JICA: គម្រោងទីក្រុងឆ្លាតវៃក្រុងសៀមរាបជំហានទី២ នឹងចាប់ផ្ដើមឣនុវត្តនៅខែមេសា ឆ្នាំ២០២២
ទីភ្នាក់ងារសហប្រតិបត្តិការអន្តរជាតិជប៉ុន JICA បានឱ្យដឹងថា គម្រោងទីក្រុងឆ្លាតវៃក្រុងសៀមរាបជំហានទី២ នឹងចាប់ផ្ដើមឣនុវត្តនាខែមេសា ឆ្នាំ២០២២ ខាងមុខនេះហើយ។ នេះបើយោងតាមកិច្ចប្រជុំពិភាក្សា និងអនុម័ត រវាងរដ្ឋបាលខេត្តសៀមរាប ទីភ្នាក់ងារJICA និងទីប្រឹក្សាក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន (MLIT) ព្រមទាំងភាគីពាក់ព័ន្ធ កាលពីថ្ងៃទី២៧ ខែធ្នូ ឆ្នាំ២០២១។ លោកស្រី អាសុកា សុកាបូអ៊ីគី តំណាងទីភ្នាក់ងារ JICA បានបញ្ជាក់ថា មកទល់បច្ចុប្បន្ន សេចក្ដីព្រាងផែនការមេចង្អុលផ្លូវ ដែលជាការសិក្សាមូលដ្ឋានសម្រាប់បង្កើតទីក្រុងឆ្លាតវៃក្រុងសៀមរាប បានមកដល់ដំណាក់កាលចុងក្រោយហើយ ដែលនឹងត្រូវបញ្ចប់នៅក្នុងខែមីនា ខណៈគម្រោងផ្ទាល់នឹងត្រូវអនុវត្តនៅខែមេសា ឆ្នាំ២០២២។ ជាការឆ្លើយតប ឯកឧត្តម ទៀ សីហា ឣភិបាលខេត្តសៀមរាប ក៏បានបង្ហាញការសាទរចំពោះកិច្ចខិតខំប្រឹងប្រែងរបស់ JICA និង MLIT ដែលតែងតែយកចិត្តទុកដាក់ជំរុញឱ្យក្រុងសៀមរាបក្លាយជាទីក្រុងឆ្លាតវៃ នាពេលអនាគត។ គួរបញ្ជាក់ថា គម្រោងទីក្រុងឆ្លាតវៃក្រុងសៀមរាប មានទិសដៅឆ្ពោះទៅបង្កើតទីក្រុងប្រកបដោយចីរភាពមួយ ដែលមានផាសុខភាពខ្ពស់ សម្រាប់ប្រជាពលរដ្ឋ និងទីក្រុងដ៏ទាក់ទាញ ដែលទទួលបានការពេញនិយមខ្លាំងពីភ្ញៀវទេសចរជាតិ និងអន្តរជាតិ៕
អានបន្ថែម
រដ្ឋបាលខេត្តត្បូងឃ្មុំចេញគោលការណ៍ថ្មីរឹតបន្ដឹងអាជីវកម្មពុះដីឡូតិ៍ សំណង់ និងដីធ្លី
រដ្ឋបាលខេត្តត្បូងឃ្មុំ បានចេញបញ្ជាឱ្យមន្ទីរ និងរដ្ឋបាលក្រុងស្រុកក្រោមឱវាទទាំងអស់ ពង្រឹងវិធានការគ្រប់គ្រងអាជីវកម្មពុះដីឡូតិ៍ សំណង់ ការជីក និងចាក់បំពេញអាចម៍ដី នៅទូទាំងខេត្ត ក៏ដូចជាត្រូវអនុវត្តវិធានការក្ដៅដើម្បីទប់ស្កាត់ និងបង្ក្រាបការទន្ទ្រានដីព្រៃលិចទឹក និងតំបន់អភិរក្សនានា។ លិខិតលេខ ០៤២/២១ គបឯខ.