ការធ្វើតេស្តសាកល្បងប្រព័ន្ធធ្វើទំនើបកម្មនាវាចរណ៍ Port EDI សម្រេចបាន ៩០% ហើយ
គិតមកដល់ខែកុម្ភៈនេះ ការធ្វើតេស្តសាកល្បងលើប្រព័ន្ ធPort EDI ដែលជាការទំនើបកម្មទ្រង់ទ្រាយធំលើការត្រួតពិនិត្យនាវាចរណ៍នៅកម្ពុជា ដោយប្ដូរពីការធ្វើការដោយដៃ មកធ្វើការលើប្រព័ន្ធអនឡាញ ក្នុងដំណាក់កាលទី១ សម្រេចបាន៩២% ហើយ។ ឯកឧត្តមរដ្ឋលេខាធិការ រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានឱ្យដឹងថាកាលពីថ្ងៃទី២២ ខែកុម្ភៈ នេះថា ការធ្វើតេស្ដសាកល្បងប្រព័ន្ធគឺជិតបញ្ចប់ហើយ ខណៈបច្ចុប្បន្នកំពុងរង់ចាំខាងមន្ត្រីគយ និងរដ្ឋាករកម្ពុជាប្រចាំមាត់ច្រកក្អមសំណរ និងកោះរកាមកធ្វើតេស្តសាកល្បង។ នៅក្នុងដំណាក់កាលទី១ នៃការធ្វើតេស្តសាកល្បងរយៈពេល៥សប្តាហ៍កន្លងមកនេះ មានចំនួន ៤១៦១ករណី ក្នុងនោះ មាន ៣៧៣១ករណីទទួលបានជោគជ័យ ៧៨ករណីមានបញ្ហាដែលតម្រូវឱ្យមានការកែសម្រួល និង ៣៥២ករណី រង់ចាំការពិភាក្សាបន្ថែម។ បើការធ្វើតេស្ដជោគជ័យ គម្រោង Port EDI នេះនឹងចាប់ផ្តើមដំណើរការអំឡុងខែសីហា ខាងមុខ។ គួរបញ្ជាក់ថា ប្រព័ន្ធ Port EDI គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ មកធ្វើការលើប្រព័ន្ធអនឡាញវិញ។ បច្ចុប្បន្នរាល់ការធ្វើបែបបទនាវាចរណ៍ ចេញ-ចូល គឺត្រូវចំណាយពេលរង់ចាំយូរ មានការលំបាក និងនីតិវិធីស្មុគស្មាញ។ ប៉ុន្តែនៅពេលប្រព័ន្ធ Port EDI នេះដំណើរការ […]
អានបន្ថែម
កម្ពុជាមានផ្លូវក្រាលកៅស៊ូ និងផ្លូវបេតុង ជាងពាក់កណ្តាល នៃផ្លូវកសាងសរុបជិត ២ម៉ឺនគីឡូម៉ែត្រ
មកទល់បច្ចុបន្ន ក្រសួងសាធារណការ និងដឹកជញ្ជូន បានសាងសង់ផ្លូវទូទាំងប្រទេសប្រវែងសរុប ១៨ ១២៥ គីឡូម៉ែត្រ នៅក្របខណ្ឌទូទាំងប្រទេស ក្នុងនោះផ្លូវក្រាលកៅស៊ូ និងផ្លូវបេតុង មានជាងពាក់កណ្តាល។ នេះជាការលើកឡើងរបស់ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងកិច្ចប្រជុំនៃគណៈកម្មាធិការដឹកជញ្ជូនតាមប្រព័ន្ធវីដេអូពីចម្ងាយ នៅថ្ងៃទី២៣ ខែកុម្ភៈ។ ឯកឧត្តមទេសរដ្ឋមន្ត្រីបាន បញ្ជាក់ថា៖ «កម្ពុជា បាននិងកំពុងវិនិយោគយ៉ាងច្រើនលើការអភិវឌ្ឍហេដ្ឋារចនាសម្ព័ន្ធតភ្ជាប់បណ្តាញផ្លូវថ្នល់ ដែលរួមមាន