ត្រឹមឆ្នាំ ២០២១ កម្ពុជាមានអគារខ្ពស់ៗសរុបជាង ២៣០០អគារ សឱ្យឃើញពីសន្ទុះអភិវឌ្ឍដ៏ខ្លាំងក្លា
ក្នុងឆ្នាំ២០២១ នៅកម្ពុជា មានគម្រោងអគារខ្ពស់ៗចាប់ពី៥ជាន់ឡើងទៅ មាន២១២អគារ និងគិតចាប់ឆ្នាំ២០០០ដល់២០២១ អគារខ្ពស់ៗចាប់ពី៥ជាន់ឡើងនៅទូទាំងប្រទេសមានចំនួន ២ ៣៩២អគារ។ យោងតាមទិន្នន័យសំណង់តាមប្រភេទអគារ នៃក្រសួងរៀបចំដែនដី នគរូបនីយកម្ម និងសំណង់ អគារចាប់ពី៥ជាន់ទៅ៩ជាន់ មានចំនួន ១៤៨អគារ ពី១០ជាន់ទៅ១៩ជាន់ មានចំនួន ៥០អគារ ពី២០ជាន់ ទៅ ២៩ជាន់ មានចំនួន១៣អគារ ពី៣០ជាន់ ទៅ ៣៩ជាន់ មានចំនួនអគារ។ របាយការណ៍បញ្ជាក់ថា ក្នុងចំណោមសំណង់លំនៅឋានមានចំនួន ៣ ៧២០គម្រោង បុរីលំនៅឋាននិងបណ្តុំលំនៅឋានមានលក្ខណៈ បុរីមានចំនួន ៨១គម្រោង ស្មើនឹង២៧ ២៧១ខ្នង អគារផ្ទះល្វែងមានចំនួន ៣១ ៩៨៥ល្វែង/ខ្នង និងអគារស្នាក់នៅរួមមានចំនួន ៨៤គម្រោង។ ដោយឡែក សំណង់សណ្ឋាគារមានចំនួន ១៦គម្រោង សំណង់អគារពាណិជ្ជកម្មមានចំនួន ៣០០គម្រោង សំណង់អគាររោងចក្រមានចំនួន ៩០គម្រោង និងសំណង់អគារពហុបំណងមានចំនួន ២៦គម្រោង។
អានបន្ថែម
ក្រសួងនឹងចេញ Appថ្មី គ្រប់គ្រង តាមដាន វាយតម្លៃគម្រោងហេដ្ឋារចនាសម្ព័ន្ធក្នុងប្រព័ន្ធតែមួយ
ក្រសួងសាធារណការ និងដឹកជញ្ជូន កំពុងពន្លឿនការបង្កើតកម្មវិធី ឬ App ថ្មី ដែលមានឈ្មោះហៅថា PR Care ដើម្បីគ្រប់គ្រង តាមដាន និងវាយតម្លៃគុណភាពគម្រោងសាងសង់ហេដ្ឋារចនាសម្ព័ន្ធនានាទូទាំង ដោយប្រើប្រព័ន្ធអនឡាញតែមួយ បានដោយមានប្រសិទ្ធភាព។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំកិច្ចពិភាក្សាអំពីគម្រោងរៀបចំអភិវឌ្ឍកម្មវិធី (App) នេះ កាលពីថ្ងៃទី១២ ខែមករា កន្លងទៅ។ ពីមុន ទិន្នន័យគ្រប់យ៉ាងទាក់ទងនឹងគម្រោងហេដ្ឋារចនាសម្ព័ន្ធ ត្រូវគ្រប់ជាកញ្ចប់ផ្សេងៗគ្នា មានឯកសារច្រើន និងមានមន្រ្តីពាក់ព័ន្ធច្រើន ដែលធ្វើឱ្យក្រសួងពិបាកក្នុងការតាមដានវឌ្ឍនភាពការងារ និងគុណភាព។ ប៉ុន្តែ កម្មវិធីថ្មីនេះ នឹងបញ្ចូលគ្រប់គម្រោងទាំងអស់ មកក្នុងប្រព័ន្ធតែមួយ។ App នេះនឹងបង្ហាញទិន្នន័យទាំងអស់ទាក់ទិននឹងគម្រោង