តឃ ចុះថ្ងៃទី ២១ ខែធ្នូ ឆ្នាំ២០២១ បានបញ្ជាក់ដូចខាងក្រោម៖ -មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវធ្វើការត្រួតពិនិត្យរាល់ ការងារសំណង់ និងការពុះដីឡូត៍ ឱ្យបានត្រឹមត្រូវ ដោយអនុលោមតាមបទប្បញ្ញត្តិបច្ចេកទេស -មន្ទីរសាធារណការ និងដឹកជញ្ជូនខេត្ត ត្រូវធ្វើការត្រួតពិនិត្យរាល់សំណង់ទាំងឡាយណា ដែលបានសាងសង់ ឬបាននឹងកំពុងសាងសង់លើដីចំណីផ្លូវ ហើយណែនាំដល់ម្ចាស់សំណង់ឱ្យអនុវត្តស្របច្បាប់វិញ -មន្ទីររ៉ែ និងថាមពលខេត្ត ត្រូវតាមដាន ត្រួតពិនិត្យ និងវាយតម្លៃអំពីអាជ្ញាបណ្ណសិប្បកម្មធនធានរ៉ែ(ការជីកយកអាចម៍ដី) ដោយត្រូវធ្វើការហាមឃាត់ជាដាច់ខាតចំពោះការជីកយកអាចម៍ដីនៅក្នុងតំបន់ដីព្រៃលិចទឹក ឬតំបន់អភិរក្ស -មន្ទីរកសិកម្ម រុក្ខាប្រមាញ់ និងនេសាទខេត្ត មន្ទីរធនធានទឹក និងឧតុនិយមខេត្ត និងមន្ទីរបរិស្ថានខេត្ត និងស្ថាប័នពាក់ព័ន្ធ ត្រូវចុះពិនិត្យ និងស្រាវជ្រាវការទន្ទ្រានដីព្រៃលិចទឹក និងតំបន់អភិរក្សនានា -អភិបាលក្រុង ស្រុក ត្រូវតាមដាន និងត្រួតពិនិត្យលើការរំលោភយកដីរដ្ឋ […]
អានបន្ថែម
មន្ទីរពិសោធន៍ក្រសួងសាធារណការ នឹងបញ្ចប់ការសាងសង់ខែមីនា ឆ្នាំ២០២២
អគារមន្ទីរពិសោធន៍ នៃវិទ្យាស្ថានតេជោសែន សាធារណការ និងដឹកជញ្ជូន ក្រោមជំនួយរបស់កូរ៉េខាងត្បូង គ្រោងនឹងបញ្ចប់ការសាងសង់នៅចុងខែមីនា ឆ្នាំ២០២២ ខាងមុខនេះហើយ។ នេះបើយោងតាមជំនួបរវាងនាយកវិទ្យាស្ថាន ឯកឧត្តម ហឿន សំនៀង និងតំណាងម្ចាស់ជំនួយក្រុមហ៊ុន KICT របស់កូរ៉េលោក Song Jae Heon កាលថ្ងៃទី២៨ ខែធ្នូ ឆ្នាំ២០២១។ ក្នុងជំនួប ភាគីទាំង២ បានពិនិត្យរបាយការណ៍ដំណើរការសាងសង់ ផែនការប្រើប្រាស់អគារ ការប្រើប្រាស់ទីធ្លានៃអគារ កាលបរិច្ឆេទបិទការដ្ឋាន និងផែនការតម្តើងសម្ភារបច្ចេកទេសជាដើម។ ភាគីកូរ៉េ ក៏គ្រោងចុះមកពិនិត្យមន្ទីពិសោធន៍នេះ ចំនួន ២ដង ទៀត ពោលគឺ ទី១ នៅពេលតម្តើងសម្ភារបច្ចេកទេសដែលគ្រោងធ្វើឡើងក្រោយខែមេសា ឆ្នាំ២០២២ និងទី២ នៅពេលដាក់ឱ្យដំណើរការសាកល្បងគ្រប់សម្ភារ:ពិសោធន៍។ គួរបញ្ជាក់ថា មន្ទីរពិសោធន៍នេះ ជាផ្នែកមួយរបស់ជំនួយកូរ៉េខាងត្បូង លើគម្រោងនវានុវត្តន៍ប្រព័ន្ធសាងសង់ និងគ្រប់គ្រងផ្លូវថ្នល់ក្នុងប្រទេសកម្ពុជា ដែលមានទឹកប្រាក់សរុប ជាង ៣លានដុល្លារអាមេរិក និងរយៈពេលអនុវត្ត ៣ ឆ្នាំ។ អគារមន្ទីរពិសោធន៍នេះ មានប្រវែងសរុប ១៨×២៥ម៉ែត្រ កម្ពស់ ២ជាន់ […]
អានបន្ថែម
ទីលានគ្រប់គ្រងសំណល់រឹង តម្លៃជិត២លានដុល្លារ នៅពោធិ៍សាត់ សម្រេចបានជិត១០០%ហើយ
ទីលានគ្រប់គ្រងសំណល់រឹងស្ដង់ដាមួយ នៅក្រុងពោធិ៍សាត់ ត្រូវបានសាងសង់រួចបានប្រមាណជាង ៩៨% ហើយ ដោយគ្រោងនឹងប្រកាសដាក់ឱ្យដំណើរការក្នុងពេលឆាប់ៗខាងមុខនេះ។ នេះបើយោងតាមកិច្ចចុះពិនិត្យការដ្ឋាន កាលពីថ្ងៃទី២៨ ធ្នូ របស់អភិបាលខេត្តពោធិ៍សាត់ឯកឧត្តម ជាវ តាយ។ បើគិតពីការងារជាផ្នែកសំខាន់ៗ រណ្តៅទុកដាក់សំរាមទី១ និងទី២ សម្រេចបាន ១០០% អគាររដ្ឋបាល ១០០% ឃ្លាំងសម្រាប់ហាល ឬស្តុកកករខាប់(ភក់) ៧០% អាងចម្រោះទឹករងៃ ១០០% ការដាក់បង្គោលភ្លើង ១០០% ស្រះបំប្លែងក្លិនទឹក ៨១% ច្រកទ្វារចេញចូល ៥០% និងកន្លែងថ្លឹងរថយន្តដឹកសំរាម ៤៤,៥២%។ ទីលានគ្រប់គ្រងសំណល់រឹងនេះមានទីតាំងស្ថិតក្នុងភូមិទួលម្កាក់ សង្កាត់រលាប ក្រុងពោធិ៍សាត់ ដែលសាងសង់ឡើងក្រោមកម្ចីសម្បទានរបស់ធនាគារអភិវឌ្ឍន៍អាស៊ី (ADB) ប្រមាណ១,៦លានដុល្លារ។ គម្រោងនេះ សាងសង់ដោយក្រុមហ៊ុន អ៊ឹង ស៊ឹមស៊ា ខនស្ត្រាក់សិន លើផ្ទៃដីប្រមាណជាង ១៥ហិកតា ដែលចាប់អនុវត្តតាំងពីខែមេសា ឆ្នាំ២០២០កន្លងទៅ។ ឯកឧត្តម ជាវ តាយ ក៏បានបានពន្លឿនក្រុមហ៊ុនសាងសង់ ដើម្បីឱ្យដំណើរការនៃការកសាងគម្រោង ទីលានគ្រប់គ្រងសំណល់រឹងនេះ បានលឿន និងឆាប់រហ័ស […]
អានបន្ថែម
សៀមរាបដាក់ចេញផែនទីព្រំដីច្បាស់លាស់ ដើម្បីបញ្ឈប់ការទន្រ្ទានដី និងបំផ្លាញព្រៃលិចទឹក