ផ្លូវជាតិ និងផ្លូវខេត្ត មានប្រវែងសរុប ១៨ ១២៥ គីឡូម៉ែត្រ ក្នុងនោះ ៩ ៨៩៦ គីឡូម៉ែត្រជាផ្លូវក្រាលកៅស៊ូAC និងផ្លូវបេតុង ឬស្មើនឹង ៥៤,៦០% នៃប្រវែងសរុប»។ ឯកឧត្តម បន្តថា ស្ពានធំៗចំនួន ២០ ត្រូវបានសាងសង់ ខណៈអាកាសយានដ្ឋានចំនួន៣ ត្រូវបានធ្វើឱ្យប្រសើរឡើងតាមស្តង់ដារអន្តរជាតិ និងព្រលានយន្តហោះថ្មីចំនួន៣ផ្សេងទៀតកំពុងសាងសង់ផងដែរ។
អានបន្ថែម
រដ្ឋនឹងចេញផែនការថ្មីបន្ដសាងសង់អគារខ្ពស់ៗ ដែលជាប់គាំងនៅខេត្តព្រះសីហនុឡើងវិញ
រដ្ឋាភិបាលត្រៀមដាក់ចេញផែនការថ្មី ដើម្បីអភិវឌ្ឍអគារខ្ពស់ៗនៅក្នុងខេត្តព្រះសីហនុឡើងវិញ តាមរយៈការទាក់ទាញអ្នកវិនិយោគថ្មីៗ ឱ្យបន្ដសាងសង់អគារខ្ពស់ៗដែលមិនទាន់បញ្ចប់ ខណៈដែលអគារខ្ពស់ៗនៅខេត្តព្រះសីហនុជាច្រើនបានផ្អាកការសាងសង់ បន្ទាប់ពីវិបត្តិកូវីដ ១៩ បានផ្ទុះឡើង។ នេះជាការលើកឡើងរបស់ ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ក្នុងវេទិការសាធារណៈស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកា ឆ្នាំ២០២២ កាលពីថ្ងៃទី១៨ ខែកុម្ភៈ។ ឯកឧត្តម ថាអគារខ្ពស់ដែលបានផ្អាក ឬទុកចោលដោយគ្មានការអភិវឌ្ឍ យើងនឹងទាក់ទាញអ្នកវិនិយោគមកបន្ត ឬលក់ទៅឱ្យអ្នកផ្សេង ដើម្បីបញ្ចប់ការសាងសង់ និងជំរុញប្រតិបត្តិការឡើងវិញ។ គួរបញ្ជក់ថា រដ្ឋាភិបាល បានដាក់ចេញនូវគោលនយោបាយប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងជាទីក្រុងហិរញ្ញវត្ថុ។ កន្លងមករដ្ឋាភិបាលក៏បានបង្កើតក្រុមការងារអន្តរក្រសួងរៀបចំគ្រប់គ្រងដីធ្លី និងកំពុងប្រមូលព័ត៌មានដីធ្លីសំដៅប្រែក្លាយខេត្តព្រះសីហនុ ជាខេត្តស្នាក់នៅ ទេសចរណ៍ វិនិយោគ និងអចលនទ្រព្យដែលសក្តានុពល៕ (អានបន្ថែម និងបន្ថែម)
អានបន្ថែម
ការប្រកួតអចលនទ្រព្យឆ្នើម PropertyGuru 2022 បកមកអង្រួនសង្វៀនកម្ពុជាម្ដងទៀត ព្រមជាមួយពានថ្មី
