ឧកញ៉ាគីម ហ៊ាង ៖ ២ ឆ្នាំខាងមុខ វិស័យដីឡូតិ៍អាចនឹងជាប់គាំង បើសិនមិនផ្លាស់ប្ដូររបៀបអភិវឌ្ឍ
អ្នកជំនាញផ្នែកអចលនទ្រព្យនៅកម្ពុជា បានលើកឡើងថា ក្នុងឆ្នាំ២០២២ រហូតដល់ឆ្នាំ២០៣០ វិស័យដីឡូតិ៍កម្ពុជា នៅតែអាចដំណើរការទៅមុខបានជាធម្មតា ប៉ុន្តែគាត់បានក្រើនរំលឹកថា ប្រភេទដីឡូតិ៍មួយចំនួន អាចនឹងជាប់គាំង ឬដួលរលំ ក្នុងរយៈពេល ២-៣ ឆ្នាំខាងមុខ ប្រសិនបើគម្រោងដីឡូតិ៍ទាំងនោះមិនធ្វើបច្ចុប្បន្នភាព ឬផ្លាស់ប្ដូររបៀបអភិវឌ្ឍន៍។ លោកឧកញ៉ាបណ្ឌិត គីម ហ៊ាង ប្រធានក្រុមហ៊ុន KW Cambodia បានលើកឡើងថា ចរន្តទិញលក់ដីឡូតិ៍នៅតែអាចដំណើរការបាន សម្រាប់ប្រជាជនវ័យក្មេង ពិសេសអ្នកដែលមានចំណូលទាប ព្រោះពួកគេមិនមានលទ្ធភាពទិញផ្ទះ ឬដីធំៗនោះទេ ប៉ុន្តែពួកគេអាចសន្សំប្រាក់ជាមួយការវិនិយោគដីឡូតិ៍តូចៗបាន។ យ៉ាងណាក្ដី លោកឧកញ៉ា ក្រើនរំលឹកថា៖ «របៀបនៃការធ្វើគម្រោងដីឡូតិ៍ ត្រូវចេះធ្វើបច្ចុប្បន្នភាព ព្រោះបើធ្វើដូចបច្ចុប្បន្ននេះ តែ២ឆ្នាំទៀត គេនឹងឈប់ទិញដីឡូតិ៍អស់ហើយ ព្រោះដីឡូតិ៍ខ្លះ គាត់ពុះមិនដឹងជាផ្លូវបែរទៅណាទៅណីទេ? អត់មានប្រព័ន្ធលូត្រឹមត្រូវ អត់មានទឹក អត់មានភ្លើង នៅឆ្ងាយពេកវាអត់ដើរទេ»។ «ប៉ុន្តែបើយើងចេះធ្វើបច្ចុប្បន្នភាពដីឡូតិ៍ ដោយធ្វើជាប្លង់ច្បាស់លាស់ មានទំហំធំអាចចាប់ពី ១៥ហិកតា ឡើងទៅ ពុះលក់ក្នុងទំហំធំសមល្មមដែលអាចសង់ផ្ទះបាន មានផ្លូវធំ រៀបចំហេដ្ឋារចនាសម្ព័ន្ធឱ្យល្អជាដើម វានឹងដើរ» លោកបានបន្ដ។ ហេតុនេះ លោកឧកញ៉ាបណ្ឌិត គីម […]
អានបន្ថែម
រដ្ឋបន្តលើកលែងពន្ធប្រថាប់ត្រាលំនៅឋានតម្លៃទាបជាង ៧ម៉ឺនដុល្លារ ដល់ឆ្នាំ២០២២
ការលើកលែងពន្ធប្រថាប់ត្រាសម្រាប់ផ្ទះ ឬខុនដូ ដែលមានថ្លៃទាបជាង ឬស្មើ ៧ម៉ឺនដុល្លារអាមេរិក នឹងមិនផុតកំណត់ត្រឹមចុងខែធ្នូ ឆ្នាំ ២០២១ នេះទេ ដោយរដ្ឋាភិបាលនឹងត្រូវបន្តគោលការណ៍នេះទៀត ដែលនេះជាផ្នែកមួយនៃវិធានការគ្រប់គ្រងផលប៉ះពាល់ និងស្តារសេដ្ឋកិច្ចឡើងវិញក្នុងបរិបទកូវីដ១៩។ នេះជាការលើកឡើងរបស់ឯកឧត្តម ផាន់ ផល្លា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ ក្នុងសន្និសីទសារព័ត៌មាន ស្តីពីការយុទ្ធសាស្រ្តស្តារសេដ្ឋកិច្ច តាមគន្លងប្រក្រតីថ្មី នៅថ្ងៃទី១៤ ខែធ្នូ។ ឯកឧត្តម ផាន់ ផល្លា មានប្រសាសន៍ថា ការលើកលែងពន្ធប្រថាប់ត្រា សម្រាប់អ្នកទិញផ្ទះដែលមានថ្លៃទាបជាង ឬស្មើ ៧ម៉ឺនដុល្លារអាមេរិក នឹងត្រូវបន្តទៀត ប៉ុន្តែមិនបានបញ្ជាក់ថានឹងបន្ដរយៈពេលប៉ុន្មានទេ ដោយត្រូវរង់ចាំប្រកាសផ្លូវការពីអគ្គនាយកដ្ឋានពន្ធដារ។ គួរបញ្ជាក់ថា ការលើកលែងពន្ធប្រថាប់ត្រាសម្រាប់ផ្ទះ និងខុនដូតម្លៃទាបជាង ៧ម៉ឺនដុល្លារ ប្រកាសជាលើកដំបូងដោយសម្ដេចហ៊ុន សែន នៅខែ កុម្ភៈ ឆ្នាំ ២០២០ ដោយលើកលែង១ ឆ្នាំដល់ មករា ២០២១។ (អានបន្ថែម) ក្រោយមក រដ្ឋសម្រេចបន្ដលើកលែង ១ ឆ្នាំទៀត ដល់ចុងខែធ្នូ ឆ្នាំ […]
អានបន្ថែម
ក្រុមហ៊ុនអភិវឌ្ឍលំនៅឋានក្នុងស្រុកមួយទទួលបានសិទ្ធិបោះផ្សាយលក់មូលបត្រជាសាធារណៈ
ក្រុមហ៊ុន JS Land Plc ដែលជាក្រុមហ៊ុនអភិវឌ្ឍលំនៅឋានមួយក្នុងស្រុក ទើបទទួលបានការអនុញ្ញាតជាគោលការណ៍ ពីក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ លើការបោះផ្សាយលក់មូលបត្រកម្មសិទ្ធិជាសាធារណៈលើផ្សារមូលបត្រកម្ពុជា។ នេះបើយោងតាមកិច្ចប្រជុំក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារលើកទី៧ នៃអាណត្តិទី១ កាលពីថ្ងៃទី ១៣ ធ្នូ ដែលដឹកនាំដោយ ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី និងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ។ ក្រោយទទួលបានការអនុញ្ញាតជាគោលការណ៍នេះ ក្រុមហ៊ុនត្រូវបំពេញនូវលក្ខខណ្ឌបន្ថែមជាមួយនិយ័តករមូលបត្រកម្ពុជា មុននឹងអាចបន្តនីតិវិធីជាផ្លូវការលើការបោះផ្សាយបាន។ គួរបញ្ជាក់ថា ក្រុមហ៊ុន JS Land Plc ជាក្រុមហ៊ុនអភិវឌ្ឍន៍លំនៅឋាន មានមូលដ្ឋាននៅរាជធានីភ្នំពេញ បង្កើតឡើងក្នុងឆ្នាំ២០១៤ និងជាក្រុមហ៊ុននាំមុខគេមួយក្នុងការអភិវឌ្ឍន៍លំនៅឋានតម្លៃសមរម្យ។ ប្រភពដដែលបានឱ្យដឹងថា សម្រាប់ផ្នែកសំណង់ និងអចលនទ្រព្យ ក្រុមហ៊ុន JS Land Plc គឺជាក្រុមហ៊ុនទី២ ដែលបានស្នើសុំចុះបញ្ជីលក់មូលបត្រកម្មសិទ្ធិនៃផ្សារមូលបត្រកម្ពុជា បន្ទាប់ពីក្រុមហ៊ុន DBD Engineering Plc។
