ធនាគារអាល់ហ្វាវិនិយោគ ១០ លានដុល្លារ លើគម្រោងព្រលានថ្មី តាមរយៈមូលបត្របំណុល
ធនាគារពាណិជ្ជ អាល់ហ្វា ម.ក បានវិនិយោគ១០លានដុល្លារ លើមូលបត្របំណុលមានបុគ្គលធានារបស់ក្រុមហ៊ុន Cambodia Airport Investment Co., Ltd (CAIC) ដើម្បីគាំទ្រដល់ការងារស្ថាបនាអាកាសយានដ្ឋានអន្តរជាតិតេជោថ្មី។ ពិធីចុះហត្ថលេខាធ្វើឡើងកាលពីថ្ងៃទី ១៤ មករា រវាងអគ្គនាយករង CAIC លោកឆារស៍ វ៉ាន់ និង ឧកញ៉ា លី ឃុនថៃ ប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ក្រោមអធិបតីភាពអ្នកឧកញ៉ាបណ្ឌិត ពុង ឃាវសែ ប្រធានក្រុមប្រឹក្សាភិបាលនៃ OCIC។ ទឹកប្រាក់វិនិយោគដែលទទួលបានពីសញ្ញាបណ្ណនេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍ គម្រោងសាងសង់អាកាសយានដ្ឋានអន្តរជាតិតេជោ នៅខេត្តកណ្តាល។ អត្រាការប្រាក់(Coupon rate) របស់សញ្ញាបណ្ណនេះគឺ ៥,៥% ក្នុងមួយឆ្នាំ ជាមួយនឹងរយៈពេល (tenor) ៣ ឆ្នាំ ហើយត្រូវបានធានាដោយក្រុមហ៊ុន OCIC ។ គួរបញ្ជាក់ថា គម្រោងអាកាសយានដ្ឋានអន្តរជាតិតេជោ បច្ចុប្បន្នសម្រេចបាន ៣០% ដែលបានចំណាយទឹកប្រាក់សរុប ៣៩០ លានដុល្លារអាមេរិក (ដោយមិនរាប់បញ្ចូលថ្លៃដីដែលវិនិយោគរួចដោយ […]
អានបន្ថែម
អគារ Chip Mong Tower កម្ពស់ ៤៥ជាន់ បញ្ចប់ការសាងសង់គ្រោងអគារហើយ
ក្រុមហ៊ុន ជីប ម៉ុង កាលពីថ្ងៃទី ១៤ ខែមករា នេះ បានប្រារព្ធពិធីបញ្ចប់ការសាងសង់គ្រោងអគារ Chip Mong Tower កម្ពស់ ៤៥ ជាន់ជាស្ថាពរហើយ ខណៈគម្រោងទាំងមូលនឹងបញ្ចប់នៅចុងឆ្នាំ ២០២២ នេះ។ អគារនេះ ជាអគារពាណិជ្ជកម្មចម្រុះលំដាប់អន្តរជាតិ ដែលសាងសង់ឡើងក្រោមទុនវិនិយោគ ២៣០លានដុល្លារអាមេរិក និងស្ថិតនៅចំកណ្ដាលរាជធានីភ្នំពេញ តាមបណ្ដោយមហាវិថីសហព័ន្ធរុស្សី។ អ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង មានប្រសាសន៍ថា ការបញ្ចប់គ្រោងអគារដល់កំពូលជាន់ទី៤៥នេះ គឺជាសមិទ្ធផលដ៏សំខាន់មួយ របស់ក្រុមហ៊ុន