ដូចជា ប្រវិត្តិគម្រោង ម្ចាស់ជំនួយ វឌ្ឍនភាពការដ្ឋាន ព័ត៌មានក្រុមហ៊ុនធ្វើគម្រោង និងទិន្នន័យស្ដីពីសម្ភារៈសំណង់ និងធនធានមនុស្សដែលកំពុងអនុវត្តគម្រោងជាដើម។ ដូច្នេះ ដោយប្រើApp នេះ ក្រសួងនឹងអាចតាមដាន គ្រប់គ្រង និងវាយតម្លៃវឌ្ឍនភាពការងារប្រចាំខែ ប្រកបដោយប្រសិទ្ធភាព និងគ្រប់ជ្រុងជ្រោយ ចាប់តាំងពីការដំណើរការបើកការដ្ឋានរហូតដល់ការសម្ពោធដាក់ឱ្យប្រើប្រាស់។ ក្នុងកិច្ចប្រជុំ […]
អានបន្ថែម
គម្រោងវិនិយោគថ្មីៗ ៩ តម្លៃជាង ៤៣លានដុល្លារ នឹងផុសឡើងនៅភ្នំពេញ និងខេត្ត ៣ទៀត
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគ ប្រមាណជាង ៤៣លានដុល្លារអាមេរិក បង្កើតរោងចក្រចំនួន ៩កន្លែង នៅរាជធានីភ្នំពេញ កណ្តាល កំពង់ស្ពឺ និងព្រះសីហនុ ។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១២ ខែមករា ឆ្នាំ២០២២ មានក្រុមហ៊ុន ៧ ដែលស្ថិតនៅក្រៅតំបន់សេដ្ឋកិច្ចពិសេសរួមមាន៖ ១-ក្រុមហ៊ុន COMO APPAREL CO., LTD: បង្កើតរោងចក្រកាត់ដេរសម្លៀកបំពាក់ នៅភូមិអំពិល សង្កាត់កំបូល ខណ្ឌកំបូល រាជធានីភ្នំពេញ ក្រោមទុន ១៤,៧លានដុល្លារ និងអាចបង្កើតការងារ ២.៩៤៧កន្លែង។ ២- ក្រុមហ៊ុន LEONA (CAMBODIA) CO., LTD: បង្កើតរោងចក្រផលិតកាបូប និងវ៉ាលិស នៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគ ៥,៨លានដុល្លារអាមេរិក និងអាចបង្កើតការងារបានចំនួន ១.៥៣០កន្លែង។ ៣-ក្រុមហ៊ុន SINCERE SEASON (CAMBODIA) GARMENT CO., […]
អានបន្ថែម
សំណង់ចំនួន ៤ ៣០៣គម្រោង តម្លៃ ៥,៣ប៊ីលានដុល្លារ អនុម័តក្នុងឆ្នាំ ២០២១ ធ្លាក់ចុះ ៣១%
ក្នុងឆ្នាំ ២០២១ ក្រសួងរៀបចំដែនដី នគរូបនីយកម្ម និងសំណង់ បានអនុម័តម្រោងសាងសង់ចំនួន ៤ ៣០៣ គម្រោង ស្មើនឹងទុនវិនិយោគសរុប ៥,៣៣ ប៊ីលានដុល្លារ ដែលថយចុះ ៣១,២១% បើធៀបនឹងឆ្នាំ ២០២០។ គម្រោងទាំងអស់មានផ្ទៃក្រឡាសរុបចំនួន ១២,៩៩លានម៉ែត្រការ៉េ ក្នុងនោះ ៣៨៨គម្រោង (ស្មើ ១០,៤២ លានម៉ែត្រការ៉េ) តម្លៃ ៤,២ប៊ីលានដុល្លារ អនុម័តដោយក្រសួង