រដ្ឋបាលខេត្តសៀមរាប បានដាក់ចេញ និងប្រកាសឱ្យសាធារណជនជ្រាបនូវព្រំប្រទល់ផែនទីរបស់តំបន់៣ នៅសង្កាត់ចុងឃ្នៀស ទិសដៅដើម្បីទប់ស្កាត់ការរំលោភដីរដ្ឋ និងការកាប់បំផ្លាញព្រៃលិចទឹកបឹងទន្លេសាប។ ឯកឧត្តម ទៀ សីហា អភិបាលខេត្ត បានចុះទីតាំងផ្ទាល់កាលពីថ្ងៃទី ២៧ ធ្នូ កន្លងទៅ ដើម្បីបានដាក់តាំងបង្ហាញឱ្យសាធារណជនបានដឹងអំពីការកំណត់ព្រំប្រទល់ និងបោះបង្គោល។ ឯកឧត្តម បានឱ្យដឹងថា៖ «ព្រៃលិចទឹកមានសារៈសំខាន់ណាស់ដែលជាជម្រកត្រីពង និងជីវៈចម្រុះនៅក្នុងបឹងទន្លេសាប។ តែព្រៃលិចទឹកបាត់បង់ជារៀងរាល់ឆ្នាំ ដោយសារជនខិលខូច។ ដូច្នេះ យើងត្រូវចាត់វិធានការដោះស្រាយ»។ គួរបញ្ជាក់ថា ការដាក់ចេញផែនទីនេះធ្វើឡើង ក្រោយសម្តេចតេជោនាយករដ្ឋមន្ត្រី ហ៊ុន សែន បញ្ជាទៅអាជ្ញាធរខេត្តជាប់បឹងទន្លេសាបទាំងអស់ ឱ្យធ្វើការដកហូតដីព្រៃលិចទឹកនៅតំបន់ទន្លេសាប ពីអ្នកមានអំណាច និងជនខិលខូចដែលទន្ទ្រានដីខុសច្បាប់ មកវិញទាំងអស់។ (អានបន្ថែម)
អានបន្ថែម
អគាររដ្ឋបាលថ្មីនៃក្រសួងការពារជាតិ សម្ពោធដាក់ឱ្យប្រើប្រាស់ជាផ្លូវការហើយ
អគារក្រសួងការពារជាតិថ្មី ត្រូវបានសម្ពោធដាក់ឱ្យប្រើប្រាស់ជាផ្លូវការហើយ នៅថ្ងៃទី២៩ ខែធ្នូនេះ ដែលជាថ្ងៃខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ។ ពិធីសម្ពោធនេះ ត្រូវធ្វើឡើងក្រោមអធិបតីភាព របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា។ អគាររដ្ឋបាល-សាលប្រជុំទីស្តីការក្រសួងការពារជាតិថ្មីនេះ ត្រូវបានសាងសង់នៅលើទីតាំងចាស់ ដែលមានទទឹងប្រវែង ២៨ម៉ែត្រ បណ្តោយប្រវែង ១៩១ម៉ែត្រ និងកម្ពស់ ៣២ម៉ែត្រ និងមានចំណតរថយន្ត នៅជាន់ក្រោមដី១ជាន់ ដែលអាចចតរថយន្តបានចំនួន១៥០គ្រឿង។ សរុបផ្ទៃក្រឡាប្រើប្រាស់រួមទូទាំងអគារមាន ៣០,៩៧៩ម៉ែត្រការ៉េ ស្មើនឹង១០ដង ធំជាងទំហំអគារចាស់។ អគាររដ្ឋបាល និងសាលប្រជុំទីស្តីការក្រសួងការពារជាតិថ្មីនេះ បានបើកការដ្ឋានសាងសង់ កាលពីថ្ងៃទី៣០ ខែមិថុនា ឆ្នាំ២០១៨ ដែលតាមគម្រោងផែនការសាងសង់មានរយៈពេល៣៦ខែ និងបញ្ចប់ការដ្ឋាននៅថ្ងៃទី៣០ ខែមិថុនា ឆ្នាំ២០២១។ ដោយសារវិបត្តិកូវីដ១៩ ការសាងសង់ត្រូវបានស្នើរសុំពន្យារកិច្ចសន្យារយៈពេល៤ខែ ដូច្នេះការដ្ឋានត្រូវពន្យារហូតដល់ថ្ងៃទី៣០ ខែតុលា ឆ្នាំ២០២១ ទើបបានបញ្ចប់។ អគាររដ្ឋបាល-សាលប្រជុំទីស្តីការក្រសួងការពារជាតិថ្មី ត្រូវបានបញ្ចូលរចនាបទខ្មែរទៅក្នុងសោភ័ណភាពនៃសំណង់ ដូចករណីនៃការរចនារៀបចំឲ្យមាន ស្លាបឆ្វេង ស្លាបស្ដាំ និងតួកណ្តាល ដែលយកដើមជ្រៃធ្វើជាអ័ក្ស ដូចបណ្ដាសំណង់បុរាណតែងកសាងមានអ័ក្សដូច្នោះដែរ។ បើយោងតាមសម្ដេច ទៀ […]
អានបន្ថែម
មន្ទីរពេទ្យកុសុមៈតម្លៃ ៨១លានដុល្លារ បញ្ចប់ការសាងសង់ និងជាប់ការត្រួតពិនិត្យបច្ចេកទេសហើយ
សំណង់អគារមន្ទីរពេទ្យព្រះកុសុមៈថ្មី ដែលសាងសង់ឡើងក្រោមជំនួយចិនតម្លៃ ៨១ លានដុល្លារ បានជាប់ការត្រួតពិនិត្យបច្ចេកទេសហើយកាលពីថ្ងៃទី ២៨ ធ្នូ កន្លងមកនេះ ដោយគ្រោងនឹងបើកឱ្យប្រើប្រាស់ផ្លូវការឆាប់ៗនេះ។ នេះបើយោងតាមក្រុមហ៊ុនសាងសង់ China State Construction Engineering Corporation Ltd។ លោក Shi Xiaoguang ប្រធានក្រុមបច្ចេកទេសនៃគម្រោងសាងសង់ បានប្រាប់សារព័ត៌មាន Xinhua ថា អគារនេះនឹងក្លាយជាមន្ទីរពេទ្យដំបូងគេបង្អស់ក្នុងប្រទេសកម្ពុជាដែលមានប្រព័ន្ធវេជ្ជសាស្រ្តទំនើប ប្រើប្រាស់ថាមពលទាប និងគុណភាពខ្ពស់។ អគារនេះមានកម្ពស់ ១១ជាន់ ១៣២បន្ទប់ ឬស្មើនឹង ៤០០គ្រែ ហើយត្រូវបានបំពាក់ដោយឧបករណ៍ទំនើបៗ និងបែងចែកទៅជាផ្នែកផ្សេងៗ រួមមាន បន្ទប់វះកាត់ សេវាព្យាបាលក្រៅ សង្គ្រោះបន្ទាន់ បច្ចេកវិជ្ជាវេជ្ជសាស្ត្រ មន្ទីរពេទ្យ និងព័ស្តុភារ។ អគារនេះ ក៏មានការសាងសង់ចំណតឧទ្ធម្ភាចក្រសម្រាប់សង្គ្រោះបន្ទាន់ ទម្ងន់មធ្យមពី ៣តោន ទៅ ៥តោន ផងដែរ។ ការងារសាងសង់លើគម្រោងនេះបានចាប់ផ្តើមនៅខែតុលា ឆ្នាំ២០១៨ ខណៈដែលការប្រគល់ទទួល និងការបើកជាផ្លូវការ គ្រោងនឹងធ្វើឡើងនៅដើមឆ្នាំ ២០២២។ (អានបន្ថែម) រូបភាព៖ […]
អានបន្ថែម
មណ្ឌលយុវនីតិសម្បទាស្ថិតនៅខេត្តកណ្តាលសម្ពោធដាក់ឱ្យប្រើប្រាស់ជាផ្លូវការ