ជីប ម៉ុង ក្រោមចក្ខុវិស័យវែងឆ្ងាយ និងយុទ្ធសាស្រ្តច្បាស់លាស់ ដើម្បីរួមចំណែកក្នុងការអភិវឌ្ឍសង្គម និងសេដ្ឋកិច្ច។ ក្រៅពីគាំទ្រផ្នែកពាណិជ្ជកម្ម និងទេសចរណ៍នៅកម្ពុជា មជ្ឈមណ្ឌលសេដ្ឋកិច្ចនេះ ក៏បានបង្កើតឱកាសការងារជាច្រើន ដែលរួមចំណែកលើកស្ទួយជីវភាពរបស់សហគមន៍ ក៏ដូចជាលើកកម្ពស់វិស័យអចលនទ្រព្យ ហេដ្ឋារចនាសម្ព័ន្ធ ជាពិសេសបានគាំទ្រដល់អាជីវកម្មតូចៗជុំវិញតំបន់នេះផងដែរ។ គួរបញ្ជាក់ផងដែរ អគារនេះមានកម្ពស់១៨៥ម៉ែត្រ សាងសង់លើផ្ទៃដីទំហំ ១៤ ០៤២ ម៉ែត្រការ៉េ ដោយនឹងត្រូវបម្រើដល់វិស័យសំខាន់ៗ […]
អានបន្ថែម
ត្រឹម ៧ ខែ កម្ពុជាចម្រាញ់រ៉ែមាសចេញពីអណ្ដូងនៅមណ្ឌលគិរី បានជាង ១៥០០គីឡូ
ក្នុងរយៈពេលជាង ៧ ខែ កន្លងមកនេះ ក្រុមហ៊ុនអូស្រ្ដាលី Renaissance Limited (Cambodia) ដែលកំពុងរុករកមាសនៅខេត្តមណ្ឌលគីរី បានចម្រាញ់រ៉ែមាសបានជិត ១៥០០ គីឡូ ឬស្មើនឹង១១០ដុំមាស ហើយ។ បរិមាណចម្រាញ់រ៉ែមាសនេះ ត្រូវបានបង្ហាញដោយឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល ក្នុងពិធីប្រគល់ទទួលអគារទីស្តីការក្រសួងរ៉ែ និងថាមពល ទៅជូនគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី១៤ ខែមករា ឆ្នាំ២០២២។ គួរបញ្ជាក់ថា កម្ពុជាបានបើកដំណើរផលិតកម្មចម្រាញ់រ៉ែមាសលក្ខណៈអាជីវកម្មជាលើកដំបូង កាលពីខែមិថុនា ឆ្នាំ២០២១ កន្លងទៅ។ ក្រុមហ៊ុនរំពឹងថានឹងអាចផលិតមាសសុទ្ធបានប្រមាណ ៣តោន ក្នុងមួយឆ្នាំ សម្រាប់រយៈពេល ៨ឆ្នាំដំបូង ដោយមាននឹងត្រូវនាំចេញទៅបន្សុទ្ធនៅក្រៅប្រទេស ដូចជាប្រទេសសឹង្ហបុរី និងអូស្ត្រាលី ជាដើម។ (អានបន្ថែម) ផលិតផលមាសនេះ នឹងផ្ដល់ចំណូលដុលជាមធ្យមប្រមាណ១៨៥ លានដុល្លារអាមេរិក ក្នុងមួយឆ្នាំ ដែលក្នុងនោះចំណូលថវិកាជាតិពីសួយសារ និងសារពើសពន្ធផ្សេងៗជាមធ្យមនឹងមានប្រមាណ ៤០លានដុល្លារអាមេរិក ក្នុងមួយឆ្នាំ។
អានបន្ថែម
អ្នកជំនាញថា វិស័យ២ នឹងមានសន្ទុះខ្លាំង ក្នុងឆ្នាំ ២០២២ ទោះទីផ្សារនៅមានភាពច្បាស់លាស់