អានបន្ថែម
ជប៉ុន ជួយសាងសង់ប្រព័ន្ធផ្គត់ផ្គង់ទឹកស្អាត តម្លៃជិត២២ លានដុល្លារ នៅខេត្តពោធិ៍សាត់
រដ្ឋាភិបាលជប៉ុនបានផ្តល់ហិរញ្ញប្បទានឥតសំណងប្រមាណ ២១,៩លានដុល្លារអាមេរិក សម្រាប់សាងសង់ប្រព័ន្ធផ្គត់ផ្គង់ទឹកស្អាតនៅខេត្តពោធិ៍សាត់ ដើម្បីបង្កើនការទទួលបានទឹកស្អាត ធ្វើឲ្យសេវាផ្គត់ផ្គង់ទឹកប្រកបដោយស្ថេរភាព និងលើកកម្ពស់គុណភាពជីវិតរបស់ប្រជាពលរដ្ឋក្នុងក្រុងពោធិ៍សាត់ទាំងមូល។ ការដ្ឋានសាងសង់ប្រព័ន្ធផ្គត់ផ្គង់ទឹកស្អាតនេះ ត្រូវបានបើកការដ្ឋានជាផ្លូវការហើយ ក្រោមវត្តមាន ឯកឧត្តម MIKAMI Masahiro ឯកអគ្គរាជទូតជប៉ុនប្រចាំកម្ពុជា និងឯកឧត្តម ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលថ្ងៃទី១៣ ខែធ្នូ ឆ្នាំ២០២១។ គម្រោងមួយនេះ ត្រូវបានធ្វើឡើងនៅភូមិផ្សារលើ សង្កាត់លលកស ក្រុងពោធិ៍សាត់ ដែលនឹងផ្តោតសំខាន់លើផ្នែកធំៗចំនួន៣ រួមមាន៖ ១. សាងសង់ស្ថានីយបូមទឹកឆៅ ដែលមានសមត្ថភាពបូមទឹកបាន ៧.២៦០ម៉ែត្រគូប ក្នុងមួយថ្ងៃ និងរោងចក្រប្រព្រឹត្តិកម្មទឹកស្អាតដែលមានសមត្ថភាពផលិតទឹកស្អាតបាន ៦.៦០០ ម៉ែត្រគូប ក្នុងមួយថ្ងៃ សាងសង់អគាររដ្ឋបាល តំឡើងបំពង់បូមទឹកឆៅដែលមានប្រវែង ៨.៣ គីឡូម៉ែត្រ និងបំពង់ចែកចាយទឹកស្អាតដែលមានប្រវែង ៧៥.៤គីឡូម៉ែត្រ។ ២. ធ្វើលទ្ធកម្មសម្ភារមន្ទីរពិសោធន៍សម្រាប់ការវិភាគគុណភាពទឹក ឧបករណ៍ប្រើប្រាស់សម្រាប់គ្រឿងអគ្គីសនី ម៉ាស៊ីន និងមេកានិច សម្ភារ និងបរិក្ខារសម្រាប់ការតបណ្តាញចូលផ្ទះ រួមទាំងគ្រួសារក្រីក្រ ព្រមទាំងប្រព័ន្ធគ្រប់គ្រងគណនេយ្យ។ ៣. ផ្តល់ជាជំនួយបច្ចេកទេសសម្រាប់ប្រតិបត្តិការ […]
អានបន្ថែម
ក្រុមហ៊ុនយក្សកូរ៉េខាងត្បូង បោះទុនវិនិយោគជិត ១៨ប៊ីលានដុល្លារ នៅវៀតណាម