ខណៈ ៩១៥ គម្រោងទៀត (ស្មើ ២,៥លានម៉ែត្រការ៉េ) តម្លៃ ១,១ ប៊ីលានដុល្លារ អនុម័តដោយរដ្ឋបាលរាជធានីខេត្ត។ គួរបញ្ជាក់ថា គិតចាប់ពីឆ្នាំ ២០០០ ដល់ដំណាច់ឆ្នាំ២០២១ ក្រសួងបានចេញលិខិតអនុញ្ញាតសាងសង់នៅទូទាំងប្រទេសចំនួន ៥៧ ៥៩០គម្រោង លើផ្ទៃក្រឡាកម្រាលសំណង់សរុបចំនួន ១៦៦,៦២លានម៉ែត្រការ៉េ និងមានតម្លៃប៉ាន់ស្មានទុនវិនិយោគសរុបប្រមាណ ៦៦,២ប៊ីលានដុល្លារ។
អានបន្ថែម
ផ្សារទំនើបយក្ស AEON ចូលប្រឡូកទីផ្សារដឹកជញ្ជូន ត្រៀមបើកឃ្លាំងព័ស្តុភារពហុមុខងារឆ្នាំ២០២៣
ក្រៅពីវិនិយោគបង្កើតផ្សារទំនើបខ្នាតធំចំនួន ៣ នៅកម្ពុជា ក្រុមហ៊ុនយក្សជប៉ុន Aeon Mall (Cambodia) Co Ltd សម្រេចចូលប្រឡូកក្នុងទីផ្សារដឹកជញ្ជូន ដោយនឹងបង្កើតមជ្ឈមណ្ឌលដឹកជញ្ជូនពហុមុខងារ ផ្ដល់សេវាគ្រប់ជ្រុងជ្រោយមិនធ្លាប់មានពីមុនមក នៅខេត្តព្រះសីហនុ ក្នុងឆ្នាំ២០២៣ ខាងមុខ។ បើយោងតាមសេចក្ដីប្រកាសព័ត៌មានរបស់ក្រុមហ៊ុនចេញថ្ងៃទី ១១ មករា កន្លងទៅ ដើម្បីអនុវត្តផែនការនេះ Aeon សម្រេចបង្កើតក្រុមហ៊ុនបុត្រសម្ព័ន្ធថ្មីឈ្មោះថា Aeon Mall (Cambodia) Logi Plus Co., Ltd ដែលជាក្រុមហ៊ុនទទួលខុសត្រូវលើអាជីវកម្មផ្នែកនេះ។ ក្រុមហ៊ុនថ្មីនេះ នឹងបើកដំណើរការមជ្ឈមណ្ឌលដឹកជញ្ជូនពហុមុខងារ ដែលនឹងមានផ្ដល់សេវាកម្មគ្រប់ជ្រុងជ្រោយ ក្នុងការគ្រប់គ្រងនិងដឹកជញ្ជូនទំនិញនាំចូល (Fulfillment service) និង សេវាកម្មសម្របសម្រួលនីតិវិធីគយ (Customs clearance) នៅក្នុងភណ្ឌាគារគយមានដែនកំណត់ (Bonded Warehouse) របស់ខ្លួន។ គួរបញ្ជាក់ថា ភណ្ឌាគារគយមានដែនកំណត់ ប្រៀបដូចនឹងឃ្លាំងស្ដុកដែលឱ្យក្រុមហ៊ុននានាអាចរក្សាទុកទំនិញនាំចូលពីបរទេសក្នុងឃ្លាំងនេះសិន នៅពេលមកដល់កម្ពុជា ដោយមិនចាំបាច់ឆ្លងកាត់នីតិវិធីគយ និងបង់ពន្ធភ្លាមៗ។ ក្រុមហ៊ុនតម្រូវឱ្យបង់ពន្ធនាំចូល នៅពេលដែលដកទំនិញចេញពីឃ្លាំងយកទៅលក់ក្នុងទីផ្សារកម្ពុជាជាក់ស្ដែង ហើយអត្រាពន្ធគឺគិតទៅតាមចំនួនទំនិញដែលនាំចេញពីឃ្លាំង។ ការធ្វើបែបនេះ គឺអាចជួយសន្សំសំចៃបានយ៉ាងច្រើន […]