លោក James Hodge នាយកគ្រប់គ្រងនៃក្រុមហ៊ុន CBRE Cambodia បានលើកឡើងថា វិស័យឧស្សាហកម្ម នឹងដឹកជញ្ជូន នឹងមានសក្ដានុពលខ្ពស់ក្នុងឆ្នាំ ២០២២ នេះ បើធៀបនឹងអនុវិស័យអចលនទ្រព្យផ្សេងៗទៀត ទោះអនាគតទីផ្សារជារួមនៅមានភាពមិនច្បាស់លាស់ក្ដី។ លោកបន្តថា ដោយសារកត្តាមេរោគបំប្លែងថ្មី និងកត្តាក្រៅស្រុកផ្សេងៗទៀត ទោះកម្ពុជាបើកប្រទេសហើយក្ដី ក៏មិនធានាថាវិនិយោគិនបរទេស និងត្រឡប់មិនវិញភ្លាមៗដែរ ដូច្នេះ គ្រប់យ៉ាងគឺនៅស្រពិចស្រពិល។ «ប៉ុន្តែអ្វីដែលជាក់ច្បាស់គឺ គម្រោងសាងសង់ហេដ្ឋារចនាសម្ព័ន្ធរបស់រដ្ឋាភិបាល នៅតែបន្តឥតឈប់ឈរ កត្តានេះនឹងជះឥទ្ធិពលវិជ្ជមានដល់វិស័យឧស្សាហកម្ម និងការដឹងជញ្ជូន ឱ្យមានសន្ទុះខ្លាំង ក្នុងឆ្នាំថ្មីនេះ» លោកបញ្ជាក់។ ជាក់ស្ដែង ក្រុមហ៊ុនយក្សជប៉ុន Aeon Mall (Cambodia) Co Ltd ថ្មីៗនេះ ទើបឈានជើងចូលប្រឡូកក្នុងទីផ្សារដឹកជញ្ជូន ដោយនឹងបង្កើតមជ្ឈមណ្ឌលដឹកជញ្ជូនពហុមុខងារ ផ្ដល់សេវាគ្រប់ជ្រុងជ្រោយមិនធ្លាប់មានពីមុនមក នៅខេត្តព្រះសីហនុ ក្នុងឆ្នាំ ២០២៣ ខាងមុខ។(អានបន្ថែម) លើសពីនេះ រោងចក្រឧស្សាហកម្ម នៅតែបន្ដមានសកម្មភាព។ ក្នុងរយៈពេល១១ខែឆ្នាំ២០២១ ក្រុមប្រឹក្សាអភិវឌ្ឍន៍កម្ពុជាឬ CDC បានអនុម័តគម្រោងវិនិយោគឯកជននៅក្រៅតំបន់សេដ្ឋកិច្ចពិសេសសរុប ១០៧គម្រោង ដែលមានទុនវិនិយោគ១ ៧១៦លានដុល្លារ។ […]
អានបន្ថែម
អលចនទ្រព្យខេត្តព្រះសីហនុ ងើបឡើងវិញសន្សឹមៗ ទោះវិនិយោគិនបរទេសមិនទាន់មានច្រើនក្ដី
សរសរដោយអ្នកជំនាញអចលនទ្រព្យឯករាជ្យ លោក Eric Wong Chon Lap អ្នកជំនាញអចលនទ្រព្យ បានឱ្យដឹងថា ទីផ្សារខេត្តព្រះសីហនុកំពុងងើបឡើងសន្សឹមៗវិញហើយ បន្ទាប់ពីរដ្ឋាភិបាលកម្ពុជាសម្រេចបើកប្រទេសឡើងវិញ។ ទោះបីជាចំនួនអ្នកទេសចរណ៍ និងអ្នកវិនិយោគមិនទាន់មានច្រើនក្ដី តែសង្កេតឃើញថាទីផ្សារមានសកម្មភាពជាងមុន ពិសេសលើផ្នែកលំនៅឋាន។ ក្នុងអំឡុងពេលជិត ២ ឆ្នាំ កន្លងទៅ ទីផ្សារស្ងប់ស្ងាត់ខ្លាំង ដោយមានត្រឹមតែអ្នកទិញក្នុងស្រុកមួយចំនួនតូចប៉ុណ្ណោះដែលសាកសួរព័ត៌មានដើម្បីទិញជាការវិនិយោគ ឬផ្ទះលំហែរជាដើម។ ប៉ុន្តែ ២ ទៅ ៣ ខែ កន្លងមកនេះ ឃើញថាមានជនជាតិចិន និងបរទេសមួយចំនួនធំៗ ចាប់ផ្ដើមសាកសួរព័ត៌មានអំពីអចលនទ្រព្យពីភ្នាក់ងារលក់ច្រើនជាងមុន។ ទោះមិនទាន់មានការទិញលក់ កើតឡើងច្រើនក្ដី នេះគឺសញ្ញាវិជ្ជមានប្រាប់ថា វិនិយោគិនមានបំណងចង់ទិញ តែរង់ចាំតែការបើកប្រទេសពេញលេញតែប៉ុណ្ណោះ ទាំងប្រទេសរបស់គេ និងប្រទេសរបស់យើង។ វិបត្តិកូវីដក៏បានពង្រីកទីផ្សារលំនៅឋានខេត្តព្រះសីហនុឱ្យធំជាងមុនផងដែរ ដែលពីមុនគឺមានតែជនជាតិចិន។ ប៉ុន្តែ ទីផ្សារបច្ចុប្បន្នបើកទំលាយជាងមុនដល់ជនបរទេសផ្សេងទៀតដែលរស់នៅកម្ពុជា និង ពិសេសទីផ្សារក្នុងស្រុក។ ដោយសារតែ វិបត្តិកូវីដ ម្ចាស់គម្រោងបានទំលាក់តម្លៃ ឬផ្ដល់ជាប្រូម៉ូសិនពិសេស ដើម្បីទាក់ទាញអ្នកទិញក្នុងស្រុក ហើយនិន្នាការនេះនឹងនៅតែបន្ត រហូតដល់ការផ្គត់ផ្គង់សមាមាត្រនឹងតម្រូវការ។ ប៉ុន្តែ អ្នកជំនាញព្យាករថា នឹងប្រើពេលយូរព្រោះការផ្គត់ផ្គង់ គឺលើសតម្រូវការខ្លាំង ពិសេស […]
អានបន្ថែម
ត្រឹមឆ្នាំ ២០២១ ក្រសួងដែនដីទទួលពាក្យបណ្តឹងទំនាស់ដីធ្លីសរុបជាង ១៣០០០ ករណី
គិតមកត្រឹមឆ្នាំ ២០២១ ក្រសួងរៀបចំដែនដី នគរូបនីយកម្ម និងសំណង់ បានទទួលទទួលពាក្យបណ្តឹងបញ្ហាដីធ្លីសរុប ចំនួន ១៣ ៩៨៤ ករណី ហើយកន្លងមកបានដោះស្រាយសម្រេច១០ ៨៥៥ ករណី។ ក្នុងឆ្នាំ ២០២២ នេះ ក្រសួងសង្ឃឹមយ៉ាងម៉ុតមាំថា នឹងដោះស្រាយវិវាទដីធ្លីដែលនៅសល់ជាង ៣ ២០៣ ករណី ដោយវិធីសាស្រ្តក្រៅប្រព័ន្ធតុលាការ ឱ្យចប់សព្វគ្រប់។ ជាក់ស្ដែង ការដោះស្រាយវិវាទដីធ្លីក្រៅតុលាការ គឺបញ្ជាផ្ទាល់របស់សម្ដេចតេជោ ហ៊ុន សែន ព្រោះជាវិធីសាស្ត្រដែលមានប្រសិទ្ធភាពខ្ពស់ និងចំណាយតិច។ សម្ដេចហ៊ុន សែនធ្លាប់លើកឡើងថា៖ «បើទៅរួច