ក្រុមហ៊ុនបច្ចេកវិទ្យាកូរ៉េខាងត្បូង Samsung បានបោះទុនវិនិយោគជិត ១៨ប៊ីលានដុល្លារ បង្កើតរោងចក្រ និងកន្លែងស្រាវជ្រាវ នៅប្រទេសវៀតណាម ក្នុងរយៈពេល២៤ឆ្នាំ។ យោងតាមការចុះផ្សាយរបស់សារព័ត៌មាន VN Express ចេញផ្សាយកាលពីថ្ងៃទី៧ ខែធ្នូ បានបញ្ជាក់បន្ថែមថា ក្រុមហ៊ុននឹងទុក ២៩%នៃទុនវិនិយោគសរុប សម្រាប់វិនិយោគនៅរយៈពេល៥ឆ្នាំចុងក្រោយ។ ក្រុមហ៊ុនSamsung បច្ចុប្បន្ន មានរោងចក្រ និងមជ្ឈមណ្ឌលស្រាវជ្រាវចំនួន៨ នៅវៀតណាម រកប្រាក់ចំណូលបានជិត ៦០,៥ប៊ីលានដុល្លារ ក្នុងរយៈពេល១០ខែ នៃឆ្នាំនេះ។ លោក Choi Joo Ho នាយកប្រតិបត្តិក្រុមហ៊ុន Samsung ប្រចាំនៅប្រទេសវៀតណាម បានលើកឡើងថា ប្រាក់ចំណូលរយៈពេល១០ខែ មានកំណើន ១៥% បើធៀបនឹងរយៈពេលដូចគ្នាកាលពីឆ្នាំមុន។ លោកបញ្ជាក់ថា ប្រាក់ចំណូលកើនឡើងនេះ គឺសម្រេចបាន បើទោះបីជាមានបញ្ហាមួយចំនួនបានកើតឡើងក្នុងបរិបទនៃវិបត្តិកូវីដ១៩ក៏ដោយ។ បច្ចុប្បន្ន ក្រុមហ៊ុន Samsung កំពុងសាងសង់មជ្ឈមណ្ឌលស្រាវជ្រាវ និងអភិវឌ្ឍន៍តម្លៃ ២២០លានដុល្លារ ដែលជាមជ្ឈមណ្ឌលដំបូងបង្អស់ក្រុមហ៊ុនសាងសង់នៅក្រៅប្រទេស។ រូបភាពដោយ៖ e.vnexpress
អានបន្ថែម
PropertyGuru Asia Property Awards អបអរសាទរ និងផ្តល់ពានរង្វាន់ដល់ក្រុមហ៊ុនអចលនទ្រព្យឆ្នើម ពីតំបន់អាស៊ីក្នុងវគ្គផ្ដាច់ព្រ័ត្រ ប្រចាំឆ្នាំលើកទី 16
ពានរង្វាន់អ្នកឆ្នើមប្រចាំអាស៊ីដែលត្រូវបានផ្ដល់កិត្តិយសនៅក្នុងវគ្គផ្ដាច់ព្រ័ត្រដែលប្រារព្ធតាមអនឡាញរបស់កម្មវិធីពានរង្វាន់ PROPERTYGURU ASIA PROPERTY AWARDS 2021 • ក្រុមហ៊ុន មេគង្គលែន មកពីប្រទេសកម្ពុជាឈ្នះពានរង្វាន់អ្នកអភិវឌ្ឍន៍គំនិតច្នៃប្រឌិតល្អជាងគេប្រចាំតំបន់អាស៊ី Best Breakthrough Developer (Asia) ពីកម្មវិធីពានរង្វាន់ PropertyGuru Asia Property Awards លើកទី១៦ • ម្ចាស់ជ័យលាភីប្រចាំប្រទេសមកពីប្រទេសវៀតណាម ចិនដីគោក ហុងកុង សិង្ហបុរី ហ្វ៊ីលីពីន ថៃ កម្ពុជា និង Greater Niseko (ជប៉ុន) ទទួលពានរង្វាន់កិត្តិយសនៅក្នុងកម្មវិធីប្រគល់ពានរង្វាន់ដ៏ឱឡារិកតាមប្រព័ន្ធអនឡាញ • លោក Liam Wee Sin នាយកប្រតិបត្តិនៃក្រុមហ៊ុន UOL Group Limited ទទួលបានពានរង្វាន់ PropertyGuru Icon Award 2021 PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍ បានប្រកាសនូវម្ចាស់ជ័យលាភីពានរង្វាន់ PropertyGuru Asia Property Awards […]