អានបន្ថែម
KOICA ផ្តល់ជំនួយឥតសំណងប្រមាណ ៣១៦លានដុល្លារ ដល់កម្ពុជាក្នុងរយៈពេល៣០ឆ្នាំ
ក្នុងរយៈពេល៣០ឆ្នាំ ពីឆ្នាំ១៩៩១ ដល់២០២១ ទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានផ្តល់ជំនួយឥតសំណងដល់កម្ពុជាសរុបប្រមាណ ៣១៦លានដុល្លារ ដើម្បីចូលរួមចំណែកដល់រាជរដ្ឋាភិបាលកម្ពុជា ក្នុងការអភិវឌ្ឍសេដ្ឋកិច្ចសង្គម។ នេះជាការលើកឡើងរបស់ លោក Hyunjun RHO ប្រធានតំណាង KOICA ប្រចំាប្រទេសកម្ពុជាក្នុងកិច្ចប្រជុំតាមអនឡាញជាមួយនឹង ឯកឧត្ដម ឈៀង យ៉ាណារ៉ា រដ្ឋមន្រ្តីប្រតិភូអមនាយករដ្ឋមន្រ្តី អគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា។ លោក Hyunjun RHO មានប្រសាសន៍ថា ចាប់តាំងពីឆ្នាំ១៩៩១-២០២១ KOICA បានផ្តល់ហិរញ្ញប្បទានឥតសំណងប្រមាណ ៣១៦លានដុល្លារអាមេរិក ដើម្បីចូលរួមចំណែកដល់រាជរដ្ឋាភិបាលកម្ពុជាក្នុងការអភិវឌ្ឍសេដ្ឋកិច្ចសង្គម ដោយផ្តោតលើវិស័យអាទិភាពចំនួន ៤ រួមមាន៖ ១) វិស័យគ្រប់គ្រងទឹក និងសុខភាពសាធារណៈ ២) វិស័យអប់រំ ៣) វិស័យកសិកម្ម និងអភិវឌ្ឍជនបទ និង ៤) វិស័យដឹកជញ្ជូន។ លោកបន្តថា សម្រាប់ឆ្នាំ ២០២២ នេះ ជំនួយឥតសំណងរបស់ KOICA ដល់កម្ពុជា មានចំនួនសរុប ២០,៧ លានដុល្លារអាមេរិក។
អានបន្ថែម
ស្ពានអាកាសស្តុបផ្សារស៊ិនជូរីផ្លាហ្សា គ្រោងនឹងបើកការដ្ឋានសាងសង់នៅខែមីនា
គម្រោងស្ពានអាកាសថ្មីត្រង់ស្តុបផ្សារស៊ិនជូរីផ្លាហ្សា ឬស្ពានអាកាសផ្លូវ ២០០៤ គ្រោងនឹងបើកការដ្ឋាននៅខែមីនា ខាងមុខនេះ ដោយគ្រោងនឹងបញ្ចប់ក្នុងរយៈពេល ១៤ ខែ។ នេះបើយោងតាមកិច្ចប្រជុំរវាង អភិបាលរាជធានីភ្នំពេញឯកឧត្តម ឃួង ស្រេង ស្នងការនគរបាលរាជធានីភ្នំពេញឯកឧត្តម ស ថេត តំណាងក្រុមហ៊ុន OCIC និងភាគីពាក់ព័ន្ធជាច្រើនទៀត កាលពីថ្ងៃទី ១១ មករា។ ស្ពានអាកាសថ្មីមួយនេះ នឹងស្ថិតនៅលើមហាវិថីសហព័ន្ធរុស្ស៊ី ត្រង់ផ្លូវប្រសព្វ វិថីសម្តេចចៅហ្វាវាំង គង់ សំអុល (ផ្លូវ២០០៤)។ ស្ពាននេះមានប្រវែង ៥១៦,២ម៉ែត្រ ប្រវែងបណ្តោយតួស្ពាន ២៣៣,៩ម៉ែត្រ ប្រវែងទទឹងតួស្ពាន ១៥,៨ម៉ែត្រ កម្ពស់តួស្ពានត្រង់ចំណុចកណ្ដាល ៥ ~៥,៥ម៉ែត្រ។ ការសាងសង់នេះ នឹងចាប់ពីខែមីនាឆ្នាំ២០២២ ដោយប្រើប្រាស់រយៈពេលនៃការសាងសង់ចំនួនជាង១៤ខែ ធ្វើយ៉ាងណាឱ្យស្ថាបនាឱ្យបានរួចរាល់នៅមុនពេលដែលកម្ពុជានឹងធ្វើជាម្ចាស់ផ្ទះកីឡាស៊ីហ្គេមឆ្នាំ ២០២៣។ គួរបញ្ជាក់ថា ការដ្ឋានស្ពាននឹងបើកស្របពេលដែលស្ពានអាកាសចោមចៅប្រកាសដាក់ឱ្យប្រើប្រាស់នៅខែមីនាខាងមុខ។
អានបន្ថែម
ការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ Port EDI នឹងដំណើរការនៅខែសីហា
គម្រោងប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ (Port EDI) នឹងចាប់ផ្តើមដំណើរការអំឡុងខែសីហា ខាងមុខនេះហើយ ខណៈបច្ចុប្បន្នក្រុមការងារកំពុងពន្លឿនបញ្ចប់ការរៀបចំប្រព័ន្ធ។ នេះយោងតាមជំនួបពិភាក្សាលើបច្ចុប្បន្នភាពការងារ រវាងក្រសួងសាធារណការ និងដឹកជញ្ជូន និងក្រុមហ៊ុនទទួលបន្ទុករៀបចំ កាលពីថ្ងៃទី១១ ខែមករា ឆ្នាំ២០២២។ លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន និងជាប្រធានផ្នែកហេដ្ឋារចនាសម្ព័ន្ធព័ត៌មានវិទ្យានៃគម្រោង Port EDI បានឱ្យដឹងថា កិច្ចពិភាក្សាបានផ្តោតសំខាន់លើវឌ្ឍនភាពការងារសម្រេចបាន និងកិច្ចសហប្រតិបត្តិការ ធ្វើយ៉ាងណាជំរុញឱ្យការដាក់ដំណើរការប្រព័ន្ធនេះអាចដំណើរការបានតាមការគ្រោងទុក។ គួរបញ្ជាក់ថា ប្រព័ន្ធ Port EDI គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចេញ-ចូលនៅកម្ពុជា ដោយប្តូរការធ្វើការដោយដៃ មកធ្វើការលើប្រព័ន្ធអនឡាញវិញ។ បច្ចុប្បន្នរាល់ការធ្វើបែបបទនាវាចរណ៍ ចេញ-ចូល គឺត្រូវចំណាយពេលរង់ចាំយូរ មានការលំបាក និងនីតិវិធីស្មុគស្មាញ។ ប៉ុន្តែនៅពេលប្រព័ន្ធ Port EDI នេះដំណើរការ វានឹងជួយសម្រួលដល់ការធ្វើបែបបទឱ្យងាយស្រួលជាងមុន ចំណេញពេលវេលា មានប្រសិទ្ធភាព និងតម្លាភាពផងដែរ៕ (អានបន្ថែម)
អានបន្ថែម
ឯកជនគ្រោងបំប្លែងផ្ទៃទឹកសមុទ្រជិត ២០០០ហិកតា នៅខេត្តព្រះសីហនុ ជាវារីវប្បកម្មសមុទ្រ
