃការដកហូតកម្មសិទ្ធិ និងផ្តល់សំណងសមស្របសម្រាប់ការសាងសង់ ឬការស្តារឡើងវិញនូវគម្រោងពង្រីកហេដ្ឋារចនាសម្ព័ន្ធសាធារណៈសម្រាប់ការចាប់អារម្មណ៍ និងការអភិវឌ្ឍជាតិរបស់សាធារណជន និងជាតិ៕
អានបន្ថែម
សម្តេចរើសយកទីតាំងសង់ស្ពានអរិយក្សត្រហើយ ភ្ជាប់ចំណុចផ្សាររាត្រី-ជ្រោយចង្វា-អរិយក្សត្រ
រដ្ឋាភិបាលបានជ្រើសរើសទីតាំងគម្រោងស្ពានមិត្តភាពកម្ពុជា-កូរ៉េរួចហើយ ដែលចាប់ផ្តើមចេញពីចំណុចផ្សាររាត្រី ភ្ជាប់ទៅតំបន់ជ្រោយចង្វារ និងបន្តទៅតំបន់អរិយក្សត្រ ដោយនឹងមានស្ពានសរុប ២ កន្លែង។ ការសម្រេចចិត្តនេះ គឺមិនទាន់ត្រូវបានប្រកាសជាសាធារណៈនៅឡើយទេ ប៉ុន្តែត្រូវបានធ្វើឡើងដោយសម្ដេចនាយករដ្ឋមន្ត្រី ហ៊ុន សែន បន្ទាប់ពីកូរ៉េបញ្ចប់ការសិក្សា ហើយស្នើជម្រើសទីតាំង ២។ នេះបើយោងតាមក្រសួងសាធារណការ និងដឹកជញ្ជូន។ (អានបន្ថែម) ឯកឧត្តម វ៉ាស៊ីម សុរិយា អ្នកនាំពាក្យក្រសួងសាធារណការ និងដឹកជញ្ជូន បានបញ្ជាក់នៅថ្ងៃទី២ ខែមីនា នេះថា សម្តេចតេជោ ហ៊ុន សែន បានអនុញ្ញាតសាងសង់ស្ពានលើទីតាំងទី ២ (ផ្សាររាត្រី-ជ្រោយចង្វា-អរិយក្សត្រ) តាមរយៈសំណើរបស់ក្រសួងសេដ្ឋកិច្ច និងហិរញ្ញវត្ថុ។ ទោះយ៉ាងណា ឯកឧត្តម វ៉ាស៊ីម សុរិយា មិនអាចបញ្ជាក់ អំពីពេលវេលានៃការសាងសង់លើគម្រោងនេះនៅឡើយទេ។
អានបន្ថែម
ផ្លូវថ្មីប្របឆ្នេរសមុទ្រកែប បើកការដ្ឋានហើយ គ្រោងបញ្ចប់ឆ្នាំ២០២៣ ព្រមនឹងគម្រោងធំៗ ២ ទៀត
ផ្លូវបេតុងប្របមាត់សមុទ្រប្រវែងជាង ១២គីឡូម៉ែត្រ នៅខេត្តកែប ត្រូវបានបើកការដ្ឋានសាងសង់ជាផ្លូវការហើយ កាលថ្ងៃទី០១ ខែមីនា កន្លងទៅ ក្រោមវត្តមានរបស់អភិបាលខេត្តកែប ឯកឧត្តម សោម ពិសិដ្ឋ។ ផ្លូវថ្មីមួយខ្សែនេះ តភ្ជាប់កំពង់ផែទេសចរណ៍កោះទន្សាយ ទៅកាន់ផ្លូវជាតិលេខ១៣៣២ នៅស្រុកដំណាក់ចង្អើរ។ ការដ្ឋានធ្វើឡើងដោយប្រើថវិកា ១០លានដុល្លារ និងរយៈពេលសងសង់ ២២ខែ ពោលគឺនឹងបញ្ចប់នៅខែតុលាឆ្នាំ ២០២៣។ គម្រោងនេះជាផ្នែកមួយនៃផែនការអភិវឌ្ឍហេដ្ឋារចនាសម្ព័ន្ធទេសចរណ៍ខេត្តកែបជំហានទី២ ក្រោមជំនួយADB ដោយមានទាំងអស់ ៣ គម្រោងធំៗ រួមមាន ១) គម្រោងផ្លូវ ១២គម នេះ ២) ទីលានកប់សម្រាម និងហេដ្ឋារចនាសម្ព័ន្ធផ្លូវជុំវិញ ៣,៥គម និង ៣) ផែទេសចរណ៍នៅកោះទន្សាយ។ (អានបន្ថែម និងបន្ថែម) គម្រោងទាំង ៣ គ្រោងនឹងបញ្ចប់នៅឆ្នាំ ២០២៣ ដំណាលៗគ្នា។ ក្រៅពីនេះ រដ្ឋបាលខេត្តក៏កំពុងធ្វើការងារអភិវឌ្ឍផ្សេងទៀត ដូចជា ការពង្រីក និងកែលម្អឆ្នេរជ្រោយដូង មុខសាលាខេត្ត និងការកសាងឆ្នេរកំសាន្តសាធារណៈប្រវែង ២៧០០ម៉ែត្រ ចាប់ពីផ្សារក្តាម ដល់ព្រៃកោងកាងជាដើម។ […]