អានបន្ថែម
កំពង់ផែស្វយ័តភ្នំពេញ រកចំណូលបានជាង៣០លានដុល្លារ ត្រឹមរយៈពេល ១១ខែ
ប្រាក់ចំណូលរបស់កំពង់ផែស្វយ័តភ្នំពេញ ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា (CSX) ក្នុងរយៈពេល ១១ខែឆ្នាំ២០២១ មានចំនួនជាង ៣០លានដុល្លារ កើនឡើងប្រហែល ១៤% បើធៀបនឹងរយៈពេលដូចគ្នាឆ្នាំ២០២០។ នេះបើយោងតាមទិន្នន័យរបស់កំពង់ផែស្វយ័តភ្នំពេញ ចុះថ្ងៃទី៩ ខែធ្នូ ឆ្នាំ២០២១។ ក្នុងចំណោមចំណូលទាំងនោះរួមមាន ចំណូលពីប្រតិបត្តិការផែ(Port Operation) មានចំនួន ២៤,៣៧លានដុល្លារ កើន ១៦% ធៀបនិងរយៈពេលដូចគ្នាឆ្នាំ២០២០, ចំណូលពីអាជ្ញាធរផែ (Port Authority) ៣,២៣លានដុល្លារ ធ្លាក់ចុះ ៣%, ចំណូលពីសេវាកម្មផ្សេងៗ (Other Service) ៣០ម៉ឺនដុល្លារ កើន៨៩% និងចំណូលផ្សេងៗ (Other Income)២,៤៧លានដុល្លារ កើន ១២%។ ដោយឡែកសម្រាប់ខែវិច្ឆិកា ចំណូលសរុបដែល កំពង់ផែស្វយ័តភ្នំពេញទទួលបាន មានចំនួន ២,៧៦លានដុល្លារ កើនឡើង ១៩% ពីចំនួន ២,៣៣លានដុល្លារក្នុងខែវិច្ឆិកា ឆ្នាំ២០២០។ ក្នុងនោះចំណូលពីប្រតិបត្តិការផែ (Port Operation) មានចំនួន ២,២៩លានដុល្លារ កើន ២៤%។
អានបន្ថែម
ផ្លូវអំណោយរបស់សម្តេចតេជោថ្មី ១ខ្សែ នៅស្ទឹងត្រែង បានសាងសង់រួចរាល់ហើយ
ផ្លូវលំជនបទ១ខ្សែ ក្នុងស្រុកសៀមបូក ខេត្តស្ទឹងត្រែង ដែលជាអំណោយរបស់សម្តេចតេជោនាយករដ្ឋមន្ត្រី ហ៊ុន សែន បានស្ថាបនារួចរាល់ជាផ្លូវការហើយ កាលពីពេលថ្មីៗនេះ។ ការដ្ឋានស្ថាបនាផ្លូវលំជនបទ១ខ្សែនេះ មានប្រវែង ១៥ គីឡូម៉ែត្រ ទទឹង ៦ម៉ែត្រ តភ្ជាប់ពី ឃុំអូរម្រះ តភ្ជាប់រហូតដល់ ឃុំសៀមបូក ស្រុកសៀមបូក (ជាប់ព្រំប្រទល់ខេត្តក្រចេះ)។ ក្នុងឱកាសចុះត្រួតពិនិត្យផ្លូវនេះផ្ទាល់ ឯកឧត្តម ស្វាយ សំអ៊ាង អភិបាលខេត្តស្ទឹងត្រែង បានលើកឡើងថានេះជាសមិទ្ធិផលដ៏សំខាន់មួយទៀតហើយ ដែលស្រុកសៀមបូកទទួលបានពីប្រមុខរដ្ឋាភិបាលកម្ពុជា សម្តេចតេជោ ហ៊ុន សែន ជូនដល់ប្រជាពលរដ្ឋតាមរយៈមន្ទីរអភិវឌ្ឍន៍ជនបទ។ ឯកឧត្តមបន្តថា ផ្លូវនេះ នឹងបង្កលក្ខណៈងាយស្រួលកាន់តែច្រើនសម្រាប់ប្រជាពលរដ្ឋមូលដ្ឋានក្នុងការធ្វើដំណើរ និងដឹកជញ្ជូនដំណាំកសិផលមកកាន់ទីផ្សារថែមទៀត។