បញ្ហាដីធ្លីគួរដោះស្រាយក្រៅប្រព័ន្ធតុលាការឱ្យបានចប់សព្វគ្រប់ ព្រោះបើឡើងតុលាការគឺត្រូវមានអ្នកចាញ់ និងអ្នកឈ្នះ តែបើដោះក្រៅប្រព័ន្ធតុលាការគឺអាចទទួលបានលទ្ធផលឈ្នះឈ្នះទាំងសងខាង ប៉ុន្តែមន្រ្តីយើងត្រូវដោះស្រាយដោយមានសុចរិតភាព»។ ក្រៅពីប្ដេជ្ញាដោះស្រាយបញ្ហាដីធ្លី ក្រសួងក៏បានដាក់គោលដៅចុះបញ្ជីក្បាលដីឱ្យបាន១០០% នៃក្បាលដីប៉ាន់ស្មានដំបូងចំនួន ៧លានក្បាលដី ក្នុងឆ្នាំ២០២២ ផងដែរ ព្រមជាមួយនឹងគោលដៅផ្សេងៗទៀតជាច្រើន។ (អានបន្ថែម)
អានបន្ថែម
ក្រសួងកំពុងពិនិត្យអនុក្រឹត្យស្តីពីក្រមសីលធម៌វិស្វករជាចុងក្រោយ ត្រៀមអនុវត្តឆាប់ៗ
ក្រសួងការងារ និងបណ្តុះបណ្តាលវិជ្ជាជីវៈ កំពុងត្រួតពិនិត្យជាលើកចុងក្រោយ លើសេចក្តីព្រាងអនុក្រឹត្យស្តីពីក្រមសីលធម៌វិស្វករ មុននឹងដាក់ឆ្លងគណៈរដ្ឋមន្រ្តីដើម្បីពិនិត្យឱ្យយោបល់ និងសម្រេច។ កិច្ចប្រជុំនេះដឹកនាំដោយ ឯកឧត្តម អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ដែលធ្វើឡើងកាលពីថ្ងៃទី១១ ខែមករា កន្លងទៅ។ សេចក្តីព្រាងអនុក្រឹត្យស្តីពីក្រមសីលធម៌វិស្វករនេះ ធ្វើឡើងក្នុងគោលបំណងលើកកម្ពស់សុចរិតភាព និងការទទួលខុសត្រូវរបស់វិស្វករក្នុងការប្រកបវិជ្ជាជីវៈវិស្វកម្ម ពោលគឺដើម្បីធានាបាននូវសុវត្ថិភាព គុណភាព និងប្រសិទ្ធភាពការងារ។ គួរបញ្ជាក់ថា អគ្គលេខាធិការដ្ឋាននៃគណៈវិស្វករកម្ពុជា ក៏រៀបចំកម្មវិធីសិក្ខាសាលាដើម្បីប្រមូលធាតុចូលពីគ្រប់ភាគីពាក់ព័ន្ធ ដើម្បីធ្វើសេចក្តីព្រាងស្តីពីក្រមសីលធម៌វិស្វករ ពេញលេញជាងមុនផងដែរ៕
អានបន្ថែម
ត្រឹមឆ្នាំ ២០២១ កម្ពុជាមានអគារខ្ពស់ៗសរុបជាង ២៣០០អគារ សឱ្យឃើញពីសន្ទុះអភិវឌ្ឍដ៏ខ្លាំងក្លា
ក្នុងឆ្នាំ២០២១ នៅកម្ពុជា មានគម្រោងអគារខ្ពស់ៗចាប់ពី៥ជាន់ឡើងទៅ មាន២១២អគារ និងគិតចាប់ឆ្នាំ២០០០ដល់២០២១ អគារខ្ពស់ៗចាប់ពី៥ជាន់ឡើងនៅទូទាំងប្រទេសមានចំនួន ២ ៣៩២អគារ។ យោងតាមទិន្នន័យសំណង់តាមប្រភេទអគារ នៃក្រសួងរៀបចំដែនដី នគរូបនីយកម្ម