មណ្ឌលយុវនីតិសម្បទា ស្ថិតនៅឃុំបាគូរ ស្រុកកណ្ដាលស្ទឹង ខេត្តកណ្ដាល ត្រូវបានសម្ពោធដាក់ឱ្យប្រើប្រាស់ នៅថ្ងៃទី២៨ ខែធ្នូនេះ ដែលនឹងដើរតួនាទីរួមចំណែកជួយស្ដារនីតិសម្បទា ជួយកសាងធនធានមនុស្ស។ ពិធីសម្ពោធនេះធ្វើឡើងនៅក្រោមអធិបតីភាពរបស់សម្ដេចឧបនាយករដ្ឋមន្ត្រី ក្រឡាហោម ស ខេង និងមន្រ្តីពាក់ព័ន្ធជាច្រើនរូបទៀត។ មណ្ឌលនេះកសាងឡើងក្នុងខែកុម្ភៈ ឆ្នាំ២០២០ ត្រូវបានបែងចែកជាបុរីកុមារមិត្តភាព មណ្ឌលថែទាំនិងស្ដារនីតិសម្បទាជនវិបល្លាសស្មារតី មណ្ឌលសុខភាពបាគូរសាងសង់ដោយក្រសួងសុខាភិបាល មណ្ឌលព្យាបាល និងស្ដារអ្នកញៀនគ្រឿងញៀន មណ្ឌលយុវនីតសម្បទា និងត្រៀមសាងសង់មណ្ឌលស្ដារនីតិសម្បទានជនរងគ្រោះផ្សេងៗទៀតផងដែរ។ កាលពីចុងសប្តាហ៍មុន មជ្ឈមណ្ឌលព្យាបាលនិងស្តារនីតិសម្បទាអ្នកញៀនគ្រឿងញៀននៅខេត្តព្រះសីហនុ តម្លៃជាង ៧លានដុល្លារ ក៏បានបញ្ចប់ហើយដែរ ដោយត្រៀមបើកសម្ពោធជាផ្លូវការឆាប់ៗនេះ។ ចាប់ផ្តើមសាងសង់នៅឆ្នាំ២០១៧ អគារព្យាបាលនេះ មានចំនួន ១២អគារ ដែលសាងសង់ឡើងក្រោមថវិកាជំនួយពីរដ្ឋាភិបាលវៀតណាម មានចំនួន ៣លានដុល្លារ និងថវិកាផ្សេងទៀតបានពីជំនួយសប្បុរសជននានា។
អានបន្ថែម
ក្រសួងរៀបចំដែនដី ចែកប្លង់ដីធ្លីឥតគិតថ្លៃសរុប ៧០៤ ប្លង់ ដល់ពលរដ្ឋក្នុងខេត្តក្រចេះ
ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី២៨ ខែធ្នូ ឆ្នាំ២០២១ បានផ្ដល់ប្លង់ដីសរុបចំនួន ៧០៤ប្លង់ ដល់ពលរដ្ឋក្នុងឃុំគោលដៅចំនួន៥ ក្នុងខេត្តក្រចេះ តាមរយៈគម្រោងបែងចែកដី LASED ជំហានទី២។ កម្មវិធីនេះធ្វើឡើងក្រោម វត្តមាន ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការសម្បទានដីសង្គមកិច្ចថ្នាក់ជាតិ។ ពលរដ្ឋដែលទទួលបានប័ណ្ណកម្មសិទ្ធិដីមានសរុប ៤៥៨ គ្រួសារស្មើនឹង ៧០៤បណ្ណ ហើយមកពីឃុំគោលដៅចំនួន៥ គឺឃុំសំបុក ឃុំចង្រ្កង់ ឃុំដារ និងឃុំថ្មី ក្នុងស្រុកចិត្របុរី និងនិងឃុំចំបក់ ក្នុងស្រុកព្រែកប្រសព្វ ខេត្តក្រចេះ។ តាមរយៈគម្រោង LASED II រដ្ឋាភិបាលបានបែកចែកដីនៅតាមបណ្តាខេត្តគោលដៅចំនួន៥ សរុបទំហំ ១៦.១១៣ ហិកតា ស្មើនឹង ៣.៩៦០គ្រួសារ ឬ ៦.៩៣២បណ្ណ។ គួរបញ្ជាក់ថា គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ឬស្គាល់ជាទូទៅថា LASED គឺជាកម្មវិធីផ្ដល់ដីធ្លីជូន ប្រជាជនក្រីក្រ និងជនជាតិដើមភាគតិចនៅតាមបណ្ដាខេត្តនានាទូទាំងប្រទេស។ គម្រោងនេះជាការសហការគ្នារវាងក្រសួងរៀបចំដែនដី […]