អានបន្ថែម
ផ្លូវល្បឿនលឿន ភ្នំពេញ-ក្រុងព្រះសីហនុសម្រេចបានជាង ៧០% គិតត្រឹមខែវិច្ឆិកា
គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ មានប្រវែង ១៩០គីឡូម៉ែត្រ សម្រេចបាន៧០,៩៣%ហើយ គិតត្រឹមខែវិច្ឆិកា ឆ្នាំ២០២១នេះ។ ក្រសួងសាធារណការ និងដឹកជញ្ជូន បានបង្ហាញវឌ្ឍនភាពនៃការសាងសង់គម្រោងផ្លូវល្បឿនលឿននេះ ក្នុងអំឡុងពេលនៃការចុះពិនិត្យរបស់មន្រ្តីជំនាញក្រសួងដឹកនាំដោយ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន កាលពីថ្ងៃទី១០ កន្លងទៅ។ ផ្លូវនេះអនុវត្តការសាងសង់ដោយក្រុមហ៊ុន PPSHV Expressway Co., Ltd និងក្រុមហ៊ុនវិនិយោគបុត្រសម្ព័ន្ធនៃ ក្រុមហ៊ុនសាជីវកម្មស្ពានថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុន MINCONSULT SDN. BHD. គម្រោងនេះ ចំណាយរយៈពេលសាងសង់ ៤៨ខែ គ្រោងចំណាយថវិកាប្រមាណ ២០១៩លានដុល្លារ សហរដ្ឋអាមេរិក។ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ គឺជាគម្រោងផ្លូវល្បឿនលឿនទី១ និងជាគម្រោងផ្លូវ របៀងយុទ្ធសាស្ត្រសំខាន់បំផុតនៅកម្ពុជា ជួយកាត់បន្ថយពេលវេលាធ្វើដំណើរពីរាជធានីភ្នំពេញទៅកំពង់ផែសមុទ្រក្រុងព្រះសីហនុ ពី៥ម៉ោងថយមកនៅត្រឹមតែពីរម៉ោងប៉ុណ្ណោះ និងជួយកាត់បន្ថយតម្លៃដឹកជញ្ជូនផងដែរ៕ (អានបន្ថែម)
អានបន្ថែម
ជីប មុ៉ង លែន អង្រួនសក្ដានុពលតំបន់ពោធិ៍ចិនតុង ក្រោយបើកការដ្ឋានគម្រោងថ្មី ផាក លែន ពោធិ៍ចិនតុង
នៅព្រឹកថ្ងៃទី១១ ខែធ្នូ ឆ្នាំ២០២១ ជីប ម៉ុង លែន ដែលជាក្រុមហ៊ុនអភិវឌ្ឍអចលនទ្រព្យឈានមុខគេនៅកម្ពុជា បានរៀបចំពិធីបញ្ចុះបឋមសិលាសម្ពោធបើកការដ្ឋានសាងសង់គម្រោងអភិវឌ្ឍលំនៅឋានដ៏ថ្មីស្រឡាងមួយទៀតរបស់ខ្លួនក្នុងតំបន់ពោធិ៍ចិនតុង នោះគឺគម្រោង «ផាក លែន ពោធិ៍ចិនតុង»។ ជាមួយនឹងទីតាំងដ៏ល្អបំផុត ត្រឹមតែ២នាទីប៉ុណ្ណោះពីអាកាសយានដ្ឋានអន្តរជាតិភ្នំពេញ ស្ថិតនៅចំកណ្ដាលទីក្រុងដែលមានចរន្តសេដ្ឋកិច្ច និងពាណិជ្ជកម្មចម្រុះស្រាប់ គម្រោង ផាក លែន ពោធិ៍ចិនតុង នឹងជួយលើកកម្ពស់មុខមាត់តំបន់ពោធិ៍ចិនតុងឱ្យកាន់តែរីកចម្រើន ទាន់សម័យ និងមានភាពងាយស្រួលក្នុងការរស់នៅ ឬក៏ប្រកបអាជីវកម្មផ្សេងៗ។ អ្វីដែលលេចធ្លោបំផុតរបស់គម្រោង ផាក លែន ពោធិ៍ចិនតុង គឺសួនឧទ្យាន ផាក លែន ពោធិ៍ចិនតុង ដែលមានដើមឈើតូចធំចម្រុះពណ៌ ផ្តល់ជាម្លប់ត្រឈឹងត្រឈៃតាមដងផ្លូវ នាំមកនូវបទពិសោធន៍នៃការរស់នៅប្រកបដោយផាសុកភាពទាំងផ្លូវកាយនិងផ្លូវចិត្ត។ តើលោកអ្នកត្រៀមខ្លួនហើយឬនៅ? សម្រាប់ព័ត៌មានលម្អិតអំពីគម្រោងនេះ លោកអ្នកអាចអញ្ជើញទៅកាន់ការិយាល័យលក់ ជីប ម៉ុង លែន ណាមួយដែលនៅជិតលោកអ្នកបំផុតចាប់ពីថ្ងៃនេះតទៅ ឬក៏សាកសួរតាមរយៈលេខទូរសព្ទ 061997888 ។ គេហទំព័រ៖ http://www.chipmongland.com ឬឆាតជាមួយក្រុមការងារតាមតំណរភ្ជាប់៖ https://t.me/chip_mong_land
អានបន្ថែម
WB ៖វិស័យសំណង់និងអចលនទ្រព្យ ទំនងនឹងមិនងើបឡើងវិញទេឆាប់ៗនេះទេ
វិស័យសំណង់ និងអចលនទ្រព្យនៅកម្ពុជានៅតែស្ថិតក្រោមសម្ពាធដែលកើតចេញពីវិបត្តិកូវីដ ហើយទំនងនឹងមិនទាន់ងើបឡើងវិញខ្លាំងទេ ក្នុងពេលឆាប់ៗខាងមុខនេះ បើទោះបីជាការព្យាករណ៍កំណើនសេដ្ឋកិច្ចឆ្នាំ ២០២២ មានដល់ ៤,៥% ក្ដី។ នេះបើយោងតាមរបាយការណ៍របស់ធនាគារពិភពលោកចេញផ្សាយនៅថ្ងៃទី ៩ ខែធ្នូ។ របាយការណ៍បន្ដថា គម្រោងអភិវឌ្ឍន៍ពាណិជ្ជកម្ម និងខូនដុធំៗ បានបន្តរងផលប៉ះពាល់ខ្លាំងពីការបាត់វិនិយោគិនបរទេស។ លើសពីនេះ ការផ្គត់ផ្គង់ក៏លើសតម្រូវការ ដោយសារតែការផ្ទុះខ្លាំងនៃវិស័យនេះមុនវិបត្តិកូវីដ។ ជាក់ស្ដែង គម្រោងជាច្រើនត្រូវបានពន្យារពេលបញ្ចប់ការសាងសង់ទៅឆ្នាំក្រោយ។ ការធ្លាក់ចុះនេះគឺបណ្តាលមកពីកត្តាដូចជា ការរំខាននៃខ្សែសង្វាក់ផ្គត់ផ្គង់សំណង់ កង្វះពលករ បញ្ហារំហូរសាច់ប្រាក់ និងការលក់យឺតជាងការរំពឹងទុក។ ប៉ុន្តែឃើញថា អចលនទ្រព្យលំនៅឋានតម្លៃទាប