អាជ្ញាធរខេត្តកំពង់ចាម គ្រោងអភិវឌ្ឍន៍សួនច្បារមាត់ទន្លេ ឱ្យក្លាយជាតំបន់ទេសចរណ៍ខ្នាតធំ
អាជ្ញាធរខេត្តកំពង់ចាម បានបង្ហាញគម្រោងអភិវឌ្ឍន៍សួនច្បារមាត់ទន្លេក្នុងទីរួមខេត្តកំពង់ចាម ដើម្បីបម្រើប្រយោជន៍ដល់ប្រជាពលរដ្ឋ និងវិស័យទេសចរណ៍។ គម្រោងនេះ ត្រូវបានលើកឡើងក្នុងកិច្ចពិភាក្សាកាលពីថ្ងៃទី៨ ខែកុម្ភៈ រវាង ឯកឧត្តម អ៊ុន ចាន់ដា អភិបាលខេត្តកំពង់ចាម និងដៃគូរអភិវឌ្ឍន៍។ តាមគម្រោងប្លង់ គម្រោងនឹងរួមមាន កន្លែងអាហារដ្ឋានលើទឹក បឹងហ្គាឡូ និងអាហារដ្ឋាន សម្រាប់ភ្ញៀវជួលស្នាក់នៅ ក្លឹបហាត់ប្រាណ ផាប់ សួនច្បារ សួនបន្លែ កន្លែងថតរូប កន្លែងជិះឡានបុកគ្នា កន្លែងភិចនិច និងកញ្ចុះអង្គុយលេង ផ្សារអាហារ និង ក្លឹបរាំកំសាន្តជាដើម។ បន្ទាប់ពីបានពិភាក្សាជាមួយថ្នាក់ដឹកនាំ និងអ្នកវិនិយោគទាក់ទិនទៅនឹងគម្រោងប្លង់ខាងលើនេះ ឯកឧត្តម អ៊ុន ចាន់ដា អ៊ុន ចាន់ បានសម្រេចឱ្យម្ចាស់វិនិយោគធ្វើការកែប្រែប្លង់ខ្លះ ហើយនឹងលើកយកមកពិភាក្សាម្ដងទៀត នៅពេលក្រោយ។
អានបន្ថែម
ឆ្នាំ ២០២១ រោងចក្របើកថ្មីមាន ១៦៣ ខណៈបិទទ្វារ១៤៨ សឱ្យឃើញថានៅមានកំណើនវិជ្ជមាន
ទោះបីជារងវិបត្តិកូវីដ១៩ ក្ដី ក្នុងឆ្នាំ ២០២១ នេះ មានរោងចក្រឧស្សាហកម្មថ្មី សរុបចំនួន ១៦៣កន្លែង បានបើកដំណើរការ ដែលនេះបានឆ្លុះបញ្ជាំងពីជំនឿទុកចិត្តរបស់វិនិយោគិនលើសេដ្ឋកិច្ចកម្ពុជា។ យោងតាមរបាយការណ៍ពីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ គិតត្រឹមឆ្នាំ២០២១ រោងចក្រឧស្សាហកម្មសរុបនៅកម្ពុជា មានចំនួន ១ ៨៧៩រោងចក្រ។ រោងចក្រចុះបញ្ជីទាំងអស់នេះ បង្កើតការងារប្រមាណជាង ៩៨ម៉ឺន កន្លែងដល់ប្រជាពលរដ្ឋ។ យ៉ាងណាមិញ របាយការណ៍ដដែល ក៏បង្ហាញថាចំនួនរោងចក្របិទទ្វារក្នុងឆ្នាំ២០២១ ក៏មានដល់ទៅចំនួន ១៤៨ កន្លែង ។ ឯកឧត្តម ហេង សុខគង់ រដ្ឋលេខាធិការនៃក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ បានមានប្រសាសន៍នៅថ្ងៃទី ៨ខែកុម្ភៈ ថា ទោះបីកម្ពុជាទទួលផលប៉ះពាល់ដោយជំងឺកូវីដ១៩ កម្ពុជានៅតែឃើញមានចំនួនរោងចក្រឧស្សាហកម្មបើកថ្មី ដែលបង្ហាញពីជំនឿទុកចិត្តរបស់វិនិយោគិនមកលើប្រទេសកម្ពុជា ជាពិសេសការគ្រប់គ្រងបានយ៉ាងល្អលើការរីករាលដាលជំងឺកូវីដ១៩។ រូបភាពដោយ៖ Southest Asia Globe