កម្មវិធីប្រកួតអចលនទ្រព្យឆ្នើម PropertyGuru Cambodia Property Awards សម្រាប់ឆ្នាំ២០២២ ត្រូវបានប្រកាសបើកជាផ្លូវការហើយ ដែលជាការត្រឡប់មកអង្រួនសង្វៀននៃភាពច្នៃប្រឌិត និងគុណភាពនៃការអភិវឌ្ឍគម្រោងអចលនទ្រព្យនានានៅកម្ពុជាម្ដងទៀត ព្រមនឹងការបើកឱ្យមានប្រភេទពានថ្មីស្រឡាងមួយគឺ «គម្រោងលំនៅឋានជាប់ឆ្នេរល្អបំផុត»។ សម្រាប់ឆ្នាំនេះ PropertyGuru នឹងរៀបចំអាហារពេលល្ងាចដើម្បីប្រកាសពានរង្វាន់ដោយផ្ទាល់ នៅសណ្ឋាគារសូហ្វីតែលភ្នំពេញភូគីត្រា នៅថ្ងៃទី ២៦ ខែសីហា ក្រោមវិធានការសុខាភិបាលយ៉ាងម៉ត់ចត់។ ការប្រកាសពីកម្មវិធីធ្វើឡើងក្នុងកម្មវិធីតុមូលសារព័ត៌មាន នៅថ្ងៃទី២៣ ខែកុម្ភៈ នេះ ដែលចូលរួមដោយ ប្រធានផ្នែក Brand & Marketing Services នៃ Property Guru Asia Property Awards លោក Richard Allan Aquino ប្រធានគណៈកម្មការ លោកសន សៀប និងអ្នកឧបត្ថម្ភផ្លូវការលោក Paul Ashburn នៃក្រុមហ៊ុន HLB Real Estate Group ។ កាលបរិច្ឆេទសំខាន់ៗសម្រាប់កម្មវិធីឆ្នាំនេះ៖ -១ មករា ២០២២ […]
អានបន្ថែម
GlobalData៖ វិស័យសំណង់នៅកម្ពុជាទទួលពិន្ទុល្អ បើធៀបនឹងប្រទេសផ្សេងក្នុងតំបន់
វិស័យសំណង់កម្ពុជា ស្ថិតក្នុងចំណាត់ល្អ ធៀបនឹងប្រទេសតំបន់អាស៊ីអាគ្នេយ៍ផ្សេងទៀត ដោយសន្ទស្សន៍ពិន្ទុកើនឡើងគួរឱ្យកត់សម្គាល់ គិតត្រឹមដើមឆ្នាំ ២០២២។ នេះបើយោងតាមរបាយការណ៍ GlobalData’s Construction Project Momentum Index។ របាយការណ៍ដដែលបង្ហាញថា ពិន្ទុផ្នែកសំណង់របស់កម្ពុជា មាន០,៨២ពិន្ទុ ក្នុងខែមករា កើនឡើងពី ០,៤៧ ពិន្ទុ កាលពីខែធ្នូ ឆ្នាំមុន។ បើកធៀបនឹងប្រទេសផ្សេងទៀត ក្នុងតំបន់ដូចជាវៀតណាម កម្ពុជាគឺល្អជាង ព្រោះវៀតណាម មានពិន្ទុត្រឹមតែ ០,១៩ ប៉ុណ្ណោះ ព្រោះវិស័យសំណង់មានបញ្ហាច្រើន។ ដោយឡែក ពិន្ទុសម្រាប់អាស៊ីអាគ្នេយ៍ ជារួមគឺ ០,៥ ដែលទាបខ្លាំងបើកធៀបនឹងតំបន់ផ្សេងៗជុំវិញពិភពលោក ប៉ុន្តែស្ថានភាពកំពុងប្រសើរឡើង។ គួរបញ្ជាក់ថា GlobalData’s Construction Project Momentum Index ចាត់ពិន្ទុ ដោយផ្អែកលើការវិភាគលើគម្រោងសំណង់នីមួយៗរាប់ពាន់គម្រោងនៅជុំវិញពិភពលោក។ ពិន្ទុគឺស្ថិតនៅចន្លោះពី -៥ ដល់ ៥។ ពិន្ទុល្អ គឺដោយសារគម្រោងធ្វើទៅដោយរលូន គ្មានបញ្ហា គ្មានគ្រោះថ្នាក់ និងការបញ្ចប់តាមផែនការជាដើម ខណៈពិន្ទុមិនល្អគឺដោយសារលុបចោល ឬផ្អាកគម្រោង ការពន្យារពេល […]
អានបន្ថែម
ក្រុមហ៊ុន ២ និង USAID វិនិយោគរួមគ្នា បង្កើតហេដ្ឋារចនាសម្ព័ន្ធច្រវាក់ផ្គត់ផ្គង់ត្រជាក់នៅកម្ពុជា