និងសំណង់ អគារចាប់ពី៥ជាន់ទៅ៩ជាន់ មានចំនួន ១៤៨អគារ ពី១០ជាន់ទៅ១៩ជាន់ មានចំនួន ៥០អគារ ពី២០ជាន់ ទៅ ២៩ជាន់ មានចំនួន១៣អគារ ពី៣០ជាន់ ទៅ ៣៩ជាន់ មានចំនួនអគារ។ របាយការណ៍បញ្ជាក់ថា ក្នុងចំណោមសំណង់លំនៅឋានមានចំនួន ៣ ៧២០គម្រោង បុរីលំនៅឋាននិងបណ្តុំលំនៅឋានមានលក្ខណៈ បុរីមានចំនួន ៨១គម្រោង ស្មើនឹង២៧ ២៧១ខ្នង អគារផ្ទះល្វែងមានចំនួន ៣១ ៩៨៥ល្វែង/ខ្នង និងអគារស្នាក់នៅរួមមានចំនួន ៨៤គម្រោង។ ដោយឡែក សំណង់សណ្ឋាគារមានចំនួន ១៦គម្រោង សំណង់អគារពាណិជ្ជកម្មមានចំនួន ៣០០គម្រោង សំណង់អគាររោងចក្រមានចំនួន ៩០គម្រោង និងសំណង់អគារពហុបំណងមានចំនួន ២៦គម្រោង។
អានបន្ថែម
ក្រសួងនឹងចេញ Appថ្មី គ្រប់គ្រង តាមដាន វាយតម្លៃគម្រោងហេដ្ឋារចនាសម្ព័ន្ធក្នុងប្រព័ន្ធតែមួយ
ក្រសួងសាធារណការ និងដឹកជញ្ជូន កំពុងពន្លឿនការបង្កើតកម្មវិធី ឬ App ថ្មី ដែលមានឈ្មោះហៅថា PR Care ដើម្បីគ្រប់គ្រង តាមដាន និងវាយតម្លៃគុណភាពគម្រោងសាងសង់ហេដ្ឋារចនាសម្ព័ន្ធនានាទូទាំង ដោយប្រើប្រព័ន្ធអនឡាញតែមួយ បានដោយមានប្រសិទ្ធភាព។ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំកិច្ចពិភាក្សាអំពីគម្រោងរៀបចំអភិវឌ្ឍកម្មវិធី (App) នេះ កាលពីថ្ងៃទី១២ ខែមករា កន្លងទៅ។ ពីមុន ទិន្នន័យគ្រប់យ៉ាងទាក់ទងនឹងគម្រោងហេដ្ឋារចនាសម្ព័ន្ធ ត្រូវគ្រប់ជាកញ្ចប់ផ្សេងៗគ្នា មានឯកសារច្រើន និងមានមន្រ្តីពាក់ព័ន្ធច្រើន ដែលធ្វើឱ្យក្រសួងពិបាកក្នុងការតាមដានវឌ្ឍនភាពការងារ និងគុណភាព។ ប៉ុន្តែ កម្មវិធីថ្មីនេះ នឹងបញ្ចូលគ្រប់គម្រោងទាំងអស់ មកក្នុងប្រព័ន្ធតែមួយ។ App នេះនឹងបង្ហាញទិន្នន័យទាំងអស់ទាក់ទិននឹងគម្រោង ដូចជា ប្រវិត្តិគម្រោង ម្ចាស់ជំនួយ វឌ្ឍនភាពការដ្ឋាន ព័ត៌មានក្រុមហ៊ុនធ្វើគម្រោង និងទិន្នន័យស្ដីពីសម្ភារៈសំណង់ និងធនធានមនុស្សដែលកំពុងអនុវត្តគម្រោងជាដើម។ ដូច្នេះ ដោយប្រើApp នេះ ក្រសួងនឹងអាចតាមដាន គ្រប់គ្រង និងវាយតម្លៃវឌ្ឍនភាពការងារប្រចាំខែ ប្រកបដោយប្រសិទ្ធភាព និងគ្រប់ជ្រុងជ្រោយ ចាប់តាំងពីការដំណើរការបើកការដ្ឋានរហូតដល់ការសម្ពោធដាក់ឱ្យប្រើប្រាស់។ ក្នុងកិច្ចប្រជុំ […]