អានបន្ថែម
រដ្ឋាភិបាលអូស្ដ្រាលីទំលាក់លុយ ៣០០ លានដុល្លារ សម្រាប់ផ្ដល់ឱ្យការអភិវឌ្ឍសំណង់បៃតង
ប្រទេសអូស្ត្រាលី សម្រេចត្រៀមលុយ ៣០០ លានដុល្លារ អូស្ដ្រាលី សម្រាប់ផ្ដល់ជាហិរញ្ញប្បទានអ្នកអភិវឌ្ឍដែលសាងសង់គម្រោងសំណង់បៃតង ក្នុងគោលបំណងកាត់បន្ថយការបំភាយឧស្ម័នផ្ទះកញ្ចក់។ យោងតាមសារព័ត៌មាន GCR គម្រោងនេះធ្វើឡើង ដើម្បីលើកទឹកចិត្តដល់ការប្រើប្រាស់ឈើ ក្នុងសំណង់ធំៗ ជំនួសឱ្យដែក និងបេតុង ។ ប្រភពនៃមូលនិធិ គឺចេញពីសាជីវកម្មវិនិយោគហិរញ្ញវត្ថុស្អាត (CEFC) ដោយភាគីពាក់ព័ន្ធទាំងអស់គ្រប់វិស័យដូចជា ពាណិជ្ជកម្ម លក់រាយ ឧស្សាហកម្ម និងលំនៅដ្ឋាន ជាដើម ត្រូវបានជំរុញស្នើសុំហិរញ្ញប្បទាននេះ។ CEFC បានគណនាថា ការប្រើប្រាស់ឈើ អាចកាត់បន្ថយកាបូន ដល់ទៅ ៧៥% បើប្រៀបធៀបទៅនឹងការប្រើប្រាស់ដែក និងបេតុងធម្មតា។
អានបន្ថែម
គម្រោងទីក្រុងឆ្លាតវៃ ៦០០ពាន់លានដុល្លារ នៅកោះកុង មិនទាន់មានការដឹងលឺពីរដ្ឋបាលខេត្តទេ
ក្រុមហ៊ុន Bilderberg Investment Groupកាលពីថ្មីៗនេះ ប្រកាសថា ខ្លួនគ្រោងនឹងវិនិយោគ ៦០០ពាន់លានដុល្លារ ដើម្បីបង្កើតទីក្រុងឆ្លាតវៃលើដី ១២ ម៉ឺនហិកតា នៅខេត្តកោះកុង ប៉ុន្តែអាជ្ញាធរខេត្ត បញ្ជាក់ថា មិនទាន់ទទួលព័ត៌មានពីក្រុមហ៊ុនទាក់ទងនឹងគម្រោងវិនិយោគនេះ នៅឡើយទេ។ ក្រុមហ៊ុនបានប្រកាសគម្រោងនេះទៅកាន់អ្នកសារព័ត៌មានកាលពីសប្ដាហ៍មុន ដែលឱ្យឈ្មោះគម្រោងនេះ ថា «អនាគត» ឬ AHNAKOT ដែលជាគម្រោងអភិវឌ្ឍចម្រុះខ្នាតយក្ស។ យ៉ាងណាមិញ ក្នុងសន្និសីទសារព័ត៌មាន ក្រុមហ៊ុនមិនបានបញ្ជាក់ពីទីតាំងវិនិយោគ វិញ្ញាបនបត្រវិនិយោគ ឬកាលបរិច្ឆេទវិនិយោគនោះទេ។ ជុំវិញការប្រកាសនេះ លោក សុខ សុទ្ធី អភិបាលរងខេត្តកោះកុង បានឱ្យដឹងកាលពីថ្ងៃទី៨ កុម្ភៈនេះ ថា រដ្ឋបាលខេត្តមិនទាន់ទទួលបានព័ត៌មានណាមួយពីខាងក្រុមហ៊ុននេះទេ។ បើតាមការឯកសាររបស់ក្រុមហ៊ុន ទឹកប្រាក់វិនិយោគ ៦០០ពាន់លានដុល្លារនេះ គឺច្រើនស្ទើមិនគួរឱ្យជឿ ឬស្មើនឹងជិត ២៤ ដងនៃទំហំសេដ្ឋកិច្ចកម្ពុជា ឆ្នាំ២០២០ ដែលមានត្រឹមជាង ២៥ពាន់លានដុល្លារប៉ុណ្ណោះ។
អានបន្ថែម
មណ្ឌលសុខភាពថ្មីនៅស្រុកកោះធំ តម្លៃជិត ២០ម៉ឺនដុល្លារ បើកសម្ពោធជាផ្លូវការហើយ
អគារមណ្ឌលសុខភាពពោធិ៍រាម្មា នៅឃុំព្រែកស្ដី ស្រុកកោះធំ ត្រូវបានដាក់ឱ្យប្រើប្រាស់ជាផ្លូវការហើយ ក្រោមវត្តមានឯកឧត្តម ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីពេលថ្មីៗនេះ។ ឯកឧត្តម ស៊ុន ចាន់ថុល បានថ្លែងថា មណ្ឌលសុខភាពនេះ សាងសង់ឡើង ដើម្បីបងប្អូន ពលរដ្ឋអាចស្វែងរកនិងទទួលបានកន្លែងព្យាបាល និងថែទាំអ្នកជំងឺប្រកបដោយជម្រើសសម្បូរបែប ក្រោមថវិកាទទួលបានពីសប្បុរសជនក្រៅប្រទេស និងវិភាគទានពីថ្នាក់ជាតិ។ សូមបញ្ជាក់ថា គម្រោងសាងសង់មណ្ឌលសុខភាពនេះ បានចំណាយថវិកាសរុបប្រមាណ ១៦៥ ០០០ ដុល្លារសហរដ្ឋអាមេរិក ក្នុងនោះថវិការបស់ក្រុមការងារថ្នាក់ជាតិមាន ១២៥ ០០០ ដុល្លារអាមេរិក និងថវិកាសប្បុរសជនក្រៅប្រទេសចំនួន ៤០ ០០០ដុល្លាអាមេរិក។ គួរបញ្ជាក់ថា ស្រុកកោះធំ ក៏នឹងមានមន្ទីរពេទ្រខ្នាតធំស្ដង់ដាមួយទៀត នៅខែធ្នូ ឆ្នាំ២០២២ ខាងមុខនេះ។ គម្រោងសាងសង់អគារមន្ទីរពេទ្យ តេជោសែន កោះធំ តម្លៃប្រមាណ១០លានដុល្លារ បានប្រកាសបើកការដ្ឋានសាងសង់ជាផ្លូវការហើយកាលពីថ្ងៃទី៧ ខែមករា កន្លងទៅ។ (អានបន្ថែម) គម្រោងនេះរួមមាន ការសាងសង់អគារថ្មីចំនួន៣ខ្នង អគារកណ្ដាលមានកម្ពស់ ៣ជាន់ ហើយអគារសងខាងឆ្វេងស្ដាំមានកម្ពស់ ២ ជាន់។
អានបន្ថែម
អគារដ្ឋបាលក្រុងបូកគោនឹងត្រូវសាងសង់ ២ ទីតាំង ដើម្បីបង្កភាពងាយស្រួលប្រជាពលរដ្ឋ