ទីភ្នាក់ងារជំនួយអាមេរិក USAID និងក្រុមហ៊ុនក្នុងស្រុកចំនួន២ បានបោះទុនវវិនិយោគរួមគ្នា ដើម្បីវិនិយោគរួមគ្នាលើហេដ្ឋារចនាសម្ព័ន្ធច្រវាក់ផ្គត់ផ្គង់ត្រជាក់ (cold chain) សម្រាប់ផ្ទុក និងដឹកជញ្ជូនផលិតផលកសិកម្មនៅកម្ពុជា។ បើតាមទីភ្នាក់ងារជំនួយអាមេរិក USAID កាលថ្ងៃទី២៣ ខែកុម្ភៈ USAID បានធ្វើការបោះទុនវិនិយោគរួមគ្នា ជាមួយក្រុមហ៊ុន Khmer Cold Chain និងក្រុមហ៊ុន Amru Rice។ ភាគីទាំង ៣ នឹងរួមគ្នាបង្កើតកន្លែងទុកដាក់ត្រជាក់ ក៏ដូចសេវាកម្មដឹកជញ្ជូនដោយគ្រប់គ្រងសីតុណ្ហភាព ដោយជំហានដំបូងនឹងធ្វើការឡើងជាការសាកល្បង។ ការសហការមានរយៈពេល២ឆ្នាំ ដោយក្រុមហ៊ុន Khmer Cold Chain នឹងវិនិយោគ១លានដុល្លារ បូកនឹងទុន USAID ១លានដុល្លារទៀត ដើម្បីបង្កើតប្រព័ន្ធដឹកជញ្ជូនត្រជាក់។ ដោយឡែក ក្រុមហ៊ុន Amru Rice ដែលជាក្រុមហ៊ុនផលិតចំណីអាហារនិងនាំចេញកសិផល នឹងវិនិយោគ ៦សែនដុល្លារ បូកនិងទុនUSAID ៤សែនដុល្លារទៀត ដើម្បីបង្កើតបន្ទប់រក្សាទុកត្រជាក់នៅជិតការិយាល័យកណ្តាលរបស់ខ្លួន និងនៅជិតបណ្តាសហគមន៍អភិវឌ្ឍន៍កសិកម្ម។ គួរបញ្ជាក់ថា គម្រោងនេះមានទិសដៅអភិឌ្ឍសេដ្ឋកិច្ចគ្រួសារកសិករតាមទីជនបទ ដែលងាយរងគ្រោះពីកង្វះសន្តិសុខស្បៀង។
អានបន្ថែម
ជប៉ុនគ្រោងវិនិយោគបង្កើតលំនៅឋានតម្លៃសមរម្យ ២០០០ខ្នងនៅខេត្តសៀមរាប
ក្រុមហ៊ុនជប៉ុន UR Linkage Co Ltd បានបង្ហាញផែនការសិក្សាចង់វិនិយោគបង្កើត គម្រោងលំនៅឋានតម្លៃសមរម្យស្ដង់ដារជប៉ុន សរុប២០០០ខ្នង នៅក្នុងខេត្តសៀមរាប។ គម្រោងនេះ ត្រូវបានលើកបង្ហាញនៅក្នុងវេទិការដ្ឋ-ឯកជនលើកទី៣ ស្តីពីការអភិវឌ្ឍនគរូបនីយកម្មកម្ពុជា-ជប៉ុន កាលពីថ្ងៃទី១៦ ខែកុម្ភៈ កន្លងទៅ។ គម្រោងនេះ មានឈ្មោះថា Sakura Angkor ហើយបច្ចុប្បន្នស្ថិតក្នុងដំណាក់កាលសិក្សានៅឡើយ ដែលជាកិច្ចសហប្រតិបត្តិការរវាងជប៉ុន និងកម្ពុជា ក្រោមការប្រឹក្សាយោបល់ពីឯកឧត្តមប៉ែន សុផល រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់។ លោក Yoshimura Hiroyuki តំណាងក្រុមហ៊ុន UR Linkage Co Ltd របស់ប្រទេសជប៉ុន បានឱ្យដឹងថា គម្រោងនេះ បែងចែកជា ៣ ដំណាក់កាល ក្រោមផែនការ៥ឆ្នាំ។ ដំណាក់កាលទី១ មានលំនៅឋានចំនួន ៧០០យូនីត ដំណាក់កាលទី ២ ៨០០យូនីត និងដំណាក់កាលទី៣ ៥០០យូនីត។ គ្រប់ដំណាក់កាលនឹងប្រើប្រាស់បច្ចេកវិទ្យាវៃឆ្លាតទំនើបចុងក្រោយរបស់ប្រទេសជប៉ុន ទិសដៅដើម្បីផ្ដល់នូវសហគមគ្រប់ជ្រុងជ្រោយ និងស្រួលរស់នៅដល់ប្រជាពលរដ្ឋខ្មែរ។ តាមផែនការ លំនៅឋានក្នុងគម្រោងនឹងលក់ក្នុងតម្លៃពី […]
អានបន្ថែម
ផ្លូវទំនើបដែលអាចសាកថ្មឡានអគ្គិសនីដោយស្វ័យប្រវត្តិពេលបើកបរ នឹងបើកឱ្យប្រើឆ្នាំ២០២៣
ផ្លូវអគ្គិសនី ឬផ្លូវទំនើបមួយខ្សែ ដែលអាចអាចសាកឡានអគ្គិសនីដោយស្វ័យប្រវត្តិ ពេលកំពុងបើកបរ ដោយមិនចាំបាច់ដោតខ្សែ នឹងត្រូវសាងសង់នៅសហរដ្ឋអាមេរិកឆាប់ៗនេះ ហើយគ្រោងនឹងបើកឱ្យប្រើប្រាស់នៅឆ្នាំ ២០២៣។ នេះបើយោងតាមការប្រកាសរបស់រដ្ឋ Michigan កាលពីដើមខែ កុម្ភៈ។ គម្រោងនេះនឹងត្រូវសាងសង់ក្នុងទីក្រុង Detroit រដ្ឋ Michigan ដោយនឹងសាងសង់សាកល្បងត្រឹមប្រវែង ១ម៉ាយ ឬ ១,៦គីឡូម៉ែត្រសិន ក្នុងជំហានដំបូង ហើយនឹងត្រូវពង្រីកនៅជំហានបន្ទាប់។ ក្រុមហ៊ុនឯកជនឈ្មោះថា Electreon និងសហការជាមួយនាយកដ្ឋានដឹកជញ្ជូននៃរដ្ឋ Michigan ដើម្បីធ្វើគម្រោងនេះ។ នាយកដ្ឋានដឹកជញ្ជូន នឹងផ្តល់មូលនិធិ ១,៩ លានដុល្លារ ខណៈចំណាយផ្សេងទៀតគឺចេញដោយក្រុមហ៊ុន Electreon។
អានបន្ថែម
សម្តេច ហ៊ុន សែន ច្រានចោលមតិដែលថាការអភិវឌ្ឍផែទឹកជ្រៅជាអន្ទាក់បំណុលវណ្ឌករបស់ចិន
សម្តេចតេជោ ហ៊ុន សែន នាយករដ្ឋមន្ត្រី បានច្រានចោលការវិភាគមួយចំនួនដែលថាកម្ពុជាជាប់អន្ទាក់បំណុលវណ្ឌករបស់ប្រទេសចិន ហើយចិននឹងរឹបអូសកំពង់ផែទឹកជ្រៅព្រះសីហនុ ដោយបញ្ជាក់ថាគឺការលើកឡើងនេះគឺខុសទាំងស្រុង ព្រោះផែព្រះសីហនុជាជំនួយរបស់ប្រទេសជប៉ុន។ សម្ដេច ថ្លែងដូច្នេះ ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯក នៅព្រឹកថ្ងៃអង្គារ ទី២២ ខែកុម្ភៈ។ សម្តេចតេជោ លើកជាសំនួរថា៖ «ផែទឹកជ្រៅជប៉ុនជួយ ហេតុអ្វីបានជាថាអន្ទាក់បំណុលរបស់ចិន? មិនអាចទៅរួចឡើយដែលផែទឹកជ្រៅព្រះសីហនុ ជាប់អន្ទាក់បំណុលចិន ដូចករណីនៅស្រីលង្កា»។ សម្ដេចបានបន្ដទៀត ផែទឹកជ្រៅខេត្តព្រះសីហនុ ដែលកំពុងដំណើរការទំនិញចេញចូល