អានបន្ថែម
ធនាគារប្រៃសណីយ៍ទិញមូលបត្របំណុល ១០ លានដុល្លារ ដើម្បីគាំទ្រការអភិវឌ្ឍព្រលានថ្មី
ធនាគារប្រៃសណីយ៍កម្ពុជា ក.អ បានវិនិយោគ១០លានដុល្លារ លើសញ្ញាបណ្ណបំណុលមានបុគ្គលធានារបស់ក្រុមហ៊ុន Cambodia Airport Investment Co., Ltd (CAIC) ដើម្បីចូលរួមផ្ដល់ទុនបន្ថែមសម្រាប់ការអភិវឌ្ឍសាងសង់អាកាសយានដ្ឋានអន្តរជាតិតេជោថ្មី។ ពិធីចុះហត្ថលេខានេះធ្វើឡើងនៅថ្ងៃទី២៨ ខែធ្នូ រវាងលោកឧកញ៉ា ឆារស៍ វ៉ាន់ អគ្គនាយកក្រុមហ៊ុន CAIC និងលោក តូច ចៅចេក ប្រធាននាយកប្រតិបត្តិធនាគារប្រៃសណីយ៍កម្ពុជា ក្រោមអធិបតីភាព អ្នកឧកញ៉ា ពុង ឃាវសែ។ អត្រាការប្រាក់របស់សញ្ញាបណ្ណនេះគឺ ៥,៥% ក្នុងមួយឆ្នាំ ជាមួយនឹងរយៈពេល ៣ឆ្នាំ ហើយត្រូវបានធានាដោយក្រុមហ៊ុន OCIC។ ទឹកប្រាក់វិនិយោគដែលទទួលបានពីសញ្ញាបណ្ណនេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍន៍ គម្រោងសាងសង់អាកាសយានដ្ឋានអន្តរជាតិតេជោ។ គួរបញ្ជាក់ថា CAIC បានបោះពុម្ពមូលបត្រសរុប ៣០០ លានដុល្លារអាមេរិក ដោយបានលក់ជាបន្ដបន្ទាប់ យ៉ាងហោចបានជាង ១០០លានដុល្លារ។ ទាក់ទិននឹងការគៀងគរទុននេះ សម្ដេច ហ៊ុន សែន ក៏បានជំរុញឱ្យធនាគារ និងស្ថាប័នហិរញ្ញវត្ថុក្នុងស្រុកនានា ត្រូវបន្ដជួយវិនិយោគមូលបត្របំណុល ៣០០លានដុល្លារ នេះ។ ការគៀងគរទុនវិនិយោគពីប្រភពក្នុងស្រុកនេះ […]
អានបន្ថែម
ជប៉ុនគ្រោងវិនិយោគបង្កើតរោងចក្រអគ្គិសនីឧស្ម័នធម្មជាតិ និងពន្លឺព្រះអាទិត្យនៅកម្ពុជា
ស្ថានទូតជប៉ុនប្រចាំនៅកម្ពុជា បានឱ្យដឹងថា វិនិយោគិនជប៉ុនមានផែនការចង់បង្កើតគម្រោងជាច្រើនលើគម្រោងថាមពលកកើតឡើងវិញនៅកម្ពុជា។ នេះជាការលើកឡើងរបស់ឯកឧត្ដម ម៉ាសាហ៊ីរ៉ូ មិកាមី ឯកអគ្គរាជទូតជប៉ុនប្រចាំកម្ពុជា ក្នុងជំនួបជាមួយសម្តេចតេជោ ហ៊ុន សែន នាយករដ្ឋមន្រ្តីកម្ពុជា កាលពីថ្ងៃទី២៨ ធ្នូ នេះ។ លោកលើកឡើងថា៖ «ជប៉ុនមានក្រុមហ៊ុនមួយចំនួនគ្រោងបង្កើតរោងចក្រផលិតអគ្គិសនីដោយឧស្ម័នធម្មជាតិ និងពន្លឺព្រះអាទិត្យនៅកម្ពុជា»។ ជាមួយគ្នានោះ ឯកឧត្តមឯកអគ្គរាជទូត ក៏បានជម្រាបជូនសម្ដេចតេជោនូវការគាំទ្ររបស់ជប៉ុន ធ្វើយ៉ាងណាជំរុញកំពង់ផែខេត្តព្រះសីហនុឱ្យក្លាយទៅជាកំពង់ផែស្នូលរបស់ប្រទេសកម្ពុជា។ ជាការឆ្លើយតប សម្ដេចបានស្វាគមន៍ចំពោះគម្រោងវិនិយោគរបស់ក្រុមហ៊ុននានា និងអរគុណជប៉ុនចំពោះកិច្ចសហប្រតិបត្តិការដ៏ស្អិតរមួត។
អានបន្ថែម
អនុស្ថានីយអគ្គិសនីនៅកោះកុង ឈ្នះជ័យលាភីក្នុងកម្មវិធីប្រកួតសំណង់ឆ្នើមអន្តរជាតិ ២០២១
គម្រោងអនុស្ថានីយអគ្គិសនី នៅខេត្តកោះកុងរបស់ក្រុមហ៊ុន Pestech International Berhad បានជាប់ឈ្មោះជាបេក្ខភាពក្រកួតក្នុងវគ្គផ្ដាច់ព្រ័ត្តនៃកម្មវិធីប្រកួតសំណង់ឆ្នើមអន្តរជាតិ ឬ Bentley 2021 Going Digital Awards in Infrastructure ថាជាគម្រោងឆ្នើមដែលមានភាពច្នៃប្រឌិតក្នុងការប្រើប្រាស់ប្រព័ន្ធគ្រប់គ្រង់សំណង់បែបឌីជីថល បានដោយប្រសិទ្ធភាពបំផុត។ ជ័យលាភីនេះ បានឆ្លុះបញ្ចាំងពីការបោះជំហានរបស់កម្ពុជាឆ្ពោះទៅរកឌីជីថលក្នុងវិស័យសាងសង់ហេដ្ឋារចនាសម្ព័ន្ធ។ តាមរយៈការសម្ភាសន៍ផ្តាច់មុខដោយ ទស្សនាវដ្តីសំណង់និងអចលនទ្រព្យ លោក Afiq Rosli វិស្វករនៅគម្រោង បានលើកឡើងថា ការឈ្នះជាបេក្ខភាពចុងក្រោយចេញពីអ្នកប្រកួតជាង ៣០០គម្រោង ពីទូទាំង ៤៥ ប្រទេស គឺជាជ័យលាភី និងសមិទ្ធិផលដ៏ធំមួយ មិនត្រឹមតែសម្រាប់ Pestech ប៉ុណ្ណោះទេ ប៉ុន្តែសម្រាប់ប្រទេសកម្ពុជាផងដែរ។ លោកបន្តថា នេះគឺជាជំហានតូចៗ ដែលបង្ហាញថា និន្នាការប្រើប្រាស់កម្មវិធីគ្រប់គ្រងសំណង់បែបឌីជីថល កំពុងតែកើនឡើងបន្ដិចម្ដងៗនៅកម្ពុជា។ គម្រោងនេះស្ថិតនៅតាមបណ្តោយព្រំដែនប្រទេសថៃ និងកម្ពុជា ដែលផ្តល់ថាមពលដល់ភូមិតាមជនបទចំនួន ១១ភូមិ។ គម្រោងនេះមានតម្លៃ ២លានដុល្លារអាមេរិក ហើយត្រូវសាងសង់ឡើងក្នុងរយៈពេល ៣៨ ខែ។ លោក Afig បានឱ្យដឹងថា៖ «ជាមួយនឹងកញ្ចប់ថវិកាតូច និងពេលសាងសងសង់ខ្លី […]
អានបន្ថែម