រដ្ឋបាលក្រុងបូកគោ នឹងមានអគាររដ្ឋបាលថ្មី១ កន្លែងទៀត បន្ថែមលើកន្លែងមានស្រាប់ ពោលគឺសរុបទាំងអស់ ២ ទីតាំង ដើម្បីបង្ខិតការផ្តល់សេវាសាធារណៈ ឱ្យជិតប្រជាពលរដ្ឋ។ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដឹកនាំមន្រ្តីចុះត្រួតពិនិត្យ ទីតាំងសង់អគាររដ្ឋបាលទាំង ២ នេះ កាលពីថ្ងៃទី ៧ ខែកុម្ភៈ កន្លងទៅ។ សម្តេច ស ខេង បានមានប្រសាសន៍ថា ដើម្បីបង្កើនភាពងាយស្រួល និងឆាប់រហ័សក្នុងការបម្រើសេវាផ្សេងៗជូនប្រជាពលរដ្ឋ រដ្ឋាភិបាលបានសម្រេចរៀបចំទីតាំងអគាររដ្ឋបាលក្រុងបូកគោជា ២កន្លែង គឺទី ១នៅសាលាក្រុងចាស់ក្បែរច្រកចូលឧទ្យានជាតិព្រះមុនីវង្សបូកគោ និងទី ២ នៅក្បែរកាស៊ីណូចាស់លើភ្នំបូកគោ ។ សម្តេច បន្ដថា ភូមិសាស្ត្រក្រុងបូកគោបច្ចុប្បន្នមានធំទូលាយ នៅថ្ងៃអនាគត ក្រុងថ្មីនេះអាចនឹងមានប្រជាជនមករស់នៅកាន់តែច្រើន ពិសេសនៅលើភ្នំបូកគោដែលកំពុងមានការអភិវឌ្ឍ។
អានបន្ថែម
ផ្លូវជាតិលេខ៨ ពីស្ពានព្រែកតាមាក់ ដល់ស្ពានព្រែករូងទី១ នឹងត្រូវបើកការដ្ឋានពង្រីកឆាប់ៗ
រដ្ឋបាលស្រុកខ្សាច់កណ្តាល នឹងបើកដ្ឋានការដ្ឋានពង្រីកផ្លូវជាតិលេខ៨ ក្នុងពេលឆាប់ៗនេះ ចាប់ពីចំណុចរង្វង់មូលព្រែកតាមាក់ ដល់ស្ពានព្រែករូងទី១ ស្ថិតក្នុងឃុំព្រែកតាមាក់ ស្រុកខ្សាច់កណ្តាល ខេត្តកណ្តាល។ បើតាមសេចក្តីជូនដំណឹង ចុះថ្ងៃទី ០៧ ខែកុម្ភៈ ការឈូសឆាយពង្រីកផ្លូវនេះ ធ្វើឡើងដើម្បីកែលម្អសោភណភាព សណ្តាប់ធ្នាប់ កាត់បន្ថយការកកស្ទះ និងបញ្ចៀសគ្រោះថ្នាក់ចរាចរណ៍។ រដ្ឋបាលក៏បានបញ្ជាឱ្យម្ចាស់សំណង់សងខាងផ្លូវដែលរំលោភលើដីចំណីផ្លូវនេះ ត្រូវរុះរើជាបន្ទាន់ ក្នុងរយៈពេល១៥ ថ្ងៃចាប់ថ្ងៃជូនដំណឹងនេះ ដោយរក្សាគម្លាតចម្ងាយពីអ័ក្ស១៣ ម៉ែត្រសងខាង ឬស្មើនឹង២៦ ម៉ែត្រ សម្រាប់ការពង្រីកជំហានទី១។ ដោយឡែក សម្រាប់ការពង្រីកជំហានបន្តបន្ទាប់ ម្ចាស់សំណង់ត្រូវរក្សាគម្លាតចម្ងាយអ័ក្ស៣០ ម៉ែត្រ សងខាង ឬស្មើនឹង៦០ ម៉ែត្រ។ បើម្ចាស់សំណង់មិនសហការទេ រដ្ឋបាននឹងចាត់វិធានការតាមច្បាប់ និងកសាងសំណុំរឿងទៅតុលាការ។
អានបន្ថែម
មន្ទីរពេទ្យធំៗ ២ សង់ក្រោមជំនួយចិនជាង ១៣០លានដុល្លារ នឹងសម្ពោធឱ្យប្រើប្រាស់ខែមីនា
មន្ទីរពេទ្យធំៗចំនួន ២ រួមមាន មន្ទីរពេទ្យមិត្តភាពកម្ពុជា-ចិន ត្បូងឃ្មុំ និងមន្ទីរពេទ្យមិត្តភាពកម្ពុជា-ចិន ព្រះកុសុមៈ ដែលសាងសង់ឡើងក្រោមជំនួយរបស់ចិនតម្លៃសរុបប្រមាណ ១៣០លានដុល្លារ នឹងសម្ពោធដាក់ឱ្យប្រើប្រាស់ជាផ្លូវការ នៅខែមីនា ខាងមុខនេះ។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឱ្យដឹង កាលពីព្រឹកថ្ងៃចន្ទ នេះថា ៖ «មន្ទីរពេទ្យធំៗចំនួន ២ ទៀត នៅត្រូវសម្ពោធនៅពេលខាងមុខ មន្ទីរពេទ្យមួយនៅត្បូងឃ្មុំ ដែលត្រូវនឹងសម្ពោធនៅថ្ងៃទី៧ ខែមីនា និងមន្ទីរពេទ្យមិត្តភាពកម្ពុជា-ចិន ព្រះកុសុមៈ ដែលនឹងត្រូវសម្ពោធនៅថ្ងៃទី២៨ ខែមីនា»។ អគារមន្ទីរពេទ្យមិត្តភាព កម្ពុជា ចិន ព្រះកុសមៈ បានដំណើរការសាងសង់កាលពីខែតុលា ឆ្នាំ ២០១៨ លើផ្ទៃដីទំហំ១៣ ៧៤០ម៉ែត្រការ៉េ និងចំណាយថវិកាប្រមាណ ៨០លានដុល្លារអាមេរិក។ (អានបន្ថែម) ដោយឡែក មន្ទីរពេទ្យមិត្តភាពកម្ពុជា-ចិន ត្បូងឃ្មុំ ដែលមានតម្លៃជាង ៥០ លានដុល្លារ បានបើកការដ្ឋានសាងសង់នៅខែ មីនា ឆ្នាំ ២០១៩ និងបញ្ចប់ការសាងសង់នៅខែវិច្ឆិកា ឆ្នាំ […]
អានបន្ថែម
ផ្លូវថ្មី១ ខ្សែ តភ្ជាប់ពីផ្លូវជាតិលេខ៤ ឆ្ពោះទៅភ្នំបូកគោ សាងសង់សម្រេចបានជាង ១០% ហើយ
គិតមកដល់ពេលនេះ គម្រោងស្ថាបនាផ្លូវថ្មី តភ្ជាប់ពីផ្លូវជាតិលេខ៤ ឆ្ពោះទៅកាន់ភ្នំបូកគោ សម្រេចបាន ៦,៥ គីឡូម៉ែត្រ ឬ ១០% ហើយ។ នេះបើតាមការឱ្យដឹងពី ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី៦ ខែកុម្ភៈ កន្លងទៅ ។ ឯកឧត្តម បានឱ្យដឹងថា រហូតមកដល់ពេលនេះ ក្រុមការងារបានឈូសឆាយដីសម្បទានសេដ្ឋកិច្ចចំការដូងប្រេង នឹងសង់ផ្លូវបាន ៦,៥គីឡូម៉ែត្រហើយ ខណៈគម្រោងទាំងមូលមានប្រវែងសរុប៦១គីឡូម៉ែត្រ។ ឯកឧត្តម បន្ដថា៖ «មុខព្រួញអ្នកឧកញ៉ាសុខ គង់ គឺធើ្វពីខ្នងភ្នំចុះក្រោម។ ឯឧកញ៉ាម៉ុង ឬទ្ធី អនុវត្តការដ្ឋានបើកផ្លូវពីផ្លូវជាតិលេខ៤ ទៅតភ្ជាប់គ្នា»។ គួរបញ្ជាក់ថា កាលពីពេលថ្មីៗនេះ ឧកញ៉ា២រូប គឺអ្នកឧកញ៉ាសុខ គង់ និងឧកញ៉ាម៉ុង ឬទ្ធី បានឯកភាពគ្នាទទួលរ៉ាប់រងរាល់ការចំណាយលើស្ថាបនាផ្លូវខាងលើនេះ។ (អានបន្ថែម)