មានការរ៉ាប់រងពីជប៉ុន ដោយជប៉ុនក៏មានភាគហ៊ុនផងដែរ។ សូមបញ្ជាក់ថា ជប៉ុនបានជួយអភិវឌ្ឍន៍ផែទឹកជ្រៅកម្ពុជា តាំងពីឆ្នាំ១៩៩៣ មកម្ល៉េះ។ បើតាមផែនការ គម្រោងពង្រីកកំពង់ផែទឹកជ្រៅខេត្តព្រះសីហនុមានសរុប ៥ជំហាន។ ជំហានទី១ ជប៉ុនផ្ដល់កម្ចីជាង ២០០លានដុល្លារ ដើម្បីពង្រីកកំពង់ផែ ទៅជម្រៅ ១៤,៥ម៉ែត្រ និងប្រវែង ៣៥០ម៉ែត្រ។ ដោយឡែក ជំហានទី២ និងក្នុងជំហានទី៣ ដែលនឹងពង្រីកផែឱ្យមានជម្រៅ ១៦ម៉ែត្រ និង ១៧,៥០ម៉ែត្រ ក៏កំពុងសិក្សាដោយ JICA។ ដោយឡែក សម្រាប់រយៈពេលវែង គឺជំហានទី៤ និង ៥ […]
អានបន្ថែម
សម្ដេច ហ៊ុន សែន បើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯកជាផ្លូវការ
ស្ថានីយប្រព្រឹត្តកម្មទឹកកខ្វក់បឹងជើងឯក លើផ្ទៃដីទំហំ ៣ហិកតា ស្ថិតនៅភូមិព្រែកតាគង់១ សង្កាត់ចាក់អង្រែ ត្រូវបានបើកការដ្ឋានសាងសង់ជាផ្លូវការ នៅព្រឹកថ្ងៃទី២២ ខែកុម្ភៈនេះ។ ពិធីបើកការដ្ឋាន ត្រូវបានធ្វើឡើងនៅក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក មីកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំនៅកម្ពុជា។ សាងសង់ដោយក្រុមហ៊ុន Kubota-Metawater Joint Venture ស្ថានីយប្រព្រឹត្តកម្មទឹកកខ្វក់នេះ សាងសង់ឡើងក្រោមជំនួយឥតសំណងរបស់រដ្ឋាភិបាលជប៉ុន មានតម្លៃជាង ២០លានដុល្លារអាមេរិក ដោយគ្រោងបញ្ចប់ការសាងសង់នៅថ្ងៃទី១៥ ខែវិច្ឆិកា ឆ្នាំ២០២៣។ ក្រោយដាក់ដំណើរការ ស្ថានីយនេះនឹងមានសមត្ថភាពប្រព្រឹត្តកម្មទឹកកខ្វក់បានចំនួន ៥,០០០ម៉ែត្រគូប ក្នុងមួយថ្ងៃ។ គម្រោងក៏រួមមាន ការសាង់សង់ស្ថានីយបូមបញ្ជូនទឹកកខ្វក់ ២២គ្រឿង ដែលអាចបានបូមទឹកបាន ៤៦៨ម៉ែត្រគូប/ម៉ោង។ គម្រោងក៏មានការសាងសង់ស្ថានីយប្រព្រឹត្តកម្មទឹកកខ្វក់ (Sewage Treatment Plant) បឹងបម្រុងទុកប្រមាណ ១៩ហិកតា និងសំណង់ប្រព្រឹត្តកម្មសំណល់ភក់ (Sludge Treatment Facility) ដែលកើតចេញពីស្ថានីយប្រព្រឹត្តកម្មទឹកកខ្វក់ជើងឯកផងដែរ។ ជាក់ស្ដែង គម្រោងនេះបានបើកការដ្ឋានសាងសង់ជាបណ្ដើរៗតាំងពីខែមិថុនា ឆ្នាំ២០២១ មកម្ល៉េះ ប៉ុន្តែទើបតែបើកជាផ្លូវការក្រោមអធិបតីភាពសម្ដេចនាយករដ្ឋមន្រ្តី ហ៊ុន […]
អានបន្ថែម