អានបន្ថែម
រដ្ឋចំណាយថវិកាប្រមាណ ៦០លានដុល្លារ ដោះស្រាយផលប៉ះពាល់គម្រោងកសាងផ្លូវក្រវាត់ក្រុងទី៣
គិតមកដល់ពេលបច្ចុប្បន្ននេះ រដ្ឋាភិបាលបានចំណាយថវិកាប្រមាណ ៦០លានដុល្លារ ហើយដើម្បីដោះស្រាយប៉ះពាល់គម្រោងកសាងផ្លូវក្រវាត់ក្រុងទី៣ ខណៈការសាងសង់នឹងបញ្ចប់យឺតជាងផែនការ ១ ឆ្នាំ ដោយសារតែបញ្ហាដោះស្រាយផលប៉ះពាល់នេះ។ ថ្លែងក្នុងពិធីសម្ពោធកំណាត់ផ្លូវជាតិលេខ៣ ភ្នំពេញ-កំពត សម្តេចតេជោ ហ៊ុន សែន នាយករដ្ឋមន្រ្តីកម្ពុជា មានប្រសាសន៍ថា រដ្ឋាភិបាលបានទម្លាក់ថវិកា ៣២ដង រួចមកហើយ ម្ដងប្រមាណ ២លានដុល្លារ សម្រាប់យកទៅដោះស្រាយផលប៉ះពាល់នានានៃគម្រោងកសាងផ្លូវក្រវាត់ក្រុងទី៣។ គម្រោងកសាងផ្លូវក្រវ៉ាត់ក្រុងទី ៣ គ្រោងចំណាយថវិកាសាងសង់ ២៧៣ លានដុល្លារ ដែលជាហិរញ្ញប្បទានពីប្រទេសចិន ចំណែកថវិកាដោះស្រាយសំណងផលប៉ះពាល់ដល់ប្រជាពលរដ្ឋ ការងារដោះមីន និងសម្រួលពន្ធនាំចូលសម្ភារៈសាងសង់ជាបន្ទុករបស់រដ្ឋាភិបាល។ គួរបញ្ជាក់ថា កាលពីថ្មីៗនេះ ក្រុមហ៊ុនសាងសង់ផ្លូវក្រវាត់ក្រុងទី៣ បានស្នើសុំបញ្ចប់ការសាងសង់យឺតជាងផែនការ ១ ឆ្នាំ ដោយសារបញ្ហាដោះស្រាយផលប៉ះពាល់ជុំវិញគម្រោងនេះមិនទាន់រួចរាល់។ តាមផែនការ គម្រោងនេះគ្រោងនឹងបញ្ចប់នៅខែកញ្ញា ឆ្នាំ២០២២ ប៉ុន្តែក្រោយការពន្យារ១ឆ្នាំ នេះ គម្រោងអាចនឹងបញ្ចប់ក្នុងអំឡុងខែកញ្ញា ២០២៣។ (អានបន្ថែម)
អានបន្ថែម
Urbanland ចាប់ដៃគូជាមួយធនាគារផ្ដល់កម្ចីទិញផ្ទះដល់ទៅ ១០០% និងការប្រាក់ត្រឹម ៤,៣៩%
ក្រុមហ៊ុន អឺបេនលែន (Urbanland) ដែលជាក្រុមហ៊ុនអភិវឌ្ឍន៍អចលនទ្រព្យដែលជាប់ជ័យលាភីក្នុងស្រុក និងជាសមាជិកនៃសម្ព័ន្ធក្រុមហ៊ុន ISI GROUP បានចុះហត្ថលេខាលើអនុស្សរណ:នៃការយោគយល់គ្នាជាមួយ ធនាគារ CIMB Bank សារជាថ្មី និងថ្មីមួយបន្ថែមទៀតជាមួយធនាគារ ចិន Bank of China សម្រាប់គម្រោងបុរីចន្ទគីរី។ ការសហការជាមួយធនាគារ CIMB Bank នឹងផ្តល់ជូនអតិថិជនបុរីចន្ទគីរីនូវទំហំទឹកប្រាក់កម្ចីទិញផ្ទះរហូតដល់ ១០០% ដែលកន្លងមកអតិថជនទទួលបានតែ ៨០% ប៉ុណ្ណោះ។ ដោយឡែក តាមរយៈធនាគារចិនវិញ អតិថិជននឹងអាចទទួលបានអត្រាការប្រាក់កម្ចីទិញផ្ទះទាបដល់ ៤,៣៩% ក្នុងឆ្នាំទី១។ ធនាគារចិន Bank of China បានក្លាយជាដៃគូសហការថ្មីមួយក្នុងចំណោមដៃគូ ៣ ផ្សេងទៀតរបស់គម្រោងបុរីចន្ទគីរី ដែលរួមមានធនាគារ BRED ធនាគារ CIMB និងធនាគារ J Trust Royal Bank។ អតិថិជនរបស់បុរី នឹងទទួលបាននូវប្រាក់កម្ចីទិញផ្ទះកាន់តែមានភាពងាយស្រួល និងរហ័សជាងមុនតាមរយៈធនាគារទាំងអស់នេះ។ ការចុះហត្ថលេខាត្រូវបានប្រារព្ធធ្វើឡើងនៅការិយាល័យលក់នៃបុរីចន្ទគីរី ក្រោមអធិបតីភាពលោក កាំង ឡេង អគ្គនាយកសម្ព័ន្ធក្រុមហ៊ុន […]
អានបន្ថែម
កម្ពុជា ផ្តោតសំខាន់លើការកសាងផ្លូវមានគុណភាព ជាជាងប្រវែងផ្លូវវែង និងតម្លៃថោក
សម្ដេចនាយករដ្ឋមន្រ្ តីហ៊ុន សែន បានបញ្ជាក់ថា កម្ពុជាបានផ្លាស់ប្តូរយុទ្ធសាស្រ្តពីការកសាងផ្លូវ ដោយផ្ដោតលើប្រវែង និងប្រើថវិកាទាប មកកសាងផ្លូវដែលមានមានគុណភាពប្រើជាប់បានយូរវិញ ទោះមានតម្លៃថ្លៃជាងមុនក្ដី។ ថ្លែងនៅក្នុងពិធីសម្ពោធកំណាត់ផ្លូវលេខ៣ ភ្នំពេញ-កំពត នៅថ្ងៃទី២ ខែមីនា សម្តេចតេជោ ហ៊ុន សែន មានប្រសាសន៍ថា ការកសាងផ្លូវមានគុណភាព គឺដើម្បីឆ្លើយតបទៅនឹងកំណើនចរាចរណ៍របស់បងប្អូនប្រជាពលរដ្ឋ និងការដឹកទំនិញឆ្លងកាត់កើនឡើង។ សម្តេចតេជោ ហ៊ុន សែន ថ្លែងថា៖ «យុទ្ធសាស្រ្តធ្វើផ្លូវ តាំងពីទសវត្សឆ្នាំ៩០ ដល់ឆ្នាំពីរពាន់ផ្លាយ យើងគិតតែធ្វើផ្លូវឱ្យបានវែង ឱ្យបានច្រើន ព្រោះលុយរបស់យើងពេលនោះតិច ប៉ុន្តែឥឡូវយើងនឹងធ្វើឱ្យជាប់បានយូរ»។ សូមបញ្ជាក់ថា កំណាត់ផ្លូវជាតិលេខ៣ ភ្នំពេញ-កំពត ត្រូវបានកសាង និងពង្រឹងគុណភាពឡើងវិញ ដោយប្រើប្រាស់ថវិកាកម្ចីពីប្រទេសចិន ២១៥លានដុល្លារ។ (អានបន្ថែម)
អានបន្ថែម
អង់គ្លេសជួយកម្ពុជាក្នុងការបង្កើតផែនទីបង្ហាញផ្លូវសម្រាប់វិស័យយានយន្ត និងអេឡិចត្រូនិក
សេចក្ដីព្រាងផែនទីបង្ហាញផ្លូវសម្រាប់វិស័យយានយន្ត និងអេឡិចត្រូនិកនៅកម្ពុជា ត្រូវបានរៀបចំរួចរាល់ហើយ កាលពីថ្មីៗនេះ ដោយបច្ចុប្បន្នកំពុងស្ថិតក្រោមការពិភាក្សា វាយតម្លៃ និងប្រមូលធាតុចូលបន្ថែមពីសំណាក់វិនិយោគិន និងដៃគូពាក់ព័ន្ធ។ កាលពីថ្ងៃទី ០១ ខែមីនា ឆ្នាំ ២០២២ សេចក្តីព្រាងផែនទីបង្ហាញផ្លូវនេះ ត្រូវបានលើកយកមកពិភាក្សាដោយអ្នកជំនាញមកពីក្រសួង និងស្ថាប័នចំនួន៨ ដោយមានការគាំទ្រពីរដ្ឋាភិបាលចក្រភពអង់គ្លេស និង ក្រុមហ៊ុន Boston Consulting Group (BCG) ដើម្បីស្វែងរកទស្សនៈ និងមតិកែលម្អបន្ថែម។ អគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC) ឯកឧត្តម សុខ ចិន្តាសោភា ថាបន្ទាប់ពីប្រមូលធាតុចូល និងមតិយោបល់ទាំងអស់ពីវិនិយោគិន និងអ្នកជំនាញក្នុងឧស្សាហកម្មនេះ ផែនទីបង្ហាញផ្លូវនឹងត្រូវដាក់ជូនគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ មុនអនុម័តចុងក្រោយដោយរាជរដ្ឋាភិបាល។ វិស័យយានយន្ត និងអេឡិចត្រូនិច នឹងក្លាយវិស័យអាទិភាពក្នុងការអភិវឌ្ឍន៍សេដ្ឋកិច្ចកម្ពុជារយៈពេលវែង ស្របតាមគោលនយោបាយអភិវឌ្ឍន៍ឧស្សាហកម្ម ២០១៥ ដល់ ២០២៥ និងផែនការស្តារសេដ្ឋកិច្ចឆ្នាំ ២០២១ ដល់ ២០២៣។ បើអនុវត្តជោគជ័យ វិស័យពីរនេះ នឹងអាចបង្កើតផលប្រយោជន៍ជាច្រើន ដោយនឹងបង្កើនតម្លៃនាំចេញដល់ទៅ ២ពាន់លានដុល្លារ និងការបង្កើតការងារថ្មីជាង ២២ ០០០ […]
អានបន្ថែម
ជប៉ុនផ្តល់ជំនួយឥតសំណង ដើម្បីសាងសង់ និងធ្វើទំនើបកម្មហេដ្ឋារចនាសម្ព័ន្ធក្នុងខេត្ត ៣
រដ្ឋាភិបាលនៃប្រទេសជប៉ុនបានសម្រេចផ្តល់ថវិកាសរុបជាង ៥២ ម៉ឺនដុល្លារអាមេរិក តាមរយៈគម្រោង KUSANONE សម្រាប់សាងសង់ស្ពាននៅខេត្តកណ្តាល និងក្រចេះ និងប្រព័ន្ធធារាសាស្ត្រក្នុងខេត្តបន្ទាយមានជ័យ។ កិច្ចសន្យាផ្តល់ជំនួយត្រូវបានចុះហត្ថលេខានៅថ្ងៃទី ០១ ខែមីនា ឆ្នាំ ២០២២ រវាងលោក មីកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា និងតំណាងអ្នកទទួលទាំង ៣ គម្រោង។ គម្រោងទី១ គឺសម្រាប់ការសាងសង់ស្ពានបេតុងមួយខ្សែ នៅឃុំលើកដែក ស្រុកកោះធំ ខេត្តកណ្តាល ដែលមានតម្លៃជាង ១២ ម៉ឺនដុល្លារ ដើម្បីផ្តល់ផលប្រយោជន៍ដល់ប្រជាពលរដ្ឋជាង ៧ ០០០ នាក់។ គម្រោងទី២ សាងសង់ស្ពាននៅ ស្រុកចិត្របុរី ខេត្តក្រចេះ មានតម្លៃជាង ១៣ម៉ឺនដុល្លារ ដើម្បីជួយសម្រួលការដឹកជញ្ជូនកសិផល និងការធ្វើដំណើរប្រចាំថ្ងៃរបស់ប្រជាពលរដ្ឋជាង ៣០០០ នាក់។ គម្រោងទី៣ សម្រាប់ការស្តារប្រព័ន្ធធារាសាស្ត្រ ទៀន កាំ ក្នុងខេត្តបន្ទាយមានជ័យដែលមានតម្លៃ២៦ម៉ឺនដុល្លារ។ គម្រោងនេះរំពឹងថានឹងធ្វើឱ្យជីវិតប្រចាំថ្ងៃរបស់មនុស្សជាង ៤៤ ០០០នាក់ ប្រសើរឡើង។ គម្រោង KUSANONE បានចាប់ផ្តើមនៅក្នុងប្រទេសកម្ពុជាក្នុងឆ្នាំ ១៩៩១ […]
អានបន្ថែម