អានបន្ថែម
សម្តេច ហ៊ុន សែន នឹងប្រែមុខមាត់ខេត្តភាគឦសាន ទៅជាប៉ូលសេដ្ឋកិច្ចទី ៤ របស់កម្ពុជា
សម្តេចនាយករដ្ឋមន្រ្តី ហ៊ុន សែន នឹងប្រែមុខមាត់ខេត្តភាគឦសានឱ្យក្លាយជាប៉ូលសេដ្ឋកិច្ចទី៤ របស់កម្ពុជា ព្រោះខេត្តទាំងនោះមានសក្តានុពលធំៗ ២ គឺ កសិ-ឧស្សាហកម្ម និងធនធានរ៉ែ។ សម្ដេចប្រកាសដូច្នេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ កាលពីថ្ងៃទី ៧ ខែកុម្ភៈ កន្លងទៅ។ «កម្ពុជាមានប៉ូលសេដ្ឋកិច្ច ៣ ធំៗ រាជធានីភ្នំពេញ ព្រះសីហនុ សៀមរាប ហើយតំបន់ភាគឦសាន នឹងក្លាយជាប៉ូលទី ២ ព្រោះមានសេដ្ឋកិច្ចកសិឧស្សាហកម្ម និងរ៉ែ» សម្ដេចមានប្រសាសន៍។ ជាក់ស្ដែង រ៉ែមាសនៅខេត្តមណ្ឌលគិរី មកទល់បច្ចុប្បន្នចម្រាញ់បានជាង ១៧០០ គីឡូ ហើយ ខណៈសម្ដេចថាភូមិភាគនេះនៅមានធនធានរ៉ែច្រើនទៀតដូចជា ធ្យូងថ្មជាដើម។ តំបន់ភាគឦសាននេះ នឹងត្រូវតភ្ជាប់ដោយផ្លូវជាតិលេខ៧នេះ គឺជាផ្លូវសក្ដានុពលមួយ តភ្ជាប់ពីរាជធានីភ្នំពេញ ឆ្លងកាត់ខេត្តសំខាន់ៗ ដូចជា ខេត្តកំពង់ចាម ត្បូងឃ្មុំ ក្រចេះ ស្ទឹងត្រែង និងឆ្ពោះទៅ មណ្ឌលគិរី រតនគិរី។
អានបន្ថែម
គម្រោងសាងសង់ ពង្រីក និងកែលម្អផ្លូវជាតិលេខ ៧ ក្រចេះ-ព្រំដែនឡាវ គ្រោងនឹងចាប់ផ្ដើមឆាប់ៗ
គម្រោងសាងសង់ ពង្រីក និងកែលម្អ កំណាត់ផ្លូវជាតិលេខ៧ ពីភូមិរមាតនៃខេត្តក្រចេះ ទៅដល់ព្រំដែនឡាវ ប្រវែង៩៦គម នឹងត្រូវធ្វើឡើងឆាប់ៗ ក្រោមជំនួយឥតសំណងរបស់ប្រទេសចិន ដែលជាជំនួយបន្ដពីផ្លូវក្រុងក្រចេះ-រមាត ដែលទើបតែបើកសម្ពោធជាផ្លូវការ។ នេះបើយោងតាមប្រសាសន៍របស់ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ក្រុងក្រចេះ-រមាត កាលពីថ្ងៃទី៧ ខែកុម្ភៈនេះ។ សម្តេចតេជោ ហ៊ុន សែន ថ្លែងថា៖ «មិត្តចិន មានកាតព្វកិច្ច ២ បន្ថែមទៀត។ កាពត្វកិច្ចទី១ គឺត្រូវតភ្ជាប់ផ្លូវជាតិលេខ៧ ទៅព្រំដែនឡាវ ដែលទាំងពង្រីក និងពង្រីងគុណភាព»។ កាពត្វកិច្ចទី ២ គឺសាងសង់ស្ពានឆ្លងទន្លេមេគង្គ ភ្ជាប់ខេត្តក្រចេះទៅកំពង់ធំ ដែលការដ្ឋានគ្រោងនឹងបើកនៅឆ្នាំ ២០២៣ ខាងមុខនេះ។ ផ្លូវជាតិលេខ៧ នេះ ត្រូវបានកសាង និងដាក់ឱ្យប្រើប្រាស់ ប៉ុន្តែរងការខូចខាតដោយអន្លើៗ ដែលតម្រូវឱ្យការពង្រីងគុណភាពផ្លូវឡើងវិញ។ បើតាមសម្តេចតេជោ ថវិកាសម្រាប់គម្រោងពង្រីងគុណភាព និងពង្រីកផ្លូវជាតិលេខ៧ដល់ព្រំដែនប្រទេសឡាវ គឺរដ្ឋាភិបាលចិនបានសម្រេចផ្តល់ជូនរួចហើយ។ គួរបញ្ជាក់ថា ក្រុមហ៊ុនសាងសង់ចិនសៀងហៃ (SCG) នឹងទទួលបន្ទុកសាងសង់ផ្លូវនេះ។ តាមផែកនារ […]
អានបន្ថែម
សម្ដេចហ៊ុន សែន៖ ស្ពានក្រចេះ-កំពង់ធំ នឹងបើកការដ្ឋានឆ្នាំ២០២៣ ព្រមសង់ផ្លូវថ្មីដល់កំពង់ថ្ម
គម្រោងសាងសង់ស្ពានឆ្លងទន្លេមេគង្គ រវាងខេត្តក្រចេះ និងខេត្តកំពង់ធំ គ្រោងបើកការដ្ឋានសាងសង់នៅឆ្នាំ២០២៣ នៅក្រោមកម្ចីសម្បទានរបស់ប្រទេសចិន ព្រមនឹងផ្លូវថ្មី១ ខ្សែកាត់ដល់កំពង់ថ្ម។ នាយករដ្ឋមន្រ្តីកម្ពុជា សម្តេចតេជោ ហ៊ុន សែន បានបញ្ជាក់ពីកាលបរិច្ឆេទបើកការដ្ឋានស្ពាននេះ នៅក្នុងពិធីសម្ពោធកំណាត់ផ្លូវជាតិលេខ៧ ក្នុងខេត្តក្រចេះ នៅព្រឹកថ្ងៃទី៧ ខែកុម្ភៈ។ សម្តេចថា៖ «ឆ្នាំ២០២៣នេះ គឺនឹងសម្ពោធបើកការដ្ឋានសាងសង់ស្ពានឆ្លងនៅម្តុំក្បែរទីរួមខេត្តក្រចេះ ដើម្បីតភ្ជាប់ទៅកំពង់ធំ។ ការតភ្ជាប់ស្ពាននៅខេត្តក្រចេះនេះ មិនមែនត្រឹមតែចម្លងត្រើយម្ខាងទៅត្រើយម្ខាងទេ ប៉ុន្តែយើងកាត់ផ្លូវមួយខ្សែដល់កំពង់ថ្ម ខេត្តកំពង់ធំ តែម្ដង»។ សូមបញ្ជាក់ថា តាមការសិក្សារបស់ក្រសួងសាធារណការ និងដឹកជញ្ជូន ស្ពាន ១ ខ្សែនេះ មានប្រវែង ១ ៧៦១ ម៉ែត្រ ដែលនឹងត្រូវសាងសង់ឡើងក្រោមថវិកាកម្ចីសម្បទានពីសាធារណរដ្ឋប្រជាមានិតចិន ហើយនឹងប្រើប្រាស់រយៈពេលចន្លោះពី ២ ទៅ ៣ ឆ្នាំ ក្នុងការសាងសង់។ បើតាមសម្តេចតេជោ ការសាងសង់ដោយប្រទេសចិន អាចនឹងលឿនជាងផែនការ។ សម្តេចតេជោ ហ៊ុន សែន បញ្ជាក់ថា៖ «ព្រោះមិត្តចិន កាលណាគាត់និយាយហើយ គាត់ធ្វើលឿនជាងផែនការកំណត់ នេះជាទម្លាប់របស់ចិន គាត់និយាយតិច តែគាត់ធ្វើច្រើន»។ […]
អានបន្ថែម