ក្រុមហ៊ុន ជីន យូ តាំង (ខេមបូឌា) ហ្វីសឺរី ឯ.ក បានសម្រេចវិនិយោគលើគម្រោងវារីវប្បកម្មសមុទ្រ លើផ្ទៃទឹកសមុទ្រទំហំ ១ ៩៨៤ហិកតា នៅជិតតំបន់កោះថាស ខេត្តព្រះសីហនុ។ តំណាងក្រុមហ៊ុន បានលើកឡើងវឌ្ឍនភាពគម្រោងវិនិយោគក្នុងកិច្ចប្រជុំជាមួយ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១១ ខែធ្នូនេះ។ បន្ទាប់ពីបានចុះហត្ថលេខាលើ MoU រវាងក្រសួង និងក្រុមហ៊ុនកាលពីថ្ងៃទី៣១ ខែមករា ឆ្នាំ២០១៧ ក្រុមហ៊ុនបានធ្វើការពិនិត្យ និងសិក្សាវាយតម្លៃលើផលប៉ះពាល់ បរិស្ថាន និងសង្គម។ ជាលទ្ធផល ក្រសួងពាក់ព័ន្ធបានសម្រេចកំណត់យកតំបន់កោះថាស ជាតំបន់សាកសម និងមានសក្ដានុពលបំផុតសម្រាប់ការវិនិយោគ។ ឯកឧត្តម វេង សាខុន គាំទ្រចំពោះផែនការវិនិយោគនេះ ព្រោះគម្រោងនេះនឹងជួយដល់ការអភិវឌ្ឍដល់វិស័យជលផលនៅកម្ពុជា ចូលរួមបង្កើតការងារជូនប្រជាពលរដ្ឋ និងបង្កើនផលត្រីសមុទ្រធម្មជាតិ ផលត្រីចិញ្ចឹមសម្រាប់ផ្គត់ផ្គង់ក្នុងស្រុក។
អានបន្ថែម
ប្រព័ន្ធផលិតទឹកស្អាតបច្ចេកវិទ្យាថ្មី UF-MEMBRANE នៅខេត្តកំពត ដាក់ឱ្យដំណើរហើយ
ប្រព័ន្ធប្រព្រឹត្តកម្មទឹកស្អាត ដែលមានសមត្ថភាពផលិតទឹក ៥០០០ម៉ែត្រគូបក្នុងមួយថ្ងៃ របស់រដ្ឋាករទឹកខេត្តកំពត បានប្រកាសដាក់ដំណើរការហើយ ក្រោមវត្តមានឯកឧត្តម ចម ប្រសិទ្ធ រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលថ្ងៃទី៩ ខែមករា កន្លងទៅ។ ប្រព័ន្ធថ្មីនេះ គឺប្រើប្រាស់បច្ចេកវិទ្យាថ្មី UF-MEMBRANE ដែលផលិតទឹកគុណភាពខ្ពស់ ពោលគឺស្អាតដល់ថ្នាក់អាចពិសាទឹកពីក្បាលម៉ាស៊ីនផ្ទាល់បានតែម្ដង។ លើសពីនេះ ស្ថានីយផលិតទឹកស្អាតថ្មីនេះ ក៏ប្រើ ប្រព័ន្ធគ្រប់គ្រងស្វ័យប្រវត្តិកម្ម នៅពេលដែលបញ្ជូនទឹកចេញទៅផ្គត់ផ្គង់ដល់ប្រជាពលរដ្ឋ។ គម្រោងនេះជាការបន្ថែមលើអាងប្រព្រឹត្តកម្មដែលមានស្រាប់ ដែលធ្វើឱ្យរដ្ឋាករទឹកខេត្តកំពតមានលទ្ធភាពបង្កើនសមត្ថភាពផលិតរហូតដល់ ១៨ ៥០០ម៉ែត្រគូបក្នុងមួយថ្ងៃ នាពេលបច្ចុប្បន្ន។ ក្រៅពីប្រព័ន្ធនេះ រដ្ឋក៏កំពុងសហការជាមួយឯកជន ពិចារណាបង្កើតប្រព័ន្ធប្រព្រឹត្តកម្មទឹកស្អាតថ្មីបន្ថែមទៀត ស្របគ្នានឹងគម្រោងសាងសង់ទំនប់បង្ហៀរទឹកនៅព្រែកទឹកឈូ។ គួរបញ្ជាក់ថា ការផ្គត់ផ្គង់ទឹកស្អាតទូទាំងប្រទេស បានកើនឡើងគួរឱ្យកត់សម្គាល់ ដែលគិតត្រឹមឆ្នាំ២០២១ ចំនួនគ្រួសារដែលទទួលបានទឹកស្អាតប្រើប្រាស់ជាង ១លានគ្រួសារ ឬ ៣៨៣លានម៉ែត្រគូប។ រដ្ឋក៏មានផែនការពង្រីកវិសាលភាពនៃការផ្គត់ផ្គង់ទឹកស្អាតនៅទីក្រុង ទីប្រជុំជនឱ្យបាន៩០% ដល់ឆ្នាំ២០២៣ និង ១០០% ត្រឹមឆ្នាំ២០២៥។
អានបន្ថែម
CDC អនុម័តគម្រោងវិនិយោគក្រៅតំបន់សេដ្ឋកិច្ចពិសេស ១០៧គម្រោង ក្នុងរយៈពេល១១ខែ
ក្រុមប្រឹក្សាអភិវឌ្ឍន៍កម្ពុជាឬ CDC បានអនុម័តគម្រោងវិនិយោគឯកជននៅក្រៅតំបន់សេដ្ឋកិច្ចពិសេសសរុប ១០៧គម្រោង ក្នុងរយៈពេល១១ខែ ឆ្នាំ២០២១ ដែលតួលេខនេះបានធ្លាក់ចុះ ៣៤ គម្រោង បើធៀបនឹងរយៈពេលដូចគ្នាកាលពីឆ្នាំ២០២០។ យោងតាមរបាយការណ៍និន្នាការសេដ្ឋកិច្ចសង្គម នៃក្រសួងសេដ្ឋកិច្ច និងហិរញ្ញវត្ថុ ទុនវិនិយោគសរុបនៃគម្រោងទាំងនេះ មាន ១ ៧១៦លានដុល្លារ ដែលធ្លាក់ចុះ ៧២,៨%។ ក្នុងចំណោមគម្រោងទាំងអស់ វិស័យឧស្សាហកម្ម រួមចំណែកច្រើនជាងគេ ក្នុងរយៈពេលនេះ។ គួរបញ្ជាក់ថា គម្រោងវិនិយោគឯកជនដែលទទួលបានការអនុម័តទាំងនេះ មានលទ្ធភាពបង្កើតកម្លាំងពលកម្មថ្មីប្រមាណ ៨៩ ០០០ នាក់ ដែលក៏ធ្លាក់ចុះ ២០,៣%។
អានបន្ថែម
សំណង់ជិត ៤000គម្រោង តម្លៃ ៥,៤ប៊ីលានដុល្លារ ត្រូវបានអនុម័ត ក្នុងពេល ១១ខែ ឆ្នាំ២០២១
ក្រសួងរៀបចំដែនដី នគរូបនីយកម្ម និងសំណង់ បានផ្ដល់លិខិតអនុញ្ញាតដល់គម្រោងសំណង់សរុប ៣ ៩២៥គម្រោង ក្នុងរយៈពេល ១១ខែ ឆ្នាំ២០២១ ដែលធ្លាក់ចុះ ៤០៣ គម្រោង បើធៀបនឹងរយៈដូចគ្នាកាលពីឆ្នាំមុន។ យោងតាមរបាយការណ៍និន្នាការសេដ្ឋកិច្ច-សង្គម នៃក្រសួងសេដ្ឋកិច្ច និងហិរញ្ញវត្ថុ តម្លៃសរុបនៃគម្រោងទាំងនោះមាន ៥ ៤៥៦ លានដុល្លារ ដែលធ្លាក់ចុះ ២២,១%។ របាយការណ៍ដដែលបញ្ជាក់ថា ប្រភេទសំណង់លំនៅឋានមាន ៣ ២៨៤ គម្រោង ស្មើនឹង ៨៦,២% នៃសំណើសុំសាងសង់សរុប ធ្លាក់ចុះ ២៦៨គម្រោង។ ដោយឡែក ទំហំទឹកប្រាក់នាំចូលគ្រឿងសំណង់ បានកើនឡើង ២២,៥% ក្នុងរយៈពេល ១១ខែនេះ បើទោះជាមិនបានបញ្ជាក់ពីទំហំទឹកប្រាក់នៃការនាំចូលក្ដី។
អានបន្ថែម