និងតម្លៃសមរម្យ គឺនៅតែមានភាពរឹងមាំ។ ដូចគ្នាដែរ សម្រាប់វិស័យសំណង់ ក្នុងរយៈពេល ៩ខែដំបូង នៃឆ្នាំ ២០២១ ទាំងទុនវិនិយោគ និងទំហំសំណង់ បានថមថយ ២៤,៨% និង ១៧,១% រៀងៗគ្នា បើធៀបនឹងឆ្នាំមុន។ ធនាគារពិភពលោកបន្តថា អ្វីដែលគួរឱ្យបារម្ភជាងនេះទៀតគឺ បើវិបត្តិនេះបន្ដយូរ វានឹងជះឥទ្ធិពលអវិជ្ជមានដល់ហិរញ្ញវត្ថុរបស់អ្នកអភិវឌ្ឍក្នុងស្រុក ហើយក៏នឹងបន្តបង្កហានិភ័យដល់វិស័យហិរញ្ញវត្ថុទាំងមូល។ លើសពីនេះ ទោះបីជារដ្ឋមានវិធានការជួយសម្រួលក្ដី តែវានឹងអាចជួយឧស្សាហកម្មនេះ បានក្នុងរយៈពេលខ្លីប៉ុណ្ណោះ។ ជាចុងក្រោយ ធនាគារពិភពលោកថា […]
អានបន្ថែម
WB៖ កំណើនឥណទានវិស័យសំណង់ និងអចលនទ្រព្យ នៅតែជាហានិភ័យសម្រាប់សេដ្ឋកិច្ចកម្ពុជា
កំណើនកម្ចីដ៏ច្រើនលើសលុបក្នុងវិស័យសំណង់ និងអចលនទ្រព្យ នៅតែជាហានិភ័យចម្បងសម្រាប់ស្ថិរភាពហិរញ្ញវត្ថុរបស់កម្ពុជា បើទោះជាកំណើនសេដ្ឋកិច្ចឆ្នាំ២០២២ ត្រូវបានព្យាករថាកើន៤,៥% ក្ដី។ នេះជាការរកឃើញរបស់ធនាគារពិភពលោក ដោយបានបញ្ជាក់នៅក្នុងរបាយការណ៍ ស្តីពីបច្ចុប្បន្នភាពសេដ្ឋកិច្ចកម្ពុជា ចេញផ្សាយកាលពីថ្ងទី៩ ខែធ្នូ។ របាយការណ៍បញ្ជាក់ថា ឥណទានក្នុងវិស័យសំណង់ និងអចលនទ្រព្យ បានចាប់ផ្តើមកើនឡើងវិញជាបន្ដបន្ទាប់ ចាប់ពីចុងឆ្នាំ ២០២០ ក្រោយធ្លាក់ទាបខ្លាំងមួយរយៈធំ។ ឥណទានដែលផ្ដល់ឱ្យវិស័យសំណង់ អាជីវកម្មអចលនទ្រព្យ និងកម្ចីទិញផ្ទះ គិតត្រឹមខែឧសភា ឆ្នាំ ២០២១ មានដល់ទៅ ១១ ពាន់លានដុល្លារ ឬស្មើនឹង ៣៣% នៃឥណទានក្នុងស្រុកសរុប។ ការរួមចំណែកនេះ គឺកើនឡើង ១០,៧% ដែលជាការកើនឡើងខ្ពស់។ កត្តានេះ បូកនឹងកត្ដាផ្សេងៗទៀត បានធ្វើឱ្យ សមាមាត្រឥណទានធៀបនឹងកំណើន GDP បានកើនឡើងរហូតដល់ ១៥៨% ត្រឹមខែកញ្ញា ឆ្នាំ២០២១ ពោលគឺកើនឡើង ២២% ពីខែធ្នូ ឆ្នាំ២០២០។ គួរបញ្ជាក់ថា ហានិភ័យកំណើនកម្ចីវិស័យសំណង់ និងអចលនទ្រព្យ នេះគ្រាន់តែហានិភ័យមួយប៉ុណ្ណោះ។ ស្ថិរភាពហិរញ្ញវត្ថុ ក៏មានហានិភ័យផ្សេងទៀត ដូចជាភាពមិនច្បាស់លាស់នៅជំងឺកូវីដ និងការថមថយនៃសេដ្ឋកិច្ច […]
អានបន្ថែម