ស៊ីម៉ាក់ និងJICA សម្រេចលើគំនូសប្លង់សំណង់សារមន្ទីរមីន តែមិនសង់ជារាងគ្រាប់មីនទេ
មជ្ឈមណ្ឌលកំចាត់មីន និងក្រុមប្រឹក្សាយោបល់របស់ទីភ្នាក់ងារ JICA បានសម្រេចលើគំនូសប្លង់នៃការសាងសង់សារមន្ទីរមីន ក្នុងខេត្តសៀមរាប ប៉ុន្តែនឹងមិនកសាងជារូងរាងស្រដៀងនឹងគ្រាប់មីន ដូចការប្រកាសជាលើកដំបូងឡើយ។ ភាគីទាំង ២ បានចុះហត្ថលេខា លើគំនូសប្លង់នេះ កាលពីថ្ងៃសុក្រ សប្តាហ៍មុន ដែលជាការកែសម្រួលប្លង់ពីការសិក្សាបឋម។ (អានបន្ថែម) យោងតាម ឯកឧត្តម ហេង រតនា អគ្គនាយកមជ្ឈមណ្ឌលមីនកម្ពុជា គំនូសប្លង់សារមន្ទីរមីន មានរូបរាងជាគ្រាប់មីននៅខេត្តសៀមរាប នឹងមិនត្រូវបានសាងសង់ឡើយ ដោយប្តូរទៅជាអគារសារមន្ទីរមីនធម្មតាវិញ។ លើសពីនេះ ភាគីទាំង ២ ក៏បានចុះហត្ថលេខាលើការរៀបចំប្លង់សិក្សាបឋមលើការសាងសង់វិទ្យាស្ថានបច្ចេកទេសសកម្មភាពមីនក្នុងខេត្តកំពង់ឆ្នាំងផងដែរ។
អានបន្ថែម
អ៊ឺរ៉ង់ បង្ហាញចំណាប់អារម្មណ៍ចង់វិនិយោគលើវិស័យប្រេង និងឧស្ម័នកម្ពុជា
វិនិយោគិនប្រទេសអ៊ឺរ៉ង់ ចាប់អារម្មណ៍ចង់វិនិយោគក្នុងវិស័យប្រេងកាត និងឧស្ម័នកម្ពុជា ខណៈកម្ពុជា មានប្លុកប្រេងជាច្រើនដែលមានសក្ដានុពេល ទាំងក្នុងសមុទ្រ និងលើដីគោក។ នៅក្នុងជំនួបជាមួយឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល ឯកឧត្តម Ali Akbar Nazari ឯកអគ្គរដ្ឋទូតនៃសាធារណរដ្ឋអ៊ីស្លាមអ៊ីរ៉ង់ លើកឡើងថា អ៊ីរ៉ង់ត្រៀមខ្លួនរួចជាស្រេច នៅក្នុងកិច្ចសហប្រតិបត្តិការលើវិស័យស្វែងរុករក និងផ្គត់ផ្គងធនធានប្រេង និងឧស្ម័ននៅកម្ពុជា។ ជាការឆ្លើយតប ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល បានថ្លែងនូវការសាទរចំពោះគោលបំណងវិនិយោគ ដោយបញ្ជាក់ថា កម្ពុជាមានប្លុកប្រេងជាច្រើនទាំងក្នុងសមុទ្រ និងលើដីគោក។ ភាគីទាំង ២ ក៏បានពិភាក្សាផែនការការវិនិយោគរួមលើប្លុកប្រេងកាតរបស់កម្ពុជាដែលមានស្រាប់ ការសិក្សាស្វែងរុករកប្រេង និងឧស្ម័នបន្ថែម និង គម្រោងសិក្សាសមិទ្ធិលទ្ធភាពរៀបចំរោងចក្រចម្រាញ់ប្រេងកាតនៅកម្ពុជា។ លើសពីនេះ ភាគីទាំងពីរក៏ត្រៀមបន្តអនុស្សារណៈលើកិច្ចសហប្រតិបត្តិការបន្តលើវិស័យប្រេងកាតចាស់ដែលបានផុតសុពលភាព។
អានបន្ថែម