អានបន្ថែម
គម្រោងវិនិយោគថ្មីៗ ៩ តម្លៃជាង ៤៣លានដុល្លារ នឹងផុសឡើងនៅភ្នំពេញ និងខេត្ត ៣ទៀត
ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចអនុម័តឱ្យក្រុមហ៊ុនឯកជនបោះទុនវិនិយោគ ប្រមាណជាង ៤៣លានដុល្លារអាមេរិក បង្កើតរោងចក្រចំនួន ៩កន្លែង នៅរាជធានីភ្នំពេញ កណ្តាល កំពង់ស្ពឺ និងព្រះសីហនុ ។ យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១២ ខែមករា ឆ្នាំ២០២២ មានក្រុមហ៊ុន ៧ ដែលស្ថិតនៅក្រៅតំបន់សេដ្ឋកិច្ចពិសេសរួមមាន៖ ១-ក្រុមហ៊ុន COMO APPAREL CO., LTD: បង្កើតរោងចក្រកាត់ដេរសម្លៀកបំពាក់ នៅភូមិអំពិល សង្កាត់កំបូល ខណ្ឌកំបូល រាជធានីភ្នំពេញ ក្រោមទុន ១៤,៧លានដុល្លារ និងអាចបង្កើតការងារ ២.៩៤៧កន្លែង។ ២- ក្រុមហ៊ុន LEONA (CAMBODIA) CO., LTD: បង្កើតរោងចក្រផលិតកាបូប និងវ៉ាលិស នៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគ ៥,៨លានដុល្លារអាមេរិក និងអាចបង្កើតការងារបានចំនួន ១.៥៣០កន្លែង។ ៣-ក្រុមហ៊ុន SINCERE SEASON (CAMBODIA) GARMENT CO., […]
អានបន្ថែម
សំណង់ចំនួន ៤ ៣០៣គម្រោង តម្លៃ ៥,៣ប៊ីលានដុល្លារ អនុម័តក្នុងឆ្នាំ ២០២១ ធ្លាក់ចុះ ៣១%
ក្នុងឆ្នាំ ២០២១ ក្រសួងរៀបចំដែនដី នគរូបនីយកម្ម និងសំណង់ បានអនុម័តម្រោងសាងសង់ចំនួន ៤ ៣០៣ គម្រោង ស្មើនឹងទុនវិនិយោគសរុប ៥,៣៣ ប៊ីលានដុល្លារ ដែលថយចុះ ៣១,២១% បើធៀបនឹងឆ្នាំ ២០២០។ គម្រោងទាំងអស់មានផ្ទៃក្រឡាសរុបចំនួន ១២,៩៩លានម៉ែត្រការ៉េ ក្នុងនោះ ៣៨៨គម្រោង (ស្មើ ១០,៤២ លានម៉ែត្រការ៉េ) តម្លៃ ៤,២ប៊ីលានដុល្លារ អនុម័តដោយក្រសួង ខណៈ ៩១៥ គម្រោងទៀត (ស្មើ ២,៥លានម៉ែត្រការ៉េ) តម្លៃ ១,១ ប៊ីលានដុល្លារ អនុម័តដោយរដ្ឋបាលរាជធានីខេត្ត។ គួរបញ្ជាក់ថា គិតចាប់ពីឆ្នាំ ២០០០ ដល់ដំណាច់ឆ្នាំ២០២១ ក្រសួងបានចេញលិខិតអនុញ្ញាតសាងសង់នៅទូទាំងប្រទេសចំនួន ៥៧ ៥៩០គម្រោង លើផ្ទៃក្រឡាកម្រាលសំណង់សរុបចំនួន ១៦៦,៦២លានម៉ែត្រការ៉េ និងមានតម្លៃប៉ាន់ស្មានទុនវិនិយោគសរុបប្រមាណ ៦៦,២ប៊ីលានដុល្លារ។
អានបន្ថែម
ផ្សារទំនើបយក្ស AEON ចូលប្រឡូកទីផ្សារដឹកជញ្ជូន ត្រៀមបើកឃ្លាំងព័ស្តុភារពហុមុខងារឆ្នាំ២០២៣
ក្រៅពីវិនិយោគបង្កើតផ្សារទំនើបខ្នាតធំចំនួន ៣ នៅកម្ពុជា ក្រុមហ៊ុនយក្សជប៉ុន Aeon Mall (Cambodia) Co Ltd សម្រេចចូលប្រឡូកក្នុងទីផ្សារដឹកជញ្ជូន ដោយនឹងបង្កើតមជ្ឈមណ្ឌលដឹកជញ្ជូនពហុមុខងារ ផ្ដល់សេវាគ្រប់ជ្រុងជ្រោយមិនធ្លាប់មានពីមុនមក នៅខេត្តព្រះសីហនុ ក្នុងឆ្នាំ២០២៣ ខាងមុខ។ បើយោងតាមសេចក្ដីប្រកាសព័ត៌មានរបស់ក្រុមហ៊ុនចេញថ្ងៃទី ១១ មករា កន្លងទៅ ដើម្បីអនុវត្តផែនការនេះ Aeon សម្រេចបង្កើតក្រុមហ៊ុនបុត្រសម្ព័ន្ធថ្មីឈ្មោះថា Aeon Mall (Cambodia) Logi Plus Co., Ltd ដែលជាក្រុមហ៊ុនទទួលខុសត្រូវលើអាជីវកម្មផ្នែកនេះ។ ក្រុមហ៊ុនថ្មីនេះ នឹងបើកដំណើរការមជ្ឈមណ្ឌលដឹកជញ្ជូនពហុមុខងារ ដែលនឹងមានផ្ដល់សេវាកម្មគ្រប់ជ្រុងជ្រោយ ក្នុងការគ្រប់គ្រងនិងដឹកជញ្ជូនទំនិញនាំចូល (Fulfillment service) និង សេវាកម្មសម្របសម្រួលនីតិវិធីគយ (Customs clearance) នៅក្នុងភណ្ឌាគារគយមានដែនកំណត់ (Bonded Warehouse) របស់ខ្លួន។ គួរបញ្ជាក់ថា ភណ្ឌាគារគយមានដែនកំណត់ ប្រៀបដូចនឹងឃ្លាំងស្ដុកដែលឱ្យក្រុមហ៊ុននានាអាចរក្សាទុកទំនិញនាំចូលពីបរទេសក្នុងឃ្លាំងនេះសិន នៅពេលមកដល់កម្ពុជា ដោយមិនចាំបាច់ឆ្លងកាត់នីតិវិធីគយ និងបង់ពន្ធភ្លាមៗ។ ក្រុមហ៊ុនតម្រូវឱ្យបង់ពន្ធនាំចូល នៅពេលដែលដកទំនិញចេញពីឃ្លាំងយកទៅលក់ក្នុងទីផ្សារកម្ពុជាជាក់ស្ដែង ហើយអត្រាពន្ធគឺគិតទៅតាមចំនួនទំនិញដែលនាំចេញពីឃ្លាំង។ ការធ្វើបែបនេះ គឺអាចជួយសន្សំសំចៃបានយ៉ាងច្រើន […]
អានបន្ថែម